Post: #1
Title: الملكة رانيا العبد الله .. ناس اذاعة (..) FM ما دايراننا .. نلد!
Author: randa suliman
Date: 12-13-2006, 09:11 AM
Parent: #0
رندا عطية
رانيا العبد لله ملكة الاردن كانت ضمن القيادات النسائية العالمية بمؤتمر الشبكة النسائية العالمية للطفولة المنعقد بالاردن في يونيو 2006م، وتعهدها معهن بالتحرك لحماية النساء والاطفال جعلنا ـ بعدما تطاول بنا الزمن انتظارا لتحرك قياداتنا و اتحاداتنا النسائية! ـ نشكو لها ادراكا لتفهمها ناس اذاعة (94) FM الما دايراننا .. نلد) هذا التفهم الذي يضاعفه تذوقها لغلاوة (الضنا) وهي الام لاربعة اطفال, وفحوى شكوانا ان الاذاعية/ نهى الشريف حينما رفضت ان تتنازل عن (هويتها الانثوية) التي توجتها اخيرا بدخولها لنادي (الامهات) قام ناس اذاعة (94) FM بالاستغناء عن خدماتها!) و ذلك حسبما جاء على لسانها بتاريخ 22 يوليو 2006م بصحيفة الصحافة, وناس (94) FM بتصرفهم هذا لكانهم يقومون بابتزازنا ضمنا بان من تريد منكن ان نمنحها (صك المساواة) الذي بموجبه (سنحترم) قدراتها الفكرية عليها ان تتنازل عن (هويتها الانثوية) والتي ان تنازلنا عنها سيصبح حالنا كحال تلك الدولة اللي عشان ترضي ناس الاتحاد الاوربي ليعطونها شرف الالتحاق بمنظومتهم قامت بخلع طربوش خلافتها!, وزيفت تاريخها حذفا لواقعة ان احد قادتها العسكريين بالنصف الاول من القرن الماضي قام بتلاوة القران الكريم قبيل خوضه لتلك المعركة!! وحينما احس الاوربيين بضعفها المتمثل بلهفتها للمساواة بهم باي ثمن عشما بانضمامها ل (جنة) عملتهم الموحدة الا وقاموا بابتزازها بمطالبتها بسيل من التنازلات و هي في (مباراتها) لهم صارت تتنازل لهم شيء فشيء عن (هويتها الاسلامية), عشان كده ما كان لي حق عندما قلت لكم ما (تباروا) فتوى من عشمكن بامامة المسجد, ذاك المسجد الذي انصحكن بمغادرته بسرعة ما ان تنتهين من امامتكن لصلاة العشاء به عشان تقدرن تؤدين اعمالكن ـ ان كنتن من ذوات الوظائف الليلية ـ لتصلن لبيوتكن قبال الساعة العاشرة مساء .. اوه .. معليش لاني نسيت ان اخبركن انه واثناء (اعتكافكن) بمسجد الفتوى ذاك شرعت وزارة العمل والخدمة العامة في وضع قانون (يمنع النساء من العمل بعد العاشرة مساء!), و برضو تقولوا علي (انثى ضد الانوثة ؟!!), وبالله عليكن من هو الذي ضد الانوثة صاحبة الانتباهة ام ذاك المدير الذي قام باجراء (استيضاح) لموظفتين تابعات لادارته لاخذهن ل (يومهن) .. الصحي؟!!!
و لان طرف سوطهم قد لحق رمز (انوثتنا) الحاضن (لامومتنا) فانني استميحك الملكة رانيا عذرا لتغييرنا لفحوى الشكوى التي قدمناها لك باسم الاستاذة/ نهى الشريف, باخرى باسمنا فحواهاالملكة رانيا العبد لله الحقينا .. ناس(..) اعلنوا (الجهاد) علينا!!, و انجدينا من ناس (..) اللي دايريننا نتنازل عن .. انوثتنا!!!) .. التي ان رضيتن بالتنازل عنها في سبيل نيل (المساواة) بهم ف (خمن وصرن) واستعددن لاستيضاح (انوثتكن) .. شهرياً!!!
|
Post: #2
Title: Re: الملكة رانيا العبد الله .. ناس اذاعة (..) FM ما دايراننا .. نلد!
Author: Wefag Osman
Date: 12-13-2006, 09:21 AM
Parent: #1
رندا يابت يا انثى انت والله جميييييييييييييييلة بت بالجد
نهى دى قدمت للرابعة كل شى وحتى الان ما قدروا يجيبوها واحدة زيها
وبعدين هى ماتزعل ولادتها بتنفعها
اما رانية اجمل جميلات العالم حسب اخر التقارير اكيييييييييييد لو وصلنا ليها القوالة دى حتلحقنا
ويييين انتو يابنات نحن عايزين نعمل حاجة اى حاجة
|
Post: #3
Title: Re: الملكة رانيا العبد الله .. ناس اذاعة (..) FM ما دايراننا .. نلد!
Author: عبد المنعم سليمان
Date: 12-13-2006, 09:53 AM
Parent: #1
رندا
ازييك
الغريبة انه ناس اذاعة مانقو ببرامجه ديك دايريننا نلد عدييل كدا
منعم
|
Post: #4
Title: Re: الملكة رانيا العبد الله .. ناس اذاعة (..) FM ما دايراننا .. نلد!
Author: randa suliman
Date: 12-13-2006, 10:37 AM
Parent: #3
وفاق
كيفنك
الاستاذة/ نهى الشريف كفاءة
اعلامية شابة تستحق كل خير
دايرين نعمل حاجه واحده بس؟!!! .. قولي حاجات
العزيز منعم..
كيفنك .. غايتو نحنا اشتكيناهم ..
اما (انتو) فشوفو اللي بيحلهم منكم .. بالسلامة
رندا
|
Post: #6
Title: Re: الملكة رانيا العبد الله .. ناس اذاعة (..) FM ما دايراننا .. نلد!
Author: randa suliman
Date: 12-13-2006, 10:57 AM
Parent: #5
منعم .. يا اخوي ..
انت قبل حوالي ساعتين ما (شرقت) لمن استغربت و قلت
ده منو يا ربي اللي بيطراني قدر ده
و احب اقول ليك انه اللي طرتك هي (بت عمك عطية),
و اللي وكتين قرات البوست
اللي منزله عن البنت الجريدة طوالي قامت شالت صورة منه
دخلتها طوالي في عمود اصلا كنت باعالجها في راسي..
عاد يا منعم يا ود عمي انا اشكيك لمنو ..
لاني بعد ما رسلت عمودي للسوداني و قلت اريح عقلي شوية
جات (البت الجريدة) و قالت لي (يا حليلك) انتي وين تلقي الراحة..
منعم..
و انت سيد العارفين كيفن الكتابة مرهقة و مستنزفة..
ودمت نصير لينا..
رندا
|
Post: #7
Title: Re: الملكة رانيا العبد الله .. ناس اذاعة (..) FM ما دايراننا .. نلد!
Author: عبد المنعم سليمان
Date: 12-13-2006, 11:13 AM
Parent: #1
Quote: انت قبل حوالي ساعتين ما (شرقت) لمن استغربت و قلت
ده منو يا ربي اللي بيطراني قدر ده
و احب اقول ليك انه اللي طرتك هي (بت عمك عطية),
و اللي وكتين قرات البوست
اللي منزله عن البنت الجريدة طوالي قامت شالت صورة منه
دخلتها طوالي في عمود اصلا كنت باعالجها في ر |
رندا قبل ساعتين كده ما (شرقت) لكن (غربت)
شكرا يا رندا يا رائعة
يا اخوانا انا اصله ما قاعد يخيب ظني في الناس
اكون انا نبي ولا اجنبي يا ربي
شكرا يا بت عمي عطية وبكره بشوف السوداني
وبجيك راجع المره جوه الجريده عديييييل
احترامي يا رندا
منعم
|
Post: #8
Title: Re: الملكة رانيا العبد الله .. ناس اذاعة (..) FM ما دايراننا .. نلد!
Author: randa suliman
Date: 12-13-2006, 11:33 AM
منعم..
يا يابا انت ما(السوداني) ..
و (النبي) فيكم يا (بنات امي) في اروع والا احلى من .. كده؟!!!
شان كده يا ود عمي (انا) حبابك .. الف
مع فائق اعتزازي
رندا
|
Post: #9
Title: Re: الملكة رانيا العبد الله .. ناس اذاعة (..) FM ما دايراننا .. نلد!
Author: عواطف ادريس اسماعيل
Date: 12-14-2006, 01:22 AM
Parent: #1
الأخت رندا
تحياتي
هنيئا للزميلة نهى دخولها نادي الأمهات فما أشرفه من ناد يجعل الجنة تحت أقدامها ولا تأسف
على هيك ناس زي مابقولو اللبنانيين .
|
|