Post: #1
Title: بوست خاص/ صباح حسين تود التعرف بصباح حسين.
Author: Sabah Hussein
Date: 11-30-2006, 03:09 AM
Parent: #0
الاخت العزيزة صباح حسين.
تحياتى واشواقى
حقيقى اول مره القى واحده تحمل اسمى واسم ابوى كمان. وانا سعيدة القى
سميتى .اود التعرف اكثر ونتفق على بعض التحوير فى الاسم لكى لايحدث خلط
لناس المنبر.ويشاكلو واحده من الصباحات وتكون غير مقصودة.
ودا تنويه لكتاب البورد.
توجد بالبورد صباحين والاثنين بنات حسين.
انا صباح بت حسين من مدنى لقبى كان صباح الدين كنايه على انى محمد ولد
اختفى القب بعد انجبت بنتى الآء(لولا)
وخزف الجمهور الدين اقصد القب .
درست بجامعة القاهره الفرع- ومعهد الموسيقى والمسرح.
حلبيه اللون. شينه لكن بتـى عسـل.
هـذا كل مايمكن ان اوله عن نفسى.
فهـلا نتعرف ياصباح حسين التانيه (ياانا)
ياانا دى ذكرتنى سنه يا انا.
دى مامشاغله بـس انا فرحانه عشان لقيت زوله شايله اسمى.
|
Post: #2
Title: Re: بوست خاص/ صباح حسين تود التعرف بصباح حسين.
Author: Sabah Hussein
Date: 11-30-2006, 01:00 PM
يا صباح تعالى.
|
Post: #3
Title: Re: بوست خاص/ صباح حسين تود التعرف بصباح حسين.
Author: saif massad ali
Date: 11-30-2006, 01:22 PM
Parent: #2
صباح حسين
انتي حلبية وبتتكلمي هوسا كيف
kena lafia
ina labrii
yaya ra
كان ما جاوبتي انتي صباح التانية
|
Post: #4
Title: Re: بوست خاص/ صباح حسين تود التعرف بصباح حسين.
Author: Sabah Hussein
Date: 11-30-2006, 01:40 PM
كيفنك ياسيف
هـى صباح التانيه هوساويه ولاشـنو.
جيرانا كانوا فلاتـه فوطه.
واسمى بلغة الهوسا بتنطق فجييري.وزمان كنت حافظه لى كم كلمه منهم.
حاجه جميله تلقى اسمك واسم ابوك كمان.مسمى بيهم زول تانى
والعقليه الاجراميه بتاعتى اشتغلت تـش خصوصا لو صباح التانيه مغندره
شـويه.
|
Post: #5
Title: Re: بوست خاص/ صباح حسين تود التعرف بصباح حسين.
Author: أحمد الشايقي
Date: 11-30-2006, 02:12 PM
Parent: #4
صباح حسين
سلامات
مبادرة كريمـة منـك
كدي خلينا نتعرف على صباح حسين بالانجليزي اول
بعدين نشوف العربي
تحياتي
أحمـد
|
Post: #6
Title: Re: بوست خاص/ صباح حسين تود التعرف بصباح حسين.
Author: Sabah Hussein
Date: 11-30-2006, 03:07 PM
الشايقى ازيك انا صباح المسحراتيه.
كيف السودان على حسك. وخصـوصا بحر مدنى.
انشاءالله تكون بلغت تحياتى واشواقى الذائده لبحر مدنى وشجره وطينه.
نزل لينا صـور الرحله.
|
Post: #7
Title: Re: بوست خاص/ صباح حسين تود التعرف بصباح حسين.
Author: Emad Abdulla
Date: 11-30-2006, 04:22 PM
Parent: #6
| Quote: والعقليه الاجراميه بتاعتى اشتغلت تـش خصوصا لو صباح التانيه مغندره شـويه. |
مغندرة دي شنو ؟؟  تكوني قاصده مغندلة .. أو غندولية !!!
كده ثبت عليك إنك صباح الحلبية .. بت مدني .. أم آلاء .. و أم عقلية إجرامية ( كيشة ) .. 
ننتظر .. يمكن صباح حسين التانية تكون تفتيحة إجرامية أكتر 
|
Post: #8
Title: Re: بوست خاص/ صباح حسين تود التعرف بصباح حسين.
Author: Sabah Hussein
Date: 11-30-2006, 04:58 PM
ازيك ياعماد .طبعا حـكاية كيشه دى مافيها اتنين تلاته وحلبيه كمان.
المشكله التفكير بصـوت عالى وخصوصا الاجرامى .
وعدم معرفة المصطلحات كمان مشكله تانيه .مغندره بقصد بيها مقرشه اى
عندها قروش وبعد الصحـوبيه والونسه نعرف رغم الحساب وكـده.
المشكله لوطلعت صباح التانيه ما حلبيه.او طلعت سـمحه.
كده الحكايه حتبوظ خصـوصا لو حاولت اسحب من حسابها وطلبو
منى البطاقة الشخصيه.
|
Post: #9
Title: Re: بوست خاص/ صباح حسين تود التعرف بصباح حسين.
Author: عبد المنعم ابراهيم الحاج
Date: 11-30-2006, 05:09 PM
Parent: #8
ما قلنا ليك
اتاريك طلعتي
جدادة رومية
تحايانا
لآلاء ..
|
Post: #10
Title: Re: بوست خاص/ صباح حسين تود التعرف بصباح حسين.
Author: Sabah Hussein
Date: 11-30-2006, 05:29 PM
ازيك يامنعم كيفك وكيف ناس سميه والعيال . وكل سنه وانتو طيبين.
طبعا من قبل عمك رمضان مايودع ما سمعنا صـوتكم.
المهم انك طلعت من المـرحاض. انشاء الله تكون استحميت للعيـد وكده.
خصوصا ورمضان كلوا زايق فى الرحاض. ذكرتـنى زمان لمـن ينوو لى دقـه
بجرى ادخل المرحاض لحـدى ما ينسونى.
بعدين انا جـدادة خلا. ضـعفانه ومعولقه. يمكن صباح التانيه تكون جداده
روميه.
|
Post: #11
Title: Re: بوست خاص/ صباح حسين تود التعرف بصباح حسين.
Author: saif massad ali
Date: 11-30-2006, 05:53 PM
Parent: #10
صباح
دي انتي ذاتك جيرانكم محس وفلاته
فجييري يعني صباح بالهوسا
جيرانكم هوسا يا صباح مش فلاته
|
Post: #12
Title: Re: بوست خاص/ صباح حسين تود التعرف بصباح حسين.
Author: Sabah Hussein
Date: 11-30-2006, 08:32 PM
انت ياسيف صباح التانيه دى هوساويه.
ولاانت متخصص لغات هاوسا. عرفت لغة الهوسا من وين.انا عرفتها من جيرانا.
ولاتكون المدام هوساويه.
بعدين صباح التانيه قام اتعزز الليمون عشان فتحنا ليهو بوست.
دى اول شكله حااعبيها مع انا.
|
Post: #13
Title: Re: بوست خاص/ صباح حسين تود التعرف بصباح حسين.
Author: abdalla elshaikh
Date: 11-30-2006, 09:09 PM
Parent: #12
صباح حسين..
كيف اخبار بنيتنا لولا..يا صباح والله ما قدرت اتـماسك لامن شفت مهيار ولد عوضيه يوسف عريس{في بوست عاشه بت فاطنه} مهيار اللي كان بيجري بيناتنا في اتحاد الكتاب...عقبال لولا عشان تبقي حبوبه زي عوضيه يوسف...الله يجازي الكيزان
|
Post: #14
Title: Re: بوست خاص/ صباح حسين تود التعرف بصباح حسين.
Author: Sabah Hussein
Date: 11-30-2006, 10:01 PM
كارلوس وين الحى بيك.
الف مبروك لى مهيار ولى عوضيه الحبوبه.والبسمع كلامك دا يقول انك مابتعجز
وتبقى جـدو. لكن يااخوى انا حالفه اكمل نـصف ديـنى بعد اعـرس لى بـتى
لولا طوالى يعنى بعد اعرس ليها اقعود احسب فى النجوم ولأ ادخل وامرق فى
البيت ذى الغنمايه. لازم القى زول ادى هارد تايم وخصوصا مرحلة الخرف
محتاجه الرفقه المأمونه.اها كيف معاك ما طلعت تفتيحه.
|
Post: #15
Title: Re: بوست خاص/ صباح حسين تود التعرف بصباح حسين.
Author: Sabah Hussein
Date: 12-02-2006, 00:26 AM
ياصباح مشتاقين.
طبعا التحايل على رفع البوست ساهل لمن تكتب لى نفسك.
انا فى انتظارك ياانا..
|
Post: #16
Title: Re: بوست خاص/ صباح حسين تود التعرف بصباح حسين.
Author: ABDELMAGID ABDELMAGID
Date: 12-03-2006, 09:54 PM
Parent: #15
Quote: ياصباح مشتاقين.
طبعا التحايل على رفع البوست ساهل لمن تكتب لى نفسك.
انا فى انتظارك ياانا.. |
up
|
Post: #17
Title: Re: بوست خاص/ صباح حسين تود التعرف بصباح حسين.
Author: ABDELMAGID ABDELMAGID
Date: 12-03-2006, 11:37 PM
Parent: #16
Quote: ياصباح مشتاقين.
طبعا التحايل على رفع البوست ساهل لمن تكتب لى نفسك.
انا فى انتظارك ياانا.. |
|
Post: #18
Title: Re: بوست خاص/ صباح حسين تود التعرف بصباح حسين.
Author: صباح حسين
Date: 12-04-2006, 02:59 AM
Parent: #17
الأخت صباح معذرة فلم أري بوستك إلا اللحظة وكان من الممكن ألا أراه لولا الرفع المدبل من السيد عبدالماجد عبدالماجد يبدو أن الشمار كاتلو؟
كان بودي لو تم التواصل بالماسنجر والمخصص أصلاً لخدمة التواصل الشخصي
بخصوص التشابه في الاسم فلم ألحظ إلا في هذه اللحظة وذلك لغيابي من الكتابة لفترة بسبب طروف أنثوية.
إذا عاوزة تعدلي إسمك أو أعدل ليك اسمي ما في أي مشكلة
أنا امدرمانية - فراعية - وشايقية (دا عشان ورود سؤال عن هل أنا هوساوية)_ متزوجة وأم لثلاثة أطفال -أقمت في ليبياوالسعودية وإنتقلنا إلي الولايات المتحدة.
|
Post: #19
Title: Re: بوست خاص/ صباح حسين تود التعرف بصباح حسين.
Author: saif massad ali
Date: 12-04-2006, 03:08 AM
Parent: #18
صباحات حسينات
الاخت صباح حسين الاولي انا قلت الاولي بتتكلم هوسا ( قريت في بوست احب الفلاته احب المحس لاحداكن
وكتبت معي بالهوسا وكانت تعتقدها فولبا)
صباح الثانية لم نقل انك هوساوية
|
Post: #20
Title: Re: بوست خاص/ صباح حسين تود التعرف بصباح حسين.
Author: Sabah Hussein
Date: 12-05-2006, 11:43 AM
مليون مرحب بصباح حسـين.
وانا سعيده جـدا جـدا بمعرفتـك. وللاسـف مابعرف استخدم الماسنجر عشان
كده فـتحت البوسـت دا. واهو طلعنا مشتركين فى تلاته حاجات
اولا الاثنين بنات حسين.
تانيا; الاثنين فراعيات.
ثالثا; الاثنين فى امريكا.
لوسمحتى رسلى ماسنجر عشان نتم التعارف. بعرف ارد على الرساله لكن مابعرف
ارسل. يمكن نكون فى ولايه واحـده ونتلاقى كمان.
الف شكر يا عبد الماجد على رفع البوست.
وشكرا ياسيف الهوساوى.
|
|