ابن الخطاب والحجاب وقصة حسين خوجلي ودحية الكلبي والصافي بن جعفر ال......

Quote: يقول كتاب المغني الجزء الأول ص ٣٥١ عن ابن قدامة »إن عمر رضي الله عنه ضرب أمة لآل أنس رآها متقنعة وقال اكشفي رأسك ولا تتشبهي بالحرائر«، وفي سنن البيهقي الجزء الثاني ص ٢٢٧ يروى عن أنس بن مالك »إماء عمر كن يخدمننا كاشفات عن شعورهن«... كل هذه المرويات وغيرها تؤكد على أن عمر بن الخطاب فهم الحجاب على أنه للتمييز بين دالحرة والأمة

علما إن أغلب الإماء في تلك الأيام كن أبيض من الثلج "

ولمن لم يروا الثلج نقول أبيض من الآبريه الأبيض ولمن

لا يعرف الآبريه الأبيض نقول إنه أبيض من القرش الأبيض

في اليوم الأسود!!!!!!

زمان كان لي صديق ظريف -انقلب بفضل الانقاذ الى صديق

ثقيل فتركته- ... حكى عن زواجه بأم عياله فقال : والله

أنا قبل ما أعرسها عيني دي ما وقعت لا على خلقتها ولا

هيئتها بس أخواتي قالوا لي حلوة وشعرها طوييييييييييل

وحسع لي تلاتين سنة ما عارف الشعر ده بسووا بيهو شنو؟

وقيل إن عمر بن الخطاب(ر) سمع غناء لبعض النساء يتغزلن

في شاب يدعى "دحية" قيل إنه كان من أجمل شباب المدينة

، فأمر فجئ به اليه فروع من فتنته فأمر بحلق شعر رأسه (صلعة)

قال الرواة : فصار أشد فتنة فأمر بنفيه الى (العراق) !!!!!!!!!

وذات يوم من أيام زمان كنا في مجلس لأحد أعلام الخرطوم فرويت أنا هذه القصة..

فقال أحدهم أها وبعدين ؟ فقال آخر : أها شنو.. ما من ديك وعييييييييك !

وقال آخر والله الشاب مظلوم .. ظلمته وسامته ...وكان علي الحاج

موجودا في تلك الجلسة فقال : الحمدلله الما حضرت زمن عمر كان نفاني الى الكونغو

برازافيل فضحك القوم حتى الزهزهة وهي أعلى مراتب الضحك !!!!!!! أما أنا فكان

تعليقي : ألم يعلم سيدنا عمر ان بالعراق نساء أيضا ؟؟؟ وكان رد

إحدى الحنكوشات - بعد نشري لهذه القصة في صفحة كانت مخصصة للأدب

الساخر في صحيفة الاتحاد الاماراتية - "لكن سيدنا عمر ما بالغ

عدييييييل كده !!! فقلت لها ليه ؟ فردت بسرعة : ما بنات العراق

بكونن مكسرات ليـــ حسع ... ولا أعرف ماذا كان سيكون حال شوارع

الخرطوم إذا ما كان سيدنا عمر حاضرا هذه الأيام ونفى هذا الشاب

اليها....,,, قالت إحداهن : ما بتقدر تتمشي ,,, لأن الضلع المكسرة

بتكون مالية الشوارع كلها- تذكرت كان في زمان قماش عراريق

مشهور اسمه ضلع الدكاترة.. ولا أعرف حتى الآن لماذا أسموه هذا الاسم -

ويبدو لي إن الحنكوشة صاحبة التعليق قد استعارت مصطلح الضلع المكسرة

من الأديب الأستاذ حسين خوجلي في إحدي تجلياته التلفزيونية الجميلة

حين استضاف صديقه المهندس الصافي جعفر وكان الحديث عن سيدنا أبي بكر

الصديق .. ومعروف عن الصافي حبه الشديد لسيدنا أبي بكر الصديق "رضي الله

عنه" فحين سمع الصافي اسم أبي بكر صاح "اللــــــــــــه" فقال حسين بكل

البراءة والروعة العفوية : "انت يا باشمهندس سيدنا ابوبكر ده طبعا كاسر

فيك ضلعة .." (يقصد لحبه الشديد له) -أو كما قال- !!!! وكنت وقتها لا أفوّت

برنامجا لحسين خوجلي لمتعته ... وأذكر اني ضحكت يومها حتى "الطخطخة" حتى صحا

جيراني واقتحموا علي خلوتي فأفسدوا علي متعة الضحك المطخطخ الذي تراجع الى

مرتبة الكتكتة وهي "المرتبة الرابعة" !!!!!! المرتبة قبل الأخيرة من مراتب الضحك

(كما رتبها الثعالبي في درته "فقه اللغة وسر العربية") , وحينها صحت في ابني

عبدالناصر ..... يا ولد أقفل التلزيون قبال أعمامك ديل ما......................




















يكتلونا بالضحك ......!!!!!!!!!!!!!!!!!!



ونواصل حتى تعرفوا الحاصل

Quote: "انت يا باشمهندس سيدنا ابوبكر ده طبعا كاسر فيك ضلعة .."

انت ذاتك يا عشاء البايتات المنبر ده كاسر فيك ضلعة من كترت ضلعك المكسرة متابعنك كل يوم في بوست جديد بقيت زى الترمي في محك .... كل يوم وما عندك الصبر تحضن في كوم منه لحدى تفقسو . تبعناك في الاناااااااااااا لقيناك مع عثمان ميرغني جلسنا معاك رحلت مننا مشيت لغازي وكرعين عناقريبك لحقناك عند اولاد البندر جيت بينا تااااااااااانى جيت بينا سايرين هنا . انت ابو بكر ده ما سليت روحو هق يا ارباب .

الطيب الجميل

أول مرة أعرف مصطلح كسير الضلع من حسين خوجلي

الفاروق ابو بكرى صاحبك ده اكان عرف السعن معناها شنو يكسب الملون وعندو الحق يتصل باى صديق الا سمية بت طلحة

الفاروق ابو بكرى صاحبك ده اكان عرف السعن معناها شنو يكسب الملون وعندو الحق يتصل باى صديق الا سمية بت طلحة وعادل سمير ( ده جننا عديل اى حاجة في السودان بيعرفها حتى رسالة الملكة فكتوريا عن زواجها ليونس ود الدكيم )

انا رحلت من عادل جاي اندس هنا معاك في الحجبات دى ؟؟؟؟؟؟؟؟؟

Quote: الفاروق ابو بكرى صاحبك ده اكان عرف السعن معناها شنو يكسب الملون وعندو الحق يتصل باى صديق الا سمية بت طلحة وعادل سمير ( ده جننا عديل اى حاجة في السودان بيعرفها حتى رسالة الملكة فكتوريا عن زواجها ليونس ود الدكيم ) انا رحلت من عادل جاي اندس هنا معاك في الحجبات دى ؟؟؟؟؟؟؟؟؟

غايته يا الطيب أخوي السعن ده إلا تترجموه ليه بالرطانة

والعجب المشلعيب !!!!!!!!!!!!!!!

سلامات يا أخي فاروق..

إنتا أظنك ما قريت البوست دا:

كيف اصبحت جبهجيا لعيناً

..... والقصة آخرها لسة مستنيين فيصل..

ياسر

Quote: غايته يا الطيب أخوي السعن ده إلا تترجموه ليه بالرطانة والعجب المشلعيب !!!!!!!!!!!!!!!

المشلعيب وووووووووووووووووووووب طفرتو ممنا طااااااااااااااااااااااااااااااااااب

Quote: عادل سمير( ده جننا عديل اى حاجة في السودان بيعرفها حتى رسالة الملكة فكتوريا عن زواجها ليونس ود الدكيم)

نان يا الطيب ات قايلو جايي من خور عمرولا من ميكرونيزيا !!!!!!!!!!!!!!!!

نأسف دحية الكلبي كان صحابيا جليلا وكان رسول النبي

الى قيصر... ودحية هذا ليس دحية الكلبي..لذا لزم التنويه

Quote: سلامات يا أخي فاروق.. إنتا أظنك ما قريت البوست دا: كيف اصبحت جبهجيا لعيناً ..... والقصة آخرها لسة مستنيين فيصل..

قرأتها وليس لي من تعليق غير الحوقلة !!!!!!

لا حول ولا قوة إلا بالله

هل صحيح ان سيدنا عمر بن الخطاب منع الجواري

من لبس الحجاب حتى لا يتشبهن بالحرائر ؟

وهل هؤلاء الجواري كن من المسلمات ؟؟؟

وهل يبيح الاسلام التفرقة بين الجواري والحرائر

في امور هي من صميم العقيدة ؟؟؟

أسئلة تجر مزيدا من الأسئلة حول الحجاب وغيره ؟؟؟

Quote: المشلعيب وووووووووووووووووووووب طفرتو ممنا طااااااااااااااااااااااااااااااااااب

ود شيقوق أخوي .. صحيح انه نحن اولاد بندر ودادي كان بعتني

بينا جدا وجاب لينا مربية سويسرية من طبقة النبلاء "مدام دافو"

لكنها عاشت معنا بين مدني وأم سنط وبتعرف المشلعيب ومعجبة

بيه جدا ... وللأسف لما كبرنا رجعت سويسرا ... آخر مرة زرتها

السنة الفاتت في قرية قرب جنيف فوجدتها منتهى النشاط رغم

تجاوزها للثمانين حولا ... وقد تركت استعمال الثلاجة نهائيا

وتستعمل عوضا عنها 3 مشلعيبات واحد معلقة فيه الملاح والتاني

اللبن الحليب والرابع الغباشة وطلبت مني مشلعيبا جديدا عشان

تنشف فيه الشرموط .... بالله لو عندك مشلعيب في مسقط رسلوا لي

في ابوظبي عشان ارسلو ليها!!!!!!!

مع تحياتي ..... (آل اولاد بندر آل)

لا بد من التفكير في مسالة الحجاب والنقاب بترو واعمال فكر وبعد

نظر فاذا أخذنا حديث مناصري النقاب في انه لمنع الفتنة ... ولكن

فتنة من ؟؟ الرجال قطعا... ويقولون انه من المسموح خلع المرأة

لحجابها أو نقابها امام النساء !!! ونحن إذ نعيش الآن في عصر مفتوح

وأجهزة اعلام كونية ...نعلم ان هناك ملايين النساء من ال lesbians اللواتي

ينتظمن في جمعيات منتشرة في كل أنحاء الدنيا معترف بها قانونيا ولا يجرؤ

أحد على انتقادهن أو ازدرائهن والا طالته يد القانون !!! فهل يجوز أن تضع

المرأة حجابها أو نقابها أمام نساء لا أحد يعرف ان كن من هؤلاء أم لا !!!!

وإذا كان الرجال يفتتنون بالمرأة الجميلة ... أفلا تفتتن المرأة بالرجل

الوسيم ؟؟؟؟ واذا كانت الاجابة بنعم ..أفلا يجوز أن يتنقب الرجال أيضا حتى

لا تفتتن النساء ؟؟؟ واذا كنا نعلم ان من بين الرجال من يتعاطون الشذوذ

الجنسي سلبا أو ايجابا وهذا أمر لا يستطيع أحد نكرانه منذ عهد لوط وهناك

ايضا جماعات وجمعيات لهؤلاء في كل أنحاء الدنيا يحميهم القانون ..... أفلا

يدفعنا هذا لالزام الفتيان المرد بوضع النقاب خشية أن يفتتن بهم المنحرفون؟؟

خاصة وان ديننا امر الفتيان بأن يقفوا في الصفوف الخلفية في صلاة الجماعة

هذه أسئلة نطرحها للنقاش العلمي الهادئ غير المتشنج للنساء والرجال معا ...

هل يمكن أن نتناقش بهدوء ؟؟؟؟؟؟؟؟؟

الأخ فاروق
بعد التحية
تنويه بسيط : الشاب الذى نفاه عمر رضى الله عنه إسمه نصر بن سيار
وعمر سمع إمرأة تتغنى به ليلا فى بيت مشهور لا أذكره جيدا لكن فيه (هل لى بخمر .... أو نصر بن سيار)
وعمر عندما سمع البيت قال ما معناه والله لا يساكننى بالمدينة من تتغنى به العذارى فى خدورهن ..
ولك الشكر

الأخ فاروق
بعد التحية
تنويه بسيط : الشاب الذى نفاه عمر رضى الله عنه إسمه نصر بن سيار
وعمر سمع إمرأة تتغنى به ليلا فى بيت مشهور لا أذكره جيدا لكن فيه (هل لى بخمر .... أو نصر بن سيار)
وعمر عندما سمع البيت قال ما معناه والله لا يساكننى بالمدينة من تتغنى به العذارى فى خدورهن ..
ولك الشكر


هالالويا كما يصيح أمير المؤمنين عمر بن حسن بعد أن أجبر على ذلك

إي ورب الكعبة إنه نصر بن سيار ... كنت أبحث عن أسمه

بعد أن تذكرت إنه ليس دحية وكنت أتمنى ان أجد اسمه

وسط كومة هائلة من كتب التراث افترشها منذ كتابتي

للبوست .... شكرا .. شكرا يا عزان وبارك الله فيك ولك....

صحيح انه نحن اولاد بندر ودادي كان بعتني

Quote: بينا جدا وجاب لينا مربية سويسرية من طبقة النبلاء "مدام دافو" لكنها عاشت معنا بين مدني وأم سنط وبتعرف المشلعيب ومعجبة بيه جدا ... وللأسف لما كبرنا رجعت سويسرا ... آخر مرة زرتها السنة الفاتت في قرية قرب جنيف فوجدتها منتهى النشاط رغم تجاوزها للثمانين حولا ... وقد تركت استعمال الثلاجة نهائيا وتستعمل عوضا عنها 3 مشلعيبات واحد معلقة فيه الملاح والتاني اللبن الحليب والرابع الغباشة وطلبت مني مشلعيبا جديدا عشان تنشف فيه الشرموط .

أخونا حبيبنا فاروق
ما عارف ليه كلامك ده ذكرنى أخونا المرحوم عوض دكام لمن كان فى الدفاع الشعبى ولابسين (الدموريه) ومشوا دقو باب ناس عاوزين يشربو مويه قام طلع ليهم شافع جاب ليهم المويه وبدأ يسأل فيهم ... إنت يا عمو شغال شنو .؟ أستاذ ... إنت يا عمو شغال شنو .؟ صحفى ؟؟ إنت يا عمو شغال شنو ؟؟ .... ولمن جا لى أخونا (عوض) قام قال ليهو : دكتور .. قام (الشافع) قال ليهو : الدلييييييييييبه !!!


كسرة :
يعنى يا فاروق ياخوى كان كان (دادى) جاب ليكم(داده) سويسريه ناس (عادل سمير) ديل يكونو جابو ليهم شنو؟؟؟؟؟؟؟؟؟

Quote: يعنى يا فاروق ياخوى كان كان (دادى) جاب ليكم(داده) سويسريه ناس (عادل سمير) ديل يكونو جابو ليهم شنو؟؟؟؟؟؟؟؟؟

يافاتح ، مالك ومال الكاشف أخوي ؟! كاسر فيك ضلعة والا شنو .. ؟!

يا فاروق ويا شيقوق كلامكم يسخن الطايوق
سلام
وعلى سيرة المشلعيب السويسرى .. يمكن الدادة السويسرية تعرف الطايوووق واللايوووووق برضو...

كلام عزان سعيد صحيح .. الذى نفاه عمر هو نصر بن سيار الذى قالت فيه الجارية الولهانة:
هل من سبيل الى نصر فاخبره *** او من رسول الى نصر ابن سيار
وقيل انه امر بإحضار نصر بن سيار فرأه شابا وسيما قسيما ذو شعر مرجل فامر بحلق شعره (صلعة) فازداد وسامة وقسامة فاحتار فى امره فامر بنفيه الى العراق ولا ندرى لماذا العراق بالذات...مسكين حنت عليه وسامته وربما تمنى يومها ان يسخطه الله فيصبح مثل على الحاج.. ويمكن عشان كده العراق جايط لحدى هسع!!!

اما دحية الكلبى فقد كان هو الآخر وسيما ويقال ان سيدنا جبريل كان يأتى للرسول (ص) فى هيئة دحية الكلبى.. قصص.. لكين اسئلتك يا فاروق محيرة والله وعاوزة ردود .. فعلا تحير.. ونقول.. جاتك تارة يا قرضاوى.. يللا امرق ليناالفتاوى من بيت الكلاوى...

منان

Quote: اما دحية الكلبى فقد كان هو الآخر وسيما ويقال ان سيدنا جبريل كان يأتى للرسول (ص) فى هيئة دحية الكلبى.. قصص.. لكين اسئلتك يا فاروق محيرة والله وعاوزة ردود .. فعلا تحير.. ونقول.. جاتك تارة يا قرضاوى.. يللا امرق ليناالفتاوى من بيت الكلاوى...

الأخ منان شكرا لك على حضورك البهي وأرائك الناضجة

وأسئلتي تحتاج فعلا الى بحث متعمق هادف

أما فيما يتعلق بالشاب الذي نفاه عمر بن الخطاب

الى العراق هناك روايتان احداهما تقول نصر بن حجاج

واخرى نصر بن سيار ...وبما اننا لسنا بصدد بحث أكاديمي

فليس مهما هنا التدقيق بالاسم... ونواصل

Quote: أخونا حبيبنا فاروق ما عارف ليه كلامك ده ذكرنى أخونا المرحوم عوض دكام لمن كان فى الدفاع الشعبى ولابسين (الدموريه) ومشوا دقو باب ناس عاوزين يشربو مويه قام طلع ليهم شافع جاب ليهم المويه وبدأ يسأل فيهم ... إنت يا عمو شغال شنو .؟ أستاذ ... إنت يا عمو شغال شنو .؟ صحفى ؟؟ إنت يا عمو شغال شنو ؟؟ .... ولمن جا لى أخونا (عوض) قام قال ليهو : دكتور .. قام (الشافع) قال ليهو : الدلييييييييييبه !!! كسرة : يعنى يا فاروق ياخوى كان كان (دادى) جاب ليكم(داده) سويسريه ناس (عادل سمير) ديل يكونو جابو ليهم شنو؟؟؟؟؟؟؟؟؟

الفاتح يوسف جبرا

أولا نحن لماقمنا لقينا السودان كله خير بعد الطفرة الاقتصادية

بسبب ارتفاع أسعار القطن عام 1951 ... واما ولدنا عادل فديل

تربوا في عهد جعفر نميري الكالح وكانوا من كدايس من مايو هكذا

كان الناس يطلقون هذا الاسم على الأطفال المساكين الذين ينتظمون

فيما كان يسمى كتائب مايو ... وكان أبوي وكنتمخلص كده وأشار الى

اصبعيه السبابة والأوسط... تقول لي عادل سمير الكان أبوه ناظر

مدرسة....ايش جاب الناظر لكنتمخلصين اتنين!!!!!!!!!!!!!!!!!!

أها كمان أقول ليك الطباخة بتاعتنا كانت فرنسية عديييييييييل كده

ولو مغالطني أسأل الجنرال أحمد طه !!!!!

بكره حأنزل ليك صورة دادي مع تشيرشل وأفا غاردنر!!!!!!!!!!!!!!!

Quote: ايش جاب الناظر لكنتمخلصين اتنين!!!!!!!!!!!!!!!!!!

فاروق .. أبن أفصح ؟؟!!

Quote: فاروق .. أبن أفصح ؟؟!!

عادل سمير أفصح شنو ياخي انتو كان عندكم مربية سويسرية

ولا خدامة طباخة فرنسية ... والله انا قايلك تفتيحة...

وبتفهمها طايرة !!!!!!!!

المفروض تدخل في العن####ة وتحكي عن خداماتكم الأمريكيات

والبيبي سيتر بتاعتك الانجليزية ... انا عارف كان عندكم

اتنين لكن واحد قال تلاتة .... انت ما شايفني بقول في شنو

وتقول أفصح.... أفصح أكتر من كده ,,, أفصح انت !!!!!

Quote: أفصح انت !!!!!

بخاف يافاروق لوأفصحت تحصل ليك مشكلة تااااااني في الأنا العليا وفي رواية أخري في الأنا السفلى !! وتقوووووم تــــــااااني تجيب سيرة البحر !!

Quote: بخاف يافاروق لوأفصحت تحصل ليك مشكلة تااااااني في الأنا العليا وفي رواية أخري في الأنا السفلى !! وتقوووووم تــــــااااني تجيب سيرة البحر !!

أضحك الله سنك يا مولانا.... والله سيرة البحر دي أضحكتني حتى استلقيت على

قفاي.... وبان ..... (ناجذاي)... حسع أنا ماشي الدكتور لأنه الأنا الوسطى

عندي التهبت من أمبارح ... بالله لو عندكم دوا رسلوه لي ...

سؤال مهم جدا للذين يؤمنون بأن الحجاب فرض

ماذا تفعل المرأة الصلعاء التي ليس لها شعر

هل يكون الحجاب فرضا في هذه الحالة ؟؟؟؟؟؟

Quote: وكنتمخلص كده وأشار الى اصبعيه السبابة والأوسط...

تقصد يعنى كانو 2X1 ذى ما بيقول المثل؟؟ والله بالغت عديل يافاروق ..كونتومخلص !! قول (كونتا كنتى) !!

كسرة :
قعاد الكمبيوتر ده ما كويس مع الأنا (العليا)!! يا مولانا (عادل) ودى واحده من مشاكل كونو إنو الواحد يكون عضو فى (سودانيزأونلاين) ودى إنت ما ذكرتها فى البوست (الجرسه) بتاعك داك !!!

Quote: شاب يدعى "دحية" قيل إنه كان من أجمل شباب المدينة ، فأمر فجئ به اليه فروع من فتنته فأمر بحلق شعر رأسه (صلعة) قال الرواة : فصار أشد فتنة فأمر بنفيه الى (العراق) !!!!!!!!!

كـان نـصــر فتى جميلاً ، وكان يـقـيم بالـمـدينة في خـلافـة عـمـر بـن الـخطـاب - رضي الله عنه- ، مما يدلنا على أن جاليـة سُلميـة كانـت تقيـم فيـها ربما قبل عهد الرسول – صلى الله عليه وسلم - ، .

وقـد حـدث أن عمر بن الخطاب رضي الله عنه سمـع وهـو يـعـس بليـلٍ امـرأة تجهـر بأمنيتها الكمينة ويقال إنها أم الحجاج بن يوسف الثقفي ، فتقول :



هل من سبيل إلى الخمر فأشربها؟

أو هل من سبيل إلى نصر بن الحجاج



وكانت تقول أيضاً :

أنظـر إلى السحـر يجـري في نواظـره

وانظر إلى دعـجٍ في طـرفـه الساجـي

وانظــر إلـى شعــرات فـوق عـارضــــه

كأنـــهـن نمــال دب فـي عـاجــي



وكان يقول فيها نصر بن الحجاج :



ليـتـنـي في المــؤذنـيــن نهـاراً

إنهم يبصرون من في السطوح

فيـشـيــرون أو يـشـار إلـيـهــم

حبـــذا كــل ذات دل مــلــيــــــح



فلما أصبح سأل عنه عمر بن الخطاب رضي الله عنه، فإذا هو من بنو سُليم ، فأرسل إليه فأتاه فــإذا هـو مـن أحـسن الناس شعراً وأحسنهم وجهاً ، فأمر عمر أن يحلق شعره ، ففعل ، فخرجت جبهته فازداد حسناً.



ثم سمعها عمر بعد ذلك تقول :

حلـقوا رأســه ليـــكـسـب قــبـحاً

غيرة مـــنـهــــم عـليـه وشـحـــا

كـان صـبـحـا عـلـيـه لـيـل بـهـيـم

فمحــوا لـيـلـه وأبـقــوه صـبـحـــا

فقـال عمـر : لا والذي نفسي بيده لا تجامعني بأرض أنا بها ، فأمر له بما يصلحه وسيره إلى البصرة .

وكان بالبصرة أقارب له من بنو سُليم اتخـذوهـا مـوطناً لهم عقب تمصيرها ، ولابد أن عمر أختارها (( منفى )) لنصر بن حجاج رأفة به ، إذ لا ذنب له ، وإنما هي سياسة درء المفاسد وسد باب الفتنة وحماية الأخلاق الإسلامية في بلد الرسول المصطفى - صلى الله عليه وسلم- وبعد نفيه من المدينة آواه أبو الأعور السلمي ، ثم رأى أبو الأعور امرأته تكتب في الأرض ، فكفأ جفنه على ما كتب ودعا من يقرؤه وإذا المكتوب : لاصبر عنك ، فطرده أبو الأعور . ونـصر بن الحجاج شاعــراً معـروف بشا عـريته وكان مولده أيام وشهد خيبر مع أبيه . وقـد نفى عــمـــر بن الخطاب – رضي الله عنه – بعد نفيه لنصر شاباً أخر اسمه أبو ذئب لقصة مشابهة لهذه وألحقه بابن عمه نصر بالبصر

انتو يا اهل الوسط بجاي وخليتوني مهمش براي ؟؟؟
اها جني الرطان وراك يا ودشيقوق وبالعربي يا مستعربة

هاكم ما قال قريبنا "الجاحظ" في كتاب القيان عن الحجاب :

Quote: لم يعرف العرب الحجاب فلم يكن بين رجال العرب ونسائها حجاب، ولا كانوا يرضون مع سقوط الحجاب بنظرة الفلتة ولا لحظة الخلسة، دون أن يجتمعوا على الحديث والمسامرة، ويزدوجوا في المناسمة والمثافنة، ويسمى المولع بذلك من الرجال الزير، المشتق من الزيارة. وكل ذلك بأعين الأولياء وحضور الأزواج، لا ينكرون ما ليس بمنكر إذا أمنوا المنكر، حتى لقد حسك في صدر أخي بثينة من جميل ما حسك من استعظام المؤانسة، وخروج العذر عن المخالطة، وشكا ذلك إلى زوجها وهزه ما حشمه، فكمنا لجميل عند إتيانه بثينة ليقتلاه، فلما دنا لحديثه وحديثها سمعاه يقول ممتحناً لها: هل لك فيما يكون بين الرجال والنساء، فيما يشفي غليل العشق ويطفئ نائرة الشوق؟ قالت: لا. قال: ولم؟ قالت: إن الحب إذا نكح فسد ! فأخرج سيفاً قد كان أخفاه تحت ثوبه، فقال: أما والله لو انعمت لي لملأته منك! فلما سمعا بذلك وثقا بغيبه وركنا إلى عفافه وأنصرفا عن قتله، وأباحاه النظر والمحادثة. فلم يزل الرجال يتحدثون مع النساء، في الجاهلية والإسلام، حتى ضرب الحجاب على أزواج النبي (صلى الله عليه وسلم) خاصة. وتلك المحادثة كانت سبب الوصلة بين جميل وبثينة، وعفراء وعروة، وكثير وعزة، وقيس ولبنى، وأسماء ومرقش، وعبد الله بن عجلان وهند.

أبوقونة الجميل والفاتح جبرا الحلو

جاييكم بالمهلة ... استنوني ..ما تمشوا

بعيد ,,, خلوني أخت السؤال ده تاني !!!!!

هل صحيح ان سيدنا عمر بن الخطاب منع الجواري

من لبس الحجاب حتى لا يتشبهن بالحرائر ؟

وهل هؤلاء الجواري كن من المسلمات ؟؟؟

وهل يبيح الاسلام التفرقة بين الجواري والحرائر

في امور هي من صميم العقيدة ؟؟؟

أسئلة تجر مزيدا من الأسئلة حول الحجاب وغيره ؟؟

تقصد يعنى كانو 2X1 ذى ما بيقول المثل؟؟ والله بالغت عديل يافاروق ..كونتومخلص !! قول (كونتا كنتى) !!

كسرة :
قعاد الكمبيوتر ده ما كويس مع الأنا (العليا)!! يا مولانا (عادل) ودى واحده من مشاكل كونو إنو الواحد يكون عضو فى (سودانيزأونلاين) ودى إنت ما ذكرتها فى البوست (الجرسه) بتاعك داك !!!


الفاتح يوسف جبرا

Quote: تقصد يعنى كانو 2X1 ذى ما بيقول المثل؟؟

عليك الله عرفت كيف ... والله انتو غايتو!!!!!!!!


شوف يا الفاتح لأنه البلد هنا رطوبة وكده !!!!!!

فالالتهابات كلها بتكون في الأنا العليا... ولأنه بلدكم

ناشفة فبيحصل العكس !!!!! أسأل الجنرال لو مغالطني !!!!!!!!

لم يعرف العرب الحجاب

فلم يكن بين رجال العرب ونسائها حجاب، ولا كانوا يرضون مع سقوط الحجاب بنظرة الفلتة ولا لحظة الخلسة، دون أن يجتمعوا على الحديث والمسامرة، ويزدوجوا في المناسمة والمثافنة، ويسمى المولع بذلك من الرجال الزير، المشتق من الزيارة. وكل ذلك بأعين الأولياء وحضور الأزواج، لا ينكرون ما ليس بمنكر إذا أمنوا المنكر، حتى لقد حسك في صدر أخي بثينة من جميل ما حسك من استعظام المؤانسة، وخروج العذر عن المخالطة، وشكا ذلك إلى زوجها وهزه ما حشمه، فكمنا لجميل عند إتيانه بثينة ليقتلاه، فلما دنا لحديثه وحديثها سمعاه يقول ممتحناً لها: هل لك فيما يكون بين الرجال والنساء، فيما يشفي غليل العشق ويطفئ نائرة الشوق؟ قالت: لا. قال: ولم؟ قالت: إن الحب إذا نكح فسد ! فأخرج سيفاً قد كان أخفاه تحت ثوبه، فقال: أما والله لو انعمت لي لملأته منك! فلما سمعا بذلك وثقا بغيبه وركنا إلى عفافه وأنصرفا عن قتله، وأباحاه النظر والمحادثة.

فلم يزل الرجال يتحدثون مع النساء، في الجاهلية والإسلام، حتى ضرب الحجاب على أزواج النبي (صلى الله عليه وسلم) خاصة.

وتلك المحادثة كانت سبب الوصلة بين جميل وبثينة، وعفراء وعروة، وكثير وعزة، وقيس ولبنى، وأسماء ومرقش، وعبد الله بن عجلان وهند.


الباشمهندس أبوبكر

من غشنا ليس منا ,,,, كيف تقرأ للجاحظ ثم تدعي العجمة ؟؟!!!!!!!

Quote: من غشنا ليس منا ,,,, كيف تقرأ للجاحظ ثم تدعي العجمة ؟؟!!!!!!!

أبو عثمان عمرو بن بحر الكناني الشهير بالجاحظ -لجحوظ واضح في عينيه- الذي كتب فضل "السودان علي البيضان" الم يكن من اندنا

Quote: أخونا حبيبنا فاروق ما عارف ليه كلامك ده ذكرنى أخونا المرحوم عوض دكام لمن كان فى الدفاع الشعبى ولابسين (الدموريه) ومشوا دقو باب ناس عاوزين يشربو مويه قام طلع ليهم شافع جاب ليهم المويه وبدأ يسأل فيهم ... إنت يا عمو شغال شنو .؟ أستاذ ... إنت يا عمو شغال شنو .؟ صحفى ؟؟ إنت يا عمو شغال شنو ؟؟ .... ولمن جا لى أخونا (عوض) قام قال ليهو : دكتور .. قام (الشافع) قال ليهو : الدلييييييييييبه !!!

يا سيد الفاتح جبرا


ياخي دليب شنو وكضب شنو


انت ما عارف في أواخر الأربعينات وأوائل الخمسينات

ان سعر القطن أصبح كسعر الذهب فتزوج المزارعون من

بنات البندر واشتروا راديوهات وثلاجات دون أن يكون

لديهم كهرباء ,,, فلم تعمل فاتخذوها دواليب للملابس...

ووالدي ـ رحمه الله ـ كان تاجر قطن وسمسارا لكبرى الشركات

المصدرة للقطن ولهذا جلب لكل واحد منا مربية سويسرية تعمل

كساعة (بق بن) وكنا 45 ولدا وبنتا !!!! آمنت ولا لسع ؟؟؟؟؟

Quote: انت ما عارف في أواخر الأربعينات وأوائل الخمسينات

تاريخ شنو دة الكلو اوائلو زي اواخرو ؟ دة يذكرو كيف؟ .. حاجات اديمة اوي ...

Quote: تاريخ شنو دة الكلو اوائلو زي اواخرو ؟ دة يذكرو كيف؟ .. حاجات اديمة اوي ...[/

B]


أبو بكر

ده تاريخ السودان ... انت قايل ناس ود شيقوق جابو التيمس ده من وين!!!

والله كان ما القطن ده بتاع المشاريع كان ما شافو التيمس لييييييي حسع

ولا يزال السؤال قائما : إذا كان النقاب من أجل درء الفتنة

أفلا تفتتن النساء بالرجال أيضا كما افتتن نساء المدينة بنصر بن

حجاج الوسيم ؟ أفلا يوجب ذلك أن يتحجب الرجال أيضا ويتنقبوا خوفا

أن تفتتن النساء بهم ؟؟؟؟؟ !!!!!!!!!!

يا أصحاب الفتاوى إذا أخذنا قصة سيدنا عمر بن الخطاب

بنفيه لنصر بن حجاج الوسيم الى العراق قياسا شرعيا فهل

يجوز للشاب الوسيم المتدين أن يتحجب حتى لا يفتن نساء

المسلمين ؟؟؟؟؟؟؟؟؟؟