Post: #1
Title: والعراف دا ... ما جاب سيرة لبورداب الدوحة !! ؟؟
Author: دينا خالد
Date: 11-23-2006, 03:46 PM
Parent: #0
غبت وجيت لقيت كل الارض دوووووووووحة !!
اللهم لا شماتة
يا جماعة ما تفهمونى غلط ،، (وجه... (عماد ارسم )
|
Post: #2
Title: Re: والعراف دا ... ما جاب سيرة لبورداب الدوحة !! ؟؟
Author: دينا خالد
Date: 11-23-2006, 03:49 PM
Parent: #1
تعملوا اقامات ؟؟؟ يا سلام !!
طيب وهو الزوال دا اصصصصصصصصصصصلا لى منو؟؟
|
Post: #3
Title: Re: والعراف دا ... ما جاب سيرة لبورداب الدوحة !! ؟؟
Author: دينا خالد
Date: 11-23-2006, 03:56 PM
Parent: #1
غايتو يا حليلك يا ود رملية يا الصغير وجاهل
يا حليلك يا كيكى يا الحراد
ويااااااااا حليل عماد حلال المشبوك
ويا حليلك يا بدر يا شباك المحلول ،، ويادين البدر
ولا بتقللب الكلام كيف ؟؟
يا حليل ود عقيد الظريف الدمو خفيف
ويا حليلك يا ملاسى تانى تشبك وين ؟؟؟
( وجه باكى مع رنييينق نوز ) وصوت باحى شديد
|
Post: #4
Title: Re: والعراف دا ... ما جاب سيرة لبورداب الدوحة !! ؟؟
Author: دينا خالد
Date: 11-23-2006, 03:58 PM
Parent: #1
تعالو نرسم للمنبر
صورة بلا بورداب الدوحة !!!!!!!!!
وجانا النسيم شايل الورود
|
Post: #5
Title: Re: والعراف دا ... ما جاب سيرة لبورداب الدوحة !! ؟؟
Author: عبد المنعم سليمان
Date: 11-23-2006, 04:09 PM
Parent: #1
الاخت دينا
تحياتي
بما ان العراف الحريف عامل ابوالعراف وبما انني عراف وعارفه ماعراف وعامل كفيل
فانني اعلن نيتي كفالة اصدقائي بدوحة الجميع بدرالدين وعبدالكريم ..ودرمليه
صديق وعماد وصلاح اخوان وابوساندرا بدون الاسره (انظر للجواز) ويسري صلاح علي ان
يرسلوا ال cv في موعده اقصاه 2009 فبل مكنة ابوالعريف بسنه علي العنوان التالي :
السودان _ الخرطوم ش41 او عبدالمنعم@العراف ضدكم
تحياتي
منعم
|
Post: #6
Title: Re: والعراف دا ... ما جاب سيرة لبورداب الدوحة !! ؟؟
Author: khaleel
Date: 11-23-2006, 04:14 PM
Parent: #5
دينا خالد
انا برضو من الدوحة
ما يا حليلي
|
Post: #7
Title: Re: والعراف دا ... ما جاب سيرة لبورداب الدوحة !! ؟؟
Author: دينا خالد
Date: 11-23-2006, 05:38 PM
Parent: #1
منعم محلك سر
نعل الله من كفل فوق كفالة اخيه
خليهم يتابعو العراف دا ويفكو اقاماتهم اول ( وجه مومقلب ) !
منعم خلاص صدقنا اسم على مسمى ،، بس اقامة لى بدر؟؟ دى واسعة عليك شوية
خليل !!! ’كر على يا ود امى
والله انت اكبر ياحليك ،، جنك كلام سمح
بس حقو اخر ايام دى تجيب لينا صورتك،، مشتاقين والله يا خليل وحتوحشنا والله شديد
|
Post: #8
Title: Re: والعراف دا ... ما جاب سيرة لبورداب الدوحة !! ؟؟
Author: khaleel
Date: 11-23-2006, 05:48 PM
Parent: #7
دينا خالد
والله ما فاهم حاجة من البوست دها
لكن الموت مع الجماعة عرس
|
Post: #9
Title: Re: والعراف دا ... ما جاب سيرة لبورداب الدوحة !! ؟؟
Author: عبد المنعم سليمان
Date: 11-23-2006, 05:50 PM
Parent: #1
| Quote: منعم خلاص صدقنا اسم على مسمى ،، بس اقامة لى بدر؟؟ دى واسعة عليك شوية |
وليه ما اكفل بدرالدين عراف ولا عندو شركه !!
اواصل يا دينا
ومن هذا المنبر اعلن كفالتي علي كل الاخوة المهمشين بمناطق الريان القديم وام غويلينا
وفريق عبدالعزيز ومعيذر والنجمه(جنب بتاع الكباب داك) وابوهامور ومن لف لفهم .
ولا نامت اعين الكفلاء
منعم
|
Post: #10
Title: Re: والعراف دا ... ما جاب سيرة لبورداب الدوحة !! ؟؟
Author: عبدالكريم الامين احمد
Date: 11-23-2006, 07:32 PM
Parent: #9
| Quote: يا حليلك يا كيكى يا الحراد |
في شنو يامنعم..؟؟؟
بس اوع يكون بتاع شكل البوست ده...فهمونا ياجماعة..!!
خليل..عرفونا ياجماعة..!!!
|
Post: #11
Title: Re: والعراف دا ... ما جاب سيرة لبورداب الدوحة !! ؟؟
Author: Emad Abdulla
Date: 11-23-2006, 08:02 PM
Parent: #10
| Quote: والعراف دا ... ما جاب سيرة لبورداب الدوحة !! ؟؟ |
شماراتك يا دينا ..
غايتو أنا عامل احتياطاتي ..
الجلابية تديها عضة بالجنبة كده و ... جاري كوبر .
و ممكن أشتغل ( حنّانة ) لو ضاقت 
لاكين شوفو بدر الدين ( أو دين الأمير البدر ) تشغلوهو شنو ؟؟
غايتو إلا ( ضفّارة )  أو ( محولجي ) في السكة حديد .
|
Post: #12
Title: Re: والعراف دا ... ما جاب سيرة لبورداب الدوحة !! ؟؟
Author: ودرملية
Date: 11-23-2006, 08:26 PM
Parent: #11
سلامات
وعوافي
يادينا ماتلاوزي بينا ..
بقول مع خلي ..
Quote: دينا خالد
والله ما فاهم حاجة من البوست دها
لكن الموت مع الجماعة عرس |
بعدين "العراف" دا منو زاتو ...
ياعمدة "اللاحص نشو ياباصح هفم كاوخ"
|
Post: #13
Title: Re: والعراف دا ... ما جاب سيرة لبورداب الدوحة !! ؟؟
Author: ودرملية
Date: 11-23-2006, 09:00 PM
Parent: #12
سلامات
وعوافي
دينا ..
قدامك ستة ساعات لو ماجيتي كلمتينا بالعراف دا ح يكون ردنا صعب شديد..
| Quote: غايتو يا حليلك يا ود رملية يا الصغير وجاهل |
انا عارف انو مواليد 85 ديل حاقرين بيهم هنا .. لكن اسوي شنو "حظي"
|
Post: #14
Title: Re: والعراف دا ... ما جاب سيرة لبورداب الدوحة !! ؟؟
Author: Emad Abdulla
Date: 11-23-2006, 09:18 PM
Parent: #13
ودرملية ..
يا كيكي ..
يا ناس الدوحة ..
دينا ما صدقت قرت الخبر ده ..
عراف سودانى يقول ... في العام 2010 ستزول دولة قطر.
طوالي دقت صيوان فراشنا ..
ودايره تعصر البرش ..
|
Post: #15
Title: Re: والعراف دا ... ما جاب سيرة لبورداب الدوحة !! ؟؟
Author: Yassir Tayfour
Date: 11-24-2006, 02:33 AM
Parent: #14
| Quote: عراف سودانى يقول ... في العام 2010 ستزول دولة قطر |
الزول ده(عرّافْ) ولا (خبير)
لأنو الكلام ده كلام ناس خُبرا
|
Post: #16
Title: Re: والعراف دا ... ما جاب سيرة لبورداب الدوحة !! ؟؟
Author: عبدالكريم الامين احمد
Date: 11-24-2006, 04:13 AM
Parent: #15
Quote: طوالي دقت صيوان فراشنا ..
ودايره تعصر البرش .. |
الحين معلوم يا عماد..
وحبابك با دنيا..
وكدي قبل ما البرش يتعصر
العراف ده..مطلوب عندنا لانترفيو
مع الكونسلتو
1-قوبي فكي كمبو الري
2-عائشة فندك الودعاية الشهيرة
3-الفكي الاسطوري جعفر انترنت..
ولازم يجي شايل كل (عدة الشغل) بتاعو و(السي في )بتاعو
(والله كلام...عارفين اخر الزمن ما عندهم شغلة)..
عموما في كل الاحوال مسكين بدرالدين الامير المدفونة صرتوا في الدوحة دي,,,!!
وانا ذاتي خريف خريفين كده راجع..!!!
|
Post: #17
Title: Re: والعراف دا ... ما جاب سيرة لبورداب الدوحة !! ؟؟
Author: فيصل عباس
Date: 11-24-2006, 04:39 AM
Parent: #1
فكرة لذيذة
جدا
ممكن نرسم فيها شكل موتنا
*##*اقتراح اول
تعالوا نكون مثل طائر البطريق في الشتاء
مشكلين دائره واضعين ابناءنا على ارجلنا ,رؤسنا تجاور بعضها
سادة منافذ الضوء (ودخول رؤية العراف)
وليكن قولنا
نحن من نختار موتنا,,
ويادينا الموت الجميل
لايستحق الصيوان
كوني معنا ,كي يكون موتك اجمل...
هل من موافق
وهل من اقتراح اخر للموت ,,
سحقا للمتخاذلين والهاربين الي ديار لا ياتيها الموت..
عموما الرجعه لي للسودان موت يسبق 2010
فيما اظن...
كونو احياءا قبل دخول الموت,,,
|
Post: #18
Title: Re: والعراف دا ... ما جاب سيرة لبورداب الدوحة !! ؟؟
Author: دينا خالد
Date: 11-24-2006, 08:18 AM
Parent: #1
يا جماعة لمن فاتهم الاستماع او مشاهدة المنبر
ذى ما قال العمدة فى بوست كان حايم بقول عراف سودانى
تنبا بزوال دولة قطر فى 2010 !! قلنا كدى نتفقد اصحابنا تحت الانقاض
ديل ،،، شبكتونى الموت وسط الجماعة عرس الموت عرس ،، اها انا ما قاعده
امشى الاعراس !! ولا بحب الحفلات !! تانى مافى زول يقول لى ارح العرس دا مفهوم ؟؟؟
عماد ،، سجمى داير ترسم للنسوان ديناصورات ؟؟؟
ولا يعنى قطاراتنا دى ناقصة هى بلا يجيهابدر كل يوم واحد داخل فى التانى لمن وقفوهم!!!
ياسر طيفور ! عررراف .. خبييير ،، الكلام دا لسه فى 2010
مالو شعر راسك دا وقف كدا من هسه ؟؟؟ سنحاول ان نتدبر الامر
هون على نفسك يا صديقى
كيكى ياخى دا عراف انقاذى ماكو ديمقراطية قدر دا
ولا كونسلتو ولا بطيخ قرارو قالو وح ينفذو
قلت ليكم انا هونو عليكم وتعالو لنتدارك الامر .
الفنان الحلو فيصل عباس
سيناريو جميل واصل انا عندى ليك نهاية جميلة
الجوقة ::: كونواحياءا قبل دخول الموت
كونواحياءا قبل دخول الموت
|
Post: #19
Title: Re: والعراف دا ... ما جاب سيرة لبورداب الدوحة !! ؟؟
Author: عبدالكريم الامين احمد
Date: 11-24-2006, 08:56 AM
Parent: #18
Quote: كيكى ياخى دا عراف انقاذى ماكو ديمقراطية قدر دا
|
لالا يا دنيا الزول ده ما انقاذي لاحاجة...لانو لو انقاذي كان ماعرف حاجة لاشي..!!!!
تجيبي الانترفيو يعني تجيبي الانترفيو..!!!
وبعد يباصي الانترفيو ليها الف حلال..!!!
وبعدين فيصل عباس ده ..العاوز يبقينا بطريق وخريف موت ده..اخير ليك اوع تباريه
بكتلك قبل يومك...بخياله العجيب ده...!!
عموماانا لازلت في مامن (خريف خريفين..وبتخارج من صاحبكم العراف ده)..
|
Post: #20
Title: Re: والعراف دا ... ما جاب سيرة لبورداب الدوحة !! ؟؟
Author: بدر الدين الأمير
Date: 11-24-2006, 10:15 AM
Parent: #19
خالدينا طبعا ده طبعا كوكتيل اسمك او اسمك الكوكتيل
يادينا وعجبانى وبتعجب كل دوحابى شكرا لصيوان العزاء هذا وهل تعلمى ان
ودرملية كتب وصيته وهى ان لايدفن بجنب عبدالكريم كيكى عشان كيكى نقته كتيرة
وعماد عبدالله شايفو بكلم نفسو ويقول: خلاص الوقت داك عبدالله بكون اتخرج وبوهب لى حجة بس حجة واحدة مابتكفى زنوبى
كيكى اوصى ان يدفن قرب ود رملية عشان ود رملية حنين بحنس ليهو نكير
ونعود لاحقا لباقى الوصايا
تنهدات: ياعبدالمنعم ملفاتك السرية فى الدوحة نديها لمنو والعارف لايعرف ولو بالعراف ياعريف
|
Post: #22
Title: Re: والعراف دا ... ما جاب سيرة لبورداب الدوحة !! ؟؟
Author: بدر الدين الأمير
Date: 11-24-2006, 10:43 AM
Parent: #20
جانب آخر من الوصايا
بها بكرى
ادخل الى مستشفى الخور وهو فى حالة هستيرية يكورك: بس سنة عشرين
حق بتكون بقت حزب كبير وكيف اكون انا مافى ناس ملاسى يجو القوها جاهزة
وصيتى ليكم ماتقبلوا ملاس فى حق
خليل: المهندس خليل كتب لبكرى ابوبكر ان يمسح بوست (سكر السمار) وقدم استقالته
وقال ماشى الحج وخلاص ح يجاور
معتصم الطاهر:
المهندس معتصم الطاهر اكتر واحد فرحان ويردد سنة عشير يعنى انا ح اعيش لغاية ماعمرى يبقى 85 سنة وسنة ياعراف
|
Post: #21
Title: Re: والعراف دا ... ما جاب سيرة لبورداب الدوحة !! ؟؟
Author: عبد المنعم سليمان
Date: 11-24-2006, 10:31 AM
Parent: #1
| Quote: تنهدات: ياعبدالمنعم ملفاتك السرية فى الدوحة نديها لمنو والعارف لايعرف ولو بالعراف ياعريف |
ود الامير
تحياتي
السريه جدا ولا السريه ساااااكت
يا دكتور انت اضايقتا
كسره : اديها لهجو الاقرع عشان تنفعه في حملته الانتخابيه
منعم
|
Post: #23
Title: Re: والعراف دا ... ما جاب سيرة لبورداب الدوحة !! ؟؟
Author: بدر الدين الأمير
Date: 11-24-2006, 12:45 PM
Parent: #21
عبدالمنعم
انت عارف انو ملفاتك فيها السرى للغاية والسرى للغواية
والله يستر مايجى عمادعبدالله ويطردنا من هنا بسبب كلمة غواية
|
Post: #24
Title: Re: والعراف دا ... ما جاب سيرة لبورداب الدوحة !! ؟؟
Author: دينا خالد
Date: 11-24-2006, 02:53 PM
Parent: #1
| Quote: عموما الرجعه لي للسودان موت يسبق 2010 |
يا فيصل اسسسسسسسسسسسسسسسس ما تتكلم فى السياسة هسه البوست دا
يتلمو لينا فىهو ناس بشاشا وناس اى سليمان تانى موت ذاتو ما تعرفو
تموتو !!!!
|
Post: #25
Title: Re: والعراف دا ... ما جاب سيرة لبورداب الدوحة !! ؟؟
Author: Emad Abdulla
Date: 11-24-2006, 03:24 PM
Parent: #24
|
Post: #26
Title: Re: والعراف دا ... ما جاب سيرة لبورداب الدوحة !! ؟؟
Author: ودرملية
Date: 11-24-2006, 05:36 PM
Parent: #25
سلامات
وعوافي
يادينا خالد ..
يعني العراف جابا كدا وانت جيتي طوالي "تتخيلي المنبر من غير بورداب الدوحة" دا بدل ما تقولي لينا يا حباني اتخارجوا من البلد القيامة "الاسبيشل" فاضل ليها نيف واربعون شهرا ...
يعني هسي اقول شنو ...
انا الدنيا دي ماشفتا فيها اي شي .. يادوبك "عشريني العمر" ...
يعني ناس "بدر الامير ومعتصم الطاهر وعبدالكريم وعماد عبدالله " ديل ماشاء الله "ناطحوا الخمسينيات" وماعندهم عوجة لانهم تيربوا وزرعوا وحصدوا انا الوحيد في بورداب الدوحة "السغير وجاهل" فعشان كدا حدي "خريف خريفين" "خريف خريفين دي حقتي انا كيكي سارقة مني" ..
وبعد داك الدوحة الجميلة دي انا والله بتمني ليها انها تكون رافلة في النعيم "الي ان يرث الله الارض وماعليها" فهي مدينة قد فتحت لنا صدرها الحنون واحتوتنا كابناءها ولم نري منها الا ماهو جميل ...
هسي يادينا اكان الواحد جا ناطي بيني وبينك كدا بتلفق معاوهو والا بيتشلهت ساكت .. اديني كلام واضح لانو لو فيها شلهتا الواحد احسن ليهو ينقرض "تحت انفاس الفريون" هاهاهاهاهاهاها..
|
Post: #27
Title: Re: والعراف دا ... ما جاب سيرة لبورداب الدوحة !! ؟؟
Author: دينا خالد
Date: 11-24-2006, 07:01 PM
Parent: #1
يااااااااا بدور الدوحة وجوهرها
بدر جانا ما تغشانا ،،،،،،،، بدر جانا ما تغشانا
والله يا بدر عندك صورة خطييييره جد ******
الواحد بلخبط قرايتك كدا لانو بعاين ليها
يا ملك الموت
يا صاحب الوصايا العشر
فضفض انت حافظهم كويس
قول لى بهاء ،،، 10 اعوام من العمل قوى اجد هى الامل
ود رملية يعى يا دوب انتبهت انو نعيك جا اول زول !!!
|
Post: #28
Title: Re: والعراف دا ... ما جاب سيرة لبورداب الدوحة !! ؟؟
Author: عبد المنعم سليمان
Date: 11-24-2006, 07:20 PM
Parent: #1
دينا
تحياتي
شايفك مشجعة لمكفولي المفترض بدرالدين الامير
لا اود الرد عليه احتراما لعامل السن
وللمثل ال بقول ( احترم من راي الدوحة قبلك)
وبدرالدين ما حيطلع من الدوحة الا يجي الزول داك
البكورك ال مع قزاز ال مع قزاز
اصله معاهم لاخر قزازه ..
توضيح:
قزاز مقصود بها قزاز نفط
منعم
|
Post: #29
Title: Re: والعراف دا ... ما جاب سيرة لبورداب الدوحة !! ؟؟
Author: ودرملية
Date: 11-24-2006, 07:39 PM
Parent: #28
سلامات
وعوافي
دينا كيفك ..
| Quote: ود رملية يعنى يا دوب انتبهت انو نعيك جا اول زول !!! |
والله يادينا اتلومت .. عاد اقول شنو ..مفروض اشيل الفاتحة فيني من قولت تيت ..
وانا بالغتا كوني ما علقتا من "اول زول" ..
بس اوعك تمسكيها لي يادينا .. ياقي اخوك ما بيحب "الغلت"..
المهم شايفك فحطتي لي سوال الجية دا ؟..
وتسلمي ..
|
Post: #31
Title: Re: والعراف دا ... ما جاب سيرة لبورداب الدوحة !! ؟؟
Author: Hussein Mallasi
Date: 11-24-2006, 07:50 PM
Parent: #29
| Quote: الواحد احسن ليهو ينقرض "تحت انفاس الفريون" |
|
Post: #30
Title: Re: والعراف دا ... ما جاب سيرة لبورداب الدوحة !! ؟؟
Author: دينا خالد
Date: 11-24-2006, 07:44 PM
Parent: #1
منعم
الكلام على الاخلاق ******
انت اكفل اخفهم راسا تربت يداك
رملية،، بورداب الدوحة ،،، لووووول،، يبدو ان هذا البوست قد بدا ياتى اكله (وجه غامز )
| Quote: هسي يادينا اكان الواحد جا ناطي بيني وبينك كدا بتلفق معاوهو والا بيتشلهت ساكت |
منو؟؟؟ انا ؟؟؟؟ ( وجه خجلاااااان ومحمر وزايغ من البوست )
|
Post: #32
Title: Re: والعراف دا ... ما جاب سيرة لبورداب الدوحة !! ؟؟
Author: بهاء بكري
Date: 11-24-2006, 08:02 PM
Parent: #1
|
Post: #34
Title: Re: والعراف دا ... ما جاب سيرة لبورداب الدوحة !! ؟؟
Author: ودرملية
Date: 11-24-2006, 08:22 PM
Parent: #32
سلامات
وعوافي
يادينا ..
شفتي دي ..
| Quote: منو؟؟؟ انا ؟؟؟؟ ( وجه خجلاااااان ومحمر وزايغ من البوست ) |
بس ياهو انا زاااااااتو ...
..
يابهاء بكري
تعجبني كثيرا مناوشاتكم الجميلة التي تتبادلونها هنا في المنبر والتي تنم عن تناسق جميل ..
حقيقة كل يوم الواحد بيحس انو حق بتكبر في نظرو بدون مايقصد ..
لكم التجلة ولحق تمام المني ..
|
Post: #35
Title: Re: والعراف دا ... ما جاب سيرة لبورداب الدوحة !! ؟؟
Author: بدر الدين الأمير
Date: 11-25-2006, 00:53 AM
Parent: #32
خالدينا
شفتى حالة الهلوسة والوصل ليها عمنا بها بكرى
المهم الحقينا ببخرات ام المحايا فهى متوفرة عندى
|
Post: #33
Title: Re: والعراف دا ... ما جاب سيرة لبورداب الدوحة !! ؟؟
Author: عبد المنعم سليمان
Date: 11-24-2006, 08:18 PM
Parent: #1
| Quote: اخفهم راسا تربت يداك |
اخفهم راسا اقلهم شيرنغ
مافي خيارات
منعم
|
Post: #36
Title: Re: والعراف دا ... ما جاب سيرة لبورداب الدوحة !! ؟؟
Author: Randa Hatim
Date: 11-25-2006, 02:10 AM
Parent: #33
انا مما شفت بوست ود البشير دا قلبى قال لى بجيب لينا الهوا البارد
جابت ليها عزا وماتم يا دينا ... الله يكفينا الشر
لكن غايتو لو فى زول عندو نية يكفلنا انا بنصحو نصيحة اخوية لوجة الله يختى بدر الدين الامير .. فى زول نصيح فى الدنيا دى بيكفل ليهو لغم !!!
يا شباب نلحق ناخد لينا كورس سباحه من هسى مسكة الجلابية ما ماشة تحلك يا عماد ... اها كان السعودية ما رضت تدخلنا عبر الحدود ما لازم نشوف لينا مخرج تانى ؟؟
ود امى الرملية ... كر على يا يابا ما قلنا ليك عرس عملت فيها لسه عندك خطط ومشاريع ...
كيكي عليك النبى شوف جنس الحظ ده ... الزوله دى النبى فيك ما زنقتنا زنقة "بوبى فى مايرنو"
تعرفى يا دينا انتى ما برضو دوحابية ... تعالى النقول ليك كلام سر خطير مرة ح ينقذنا من الورطه دى " نقنقنقنقنققنقنقنق" فهمتينى صاح !!!!
|
Post: #37
Title: Re: والعراف دا ... ما جاب سيرة لبورداب الدوحة !! ؟؟
Author: بدر الدين الأمير
Date: 11-25-2006, 02:52 AM
Parent: #36
وصلت رندا حاتم
والسكاليج الماخمج
|
Post: #38
Title: Re: والعراف دا ... ما جاب سيرة لبورداب الدوحة !! ؟؟
Author: عبدالكريم الامين احمد
Date: 11-25-2006, 03:12 AM
Parent: #37
ياجماعة مادام حبيب ده وصل
انا بطالب العراف انو يغير (الكلندر) بتاعو
ل_2006......
وانا عفيتو من الانترفيو...(بس سريع يلحقنا السوق ويخلينا نتخارج)
|
Post: #61
Title: Re: والعراف دا ... ما جاب سيرة لبورداب الدوحة !! ؟؟
Author: فيصل نوبي
Date: 12-03-2006, 04:30 AM
Parent: #36
| Quote: تعرفى يا دينا انتى ما برضو دوحابية ... |
| Quote: تعالى النقول ليك كلام سر خطير مرة ح ينقذنا من الورطه دى " نقنقنقنقنققنقنقنق" فهمتينى صاح !!!! |
ركزي يا أم حاتم ..
|
Post: #39
Title: Re: والعراف دا ... ما جاب سيرة لبورداب الدوحة !! ؟؟
Author: فيصل عباس
Date: 11-25-2006, 03:47 AM
Parent: #1
الموت يحاول
ان يشتت جمعنا
يحاول الدخول الي جمعنا من خلال كوة صغيره تركناها لتمد الصغار
(الذين يرفضون الموت) بقليل من الاوكسجين
انتبه لها صغير كان يمعن التحديق في دموع امه التي
كانت تتلو سرا (بايات قرانيه) ام باخر وصاياها( ليس مهما)..
صاح فينا
قائلا انه يدخلنا
يدخلنا
(كان مادا سبابته تجاهه) مددنا اصابعنا ناحية الكوة
كنا نجاهد في الوصل
ثم
نجحنا
وضاقت عليه مساحة الدخول
تراجع قليلا مرتفعا بجناحاه الي عل
تاركا لنا مساحة الي اعادة التفكير
الا انه و(فيما يبدو واحدا من اصابعنا اصاب عينه التي صارت تدمع)
وبدا الدمع يتساقط على ظهر واحد منا
ما اسخن دمع الموت (بداء يصرخ صديقنا-لن اعلمكم باسمه الان ربما بعد ان نشتت الموت ساكتبه في مذكراتي )
انه حارق
حارق
حارق
انه يتألم
صاح فينا كيكي بفكرة رائعه (علمت ان الموت احتفى بها سرا)
لنرقص متماسكين (يبدو ان الفريق الكمروني كان حاضرا في ذاكرته تلك اللحظه ولحظة انتصارهم على فريق
ما لا اذكره وشكل احتفالهم متماسكين ورقصتهم الدائريه تلك)
كانت فكرته ترمي الي توزيع (دمع الموت ) على كل اجسادنا
متساوين في الألم..
موسيقي ضاجة بصوت طبلنا تدعونا الي الرقص
ورقصنا
رقصنا
رقصنا....
ابتعد الموت عنا قليلا (يبدو ان جمعتنا ورقصنا هزمه) ام صوت الطبل الحاد
لا ادري لكن اظنه يتربص بنا وينتظر تفرقنا..
عموما
سنرقص لنهزم الموت ولو لحين
وليت العراف يوصل حلمنا الي الموت بهزيمته..
دينا اكتبي
لنخستك بالموت ونضحك عليه,,,
|
Post: #41
Title: Re: والعراف دا ... ما جاب سيرة لبورداب الدوحة !! ؟؟
Author: علاء الدين حيموره
Date: 11-25-2006, 04:57 AM
Parent: #39
والعراف ده ما جاب سيرة لاي دولة خليجية تانية ؟؟
|
Post: #40
Title: Re: والعراف دا ... ما جاب سيرة لبورداب الدوحة !! ؟؟
Author: عمر الفاروق
Date: 11-25-2006, 04:53 AM
Parent: #1
اذا صدقت تنبؤات العراف ده ففي بورداب قطر والدوحة واحد إسمو محمد عبد الرحمن ..
عن نفسي أتكفل بي تجهيز شنطة هدايا لي معارفه بي RBG عبارة عن هبهان وقرنفل وشباشب زيكو ومعجون سيجنال تو وبشاكير ولفتين قمر دين وتلاتة اكياس زبيب وكوشتينة وباكو سجاير بينسون إضافة لي هدايا شخصية لي محمد عبد الرحمن عشان إتجنصص بيها في السودان اربعة بناطلين جينز كونز أبو تروس وفنيلتين لاجوست وجزمة شوز إسبورت ودروش ..
|
Post: #42
Title: Re: والعراف دا ... ما جاب سيرة لبورداب الدوحة !! ؟؟
Author: محمد عبدالرحمن
Date: 11-27-2006, 02:36 AM
Parent: #40
ياعمر الفاروق..
لقيتنى مافى واتفسحت ..هبهان شنو كمان البتجيبو لى ؟
انت ماعارف انا من وين ..شنو يا(درفة) خليها مستورة ..
برجع ليك بالجذور اسى وبتقعد تتعذر لى ..
الدوحة ربنا يحفظها ويحفظ اهلها من الكوارث
طبعا من اكبر الكوارث الكان متوقع حدوثها فى العيد الفات ..انو
عمر الفاروق دا كان مفروض يجى يعيد هنا ..وربنا لطف ..
ومازال احتمال حضوره فى العيد الجاى وارد ..لذلك يااخوانا
العندو قريشات يحاول اتخارج ويمشى يعيد بره ..لما تزول الكارثة ..
وبعدين نشوق قصة 2010 دى ...
..لكن يااخوانا لو قصة 2010 دى حصلت..المتضرر الاكبر هو بكرى ا لامين ..
بكرى دا يقولوا ليهو امرق من الدوحة دى الا يموت عديل ..شخصيا
جاهز للمخارجة فى اى وقت ..كعب الكعب ..
سلام يادينا ..
|
Post: #43
Title: Re: والعراف دا ... ما جاب سيرة لبورداب الدوحة !! ؟؟
Author: ودرملية
Date: 11-27-2006, 05:40 PM
Parent: #42
سلامات
وعوافي
يادينا ..
شنو مشيتي وين انتي ياختي "البيت محروس وستو تكوس" ..
يعني لما قلنا ليك "يااااااهووو زاتوااا" تاني ماشفناك ..
نغير راينا والا شنو .. هاهاهاهاهاهاهاها
الانصاري السمح "محمد عبدالرحمن" ..
والله العظيم قتلتني من الضحك ..
هاهاهاهاه قلت لي شنو
Quote: ..لكن يااخوانا لو قصة 2010 دى حصلت..المتضرر الاكبر هو بكرى ا لامين ..
بكرى دا يقولوا ليهو امرق من الدوحة دى الا يموت عديل ..شخصيا
جاهز للمخارجة فى اى وقت ..كعب الكعب .. |
والله ودالعمدة بيني وبينك ما بيمرق بي سهولة موش لو قامت قيامة ..
هاهاهاهاهاهاها
غايتو بفتنك معاهو ...
وربك يهون ..
هاهاهاهاهاها
|
Post: #44
Title: Re: والعراف دا ... ما جاب سيرة لبورداب الدوحة !! ؟؟
Author: فيصل عباس
Date: 11-27-2006, 05:55 PM
Parent: #1
محمد عبد الرحمن
وود رمليه
انتو الراجع فيكم منو
موته واحده هنا يا محمد عبدالرحمن ولا مليون هناك
نحن ما قاعدين نرضى الكلام في ممثلننا
يعني بالهبش كيكي وود العمدة وبرشوهم بالمويه نحنا نرشو بعطر باريسي فاخر
فاهمين ولا نجيييب السيخ
بكري وكيكي
دي رشوة لتعديل اوضاع اولادنا في المدرسه السودانيه
قبل ما يوصلنا 2010 ده
|
Post: #45
Title: Re: والعراف دا ... ما جاب سيرة لبورداب الدوحة !! ؟؟
Author: ودرملية
Date: 11-27-2006, 07:32 PM
Parent: #44
سلامات
وعوافي
يافيصل خالد ازيك
Quote: بكري وكيكي
دي رشوة لتعديل اوضاع اولادنا في المدرسه السودانيه
قبل ما يوصلنا 2010 ده |
دي بالغتا فيها طبعا يعني من هسي بقيت توطد في علاقاتك مع "القادة" ...
والله ياكيكي وبكري الامين "صوت فيصل دا" يمرقو منكم بالساحق والماحق ..زولي وانا بعرفو ..
هاهاهاها
والله مشتاقين يافيصل "ناس المكاشفي" اخدوك مننا تب ..
ربنا يحفظكم ..
|
Post: #46
Title: Re: والعراف دا ... ما جاب سيرة لبورداب الدوحة !! ؟؟
Author: على محمد على بشير
Date: 11-28-2006, 03:18 AM
Parent: #45
بما انى صاحب البوست الاساس فى الشغلانيه دى وكدا
فقد حلمت ورايت فيما يرى النائم
انو شيخنا ( منور ) العراف
جانى وهزانى من يدى لمن صحيت ليك من النوم ونهرنى قائلا
- انتا النايم ليها شنو .. انتا ما كلمت ناس قطر ديل لسع
- لا والله ياشيخنا كلمتهم كلهم .. والما سمع دينا خالد لحقته الخبر
- طيب اكان كلمتوهم البيعملوا فيهو ناس قطر دا شنو
- قاعدين يعملوا فى شنو كمان يامولانا ؟
- انتخابات الجاليه العملوها دى
- طيب يامولانا انتا ماقلت ( الزوال ) دا فى 2010 يعنى باقى 4 سنه
- اها عشان شلاقتن دى قدمنا الموعد وصار فى 2007
-خلاس يامولانا انا تانى بكلمن بالموعد الجديد ( للزوال )
- وكلم ود رمليه دا وقول ليهو اعمل حسابك من مراسيل الشيخ
- مراسيل الشيخ ديل منهو يامولانا
- دينا خالد دى موش بتنا .. واحنا المرسلنها عشان تخلى الما سمع يسمع
اها ود رمليه دا مالو معاها داير يلعب معانا كمان
- لا والله يامولانا ود رمليه دا راجل طيب وكدا
- خلاس اكان طيب قول ليهو يعمل حسابه والا والله العظيم يقوم الصباح يلقى نفسه سحليه
- خلاس يامولانا مافى داعى للكلام دا وانا بكلم ود رمليه وانشاء الله يحصل خير
- وبعدين كلمن معاك .. انو عمر الفاروق دا لو وصل الدوحه فى العيد انا ح اطربق ليهم
الدوحه دى على دماغهم ودماغ الجاليه الجديده دى كمان .. سامع
- ايوه سامع ياشيخنا .. انا ح اكلم ود عبد الرحمن دا واقول ليهو عمر الفاروق دا الا
يشم الدوحه دى قدحه .. والا فلا عزر لمن انذر
وفجعه صحيت ليكم من النوم وانا مهجوم هجمة السواد
اها داير لى واحد شاطر كدى يقوم يفسر لى الحلم دا
|
Post: #60
Title: Re: والعراف دا ... ما جاب سيرة لبورداب الدوحة !! ؟؟
Author: محمد عبدالرحمن
Date: 12-03-2006, 04:22 AM
Parent: #46
**
|
Post: #47
Title: Re: والعراف دا ... ما جاب سيرة لبورداب الدوحة !! ؟؟
Author: محمد أبوالعزائم أبوالريش
Date: 11-28-2006, 03:42 AM
Parent: #1
زوال دولة قطر!!!!!
يا جماعة المسألة عايزة دراسة وبحث
يعني شنو زوال؟ يضربها زلزال؟ والا تغرق في البحر؟ والا يمكن بس تتمسح بي إستيكة من الخريطة. يعني الشغل ممكن يكون شغل ورق ساكت.
|
Post: #48
Title: Re: والعراف دا ... ما جاب سيرة لبورداب الدوحة !! ؟؟
Author: elameen
Date: 11-28-2006, 04:33 AM
Parent: #1
يا دينا طيب الحل شنو مع عرافك ده كدي شوفي لينا العراف ده وقولي ليه طريقة الزوال كيف عشان نعمل الاحتياطات (زلزال او سونامي اووووووو)
لك ودي
|
Post: #49
Title: Re: والعراف دا ... ما جاب سيرة لبورداب الدوحة !! ؟؟
Author: محمد سنى دفع الله
Date: 11-28-2006, 06:05 AM
Parent: #48
صحيت من النوم مخلوع
لقيت زوجتنا أم الذوق والشياكة شعرها منفوش وعيونة منططه زي الشافت ليها بعاتي وهزتني هزة واحدة اتنفضت من السرير زي الضربني الضريب وقفت في نص الغرفة زي الشيطان الأسود وعيوني حومر( مابعرف اشكل)مالك في شنو؟؟ قالت لي محمد عبدالرحمن واقف ليك برة
محمد عبد الرحمن منو ؟ قريب بدرالدين > وفي ثانية نطيت والثانية التانية كنت قدام باب الشارع لابس البجامة القطعة الفوق بس ما عارف القطعة التانية الشاله منو ، لقيت ود عبدالرحمن لابس الهدوم الرسله ليهو عمر الفاروق بطلون جينز والفنيلة لاكوست صفراء فاقع لونها..انت نايم والدنيا مقلوبة.. والقلبة منو!!! اليوم البلد دي حتختفي !! وتراجعت للوراء في حركة تمثيلية بايخة، منوالحتختفي ؟؟البلد دي ؟ كيف ؟ متوقع توسنامي جديد . تكلت طهري للحائط وحاولت ان اضع رجلسي على اختها وحينما نظرت الى الأرض تمنيت انتنشق وتبلعني وصحت وين بنطلون البيجاما!!
صاح محمد عبدالرحمن ياخي انت في شنو والناس في شنو اتخارج بي سرعه .. قلت ليه بدرالدين وينو ؟
رد علي بي سرعة ده ما فاضي بلم في كل لوحات الأعلانات المتحركة والثابته وقال شايلة معاه البلد، وكيكي خم ليهو مليون كتاب من مكتبات السوق، وودرملية قطر ليه مطبعةحديثة هسي انا جايك
عشان تختار ليك حاجة تشيله معاك ، مسموح بي كده ؟ ايوة قالوا بالذات السودانية اشيلوا اي حاجه تفيدهم في بلدهم .. والنعم، طوالي لساني اتعوج..وابتسمت ابتسامة فيها كل الألوان،زارتنا البرجه
خلاص شكرا انا قررت ، حتعمل شنو ؟حأشيل استاد خليفة الدولي !!!!
البقيةجاية
|
Post: #50
Title: Re: والعراف دا ... ما جاب سيرة لبورداب الدوحة !! ؟؟
Author: محمد أبوالعزائم أبوالريش
Date: 11-28-2006, 06:44 AM
Parent: #1
السني آخوي:
الله يخليك إنتظر شوية، والبتاع ده شيلو بعد الآسياد
ما تمقلب الجماعة شغالين فيهو كل الزمن ده!
تخريمة:
ما قلت لي .... بعد داك .. بنطلون البيجاما لقيتو واللا !!!!!؟؟؟؟
|
Post: #51
Title: Re: والعراف دا ... ما جاب سيرة لبورداب الدوحة !! ؟؟
Author: عبدالكريم الامين احمد
Date: 11-28-2006, 07:06 AM
Parent: #50
| Quote: لابس البجامة القطعة الفوق بس ما عارف القطعة التانية الشاله منو |
السني ياخي ..الله يجازي محنك...!!!تدي تمثلها حرم تاخد اوسكار في مهرجان كان..!!!
وبعدين فعلا استاد خليفة ده خليه شوية زي ما قال ليك ابوالعزائم ده...ولو شلتو من
حسي شوف ليك زول في الجمارك وممكن تقول ليهو افراج موقت...وبالله ادفعوا لناس المريخ
مع ابولمبة بتاعهم ده...
|
Post: #52
Title: Re: والعراف دا ... ما جاب سيرة لبورداب الدوحة !! ؟؟
Author: ودرملية
Date: 11-28-2006, 05:42 PM
Parent: #51
سلامات
وعوافي
ياعلي ..
Quote: وكلم ود رمليه دا وقول ليهو اعمل حسابك من مراسيل الشيخ
- مراسيل الشيخ ديل منهو يامولانا
- دينا خالد دى موش بتنا .. واحنا المرسلنها عشان تخلى الما سمع يسمع
اها ود رمليه دا مالو معاها داير يلعب معانا كمان
- لا والله يامولانا ود رمليه دا راجل طيب وكدا
- خلاس اكان طيب قول ليهو يعمل حسابه والا والله العظيم يقوم الصباح يلقى نفسه سحليه
- خلاس يامولانا مافى داعى للكلام دا وانا بكلم ود رمليه وانشاء الله يحصل خير
|
ياعلي قول لي "شيخي" حرم ودرملية غير رضاكم ما عندو طلب .. بس المخارجة بتاعتو عاوزا تكون فايف استار وكدا ياشيخنا يعني خليهو يختينا الشلهتة والشتات والبهدلة .. عاوز اجي السودان من المطار علي شارع الجمهورية مكتب يكون زي الليل انشاء الله شركة تكون اسهما "خمسين ودرملية وخمسين دينا خالد" ااااي موش دينا دي هي الانقذتنا لازم نكرما معانا علي مجهودا الانساني ..
السني
انت يا يابا يجازي محنك .. ياكيكي زولك دا ما نصيح تقول لي نصيح اقول ليك ما نصيح تقول لي نصيح .. تاني تقول لي نصيح بفتح عليك ابواب جهنم .."واني خيرتك فاختار" ..هاهاهاهاهاها
لكن والله يا السني استاد خليفة زبط معاي كيف .. ياخي تشحنو كارجو او صحبة راكب بتكون ريحتا اخوك خصوصا انو ح يكون استاد "الــــــــهلال العظــــــــــيم" ..
جاييكم والله الشغل شوية فيهو جنس دقش مبالغة مية صفحة عددددديل كدا ..
يا دينا مشتاقين "شنو يعني الغيبة دي "..
|
Post: #53
Title: Re: والعراف دا ... ما جاب سيرة لبورداب الدوحة !! ؟؟
Author: Hussein Mallasi
Date: 11-28-2006, 06:04 PM
Parent: #52
يا ود رملية .. كملت الضحك الفي الدنيا كلو .. الحكاية شنو!!
|
Post: #54
Title: Re: والعراف دا ... ما جاب سيرة لبورداب الدوحة !! ؟؟
Author: ودرملية
Date: 11-28-2006, 06:20 PM
Parent: #53
سلامات
وعوافي
ياملاسي
الحكاية مفرحة ..
بعدين انا زعلان منك لي اضني "وقطع ناشف معاك"..
انت زول حقار ياملاسي والحقارة ما بتنفع معاي علي الاطلاق .. لو شفتها في فيلم مابتمو ..
ناهيك عن اشوفا جاية من زول ود بلدي ..
وعلي العموم كلنا اخوان يا ملاسي ومهما توسعت دائرة الخلاف بين الناس المفروض تكون في ارضية احترام مشتركة .. فالخلافات السافرة لا تؤدي الا الي نتائج سافرة ..
ولك ولكل الاحباب تمام المعزة ..
|
Post: #55
Title: Re: والعراف دا ... ما جاب سيرة لبورداب الدوحة !! ؟؟
Author: Hussein Mallasi
Date: 11-28-2006, 06:28 PM
Parent: #54
حقار عديل كدا يا ود رملية!
في زول اشتكى ليك و للا عرفت الحكاية دي براك!!
كدي أدينا أمثلة لحكاية الحقارة دي عشان ما يبقى كلام ساكت.
_____
ولك ولكل الاحباب كامل المعزة ..
|
Post: #56
Title: Re: والعراف دا ... ما جاب سيرة لبورداب الدوحة !! ؟؟
Author: ودرملية
Date: 11-28-2006, 07:16 PM
Parent: #55
سلامات
وعوافي
ملاسي اسف علي تاخير الرد ..
معصور حبتين في الشغل ...
الامثلة لاتحتاج الي الحصر ياحسين ..
المنبر له ذاكرة قوية ..
علي العموم ما اقلقك لاني ما "غتيت" عشان اعمل "ريكورد" لي مشاركاتك الفيها حقارة انا بقراها في لحظتها وبكون انطباعي "بالتاكيد" يعني "سمعتا ما جابو لي" ..وبعدين يعني ياحسين بتملا فيك ..اقول كلام ساكت .. ابدا والله كدي يوم ياملاسي اقعد براك وراجع كتابتك في المنبر.. وردود الناس عليها"يعني صداها العام" التاثير البتتركوا شنو .. تاكد يا حسين ح تعرف المسالة بي سهولة..
و الطريق العديل بيوصل يا حسين ..
ولك المعزة ..
|
Post: #57
Title: Re: والعراف دا ... ما جاب سيرة لبورداب الدوحة !! ؟؟
Author: Hussein Mallasi
Date: 11-28-2006, 07:24 PM
Parent: #56
Quote: الامثلة لاتحتاج الي الحصر ياحسين ..
المنبر له ذاكرة قوية .. |
إجابة - تقليدية - متوقعة.
Quote: ابدا والله كدي يوم ياملاسي اقعد براك وراجع كتابتك في المنبر..
وردود الناس عليها"يعني صداها العام" التاثير البتتركوا شنو .. |
ما دام ود رملية بيراجع الكتابات و ردود الناس عليها - يعني صداها العام –
و التأثير البتتركو .. يبقى كفاية!!
|
Post: #58
Title: Re: والعراف دا ... ما جاب سيرة لبورداب الدوحة !! ؟؟
Author: بدر الدين الأمير
Date: 11-29-2006, 02:27 AM
Parent: #57
ملاسى
والفرق شنو
بين التقليدى والتقليدين والمقلدين وياسيدى انت كنت متقدم جدا
حين وصفت رد ود رملية بالتقليدية المتوقعة ياخى تقليدة ود رملية
ماموجوده حتى فى الخيال مثلا ود رملية يقول راى مختلف تماما معاك
فيه وترد عليه بنفس الضديه ويتنهى الحوار - بليل يتصل بك ود رملية
ياخى اعفى منى كان كلامى ضايقك
تنهدات: الى متى نظل عندنا قلادة ثابته للاكل للشراب للغنى للدين
للتدين للتحاور والمحاور وحتى الحورية التى تعجبنا ملاسى يعجنى فيك
وانا عجبى قاسى انك ماقاعد تبا ركها وانا قسمى الخاص هو اننى مابباركها
لا مع المطلق ولا مع الانطلاقة من مستوى التحاور فى ثمن ربطة فجل الى التحاور
عن ربطة عنق من كرستيان وبفتكر ان المباركة هى سبب تكسرنا سودان وسودانيين
|
Post: #59
Title: Re: والعراف دا ... ما جاب سيرة لبورداب الدوحة !! ؟؟
Author: بدر الدين الأمير
Date: 11-29-2006, 04:57 AM
Parent: #57
ملاسى
والفرق شنو
بين التقليدى والتقليدين والمقلدين وياسيدى انت كنت متقدم جدا
حين وصفت رد ود رملية بالتقليدية المتوقعة ياخى تقليدة ود رملية
ماموجوده حتى فى الخيال مثلا ود رملية يقول راى مختلف تماما معاك
فيه وترد عليه بنفس الضديه ويتنهى الحوار - بليل يتصل بك ود رملية
ياخى اعفى منى كان كلامى ضايقك
تنهدات: الى متى نظل عندنا قلادة ثابته للاكل للشراب للغنى للدين
للتدين للتحاور والمحاور وحتى الحورية التى تعجبنا ملاسى يعجنى فيك
وانا عجبى قاسى انك ماقاعد تبا ركها وانا قسمى الخاص هو اننى مابباركها
لا مع المطلق ولا مع الانطلاقة من مستوى التحاور فى ثمن ربطة فجل الى التحاور
عن ربطة عنق من كرستيان وبفتكر ان المباركة هى سبب تكسرنا سودان وسودانيين
|
|