Post: #1
Title: .... الماسنجر.....
Author: رشا سالم
Date: 11-26-2006, 04:07 PM
منذ عهد بعيد...
عندما كنت اتلصص السقيا في موقعكم العامر...
وقبل حصولي علي الباسوورد النفيس...
كنت كثير ما اجد انعام عبدالحفيظ تتونس مع مني خوجلي وتقوم تقول ليها:
باقي الشمار بتمه ليك في الماسنجر الداخلي
تكونت في خيالي صورة جميلة ومثيرة عن الماسنجر الداخلي..
معقل الشمارات..ومكان الونسات الدقاقة..
ولجهلي المركب..تخيلته ماسنجر زي بتاع الMSN ..!
ولما ربنا انعم علي بالباسويرد كانت اول محطة لي الماسنجر..
واندهشت كما لم اندهش من قبل..
ياجماعة الخير وين الناس؟
مافي زول اونلاين؟؟
اها بعد اتصالات مكثفة لتمبس واخرين امتنع عن
ذكرهم اتوصلت للحقيقة المريرة..!
بعد داك بقيت انبسط لما تجيني مسج ...
وبقا الماسنجر وسيلة اتصال مهمة ...
مافيها شمارات ولا يحزنون...
...
دحين يا بكري ...
الله يرضي عليك...
نحنا قروش تلفونات عبر القارات ما عندنا...
وايميلات نوزعها هنا ما بنقدر عليها...
ماسنجرك دا كان اهم ميزة فيهو انك بتكون عارف المرسل ليك منو..
يعني مافي زول بيتجاوز حده ولا يكتب فارغة...
عشان كل الاسباب الفاتت...
ما توقف الماسنجر وشوف ليك حل تاني...
انت مهندس وبتعرف تحلها
|
Post: #2
Title: Re: .... الماسنجر.....
Author: رشا سالم
Date: 11-26-2006, 04:16 PM
Parent: #1
ونذيدك من الشعر بيت...
الماسنجر يعتبر اداة مهمة في حل الخلافات البتحصل بين الأعضاء...
يعني لو زول قال ليك كلام زعلك ...ماضروري تحرجه قدام الناس..
ممكن ترسل ليهو واحد ماسنجر وتوضح ليهو بهدؤ وجهة نظرك..
ودا بيحد من البوستات والبوستات المضادة..
البتزهج الناس وتخليهم يبطلوا قراية للبورد..
|
Post: #3
Title: Re: .... الماسنجر.....
Author: رشا سالم
Date: 11-26-2006, 04:26 PM
Parent: #2
انا مابعرف معني البندويث ولا اسمه شنو دا...
لكن اظنه وحدة قياس ...
ولو حسبناها بالفيزياء المادة لا تفني ولا تستحدث من العدم...
يعني لو الناس فقدت الماسنجر ..حتحاول تنقل المعلومة عن طريق البوستات..
وال LOAD برضه حيذيد( ولا انا داخلة شمال؟)
المهم يا بكري الماسنجر دا مهم شديد..
وزي عصاية موسي...لنا فيه مآرب اخري...
بجيك صادة اما اتذكرها...
|
Post: #5
Title: Re: .... الماسنجر.....
Author: SAdo7
Date: 11-26-2006, 04:38 PM
Parent: #3
نتمنى ان يسمح الباشمهندس بكرى
برساله واحده فى اليوم لكل عضو
عشان حكاية حل المشاكل دى لكن
الناس البتمو الشمارات فى المسنجر ديل
والله مشكلتهم مشكله لو سحبو المسنجر
والتحايا لبكرى فى كل الاحوال
|
Post: #7
Title: Re: .... الماسنجر.....
Author: رشا سالم
Date: 11-26-2006, 05:08 PM
Parent: #5
الاخ الكريم SAdo7
ربنا يكتر حسناتك...
Quote: نتمنى ان يسمح الباشمهندس بكرى
برساله واحده فى اليوم لكل عضو
عشان حكاية حل المشاكل دى |
كلام جميل..
Quote: الناس البتمو الشمارات فى المسنجر ديل
والله مشكلتهم مشكله لو سحبو المسنجر |
مافي شمارات في الماسنجر..دي كلها تخيلات من راسي...
هو لو في زول عنده شمار حارقه...بينتظر يومين
لما الزول التاني يخش الماسنجر؟
الماسنجر دا لتبادل التلفونات والايميلات وتحديد مواضيع معينة..
يعني كلمتين ورد غطاهم...
|
Post: #6
Title: Re: .... الماسنجر.....
Author: Emad Abdulla
Date: 11-26-2006, 04:38 PM
Parent: #2
مساء الخير يا رشا ..
وكل رسالة ماسنجرية و إنتي بخير ..
كلامك زين ..
بس في عضوية بتديها كوز .. و تستغل الماسنجر بشكل ح يضر البقية , و يحد من سرعة أداء المنبر و يدخلنا في حاو و تُر ..
مؤكد بكري عنده أسبابه بحكم إنه الصورة كاملة عنده بإشكالاتها و لكلكتها .
ياخ تعريفة الناس ما بتدفعها للزول ده , كتر خيرو على البيسوي فيهو , نقوم كمان نزيد ليهو الحمل و نوجع دماغ باندويثه و نسبب ليهو العلة بخدمة أتاحها لينا و ممكن الناس تعوضها بالإيميل العادي البقى عند كل زول .
فيصل نوبي إقترح في مكان تاني إنه يكون في ليميت محددة لعدد الرسائل المسموح بيها لكل عضو في زمن محدد , أظنه الفكرة كويسة .
و تمبس غايتو بعد ده إلا يجي بخشم الباب عديييييييييل 
|
Post: #9
Title: Re: .... الماسنجر.....
Author: رشا سالم
Date: 11-26-2006, 05:25 PM
Parent: #6
مساء النور يا عماد...
اول شيء نسألك ..الزمن دا كلو مالك مارسلت لي ماسنجر؟
هسه الزول يتذكرك بشنو؟
غايتو الا نتذكرك بقصة الغنماية الفرتقت ليك خطوبتك..
Quote: كلامك زين ..
بس في عضوية بتديها كوز .. و تستغل الماسنجر بشكل ح يضر البقية |
الزايدنها كوز ديل يعملوا ليهم ميزانية معينة...
وانا وسمرية صاحبتي وكل الناس الدايرة تساعد غادة
او عندها قضية تانية شغالة فيها..متضررين جدا جدا..
Quote: مؤكد بكري عنده أسبابه بحكم إنه الصورة كاملة عنده بإشكالاتها و لكلكتها .
|
والله عارفين ومقدرين جدا..لكن ياخ الراجل باشمهندس..
عامل ليهو موقع قدر الليلة وبكرة..
اكيد بيعرف ليهو حل للموضوع دا...
اذا القصة سعة تخزينية..ممكن يكون في زمن محدد للمسج في الماسنجر..
يعني مثلا تلاتة يوم..اي مسج اكتر من تلاته ايام تتمسح تلقائيا...
(الكلام دا بيتنفذ ولا انا بخربط ساي؟)
Quote: و تمبس غايتو بعد ده إلا يجي بخشم الباب عديييييييييل
|
والله تمبس دا تعب معاي...اي حته اجيب سيرته
وهو مسكين..لا بيهو ولا عليهو سرحان في دنيا تانية..
لو دايرني اوريك سرحان وين حنس بكري يخلي الماسنجر
|
Post: #4
Title: Re: .... الماسنجر.....
Author: معاوية كرفس
Date: 11-26-2006, 04:36 PM
Parent: #1
.
رشا
نحن السودانيين إتعودنا
إنو دائماً الصاح بيقيف
لأسباب غلط
وبي أعذار مبرر ليها بالغلط
غض النظر عن كون الفاعل عارف ولا ما عارف .
أنا ما حأزيد علي كلامك الفوق
ولا الفي بوست بكري القلتي فيهو:
Quote: الاخ الكريم بكري ابوبكر...
القرار دا شوية صعب علينا...
يعني مثلا في مواضيع بتكون محتاجة تنسيق..
والتنسيق عادة بتم عن طريق الماسنجر...
زي موضوع علاج الاخت غادة نوري...معظم الاتصالات كانت عن طريق الماسنجر..
ولو الزول عايز يتحصل علي وسيلة تانية بتاعت اتصال بشخص معين..
برضه بيحتاج الماسنجر عشان المعلومة تصله..
ما عارفه الحل يكون شنو لكن ياريت يكون في اعادة نظر للموضوع دا...
|
.
|
Post: #11
Title: Re: .... الماسنجر.....
Author: رشا سالم
Date: 11-26-2006, 05:48 PM
Parent: #4
Quote: رشا
نحن السودانيين إتعودنا
إنو دائماً الصاح بيقيف
لأسباب غلط
وبي أعذار مبرر ليها بالغلط
غض النظر عن كون الفاعل عارف ولا ما عارف .
|
يا كرفس!
مالك داير تكرفس لينا البوست؟
البوست دا بتاع حناسات لبكري..
دايرنه يفكر ويدبر ويقرر انه حيشوف حل تاني..
علي العموم كلامك دا علي عيننا وراسنا..
|
Post: #8
Title: Re: .... الماسنجر.....
Author: Adel Sameer Tawfiq
Date: 11-26-2006, 05:19 PM
Parent: #1
| Quote: ما توقف الماسنجر وشوف ليك حل تاني...انت مهندس وبتعرف تحلها |
أضم صوتي لدكتورة رشا لأهمية المسنجر..
مطلوب القبض على تمبس حيآ لتأخذ العدالة مجراها..
وعلى نفسها جنت براقش..
|
Post: #13
Title: Re: .... الماسنجر.....
Author: رشا سالم
Date: 11-26-2006, 06:26 PM
Parent: #8
مولانا...
| Quote: أضم صوتي لدكتورة رشا لأهمية المسنجر.. |
صوتك يشرفنا جدا...
| Quote: مطلوب القبض على تمبس حيآ لتأخذ العدالة مجراها.. |
ادخل تمبس في جملة مفيدة
|
Post: #14
Title: Re: .... الماسنجر.....
Author: رشا سالم
Date: 11-26-2006, 06:32 PM
Parent: #10
لؤى...
هسه الجاب سيرة البحر منو؟
يعني عشان وريتني الماسنجر جايي تعمل لي قصص؟
البلد دي مافيها معلومات لله؟؟؟
وموضوع اللخبطة في الحرفين العجيبين ديل ما تقولها لي...
دا موضوع ميئوس منه...
وعلي العموم اعمل لينا حصة
|
Post: #20
Title: Re: .... الماسنجر.....
Author: Haytham Abdulaziz
Date: 11-27-2006, 03:34 AM
Parent: #19
Quote: ما شايفة زميلنا هيثم عبد العزيز
كلّما يفتح ليهو بوست يجيب سيرتي ((أستاذي لؤي))
|
أولاً عـذراً يا رشــا و شكــراً للموضــوع دة ...
طبعـاً دي مكنتــك عـايـز تزوق من رشــا عشـان الحصص ... يلا خـم و صُـر و هاك الفتنـة دي......
اهــا يا رشـا شفتــي لـؤي دة ورانـي أي حـاجـة و كان بديني دروس خصوصية بهناك بس بـراحـة عليهـوا بلاي...
| Quote: تقول أنا عُمري كم وتلاتين سنة |
لا بلاي إنت عمـرك كمتــاشـــر سنــة عُمر الزهور و عُمر المنى ..و بالمناسبة نزًل الغنية دي يا أستاذي عشان خاطر رشـا....
لا يـا يـابـا إنت لا تفوت لا تمــوت و إن شـاءالله عــاد يوم شكــرك ما إجـــي ... تجـي و لا أجــي .. و منتظــرك بهنــاك ...
ودي يا أستــــ ـــاذي و زي ما قلت ليك ......
هيثــــم....
|
Post: #22
Title: Re: .... الماسنجر.....
Author: رشا سالم
Date: 11-27-2006, 04:18 AM
Parent: #19
ابو اللول ...صباح الخير..
Quote: بسبب بوستك دا بكري كتب بوست جديد
قل الماسنجر بيتقفل أوّل ديسمبر
|
يا لؤى ياخ انا كتبت البوست دا بعد البوست بتاع بكري...
يعني ما انا العملت الكركبة...
والحصة ما بعفيك منها...عشان تاني ما تتفلسف لي بالعربي بتاعك...
وانت عارفني ثقافتي هنغارية..
|
Post: #12
Title: Re: .... الماسنجر.....
Author: عبد المنعم سليمان
Date: 11-26-2006, 05:57 PM
Parent: #1
Quote: الماسنجر يعتبر اداة مهمة في حل الخلافات البتحصل بين الأعضاء...
يعني لو زول قال ليك كلام زعلك ...ماضروري تحرجه قدام الناس..
ممكن ترسل ليهو واحد ماسنجر وتوضح ليهو بهدؤ وجهة نظرك..
ودا بيحد من البوستات والبوستات المضادة.. |
عينك نجيضة يا دكتوره
تسلم عيونك
ابصم علي كلامك
تحياتي واحترامي
منعم
|
Post: #16
Title: Re: .... الماسنجر.....
Author: Kostawi
Date: 11-26-2006, 06:38 PM
Parent: #12
العمود الفقري لسودانيزأونلاين هو الماسنجر...بكري ده بصحو?
و له أكل التركي قام بيه?
|
Post: #24
Title: Re: .... الماسنجر.....
Author: رشا سالم
Date: 11-27-2006, 04:28 AM
Parent: #16
| Quote: العمود الفقري لسودانيزأونلاين هو الماسنجر...بكري ده بصحو? |
الاخ المحترم كوستاوي...
ياخ الزول بصحه وهسه دخلت البوست الاساسي والحمدلله الباشمهندس لقي لينا الحل..
انا زمان قلت ليكم بكري دا بيحلها وانتوا ما صدقتوني( وش شرير بتاع فتن )
شكرا لكل الشباب الطالبوا بالغاء القرار..
|
Post: #23
Title: Re: .... الماسنجر.....
Author: رشا سالم
Date: 11-27-2006, 04:21 AM
Parent: #12
الاخ عبدالمنعم سليمان...
مشكور علي التثنية...
وبكري اكيد حيلقي ليهو طريقة يحل بيها المشكل دا..
تحياتي واحترامي وتقديري ليك..
|
Post: #15
Title: Re: .... الماسنجر.....
Author: ناذر محمد الخليفة
Date: 11-26-2006, 06:35 PM
Parent: #1
زمان يا رشا بكري وقف مننا الماسنجر برضو أول ما انا جيت جديد ..
والله إتحيرت حيرة ما عادية !!
قمت كتبت البوست دا :
أول أثر سلبي لسحب الماسنجر ... أين أجد صديقي عمر الفاروق ؟؟!!
صنفرة :
غايتو لو راجعتيهو حا تعرفي كيف نحن قدرنا نعوض فقد الماسنجر الوكت داك !!
|
Post: #17
Title: Re: .... الماسنجر.....
Author: شهاب الفاتح عثمان
Date: 11-26-2006, 10:34 PM
Parent: #15
Quote: ما توقف الماسنجر وشوف ليك حل تاني...انت مهندس وبتعرف تحلها
تحديد الكتروني لكل عضو رسالة واحدة في اليوم مطلب
شعب البورداب يا ربان بكري.
|
Post: #26
Title: Re: .... الماسنجر.....
Author: رشا سالم
Date: 11-27-2006, 04:54 AM
Parent: #17
د . شهاب...
الربان استجاب لمطلب الشعب البوردابي..
تسلم علي المرور....
|
Post: #25
Title: Re: .... الماسنجر.....
Author: رشا سالم
Date: 11-27-2006, 04:46 AM
Parent: #15
ناذر عريس كل المواسم..
الله قبضك لي...
انت شنو قصة عرسك الكل مرة بتأجل فيهو دا؟
انا جاية السودان يوم 29 اتناشر وبقعد عشرة يوم...
لازم تعمل عرسك في العشرة يوم دي...
وبخصوص الماسنجر...بالغتوا انت وعمر الفاروق...
Quote: بي المناسبة عشان تعمل الضحكة أم سنون دي عندك خيارين أنا بديك الأسهل منهم :
حول الكتابة للإنجليزي (Alt +Shift) وبعدين أكتب النقطتين الفوق بعض " : " متبوعة مباشرة بي حرف ال " D " بس يا بشكة ....
|
دي شفيتها من البوست القديم بتاعكم وحاجربها طوالي هسه
|
Post: #18
Title: Re: .... الماسنجر.....
Author: DKEEN
Date: 11-27-2006, 01:35 AM
Parent: #1
مادايرين مسنجر ....
انا اصلا ماحصل رسلت لي في بت...
لذا انا غير مستفيد منو..
لذا انا اثني بشدة قرار الالغاء..
مسنجر بدون بنات زي الشرا في القندول..
دكين عشا البايتات- من كتاب الشرا والقندول ص 747
|
Post: #21
Title: Re: .... الماسنجر.....
Author: Kostawi
Date: 11-27-2006, 04:12 AM
Parent: #18
يا عوسطة القطر ده ما معمول للعوسطوات الزيك...
ما لك و مال المسنكر..السنكرا ال...من قفاك
خلي عليك الله الناس الحلوين, وش و فهم, يسطروا الملعب
طول و عرض.
أمشي سوي تركينك و سيب...
الحاجات الحلوة للناس البتهبر التركين.
|
Post: #27
Title: Re: .... الماسنجر.....
Author: رشا سالم
Date: 11-27-2006, 04:59 AM
Parent: #18
دكين عشا البايتات...
ياخ ماممكن تكون بكامل وسامتك دي ...ولونك البمبي الزاهي دا
ومافي بت تكون رسلت ليك ماسنجر..!
غايتوا انا برسل ليك واحد هسه دا كان عاديني تبع البنات...
|
Post: #28
Title: Re: .... الماسنجر.....
Author: طارق جبريل
Date: 11-27-2006, 06:51 AM
Parent: #1
الاستاذة رشا كيفنك
حقيقي طرحك للموضوع جيد جدا
انا ايضا اتفق مع ان يكون هناك عدد محدود لعدد الرسائل للعضو الواحد
لا شك انه الاخ بكري يبذل مجهود خرافي هنا
واول ثمرات هذا المنبر من وجهة نظري هو كمية الحرية الفيه والتي جعلت الكل
يتناقش بصوت عالي بعيدا عن الاعتقال او القمع او المعيقات المشابهة
الحرية دائما تنجب جوا معافى يساعد على التنمية
فقط علينا استخدام تلك الحرية بعقلانية اكثر
اتمنى من الاخ بكري ان يستجيب لعدم سحب الماسينجر
وأن يحدد عدد محدد لكل عضو في اليوم
وعلينا نحن الاتزام بذلك لنحافظ على الحرية الموجودة
هنا والتي افتقدناها كثيرا في وطن الله وحده يعلم إلى أين يسير
التحية لك ولزوراك
|
Post: #29
Title: Re: .... الماسنجر.....
Author: رشا سالم
Date: 11-28-2006, 02:20 AM
Parent: #28
الاخ طارق جبريل...
Quote: الاستاذة رشا كيفنك
حقيقي طرحك للموضوع جيد جدا
انا ايضا اتفق مع ان يكون هناك عدد محدود لعدد الرسائل للعضو الواحد |
الحمد لله بكري راجع القرار وحدد عدد حروف معين لكل رسالة..
بعد دا اتعلموا الاختزال
Quote: لا شك انه الاخ بكري يبذل مجهود خرافي هنا
واول ثمرات هذا المنبر من وجهة نظري هو كمية الحرية الفيه والتي جعلت الكل
يتناقش بصوت عالي بعيدا عن الاعتقال او القمع او المعيقات المشابهة |
ما قلت غير الحق..
Quote: الحرية دائما تنجب جوا معافى يساعد على التنمية
فقط علينا استخدام تلك الحرية بعقلانية اكثر |
انت عارف كلامك دا وقع لي في جرح..
انا مافي شي بيفقع مرارتي..غير ادعياء الحرية والديمقراطية البيمارسوا
الدكتاتورية علي الآخر!
مافي اي مبرر للتصرفات دي..
لا سنوات الظلم والقمع..
ولا عمر كامل من الاضطهاد ..بيمنح شخص حق الحكم علي الاخرين ومصادرة
حريتهم الخاصة في التعبير عن ذواتهم ..او حتي الافصاح عن قبح نفوسهم..
يعني اي زول في المنبر دا عنده الحرية يكتب الدايره..
ومن حق ذيد ولا عبيد يناقشه في الكلام الكاتبه...
لكن ما من حق اي زول يسفه كلام زول ولا يقول ليهو ما عندك موضوع..!
يعني دايما الناس بتزكر مثل : فلان كاتب عن غنمايته الولدت تيمان..!
ياخ خليهو يكتب عن غنمايته زي ما داير..
انت مالك؟ داير تقول ليهو مبروك ..كان بها ..
ما داير ..اقطع وشك
اي زول ليهو الحق يختار المواضيع البتعجبه ويكتب فيها...
يختار صورة للبروفايل بتاعه بمزاجه الشخصي...
يختار اسم معين يكتب بيهو..
دي حريات بسيطة ربنا بمساعدة بكري اتاحها لينا..
ونحنا يا كافي البلاء مستكترنها علي بعض..؟!
شي عجيب..!
ياخ عملت ليك صداع..لكن الناس ديل صدعوا بي من اول الصباح..
يلا سلم علي وليداتك الحلوين ديل..وولدك الصغير دا اتا لو لميت فيهو بكملوا ليك
وبكرة بيجي سجيمان يقول : رشا سالم من قبائل النيام نيام
|
Post: #30
Title: Re: .... الماسنجر.....
Author: Shahd Ahmed
Date: 11-28-2006, 06:04 AM
Parent: #1
رشا
سلم ليك و لكل الاخوات/ة المتداخات / ون
مع اني جديدة و مافي زول قاعد يرسل لي
شمار ساي خشيت المسنجر
لقيتو عامل زي الروشته
سطرين للدواء بس
|
Post: #31
Title: Re: .... الماسنجر.....
Author: nassar elhaj
Date: 11-28-2006, 01:06 PM
Parent: #30
إزيك رشا
وهذه الأمطار الغزيرة ...
كلام شهد صاح الماسنجر قاعد
انا قلت بالله الماسنجر اتشال وأنا ما عارف
خرجت من الموضوع وعاينت لقيت الماسنجر قاعد
المهم فرصة للتحية والسلام
وامشي الماسنجر انا رسلت ليك رسالة ..
|
Post: #33
Title: Re: .... الماسنجر.....
Author: رشا سالم
Date: 11-28-2006, 02:20 PM
Parent: #30
الاخت الحبيبة شهد...
مرحب بيك في البورد ونورتي الحلة...
Quote: رشا
سلم ليك و لكل الاخوات/ة المتداخات / ون
مع اني جديدة و مافي زول قاعد يرسل لي
شمار ساي خشيت المسنجر
لقيتو عامل زي الروشته
سطرين للدواء بس |
قبيل قريت مداخلتك وحاولت ارسل ليك ماسنجر...
حلف براس ابوهو ما يترسل ..
عشان كده لازم نكتب ليك روشتة تبخريهو كل يوم صباح ومسا..
وتقري عليهو المعوذتين ..
ويلا ورينا همتك...
|
Post: #32
Title: Re: .... الماسنجر.....
Author: معتصم دفع الله
Date: 11-28-2006, 01:45 PM
Parent: #1
رشا ازيك ..
قبل كده الريس وقف المسينجر والحكاية دي عملت ضجة كبيرة ..
الله يطراها بالخير الغالية رجاء العباسي عملت مسينجر على الهواء ..
وكان من البوستات الجميلة والزمن زاتو كان أجمل ..
كويس انو الريس عملو زي روشتة الدواء عشان الواحد يكتب المهم بس ويتخارج ..
|
|
