Post: #1
Title: رسالة غرام مجهولة
Author: مرتضى الصادق
Date: 11-14-2006, 09:53 PM
كتابة البنات وخطهم انا مابعرف اقراهوو؟؟ دة الخط العادى وكمان جواب غرامى... دى المحنة
والتحنة... العيب ما فيهم هم فينى انا... يعنى اسى قدام بت بتلعثم فى الكلام وحالى يجوط
خلى لمن استلم خطاب وكمان غرامى؟؟؟
استلمت هذا الخطاب وكان مكتوب فيهو الاتى
بسم اللة الرحمن الرحيم(دى اصلا ما مشكلة) والسلام عليكم ورحمة اللة تعالى وبركاتة(برضو)
وبعد داك جينا فى التقيل.... الى منبع الهامى... وهيامى..(منبع الهامى دى بقت لى ذى اسم
واحد قبطى ذمان كان عجلاتى)الى من اترسم خيالة فى وجدانى.. يا ذو الفّخار والطول.... ذو
الفخار والطول دة منو دة؟ بسال فى نفسى... وقفت على حيلى وكانت ا########## ضهر وعاينت لى
ضلى... واللة طولا فينى دة اصلا ما شوفتو... نفتش الفّخار.. وكلمة فخّار دة البعرفة طين الاذيار
قلت بت اللذّين دى تقصد شنو.... ما مشكلة اكمل الخطاب لنهايتو... يا ذو الشفاة الكرزية... اها
دى صعلقة وقلة ادب منها وهبشت شلوفتى ولقيتة فعلا مكرزة... بس كان فيها(سّفة)....
يا ذو الصدر الواسع والحنين... واسع ممكن لكن حنين دى عرفتو كيف... انا عارف احيانا البنات
بكضبو لكن ما جوة جوة... كضب خفيف كدا؟ وبواصل فى القراية وارجّف... ووقفت عند يااملى
وحلمى فى الصحيان والنوم( وبالليل خالص.).. وفى اليقظة... كيف يعنى ابو الكّباس ولا شنوووو
ويا واحة شعرى ونخلة عمرى..كيف يعنى الكلام دة البت شاربة ليها حاجة والا مهبوشة...
اول حاجة الاوصاف دى ولا واحد فينى مافى....وبعدين انا ذول قلبى حار كلام المسّخرة دة ما
بخش لى فى راسى..... هى كان مرة تجينى عديل وتورينى وشها واللة اديها بوّنية واحدة
افرطق راسة.... الكبير دة ورغم انو ما حصل شوفتها ولا عارفة هى منو... وقالت شنوو كمان؟؟؟
يا ما بستنشق رحيق انفاسك الحارة... اها هنا الكلام دخل الحوش انفاسى دى شافتة وين
وشنو الورقة فيها (شلفوفتين) مرسومات وسهم شاقى القلب والقلب احمر كمان... واول
مرة اعرف اللون الاحمر لون الحب.....
وفى اخر الرسالة حبيبى الغالى من صميم قلبى نتمنى ان تحفنا احلام سعيدة مملوءة بالريحان
والورد ونحنا فى وسطّها...
وتحت التوقيع محبوبتك المجهولة( البلولة)
|
Post: #2
Title: Re: رسالة غرام مجهولة
Author: تولوس
Date: 11-15-2006, 03:09 AM
Parent: #1
جرقندي
يازوول انا شايف انو ده مقلب من اولاد الحلة ... احتفظ بالرسالة في مكان امين واعمل فيها انك ما ناقش اي حاجة ..وما تتكبكب لما تشوف ليك بت .. واشرب حبة جرتقة قبل ما تنوم بالليل عشان ابو الكباس
قايتو دي نصيحتي ليك
|
Post: #3
Title: Re: رسالة غرام مجهولة
Author: مرتضى الصادق
Date: 11-15-2006, 10:04 AM
Parent: #1
تولسسوى...انا بتعشى جداد والجداد ما بشربو ليهو جرتقة
يعنى اسى اولادالحلة ببرلموىفينى بعد العمر دة
|
|