مبرووووووك .. السيد / مني آركو مناوي عريساً ..

Post: #1
Title: مبرووووووك .. السيد / مني آركو مناوي عريساً ..
Author: عصام دهب
Date: 11-21-2006, 04:46 AM
Parent: #0

Quote: مدينة الفاشر تشهد زواج كبير مساعدي رئيس الجمهورية وتوزيع اموال كثيرة وبسخاء
Nov 20, 2006, 15:35

سودانيزاونلاين.كوم Sudaneseonline.com

بدر الدين عبد الرحمن - اعلامي
مدينة الفاشر تشهد زواج كبير مساعدي رئيس الجمهورية وتوزيع اموال كثيرة وبسخاء
* شهدت الدوائرالسياسية والتنفيذية والشعبية بمدينة الفاشر زواج كبير مساعدى
رئيس الجمهوري منى اركومناوى باحدى حسناوات قبيلة الزغاوة وذلك عقب الانتهاء من
زيارته الاخيرة لولاية شمال دارفور يوم 9/11/2006 والتي امتدت لمدة اسبوع ..
ويتردد ان اسرة منى وقيادة الحركة قامتا بأحتفال كبير بحي الوحدة ، والذي تخلله
الرقص والطرب وتناول الخمور ، وقالت الدوائر ان كبير مساعدى رئيس الجمهورية قام
بتوزيع اموال كثيرة وبسخاء لفرقة الفنون الشعبية والحضور من الاموال التي منحته
له الحكومة والتي تقدر بـ ( 300 مليار جنية ) ليتم توزيعها للولايات الثلاث
لدعم مشاريع التنمية والنازحين .

و ننتهز هذه السانحة الطيبة لنتقدم للسيد / كبير مساعدي رئيس الجمهورية بأطيب التهاني و متمنين له حياة زوجية هانئة ، و نقول للعريس ـ النفض الكيس ـ تغلبها بالمال و تغلبك بالعيال .

و سواء كان السيد / مناوي متزوجاً و أحيا السنة ، أو لم يكن و أكمل نصف دينه ، فإننا نسأل الله تعالى أن يبارك لهما و يبارك عليهما و يجمع بينهما في خير ، و عقبال كل المناضلين العاملين فيها متزوجين القضية ..

Post: #2
Title: Re: مبرووووووك .. السيد / مني آركو مناوي عريساً ..
Author: فيصل محمد خليل
Date: 11-21-2006, 05:37 AM
Parent: #1

مبروك ل مني اركو

عمق احساسك بحرتك يبقى ملامح في ذريتك.

Quote: وقالت الدوائر ان كبير مساعدى رئيس الجمهورية قام
بتوزيع اموال كثيرة وبسخاء لفرقة الفنون الشعبية والحضور من الاموال التي منحته
له الحكومة والتي تقدر بـ ( 300 مليار جنية ) ليتم توزيعها للولايات الثلاث
لدعم مشاريع التنمية والنازحين .

يبدو ان مني اركو فهم غلط المعلومة اعلاة.

يبدو ان كلمة نازحين اختلطت عندة وفهمه بالنازحين الى عرسة.

لا.

الاموال تخص المشرديين قاطني العراء

Post: #3
Title: Re: مبرووووووك .. السيد / مني آركو مناوي عريساً ..
Author: عصام أحمد
Date: 11-21-2006, 05:45 AM
Parent: #2

واعتقد يا عصام دهب انه عريس للمرة الثانيه ,فقد قرأنا العام الماضي زواجه
ربما يتبع سنة رئيسه وخوفي ان تكون امرأة شهيد ممن فقدوا شبابه ثمنا لثورة الهامش!!

يا مناوي
صحيح الاختشوا ماتوا....
اهل درافور بالعراء وانت شغال مثنى وثلاث..... في النساء
الناس في شنو و الحسانيه في شنو؟؟؟؟القوات الدوليه على وشك
الدخول ومناوي في شهر العسل!!!!

Post: #6
Title: Re: مبرووووووك .. السيد / مني آركو مناوي عريساً ..
Author: عصام دهب
Date: 11-21-2006, 06:07 AM
Parent: #3

Quote: واعتقد يا عصام دهب انه عريس للمرة الثانيه

و أعتقد يا عصام أحمد أنو البقرأ كلامك التحت دا
Quote: يا مناوي
صحيح الاختشوا ماتوا....
اهل درافور بالعراء وانت شغال مثنى وثلاث..... في النساء
الناس فس شنو و الحسانيه في شنو؟؟؟؟القوات الدوليه على وشك
الدخول ومناوي في شهر العسل!!!!

حيفتكر إنك من أهل مرتو الأولى ..
إلا كان القوات الدولية ديل جايبين معاهم بنات حور

Post: #4
Title: Re: مبرووووووك .. السيد / مني آركو مناوي عريساً ..
Author: عصام دهب
Date: 11-21-2006, 05:52 AM
Parent: #2

الأخ / فيصل محمد خليل
Quote: مبروك ل مني اركو

و مبروك للشعب السوداني كلو زواج إبنه المحرر ..

وقالت الدوائر ان كبير مساعدى رئيس الجمهورية قام
بتوزيع اموال كثيرة وبسخاء لفرقة الفنون الشعبية والحضور من الاموال التي منحته
له الحكومة والتي تقدر بـ ( 300 مليار جنية ) ليتم توزيعها للولايات الثلاث
لدعم مشاريع التنمية والنازحين .

Quote: يبدو ان مني اركو فهم غلط المعلومة اعلاة.

لا يا فيصل .. يمكن العريس فهم إنو ال( 300 مليار جنية ) دي شووووبش حقت الحكومة .. عشان كدا قام نقطها على فرقة الفنون الشعبية والحضور..

Post: #5
Title: Re: مبرووووووك .. السيد / مني آركو مناوي عريساً ..
Author: أبو الحسين
Date: 11-21-2006, 05:53 AM
Parent: #1

Quote: نقول للعريس ـ النفض الكيس ـ تغلبها بالمال و تغلبك بالعيال

ألف مبرووووووووووووك يا مناوي وإنشاء الله بيت مال وعيال...

Post: #16
Title: Re: مبرووووووك .. السيد / مني آركو مناوي عريساً ..
Author: عصام دهب
Date: 11-21-2006, 02:45 PM
Parent: #5

أبو الحسين
تحياتي

بما إني زول بحب البهجة و الأعراس ..
و بما إني ناشر هذا البوست ..
حأقوم أتخيل نفسي وزير ..
ما تتخلع !!
وزير عريس ساكت ..

Quote: ألف مبرووووووووووووك يا مناوي وإنشاء الله بيت مال وعيال...

الله يبارك فيك ياخي و عقبالك و أعتبر تهنئتك وصلت للسيد / العريس ، أصلو مشغول حبتين

Post: #7
Title: Re: مبرووووووك .. السيد / مني آركو مناوي عريساً ..
Author: مهند مامون
Date: 11-21-2006, 07:31 AM
Parent: #1

حسبماوصلني فإن العريس النفض الكيس كان احد حراس او مساعدو أركو مناوي
الراجل لسه في حالة تنشنة وتنشين
ويا هو دا السودان !!!

Post: #8
Title: Re: مبرووووووك .. السيد / مني آركو مناوي عريساً ..
Author: garjah
Date: 11-21-2006, 10:47 AM
Parent: #7

Quote: ويا هو دا السودان !!!

Post: #9
Title: Re: مبرووووووك .. السيد / مني آركو مناوي عريساً ..
Author: السر عبدالله
Date: 11-21-2006, 10:48 AM
Parent: #7

هوى يا صلاح دهب .. انت عاوز تنضبح ولا شنو؟ انت ما عارف الناس البنتقدوا ناس النظام ديل بيحصل ليهم شنو؟

Post: #18
Title: Re: مبرووووووك .. السيد / مني آركو مناوي عريساً ..
Author: عصام دهب
Date: 11-21-2006, 03:03 PM
Parent: #9

السر عبدالله
تحياتي
Quote: هوى يا صلاح دهب ..

صلاح دهب دا أخو أبراهيم وردي و لً ياتو !!
Quote: انت عاوز تنضبح ولا شنو؟

أنا بعرف أنو في أغنية بتقول عريسنا حالف يضبح تور .. يوم واحد ما سمعت غنوها عريسنا حالف يضبح زول .. بعدين بالمناسبة ما في أي داعي للحليفة دي ..

Quote: انت ما عارف الناس البنتقدوا ناس النظام ديل بيحصل ليهم شنو؟

بعرسوا ليهم .. و كان ما مصدقني أسأل العريس !!

Post: #17
Title: Re: مبرووووووك .. السيد / مني آركو مناوي عريساً ..
Author: عصام دهب
Date: 11-21-2006, 02:51 PM
Parent: #7

مهند
تحياتي
Quote: حسبماوصلني فإن العريس النفض الكيس كان احد حراس او مساعدو أركو مناوي

كان دا عرس الحرس بس كدا ..أنا من الليلة دي حركة تحرير أي حاجة !!
Quote: الراجل لسه في حالة تنشنة وتنشين

أوعة يجلي .. بعدين نبقى في تكس يرجع !!
Quote: ويا هو دا السودان !!!

و يا هو دا الشغل .. دا الشغل !!

Post: #10
Title: Re: مبرووووووك .. السيد / مني آركو مناوي عريساً ..
Author: Sayed Bekab
Date: 11-21-2006, 10:53 AM
Parent: #1

الرقص والطرب وتناول الخمور !!!!!!!!!!!!!

الله لا بارك ليهو عرس سبحان الله توزيع قروش و رقص و طرب و خمور

مستجد نعمه

Show off

Another idiot

Post: #11
Title: Re: مبرووووووك .. السيد / مني آركو مناوي عريساً ..
Author: محى الدين ابكر سليمان
Date: 11-21-2006, 11:30 AM
Parent: #10

Quote: الرقص والطرب وتناول الخمور !!!!!!!!!!!!!

وله فى خلفاء المسلمين اسوة حسنة.
مافى زول طالب باثبات صحة المزاعم بالبذخ والترف, لكن لو قلنا انو النساء والبنات فى معسكرات النازحين مازلن تحت التهديد اليومى بالاغتصاب حتقولو اطلعوا من البلد.
ما تجوا نشتتها!!!!!!!!!!

Post: #25
Title: Re: مبرووووووك .. السيد / مني آركو مناوي عريساً ..
Author: عصام دهب
Date: 11-22-2006, 02:25 PM
Parent: #11

الأخ / محي الدين
تحياتي
Quote: وله فى خلفاء المسلمين اسوة حسنة.

أفرز يا محي الدين ..

Quote: مافى زول طالب باثبات صحة المزاعم بالبذخ والترف ..

عشان مافي زول من أهل العريس أنكرها ..

Quote: لكن لو قلنا انو النساء والبنات فى معسكرات النازحين مازلن تحت التهديد اليومى بالاغتصاب

طيب البنات المسكينات ديل مش بستحقن العرس و لَ ناس يعرسوهم و ناس يهرسوهم ..

Quote: حتقولو اطلعوا من البلد

خلاص أطلعوا من الحفلة بس ما عايزين مشاكل ..

Quote: ما تجوا نشتتها!!!!!!!!!!

تجوا ولَ نجي

Post: #12
Title: Re: مبرووووووك .. السيد / مني آركو مناوي عريساً ..
Author: عصام أحمد
Date: 11-21-2006, 11:38 AM
Parent: #10

الاخ Sayed Bekab

يبدو ان دوافعنا في النقد مختلفه
Quote:
مستجد نعمه

Show off

ومن الذي ليس مستجد نعمه؟؟؟البشير ام علي عثمان؟؟؟؟
لكنك تسعى لاستنكار الحدث من باب ان مناوي اغبش
المهم دعني افيدك انه في زواجه الاول يقال دفع مهر 900 ناقه!!!
يعني الموضوع ليس له علاقه بكونه مساعد رئيس ام مساعد ياي
انا فقط حزين.....حزين...فليس هذا ما ينبغي ان يكون حال من
سعى لرفع الظلم عن اهله يوما ما....

اما استنكارك هذا:
Quote: الرقص والطرب وتناول الخمور !!!!!!!!!!!!!

فيبدو ان مناوي تعمدها حتى يوضح علمانيته

Post: #13
Title: Re: مبرووووووك .. السيد / مني آركو مناوي عريساً ..
Author: محى الدين ابكر سليمان
Date: 11-21-2006, 11:50 AM
Parent: #12

Quote: فيبدو ان مناوي تعمدها حتى يوضح علمانيته

الاخ عصام
بالرغم من كونها مزحة, الا ان الجد هو انه بعض الفقراء"جمع فكى" فى الزمن البهى لا يكتبون على اللوح الا بعد ان "يعمروا الطاسة" على قول المصريين, اى يشريو المريسة, يا ترى العلمانية دى كيف بعد ده؟
موضوع تناول الخمور فى الاعراس لا شائبة عليه, اللهم الا اذا اراد البعض اعادة تفعيل الاسلمة والاستعراب على الطريقة الوهابية الفجة, الاسلام جا لقانا كدة, نشرب مريسة ونلعب ابرة ودرت ونرقص فرنقبية, لو ماعاجبهم يرجعوا بيهو.

Post: #14
Title: Re: مبرووووووك .. السيد / مني آركو مناوي عريساً ..
Author: mohamed osman bakry
Date: 11-21-2006, 12:36 PM
Parent: #13

أنا كنت قايلو متزوج القضية
زي سلفاكير.
ــــــــــــــــــــــــــ
يخوانا وين بقال

Post: #15
Title: Re: مبرووووووك .. السيد / مني آركو مناوي عريساً ..
Author: hatim
Date: 11-21-2006, 02:24 PM
Parent: #14

وقالت الدوائر ان كبير مساعدى رئيس الجمهورية قام
بتوزيع اموال كثيرة وبسخاء لفرقة الفنون الشعبية والحضور من الاموال التي منحته
له الحكومة والتي تقدر بـ ( 300 مليار جنية ) ليتم توزيعها للولايات الثلاث
لدعم مشاريع التنمية والنازحين
.
.
.
.
.
..أحرام على بلابه الدوح وحلال على الطير من كل جنس...

يا ناس السودان ما حق زول ..
والعريس ده تعب تعب شديد عشان يحصل الليلة دي..مثني ولا ثلاث ولا خماس حتى..

مبرووك الزواج..

أحب النضال...

Post: #19
Title: Re: مبرووووووك .. السيد / مني آركو مناوي عريساً ..
Author: محى الدين ابكر سليمان
Date: 11-21-2006, 07:12 PM
Parent: #15

فوووق
ومبروك للعريس.

Post: #20
Title: Re: مبرووووووك .. السيد / مني آركو مناوي عريساً ..
Author: عصام أحمد
Date: 11-21-2006, 09:45 PM
Parent: #14

الاخ محمد عثمان بكري
Quote: يخوانا وين بقال

الا تعلم بأن الاخ ابراهيم بقال ايضا موقوف من البورد
والاخ حقار ايضا!!!
نطالب بعودتهم.

Post: #21
Title: Re: مبرووووووك .. السيد / مني آركو مناوي عريساً ..
Author: فيصل نوبي
Date: 11-22-2006, 03:58 AM
Parent: #20

Quote: والذي تخلله
الرقص والطرب وتناول الخمور ، وقالت الدوائر ان كبير مساعدى رئيس الجمهورية قام
بتوزيع اموال كثيرة وبسخاء لفرقة الفنون الشعبية والحضور من الاموال التي منحته
له الحكومة والتي تقدر بـ ( 300 مليار جنية ) ليتم توزيعها للولايات الثلاث
لدعم مشاريع التنمية والنازحين .

الخبر ده ما لافق
كاتب الخبر يقدر المبلغ يعني ما متأكد منو .. يعني ممكن يكون 300 الف ..
من وين الــ 300 مليار دي
يا بكري شكل الخبر كده كاشا بس

طيب مش دي الحكومة اللي بتنتقدو فيها و بتقولو ما بتساعد ناس دارفور ؟؟
يعني نصدق منو ؟؟
يا مثبت العقل و الدين يا الله

Post: #22
Title: Re: مبرووووووك .. السيد / مني آركو مناوي عريساً ..
Author: على محمد على بشير
Date: 11-22-2006, 04:47 AM
Parent: #21

Quote: بالرغم من كونها مزحة, الا ان الجد هو انه بعض الفقراء"جمع فكى" فى الزمن البهى لا يكتبون على اللوح الا بعد ان "يعمروا الطاسة" على قول المصريين, اى يشريو المريسة, يا ترى العلمانية دى كيف بعد ده؟
موضوع تناول الخمور فى الاعراس لا شائبة عليه, اللهم الا اذا اراد البعض اعادة تفعيل الاسلمة والاستعراب على الطريقة الوهابية الفجة, الاسلام جا لقانا كدة, نشرب مريسة ونلعب ابرة ودرت ونرقص فرنقبية, لو ماعاجبهم يرجعوا بيهو.

Quote: الاسلام جا لقانا كدة, نشرب مريسة ونلعب ابرة ودرت ونرقص فرنقبية, لو ماعاجبهم يرجعوا بيهو.

Post: #23
Title: Re: مبرووووووك .. السيد / مني آركو مناوي عريساً ..
Author: عبده عبدا لحميد جاد الله
Date: 11-22-2006, 06:25 AM
Parent: #22

الأخ/فيصل .. سلامات

Quote: طيب مش دي الحكومة اللي بتنتقدو فيها و بتقولو ما بتساعد ناس دارفور ؟؟

وهل العريس يمثل ناس دارفورغاطبة؟؟
مساعدة يا فيصل ولا حقوق ؟؟

Post: #26
Title: Re: مبرووووووك .. السيد / مني آركو مناوي عريساً ..
Author: القلب النابض
Date: 11-22-2006, 05:02 PM
Parent: #22

Quote: موضوع تناول الخمور فى الاعراس لا شائبة عليه, اللهم الا اذا اراد البعض اعادة تفعيل الاسلمة والاستعراب على الطريقة الوهابية الفجة, الاسلام جا لقانا كدة,نشرب مريسة ونلعب ابرة ودرت ونرقص فرنقبية, لو ماعاجبهم يرجعوا بيهو.

جاء الإسلام وهذب النفوس ورفع القيم الجيدة الموجودة وحرم ما حرم ..

الإسلام حرم الخمر والزنا ...وقبله من أسلم ..

عجبت مما تحته خط ...

الوهابية لم تحرم الخمر والزنا ...

Post: #27
Title: Re: مبرووووووك .. السيد / مني آركو مناوي عريساً ..
Author: محى الدين ابكر سليمان
Date: 11-22-2006, 05:23 PM
Parent: #26

Quote: جاء الإسلام وهذب النفوس ورفع القيم الجيدة الموجودة وحرم ما حرم ..

الإسلام حرم الخمر والزنا ...وقبله من أسلم ..

عجبت مما تحته خط ...

الوهابية لم تحرم الخمر والزنا ...

شوف يا ...الرابض
كونك تتعجب او لا دى ما شغلتى. برضو الاسلام بتاعك دة حرم القتل والاغتصاب وتهجير الناس من قراهم وتشريدهم على ما اظن, موضوعنا هنا انو انحنا كدة, ومبسوطين بطريقتنا دى فى الحياه, وبعدين القال ليك منو انحنا ما مهذبين قبل الاسلام؟ والقال ليك منو انو ابرة ودرت وفرنقبية زنا فى الساحات العامة؟ يا ...الرابض, خليك مع هوسك مع اليهود القاعد فى بلدهم ولحم اكتافك من خيرهم وسيبنا زى ما عايشين, ما عاوزين نتغير بمسمار جحا دة.
سجل ليك ادانة واضحة لما يرتكب فى حق اهلناوتعال اتفاصح فى الحلال والحرام وبقية اللغو القلتو دة.

Post: #41
Title: Re: مبرووووووك .. السيد / مني آركو مناوي عريساً ..
Author: عصام دهب
Date: 11-25-2006, 03:23 AM
Parent: #13

و جين للجد ..
Quote: الجد هو انه بعض الفقراء"جمع فكى" فى الزمن البهى لا يكتبون على اللوح الا بعد ان "يعمروا الطاسة" على قول المصريين, اى يشريو المريسة, يا ترى العلمانية دى كيف بعد ده؟

عشان كدة .. أنا من أول بقول الجماعة ديل رتينزاتهم و كواديكم ضاربة و طلعت فشنك و ما نفعت الثوار ديل مالها !!
Quote: موضوع تناول الخمور فى الاعراس لا شائبة عليه,

لا شائبة عليه دي في ياتو دين يا أخوي ..
خلاص الهوا ضربك و عايز تحللها ؟؟
شوف يا كابتن ـ عشان ما تجي تقول لي كوز و مش عارف إيه و كأنو الدين دا حق الكيزان بس ـ أنا مسلم عادي جداً زيي و زيك ـ إن كنت كذلك ـ و لست بفقيه أو بعالم لكني أعلم بالضرورة أن الإسلام حرم الخمر تحريماً قاطعاً ليس بعده تحلة .. عشان كدا لو سمحت أمشي نظِر في أي حاجة إلا في المعلوم من الدين بالضرورة .. سمح ؟؟

Quote: الاسلام جا لقانا كدة, نشرب مريسة ونلعب ابرة ودرت ونرقص فرنقبية, لو ماعاجبهم يرجعوا بيهو.

الإسلام جاء وأخرجنا جميعاً من الظلمات إلى النور و إن كان هناك بعضاً من ممارسات جاهلية باقية فيكم فهي حتماً إلى زوال و الإسلام جاء ليبقى و بإذنه تعالى يسود ضل من ضل أو أهتدى من أهتدى و شاء من شاء أو أبى من أبى .

Post: #29
Title: Re: مبرووووووك .. السيد / مني آركو مناوي عريساً ..
Author: عصام دهب
Date: 11-23-2006, 04:59 AM
Parent: #12

Quote: لكنك تسعى لاستنكار الحدث من باب ان مناوي اغبش

قال أغبش .. !!! ياخي العريس دا تشوف صورتو بتلمع كدا تقول ضاربنو ورنيش ـ ما شاء الله عيني باردة ـ أريتو حاله حال الغبش كلهم كان دا أغبش .
Quote: المهم دعني افيدك انه في زواجه الاول يقال دفع مهر 900 ناقه!!!

دا بس حقو يغنو ليهو .. بختي .. بختي .. بختي إن شاء الله راجل ....... ( المتذكرها يتمهاأنا نسيتها )
Quote: انا فقط حزين.....حزين...

الله يصبرك .. من حالتك الفوقك ..

Post: #24
Title: Re: مبرووووووك .. السيد / مني آركو مناوي عريساً ..
Author: عصام دهب
Date: 11-22-2006, 12:37 PM
Parent: #10

الأخ / Sayed Bekab
تحياتي
Quote: الله لا بارك ليهو عرس سبحان الله توزيع قروش و رقص و طرب و خمور

محتج مالك ؟؟ يعني أنت عايزو يعرس عرس الكورة و لَ شنو ؟؟

Quote: مستجد نعمه

بالغت ياخي الراجل قائد عديل كدا تقول عليهو مستجد ..

Post: #28
Title: Re: مبرووووووك .. السيد / مني آركو مناوي عريساً ..
Author: eyes of liberty
Date: 11-22-2006, 08:07 PM
Parent: #1

المأذون ادريس دبي لا منو ياربي!!!

عاش نضال دارفور
سوري قصدي مبروك يا عريس
تلخبط علينا الاختصاص

Post: #30
Title: Re: مبرووووووك .. السيد / مني آركو مناوي عريساً ..
Author: Khalid S Yosif
Date: 11-23-2006, 03:58 PM
Parent: #1

الاخ عصام دهب

Quote: قال أغبش .. !!! ياخي العريس دا تشوف صورتو بتلمع كدا تقول ضاربنو ورنيش ـ ما شاء الله عيني باردة ـ أريتو حاله حال الغبش كلهم كان دا أغبش .

الله يجازى محنك

Post: #31
Title: Re: مبرووووووك .. السيد / مني آركو مناوي عريساً ..
Author: eyes of liberty
Date: 11-23-2006, 05:31 PM
Parent: #1

نهب مسلح داخل القصر
اخونا في المراسم خلوا
بالكم من التحف والعاج
المرصوص في متحف القصر الجمهوري

Post: #32
Title: Re: مبرووووووك .. السيد / مني آركو مناوي عريساً ..
Author: محى الدين ابكر سليمان
Date: 11-23-2006, 08:47 PM
Parent: #31

Quote: نهب مسلح داخل القصر
اخونا في المراسم خلوا
بالكم من التحف والعاج
المرصوص في متحف القصر الجمهوري

يا عيون المها
العاج دة جبتو من غابات وين؟
ذكرتنى بجدى القلاع, لقبو قارع, كان بقلع من الرجال حمرة عين كدى, مرة راكب جملو وشاقى القيزان, بينو وبين ناس الحلة الداخل عليهاخوة منقرضة, لكن برضو عاوز يقلع منهم حمرة عين كدة, واحد شليق عيون مها كدة قال لجدنا: هازول, ما تفجق الفول!
جدنا قال ليهو: الفول دة سقيتو ببول امك!
توا انت العاج دة سقيت الشجر الاكلو الفيل دة بشنو؟

Post: #33
Title: Re: مبرووووووك .. السيد / مني آركو مناوي عريساً ..
Author: eyes of liberty
Date: 11-23-2006, 09:46 PM
Parent: #1

النعجة المودره

زي واحد بتحدث عن اهلوا وسط الاعيان
وماهو خبر انو جدو كان بحلب غنم الفريق
وجد جدو مطروح من فريق الزبير
باقي القصة نزقيها ليك حسب الطلب

Post: #34
Title: Re: مبرووووووك .. السيد / مني آركو مناوي عريساً ..
Author: محى الدين ابكر سليمان
Date: 11-23-2006, 09:57 PM
Parent: #33

Quote: زي واحد بتحدث عن اهلوا وسط الاعيان
وماهو خبر انو جدو كان بحلب غنم الفريق
وجد جدو مطروح من فريق الزبير
باقي القصة نزقيها ليك حسب الطلب

انت يا عيون المها ما سمعتا حجا حبوباتك ولا شنو؟
الزبير بتاعك دة لو جا بالشقوق بتاعتنا ديك كان بقى زبيدة, ويمكن كان يتغير بيولوجيا زاتو, اعيان شنو انت قال ليك انحنا جايين من بانقى!

Post: #37
Title: Re: مبرووووووك .. السيد / مني آركو مناوي عريساً ..
Author: ABDELMAGID ABDELMAGID
Date: 11-23-2006, 10:18 PM
Parent: #33

تهانينا للقائد منى اركوى مناوى ...
و انشاء الله بيت مال و عيال ...
و الحمد لله انو عرس و اشهر زواجه ... و احتفل به على سنة الله و رسوله !!! أو كما قال ... اشهروه و لو بدق الدفوف !!! ليس كالبعض من الجبناء يتاعين الزواج العرفى الذين يرسلون ( زملائهم !!! ) لساحات الوغى ( ليرثوا !!! ) نسائهم !!! و ( يسووا !!! ) الحكايه كلها ( بالدس !!! ) ... اسعلوا رئيسكم ( البشير !!! ) كان بقى جعلى !!!!
كسره :
اهلنا الجعليين فى العرس كانوا و ما زالوا بشربو ( الحسوه !!! ) و ( العسلية !!! ) و ( الدقه !!! ) و ( الكنو مورو !!! ) و ( المريسه !!! ) و عرقى العيش و التمر ( كان تنى !! كان بكر !!! ) و بمارسوا ( البطان !!! ) و دق ( السوط !!! ) و ( بغنو ا !!! ) ... القده عطشانه !!! و بختو ( النقطه !!! ) و ببسطو ( بنات العم !!! ) ...
عبدالماجد

Post: #35
Title: Re: مبرووووووك .. السيد / مني آركو مناوي عريساً ..
Author: eyes of liberty
Date: 11-23-2006, 10:06 PM
Parent: #1

Quote: انت يا عيون المها ما سمعتا حجا حبوباتك ولا شنو؟
الزبير بتاعك دة لو جا بالشقوق بتاعتنا ديك كان بقى زبيدة, ويمكن كان يتغير بيولوجيا زاتو, اعيان شنو انت قال ليك انحنا جايين من بانقى!

يا النعجة المودره

هسا لو ما الزبير دا كان اتفرزت قبالكم الهاء من الحاء

Post: #36
Title: Re: مبرووووووك .. السيد / مني آركو مناوي عريساً ..
Author: محى الدين ابكر سليمان
Date: 11-23-2006, 10:16 PM

Quote: هسا لو ما الزبير دا كان اتفرزت قبالكم الهاء من الحاء

يا عيون المها!
انت هسع بتفرزن؟ ومن متين, ومن ياتو غزوة؟ انحنا غايتو عندنا رطانتنا البنرجع ليها, لكن انت لو خوالك نكروك, تقبل وين؟

Post: #40
Title: Re: مبرووووووك .. السيد / مني آركو مناوي عريساً ..
Author: برير اسماعيل يوسف
Date: 11-23-2006, 10:41 PM
Parent: #36

طيب... ما العمل؟

كان الموضوع سيكون جدير بالحوار لو ان الناس تساءلت عن مستحقات ابوجا ... بمعني آخر اين هي ابوجا الآن من بعد ما دخل السيد كبير مساعدي الرئيس الي القصر المحروس؟ ابوجا ما لها و ما عليها... و لماذا غاب الناطق الرسمي باسم الحركة عن ساحات الاعلام بعد كان مرابطا بها صباح مساء محدثا الناس عن عمايل و فعايل (نظام الانقاذ الوطني)؟ نرجو ان يلتفت الناس الي البوستات التي هدفها صرف الناس عن مناقشة امهات القضايا... لأن مساءلة مناوي و بالتالي مساءلة الحركة التي يترأسها عن ما حدث بعد اتفاقية ابوجا امر اهم بكثير من مساءلته عن زواجه الثاني او العاشر.

Post: #38
Title: Re: مبرووووووك .. السيد / مني آركو مناوي عريساً ..
Author: eyes of liberty
Date: 11-23-2006, 10:30 PM
Parent: #1

النعجه

كويس انك اعترفت بعد الزرزرة الحفيفة دي

طيب الزحمة شنو !!! امشي سويلك بورد رطانه
واقعد فيهو فيجه

Post: #39
Title: Re: مبرووووووك .. السيد / مني آركو مناوي عريساً ..
Author: ABDELMAGID ABDELMAGID
Date: 11-23-2006, 10:33 PM
Parent: #38

تهانينا للقائد منى اركوى مناوى ...
و انشاء الله بيت مال و عيال ...
و الحمد لله انو عرس و اشهر زواجه ... و احتفل به على سنة الله و رسوله !!! أو كما قال ... اشهروه و لو بدق الدفوف !!! ليس كالبعض من الجبناء يتاعين الزواج العرفى الذين يرسلون ( زملائهم !!! ) لساحات الوغى ( ليرثوا !!! ) نسائهم !!! و ( يسووا !!! ) الحكايه كلها ( بالدس !!! ) ... اسعلوا رئيسكم ( البشير !!! ) كان بقى جعلى !!!!
كسره :
اهلنا الجعليين فى العرس كانوا و ما زالوا بشربو ( الحسوه !!! ) و ( العسلية !!! ) و ( الدقه !!! ) و ( الكنو مورو !!! ) و ( المريسه !!! ) و عرقى العيش و التمر ( كان تنى !! كان بكر !!! ) و بمارسوا ( البطان !!! ) و دق ( السوط !!! ) و ( بغنو ا !!! ) ... القده عطشانه !!! و بختو ( النقطه !!! ) و ببسطو ( بنات العم !!! ) ...
عبدالماجد

Post: #42
Title: Re: مبرووووووك .. السيد / مني آركو مناوي عريساً ..
Author: magdi elmahi
Date: 11-25-2006, 04:54 AM
Parent: #39

عصام ياجميل ازيك
هذه هى متطلبات المرحله الحكاية بتبدا كدا
وعقبالك
مجدى الماحى

Post: #43
Title: Re: مبرووووووك .. السيد / مني آركو مناوي عريساً ..
Author: Khalid S Yosif
Date: 11-25-2006, 10:15 AM
Parent: #1

الفاشر: ابوزيد صبي كلو
اعلن كبير مساعدي رئيس الجمهورية ، مني اركو مناوي، رئيس السلطة الانتقالىة ، الانتهاء من التعاقد مع الشركة الصينية لمشروع مياه الفاشر من ساق النعام بمبلغ 34 ألف دولار ، لنقل 50 ألف متر مكعب في الىوم ، مشيرا الى انه خصص مبلغ ملياري جنيه للادارة الاهلية ، و 3 مليارات جنيه لمشروعات التنمية ، الى جانب بناء قريتين نموذجيتين للنازحين واللاجئين بالولاية.
وجدد مناوي، في لقاء حاشد في الفاشر امس ، تمسكه باتفاق سلام دارفور ، وتحقيق الأمن والاستقرار ، واعادة النازحين واللاجئين الى ديارهم ، والتعويض العادل لهم ، بالاضافة الى الحاق رافضي ابوجا بالاتفاق، وحيا مواطني المدينة ، والقوي السياسية ، والامم المتحدة ، والاتحاد الافريقي .
واقترح مناوي ، خلال لقاء مع اعضاء المجلس التشريعي والادارة الاهلية ، عقد مؤتمر قاعدي للادارة الاهلية تمهيداً للحوار الدارفوري- الدارفوري. ودعا الى أن تكون كياناً اجتماعياً ، وليست سياسياً .
وتعهد بدعم وتحسين أوضاع الادارة الاهلية ، وارجاع الحواكير الى سابق عهدها وفق الاعراف والتقالىد ، كما دعا الى تعديل الدستور وفق اتفاق ابوجا ، مشيراً الى أن ما يعرف بالمناطق المحررة جاءت نتاجاً للصراع بين الحركات والمركز .
من جانبه ، اعتبر والي شمال دارفور ، عثمان محمد يوسف كبر ، القرار 1706 أكبر مهدد لاتفاق ابوجا .
ووصف الحشد الجماهيري بأنه استفتاء لنجاح اتفاق ابوجا ، وحدد كبر سبع نقاط لنجاح الاتفاق هي: ايقاف الحرب ، وانهاء المعاناة الانسانية ، وانطلاق برنامج التنمية ، وتوسيع دائرة المشاركة ، والحاق رافضي ابوجا بالاتفاق ، واعلاءراية الوطن.

المصدر
http://www.alsahafa.info/index.php?type=3&id=2147507553