Post: #1
Title: انتحــار ليمــون بــارا
Author: سجيمان
Date: 04-04-2004, 08:01 AM
Parent: #0
الشكية لي اب ايدن قوية....
الشكية لمن يهمه الامر
انا سجيمان المتغرب ..... ليهو تمانية سنوات من البلد... التكتح ما عندي....فلاحتو يلد... الحول بي زول...
وقت اشتاق للبلد وريحة البلد... امشي سوق البهائم... عشان اتفرج في خرفان التصدير الجاية من السودان.... لكن.... اريتن خرفان السواد والرماد.... المعصعصات....الدموعن ديمة جارية..ومخاخيتن جارية..الخروف كلو كرعين.... ولا احسن لاعب سله...... وديمة مدنقرات ويعاينن للواطا....كل الخرفان الجايات من برا ...رافعات روسينن علا خرفانا نحن....وسبحان الله ابصم بالعشرة الخرفان ديل طُرُش...وبُكُم...قعدت جنبهن مشيت افسح الوليدات.. قعدن جنبهن ساعتين دايرين واحد يقول باع... ما قال....قدر ما وليدي صفق عشان الخرفان ديل يرفعن روسينن والله يجرن ساكت...حلفن لا يرفعن روسينن ولا يجرن....انا المتغرب سجيمان اطالب بدورة تدريببة لخرفان التصدير..في الكلية الحربية....وتعليمهم مشيات المارشات العسكرية...وغرس عزة النفس فيهم...قبل التصدير بمدة كافية....لكي يرفعن روسينن وروسين السودانين العاملين بالخارج.....وكفاية نحن المدنقرين روسينا......
الشكية لي اب يدن قوية
الشكية لمن يهمه الامر
اطالب انا المتغرب سجيمان والذي يدفع رسوم قناة فضائية من عرق جبينو... اطالب ..بوضع برميل زيت ولا صفيحة دهن كركار في باب التلفزيون... والمسوح اجباري لكل داخل الي الدار.... اطالب بي نقض شعر بادي محمد الطيب وتمشيطو مرة اخري السودان قفل ويصبغوهو بي صبغة سوداء..عشان اقدر اميز انو دا شعر ...مو سبيطة بلح ناشفة وشايلا بادي في راسو....اطالب بتصغير شنب علي اللحو....كما اطالب وبقوة سحب العكاز من يد الفنانة تريزا....لانو وبكل وضوح لما تجي تغني قاعدة تنهر وتهز العكاز....انا انط وبنيتي تصرخ...والتلفزيون يتقلب في الواطا.......والكهرباء تقطع.ومرة جاتنا جارتنا وهي حامل وعلي التعترا جات تغني تريزا..ومرة الناس مسيكينة اتخلعت ورمت جناها الله يعوض عليهم...المصيبة انو جنين انابيب صارفين عليهو الوراهم والقدامهم....كما اطالب بانصاف ليمون بارا...ويجيبو ليهو صورة في الفيديو كليب العاملو عبد القادر سالم... الكلو ناس قاعدين يتصارعو...ويكورك والناس كلها تكورك ليمون بارا ليمون بارا...ولا ليمونة واحدة مافيهو....اوعى تقولو لي ليمون بارا متحجب.....كما اطالب بقوة انو يورونا راس كمال حامد...لانو من دخل التلفزيون وهو مغتي راسو وانا لي حسي ما شفتو وداير اشوفو....مش بي قروشي؟
|
Post: #2
Title: Re: انتحــار ليمــون بــارا
Author: Hashim.Elhassan
Date: 04-04-2004, 08:25 AM
Parent: #1
يا دكتور
سلامتك!!!
إنت صحيت من النوم بي( طمام ) و مشتهي ليك ليمونة؟؟
ما كنت تقضي الويك إند مصاقر التلفزيون و تبقى في حالة كريت و جلدها!!!..ما كان البورد احسن لك و ياك ليمونتنا الراجينها!!
كدي حسّع قوم شوف ليك ANTIACID سريع عشان ما تقابل ام الخير بي وشّك ده !!! و الهضربة ركبلها درب كينا بعدين...
توقيع: قارئ يرجو لكم دوامين و التالت في المنبر..
|
Post: #8
Title: Re: انتحــار ليمــون بــارا
Author: سجيمان
Date: 04-04-2004, 11:28 AM
Parent: #2
هاشم الحسن
| Quote: توقيع: قارئ يرجو لكم دوامين و التالت في المنبر.. |
نرجو لي دوامين في البورد والتالت محل اكل العيش
|
Post: #3
Title: Re: انتحــار ليمــون بــارا
Author: EMU إيمو
Date: 04-04-2004, 08:34 AM
Parent: #1
سجيمان
راس كما حامد لو صبوا فيهو جك مويه ما ما بتدفق
وناس التلفزيون برضو اطلب منهم ان يجيبوا عدد من
البزات والكرافت (مش كرافت ألفا)وشوية أحزمة
يجبر الضيوف على إرتدائها
أما ليمون بارا دا فهو لم ينضج بعد
وعشت وعاشت خراف بلدي
|
Post: #9
Title: Re: انتحــار ليمــون بــارا
Author: سجيمان
Date: 04-04-2004, 01:12 PM
Parent: #3
ايمو
| Quote: وعشت وعاشت خراف بلدي |
خراف بلدي لو كانت في دنقيرا دا ان شاء الله ما تعيش
|
Post: #4
Title: Re: انتحــار ليمــون بــارا
Author: Ahlalawad
Date: 04-04-2004, 08:35 AM
Parent: #1
يا دكتور ...
سجيمان
|
Post: #5
Title: Re: انتحــار ليمــون بــارا
Author: Habib_bldo
Date: 04-04-2004, 08:51 AM
Parent: #4
يا حليلك يا سجيمان
أشتهيت ليمون بارا الاخضر وكبارا
واله أشتقت للمشتهنك في غيابك
أنت غايب من الوطن ليك تمانية سنين ؟؟؟ أمش أقعد هناك مع الكالحين الغبش وفي يومين ستصبح مثلهم وتتغبر وتتعفر زيهم
وكويس إنك بتمشي سوق الغنم عشان ما تنسى ماضيك الجميل
أنا اسبوعيا بطلع البر مع الاطفال وبخليهم في الحصا والتراب وبخليهم حفاياكمان
وأنت ما سمعت أغنية محمد سلام البيقول فيها (قام اتعزز الليمون عشان بالغنا في ريده)
|
Post: #6
Title: Re: انتحــار ليمــون بــارا
Author: عشة بت فاطنة
Date: 04-04-2004, 09:18 AM
Parent: #5
قت لي خرفان بارا عايزات مشيط ؟
|
Post: #13
Title: Re: انتحــار ليمــون بــارا
Author: سجيمان
Date: 04-04-2004, 09:09 PM
Parent: #6
عشة بت فاطنة
| Quote: قت لي خرفان بارا عايزات مشيط ؟ |
هههههههههههه يبقى عليهن الدنقير والمشيط؟..... يا كافي البلا
|
Post: #11
Title: Re: انتحــار ليمــون بــارا
Author: سجيمان
Date: 04-04-2004, 08:26 PM
Parent: #5
حبيب بلدو
| Quote: أشتهيت ليمون بارا الاخضر وكبارا |
والله اشتهيت كل شي..... من الواطا.. لي السماء ابقمرا الما بتشبه قمراة الغربة
|
Post: #10
Title: Re: انتحــار ليمــون بــارا
Author: سجيمان
Date: 04-04-2004, 04:05 PM
Parent: #4
اهل العوض........
|
Post: #7
Title: Re: انتحــار ليمــون بــارا
Author: دورنقاس
Date: 04-04-2004, 10:37 AM
Parent: #1
سيجمان
| Quote: انا سجيمان المتغرب ..... ليهو تمانية سنوات من البلد... التكتح ما عندي |
العب غيرا.. بس فلوس التذاكر + عدم الموجب فى الفرح والترح لمدة تمانية سنوات + الهروب من دفع الضرايب لنفس المدة + فلوس الشغل البرانى
و تقول التكتح ماعندى ياخى ربنا يزيدك
| Quote: فلاحتو يلد... الحول بي زول |
دى مابلقاها زولن صيدو ناجع
فلاحة التابا
| Quote: وقت اشتاق للبلد وريحة البلد |
| Quote: امشي سوق البهائم... عشان اتفرج في خرفان التصدير الجاية من السودان |
دا كلام بيعلقك فى طوطحانية بكرى عدييييييييييييل
| Quote: قدر ما وليدي صفق عشان الخرفان ديل يرفعن روسينن والله يجرن ساكت...حلفن لا يرفعن روسينن ولا يجرن |
صفقة السجم ود السيجمان لا خيرا فيها ولا دخانا يعمى
كان احسن لو ولدك رفع ليهن صورتك المسجمة دى كان رفعن روسنين وزغزتن
| Quote: ..ومرة الناس مسيكينة اتخلعت ورمت جناها الله يعوض عليهم...المصيبة انو جنين انابيب صارفين عليهو الوراهم والقدامهم |
ياخى عوضم حولى أو حولية
| Quote: اطالب بانصاف ليمون بارا...ويجيبو ليهو صورة في الفيديو كليب العاملو عبد القادر سالم |
فى زمن العصر دا .. جايى تسعل عن ليمون بارا.. لو داير قشرو حاكلمون يعصرهو لامن يجيب الزيت ويرسلوا ليك منو قزازة تتمسح بيهو
عشان تبقى حامض حلو.. يا حلو ... والله حلو
|
Post: #12
Title: Re: انتحــار ليمــون بــارا
Author: soma
Date: 04-04-2004, 09:09 PM
Parent: #7
سجيمان الفنان .. تتجازا بالخير يا العشا..
(اطالب بي نقض شعر بادي محمد الطيب وتمشيطو مرة اخري السودان قفل ويصبغوهو بي صبغة سوداء..عشان اقدر اميز انو دا شعر ...مو سبيطة بلح ناشفة وشايلا بادي في راسو..)
يا سجيمان ..
بالجد دى بالغت فيها .. ياخى الراجل محنن شعرو ..عشان كده انت بتشوفو اغبش ومتل السبيطه .. ما بحب السواد ..انت مالك عليه ..
لوووووووووووول سجيمان
|
Post: #15
Title: Re: انتحــار ليمــون بــارا
Author: سجيمان
Date: 04-04-2004, 11:00 PM
Parent: #12
سوما
| Quote: بالجد دى بالغت فيها .. ياخى الراجل محنن شعرو ..عشان كده انت بتشوفو اغبش ومتل السبيطه .. ما بحب السواد ..انت مالك عليه |
خلاص لو عاوزينو على كيفو ما يدفعونا حق تظكرة الفضائية...يا اما نطلب الدايرنو ومن حر مالنا
|
Post: #14
Title: Re: انتحــار ليمــون بــارا
Author: سجيمان
Date: 04-04-2004, 09:44 PM
Parent: #7
دورنقاس
Quote:
فى زمن العصر دا .. جايى تسعل عن ليمون بارا.. لو داير قشرو حاكلمون يعصرهو لامن يجيب الزيت ويرسلوا ليك منو قزازة تتمسح بيهو
عشان تبقى حامض حلو.. يا حلو ... والله حلو |
والعصر...........
|
Post: #16
Title: Re: انتحــار ليمــون بــارا
Author: Ahlalawad
Date: 04-05-2004, 07:57 AM
Parent: #1
أبوي قال ليك .. القماش .. عراقي ما تعمل ليه زراير .
|
Post: #17
Title: Re: انتحــار ليمــون بــارا
Author: سجيمان
Date: 04-05-2004, 12:32 PM
Parent: #16
| Quote: أبوي قال ليك .. القماش .. عراقي ما تعمل ليه زراير . |
ســمِـح
|
Post: #18
Title: Re: انتحــار ليمــون بــارا
Author: سجيمان
Date: 04-05-2004, 06:18 PM
Parent: #17
5\4\2004
الساعة 7:00 مساء
التلفزيون يعتذر لي ليمون بارا
بعد دا كلو كمان بي تبكي؟...ما كفاية الشفتو منك والله اكتر من يبكي
سجيمان
|
Post: #19
Title: Re: انتحــار ليمــون بــارا
Author: bushra suleiman
Date: 04-05-2004, 07:13 PM
Parent: #1
ياسيجيمان ياخوى
ماسمعت المثل البقول(المشتهى الحنيطير يطير)
اها دى حتبقى عليك لو الجماعة عندكم سمعو بى قصة الخرفان البيعلموها المشيات العسكرية والذى منو..يقولو سيجيمان ده داير يعلم خرفاننا التمرد وكمان مابيعيد يقوموا(الخرفان )يعملوا انقلاب عسكرى
وعشان كده يدقوا ليك خروجا بلاعوده والمشتهى الحنيطير يطير..
اناغايتو عارف يطير معناها شنو،لكين الحنيطير(نهى)ومعاها هزة راس
|
Post: #20
Title: Re: انتحــار ليمــون بــارا
Author: سجيمان
Date: 04-05-2004, 08:48 PM
Parent: #19
بشرى سليمان
| Quote: اناغايتو عارف يطير معناها شنو،لكين الحنيطير(نهى)ومعاها هزة راس |
الحنيطير اركان حرب...... يا جنا كيفن ما بتعرفو؟
|
Post: #21
Title: Re: انتحــار ليمــون بــارا
Author: منوت
Date: 04-06-2004, 10:51 PM
Parent: #1
و ماذا عن " ليمون منوت " يا د. سجيمان ؟
يبدو أن الرماد ، و السجم كال خشم الليمون !!! ؟
|
Post: #22
Title: Re: انتحــار ليمــون بــارا
Author: الكناري
Date: 04-07-2004, 01:49 AM
Parent: #1
يا سجيمان يا رائع
صاحب الشعبية الكبيرة التي ربما قد لا تعلمها الناس عندنا في بلد غربتنا العجيبة جداً إن شعبيتك يا سجيمان الناس بدل ما تقول ماشين النت بيقولو ماشين نقراء لسجيمان وبيطبعو كتاباتك وبيصوروها وتتداول بين الناس بس أوعك تقول عاوز حق ملكيتي الفكرية .
وبختك الغناء بكسر الغين جاك وفارقت الفقر والنحس في واحد بعد ما شاف بوستك بتاع التكتح ماعندك قال عندو ليك 20 ألف دولار لانو كل ما يكون قرفان جنس قرف.........كعب خلاس ذي ما بتقول بيقراء روائعك دي القرف بيروح منو .
فدحين يا أخوي أديني البشارة وبكمل ليك باقي التفاصيل
ودمت يا رائع لمعجبيك
|
|