تخيل ؟ !! .

تخيل انك انت ما انت ، حتكون منو ؟
تخيل كيف يكون الحال لو ما كنت سودانى واهل الحارة ما اهلى ؟
دى كبيره شوية .
بس انا باتخيل انو السودان ما فيهو حكومة ، وانو ما محتاجين حكومة زاتو لانو كل زول ضابط روحو ، تخيل ؟ّ
بس لي اكثر حتكون وين ؟

بتخيل انو ما فى حد بيكره واقعوا ، وما فى حد بيشتكى من الزمن ، والفلس ، والولية ، والبيت ، والخضار ، والشفع، والمدارس ، والمواصلات والترحيل ، والكهرباء والسخانة والنقة ... النقة . و

Quote: بتخيل انو ما فى حد بيكره واقعوا ، وما فى حد بيشتكى من الزمن ، والفلس ، والولية ، والبيت ، والخضار ، والشفع، والمدارس ، والمواصلات والترحيل ، والكهرباء والسخانة والنقة ... النقة

.
بصراحة يا هيثم .. صعب شوية ..

كلو إلا التشكي .. و النقة

دي أهم خصائص الشعب السوداني


رب اجعل هذا بلدا آمنا وارزق أهله من الثمرات

مكسب

على الرغم من قول الشاعر على نور:"
كل امرء يحتل فى السودان غير مكانه
فالناس اكفاء شجاع الراى نثل جبانه
والعلم ليس براجح بالجهل فى ميزانه
والفضل ليس مكارم الاخلاق من عنوانه
______
الا اننى اردد شعر اسماعين حسن:"
ديل اهلى ديل اهلى
البقيف فى الدارة وسط الدارة
واتنبر واقول للدنيا كل الدنيا ديل اهلى
عرب ممزوجة بى دم الزنوج الحارة
ديل اهلى
كان اسفاى وا ماساتى وا ذلى
تصور كيف يكون الحال لو ما كنت سودانى
واهل الحارة ما اهلى

الاخ هيثم
لك التحيه عبر نافذتك هذي
وحاولت اتخيل لكن لقيت النقه والشكيه ........................الخ ياها حارتنا
يعني ما في مفر ورجعت لي قول اسماعيل حسن وقلت واسفايا وازلي لاني اتخيلتهم اهلي من غير
حارة فلم تستوي المعادلة ورجعت للواقع.
برغم الحاره والحارات يظل سوداننا حبيبنا
الا يكون هناك حكومه ولا رئيس هي بي رئيسه وحكومتها اللهم احسن ويبارك
من غير تكون شنو .لكن بيني وبينك حقو نجرب قصة لا حكومة ولا رئيس لانه كل الحكومات باختلاف اشكالها لم تعجب الكثيرين.
ورغم الحال بنعزك ياسودان

اسماء الأمين

الاعزاء
مكسب
السر
اسماء
والحضور الكريم
لكم التحية والود
تخليت المعنى بالا حكومة ، تخيلت وردى يردد " سيد نفسك ... مين أسيادك "
وتخيلت مدرسة جميلة وبسيطه المعالم ، بها سور من سلك شائك ، ونجيلة تحدها طوب مغروس بعناية ، ومجير بجير ابيض وقد رسمت شكلاً دوائر ومربعات وحفتها زهور " صباح الخير" وتعانق لوحة ميدان الطابور فيها بلافته كبيرة خطها الخطاط " كيمو " وكتب عليها من بعد بسم الله الرحمن الرحيم
مدرسة الامل الابتدائية بين وزيلت بعبارة " شيدت بالعون الذاتى "

تخيل
ارى الدنيا لنا ادنت قصيا ......... وهذا القرب ينذر بالفراق
فقد جمعت تناقض ذا وذاك ........... وقد خلطت يقينا بالنفاق
هى الدنيا بها عشنا وذقنا ......... من الويلات من مر المذاق
فان تلق النعيم بها فيوما .......... بذات الكأس تروى من ذعاق