Post: #1
Title: ابوحراز من قلب الوطن !!!
Author: ابوحراز
Date: 11-27-2006, 05:06 AM
اشتاق اليكم كاشتياق أودية الجفاف للماء من شفاه الخريف
واشتقتكم حقاً في كل اللحظات
اشتاق همساتكم
ولمسات اقلامكم الجميلة
وفرشاتكم الملونة
لكنني اشتقت أكثر وأكثر لإنسانة أعشقها بكل عمق
إمراة تحمل في أعماقها قلباً من قلوب الملائكة
قابلتني هي ومآرب الصغيرة
واحترت ايهما أعانق أولاًً ؟
حكيت عنكم لأجدادي
ولحبوباتي
ولأصدقائي
تغيرت قلوب كل الناس الذين سمعوا عنكم
تغيرت حتى فصائل دمهم
وتغيرت أنفاسهم
وأصبحت أكثر حرارة
وأكثر عطر
عشقوكم قبل أن يروكم
وأحبوا كثيرأ مشاكستي معكم
تحياتي لكم جميعاً من الأعماق الى الأعماق
ومن القلب الى القلب
وتحياتي لكل الظامئين
ولكل أولئك الذين تركوا من ورائهم نساءاً يتحرقن شوقاً
وأخريات تذوب أنفاسهن حتى في زمهرير الشتاء !!
هل اشتقكم الى ابوحراز كما اشتاق هو اليكم ؟؟
|
Post: #2
Title: Re: ابوحراز من قلب الوطن !!!
Author: Haytham Abdulaziz
Date: 11-27-2006, 07:17 AM
Parent: #1
| Quote: هل اشتقكم الى ابوحراز كما اشتاق هو اليكم ؟؟ |
واللاي يا ابوحراز ما طالبني حليفة لي كم يوم كدة بفكر اعمل بوست للناس المفقودين في المنبر و إنت اول زول خطر على بالي ... و اكيد مشتاقين ليك ... و كذلك نفتقد البقية من الأخوان و الأخوات و كن بخيــر....
هيثــم....
|
Post: #3
Title: Re: ابوحراز من قلب الوطن !!!
Author: Muna Khugali
Date: 11-27-2006, 07:31 AM
Parent: #2
أنا أيضا اشتاق اليك أخي ومع شـوقك اشتاق لكل من تحبهم..ولأهل ابو حراز وونسة حشياتهم..
وصينية غـداهم بكسرتها.. وجبنة الفجرية والضحوية والمغربية..
والقعـدة في حيشاهم الواسعة.. واشتاق لصراحتهم وطـبيعيتهم.. وسهولتهم في التعامل ..
أشتاق لأشكال التكافل بينهم وزياراتهم وتضامنهم واستعـداتهم القلبية والمادية للفرح..
وأشتاق لأن اسمع مع الآخرين منك..عن تفاصيل ايامك ومشاعرك التي تبعتها هناك..
وحب وسلام مني.. لمعشوقتك أم مآرب ولمآرب معشوقتك الصغيرة..
مني
|
Post: #9
Title: Re: ابوحراز من قلب الوطن !!!
Author: ابوحراز
Date: 11-30-2006, 07:10 AM
Parent: #2
اليكم جميعاً الشكر والتقدير
سآتيكم من السودان بقبس
أو قارورة حب
سأحكي لكم عن كل شيء
هنا نحن نأكل ونشرب
يومياً سماية واعراس وافراح
حتى صواني البكاء أصبحت مليئة من كل شيء
والضائع في النهاية هو المرحوم
مفارقات عجيبة وجدتها في وطني
وأشياء كثيرة أراها بالمقلوب
مسكولات 00 ورسائل ساخنة 00 ومكياج حد الصخب
المغترب يحمل موبايلا بلا رصيد
وشقيق المغترب يغذيه في كل ثانية
اشياء عجيبة وغريبة سأحكيها لكم
امنحوني فرصة
فانا مشتاق اليكم
|
Post: #10
Title: Re: ابوحراز من قلب الوطن !!!
Author: ابوحراز
Date: 12-04-2006, 06:16 AM
Parent: #2
Haytham Abdulaziz
كيف يامان
اشتاق اليك بحرارة
وجدت الناس في السودان يأكلون بشراهة
لا أدري لماذا
هل يدركون أن لاوجبة ستأتي بعدهذه الوجبة التي يأكلونها ؟؟
|
Post: #4
Title: Re: ابوحراز من قلب الوطن !!!
Author: سمندلاوى
Date: 11-27-2006, 09:58 AM
Parent: #1
وييينك يابلد؟
ازيك ياحرزو , ياخى دا كلام تقولو , يعنى مامشتاقين ليك
ياخى نحنا محتاجنك بشدة , البورد بقى مسيييييخ
تعال طعمو لينا عليك الله !! عشان الزهجة دى تطير كدا ولا كدا!
تعال فرح منابرنا
حليل ايام زمان!
فرحان بطلتك
كل الحب!
بكرى
|
Post: #5
Title: Re: ابوحراز من قلب الوطن !!!
Author: مهيرة
Date: 11-27-2006, 10:13 AM
Parent: #4
تحياتنا ليك
ولمآرب وأمها
ولتراب الوطن
ولأهلنا الحنان
وللنيل والشجن
|
Post: #6
Title: Re: ابوحراز من قلب الوطن !!!
Author: garjah
Date: 11-27-2006, 10:49 AM
Parent: #5
حروزة
يا راجل
مشتاقين
وخوش في الموضوع طوالي
|
Post: #7
Title: Re: ابوحراز من قلب الوطن !!!
Author: احمد العمار
Date: 11-27-2006, 01:17 PM
Parent: #6
اخى ابو حراز كيف حالك يا رجل يا ملك
يا ابوحراز والله حقيقة الواحد مشتاق لك تعرف اخر مرة قريت ليك مداخلة فى بوست للعضو عبدالحى عن الوهابية والصوفية قبل كم شهر حتى الوقت داك ما كنت عضو فتمنيت لو الاقى طريقة اشكرك واحييك عبرها ولكن لم اجد والغريبة بعد نلنا شرف العضوية انتو الاتنين اختفيتو .
فتحياتى ومحبتى لك اخى الكريم
أحمد العمار
|
Post: #8
Title: Re: ابوحراز من قلب الوطن !!!
Author: almulaomar
Date: 11-28-2006, 02:07 AM
Parent: #1
الجميل حد الشناه أب حراز
والله ليك وحشه وكمية من الأشواق ، وجميل أن تكون في البلد وتقول لينا كمان من قلب الوطن ، هو الوطن المسكين باقي ليهو قلب يا أخي ده قلبو بالكاد يدق ونحن كلنا ظلمناه وما لينا حق ، ظلمناه لمن هاجر من هاجر وأعتزل من إعتزل وأعتكف من إعتكف وزهد من زهد ونافق من نافق وخاض مع الخائضين ووقف أمام أبواب السلاطين وأكل من فتات موائد اللئام من فعل.
المهم إن شاء الله لقيت أهلك كلهم طيبين وتمتعت بإجازتك وعازين إنطباعاتك وإنبراشاتك وهل إستطعت في غفلة من ست النفر أن تسترق النظر وتعاين بي عيونك 
|
Post: #11
Title: Re: ابوحراز من قلب الوطن !!!
Author: ناذر محمد الخليفة
Date: 12-04-2006, 09:25 AM
Parent: #1
|
Post: #12
Title: Re: ابوحراز من قلب الوطن !!!
Author: إسحاق بله الأمين
Date: 12-04-2006, 09:58 AM
Parent: #11
طلتك يا ابحراز أخوي زي
نسيمة باردة في عز الصيف
وزي دعاشاً يرد الروح
يجيب الفال ويزيد الكيف
والمنبر من وراك خليتو
زي حرازة محاربة الخريف
والليلة جيتنا شايل الفرح
ومنتظرنك للحكي والبوح الظريف
|
Post: #13
Title: Re: ابوحراز من قلب الوطن !!!
Author: nazar hussien
Date: 12-04-2006, 10:13 AM
Parent: #12
يا اب حراز...اولا سلم لينا علي مآرب وام مآرب وجد مآرب...وحلة ناس مآرب...
وحمدالله بي سلامة وصولك ...وشوفة الاهل....
لكن السودان...دا كل يوم في شأن....ما بنعرف ليه حال تب
الناس اتفرقت كلها...والبتلاقيه ...بتلقاه مستعجل....والمغترب اصبح افقر المساكين...
يا راجل...اخواني في البيت بدوني تلاتة يوم...ضيافة...وتاني موية من الزير دا ما بدوني
ليها...وحكمة الله دا من فوق بعرفوك جائي الاجازة عندك كم من حاجاتك البتاخدن من السوق الحر...
اصغر اخواني مسك الكالكيوليتر...في اول ليلة وصلت فيها وضرب...شاي سكر حلاوة وصابون ....
قال لي العندك ديل بقعدنك عشرة يوم ....انت قايل البلد زي زمان...الدولار نزل...
عشان كدة احسن سريع نأجر لينا تاكسي ونلففك علي البكيات الفاتنك امكن تاني ما تقدر...
انت قايل ما كان صادق...صدق بلحيل...
ومع ذلك اتمني لك اجازة سعيدة...واوصيك باللقيمات خيرا في السقط دا
|
Post: #14
Title: Re: ابوحراز من قلب الوطن !!!
Author: rummana
Date: 12-05-2006, 02:22 AM
Parent: #13
الأخ أبو حراز
تحياتي إليك والأسرة الكريمة وأتمنى لك وقتا طيبا بالسودان
خالص المودة
|
|