المهدي بجامعة شندي يعد الحكومة بصراع عنيف لإلغاء أو تعديل قانون الأحزاب و يدعو الشعب للخروج

.
.

[qb]
زار السيد الصادق المهدي رئيس حزب الأمة القومي بمعية وفد رفيع المستوى ضم قيادات الحزب، مدينة شندي صباح اليوم حيث استقبلته قيادات الحزب بولاية نهر النيل وعقد ندوة سياسية كبرى بجامعة شندي حضرها حشد كبير من الطلاب و قيادة الحزب بولاية نهر النيل.
وجه رئيس حزب الأمة القومي انتقادات شديدة لحزب المؤتمر الوطني موضحاً أنه بعد أن أدرك فشله في تطبيق برامجه الخاطئة بعد الإنقلاب حاول التراجع عن برامجه بطريقة انتهازية وعقد اتفاقات ثنائية معيبة في نيفاشا ،أبوجا و أسمرة.
وقال المهدي إن قانون الأحزاب الذي طرحته الحكومة الحالية يهدف لتغييب الأحزاب و فرض الوصاية عليها.
مؤكداً أن حزب الأمة القومي سيقاوم هذا القانون وسيكون هناك صراع عنيف مركز من القوى السياسية لإلغائه أو تعديله.
وتحدث المهدي عن حتمية خروج الشعب السوداني في مواكب و مسيرات لمواصلة النضال في كل مدن السودان و تقديم التضحيات، و قال إن أفراد الشعب يجب ألا يعودوا إلا بعد تحقيق الأهداف المرجوة.
وأشار المهدي إلى أن الخيارات أمامنا ثلاثة:
1/ عقد المؤتمر الجامع
2/تحقيق الإنتفاضة الإنتخابية عبر انتخابات حرة و نزيهة.
3/هزيمة المؤتمر الوطني عبرالإنتفاضة الشعبية
-----------------
أحمد سر الختم
نائب أمين الإعلام بحزب الأمة القومي
----------------
ملحوظة :الصور في الطريق عبر كاميرا الحبيب د. ولي الدين الفكي
[/qb]

Dear Lana
Glad to hear this news, and the efforts of Immam Alsadig to visit non- Ansar areas to broaden the appeal of the Umma party to the Sudanese people. I wish if he would cross the Nile to the city of Almatama to heal the old wounds of animosity between the people in Almatama, and the villages north of Almatama, and the Ansars. Immam Alsadig can also change the facts on the ground if he leads a peaceful march from Omdurman to Darfur mobilizing the Sudanese people, energizing his base, reaching to the patriotic parties in Sudan, and all feuding movements in Darfur, and local communities in Darfur to reach fair, and peaceful solution. Such efforts in Darfur would lead to collapse of NIF project
Regards

الاميرة الكنانية لنا مهدى
غير الخروج الى الشارع مافى حل
يجب علينا ان نقاوم هذا القانون البشع هذا القانون
الذى توجد فيه فقرة تنص بان ليس هناك اى مانع ان يكون تمويل الحزب خارجى
لانهم تاتيهم اموال من جماعات اسلامية يريدون بان لاحد يحاسبهم
يدعون للاحزاب ان تنشى جمعيات خيرية لانهم انشاو جمعيات خيرية
ويكولون من تجارتهم بها
ليس هناك خيار غير خروجنا للشارع وغير الشارع مابندور
الى الشارع ياثوار
وماشين فى السكة نمد

يا لنا يلا تمي باقي الصور

و الله يا د.ولي الدين صورك دي من كل مكان في السودان ..من العليقة ..وكوستي ..وشندي ..ودارفور ..وندوات الاربعاْء..و المسيرات في شوارع الخرطوم ..وصلاة العيد.وغيرها ..وغيرها ..وما رافقها من مخاطبات و و طرح قوي وحاضر في وقته.. هي في حد ذاتها ابلغ كلام وتعبير..و الشوف بيقولوا ما زي السمع..وانت و ودالمهدي خليتوا الناس يشوفوا ..والحمدلله علي التكنولوجيا و كاميرات الديجيتال لانه بوجودها بقي مافي طريقة لمروجي الاشعات و الاكاذيب و الاباطيل حول انفضاض الناس من حول الامة او عن ابو أم سلمي ...وكمان ابطلت محاولات البعض زي اخوانا ابوالريش ..و حسن عثمان(رئيس حزب الديموقراطيين الاحرار!) انهم يوجهوا اتهامات للصادق المهدي بالمشاركة او التدبير في اقلاب الانقاذ.
شكرا ليك....ولي قدام

الله اكبر ولله الحمد

الخرطوم خالد فتحى
هاجم زعيم حزب الامة المعارض، الصادق المهدى، مشروع قانون الاحزاب الجديد ، قائلا انه سليقى المقاومة ، معتبرا انه سيغيّب القوى السياسية ويفرض الوصاية عليها .واعتبر المهدى فى ندوة بجامعة شندى امس ان اجراء الانتخابات الحرة النزيهة لايمكن فى ظل النظام الحالى ، داعيا لايجاد آليات نزيهة للانتخابات، مقدما فى الوقت ذاته ثلاثة مقترحات تتمثل فى عقد المؤتمر الجامع او الانتفاضة الا نتخابية او الانتفاضة الشعبية والاخيرةلاحداث تغيير جذرى فى الاوضاع، حاثا الشعب السودانى على مواصلة النضال بالانتظام فى المسيرات والمواكب فى كل البلاد بغية الضغط على الحكومة لتحقيق مطالبه .
وشن المهدى هجوما عنيفا على المؤتمر الوطنى ، وقال انه يعانى من خلافات داخلية ، واتهمه بصرف اموال كبيرة لافشال زيارات الحزب الجماهيرية والسعى لاختراق حزبه، واصفا المخطط بالفشل ، وكشف ان حزب الامة سيصدر بيانا لاحقا لتوضيح الاموال التى صرفها المؤتمر الوطنى لعرقلة الزيارات ، منبها الي انهم تحصلوا على المعلومات من مصادرها .

الحبيب ولي الدين
الصور الناطقة تغني عن ألف كلمة
سلم لي على ياسر جلال شايفاهو من (السابقين الأولين )و قول ليهو جايين قريب بس يبرمجو لينا هو و فول تاني في جبل أولياء و كلمو انو جوهر جاء سودانيز عقبالو
الحبيب محمد عادل مفتح و متابع والتقرير الذي أوردته جميل

شكرا يا لنا

هذا التطور في مواقف القوى الوطنية الديمقراطية
متوقع ومفهوم في ظل تعنت عصابات نظام الانقاذ وشظاياه المجرمة

وفي ظل فقدان جماهير الشعب لكل ما يمكن الخوف على أن تخسره


نعم يا لنا

لم يبق لنا ما نخاف أن نخسره بالخروج

لم يبق لنا ما نخسره

فلنخرج إذن

لا نامت أعين الأخساء الأراذل مطلقا

Quote: شكرا يا لنا هذا التطور في مواقف القوى الوطنية الديمقراطية متوقع ومفهوم في ظل تعنت عصابات نظام الانقاذ وشظاياه المجرمة وفي ظل فقدان جماهير الشعب لكل ما يمكن الخوف على أن تخسره نعم يا لنا لم يبق لنا ما نخاف أن نخسره بالخروج لم يبق لنا ما نخسره فلنخرج إذن لا نامت أعين الأخساء الأراذل مطلقا

نعم يا فتحي و لكن أعتقد لا عيون تنام سوى عيون الجبناء الأراذل ببساطة لأنهم معدومو الضمائر!
لنا

وين ياااا لنا


صدقيني إنهم الآن في أخمص رعبهم

وإن حاولوا التظاهر بغيره


وادعاء سواه


صيرورة الأشياء لا تخبرهم إذا فقهوا بغير قرارهم في الامحاء

صح
وبكدة تتحقق مقولة و لا نامت أعين الجبناء!

الأخت العزيزة لنا

تحياتي

والله دي قوية خلاص.. في شندي زاتها

بالتوفيق...

Quote: الأخت العزيزة لنا تحياتي والله دي قوية خلاص.. في شندي زاتها بالتوفيق...

الحبيب أيمن
سلامات و تقدير
مالك دار تقوّم علينا الأشقاء يا حبيب؟

Quote: I wish if he would cross the Nile to the city of Almatama to heal the old wounds of animosity between the people in Almatama, and the villages north of Almatama, and the Ansars.

سلام يا أبا غسان

كيفك و الأسرة - اِن شاء الله انت و العيال فى أحسن حال لا نزال على زكراكم و نتمنى ان نسعد
بلقياكم فى الكريسماس لو ربنا رفع القدم - الموضوع لا يزال فى طور المناقشة الجادة

اما بعد شنو يا شيخنا انت قاعد تكتب تحت تأثير الهانق أوفر و لا شنو - اعتذار شنو و تضميد جراح شنو
و بطيخ شنو القاعد تقول عليهو - الصادق المهدى نفسو يمشى لى ناس المتمة علشان يقول عفى الله عن
ما سلف!!! انت فى كامل وعيك و لا حاجة تانية!! الناس ديل أصلا ما شايفين الحصل جريمة او حادث مؤسف
علشان الرسول بتاعهم يمشى يقول الكان كان و الحصل حصل و عليكم الله و كدى بالله باصروها بى جاى و بى
جاى و على الطلاق و حرم و خلونا نبداء من جديد و حركات زى دى - خلى أحلامك على قدر لحافك يا
صديقى القصة ما محتاجة لأنو ما حصل حاجة كبيرة كدة و زى ما قالت ليك سمو الأميرة اِخلاء المتمة على
مرارته كان شر لا بد منو - انت شايلة تقيلة كدة مالك يا أخى - يعنى انت خليك متصالح مع الحتة دى
عادى جدا و ما تعشم بالكتير - حتى يعنى فى البوست
دة ما ردوا عليك ساكت بالله ما تعمل ليهم اِزعاج - خليك مع الزمن يا مان قالوا ناس شندى طلقو ليهو الغنم فى الشوارع -
انا شخصيا زعلت و أفتكر دى اِساءة لى الغنم و لو لا المحنة و صلات الرحم كان بلغت
جمعية حقوق الحيوان لزومو شنو الغنم يعذبوها كدة

هو لو قايل حا يلقى أصوات هناك عشم اِبليس فى الجنة -
أهو مشى شرب ليهو شوية قهوة و كالعادة مسك المكرفون ساعتيين تلاتة قداهم ليك نضمى لمن شبعوا ساكت و هلمجرا

و لى اِبن سعد نقول مستلفين ابيات شعر ابا عدى

يا اِبن سعد لاتأسفن على غدر الزمان
لطالما رقصت على جثث الأسود كلابا

لاتحسبن برقصها تعلوا على اسيادها
تبقى الأسودُ أسوداً والكلاب كلابا

يا سمو الأميرة بالله ما تزعلى من كلامى انا عارفك شتراة ساكت خلى روحك رياضية و ما تنفعلى
ربنا اِن شاء الله يديك عشرة بنيات و هلمجرا

زول إبن زول
مطلوب تقسير لكلامك دة

Quote: يا سمو الأميرة بالله ما تزعلى من كلامى انا عارفك شتراة ساكت خلى روحك رياضية و ما تنفعلى ربنا اِن شاء الله يديك عشرة بنيات و هلمجرا

؟؟؟؟؟!!!!!!!

Quote: يا اِبن سعد لاتأسفن على غدر الزمان لطالما رقصت على جثث الأسود كلابا لاتحسبن برقصها تعلوا على اسيادها تبقى الأسودُ أسوداً والكلاب كلابا

على زول ابن زول أن يوضح بعبارات صريحة، من يغمز بهذه الأبيات، ومن يقصد بـ"الكلاب" ؟؟

سلام

نسبة لرجاء خاص و عاجل من أخونا منصور المفتاح فى
رسالة خاصة - حا أقيف هنا و اِن شاء الله نتلاقا فى
أوقات أخرى

سلام

واله يازول ابن زول انت
فسر لى جملة الكلاب ديل
عشان اوريك الكلاب منو

يا تاج الدين الكلام البتقول فيهو ده انت قدرو ؟؟

يبدو ان من شب على شي شاب عليه فعلا ولو طلع القمر

غاب دهرا عن المنبر وجاء ونطق كفرا

اعتذر للاميرة لنا لوجودي
خارج السودان و لانشغالي
في عدم مشاركتي في بوستها الجميل
...... والي