Post: #1
Title: مـــا هذا يا دكـــين ؟؟
Author: Mohamed E. Seliaman
Date: 11-25-2006, 11:50 AM
Parent: #0
أعني (ما شاء الله) مـــا هذا البيان يا دكـــين ؟؟
لم أجد أحدا -بعد ذهاب عثمان- في هذا المنتدى
بمثل بهذه الفصاحة ولا بمثل هذا التدفق
السهل الممتنع :
Quote: فالمذنبون في الخرطوم على قفا من يشيل..
واللصوص في الخرطوم ضاقت بهم احاديث الصوالين...
ومنتهكي الدستور في الخرطوم ينتهكون كل شي بلا احمٍ ولا دستور..
والرصاص في الخرطوم علا شانه وتجلت حكمته..
والرزق في الخرطوم ضاق فماتجلى شيُ ُ بعده ولا قبل..
وفي الخرطوم تعجز بوردابية عن بلوغ الكلاكلة لختم القران في بيت غادة نوري والعودة الى دارها بعد الخامسة مساءا.. معللة ذلك بالكركبة..
وفي الخرطوم اربعين جهةٍ مسلحة ..كل يوم جهةُ ُ منها في شأن..
وفي الخرطوم يؤخذ المرء من بيت ابيه وامه فُيذبح في خلا قريب..
وفي الخرطوم ُقتل 5 من العسس المسلحين فقط لان السلاح بيد كل من قويت شوكته..
وفي الخرطوم يكتب الطاهر ساتي عن الفساد في الجامعات فؤخذ الى الزنزانة.. |
نســأل الله أن يسخر هذا المداد لنصرة الحق
وأن يجند هذا اليراع لمقاومة الباطل .
|
Post: #2
Title: Re: مـــا هذا يا دكـــين ؟؟
Author: DKEEN
Date: 11-25-2006, 05:16 PM
محمد سليمان
شاكرين الدلع وكده..
قالوا لقو واحد حايم في الخرطوم بوزع في ورق ابيض ..
وكاتب فوق كلمة واحدة(منشورات)
اها ناس الامن قبقبوهوا باعتبار انو بوزع منشورات
لامن عاينوا لقو الورق البوزع فيهو فاضي مافيهو سطر...
قالوا ليهو يازول انتا مستهبل ولا شنو.. ده ورق فاضي!!
الزول عاين ليهم وقال: هسي في ذمتكم الحاصل في البلد دي محتاج كتابة؟!!
اها دحين يا محمد سليمان
هسي الحاصل في الخرطوم ده محتاج بلاغة؟؟
|
|