Post: #1
Title: الشــمام حلــف مـا يضــارا
Author: سجيمان
Date: 04-07-2004, 09:12 AM
تصميم الازياء شغلانة ساهلة وهينة.... وكمان لزيزة.... المصمم يجيب ليهو اتنين متر قماش ويوزعو علي خمستاشر بت...ويقصو يستر الراس و القدم وبس....والشعر يلخبطوهو ويصوطوهو ويقولو دي موضة..... وبعد العرض والتصفيق....يجي المصمم ناطي...ويلمن فيهو البنات وكل واحدة تروح بايساهو....في جضمو...نعمة ما بعدا نعمة خمستاشر بوسة...وقروش كوم رز.... قررت اشتغل مصصمم ازياء وان شاء الله اهلي ينفضو ويجدعوني للكلاب...وحاصمم تسريحة الشعر مع الفساتين...اما الملابس الداخلية ما حاشتغل بيها تحاشيا لشيل الحال... يعني مثلا اعمل في الشعر عشرين كعكة وكل كعكة اربطا بي دلقان اخدر..واسمي التسريحة دي "ليمون بارا".... عشان ناس ليمون بارا ما يزعلو... اها قصرت معاهم؟....ولاّ الم الشعر كلو في قعر الراس من ورا..واخلي خصلتين من قدام.. خصلة ارقدا...والخصلة التانية ارفعا بي عود في زاوية ستين درجة مع الراس..وتكون دي تسريحة"بولة الكلب"....ولاّ احلق الشعر كلو...واخلي لي شعره واحدة في نص الصلعه اسمي التسريحة" ضرائب المغتربين".....او انكش الشعر كلو واوقفو زي الابر والونو لون احمر واسمي التسريحة دي" القيامة قامت في حلتنا"...
اما الفساتين.... دي حاجة بسيطة...اعمل فستان طويل يستر بس اخلي حتة كبيرة كدا فاتحة في الصدر...واسمي الفستان دا" الشمام حلف ما يضارا"...ولاّ قَصَة تانية... الف الصدر بي شلتوت واخلى البطن والسرة في الصقيعة...واستر التحت...واسمي الفستان" بئر ابو جابرة"..القَصة دي ما بتنفع مع سودانيات الداخل... لانو الغبار والعجاج الواحدة لو لبست كدا ورجعت البيت اخر النهار حتكون الصُرة اتردمت و علا تجيب لها كوريك وتشيل التراب منها....... ولا فستان يكون من قدام قافل من فوق لي تحت..ومن ورا الضهر كلو يكون برا... وما مغطى واسمي الفستان" الدوكة"....و قَصّة تانية..استر قدام كلو...وورا استر الضهر والكرعين...واكشف ما بينهما..واسمي القَصَة دي..." تيمان برقو المابتفرقو"....ولا اعمل بلوزة مع بنطلون البنطلون يكون كراع واحدة بس والكراع التانية مافي كلو كلو...واسميها " شريان الشمال"...ولاّ اسكيرت... يكون شفاف في النص من ورا ومن قدام...واسميهو "كاشف الرقم".......
باقي حاجة مهمة..... عشان ابقى نجم من نجوم تصميم الازياء العالمين....اغير اسمي...الي.... سجيمان دي بافوار
|
Post: #2
Title: Re: الشــمام حلــف مـا يضــارا
Author: saifkeli
Date: 04-07-2004, 09:36 AM
Parent: #1
أحوي .. سي جي
نسيت النعلت .. الشي دايرن يعرضن لك حفيانات
|
Post: #3
Title: Re: الشــمام حلــف مـا يضــارا
Author: ABU QUSAI
Date: 04-07-2004, 12:01 PM
Parent: #2
الله يديك العافية يا سجيمان دي بفوار ، الظاهر عليك متابع جيد للفشن تي في
|
Post: #6
Title: Re: الشــمام حلــف مـا يضــارا
Author: سجيمان
Date: 04-07-2004, 09:53 PM
Parent: #3
ABU QUSAI
| Quote: ، الظاهر عليك متابع جيد للفشن تي في |
ما عندي شغل غيرا...... لكن يا اخوي دا ماعرض ازياء.. دا عرض خيوط....الواحدة لابسه خيطين......وخلاص.....غايتو الساتر الله
|
Post: #4
Title: Re: الشــمام حلــف مـا يضــارا
Author: Ali Alhalawi
Date: 04-07-2004, 12:05 PM
Parent: #2
سـجيمان يا خوى أخطأ الشغلانية دى لأنو جـضمك ما بحـمل البوييس
لكن لو ركبت راسك شوف لى أخوك وظيفة لبّيس
|
Post: #9
Title: Re: الشــمام حلــف مـا يضــارا
Author: سجيمان
Date: 04-08-2004, 06:14 AM
Parent: #4
الحلاوي
| Quote: لكن لو ركبت راسك شوف لى أخوك وظيفة لبّيس |
خلاس يا الحلاوي.... لكن بعدين ما تعمل فيها شكار نفسو لبيّس...
|
Post: #5
Title: Re: الشــمام حلــف مـا يضــارا
Author: سجيمان
Date: 04-07-2004, 02:07 PM
Parent: #2
سيف كلي
| Quote: نسيت النعلت .. الشي دايرن يعرضن لك حفيانات |
انت من زمن النعلات؟........ خليك مع الموضة يا اخي
|
Post: #7
Title: Re: الشــمام حلــف مـا يضــارا
Author: حبيب نورة
Date: 04-07-2004, 09:59 PM
Parent: #5
والله لكن انت قديم جنس قدم
عليك الله انت لسة في الزمن داك؟
ياخي هسة التفصيل بقي البنت تخش
الحمام وممكن تستفيد من تقنية
الرغوات الصابونية وتمرق علي
السهلة يعني كلها صابونة فنيك
والبنية تمرق علي شارع الله أكبر
وكمان في دراسة جديدة أجراها
المعهد العالي للدراسات الحريمية
قسم المحزّق والملزّق اها الجماعة
ديل عملوا أستطلاع وفي النهاية
طلعوا بي نتيجة وانا لمن قريت
تقريرهم انو الملابس في الزمن دة
بتساعد في تدني مستوي الاناقة
وقالوا احسن الانطلاقة من غير
هديمات في الزمن أب كريمات
والله من وراء القصد يا سجمو
|
Post: #10
Title: Re: الشــمام حلــف مـا يضــارا
Author: سجيمان
Date: 04-08-2004, 07:59 AM
Parent: #7
حبيب نورة
يا اخوي عليك الله ما تعقد الامور... دراسات شنو واكاديمية شنو؟....دي ما دايرة اي دراسة... قماش ويقصقصوهو ويلبسوهو.... عليك الله خلينا نشوف اكل عيشنا
|
Post: #8
Title: Re: الشــمام حلــف مـا يضــارا
Author: Abd-Elrhman sorkati
Date: 04-07-2004, 10:05 PM
Parent: #1
...اما الملابس الداخلية ما حاشتغل بيها تحاشيا لشيل الحال
سجيمان0000 ودي كمان داخلة في عروض الازياء بتاعة الجماعة
يديك العفية 000
أقوليك حاجة خليك من موضوع الازياء دة بعيد لانك حا تبوظ الدنيا
مع حبي
|
Post: #13
Title: Re: الشــمام حلــف مـا يضــارا
Author: سجيمان
Date: 04-08-2004, 01:12 PM
Parent: #8
عبد الرحمن سوركتي
| Quote: سجيمان0000 ودي كمان داخلة في عروض الازياء بتاعة الجماعة |
امال ايه؟........وبعد مرات يكون رسم سااااكت بدون اي قماش... يعني رسم تجريدي
|
Post: #11
Title: Re: الشــمام حلــف مـا يضــارا
Author: فرح
Date: 04-08-2004, 08:03 AM
Parent: #1
سجووووووووووومى
صباح النور
|
Post: #12
Title: Re: الشــمام حلــف مـا يضــارا
Author: ترهاقا
Date: 04-08-2004, 10:25 AM
Parent: #11
سى جى
جينا مارين قلنا نشوف عروض ازياء اكتر
ما عند تصميم للسعوديات ؟
|
Post: #15
Title: Re: الشــمام حلــف مـا يضــارا
Author: سجيمان
Date: 04-08-2004, 03:23 PM
Parent: #12
Quote:
ما عند تصميم للسعوديات ؟ |
شوف تيمان برقو يمكن ينفع
|
Post: #14
Title: Re: الشــمام حلــف مـا يضــارا
Author: سجيمان
Date: 04-08-2004, 02:30 PM
Parent: #11
مساء الفل
|
Post: #16
Title: Re: الشــمام حلــف مـا يضــارا
Author: Adil Kadees
Date: 04-08-2004, 09:21 PM
Parent: #14
Salam ya C.J
You asked me before what C.J and D.J means. Sorry for the late asnwer as I was busy and here is the asnwer . D.J. means Disco jockey and he is the person who enertains others with the music and C.J is commedy jockey and you are the C.J of sudanese online!!!! Thanks for entertaining us with your nice and funny imagination ya C.J.
stay well
|
Post: #17
Title: Re: الشــمام حلــف مـا يضــارا
Author: سجيمان
Date: 04-08-2004, 09:41 PM
Parent: #16
شكرا للشرح يا عادل.....
|
Post: #18
Title: Re: الشــمام حلــف مـا يضــارا
Author: سجيمان
Date: 04-09-2004, 03:04 PM
Parent: #1
ترقبو تفصيلات وتسريحات جديدة باسماء اعضاء البورد.....فردا فردا
|
|