Post: #1
Title: الحمـــار...و.... الغنمــاية....و... الكلـــب
Author: سجيمان
Date: 04-03-2004, 03:10 PM
الواحد لما يكون سائق عربية....في شارع طويل.... اول ما يشوف حمار لازم يعمل حسابو..... لانو الحمار ما حيزح من الشارع وتلقاهو يتقدل بي راحتو....وانت تضرب في البوري وعاديك ضبانة في اضان فيل....اما الغنماية.... اصلا من الله خلقا دمها خفيف ومتحضرة الله يستر عليها...من بعيد اول ما تدخل الشارع...تقعد تتلفت..ولما تشوف عربية جاية بسرعه جدا تزوق....اما لو كان كلب.... امشي في مشيك وما تهدن ولا حاجة.... لانو اصلو حيقعد ينبح ويكورك....وتلقاهو ساكي العربية.... لمن يفتر....ويرجع تاني... يلم في عربية تانية نفس الحكاية..... لمن يزهج ويمشي اهلو.....
قالو" الله يكفينا شر قالو وقلنا"....... قالو الحمار والغنماية والكلب كانو راكبين باص....الحمار دفع للكمساري... عشان كدا تلقاهو يقدل في الشارع وواثق من نفسو..... الغنماية ما دفعت زاغت... بحق التذكرة...عشان كدا لما تشوف اي عربية تروح زايغة منها.....اما الكلب المسيكين....ادا الكمساري قروش وكان عندو باقي عند الكمساري والكمساري ما اداهو الباقي... عشان كدي تلقاهو ساكي اي عربية وداير الباقي.....
من الادب الشعبي
|
Post: #2
Title: Re: الحمـــار...و.... الغنمــاية....و... الكلـــب
Author: مريم بنت الحسين
Date: 04-03-2004, 04:29 PM
Parent: #1
الله يديك العافية يا دكتور
قلنا نرد الزيارة ...
تفسير سايكلوجوي عميق لتفسير سلوك الحمير والغنم والكلب.. وجدت لكل عذره..
بنت الحسين
|
Post: #5
Title: Re: الحمـــار...و.... الغنمــاية....و... الكلـــب
Author: سجيمان
Date: 04-03-2004, 08:20 PM
Parent: #2
بنت الحسين
عليك الله شنو ليكي؟.....مو اخير من اقعد اكاوي الناس...لكن عارفه الكلام الفوق دا بينطبق علي مغتربين السعودية.... مع جهاز المغتربين والسفارة..... غايتو انا غنمااااااية وكريت كمان...وما بنكر..... لكن في كترت حمير...عييييييييييييييييييييك
|
Post: #3
Title: Re: الحمـــار...و.... الغنمــاية....و... الكلـــب
Author: alfatih
Date: 04-03-2004, 05:14 PM
Parent: #1
سجيمان ود ابوى
السيدة الغنماية تنفع تكون حرامى
وعندها قانون كيف تفلت من الكبسة , اقصد الكشة
|
Post: #6
Title: Re: الحمـــار...و.... الغنمــاية....و... الكلـــب
Author: سجيمان
Date: 04-03-2004, 11:25 PM
Parent: #3
الفاتح
| Quote: وعندها قانون كيف تفلت من الكبسة , اقصد الكشة |
تقصد شنو بالكبسة؟........ ولا عاوز تغيظنا....نحن مغيوظين خلقة
|
Post: #4
Title: Re: الحمـــار...و.... الغنمــاية....و... الكلـــب
Author: 3mk-Tango
Date: 04-03-2004, 06:27 PM
Parent: #1
| Quote: اما الغنماية.... اصلا من الله خلقا دمها خفيف ومتحضرة الله يستر عليها...من بعيد اول ما تدخل الشارع...تقعد تتلفت..ولما تشوف عربية جاية بسرعه جدا تزوق. |
والله يا سجيمان لكن ما قصرت مع الغنماية كلو كلو... نحنا زمان قايلين الحكاية محصورة علي غنم المقرن بس كنا في امدرمان بنقول غنم المقرن تتلفت حتن تقطع شارع الظلط .. يعني الحكاية بقت سلوك عام .. كدي شوف لي سلوك غنم امدرمان البتاكل الدلاقين دي تكون من شنو ؟؟ حكمتو بالغة لوووول
:
تنقو
|
Post: #7
Title: Re: الحمـــار...و.... الغنمــاية....و... الكلـــب
Author: خالد الحاج
Date: 04-03-2004, 11:38 PM
Parent: #4
والله يا سجيمان حتي الغنم عندهم فهم ممكن نسميهو فهم جماعي.
صدق أو لا تصدق غنم المقرن والسكة حديد(الخرطوم) الواحدة تخت كرعينها القداميات في ضهر أختها
عشان تلحق فروع الشجرة المرتفعة وممكن نقول رفعة الرجلين في الضهر عادية يعني ممكن تكون فوق تكسي حيطة مكسورة بس المحيرني الغنماية التانية بتكون منتظرة لمن أختها تاكل ليه فرع فرعين من الجهنمية.
أما الكلب فأحكي ليك قصة علي قول أخونا أبو الريش.
عضاني كلب (ناس حاجة بتول) ومشيت للدكتور يا سجيمان يا أخوي قال 21 حقنة ناخد 11 حقنة ولازم أمش أشوف الكلب (حق ناس حجة بتول) حي ولا مات كان حي نقيف في ال11 حقنة وكان مات نتم ال21 شنو...حقنة..
المهم خلصت ال 11 حقنة يا سجيمان يا أخوي ومشيت أشوف شنو (كلب ناس حجة بتول) حي ولا مات، مشيت لامن وصلت جنب باب ناس منو (حجة بتول) يقوم يا سجيمان يمرق لي الكلب الما بيغباني وشنو يعضيني تاني.
|
Post: #8
Title: Re: الحمـــار...و.... الغنمــاية....و... الكلـــب
Author: الطيب بشير
Date: 04-04-2004, 04:45 AM
Parent: #7
سجيمان خليني النضحك في خالد دة أول حاجة عشان شليق, و .... بليييد في الحقن دي جايب أعد؟
أما البوست فلي سؤال عن غنم الإشلاق الما عندهن أخلاق.
لماذا يعتبر الناس غنم ال{قشلاق} أكثر ضراوة و عداوة و لفح و سفح و تلقيط من الكوش؟
هل لأنهن غنم الحيكومة زي حكاية عنز المك منو البيقول ليها تك؟
و لا لأنو غنم الإشلاق جيعانات لضيق ذات يد أهلهن فبيقومن يلافحن من طرف؟ أي حلة كاشفة أي ريكة ناشفة بس ستها ما تغفل منها كف, حتىالماسورة دي يفتحنها.
النبي فتوى كدة كاربة عن غنم الإشلاق.
|
Post: #13
Title: Re: الحمـــار...و.... الغنمــاية....و... الكلـــب
Author: سجيمان
Date: 04-04-2004, 07:57 AM
Parent: #8
الطيب بشير
| Quote: أما البوست فلي سؤال عن غنم الإشلاق الما عندهن أخلاق |
ولو انت راجل جيب سيرتن ولا اطراهن ولا انهرن ساكت....طوالي يفتحو فيك بلاغ....ويدخلوك حراصة....والتهمه الاساءة الي غنم الدولة اثناء تأدية واجبن....ويحلك الحلا ام بله
|
Post: #12
Title: Re: الحمـــار...و.... الغنمــاية....و... الكلـــب
Author: سجيمان
Date: 04-04-2004, 07:41 AM
Parent: #7
خالد الحاج
| Quote: مشيت لامن وصلت جنب باب ناس منو (حجة بتول) يقوم يا سجيمان يمرق لي الكلب الما بيغباني وشنو يعضيني تاني. |
يعني قضيت السنة ديك كلها تطعن في الحقن
|
Post: #11
Title: Re: الحمـــار...و.... الغنمــاية....و... الكلـــب
Author: سجيمان
Date: 04-04-2004, 07:34 AM
Parent: #4
عمي تنقو
| Quote: كدي شوف لي سلوك غنم امدرمان البتاكل الدلاقين دي تكون من شنو ؟؟ |
دا نوع من محاولة اعادة تصنيع النفايات.....مش قلت لك متحضرة
|
Post: #9
Title: Re: الحمـــار...و.... الغنمــاية....و... الكلـــب
Author: abas
Date: 04-04-2004, 06:40 AM
Parent: #1
اها يا سجيمان اخوي النسالك من العنز ( الضان )
ليه بتلاقيها واقفه ولو ضربت بوري ولا زغردة ما بتتحرك
تكون ماله دي فسرها لينا يلا
|
Post: #10
Title: Re: الحمـــار...و.... الغنمــاية....و... الكلـــب
Author: أبوالريش
Date: 04-04-2004, 06:47 AM
Parent: #9
سجيمـان،
الكبســة دى موش الــرز بالفـراخ؟
واللا حاجــة تانيــة.
|
Post: #15
Title: Re: الحمـــار...و.... الغنمــاية....و... الكلـــب
Author: سجيمان
Date: 04-04-2004, 08:16 AM
Parent: #10
ابو الريش
| Quote: الكبســة دى موش الــرز بالفـراخ؟ |
ممكن يكون بالفراخ او بلحم الخروف او بلحم البعير او بلحم الضب... كما يتناولها اخوانا السعودين رّد الله غربتنا
|
Post: #14
Title: Re: الحمـــار...و.... الغنمــاية....و... الكلـــب
Author: سجيمان
Date: 04-04-2004, 08:09 AM
Parent: #9
عباس
| Quote: اها يا سجيمان اخوي النسالك من العنز ( الضان ) |
اشجع الحيوانات المجترة.....واكثرها تحمل للالم....مرة شفت غراب ياكل في ضاناية مجروحة وهي ولا هاميها تاكل في البرسيم برضو...منتهى الشجاعة
|
Post: #16
Title: Re: الحمـــار...و.... الغنمــاية....و... الكلـــب
Author: صديق الموج
Date: 04-04-2004, 09:39 AM
Parent: #1
سجيمان:
اولا بمناسبة غنم الاشلاق الما عندهن اخلاق دى دايرين رد شرف
انا وحسن الجزولى....وباقى اولاد الاشلاق ممكن يوقعوا على هذه
المذكره لانو حسن حلف يوصل الكلام ده للمره الفايقه برجيت باردو.
ثانيا:الغنمايه البتتكلم عنها دى ياها غنمايتك حقت عمنول
والا غنمايتا جديده عشان ناخد راحتنا..باقى نحن مهنضبين!!
ثالثا:احكى ليك عن غنم ابروف وشوف عينى ما قول قايل
مره بنشترى فى سمك من عمك جابر وكان بيعمل سمك جنب مطعم
حسن بدير والراجل يحاحى فى الغنم من السمك والله والله تقوم
غنمايه فالحة تختف ليها سمكه وتجرى،انا قت تكون داسه ليها
شطه بى ليمون على الزرائب ديك والا شنو؟اتاريهن بيلحسن
الدقيق ويجدعن السمكه..والله على ما اقول شهيد لكن طبعا السمك وهو
نى..النجيض غايتوا ما شفتهن بسون معاهو شنو.
|
Post: #17
Title: Re: الحمـــار...و.... الغنمــاية....و... الكلـــب
Author: bayan
Date: 04-04-2004, 11:01 AM
Parent: #16
الدكتور سجيمان
تخصص علم نفس الحيوان
غايتو لو فى زول حللها على شخوص البورد دا الله معاك
|
Post: #19
Title: Re: الحمـــار...و.... الغنمــاية....و... الكلـــب
Author: سجيمان
Date: 04-04-2004, 11:20 AM
Parent: #17
بيان
| Quote: غايتو لو فى زول حللها على شخوص البورد دا الله معاك |
شخوص البورد يبرو ويستبرو يا يمة...من الحمير والغنم والكلاب.....الحلوين...اللا بيشبهوهم ولا بيلدو يزيدوهم.... كلهم بدون فرز......اها قصرت؟
|
Post: #18
Title: Re: الحمـــار...و.... الغنمــاية....و... الكلـــب
Author: سجيمان
Date: 04-04-2004, 11:10 AM
Parent: #16
صديق الموج
انا لم اذكر غنم الاشلاق بي سوء.....وماعارف انكم انت وحسن الجزولي من الاشلاق.... عل ياي حال انا اسف لو راس السوط لحق غنمكم....
يا اخوانا اصلو مافي زول ذكر الحمار...والله دا ضطهاد عدييييييل
|
|