|
الحنكــــوش
|
هاي..... عمو
اهلا حبابك
عمو.... انت البابا بتاع كلتو؟
كلتو منو يا ولدي؟
كلتو البت الظريفة ديكي....؟
اها...قصدك كلتوم....... اااي ياني انا ابوها
تشرفنا يا عمو.............. لكن اصلو ما بناقشكم... بتبااااالغو عديل لكن.....عاملين لكم كوبي اند بيست..انا اصلا بدعلها وبقول ليها........كلتو...... لكن يا عمو اسم كلتوم حلو خلاص.... والله انا كنت اتمنى بابا يسميني كدا....... لكن اصر الا يسميني حليم... وتصدق يا عمو ماما ما عاوزة الاسم دا..... وكلتو بدلعني و بتقول لي حي حي....
حي حي؟
انا ....... ما حليم...... رايك شنو يا عمو اسمي حلو.. يجنن.. شرط زي ما بقولو الصعاليك قليلين الادب ديلاك...لكن يا عمو انا زعلان... شوية صغيرونة كدا من كلتو؟.....كل ما اعزمها علي ايس كريم ما بتاكل بالملعقة تاكل بمصابعينا التلاتة ديلاك...وبعدين دايما تاكل وخشمها فاتح...........وكل ما اقول ليها لا كلتو الاوتوكيت ... لا يا كلتو البرستيج..... هي تزعل هي شرسة خلاص يا عمو..... لكن احلى حاجة فيها شراستها.... ولو شفت يا عمو هي بتمووووووووت... في البتاع اللونو بيجي دا..... البيختوهو تحت الشفايف دا.... الزي الكاكاو دا.......ودايما تختو تحت شفايفها...
بتاع زي الكا كاو؟..... يختوهو تحت الشلاليف؟....... افو انا اخوك انت كلتوم بنتي..... قاعدة تسف الصعوط؟
ملحوظة بوست قديم.... نزل في سودان نت...قبل سنتين يعني ممكن حي حي حسي يكون ربنا تاب عليهو من الحنكشة وبقى شماشي...و يسف مع كلتو الصعوط
|
|
|
|
|
|
|
|
Re: الحنكــــوش (Re: almohndis)
|
حبيبنا ابو كلتو..لكن بوستيك ما شرط..لكن برضه اخوك زعلان منك بالحيل وطبعا تكون عارف ليه. ياخى مش حرام عليك تفرق بين قلبين كان مفروض يكون ضماهم غرام لو انت اتلحلحت معان شوية ؟ غايتو شكيتك لى الله.
| |
|
|
|
|
|
|
Re: الحنكــــوش (Re: قلقو)
|
قلقو
Quote: حبيبنا ابو كلتو..لكن بوستيك ما شرط..لكن برضه اخوك زعلان منك بالحيل وطبعا تكون عارف ليه. ياخى مش حرام عليك تفرق بين قلبين كان مفروض يكون ضماهم غرام لو انت اتلحلحت معان شوية ؟ غايتو شكيتك لى الله. |
الايام دي انا بمر بحالة بلادة موسمية...وغباء فاصل مداري.....وان شاء الله اتقلب حنكوش بعد العمر دا كان فهمت منك شي
| |
|
|
|
|
|
|
Re: الحنكــــوش (Re: سجيمان)
|
سجيمان سلام نقيب البوستات الشعبية بقيت تدخل البريستيج ؟ وقلت لى ـ كنت اتمنى بابا يسميني كدا....... لكن دى قوية شرطتنى بالضحك قالوا الحنكوشة ابت تشرب من موية القربة البربطوها فى اللورى وقامت احتجت قائلة ؛ حرام عليك يا انكل تشربنى من فستان الغنماية ؟
والببارى الجداد ...
| |
|
|
|
|
|
|
Re: الحنكــــوش (Re: alfatih)
|
سي جي الحبيب
إن أردت أن تعرف الفرق بين ( آيسكريم حي حى ) و ( ذات اللون البيجي تحت شلوفة كلتو ) ،، فهو الفرق تماما بين حى حى و كلتو ،، فذاك ذائب بارد و تلك لاسعة شرسة. أليس كذلك أيها النطاسي المحبوب ؟
| |
|
|
|
|
|
|
Re: الحنكــــوش (Re: alfatih)
|
الفاتح
Quote: حرام عليك يا انكل تشربنى من فستان الغنماية ؟ |
شوف الغبيانة دي.....فستان الغنماية مالو؟....اريتو فستان السرور.... اللا بيتقطع لا بيترقع
| |
|
|
|
|
|
|
|