هكذا هم ابناء بلدي............

مررت على بوست امرأة عاشقة من استايل د. المعز للحبيبة نادية عثمان.

فوجدت من اختلفوا معها في الصفحة الاولي واحتدم النقاش بينهم, يتبادلون معها المزاح ويضيئون

الصفحة الثانية بجمال روحهم ونبل اخلاقهم.

هكذا هم ابناء بلدي....


هكذا هم الادباء منهم, قوة في الحق وجمالا في الطرح, يعلمون ان اختلاف الراي لا يفسد للود قضية,,

فان تركنا الود جانبا, فاختلاف الراي لا ينزلق بهم الى ما دون الاحترام.

ترى لو عمل هؤلاء محل ساستنا, او اعطوهم نفحا من تلك الروح, اكان هذا الغثاء يجتاح المنبر؟؟؟؟؟

الى كل من اختلف مع اخر في هذا المنبر او غيره, هل لي بسؤال؟؟؟

عم تختلفون؟؟؟؟ على هذا الوطن؟؟؟؟ على من سيحكمه, ام من سيسكنه؟؟؟؟؟؟؟

لا اظنه يريد منكم سوى وجها مشرفا لمن يحملون هويته.

اختلفوا وتجادلوا وحاربوا التي تبغي حنى تفيء الى امر الله,, ولكن لا تنسوا ان دماءكم واحدة

واننا جميعا ابناء عازة. ولا اظنها تريد لابنائها هذا الانحدار.

جميعكم متعلمون واظن العلم نور , فلماذاتتخبطون في ظلمات بغيضة؟؟؟؟؟؟؟

ولماذا التراشق بالالفاظ ولماذا الفسق والمجون؟؟؟؟؟؟؟؟؟؟؟؟؟؟؟؟

اهكذا ستصلحون الوطن؟؟؟؟؟؟؟؟؟؟؟؟؟؟

اذن فلتصطلوا غير ماسوف عليكم بنار حرب انتم بسوسها.


مودتي لكم غير منقوصة كونكم من ابناء بلدي.

رشا

Quote: جميعكم متعلمون واظن العلم نور ,

الجهل انور

اخوك تائب تاني ما يشاكل زول

محل الناس مشكلين طوالي اعمل يمين دور

لكن بوست ناديه حاجة تمام

قلت ليها انا عسكرت هناك
قالت لي لا انت ما جيت , عايزه طبعا اكتب معهم

مافي زول بشاكل الاالجماعة اياها

Quote: مافي زول بشاكل الاالجماعة اياها

الجماعة اياها يا سيف مافي زول بلومهم عشان مبدأهم خير وسيلة للدفاع الهجوم, وهم عارفين انو

وشهم مننا في الارض.

عشان كدة لما يجي واحد منهم ويقول طيب احنا سيئين لكن اين البديل؟؟؟؟؟ بيكون فعلا اصابنا في

مقتل عشان بدائلنا لا تعكس الا صورة اخرى لهم.

وما بين هذا وذاك, لك الله ايها الوطن الخير الديمقراطي الذي حلمنا ببنائه يوما فلم نكن الا

معاول تهدمه بلا رحمة.

حضرت ولم اجدكم

معجب

Quote: حضرت ولم اجدكم معجب

وهكذا هم ابناء بلدي, نجاملك في السمح يا هشام.

العزيزة رشا

لك التحية

والله يا بتى كلامك سمح بالحيل

لكن تفتكرى الناس دى بتسمع ؟؟؟

يا ريتهم يسمعوا وكفى الله المؤمنين القتال...

مع خالص الود

Quote: لكن تفتكرى الناس دى بتسمع ؟؟؟

يا قرشو, شكلي بقت علي:

لقد اسمعت اذ ناديت حيا ولكن لا حياة لمن تنادي

تعرفى يا رشا ...

المشكله ما فى المهاترات والمشاكل داخل المنبر .. ماغايتو هنازى ما بقولو زيتنا فى بيتنا

المشكله الحقيقيه فى صورتنا بره ... زمان لما تقول سودانيين ... كانك بتقول جنيه دهب

لكن الليله !!!!!!!!!!!

حدث ولا حرج ..... وعجبى

رشا العزيزة

السلام عليك ورحمة الله وبركاته

لقد كنت كبيرة يا أخية ... نعم علينا أن نراعي أدبيات الحوار وأن لا نُسِّـفه فكر بعضنا البعض وأن نحترم أراء و توجهات الآخر وأن ندافع عن حقه في التعبير حاى إن كنا لا نتفق معه.
لك تقديري وإمتناني الأخوي ... حاشية: أليس الرشا هو الغزال أو الظبي الصغير؟ لكنك كبيرة وراقية

د. ابوبكر يوسف

د. ابو بكر

لكم اسعدتني كلماتك, وهي حقا كلمات افاخر بها.

لكم اردت ان يترفع ابناء هذا الوطن عن البذاءة وفحش القول والفجور في الخصام, ولكنهم ابوا الا

ان ينزلقوا في مستنقعات الضحالة ووحل الكلام , متناسين ان لسان الفتى نصف ونصف فؤاده فلم يبق

الا صورة اللحم والدم. (الدم دي زاتا فيها شك).

البت الرتينة رشا

ازيك يا حلوة يا ام الحلوة

مافي ناس بتختلف ابدا في ان الحوار يجب ان يكون منضبط
وانه الناس تقبل الاخر المختلف وتحترم اختلافه وخياراته.
لكن هناك من يحملون غير هذه الافكار
يظنون ان خيارات الاخر خطأ ولذلك يطاردونه بساقط القول..

الى ان نغير انفسنا ونتقبل الراي المختلف
دون حزازات شخصية
حيظل الحوار دواس وسخف
واحيانا عليك ان تركب اعلى مافي خيلك
لتثبت موقف او نقطة..

دا السودان موش؟

الدكتورة العزيزة بيان

يعني جابك لي بوست الناس الكبار ,, لكن ليه اتاخرتي كدة, انا قلت تكوني اول الزوار.

المهم

Quote: دا السودان موش؟

كم كنت اريده وطنا اجمل,, وكم حملت صورته في البعاد كاروع ما تكون,,, كنت افاخر بديل اهلي,

ولو اعيش زول ليهو قيمة, وانا امدرمان.... كانت تلك الاغنيات هي كل ما اعرفه عن وطن عشقته

وعشقة طيبة اهله دونما اعاشرهم,,,

لذا اقول (دة ما السودان يا دكتورة , وعمرو ما ح يكون كدة)

اعلم انها سحائب صيف, سيفيق بعدها من عطرهم عبق ارضنا الطيبة على حقيقة ان امنا واحدة , وان

اهلي وان ضنوا علي كرام,,, فهل من مجيب؟؟؟؟؟؟؟؟؟؟؟

اذا الشعب يوما اراد الحياة ** فلا بد ان يستجيب القدر