Post: #1
Title: صحيفة الصحافة تكتب عن ما كتبة عضو المنبر Dakeen
Author: عبد المنعم سليمان
Date: 12-12-2006, 08:42 AM
تحقيق نقلا عن صحيفة الصحافة اعدة الصحفي طلال مدثر :
الطاهر ساتى... وحكاية أحد عشر يوماً في (غرفة العناية الفائقة)
هل ?انتهكت الشرطة حقوقه الدستورية.. أم مارست صلاحياتها وفق القانون!!
كمال عمر المحامى: الشرطة أخطأت وأفرغت كل محتويات وثيقة الحقوق في الدستور من معانيها
منبر يديره: طلال مدثر
عثمان ميرغنى: هل يحتاج الاشتباه إلى أحد عشر يوماً للتحري.. جهة ما اعتقد ان لها تقديراً \ الأمر !!
أشرف خليل المحامى: القانون واضح، وحق المتهم \ مقابلة محاميه من باب (الوجوب) وليس من ضرب (الجواز)
من هو هذا (الموقوف)!!
تقول عنه سيرته الذاتية التى تفاجأنا بها على أحد المواقع الالكترونية ممهورة بتوقيع أحد قرائه - ملقب بـ (دكين)- والده ساتي ساتي علي..من النوبيين الذين التحقوا بفرق الهجانة بالجيش المصري..عاد بعد حرب اسرائيل فاستقر في اقاصي الشمال عند اهله..كان اكثر اهل الحي ودا واريحية ولازال.. واكثرهم على الاطلاق صلة للرحم والدم..بسيطا هينا باشاً. دوما يلتحف شالا على رأسة كعادة اهل الشمال..وكعادة النوبيين في الكلاكلات والحاج يوسف ..في كل بيت يقطنونه لا بد من (شتلة نخلةٍ) و(شتلة ليمون)..ولا يكاد يخلو بيت نوبي من الشجرتين..كان يردد ايامها في الكلاكلة (البيت الما فيهو نخلة زي الخلا).. ويستعيذ بالله من شرِ بيتٍ بلا نخل.. جده لابيه الفقير اسماعيل..كان - رحمه الله - رجلا واسع التقوى .. ذا كرامات..معروف عند أهل قرى شمال دنقلا في الشمال بالفقير اسماعيل (الولي ..بيت الولي) الآن تهدم وبقيت اطلاله..ولكن يمكنك ان تترك مقتنياتك اسابيع عددا بين تلك الاطلال لا تخشى عليها.
ويقول الآباء ان من اخذ شيئا ليس له من دار الفقير اسماعيل فإنه لا ينام ابدا.. فكان كل من لم يجد مكانا آمنا والى يوم الناس هذا يترك مقتـنياته بتلك الدار.
-فقير اسماعيل كانجرو- حمى بيت الفقير اسماعيل.
الطاهر ساتي... امه شريفة بت احمد تور..احمد تور كان رجلا ذا سطوة وصاحب مكرمات وهيبة في عموم قرى شمال دنقلا ..من شجاعته أخذ لقب تور ..ورثت شريفة عن ابيها بلاغة الحديث وقوته..إمراة بثلاثين رجلاً..
ذات هيبة واسم.. واضحة الملامح واضحة الرأي والقسمات ...اورثتها نشأتها في بيت عز ابيها احمد تور شجاعة وحسن تقدير للامور وللاحوال وقراءة الحياة..فكانت تدير جميع مناسبات الاهل بحسن تصرفها..فاذا ما كانت شريفة موجودة اطمأن الاهل إلى كل شيء.
وسط هذه الاجواء نشأ الطاهر ساتى...وترعرع شابا مهووسا بالاطلاع..مسالما وشجاعا ومن بعد اختار ان يكون صحافيا وما درى ان ما اختاره من قدر سيفضي به يوما الى سجن وتوقيف واعتقال.
ü لم يكن من الجيد ادارة اي نوع من انواع الحوار معه بعد اطلاق سراحه فقد كان مثقلا بوجع كبير..ربما كان ساعتها يفكر ويتمنى ان يلقى ذات مصير (جيوفانى فيغليوتو)..الرجل الذي تزوج من 83 سيدة فقط لا غير وكان يختارهن ثريات وعاطلات عن العمل على نمط الجواري المعاصرات..مثل امام محكمة (بنساكولا) الاميركية بولاية فلوريدا فأودعته السجن وابطلت زيجاته!! كأن القاضي اشفق عليه وانقذه من ورطته.. وكأنه يقول له: أوليست حياة السجن افضل من الحياة مع 83 جارية دفعة واحدة !! لكن على مأدبة افطار عمها جمع غفير من احبته وعشيرته واهله واصدقائه واناس كثر لا نعرفهم..الله والطاهر يعرفونهم بمنزله بضاحية الكلاكلة القبة بدا الطاهر احوج ما يكون للحديث عن حادثة توقيفه من قبل الشرطة ..عن ذكريات احد عشر يوما في (غرفة العناية الفائقة)...غرفة (الحراسة).
هذه مقتطفات من تحقيق اعده الصحفي طلال مدثر وهو تحقيق طويل مهم وقيم ياتي
بكل الدفوعات السياسية والقانونية في القضية .. فقط نعيب علي صديقنا طلال مدثر
عدم الاشارة للمنبر سودانيز اونلاين باسمه !! ارجو ان تكون المساله عفوية
يا طلال ؟!!!!!!!!!!!!!!!!
تقديري
منعم
|
Post: #2
Title: Re: صحيفة الصحافة تكتب عن ما كتبة عضو المنبر Dakeen
Author: عبد المنعم سليمان
Date: 12-12-2006, 11:08 AM
Parent: #1
| Quote: تقول عنه سيرته الذاتية التى تفاجأنا بها على أحد المواقع الالكترونية |
طلال صحبي
معقولة بس سودانيزاونلاين ماقادر تكتبها ولا شنو !!
اقرا كم موضوع انا كاتبهم هنا وبكتب نقلا عن الصحافة
مع انه كان ممكن اكتب علي احد الصحف الصادرة بالخرطوم
لكني لا ببخس الناس حقهم ولا عاوزا ليك انت !!
انحنا يا طلال بنعمل علي ان يكون الموقع اداة من ادوات
تشكيل الراي العام السوداني وتجي انت تقول لي احد المواقع !!
ما مشكلة يا طلال في الطريق اليك بعد 20 دقيقة
تقديري
منعم
|
Post: #3
Title: Re: صحيفة الصحافة تكتب عن ما كتبة عضو المنبر Dakeen
Author: ناذر محمد الخليفة
Date: 12-12-2006, 11:28 AM
Parent: #1
معاك في دي يا عبد المنعم :
Quote: فقط نعيب علي صديقنا طلال مدثر
عدم الاشارة للمنبر سودانيز اونلاين باسمه !! ارجو ان تكون المساله عفوية
يا طلال ؟!!!!!!!!!!!!!!!!
|
بس في دي ما معاك :
Quote: ما مشكلة يا طلال في الطريق اليك بعد 20 دقيقة
|
عليك الله براحة عليو وما تشيل معاك سكين ، ما ناقصين جريمة إغتيال تانية وسط الصحفيين !!
|
Post: #4
Title: Re: صحيفة الصحافة تكتب عن ما كتبة عضو المنبر Dakeen
Author: عبد المنعم سليمان
Date: 12-12-2006, 11:37 AM
Parent: #1
| Quote: عليك الله براحة عليو وما تشيل معاك سكين ، ما ناقصين جريمة إغتيال تانية وسط الصحفيين |
والله يا ناذر عشانك هسه السكين قلعتها وماشي ليه تكا ساي !!
حكيت ليك قصة سيد اللبن يا ناذر ولا لا ؟؟؟
منعم
|
Post: #5
Title: Re: صحيفة الصحافة تكتب عن ما كتبة عضو المنبر Dakeen
Author: عبد المنعم سليمان
Date: 12-12-2006, 11:45 AM
Parent: #1
يا ناذر هسة دي مداخلة واحد ابوه طلعوا من مركز القلب
والله انا ابوي يطلع من مركز القلب الاوف لاين ما اخشو
خلي الاونلاين !!
يا اخي ما كلمتنا ليه يا راجل عيييب عليك
منعم
|
Post: #6
Title: Re: صحيفة الصحافة تكتب عن ما كتبة عضو المنبر Dakeen
Author: ناذر محمد الخليفة
Date: 12-12-2006, 11:47 AM
Parent: #1
لا والله ..
Quote: حكيت ليك قصة سيد اللبن يا ناذر ولا لا ؟؟؟
|
كدي أحكيها هنا لو ما في إحراج !!
|
Post: #7
Title: Re: صحيفة الصحافة تكتب عن ما كتبة عضو المنبر Dakeen
Author: عبد المنعم سليمان
Date: 12-12-2006, 11:53 AM
Parent: #1
يا ناذر ما فيها الفاظ بطالة بس شوية ايحاءات وبكري اونلاين
خلي المعلم يتخارج يا فردة !!
الوقا كيل بالدارنوك يا باصح !!
ما حتبقي حلوة !!
اضمن لي عدم اقتراب الاطفال بلوقا كيل هسة !!
منعم
|
Post: #8
Title: Re: صحيفة الصحافة تكتب عن ما كتبة عضو المنبر Dakeen
Author: ناذر محمد الخليفة
Date: 12-12-2006, 01:04 PM
Parent: #1
عبد المنعم ..
Quote: يا اخي ما كلمتنا ليه يا راجل عيييب عليك
|
والله الموضوع ما كان بيستاهل لكن ماسا أصر يعمل بوست ..
عمليات القلب اليومين ديل بقت حاجة سهلة جدا وما زي زمان ..
تسلم كتير وأنا في إنتظار بكري يتخارج من الأون
|
Post: #9
Title: Re: صحيفة الصحافة تكتب عن ما كتبة عضو المنبر Dakeen
Author: محمد البشرى الخضر
Date: 12-12-2006, 04:22 PM
Parent: #8
المتواجدون الان بالمنبر العام 324 شخص » (29 )عضو و (295) زائرا
»Adel Sameer Tawfiq
»Adil Isaac
»Adil Osman
»altahir_2
»Altayib Bader
»Mohamed Doudi
»Munir
»Mutwakil Mahmoud
»mutwakil toum
»nabta
»osama elkhawad
»Rashid Elhag
»Sabah Hussein
»Salah Musa
»soma
»Soumeta
»ابي عزالدين البشري
»اسماء الأمين
»الصادق اسماعيل
»خالد العبيد
»خدر
»سمية الحسن طلحة
»شهاب الفاتح عثمان
»عاطف عمر
»فضيلي جماع
»محمد احمد سنهورى
»محمد البشرى الخضر
»محمدين محمد اسحق
»ياسر فريد سيد أحمد
| Quote: وأنا في إنتظار بكري يتخارج من الأون |
ناذر....
حمدلله على سلامة الوالد...أجر و عافية إن شاء الله
منعم...
عمك أتجارخ لوق الكنتة برعسة
لباق وادح رافة يملكو
موك دو ربيك كيل
|
Post: #10
Title: Re: صحيفة الصحافة تكتب عن ما كتبة عضو المنبر Dakeen
Author: عبد المنعم سليمان
Date: 12-12-2006, 04:28 PM
Parent: #1
ناذر وود البشري
ازييكم
عمك اتخارج ولا لسة !!
لكمونا يا مجاعة نلوق الكنتة ولا لسة
منعم
|
Post: #11
Title: Re: صحيفة الصحافة تكتب عن ما كتبة عضو المنبر Dakeen
Author: محمد البشرى الخضر
Date: 12-12-2006, 05:00 PM
Parent: #10
لوقا يا ملعم
حتى لو عمك كان Offline
بيجي بعدين يلقاها
دا كان ما الرافات ولصوا المراش و لكموهوا
لوقا ياخ...
المخيس و المعجة إزاجة.. الروخ مفلق
|
Post: #12
Title: Re: صحيفة الصحافة تكتب عن ما كتبة عضو المنبر Dakeen
Author: عبد المنعم سليمان
Date: 12-12-2006, 05:09 PM
Parent: #1
يا محمد
بلوقا لكن عابدددين دكا دعب السان تنوم
ياخف كبري يرمق !!
اتنظر يا لوز يا سان يا تفتيحة
منعم
|
Post: #13
Title: Re: صحيفة الصحافة تكتب عن ما كتبة عضو المنبر Dakeen
Author: محمد البشرى الخضر
Date: 12-13-2006, 09:31 AM
Parent: #12
يا معلم ...
ما ساهرت بينا.....و كدا
|
Post: #14
Title: Re: صحيفة الصحافة تكتب عن ما كتبة عضو المنبر Dakeen
Author: عبد المنعم سليمان
Date: 12-13-2006, 09:41 AM
Parent: #1
محمد البشري
والله عندي مشكلة عواطف دي ( قصة البنت الجريدة) شاغلاني شديد
وخايف احكي ليك النكتة يلحقوني امات طه .. ابقي قصة البوردابي
الطارت عصافيره !!
اسجله ليك كاسيت يا محمد ؟؟؟
اشوفك بغادي يا ابوحميد
معزتي
منعم
|
Post: #15
Title: Re: صحيفة الصحافة تكتب عن ما كتبة عضو المنبر Dakeen
Author: رشا سالم
Date: 12-13-2006, 09:59 AM
Parent: #14
الاخ عبدالمنعم...
دكين دا ربنا حباهو بلغة جميلة جدا لما يكون رايق
وما داخل في mood القطامة..
ما استغرب لو اقتبس منه صحفي او كاتب في صحيفة مشهورة ..
ولو ختا الرحمن في قلبو ,ممكن يطلع لينا مائة عام من العزلة..
| Quote: اشوفك بغادي يا ابوحميد |
بغادي وين يا شباب؟؟
|
Post: #17
Title: Re: صحيفة الصحافة تكتب عن ما كتبة عضو المنبر Dakeen
Author: welyab
Date: 12-13-2006, 12:16 PM
Parent: #16
يبدو ان دكين قانوني بارع قبذكاءه (او ببصيرة قانونية) نقل الجانب الحيوي المشرق من حياة وسيرة اسرة نوبية . مرتكزا الى نقاط كادت ان تكون منسية.
فوجد كاتب المقال في الصحيفة مادة دسمة وتلمس التفرد في المادة والموضوع فتوغل في نقل المضمون الذي لم يجده مثيله فيما كتب. او نقل اليه عن (ساتي) . لان اتكاءة عضو المنبر (دكين) كان فيه من جمال الوصف والتنقل بالقارىء الى جذور الاسرة وتاريخهم الجميل الحافل بالعطاء اكثر ما يمكن ان يبعد التهمة والشكوك ..
رغم عدم افصاح الناقل عن اسم المصدر صراحة ..- ولنا ان نأول الامر الى خطأ غير مقصود (سهو) الى ان يثبت عكس ذلك - لكنه نقل مضمون رسالة عضو المنبر (دكين) الى شريحة اخرى (لا يستهان بهم) من قراء الصحف في الداخل ففي ذلك محمده يشكر عليه ..
|
|