الله اكبر د/ مصطفي عثمان يحل مشكلة لبنان في نصر ديبلوماسي للسودان

اعلن دكتور مصطفي عثمان عن قرب التوصل لحل مشكلة لبنان عبر وساطته مبعوثا للرئيس البشير الي الاطراف اللبنانية.وهو انجاز للديبلوماسية السودانية ان تقوم بحل مشكلة عجزت عنها السعودية ومصر عبر سفيري الدولة في لبنان وكذلك بعد فشل اكبر المراجع الدينية في لبنان وبعد فشل الجامعة العربية ممثلة في مبادرة امينها العام عمرو موسي، وهكذا حلت الديبلوماسية السودانية المشكلة في تسعة ايام فقط!!!!

تقول الفزورة "تكسي الناس وهي عريانة" مشاكل في دارفور، اتفاق سلام لم ينفذ في الجنوب اعتزال لكبير مساعدي رئيس الجمهورية في منزله تهديد بتدخل دولي في السودان، تهديد بمحاسبة الافراد والجماعات والمسؤلين في السودان لاخفاقهم في حماية المدنيين، جبهة الشرق تشكو وامة محمد في السودان تئن ونحن دا كله ما هامينا ولا بنشتغل به لانه انسان لبنان اهم من انسان السودان.
انه حقا البطر والصلف وعدم الاحساس الذي نعاني منه منذ 17 سنة مشؤمة، انها حقا الناس في شنو.
نصيحة للاخوة اللبنانيين اذا كان الاتفاق المعروض عليكم شبيه بااتفاقية الخرطوم للسلام واتفاقية جيبوتي ومعاهدة نيفاشا واتفاق القاهرة واطار جدة واتفاق الشرق واتفاقية ابوجاواتفاق طرابلس فلا توقعوا عليه قبل سؤال الاطراف الموقعة علي الاتفاقيات اعلاه فالمؤمن من اتعظ بغيره.

الود الشفت ده ...

Quote: الله اكبر د/ مصطفي عثمان يحل مشكلة لبنان في نصر ديبلوماسي للسودان

نعم،

ده ياهو زاتو الطفل المعجزة الطالب بتوطين المصريين في الشمال لتحسين النسل!

مركب النقص بعمل في العبد الحبشي عمايل!

طبعا عايز باي صورة، يجد القبول والاستحسان من اسيادو!

عايز يثبت شي هو فاقدو!

ده زاتو سر طيش ابعاج الغامر بي حياتو عشان ينقذ عرفات!

ده زاتو سر وقوف الانغاذ مع العراق اوضد الكويت، والدافع مركب النقص، او كسب القبول باي ثمن!

ده سبب تطوع شبابنا للحرب مع العراق او ضد ايران، ليستغلوا اسوا استغلال، حيث استخدمو لتفجير الالقام الارضية، كما فعل حمدان في معركة فتح الخرطوم، باستخدام الابقار لذلك!

نعم، سندروم العبد الحبشي!

الحارقني لقيت عمنا فاروق محمد حامد كاتب في نفس الموضوع وفي مداخلة من نصار بيقول فيها انه السودان ادان الانقلاب في فيجي!!!!!! وانه السودان تقدم بمشروع لاصلاح الامم المتحدة.
طيب ليه نحن ما حاسين بالعظمة دي في السودان؟

اتحدي اي واحد من الجماعة انه يكون عارف رئيس وزراء فيجي اسمه منو؟دا اذا كان عارف فيجي دي ذاتها وين

اخ ود الفكي

ولعلك نسيت الفساد المستشري في السودان ولا يزال يكبر وينمو! حيث لا رادع ولا قانون ولا وجيع.

وقتل النفس التي حرم الله الا بالحق ...( محمد طه) الصحفي

وأخيرا وليس أخيرا إغتصاب الأطفال في وضح النهار وفي قلب الخرطوم... (طفلة العشرة) !!!!!

بعد هذا يمكن الرد على الطيب صالح (من أين أتى هؤلاء) !!!

هؤلاء عزيزنا الطيب صالح جاؤا من الشوارع ومن حيث الـ لاضمير والـ لا وطنية، جاؤا من مكان الحقد والظلم والبطش والإستبداد. جاؤا لتدمير أمة كانت منار ومرتع أخلاق حميدة وخصال فريدة ووووووووو

واليوم حالنا لا يخفى على أحد من حروب وغزو خارجي وتدمير داخلي للمجتمع وووووو

ولنا عظيم الشرف بعد هذا أن نذهب ونحل مشاكل لبنان وفيجي!!!!

..... وشايلة موسها ..... !!!!!

هشام

قريت عنوان البوست فاندهشت
قرأت إسم صاحب البوست فتضاعفت دهشتي
قلت أكمل دهشتي جوة البوست فزالت بعد أن قرأته
هم أزمو شعبهم وأشقوهو ماشين يحلو أزمة لبنان؟!
حسة اللبنانيين يكونو حوقلو و بسملو خافو علي روحهم من جيتو دي

بالنسبة لهؤلاء الحاكميين السودانيين ديل (مش بشر عشان تهتم بمشاكلهم) ديل مافيشيين عديل كده
عشان كده بيستوردوا عماله أجنبية فى بلده نسبة العطالة فيه 80%

.
ود الفكي ( الفاكيها في روحو )
تاني جيت ناطي ليك رغم انك قلت لي يا زول ابعد من ( مقالاتي ) و ( تحليلاتي ) و ) قراءاتي )
عارف يا محمد صاحبنا ( المعجزة ) ده ما بيفرق عنك في اي شيء غير انك مواطن ( عادي ) من عامة الشعب ، وهو ( سيوبر ) استطاع في هذا الزمن الرديء أن يصبح رئيسا للدبلوماسية السودانية لسنوات والآن هو مستشار لرئيس الجمهورية
طيب ما أهو أنت شبه متفرغ لشتم سيد المقاومة سماحة السيد حسن نصر الله ، وقاعد تنظر وتفتي كل يوم في قضايا لبنان وما بترضي لما البعض يقول ليك هناك قضايا في وطنك اهم وأجدر بأن تفتح لها البوستات .. لي شنو جاي حسع تبدي استغرابك من بساطة اقصد ( وساطة ) الشاب مصطفى اسماعيل ..
ياخي على الأقل هو ممكن ينظر ليها من ناحية انها ( رحلات )
فيها بالضرورة ( بدلات ) .. ودي في حد ذاتها ( مكاسب)
انت ده بتدخل انفك في لبنان لي شنو..
لو حاولت ترفع ( شعارات ) برضو مصطفى عثمان ممكن يرفعها
عشان كده قلت ليك انتو الاثنين ما في فرق بيناتكم
.

الله اكبر د/ مصطفي عثمان يحل مشكلة لبنان في نصر ديبلوماسي للسودان



طس فيه وفي لبنان.

Quote: عشان كده قلت ليك انتو الاثنين ما في فرق بيناتكم

الاخ حاتم

انا اختلف معك في هذه، فالطفل المعجزة مصطفي عثمان علي الاقل قال انه مبعوث العناية الالهية المسماة الجامعة العربية، صاحبك ود الفكي ده مالو و مال اللبنانيين، يا ربي يكون مبعوث ستار اكاديمي للسودان؟

يا جماعه انتوا ماسمعتوا بالمثل السودانى البقول(باب النجار مخلع) اخدوها
كده وخلاص بدلا من الا نشقال بها..وخالين قضيتكم المهمه وراكم وشكرا

Quote: نصيحة للاخوة اللبنانيين اذا كان الاتفاق المعروض عليكم شبيه بااتفاقية الخرطوم للسلام واتفاقية جيبوتي ومعاهدة نيفاشا واتفاق القاهرة واطار جدة واتفاق الشرق واتفاقية ابوجاواتفاق طرابلس فلا توقعوا عليه قبل سؤال الاطراف الموقعة علي الاتفاقيات اعلاه فالمؤمن من اتعظ بغيره.

جنس شوبير,حاجة غريبة , حاجات تجنن مؤتمر مصالحة للفصائل الصومالية , مؤتمر مصالحة وتوسط وووو ونحن مشاكلنا غالبنا حلها ... أوووووووووووووووووووووووووووووووووووعك
يا حكومة الجن أمشي كلكم حلوا مشكلة الصومال ولبنان بس خلونا نحل مشاكلنا الإنتو عملتوهالينا بدونكم وشاكرنكم لحدي هنا.

الاخ هشام
لا لم انسي ولكن المصائب اكبر من ان تعدو وقد فتحت بوست باسم انجازات الانقاذ ويمكنك الرجوع اليه.

لنا ربنا ما يجيب دهشة؟ انتي شفتي دهش "جمعة دهشة بالدراجي حق ناس الخلا"

حاتم
ربنا ما يقلل الشغلة، اعيد النصيحة لك مجددا بان تبعد عن مقالاتي وكتاباتي وبوستاتي وتعليقاتي ومداخلاتي.
ليس صحيحا انه لا يوجد فرق بيننا هناك فروق كثيرة.
لو كنت املك مؤهلات المنصب في هذا الزمن الردئ من لسان رخيص يسكت عن الحق، وذمة اوسع من الافق، وعدم اخلاق وانعدام ضمير وفاسد واحفظ مفردات الثناء من قواميس العرب في مدح الملوك واحفظ دواوينهم في هجاء الاعداء وكنت بارعا في التلفيق وتعمية الحقائق، لو كنت املك كل هذا لصرت في مرتبة اعلي من تلك التي وصل اليها حتي اجلب لكم كوم قرارت دولية صادرة بالاجماع عن مجلس الامن ومئات قرارات الادانة في الجمعيات العامة وفشل في توطيد علاقة جوار مع 6 من دول جوارنا التسعة في عهدي الزاهر ولفشلت في اقناع دول مثل جيبوتي وغينيا الاستوائية وسيراليون باتخاذي رئيسا عليها ولو لمدة يوم ناهيك عن سنة ومن ثم استطيع بكل براعة ان احل مشكلة لبنان واتوسط في موضوع الصومال عسي ولعل ان ترضي عني امريكا ربة العالم التي وبلساني سوف اعلن اننا اصبحنا عيونها في منطقة القرن الافريقي والشرق الاوسط واربط القول بالفعل فارسل المندوبين في الطائرات الخاصة وهم يحملون ملفات المساومة والابتزاز لكي تنعم علينا امريكا بالجلوس علي المقعد حتي لو للحظة من وسني.
المقارنة معدومة فانا اكتب وانظر وافتي واحلل من حر مال جيبي واتحدي اي زول يقول انه كلفت البلد مليم واحد. اما هو فنسال الله له ولرهطه من المرافقين الصارفين من جيوبنا ومالنا ودمنا السلامة في حلهم وترحالهموانشاء الله حجر ما يعتر لهم ويرجع بالسلامة علشان يشوف حل لموضوع الفاشر الذي قتل في احداثه ما يقارب الخمسين شخص في اسبوع واحد مقارنة بفطيسة ايرانية واحدة.

اخر المصائب
هنية في الخرطوم ، عصابته تقتل في الاطفال في غزة وهو هنا ليجلب لها المزيد من الاموال لشراء السلاح ليقتل به المعارضين من فتح والحركات الاخري والاجهزة الفلسطينية.
هنية لا يمانع في وساطة مبعوث العناية الالهية د مصطفي في حل الاشكال بين حماس وفتح وطبعا هذا التصريح هو مقدمة كالتي كان يلقيها المتنبي وغيره من الشعراء عندما كانوا يهمون بالشحدة من الملوك وذوي المال الذي هو متوفر عند ناس الجبهة ولا نراه نحن.
التصريح يجعل ناس الجبهة كالمخدرين بالمورفين او الذين كتبهم "فكي"اذ ينفخهم ويحرك فيهم عقدة العظمة ويجعلهم لا يعون من فرط الدوخة ما يفعلون وربما يعطون هنية ميزانية بلدنا كلها طالما ان الرجل مسلم مجاهد نقي طاهر ونحن اولاد الحرام ديل الله يلعنا ويلعن ذاتنا عشان بنعارض مشروع الله في ارضه التي هي كلها ارض الاسلام والمسلم للمسلم كالجسد الواحد.
ياهنية ويا محاكم الصومال ويا متمردي تشاد ويا حكام افريقيا الاكلتوا قروشنا، انتوا وال اداكم القروش ، شكيناكم لله.

+





أيووووووي يوي يوي يوي
أريتو حال بلدنا.





دنقس.

Quote: الله اكبر د/ مصطفي عثمان يحل مشكلة لبنان في نصر ديبلوماسي للسودان

ولد الانقاذ مصطفي عثمان

الافضل له ان يحل قضايا بلده الداخلية

مشكلة دارفور

القوات الدولية

مشكلة حلايب

مشكلة جنوب السودان

مشكلة الحرب داخل شوارع العاصمة الخرطوم

الخ..........................

Quote: الله اكبر د/ مصطفي عثمان يحل مشكلة لبنان في نصر ديبلوماسي للسودان

ده اسمه ضل الدليب يا محمدعمر ..عارف يعنى شنو ضل الدليب ؟؟

يا سلوي
ما تستعملي لي كلام حبوباتنا وامثالنا الفارغة والهايفة زي ضل الدليب برمي لبعيد.
خليك تاصيلية وقولي
"ارمي قدام وراء مامن"