البَعـَاتِي..

البَعـَاتِي:
أسمَائه..
صِفـَاتَه..
وهَلْ هُنالِكَ شيئ إسمـَه بَعـأتِي!
سَوف أبدأ بِأسمَائِه ثُمَ صِفَاتِه ومِن ثَمْ نَتَعرَضْ لِمَاهِيّتِه بِقدرِ المُستَطَاع مِن خِلالْ
البِيّئه التِي نَشَأنَا بِهأ ومِنْ ثَمْ قولْ الكُتُبْ المُقَدَسَه فِي هذا العِفرِيّتْ..
وأخِيّراَ كِيّفِيّة تَلبسهُ الإنسان ومنْ ثَمْ كِيّفْ يَخرُجْ مِنْ مُلتَبِسِهِ.
كَمَا نَأمل مِن الإخوه أن يِزودِونَا بِمعرِفَتهُمْ عَنْ هذا العِفرِيّتْ.


لِنَرَي...
قـُولوا بِسمِ الله مَحمّد مَعَانا..

أسمـَائِه:

ودْ أم بُعُلُو
البَعاتِي
أبسَبعه
العِفرِيّت
الزَوالْ
الضُلْ
شَمهَروشْ
أبـ رُوحِيّنْ
الشَبَح
أبَوندُودُوا
القَرِيّنْ

نِواصِلْ...
مـاتَنسُوشْ مَحَمّد.

You look in a very good mood

have you finished your exams or

you are celebrating Tragi Mustafa's dissmisal????

مِنْ أسمـائِه..2


الوَسواسْ
الخَنَاسْ
ضَاقا التِرابْ
البِوسوِسْ فِي صُدورِ النَاسْ
أبْعَجَاجْ
هو مِن الجِنْ ومِنْ بَعضَ النَاسْ
سِيّرَ الدَمْ



نِواصِلْ..

مِنْ أسمـائِه...3


سَاكنَ المَقَابِرْ
المِصَوِفْ
أبـو نِيّران
أبُونَخنَاخ
المُغـَبِرْ
العِتَارْ
سُلطَان أم هِلِيّلِيّكْ.
الكَلَكِي..
اللابِسْ مَلَكِي

Quote: You look in a very good mood have you finished your exams or you are celebrating Tragi Mustafa's dissmisal

شُكراَ أخِي عَلَي المُرور...
أخِي والله الشيئ البِتَقصِدوا بِالنِسبَالِي صِفِر عَلَي الشَمَالْ.




نِواصِلْ..

نِواصِـلْ فِي أسمـائه...

العِكلِيّتْ
المُتخَفِي
النَسنَاسْ
الكَذابْ
الخـَداع
المُـوارِي





نِواصِلْ...

نِواصِـلْ فِي أسمـائه...5

المـَارِدْ
أبودَسَـاتِيّر
الخـَوافْ
أبوجِنـُونْ
النَـجّدِي
البَهلولْ
الزَهلولْ
المَارِق
الفَـاسِقْ



عِلماَ بأن أسمائِه لم تِنتَهِي ...
ولَنْ تِنتَهِي لأنَها تَتَجَدد بِتَجَدُدْ "التِكنولوجِيّا"
كُلما تَطَور الإنسَان تَطورَتْ أسمائِه وًصفَاتِه أو العَكسْ صَحِيّحْ.


سَنواصِلْ صِفـَاتِه

صِـفَاته...1


يِمتَلِكْ مَقدَره فائقَه لِضَبط حَجمَه (صَغِيّر جِداَ أو كَبِيّر جِداَ).
لَـه إذنِيّن كَبِيّرَتِيّنْ مُقارَنةَ لِحَجمِـه..
إن قَتَلتَهُ بأي وَسِيّله مِادِيّه أو مَعنَويِه
رُوحـَهُ بِتِتغَمَسْ مَخلوقْ جَدِيّدْ وبِتأتِيّكْ مِن حَيّثْ لا تِحتَسِبْْ-
لِتِعاودْ الكَرّه مِن جَدِيّدْ...






نِواصِلْ صِفاته..

صِفَـاتِه ..2

يَتَكَلَمْ ويَفعـَلْ بِذاتِه أو بِذات "الآخر"..
لا عَدوي لـه عِندَمَا يكِونْ مَتغَمِسْ شَخصْ آخر...
أي : (بِمَقدُورَكْ التَداخُلْ مَع الشَخصِيّه
المُتَغَمَصَه مِنْ دُون أن يِنتَقِلْ إليّكْ..).
خـَدَاعْ وكَذابْ لاتِصَدِقَهُ أبَداَ..
يَخشَي الأمَاكِنْ النَظِيّفه(لو شِئتْ فَسمِيّها الأمَاكِنْ الطّـاهِره)..





سَنِواصِل..
- بَعضْ أوصَافِه وهِي مِثل أسمـائه لا يُمكِن
أن نُحصِيّها فِي جَلسَه واحِده..
- أيّنَ يَسكُن وأي الأمَاكِنْ يَتَواجَد؟.
- وكِيّف نَتَحَاشاه!
- ومِنْ ثَمْ قَبلْ أن نَدلُفْ لِبَعضْ التَجارُبْ الإنسانِيّه مَع هـذا البَعَاتِي..
نِحَاول أن نُسَلِطْ شُعَاع خَفِيّفْ عَلي عَملِيّة "الزّار" ومَوقِعها مِن مَفهُومنا العَامِي ثُمَ نُسلطْ الضّوء
بالصّوره العلمِيّه لِمَفهُومِ "الزّار" وعِلاجه ( كلمه أتَحَفَذْ فِيّها)
وكِيّفْ نِتَقِي شّرْ البَعاتِي يِصُوره (مَحلِيّه مُتَعارفْ عَلِيّها وبِصّوره عِلمِيّه مسنوده بِالمُقدسَاتْ أو بالعلمْ).
وأشياء كَثيّره بِخصُوصْ هـذا البَعَاتِي!!!.

فإلـي هـُنَاك.

وقـفـَه:
الإخوه الأفـاضِلْ:
(إذا كانُـوا الـُنتَحِلِيّنْ: (مُتَغـَمسِيّنْ أو غِيّر مـُتَغَـَمسِيّنْ لِشَخصِيّة المَفصـُولِيّنْ)
عـَلِيّهمْ بِالتَـريّثْ لِمـَعرَفـة "فـَحـوي" هـَـذا البُوسْتْ عـلَي أنـَهُ:
لِيّسَ رّدِ فِعِلْ لِمـا جـرَي بـِ(فـَصلْ عِضو خـَالَفْ قـَوانِيّنْ هـذا البُوردْ).. وحـقِ الآلـه الذِي تـَعبِدِونْ!
فالرجـاء عـَدَمْ الجـَلفـَطـه وإلا سَتُـكتَبُون مِنَ الجـَلافِيّطْ بِهـذا البـُوردْ.

الهـَدَفْ مِنْ هـذا البـوسْتْ هـو بِخِـِلافْ مـا تَتَصَورونْ!




نِواصِل فِي سـَردِنَا للبَعـاتِي:

مَـسَاكنُه:

دائمـاَ يَسكُنْ فِي الأمـَاكِنْ المَـهجـوره والغـَذِره
( الكـُوشْ ، المـقابِرْ، المَسَاكِنْ المـَهجـوره ،بـَقـايّا
الحـيّوانَاتْ (الرُوثْ) ، الأشخـاصْ (إن لَمْ يِعتَنوا
بِالنَظـَافـَه) أي مُمكِن تِسمِيّها الطـَهـاره!.....و...إلخ).






نِواصِلْ..

أيّنَ يَتَواجـَدْ البَـعـاتِي:

- يَتَواجـَد فِي أي مَـكان ( السِوق، الكـومبيتر، الشـارِع....إلخ).
- يَتَواجـَدْ حـتي فِي أمـاكِنَ العِبـاده(إلا مَنْ رَحِمَ رَبِي)..
كـمَا أسلَفنا هـُو دائمـاَ يِحـَبِـذ الأمـاكِن الغـيّر طـاهِره
مـا لَمْ يَـكنَ مُضطراَ (فـحِيّنئذ، لِكُلِ قاعِـدِة شـَواذ)...
- بِيّتَ النـَمِلْ(مـُستَعمرة النَمِلْ)..
- يَحِبْ الضـُلمـه.
- بَعضْ مِن البَعـاعِيّتْ:
Homeless
ودا أخـطـَرهُمْ لأنَه لا قِيّمْ لـه (ولا رادِع يَردَعـهُ)..
- البَعـضْ يَقطـُنْ فِي المـقابِرْ ( دا إبليّسْ بِن إبليّسْ)..
- الكـوشْ ( دا رِعـدِيّدْ تَقرأ له أي تَرنِيّمـه يعطِيّكْ عرِضْ كتفِيّه)..
- البَعض يسكُن الحـسناواتْ ( دا أخطـر مـارِدْ) لا بالتَرانِيّمْ ولا
بالغِشْ دا موضُوعه تانِي (سوف نَتَطَرق له لاحِقـاَ)..
- البَعضْ الآخر يسكُنْ ويَعشِق التَطـور البَشَرِي ( ويُلهِمْ الإنسان فِي التَطور ) " الرَتق
والفَتق وكُلما يَتَمَاشا مَع النَظرِيّاتْ الفِيّزيّائيّه سواءاَ كانَتْ نِسبِيّه
عـامه أو خـاصَه أو جُزئيّه مـادِيّه..."..



نِواصِلْ..

نَود أن نَلفِتْ نَظَر الإخوه بِالآتِيك
إن هـذا المَـوضُوعْ قـَد يَكونْ غـَرِيّبْ
للبَعضْ لأنـهُ( لأول مـرّه يُـطرَق)..
لكِنْ كـُلَ رَجـَائي عـَلي أن يـَصبِرِوا قــلِيّلاَ
لَحِيّنْ أن تِكتَمِلْ الصُوره النِهـائيه لـَه.

أخونا محمد أدم

وينك يا راجل اِن شاء الله انت و العيال على أتم عافية و خير شنو يعنى قالوا عندك تمباك مدسدسو
تحت تحت - بالله لو فى سفتين تلاتة طايرات قول لى عوك

يا شيخنا بالله ما تغلط فى أدب روايات الأطفال فى السودان لا توجد أى علاقة ما بين ود ام بعلو و
البعاتى - على أقل تقدير فى مخيلتى الصغيرة و انا طفل كان البعاتى هو ذلك الشخص ذو الشخصية
الكريهة التى طالما تعرضت لى الأطفال بالسؤ و حتى لو كانوا من الذين يحفظون ألواحهم و يسمعون
نصائح و اوامر أمهاتهم و أبائهم - هو شخصية مزعجة الى أبعد الحدود دائما ما تتربص السؤ
بالأطفال داخل الحوش و تختبى فى رأس البيت ليلا او تختبىء من وراء الباب بالليل تنتظر الفرصة
لاِقتناص أى من الأطفال المطرفين حتى يكون وجبة عشاء دسمة البعاتى و السحار و الغول و امنا
الغولة هم من عجينة واحدة غاية السؤ و الشر

على الطرف الأخر ود ام بعلو شخصية فى مخيلتى الصغيرة ظريفة و ودودة مع الأطفال الذين يستمعون
الى نصائح امهاتهم و لا يزعجون أبائهم - يعنى الشفع المؤدبين ما عندهم مشكلة مع ود ام بعلو -
مشكتوا الكبيرة مع الشفع القليلين أدب الما قاعدين يسمعوا كلام أمهم و لا كلام أبوهم لأنوا
فى هذه الأحوال يتحول ذلك الشخص الظريف الى وحش كاسر و يفتك بى الأطفال ليلا متى ما وجد الفرصة
الملائمة

انا عندى غرام مع ود ام بعلوا - و بما انو انا كنت ولد مؤدب و ما قاعد اقل أدبى على زول
أكبر منى كنت خاتى فى بطنى بطيخة صيفى انو الزول دة ما حا يتعرض لى بأى نوع من الأذى -

المشكلة الأساسية كانت كيفية القضاء على العينة الأولى او الاِحتراس الشديد حتى لا أقع فى قبضتهم
فبالله عليك الله أفرز يا ديجانقوا أفرز

دة كلو كوم و التشكيل دة كوم تانى

و لى قدام

د. قَدوره (ودُأمبُعلو).
سَلامَاتْ يَاوَجِيّه.

Quote: شنو يعنى قالوا عندك تمباك مدسدسو تحت تحت - بالله لو فى سفتين تلاتة طايرات قول لى عوك

أمسِكْ قـَوِي فِي الشَخص القالِيّكْ الكَلام دا ..يَاخِي أعمَلْ حِسابَكْ هسِع بَكرِي أبوبَكر يِودِي البُوستْ دا للخُور..بِحُجَة أنَكْ بِتَعمَلْ دِعـايّه مَجانِيّه للتُمباكْ ..
الرَطُلْ بِـ 40 دولار للعُضو وعَلي شانَكْ بِـ 80 دولار فَقَطْ آها قَصَرتَ فِي حَقَكْ.

Quote: يا شيخنا بالله ما تغلط فى أدب روايات الأطفال فى السودان لا توجد أى علاقة ما بين ود ام بعلو و البعاتى -

Quote: على الطرف الأخر ود ام بعلو شخصية فى مخيلتى الصغيرة ظريفة و ودودة مع الأطفال الذين يستمعون الى نصائح امهاتهم و لا يزعجون أبائهم - يعنى الشفع المؤدبين ما عندهم مشكلة مع ود ام بعلو - مشكتوا الكبيرة مع الشفع القليلين أدب الما قاعدين يسمعوا كلام أمهم و لا كلام أبوهم

فِي أطراف السودان هذا الإسم بِيختَلِفْ عَنِماتعودتُمْ عَلِيه، فِي إذاعة وتلفزِيّونْ هُنا أم دُرمانْ!! شُفتَ كِيّف ياقدوره! دا إسمو تَنَوع ثَقافِي خَارِج عَنِ نِطاق المَألوفْ الإعلامِي المَركَزِي ولا شِنُو لِيّكْ ياقَدوره يا وَدْ المَركَز !!
أرَسِلْ لَكَ واحِدْ "بَعـلُولْ" بالبَرِيّدْ لأنَكْ رَفَعتْ رأسَكْ عَلي زُولْ أكبَر مِنكَ شِويّه.

Quote: دة كلو كوم و التشكيل دة كوم تانى

دَعْ عَنكَ هذِه الكِيّمانْ وهاتْ نُبذه عَنْ صِفاتْ ومِيّزاتْ بَعاعِيّتْكُمْ!بِالمُناسَبه حِضرتْ نَدوه للدِكتور عَلِي إبراهِيّم بِثانكاثرِنْ تِطرق لشِيئ مِن هذا القَبِيّلْ : السَحار وما أدراكْ مَا السَحار.. قالِ : بَعضْ مِنَ عَامَة المُواطِنِيّنْ بالشمالِيّه بِفتَكروا أي شَخصْ جاي مِن غَربْ السودانْ هُو سَحارْ بِـ "الدِفولت" كِدا.. أوعَكْ يا قَدوره تِكُونْ إنتَ واحِدْ مِنهُمْ!!


لى قدام .

بِالمُنَاسَبه فاتَنِي أن أذَكِرَكْ:
أحذّرْ أن تَفتَحْ هذا البوستْ والإبن الصَغيّر دا صَاحِي!

لَه مِني ألف سلامْ.

هـَلْ هـُنَالِكَ شَيئ إسمـه "البَعَاتِي"؟
لَنُجِيّبْ عـَلي هـذا السؤال لا بُد لَنا بأنْ نِفَككْ أسطُورَته!
مُعظَمْ أوإن لَمْ تَكُنْ كُلْ المُجتَمَعاتْ السودانِيّه بِتتَفِقْ عَلي الآتِي:
1- أنَ الإنسَانْ وهـو علي قِيّد الحِيّاه ولا يُبالِي بالنَظافَه(الطَهَاره)
فعِندَما يَموتْ بِيخرُجْ مِنهُ "قَرِيّنْ" مُفارِقَاَ جَسَده وهَذا القَرِيّنْ لا يُمكِنْ
أن تَتدارَكَهُ الحواسْ ودائماَ يَكونْ عِربِيّدْ ويِنتَقِمْ لأتفَه الأسبابْ!
هُنَالِكَ بَعضْ الأجناس أو الأشخاصْ عِندَما يَمُوتون ويُدفَنُونْ!
وبُعيّدَ مَا يُغادِر المُشيّعُيّنْ المَقابِر! أخونَا المِيّتْ أو المِيّتَه
بِيّدُق التِرابْ المِنهَالْ عَلِيّه وبِيّفِكْ البِيّرَكْ..
إلي أيّنَ؟
الغَالِبِيّه بِتقول:
بِيّرجَع وبِيّبحَثْ عَنَ الأشيّاء التِي يَحِبَها وَهو عَلي قِيّد الحَيّاه!
كَالزوجَه ، الوَلَدْ ، المَالْ و ... إلخ.
ومِنْ ثَمْ يَظَلْ حـَارِسَاَ لِهذِه الأشيّاء...
وإذا إفتَقد مِا يَحِبْ فَهو يَتَحَولْ لمَارِدْ!(دا مَوضُوع آخر سَنَأتِي لَه لاحِقَاَ).
يَجِيّدْ فَنْ اللُغاتْ أو اللَهجَاتْ!
لا يَتَقَيّدْ بِزَمَنْ ولا بِالمَكانْ!

ْ

نِواصِلْ..

سلام

يا مان انا حا اجى البوست دة كتير ان شاء الله
على اقل تقدير هنا الا نتشاكل مع البعاعيت

تعرف اول مرة انا اعرف قصة ناس الغرب بيقوا
بعاعيت - اكان كدة انا لو جيتك زيارة بس بى
النهار بس - ليل مافى

انا حا اجى احكى ليك بقصص الحبوبات و نشوف التباين
ما بين الغرب و النيل فى روايات الأطفال

حسى المهم شديد ما البعاتى - المهم التمباك و شنو
قصة اربعين دولار دى - يا أخى دة الجداد ما بياكلوا
تعملوا لى اربعين دولار - يا سيدى ما مشكلة بس رسل
و الحساب يجمع

انا لسة بفتش ليك اللنك و الزول ما لامى فيهو

و لى قدام