الدوحة تبهر العالم في افتتاح دورة الألعاب الآسيوية (صور)

many thanx 4 sharing this
nice pic.s

ده كلام عجيب خلاص ياراكوبة
كدي الواحد يفوق شوية وبعدين يشوف حيقول شنو...!!!

.
سلام يا راكوبة
علك بخير

ياخي والله فعلا بهرونا الجماعة ديل
وافتتاح كان مدهش و قمة في الروعة

صراحة شعلة الاولمبياد بالغو فيها عديل
لوحة ما شفت روعة زيها قبل كده
لكن - في رأيي الخاص - كانت مغامرة كبيرة منهم
ياخي الحصان ده حسع لو كان قام ( لكج ) ووقف ليهم في نص الطريق الطالع ده وقال ليهم ابيت اطلع ..كان حيعمل شنو الشيخ الفارس؟؟
والله قعدت براي اتخيل في السيناريو ده
وما عارف هل فعلا الحصان قبل النهاية بشوية قرب يعملها ويقيف
ولا اتخيلت الحاجة دي براي من كتر ما كنت بفكر في الموضوع ده هاهاها
تحية لدولة قطر على هذا الانجاز ..
وتحية ليك يا راكوبة للصور الحلوة
واتحفنا بالمزيد .. نحن طماعين..
.
.

والله يا راكوبة انا مما الشيخ محمد جرى بالحصان على المزلقانية ديك وكان شفتناانا وامى واختى بى صوت واحد

هى يا الله .. هى الله .. الليله يار ب تسترو .. الليله يا الله تسترا معاهو..
ولما الحصان اخد ليهو وقفة صغيرة وهو مال على ضهر الحصان ورقد فيهو تعال شوفنا
والله اتجرسنا لمان وصل فوق ... والخلانا نتوتر انو كان ماسك الحصان بى يد واحده ومافى طريقة طبعا يرمى الشعله.

لكن بالجد كل شئ فى حفل الافتتاح من الالف الى الياء كان اسطورة

اجمل ما في الحفل هو اللحظة المشوقة جداً عند إشعال الشعلة ..
مجازفة ما بعدها مجازفة ..
وفروسية قبلها الشيخ فكان عند التحدي..
نعم كانت ستكون فضيحة إن حدث اي شئ وسقط الحصان أو الفارس أو الشعلة ..
عن نفسي فكرت كثيراً في حال سقوط الفرس ولكني كنت متأكداً بأن من قام بكل هذه الترتيبات لن تفوت عليه مثل هذه وربما هم جاهزون لأي واقعة فربما كان هذا سلم كهربائي يمكن ان يتحرك الى الشعلة اتوماتيكيا لو سقط الحصان بل يمكن ان يذهبوا لأبعد من ذلك ويجيبوا ليهو الشعلة لحدددددي عندو
تحففففففففففففففففففففففففففففففففففففففففففففففففففففففة ..

تحياتى يا راكوبة

فعلا شى ما عادى أبدا

إبهار وإبداع مافى زيه

شفت العقول لما تكون منفتحة بتعمل شنو

لا تقول لى سيدنى ولا اثينا ولا برشلونة ولا لوس انجلوس

هسه أنا بقيت شايل هم للناس الحيعملو الدورة الجايه

الأولمبياد طبعا حيكون فى بكين فى 2008

ديل مافى خوف عليهم لأنه برضو أتوقع إنهم يخرقو العادة

شكرا ليك على اللوحات السمحة

صور جميلة مدونا بالفعاليات بانتظام
نحو توثيق جليل و مزيدا من الجمال.



شكرا على المجهود.

شكرا راكوبة للصور الرائعة
وحضوراحتفال الافتتاح من داخل الاستاد لا يوصف
اما فقرة اشعال الشعلة فقد تم التدريب لها اكثر من
شهرين وبصورة يومية وبوجود تسجيل لاصوات الجماهير
ولكن يظهر ان مياة الامطار وفلاشات الكاميرات قد اثرت
بعض الشى فى العتبات الاخيرة للسلم حيث تعثر الحصان قليلا
ليحبس انفاس كل الجماهير( فما بالك بمنظمى الحفل )
ولكن خبرة الفارس وحسن التدريب وطاعة الفرس لفارسة انقذت
الموقف تماما ......

الافتتاح كان ابداع ..

وصورك ابداع حقيقي يا راكوبة...

حقيقة فعلا
إنجاز وإعجاز
لقطر التحية على هذا التحدى المبهر
شكرا راكوبة ناقل الجمال
ضياء ميرغنى

تحياتي يا راكوبة ..
فعلاً كان حدثاً رائعاً تابعناه من البداية للنهاية ..
مجهود كبير ولوحة رائعة تشكلت داخل الملعب وخارجه ..
لا نملك إلا أن نشيد بالقائمين على أمر الدورة ..
وليتنا نملك بصيص أمل في تنظيم مثل هذه الدورات الكبيرة ..

وشكراً ليك على هذه الصور الجميلة ..

و رجال أسهمو في صناعة الأسطورة
فريق الإبداع و الرؤية بإدارة الفعاليات الثقافية - الدوحة 2006

سلامات

ممكن وصلة فيديو او صور لماجدة الرومي وخوسيه

اسطورة الافتتاح تملا الميديا

تهانينا لقطر

الأعزاء المتداخلون
نعم أبهرت قطر كل الحاضرين والعالم اجمع عبر الحفل الأسطوري الذي دشن فعاليات الدوحة 2006، المدينة هذه الأيام تعيش أجمل أيامها مع اعتدال الطقس وتعدد الفعاليات الرياضية والثقافية التي تحتضنها الدوحة.
والأجمل التكاتف الشعبي بين المواطنين والمقيمين على أرض الدوحة لإنجاح هذه التظاهرة العالمية، فترى الأعلام ترفرف على السيارات والملصقات الجميلة التي تحمل شعار " كلنا قطر" تزين كل أرجاء الدوحة.
وسوف أحاول مدكم بصور وملفات ملتميديا لهذا الحدث
ودمتم

شكرا الأخ راكوبة لهذا المجهود.

يا ريت لو تقدر تنزل لينا لحظة اشعال الشعلة فديو.

لك تحياتي


الحاج حمد

ماجدة الرومـي و خوسيـه

إيقاد الشعلـة

زهلت من التكلفة
أثنين مليار وسبعمائةمليون دولار
فما الذي تجنيه قطر

هل الدخل الذي تحققه الدورة يعود بتعويضات لمنطقة تعاني من الازمات والفقر المدقع والحروب والتشرد وضعف التعليم والصحة

سمح القرش ..
(واحد حاقد !!!!)