Post: #1
Title: أفتينا يا عمر الفاروق
Author: Hussein Mallasi
Date: 11-28-2006, 05:47 PM
ياخي في ناس شايفين نانسي عجاج أحسن مغنية سودانية؛
و في ناس شايفنها ما بتعرف تغني.
|
Post: #2
Title: Re: أفتينا يا عمر الفاروق
Author: saadeldin abdelrahman
Date: 11-28-2006, 06:15 PM
Parent: #1
ملاسي إزيك!
الاستاذة نانسي دي - على حداثة سنها- فنانة مجودة و موهوبة
و لها لونية اداء خاصة جدا و تجد في طبقات صوتها ..
الحنكوشة و الحبوبة مع بعض (ما شاء الله) و رغم ذلك لا أقول
بأنها المغنية الأولى و لكنها في مستوى الرائعات نبوية و اسرار
و سميرة .. اما إذا أضافت دراسة الموسيقى لكل هذه الملكات
المتوفرة فستكون جمعت المجد من طرفيه!
انت شايف شنو كدي
لا قدام يا نانسي
|
Post: #3
Title: Re: أفتينا يا عمر الفاروق
Author: Hussein Mallasi
Date: 11-28-2006, 06:30 PM
Parent: #2
انا شايف غير الانت شايفو يا ابو السعود ؛
و لان المعجبين بصوت نانسي كتار رأيت أن أحيل الموضوع للمختصين .. فاستفتيت الفاروق.
|
Post: #4
Title: Re: أفتينا يا عمر الفاروق
Author: Shahd Ahmed
Date: 11-29-2006, 02:44 AM
Parent: #3
زولة عادية يا حسين 
|
Post: #5
Title: Re: أفتينا يا عمر الفاروق
Author: محمد عبدالرحمن
Date: 11-29-2006, 02:55 AM
Parent: #4
| Quote: رأيت أن أحيل الموضوع للمختصين .. فاستفتيت الفاروق. |
عمر الفاروق شنو المن المختصين فى الغناء ..ياخى قول
كلام غير كدا ...
|
Post: #6
Title: Re: أفتينا يا عمر الفاروق
Author: بدرالدين شنا
Date: 11-29-2006, 02:57 AM
Parent: #1
عجبتني جنس عجبة
|
Post: #7
Title: Re: أفتينا يا عمر الفاروق
Author: ناذر محمد الخليفة
Date: 11-29-2006, 03:09 AM
Parent: #1
Quote: و لكنها في مستوى الرائعات نبوية و اسرار
|
|
Post: #8
Title: Re: أفتينا يا عمر الفاروق
Author: محمد الأمين موسى
Date: 11-29-2006, 03:27 AM
Parent: #7
الأخ الفاضل ملاسي.. لك التحية.
أنا ممن أبهرهم صوت نانسي عجاج.. وعلى الرغم من أنني لست مختصا في الفن، ولكني كمستمع بإمكاني القول إن الشابة نانسي وهبها الله صوتا قويا ونادرا لن تجد له منافسا حقيقيا في الساحة السودانية.. وحبذا لو استفتيت أهل الاختصاص في علم الأصوات حتى يؤكدوا هذا الزعم أو يدحضوه.
أما عن كونها أفضل فنانة، فهذا أمر آخر لأن الفن إنجاز وتراكم وليس مجرد مقدرات صوتية.. بإمكان نانسي إن وظفت صوتها بكيفية مثلى أن تصبح أفضل وأعظم فنانة سودانية.. وإلا ستبقى عائشة الفلاتية - رحمها الله - تتربع وحيدة في عرشها، إلى أجل غير مسمى.
|
Post: #9
Title: مُغنية..و ليست مُطربة!
Author: mamkouna
Date: 11-29-2006, 05:04 AM
Parent: #1
سبق و أن نوقشت القصة دي في القرية المجاورة..في البوست المُسمى..
نانسي ..أسطورة الزمن القادم.
http://sudaniyat.net/vb/showthread.php?t=3996
و كان رأيي كالآتي:
Quote: نانسي عجاج مُغنية جميلة و أنيقة و مختلفة..
لكن..
بالنسبة لصوتها أنا بفتكر إنها مرات بتغني كأنها بتصرخ أو بالعربي كده بتسكل..
بعدين بيجيني إحساس إنها من غير الناطقين بالعربية و تشبه طريقة غناءها طريقة الكوريين زمان لمن كانوا بيغنوا أغنية حمد الريح (( لو عارف عيونك ))...بعد إستبدالها ب نسخة كورية إسمها (( لو آآآرف أيونك )) .!!
بعدين يا جماعة الزولة دي بتغني من غير إحساس و بطريقة ميكانيكية و رسمية كأنها بتلقي في خطاب مجلس إدارة....مافي تفاعل و مافي إحساس بالكلام...برود شديد.
معليش يا خوانا أنا ما ناقدة فنية و لا أفقه في الموسيقى إلا ما علٌمنا له عزيز خطاب في الستة دروس اليتيمة إياها ...لكنى أكتب ما أحسه ك متلقى عام و مستمع عادي..و.. بس.
كل الود
ممكونة |
ثم..
Quote: ألا تتفقو معي أن أغنية (( لو آآرف أيونك ))..
قد..
تُلفت نظرك..
تُثير فضولك..
تُثير إعجابك..
أحياناً تُضحكك..
لكنها لا يمكن أن تُطربك..!!؟؟ |
بره الموضوع:-
نفهم من كده إنو الإجازة السنوية خلصت؟؟؟!!!
|
Post: #10
Title: Re: مُغنية..و ليست مُطربة!
Author: mulhim
Date: 11-29-2006, 05:17 AM
Parent: #9
الاخ ملاسى .. تحياتى ..
مع انه السؤال للاخ الفاروق ...
لكنى شايف نانسى اكتر من عاديه...صوتها قوى نعم ..لكنها تكثر من الفيبرو فى الغناء فى غير موضعه المناسب وبذياده
وده بدل الطرب بخليك تنزعج وما تعرفها قاعده تغنى فى شنو ...وده السبب الخلى اختنا الممكونه تشبهها بالكوريات (( لو ااارف أيونك))
وكلامى ده ما كلام خبير ومتخصص بس زول سمّاع ساكت ..
وبنرجع السؤال لود الفاروق ...او كما قال ملاســـى ..
ودمتم ..
|
Post: #11
Title: مُغنية و مؤدية..و ليست مُطربة.
Author: mamkouna
Date: 11-29-2006, 05:20 AM
Parent: #1
ولٌى المسا
|
Post: #12
Title: Re: مُغنية و مؤدية..و ليست مُطربة.
Author: Hussein Mallasi
Date: 11-29-2006, 05:35 AM
Parent: #11
إن كان رأي خبيرنا في صالح صوت نانسي سأحاول – حينها - تمرين أذني على الاستماع و الاحتمال؛
و إن كان في غير صالحه يبقى خلاص!
|
Post: #13
Title: Re: مُغنية و مؤدية..و ليست مُطربة.
Author: Hussein Mallasi
Date: 11-29-2006, 11:05 AM
Parent: #12
يذكرني غناء نانسي بمذيعة مانقو التي تقدم - مع زميلها – صحف الصباح!
_____
لمن لم يسمع مذيعة مانقو يمكنه أن يسمع
نانسي و هي تردد اللاااا المساااااا اللاااا المسااااااا
|
Post: #14
Title: Re: أفتينا يا عمر الفاروق
Author: عمر الفاروق
Date: 11-29-2006, 11:26 AM
Parent: #1
لا يُفْتى وحسين في المدينة ..
|
Post: #15
Title: Re: أفتينا يا عمر الفاروق
Author: عمر الفاروق
Date: 11-29-2006, 11:41 AM
Parent: #14
تعرف يا سحس:
الزولة دي بتديني إحساس إنها قاعدة تغني في القطب الشمالي ..
وما تسألني ليي ..
مشكلتها الأولى إنها بتختار أغاني ما قدر صوتها والمشكلة الأكبر إنها أغاني إرتبطت في وجدان المستمع بطريقة معينة وبي اداء معين ومن اصوات معينة ..
لا أتوقع أن شخصاً سمع ولّى المساء من عمار السنوسي بعد ابو السيد يمكن أن يحتمل ان يسمعها من شخص اخر وإن كان هشام درماس يحاول جاهداً مع هذه الأغنية ..
تعرف يا سحس نحن في السودان ارتبطت لينا الكورة بي الناس الشينين فلو ظهر لينا ولد وجيه بيلعب اساسي تلقانا نشبكوا ليك انت العب زول..
وكذلك غنا البنات ..
وبقت دوماً تأثر في قراراتنا الفنية الشكل الظاهري والإنتماء الأسري..
ظاهرتان غنائيتان كشروق ونانسي استطاعت في فترة وجيزة وبفعل فاعل ان تقتحم الاضنين غصباً عني وغصباً عنك ..
ولأننها كترناها بقوا يقولوا لينا إنتو حاقدين وشنافين ..
وما بعجبكم العجب ولا الصيام في رجب..
|
Post: #16
Title: Re: أفتينا يا عمر الفاروق
Author: Yassir Tayfour
Date: 11-29-2006, 12:27 PM
Parent: #14
يا عمر
لكن حسين ملاسى ختاك فى (ركن) ضيِّق خلاص
| Quote: لا يُفْتى وحسين في المدينة .. |
اسى ده نعتبرو final answer!
يا ملاسى فى داعى عليك الله تحرج عمر مع (آل) عجاج!!!
ياعمر يا أخوى الناس دى كلها قالت مستوى عادى
وأخونا سعدالدين ما بحب يغلط على زول
وانت بى إجابتك الفوق دى قلت الرووووب عديل كده
لانك خايف على سمعتك (النقدفنية)
_________
كدة تأكد لى تماماً، انو ملاسى ده مخرِب لذات البين
|
Post: #17
Title: Re: أفتينا يا عمر الفاروق
Author: hatim
Date: 11-29-2006, 12:47 PM
Parent: #16
رأيت أن أحيل الموضوع للمختصين .. فاستفتيت الفاروق.
Quote: تعرف يا سحس نحن في السودان ارتبطت لينا الكورة بي الناس الشينين فلو ظهر لينا ولد وجيه بيلعب اساسي تلقانا نشبكوا ليك انت العب زول..
وكذلك غنا البنات ..
وبقت دوماً تأثر في قراراتنا الفنية الشكل الظاهري والإنتماء الأسري.. |
|
Post: #18
Title: Re: أفتينا يا عمر الفاروق
Author: Yassir Tayfour
Date: 11-29-2006, 01:05 PM
Parent: #17
يا عمر
ردى الفوق كتبو ليك قبل ما أقرى مداخلتك التانية.
لكن برضو فيك الخير، ملاسى ما ح يكتفى بى كلامك ده
_____________
أرفع ليك بوست شروق ولا متذكرو؟؟؟
|
Post: #20
Title: Re: أفتينا يا عمر الفاروق
Author: على محمد على بشير
Date: 11-29-2006, 01:12 PM
Parent: #18
Quote: تعرف يا سحس نحن في السودان ارتبطت لينا الكورة بي الناس الشينين فلو ظهر لينا ولد وجيه بيلعب اساسي تلقانا نشبكوا ليك انت العب زول..
|
|
Post: #19
Title: Re: أفتينا يا عمر الفاروق
Author: Bakhaf
Date: 11-29-2006, 01:10 PM
Parent: #17
| Quote: رأيت أن أحيل الموضوع للمختصين .. فاستفتيت الفاروق. |
|
Post: #21
Title: Re: أفتينا يا عمر الفاروق
Author: عمر الفاروق
Date: 12-03-2006, 02:35 AM
Parent: #1
Be Right Back..
Ooooooooooooooooooooh my god it is nice
To Yasir English
thanks AlIrsalia to Help Me
|
Post: #22
Title: Re: أفتينا يا عمر الفاروق
Author: سامى عبد الوهاب مكى
Date: 12-03-2006, 02:56 AM
Parent: #1
| Quote: ستبقى عائشة الفلاتية - رحمها الله - تتربع وحيدة في عرشها، إلى أجل غير مسمى. |
100%
|
Post: #23
Title: Re: أفتينا يا عمر الفاروق
Author: خالد
Date: 12-03-2006, 03:43 AM
Parent: #22
Quote: Be Right Back..
Ooooooooooooooooooooh my god it is nice
To Yasir English
thanks AlIrsalia to Help Me |
|
Post: #24
Title: Re: أفتينا يا عمر الفاروق
Author: محمد عبدالرحمن
Date: 12-03-2006, 04:06 AM
Parent: #23
الغريبة انو عمر الفاروق صدق انو من المختصين ..
وجا ادلى بدلوه فى الامر ..وبرضو عايزين الاغنية
تتطور ..
|
Post: #25
Title: Re: أفتينا يا عمر الفاروق
Author: سفيان بشير نابرى
Date: 12-03-2006, 05:26 AM
Parent: #1
ملاسي ,,
سلام جاك ،،
الاجابة الصحيحة في نظري :-
بس نشأة الامام ما يسمعنا .
|
Post: #26
Title: Re: أفتينا يا عمر الفاروق
Author: عمر الفاروق
Date: 12-03-2006, 11:47 AM
Parent: #1
Quote: الغريبة انو عمر الفاروق صدق انو من المختصين ..
وجا ادلى بدلوه فى الامر ..وبرضو عايزين الاغنية
تتطور .. |
حماده هبهان
والله عرفاناً منّي ليك أهدي ليك اللحن ده :
يا حبيبي (العربي) من طااااابت ..
يا حبيبي يلا الشمس غااااابت ..
ياخ والله كل ما اقرا ليك مداخلة بحس إنك من الناس الكانوا بيقيفوا في صف العمرة
وتلقاهو بيقول لي صاحبو:
(الشيكة الليلتي وصلت هسسسع دي)..
يا زول فرصة وجاتك من السما ركز مع الاولمبياد دي واتفرج للدنيا والعالمين..
|
|