Post: #1
Title: كنتـوشـــة الدايــة... البشتـنـت الغنمــاية
Author: سجيمان
Date: 03-09-2004, 07:00 PM
Parent: #0
جاني عبد الدائم... راجلي... رابط كرعينا الاربعة مع بعض...وشايلا بيد واحدة..ومدلدلا.... انا من بعيد قلت.... يا ربي... عبد الدائم دا جايب لو شنطة سامسونايت.... من وين؟..... علا وقت قرب عرفتها دي غنمايتنا الحمرا.... يا خديجة اختي...... جدعا في الواطا.... وقال لي تعالي شوفي النصيبة البقت علي غنمايتك.... واقرب منها والقاها ملفوفا بي شاش.....ومليان دم...وافرتق الشاش ....واشوف الما يتشاف يا خديجة اختي واخت ايدي فوق راسي..وويبب..وب علي وب علي... دا شنو يا عبدالدائم؟.... قال لي دي كنتوشة الداية.... لقيتا قاعدة تطهر في غنمايتك يا التومة..... جايبه لها اربعة نسوان غُلاد.. ماسكات الغنماية... وكنتوشة شغالة....الله يا زاكي يا كنتوشة....اريت ربي يبشتنك كدي... كان بشتنتي غنمايتي...ويا خديجة.... نان هي طهارة السواد والرماد.... لي عند الشطور قطعتن... يا خديجة.....ومخيتاها بي خيت دبارة....تحلفي من تحت تقولي قُفة....عبد الدائم دا قدر ما شحدا وقال لها يا كنتوشة.... ادينا الشطور بس عشان نشوف طريقة نرقعن.... الباقي ماني دايرنو ابت كلو كلو.....وقال سمعا تسعال من الملح والقرض... قالت دايره.. تملح الشطور وتدبغن...وتسويهن ستيانة.... لي بنتها المعصعصة ديك.....شفتي جنس الحقارة دي يا خديجة اختي؟.....اتي عارفة انا لي كم يوم كدي.... اشوف كنتوشة دي ومعاها..ولدا الدلاهة داك.... الولد ماسك الغنماية....وواقف....وكنتوشة متفنة في الواطا من ورا الغنماية....وشايله لها كتاب... وفاتحاهو.... وتقرا في الكتاب وتأشر بي اصبعها علي البكان الختري الفي الغنماية.....وقت سعلتها قالت لي عندي امتحانات وقاعدة اذاكر في غنمايتكم..... باقي هي في مدرسة الدايات...انا قلت النضم دا نظري.... ماني قايلها حتى العملي تذاكرو في غنمايتنا.....والله يا خديجة طهارة الغنماية دي موجعاني جنس وجع ما يعلم بو علا الله.....وليهو حق الكابلي كان غنى ليها........
كلميني...... يا الغنمااااااااااااااااية
كلميني..........
كلميني يا الغنما..ما...ما..ما..ماية
شايفك زعـــــــــلانة
بشتنتك...... الدااااااااية
ولاّ.... صابك.... دُعااااانا
كلميني.........
يا الغنما.....ما....ما...مااااااية
|
Post: #2
Title: Re: كنتـوشـــة الدايــة... البشتـنـت الغنمــاية
Author: Tabaldina
Date: 03-09-2004, 07:08 PM
Parent: #1
..
.
كنتوشة دى داية وجراح نساء وولادة ؟؟
والله يادوك
اليومين دى الواحد يقرا ويحلل ، بتشوتوا الكوره
زى الموزة نقول اوت نلقاها جوه الشبكة ..
ما احلى الاسكرووو ..
سلام
|
Post: #7
Title: Re: كنتـوشـــة الدايــة... البشتـنـت الغنمــاية
Author: سجيمان
Date: 03-10-2004, 12:11 PM
Parent: #2
تبلدينا
افتح البوست...وسمي بالله واقراهو....حتلقى المعنى اتغير
|
Post: #3
Title: Re: كنتـوشـــة الدايــة... البشتـنـت الغنمــاية
Author: zumrawi
Date: 03-09-2004, 07:12 PM
Parent: #1
سى جى
ماداية السرور مش برضو غنمايتكم لقت شرف انها اول غنماية تتطهر
عايز اغيظك بس
|
Post: #4
Title: Re: كنتـوشـــة الدايــة... البشتـنـت الغنمــاية
Author: ASAAD IBRAHIM
Date: 03-09-2004, 10:30 PM
Parent: #3
اخونا
انا ملاحظ انك بتتطور شوية شوية
انت ماشي وين؟؟؟؟؟؟؟؟
|
Post: #21
Title: Re: كنتـوشـــة الدايــة... البشتـنـت الغنمــاية
Author: سجيمان
Date: 03-10-2004, 10:52 PM
Parent: #4
اسعد
ابدا وحاتك ماني ماشي اي حتة
حدي غنمايتي دي
|
Post: #9
Title: Re: كنتـوشـــة الدايــة... البشتـنـت الغنمــاية
Author: سجيمان
Date: 03-10-2004, 01:29 PM
Parent: #3
زمراوي
والله العظيم الغنماية مو اللتنا
|
Post: #5
Title: Re: كنتـوشـــة الدايــة... البشتـنـت الغنمــاية
Author: Osman Hamad
Date: 03-10-2004, 00:41 AM
Parent: #1
انت ياسجيمان...مش كنتوشة الداية دى..ياها ذاتا العملت لجدادة ام الخير عملية كَحِت؟؟؟
|
Post: #11
Title: Re: كنتـوشـــة الدايــة... البشتـنـت الغنمــاية
Author: سجيمان
Date: 03-10-2004, 02:58 PM
Parent: #5
عثمان حمد
لا ما عملية..... كحت
زكبت لها لولب غلط
|
Post: #6
Title: Re: كنتـوشـــة الدايــة... البشتـنـت الغنمــاية
Author: abas
Date: 03-10-2004, 06:19 AM
Parent: #1
سجيمان الحبيب
قلت لي عاوزه تسوي الشطور شنو
|
Post: #8
Title: Re: كنتـوشـــة الدايــة... البشتـنـت الغنمــاية
Author: ebrahim_ali
Date: 03-10-2004, 12:29 PM
Parent: #6
الحبيب سيجمان تحياتي احترم جداً كتاباتك الساخرة التي نلوذ إليها عندما تكثر المشاكل داخل المنبر ولكن أسمح لي أن أقول لك أنه لم يحالفك التوفيق في طريقة العرض هذه التي تتحدث بها أرجو أن لا تفهمني خطاء فأنا هنا أحببت أن أقول لك هنا تجاوز صريح للخطوط الحمراء فمعك أخوات وزوجات وأمهات وخالات وعمات عزيزات وأخوة أفاضل فأتمنى أن لا ننجرف وراء لغة غريبة على المنبر تهتم بتفاصيل ـ لا أري أنها ضرورية ـ للطرح هنا .
مع خالص تحياتي ومعزتي
|
Post: #10
Title: Re: كنتـوشـــة الدايــة... البشتـنـت الغنمــاية
Author: Tumadir
Date: 03-10-2004, 02:24 PM
Parent: #8
شعرة جلدى كلبت..مفروض تغنم طبعا..لكن الغنمايه وجعتنى..
البورد ده بقى فيه عنف لفظى..لى درجة سجيمان يا اخوانى؟؟ تانى نقبل وين؟؟
|
Post: #12
Title: Re: كنتـوشـــة الدايــة... البشتـنـت الغنمــاية
Author: شرير والبرتقاله
Date: 03-10-2004, 02:59 PM
Parent: #10
سجيمان
صباحاتكم بنكهة
البرتقال
| Quote: قالت دايره.. تملح الشطور وتدبغن...وتسويهن ستيانة.... لي بنتها المعصعصة ديك |
هي وكت معصصة الستيانه عايزه بيها شنو
دي محتاجة ليها اخصائي سيلكون
|
Post: #18
Title: Re: كنتـوشـــة الدايــة... البشتـنـت الغنمــاية
Author: سجيمان
Date: 03-10-2004, 06:41 PM
شرير الحاقر بالبرتكانة
قلنا لك ستيانة بكل محتوايتا
|
Post: #16
Title: Re: كنتـوشـــة الدايــة... البشتـنـت الغنمــاية
Author: سجيمان
Date: 03-10-2004, 05:37 PM
Parent: #10
تماضر
العنيفة كنتوشة.....مو نضمي
|
Post: #15
Title: Re: كنتـوشـــة الدايــة... البشتـنـت الغنمــاية
Author: سجيمان
Date: 03-10-2004, 03:40 PM
Parent: #8
الحبيب علي ابراهيم
شكرا جزيلا.....وان شاء الله كلامك علي العين والراس
لكن شاحد الله كل غنماية ربنا يسوي لها ضنب طويل عشان تستر من شيل الحال دا
|
Post: #13
Title: Re: كنتـوشـــة الدايــة... البشتـنـت الغنمــاية
Author: سجيمان
Date: 03-10-2004, 03:23 PM
Parent: #6
ستيانة....ستيانة يا عباس... ستيانة بي محتوياتا... يعني ما عليها علا تركبا وتقدل.....وناس اللحو يغنو...... النهود تهتز دا المجننا الليل.... دا المجننا.....
|
Post: #14
Title: Re: كنتـوشـــة الدايــة... البشتـنـت الغنمــاية
Author: ست البنات
Date: 03-10-2004, 03:36 PM
Parent: #13
انت يا سيجيمان مش نوارة البورد بس , انت الصباح الضاحك , وربنا يفرحك ويديك كل خير , انت يا سيجيمان شحت ربى الفرح ما يفارقك , والله بترسم الضحكة على وجوهنا بعد ما قلنا الضحك فارقنا فى الزمن العصيب دا ...
وشكرآ ليك والله يخليلك أم الخير والوليدات وغنمايتك الجديدة , ديك اصلها ما فيها فايدة باقيلى ماتت ! مو كدى , ولا يهمك أنا برسللك نعجى وعبور من اللات البلد دى , زى الجابن أبو حريرة زمان ديلك , سومان وأومان وماب ينقدر عليهن , والله كنتوشة أكان قربت منها تحلبها ساكت , عيلى تلفخها ليك تجيبلك
تار غنمايتك ...قف,
نشاطركم الأحزان , وندين كنتوشة المجرمة , ونطالب برفع شكوى لجمعية الرفق بالحيوان ..
والله يا سيجيمان شوف عينى واحدة جات فى التليفزيون عندنا هنا شايلالها خفاشين ( وطواطين ) ( أبو الرقيعين ) قالت للدكتور وقعن وجنحيهن اتكسرن , وتبكى وتتنخج أتقول ماتلها زول ! والدكتور يوازر فيها ويدى فيها فى المناديل , وهى تتمخت فيهن وترجفن ليهو , وهو يمسكن منها يرميهن فى سبت الوسخ !!!
غايتو غنيمايتك المسيكينى كان شافت المنظر دا , انت وكنتوشة بتدخلكم السجن ...
|
Post: #19
Title: Re: كنتـوشـــة الدايــة... البشتـنـت الغنمــاية
Author: سجيمان
Date: 03-10-2004, 07:58 PM
Parent: #14
ست البنات
قلتي لي المرا تبكي عشان وطواطين؟..... الله يسامح لك يا حبوبتي ستورة.. يا الكتلتك الموراريا.... والناس كانو قايلناه ابو اللغود... يشيلو ويرصفو في حلقا بالعجين والملح... من مرضت لحدي ما ماتت ناس ابوي صارفين عليها شوالين عيش..... عجين ولبوخة...ودا ايام العيش كان بالقوبض
|
Post: #17
Title: Re: كنتـوشـــة الدايــة... البشتـنـت الغنمــاية
Author: ali othman
Date: 03-10-2004, 05:45 PM
Parent: #1
انت عبد الدائم البيوديهو لطهور الاناتي شنو قايتو جنس شلاقة منو
|
Post: #20
Title: Re: كنتـوشـــة الدايــة... البشتـنـت الغنمــاية
Author: سجيمان
Date: 03-10-2004, 09:08 PM
Parent: #17
علي عثمان
عبد الدائم جاء ماشي صدفة...ولقى الطهارة شغالة
|
|