|
|
 يا ناس بريمة ده ما عندو وجيع؟ أطالب بعودة صاحب عبار "اللبن" بريمة محمد أدم.
|
يا ناس يعني بريمة ده ما عندوا وجيع في البورد ده؟
وين الجلابة والاسلامين والعروبوين بالبورد؟ يعني زولكم بريمة محمد أدم ده يختفي كده ومافي واحد فيكم حتى يتزكروا ويقول يا ناس بريمة ده وين؟
والله يا جلابة الفيكم أتعرفت وخوتكم طلعت فشنك ساكت. و يا بريمة الناس ديل أحسن تبتعد منهم وتمشي تشوف مصالح أهلك وين.
يا ود أبا بريمة.
أنا من زمان بقول ليك أنت ولدنا مننا وفينا مالك رابط مصيرك مع الجلابة ديل؟
أهوا شفته, مافي زول سئل عنك غيري أنا أبن الهامش. نتمنى أن تكون وعيت الدرس جيدا.
ومن هذا المنطلق أنا أطالب بعودة بريمة في أقرب فرصة ممكنة.
أنا بكتب البوست ده واليوم يوم خميس وعباري جنبي, ويا حليلك يا ود أبا يا العبارك عبار "لبن"
أخوك إبن الهامش دينق.
|
|
 
|
|
|
|
|
|
|
 Re: يا ناس بريمة ده ما عندو وجيع؟ أطالب بعودة صاحب عبار "اللبن" بريمة محمد أدم. (Re: Deng)
|
| Quote: أنا بكتب البوست ده واليوم يوم خميس وعباري جنبي, |
أخِي دِيِنق تُحسَدْ عَلِيّ هذا العَبَارْ!! هَلْ هُو عَبَارْ "سِنقِلْ أم كَبُلْ" قَلبَكْ طيّبْ يا دِينقْ وروح القُدسْ!
مِنْ خلالك نَسألْ عَنْ أخونَا بِرِيّمه محَمّد آدم وأيضَاَ الأميّر الكُوشِي بُشبُشْ وبِكُلِْ حَرارَه.
| Quote: ويا حليلك يا ود أبا يا العبارك عبار "لبن" |
إنتَ عَارِف يا دِينقْ اللبَنْ( القارِصْ) بيَدِي نَفسْ مَفعولْ عَبارَكْ بِتاعْ الوِسكِي أو سَمِيّهُ مَا شِئتْ! بَسْ الإختلافْ بِيكون إختلافْ فِي المقدار وليّسَ فِي النوعْ !
سؤالِي هَلْ هُنَالِكْ بَقر كُردفانيّه بواشِنطنْ دِيِسِي!
إن كَانتْ الإجابَه نَعمْ...
فثق أن أخونَا بِرِيّمَه فِي نَعنَشَه وغَيبوبَه "وركِيّبِيّه"
والمِنعنِشْ الغِيّبَانْ فِي ذِمَة الواعِي!!!
ولكِنْ ،
مَنْ هو جَدِيّرْ بِهذا الوعِي لِيُنقِذْ الآخرْ فِي حَالتَيّكُمُا !!
مَودّتِي.
| |
|
|
|
|
|
|
|
|
|
Re: يا ناس بريمة ده ما عندو وجيع؟ أطالب بعودة صاحب عبار "اللبن" بريمة محمد أدم. (Re: Deng)
|
الحي الله والدائم الله
هو بالله بريمة إتلحس - إسفيراً - ونحنا ما عارفين؟!
ياحليلك يابريمة يا ود آدم ويا حليلك يا المثقف السودني من جنوب كردفان (كما كنت تطلق على نفسك)
ويا حليل شبابو فى سودانيز أون لاين الراجل إتلحس قبل ما يعمل ليهو مكتبة
ياحليلك يا بيري "زي ماكنتا بتدلع نفسك" معقولة تمشي و تخلينا سكوتي كدا يا بيري وما نكشح فيك الفاتحة؟ مهما إختلفنا إنتا برضو ود حلتنا
شمار مستعجل:
كدي يا دينق يا أخوي طمني ود أبا دا لحستو دي من ال"Database " وللا بس تجميدة وح يجي ناطي لينا تاني؟ والله يكضب الشينة
| |
|
|
|
|
|
|
|
|
|
Re: يا ناس بريمة ده ما عندو وجيع؟ أطالب بعودة صاحب عبار "اللبن" بريمة محمد أدم. (Re: saadeldin abdelrahman)
|
| Quote: بالله انتا سيد مرارة اخونا زمان? |
لا حول ولا قوة إلا بالله العلي العظييييييييييييييييييييييم
أبو السعوووووووووووووووووووووود؟؟؟؟؟؟؟؟ والله الواحد خايف إنو أمو يلقاها هنا فى سودانيز اون لاين داخله أندر كفر 
والله أول مرة إنتبه لي البروفايل بتاعك، ياخي ليك وحشة أطنان، والله كان لنا قعدات لا تُنسى، سأتصل عليك فى الويك اند إن شاء الله وعليك الله سلم لي على عسولة، طبعاً آخر مرة قابلتك فيها أيام خليت اليابان وسافرتا إلى نيوزلندا وأدوك فيها الشريط يا أبو السعود وأنا عاجباني حكايتة إغتيال الشخصية دي فى سودانيز أون لاين أهو الله جابك لي يا أبو السعود إتمرن عليك و ح أفتك وأفت شواكيشك فى البالتوك
محبتي وأشواقي
| |
|
|
|
|
|
|
|
|
|
Re: يا ناس بريمة ده ما عندو وجيع؟ أطالب بعودة صاحب عبار "اللبن" بريمة محمد أدم. (Re: Deng)
|
مَرحَبْ بِيّكْ يَأخونَا Quote: أبوالخُلودْوالله يا محمد ادم في بقر كدة جمب البيت (VA) والله اخوك يشيل ويعايني راجي بس الكريسمس يجي
الردنك دي يحتمال يسافر غايتو اكان سافر اقطع التكت وتعال !! |
شَوقتِنا بهَذا الحَكِي "الدِكِيّكِيّنِي"!!
بَسْ لازِمْ يَا خُلدِي تَدعِي أخونَا دِيّنق بـ "عَبَارو" يِسَجِلْ حِضُورْ لأنو مُهِمْ جِداَ والزول طَلَعْ كَمَا قَالْ الفنَانْ "أبيّضْ ضَمِيّرْ" وكَمَانْ طَلعْ مِنـــ"بَلدِيّاتنَا"..
ولتَكمِلَة الخِيّاطَه "حَرِيّراَ" عَايزِيّنْ نِغِيّمْ نُقَارَه مُستَحدَثَه بِمُوسِيّقَة كَارِيّبِيّه هَاجَه!
لَكَ ولِدِيِنق وبرِيّمَه
مَودَه بِالكُومْ.
| |
|
|
|
|
|
|
|
|
|
Re: يا ناس بريمة ده ما عندو وجيع؟ أطالب بعودة صاحب عبار "اللبن" بريمة محمد أدم. (Re: ناذر محمد الخليفة)
|
Quote: ما تنسى انو الراجل دا كان فنانا المفضل
فى يوم من الايام |
أوسلي يا خبيث والله يا أوسلى من رحمة الله وجوده بحبيبنا أبو السعود إنو البالتوك ما فيهو حُجار، والله كان إتفلق جنس فليق
ومن رحمة الله وجوده بناس سودانيز أون لاين مافيها "مايك" والله كانوا إتفلقوا من غناء أبو السعود جنس فليق؟
أبو السعود والله العظيم مشتاقين ومشتاقين لقعداتك وونساتك، وعليك الله يا أبو السعود ماتاخد فى كلامي دا حاجة، والله دا أوسلى الخبيث دا جراني فى الكلام
Quote:
باقى ليك تعرف
من هو حسن6 ? |
والله يا أوسلى أدفع نص عمري وأعرف حسن ستة داخل بي ياتوا إسم، وبعدين الواحد خايف إنو يشاكل زول من أصحابو الزمان بجهالة ويصبح من النادمين وتكون دي عوجة
ورأيكم شنو يا أوسلى وأبو السعود ودينق نتلاقى فى البالتوك يوم السبت نتونس ونضحك ونقرقر والله أيام حلوة غايتو ح إتصل عليكم كلكم وأشوف برنامجكم شنو
تخريمة:
والله يا أوسلى البوست دا بقى فراش بكاء جد جد، الناس تكشح الفاتحة وتقعد بالجمبة كدا وتتونس ، عن إذنك دقيقة واحدة بس أرفع الفاتحة مع الجماعة الجايين ديل ياخي الفقيد الإسفيري بيري دا كان راجل عزيز علينا
| |
|
|
|
|
|
|
|
|
|
Re: يا ناس بريمة ده ما عندو وجيع؟ أطالب بعودة صاحب عبار "اللبن" بريمة محمد أدم. (Re: Deng)
|
Quote: إنتَ عَارِف يا دِينقْ اللبَنْ( القارِصْ) بيَدِي نَفسْ مَفعولْ عَبارَكْ بِتاعْ الوِسكِي أو سَمِيّهُ مَا شِئتْ! بَسْ الإختلافْ بِيكون إختلافْ فِي المقدار وليّسَ فِي النوعْ !
سؤالِي هَلْ هُنَالِكْ بَقر كُردفانيّه بواشِنطنْ دِيِسِي!
إن كَانتْ الإجابَه نَعمْ...
فثق أن أخونَا بِرِيّمَه فِي نَعنَشَه وغَيبوبَه "وركِيّبِيّه"
والمِنعنِشْ الغِيّبَانْ فِي ذِمَة الواعِي!!!
ولكِنْ ،
مَنْ هو جَدِيّرْ بِهذا الوعِي لِيُنقِذْ الآخرْ فِي حَالتَيّكُمُا !! |
الاخ محمد أدم.
هسع أنت عرفت عباري عبار ويسكي كيف؟
زي كلامك ده ياهو الجنن بريمة زاتوا.
الداير يعرف عبارنا لازم يزورنا ويشرب منوا, بعد داك ممكن يعرف عبارنا عبار شنو.
دينق.
| |
|
|
|
|
|
|
|
|
|
Re: يا ناس بريمة ده ما عندو وجيع؟ أطالب بعودة صاحب عبار "اللبن" بريمة محمد أدم. (Re: Deng)
|
Quote: الحي الله والدائم الله
هو بالله بريمة إتلحس - إسفيراً - ونحنا ما عارفين؟!
ياحليلك يابريمة يا ود آدم ويا حليلك يا المثقف السودني من جنوب كردفان (كما كنت تطلق على نفسك)
ويا حليل شبابو فى سودانيز أون لاين الراجل إتلحس قبل ما يعمل ليهو مكتبة
ياحليلك يا بيري "زي ماكنتا بتدلع نفسك" معقولة تمشي و تخلينا سكوتي كدا يا بيري وما نكشح فيك الفاتحة؟ مهما إختلفنا إنتا برضو ود حلتنا
شمار مستعجل:
كدي يا دينق يا أخوي طمني ود أبا دا لحستو دي من ال"Database " وللا بس تجميدة وح يجي ناطي لينا تاني؟ والله يكضب الشينة |
الاخ النذير حجازي.
بريمة أتوقف من هنا ومافي زول جاب خبره.
يعني دفاعه على الكيزان داك كلوا ما نفعوا.
دينق.
| |
|
|
|
|
|
|
|
|
|
Re: يا ناس بريمة ده ما عندو وجيع؟ أطالب بعودة صاحب عبار "اللبن" بريمة محمد أدم. (Re: Deng)
|
دينق ..
والله لولا إني بعزك و (بريدك) كان عملت لي تسعة (بوسطاط) تطالب بفصلك وادق جرس في البورد داأكتر مما دقاهو عصام احمد لمن فصلو (الزولة بتاعت العربية ديك) بس عشان الجملة دي :
Quote: نازر.
والله خوتكم خوة كلاب.
|
بس والله يا دينق أنا بحبك لله في الله كدي زي حب سجيمان لمن زولكم داك نبذو وبعد دا طالب بي إرجاعو !!
صنفرة :
عشان بس تعرف انا زول (أصلي) كيفن !!
| |
|
|
|
|
|
|
| |
Deng
خالد
Mohamed Adam
Salah Musa
النذير حجازي
saadeldin abdelrahman
osly2
Marouf Sanad
ناذر محمد الخليفة
saif massad ali
Asma Abdel Halim
عبد المطلب خضر عبد المطلب
Kostawi
فيس بوك
تويتر
انستقرام
يوتيوب
بنتيريست