Post: #1
Title: تهمــيش من نوع غريــب...حدث رياضى...
Author: abuguta
Date: 11-30-2006, 04:44 AM
مدرسة ابوقوتة تهزم مجمع مدارس الحصاحيصا :أغرب أحداث في الدورة المدرسية بمحلية الحصاحيصا واختفاء الكأس والجوائز في ظروف غامضة
شهدت الدورة المدرسية بمحلية الحصاحيصا اغرب حدث في ختام مباريات كرة القدم والتي جمعت بين مدرستي أبوقوتة الثانوية ومجمع مدارس الحصاحيصا والتي انتهت لصالح مدرسة أبوقوتة بهدفين دون مقابل، حيث اختفت الجوائز المقدمة وكأس الدورة عقب نهاية المباراة ولم يتم تسليمها لمدرسة أبوقوتة الفائزة، وأكد الأستاذ أحمد الأمين أحمد من مدرسة أبوقوتة الثانوية أن مسؤولي وكالة النشاط الطلابي قد انسحبوا من إستاد الحصاحيصا قبل ان تكتمل المباراة بعد ان هيأوا انفسهم في البداية لانتصار مجمع مدارس الحصاحيصا، مضيفاً بان عدم تسليم مدرسة ابوقوتة الثانوية لكأس البطولة والجوائز يعد ظلماً بيناً وفشلاً تنظيمياً كبيراً ومحاباة بغيضة من شأنها ان تفسد الأهداف الرئيسية للدورة المدرسية، ذاكراً انه كان على المسؤولين بوكالة النشاط الطلابي أن يتجردوا من مثل هذه الانتماءات الضيقة خصوصاً وان الدورة المدرسية في اصلها تكريس للقيم الفاضلة والنبيلة، مؤكداً على أنهم سيصعدون هذا الموضوع الخطير لأعلى الجهات حتى يستردوا حقوقهم الضائعة بسبب سوء التقدير والانتماء الضيق والتعصب الأعمى.
http://alsudani.info/index.php?type=3&id=2147511346
|
Post: #2
Title: Re: تهمــيش من نوع غريــب...حدث رياضى...
Author: اسامه هاشم
Date: 11-30-2006, 06:00 AM
Parent: #1
ودابوقوتة
تحياتي
اولا مبروك للاهل في ابوقوتة هذا الانتصار التاريخي
ثانيا ناس الحصاحيصا ديل مستنكرين الكاس على مدرسة
ابي قوتة عشان كدا قاموا اخفوه... وطبعا دا تصرف
غير لائق وعظمة المنافسة خاصة انها تحت رعاية وزارة
التربية والتعليم التي تعلم الناس الادب والاحترام
قبل ان تعلمهم القراءة والكتابة..
|
Post: #6
Title: Re: تهمــيش من نوع غريــب...حدث رياضى...
Author: abuguta
Date: 11-30-2006, 08:26 AM
Parent: #2
Quote: غير لائق وعظمة المنافسة خاصة انها تحت رعاية وزارة
التربية والتعليم التي تعلم الناس الادب والاحترام
قبل ان تعلمهم القراءة والكتابة.. |
اسامة هاشم
تحياتى
والله ياخى نحن عاوزين كاسنا...بس كلامك صاح عشان نحن من غرب الكنار..
عشان نحن مستضعفين...
شكرا على مرورك
زر ملفى الشخصى....ستجد معلومات تفيدك كثيرا
|
Post: #3
Title: Re: تهمــيش من نوع غريــب...حدث رياضى...
Author: بدرالدين شنا
Date: 11-30-2006, 07:32 AM
Parent: #1
أدين هذا التصرف المشين وأعلن تضامني اللامحدود مع أهلي في ابوقوتة
|
Post: #7
Title: Re: تهمــيش من نوع غريــب...حدث رياضى...
Author: abuguta
Date: 11-30-2006, 08:32 AM
Parent: #3
| Quote: أدين هذا التصرف المشين وأعلن تضامني اللامحدود مع أهلي في ابوقوتة |
البدرى
ياملهم قوافى
شعرى
حبك فى صدرى
من عصرنا
الحجرى....
الحصاحيصا..البنطون كبرى عادبن فون
الحصاحيصا الفنية..وبطولاتنا حين نهزم المدراس الاخرى
هتافاتنا الرائعة ..بالشاكوش والمنشار..غلبنا رجال
قضيت فيها اجمل ايامى..تعلمت بها نظم القوافى
كدى شوف القافية الحائية دى
حصيت الحصا الحاصى بالحصاحيصا
من حلى حفصة الحلى حشاها وديسا
هم اهلنا وان جارو علينا
لهم
نحن وكاساتنا
وملىء يدينا..
شكرا على تضامنك مع ناس غرب الترعة...وانتو ناس غرب الكنار..
|
Post: #4
Title: Re: تهمــيش من نوع غريــب...حدث رياضى...
Author: حمزاوي
Date: 11-30-2006, 07:58 AM
Parent: #1
ابوقوته اخوي
مسكاقمي
صدقني فريق مدرسة ابوقوته الثانوية افضل من فريق هلال ام درمان
اولاد ابوقوته جابو كأس محمول من مدينة تانية ومحافظة تانية
يعني ممكن يركبو طيارة وتكون محمولة جواً
وناس الهلال لي حسع ما جابو كاس من خارج العاصمة
يعني هم محليين وابوقوته ولائيين
شفت الفرق كبير كيف
التهنئة عبركم لفريق مدرسة ابوقوته الثانوية
واهالي ابوقوته
واموت انا في الحصاحيصا
|
Post: #5
Title: Re: تهمــيش من نوع غريــب...حدث رياضى...
Author: saif massad ali
Date: 11-30-2006, 08:19 AM
Parent: #4
ادين هذا التصرف الغير مسؤل
تضامني التام مع ابو قوته
|
Post: #8
Title: Re: تهمــيش من نوع غريــب...حدث رياضى...
Author: abuguta
Date: 12-01-2006, 02:10 AM
Parent: #4
| Quote: واموت انا في الحصاحيصا |
حمزاوى
ياحبى البداوى
زى محاية الخلاوى
واموت انا في الحصاحيصا
ويجيب خبرى ود اب عيسى..
قلت لى كيف..نحن احسن من الرشاشات..يقوم يسمعك الارباب وهو منتشى بكاس البطولة تصدق ذكرنى السوفيتى صاحب جلسى....لكن انا عندى فكرة اتبنى اولادنا الغلبو الجماعة وشالو عدتهم وجرو..لكن بصفتك قديم ومخضرم ونوبى...ما بتعرف لى امير زى المرحوم عبد الرحمن ال سعود و مكتول رياضة..يقدر يكب فينا الهللات..وخليهم يجيويسجلو بعدما يكبرو فى سلوث او الوحدة , الوفاق ..وهم اسى مو دايرين كتير..غير اكل ولبس ووعندهم موية الزير... وتصدق عندنا استاذ منجل ومسور تصور حكمة الله النجيلة بتقوم بدون رعاية اها مش بالله دى مقومات الانطلاقة...عملو لينا حاكم الولاية..من قروش الجباية بتاعة السوق
التى تساوى ملياران سنويا..وهو كتر خيرو تبرع لينا ب 20 مليون نزلو بيهن الطوب والباقى تموهه الشباب بسواعدهم بالله شفت الزول دا قوى كيف لان كان شايف فينا شوفة...مع العلم كان رئيس الرشاشات يوما..
عموما النجاح مو بالكتير...
|
Post: #9
Title: Re: تهمــيش من نوع غريــب...حدث رياضى...
Author: abuguta
Date: 12-02-2006, 01:27 AM
Parent: #8
Quote: ادين هذا التصرف الغير مسؤل
تضامني التام مع ابو قوته |
سيف اخوى
انده لينا ود بساطى
شيخنا العاتى
تبنشر عندهم كفرات
عند المطرات..
ياخوى نحن مستهوننا الناس ديل...لكن ياهم القدامنا
يحمونا ويشيلوا مننا الضرائب....
ونغلبهم وشييلو هم الكاس...
تعرف زمان عندنا عم ولدو معنا فى الرياض..كان بسبق بالحصان ..ويجيب الجائزة ويسلمها العمدة
هو زعلان من تصرف ابوه البليد دا ...لكن هنافى الخليج الحصان بكون حق امير ..ووالراكب
بكون مؤجر...اها دى فلسفة وصل ليها عمنا العمدة زمان..الله يرحمه..
اها نحن نفوز والكاس لناس شرق الكنار..
وينك يالحاج تييقى.وابوبكر..وشباب الحصاحيصا...انجدونا ياجماعة..نحن مش كنا رابطة واحدة فى الهند..الليلة الجده شنو..
|
Post: #10
Title: Re: تهمــيش من نوع غريــب...حدث رياضى...
Author: اسامه هاشم
Date: 12-02-2006, 02:01 AM
Parent: #9
ود ابوقوتة
يا الف مراحب
واهلا بناس الحي الجنوبي .. الحي الذي احتضننا ثلاث سنوات
ونحن طلبة بمدرسة ابوقوتة الوسطى هذا الهرم التعليمي الشامخ
الذي ندين له الان بكل حرف تعلمناه وبكل كسب انجزناه عبر مشوار
حياتنا التعليمية ومشوار حياتنا العملية... لا زلت احن الى داخلية
المدرسة ... انها نظام ولا الكلية الحربية في دقتها يشرف عليها
اساتذة افذاذ مدنيين لكننا تعلمنا منهم الضبط والربط... ذكريات
كثيرة ماذلنا نحلم بها ويا لها من ايام... ايام كنا نذاكر بالرتاين
يا حبيبي وننام ملئ الجفون ما بين الفصول والعنابر في توادد واخاء
وبراءة لا تحدها حدود ...
الحي الجنوبي والعمدة ادريس واولاده ووووو....
لك تحياتي
|
|