Post: #1
Title: الخرطوم من الجهة الغربية
Author: ودقاسم
Date: 11-21-2006, 07:21 AM
Parent: #0
وأنت تدخل الخرطوم من مدخلها الغربي قادما من المهندسين ، عبورا بكبري الفتيحاب أو الكبري الجديد كما يسميه الناس هنا ، يتلقاك النيل الأبيض بترجاب العاشقين .. يقدم لك حزمة من نسماته . الخضرة في الجزيرة التي انحسر عنها النيل بدت لي وسيمة كسبقان فاتنة انكشف عنها سترها ... يا للهول ، هل قلت فاتنة ... لا بل هو الفتنة ذاتها ...
بقرات سمان لا تعرف أنت من الذي أتى بها هنا .. وزروع شبّت فجأة وكأنها كانت مزروعة منذ القدم تحت الماء ... وفي وسط الجسر أقيمت حديقة أطلق عليها أصحابها ( مزن بيتش ) ولا أعلم إن كانت مملوكة للدولة أم لأفراد .. لكنها فكرة رائعة بالرغم من أنها تخلط بين القديم والحديث .. أنا شخصيا وددتها أن تصبح مثل الجزيرة الفاخرة التي أقيمت في الخليج على الجسر الذي يربط بين البحرين والسعودية ... ولا شئ يمنع إن أردنا وأخذنا أمرنا مأخذ جد ...
ثم تأتيك الغابة ، حضراء ، ظليلة ، وجميلة ... تتمنى أن تجد وقتا كافيا تقضيه متجولا بين أشجارها ...
ومباني شاهقة قامت هنا وهناك ... أعرف بعضها وأجهل بعضها ... لكني سمعت الناس يتحدثون عن هيئة الأركان ، وبمك السودان و موبيتل ، وهناك الهيلتون ...
الخرطوم جميلة .. لكنها تنتظر من يمد لها يدا سخية ليمنجها جمالا فوق جمالها ...
الخرطوم مدينة يمكن أن يأتيها السياح من كل بلاد الدنيا إن نحن بذلنا جهدا صغيرا في تزيينها ...
|
Post: #2
Title: Re: الخرطوم من الجهة الغربية
Author: mohamed elshiekh
Date: 11-24-2006, 10:40 AM
Parent: #1
والله زمان يا ود قاسم...........!!!!!
لك خالص الود والاسره
|
Post: #3
Title: Re: الخرطوم من الجهة الغربية
Author: حمزاوي
Date: 11-25-2006, 02:58 AM
Parent: #1
| Quote: الخرطوم من الجهة الغربية |
ودقاسم من الجهة الشرقية
حليل الكان بيهدي الغير
صبح محتار يكوس هداي
|
Post: #4
Title: Re: الخرطوم من الجهة الغربية
Author: أبوذر بابكر
Date: 11-25-2006, 03:15 AM
Parent: #1
إزيك يا ودقاسم وكيف الحال
واحشنا حضورك الوريف دائما والله
أما عن حبيبتى الخرطوم
والله يا ودقاسم موقع الخرطوم ما موجود عند أى مدينة تانى فى الدنيا كلها
بس زى ما قلت إنت، مين "يتذوق" ومين يعرف
وهنيالك البلد وناس البلد
ومت تقطع أخبارك مننا
ونحن حنكون طرفكم إن شاء الخالق فى العيد
|
Post: #5
Title: Re: الخرطوم من الجهة الغربية
Author: محمد سنى دفع الله
Date: 11-25-2006, 04:52 AM
Parent: #4
الخرطوم أجمل مدن الدنيا
والليل في الخرطوم ما ليه مثيل
لكن منو البملك الجمال
نحن فادين النوذج الجمالي
فاقد تربوي وفاقد جمالي وانتلاقوا
ايه رايك ؟؟؟؟
|
Post: #6
Title: Re: الخرطوم من الجهة الغربية
Author: ودقاسم
Date: 11-25-2006, 05:41 AM
Parent: #1
ود الشيخ
حمزاوي
أباذر
محمد سني
سلام وشوق
كلما تجولت في الخرطوم بكل أطرافها أجدها مؤهلة للجمال ...
وددت لو أني أجد وقتا لأكتب أكثر عن جمال الخرطوم من كل مداخلها ... وقبل شهرين زرت منطقة سوبا لأستلم أمتعتي ، وكان الوقت خريفا ... كان المنظر بديعا ... يومين وأنا أراجع منطقة الجمرك هناك فوددتها أن تطول ... ثم سافرت عن طريق الجبل إلى أهلي في غرب الجزيرة فكان المنظر رائعا وأنت تغادر الجبل ثم تدلف إلى القطينة فتفاجئك الخضرة بجانبي الطريق ... وأنوي أن أتجول في الاتجهات العديدة للخرطوم ...
ليت الخرطوم تجد من يعمل على استنطاق جمالها ... ومن يجعل خضرتها دائمة ...
ليت الخرطوم تجد من يكنس شوارعها ، ويزيل الغبار الذي يعلق فوق الرؤوس ليلا ونهارا ...
وسأكتب لكم عن أشياء أخرى بديعة بالخرطوم ... ما رأيكم بفاتنات الخرطوم ؟
انتظروا شوية
يومين ... تلاتة ...
|
Post: #7
Title: Re: الخرطوم من الجهة الغربية
Author: خالد عويس
Date: 11-25-2006, 06:05 AM
Parent: #6
بالله يا ودقاسم جنس الكلام ده ما تكتبوا لينا، أكتبوا لي الناس الجوّه وبس!!
ياخوي تقعد تكتب لينا في كلامات زي دي لحد ما الواحد يومين تلاتة يلملم حاجاته ويجيك "طاير"!!
هو انحنا ناقصين؟؟
|
Post: #8
Title: Re: الخرطوم من الجهة الغربية
Author: أبو الحسين
Date: 11-25-2006, 06:09 AM
Parent: #1
Quote: وسأكتب لكم عن أشياء أخرى بديعة بالخرطوم ... ما رأيكم بفاتنات الخرطوم ؟
انتظروا شوية
يومين ... تلاتة ... |
يجازي محنك يا ود قاسم يا صديقي...
أها راجييييييينك بس لا تطول الغيبة...
كميات مودتي...
أبو الحســــــــــين...
|
|