فنان هندي سيخي

يا جماعة بسال من الفنان الهندي السيخي الطوالي لابس عمة اسمه منو؟ لو سمحتوا بالانجليزي.
مشكورين

يكون قصدك دا :

كل ما أشوفو أو أسمع صوتو طوالي بتذكر عصام أحمد البشير !!

والله يا امحمد يا خوي فنانك ده كان ختيت ناذر خليفة ده ، الجن الأزرق ما يعرفوا ليك..تتصور بمجرد ما قريت البوست اتذكرت شكلو ...طبعا اسمو ده ولا حتى في عقل العقل الباطن...وما توقعت حتلقى زول يدلك عليهو...لكن اهو ناذر جابو ليك قبل ان يرتد إليك طرفك... يعني موقعكم ده الواحد لو سأل فيهو عن العنقاء والخل الوفي بيلقاهم...

المحترم أحمد يوسف ..

تتصور البورد دا مرات كدة بتحصل فيهو حاجات غريبة الواحد لمن يخاف !! بحصوص الفنان ديلر مهيندي .. أنا من المعجبين بيهو جدا .. وعندي ليهو كم شريط .. قبل يومين بس إتذكرت الفنان دا ومشيت بحت ونكت الشريط عشان أسمعوا أمبارح في المنبر لمن قريت البوست د قلت يا ربي الفكي دا قاصد زولي مهيندي زاتو ولا واحداً تاني ؟!! وبما إنو مهيندي أشهر فنان سيخي فطوالي لفحت صورتو من الألبوم وعملت ليها سكان وقلت نديها لي محمد الفكي دا !!

بس ما عارف لو كان قاصد الفنان دا ولا واحد تاني .. وهو بيني وبينك ما في زول كان حا يتذكر الفنان دا خاصة الوصف بتاعو ما واضح

شنكل :

بالمناسبة ..
أنا محمد علي يوسف أبو حريرة زاملتو في الهند وكان برلومي وسكنا مع بعض أكتر من سنة ما عارف درجة قرابتك بيهو شنو !! تحياتي ليهو لأني منقطع منو فترة طويلة ..

نذوري
الزول يا هو ود الكلب، عذبني عذاب عشان القاه، معاي ود اختي قرا في بونا الحنونة قدر ما حاول يتذكره غلبه.
انا عافي منك دنيا واخرة،
بعدين شفت توارد الخواطر دا كيف؟ ليك يومين تفتش له عشان تلقاه لي يوم ما اسالك؟ بالله عليك جماعة محمد طه لو جوني اكان اتمسكوا؟وبالمناسبة دي حمدالله علي السلامة شايف اسمك ما جاء في الموضوع تاني" بتاع الخلعة"
الاخ محمد علي يوسف ابو حريرة في الحساب ابن عمي لكن ما حصل اتقابلنا لانه انا عشت بره السودان وهو زي ما قلت انت انه كان بره ، وهو علي ما اعتقد شقيق اخونا احمد يوسف ابو حريرة الناشط معانا بالحزب الاتحادي الديموقراطي وشايفه حائم الايام دي في المنبر.
بالمناسبة يا ناذر انت في هولندا؟ ولا في حتة تانية؟
بعدين يا ناذر بعد ما شكرناك علي الهندي واتحمدنالك بالسلامة من انك ما متورط في موضوع محمد طه دايرين منك طلب تاني بس الله يقدرك عليه

في فيلم سيلينا جنيفر لوبيز غنت اغنية باللغة المكسيكية عن عربية او حاجة بالشكل دا، غايتو لو عرفت لي الاغنية دي اسمها شنو تكون بالغت عديل.

تحياتنا يا ملك النت، بمناسبة الملوك دي بايعت عمك فاروق محمد حامد ولا لسه؟ بعدين الملك فاروق دا قبل فترة انضرب في البورصة بتاعة السعودية الناس كلها كفرت له. وحات الله عمك كان رايح فيها، الله يستر تكون من ان تكون قصة المملكة دي اول الاعراض.

محمد عمر ..

Quote: نذوري الزول يا هو ود الكلب، عذبني عذاب عشان القاه، معاي ود اختي قرا في بونا الحنونة قدر ما حاول يتذكره غلبه. انا عافي منك دنيا واخرة،

الحمد لله طلع زولك ياهو مهندي .. بس ما قلت لي (شماااار كدة يعني) مالك بيهو وكايسلو في شنو ؟!

Quote: اتمسكوا؟وبالمناسبة دي حمدالله علي السلامة شايف اسمك ما جاء في الموضوع تاني" بتاع الخلعة"

يا تو موضوع ؟؟ ما إتذكرت والله !!!

Quote: بالمناسبة يا ناذر انت في هولندا؟ ولا في حتة تانية؟

لا لا أناما في هولندا.. في حتة تانية

Quote: في فيلم سيلينا جنيفر لوبيز غنت اغنية باللغة المكسيكية عن عربية او حاجة بالشكل دا، غايتو لو عرفت لي الاغنية دي اسمها شنو تكون بالغت عديل.

لا لا ما عارفا .. بعدين انا ذاتي ما بحب المبالغات

صنفرة :

كان عندي سيدي فيهو أغاني لي ديلر مهيندي لكن ما لامي فيها ولو لقيتا حا أجي انزل ليك وحدة كاربة في البوست دا !!

اول حاجة يا ناذر بفتش له لانه كاتب لي شيك وطلع جوكي
ثاني حاجة الموضوع الما اتذكرته بتاع اغتيال محمد طه محمد احمد لما اخونا محمد حامد جمعة قال ليك لو عرفتهم "القتلة" فسوف تتفاجا بمعرفتهم.

ثالثا: انا سالتك عن هولندا لانه زي الشفت مرة انك ذكرت الموضوع دا في بوست ولا احتمال يكون تشابهت علي الامور ولخبطتك مع زول تاني.

يا محمد ..

Quote: اول حاجة يا ناذر بفتش له لانه كاتب لي شيك وطلع جوكي

اكيد إنت غلطان أو في واحد إنتحل شخصية مهيندي دا وإحتال عليك
مهيندي القروش العندو حكومتك دي بي جلالة قدرها ما عندها .. تقول لي أداك شيط طاير !