عبدالله وداعه اديني خاطر شوقنا بس

المبدع الجميل دوما كريم الخلق والاخلاق عبدالله وداعه الامين طالت غيبتك هنا أتبخل علينا ياجميل ام هي مشاغل الدنيا وزحمته مدينه الضباب,لك الله ياجميل تحياتي لك انبلها

مين علّم الموية المروق حفيانة ....تجري علي البحر؟
اديني خاتر شوقي بس

ما تطولي المشوار

سفر

وان كان دروبك بعرفه.

والدنيا لو ما الناس..

بقت .....

سكة وجع بملا الارض

واحزان تهز المعرفة .

وانا راضي بي تعبك علي

ومعاك رضيت الانتظار

وعرفتا سر الارصفة.

ما الريدة مولودة

عشم

والفكرة بنت

الاحتمال

وانا فيكي صاهرتا الوفا.

لو اصلو كان الريد جفا

مين علّم الموية المروق

حفيانة

تجري علي البحر

والرملة موجك يخطفا؟

ومين الـ قال:

انو الرذاذ

بـ يجرّح احساس الصفق

لو ضمّا وردة ولفلفا

وغير تواريخي البقت

مكتوبة بي حرفك براك

في حتة عندك بالفا

عبدالله وداعه الامين

استميحك في نقل احدي روائعك هنا
احمدالحاج

الاخ العزيز والصديق الجميل ود الحاج

كل التحية والود لك حبيبنا وتسلم يا رائع

وجد ليك الشوق وخاطر الشوق

وفرحة تجرتق الحاضر

ترتب لي الاماني تسوق

عشان خاطر جمال الروح

وقلبا حب بشيل الناس

وطبعك ياهو ديما خلوق



كل الود والمحبة لك حبيبنا وتسلم والقصيدة منشورة فعلا هنا واعتقد لم تمر عليها

فشكرا لك والى اشواق هي عندك محبة

عبدالله

تسلم ياحبيب والقصيدة وقعت في جرح لي اخوك ومريت في الخاطر عصفورين بحجر زي مابقولو سلمته وقلمك لنا ياجميل.
ودي الكثيف