أريد حلآ ! أرجووووكم ساعدوني !!

منذ أن التحقت بهذا البورد قبل حوالي شهر ، إنقلبت حياتي رأسآ على عقب !!
اليوم كله صباحآ ومساءآ بقيت في النت ! بافتح أكتر من صفحة في نفس الوقت عشان ماأضيع وقت !! من المنبر العام للخور للمكتبات للاخبار..الخ
سهر الليل كله !!
ادائي في العمل تدهور !!
زوجتي بقت بتشك فيني في ان لدي علاقة مع واحدة تانية في النت !!
بتي في مشاكل معاي عايزة الكومبيوتر !!
ماداير اطلع أو اقابل أو أستقبل أي زول !!

يااخواناهل دي أعراض عادية وبتزول زي "شهر العسل" ؟!
إنتوا بتلقوا الوقت دا كله وين تقروا وتكتبوا ؟!
أريد حلآ ؟!
الرواد الوضعوا الساس يورونا ؟!!

المعذب ع.س.ت

بتزول زي "شهر العسل"

Quote: بتزول زي "شهر العسل"

كتر خيرك ياعاطف !!

Adel

You will get used to it
it is always difficult at the begining
but when time pass you cope with both your work and the baord
but the problem take care not your wife get addicted to it also


salam to her plz

Quote: salam to her plz

كمان ياسارة عشان تتأكد إني بلاقي بنات في النت !! أنا قاعد أقول ليها بأراجع الأخبار والمكتبات !!

مولانا ..


مساء الخير ..

Quote: يااخواناهل دي أعراض عادية وبتزول زي "شهر العسل" ؟

اعراض عاديه الا بعد شويه بتودي الخور ..


اسال مجرب ومجرب ..


انها سودنة العالم في زمن العولمه يا اخي ..


منعم

Quote: اعراض عاديه الا بعد شويه بتودي الخور ..

Quote: انها سودنة العالم في زمن العولمه يا اخي ..

طمنتني ياعبد المنعم !!

مولانا عادل:
تحياتى لك والمدام........التقينا فى البحرين أوائل هذا العام حيث كنت أنا ضيفاً على الصديق العزيز حمزة م نور وأسرته....
موضوع المنتديات دا قصّتو طويلة وبمرور الزمن سيصبح ( نوعاً ) من الادمان...أحسن طريقة تشترى لى البت واحد براها....أمّا أمها ؟؟؟؟؟؟؟؟

" و حالتك جديد يا مولانا؟ "
شفت الششلهتة و الإدمان دا كيف؟
أسمغ، أنا فتحت المنبر و الباقي علي الدوام حوالي ربع ساعة.
و سأرجع لك عقب عودتي من العمل. و أكيد ح ألقي البوست دا متكدّس بالردود لأنوّو بيتناول موضوع مهم جدّا جدّا

طارق الفزاري
ود زينب

عادل
مساك خير

1- الجديد شديد
2- لكل جديد لذه (بكسر اللامات التلاته) ، تتذكر لما زمان الواحد يكون شرع في (علاقه) جديده ، تقول ليهو كيف أخبار القرايه؟ يقول ليك : هي قالت لي انت بتحس تجاهي بشنو؟
3- أنا جديد زيك لي 3 شهور لكن ساعات وجودي هنا في تناقص واضح لكنها لن تنقطع ( ترشيد وكده).
4- ماتوقّف الرياضه.
5- ماتشتري لابنتنا (كوم) بيوتر تاني.
6- أرجع لهوايتك (القديمه)

أخيرا: لو ده حالك أحسن ماتكتب قصة كارلوس اللي حكيتا لي لأنو حاتمشى ال ICU أو على أقل تقدير حاتترفد.

Quote: تتذكر لما زمان الواحد يكون شرع في (علاقه) جديده

مابتذكر يامرتضى !! إنت ناسي كارلوس المعرسني دا والا شنو ؟؟!!

Quote: لأنو حاتمشى ال ICU

ال ICU دا شنو ، مضاد حيوي ؟!

الأخ طارق الفزاري
ود زينب

شكرآ لإهتمامك ! أنا بقيت بفتح المنبر في الدوام عديييييييل كدة !! الله يستر المدير العام مايكون بيدخل النت !!

ويييين ياطارق ؟؟!! ماقلت بتجي راجع ؟!

Quote: و سأرجع لك عقب عودتي من العمل

Quote: أمّا أمها ؟؟؟؟؟؟؟؟

مادا الجنن عبدالقادر ظااااطو !!

بعدين ياعلي أنا شايفك من أول يوم ، مارحبت بي ليه ؟؟!! إعداااااام !!

تحياتي القلبية ليك وإنشاء الله نتقابل تاني قريب !

مولانا
هي هسه برضو بتكون قرت كلامك ده
غايتو انت وهي اتشاكلو في الكمبيوتر ده

لكن هبوية دايرة واحد براها

Quote: أنا قاعد أقول ليها بأراجع الأخبار والمكتبات !!

هههههههه

Quote: لكن هبوية دايرة واحد براها

حاضر ياسارة ! بعدين إنتي معانا والامعاهم ؟!

عزيزنا عادل .. والله ريحتنى بالبوست ده لأنو أنا (كعضو جديد لنج) بديت أشتكى من نفس الأعراض لكن حكاية (البت) و(المدام) دى أنا ما عندى وأنا (عارف) وإنت (عارف)!! لكن مشكلتى أجيب لي البورد ده (ميزانية) من وين؟؟ مع الرسوم والجبايات والشنو ما بعرفو داك!! و(الجمرات)القاعدين ندفع (ونوطأ)فيها دى ؟؟؟؟؟ غايتو عاوزين لبنا علاوة (بدل بورد) !!

تحياتى

الله بوست حـلو ودمه خـفيف..وأنا عارفة في ناس تانية كده البورد عامل فيها شـنو..
طـبعا انا البورد عنـدي..أنام وأصحي علي ابتسامتك!
والمسهل الموضـو ده من الناحية المادية اني بدفع شهريا وبالدايركت ديبيت مبلغ 15
ولا 17 جنيه مامتأكـدة في الشهر.. قـدام خـدمات النت24/7 يعني علي طـول النت موصل..
وبالتالي انوم اخليه شغال ..اصحي في أي وقت ألقاه شغال..

والبورد ده صـاحبي..وصاحبي شـديد علي الرغم من انه بيعطل أحـيانا!
وبعـدبن نحنا كتير مننا بيحبوا يقنعوا نفسهم بإنهم قاعـدين في حـوش واحـد مع بعض
في لمة زي مابتقول آية بتي..

وأقـول ليك كـلام?

والله أنا جـد جد قايلة كـده .. وكمان قايلة الحـوش مسور بحيطان الطين الحـلوة..
أها شفت كيف?
وكمان أنا بفتكر انك لازم تقـدم لعضوية زوجتك في المنبر..مش من باب سد باب الغيرة..
ولا من باب اللهم اشغل أعـدائي بأنفسهم..لأ.. أبدا..لكن من باب حب لأخيك ماتحبه لنفسـك..
وبالمرة......

تحياتي لك يامولانا ولكل زوارك ..

مني

الرائعة منى !
مداخلتك رائعة جد !!

Quote: طـبعا انا البورد عنـدي..أنام وأصحي علي ابتسامتك!

مادا أنا الخايف منو ظااااااااطو !!

Quote: وبعـدبن نحنا كتير مننا بيحبوا يقنعوا نفسهم بإنهم قاعـدين في حـوش واحـد مع بعض في لمة زي مابتقول آية بتي..

لكن جنس لمة !! لاحول !!

Quote: وكمان أنا بفتكر انك لازم تقـدم لعضوية زوجتك في المنبر

كدة يامني الأولاد حيتشردوا وحنكون من مستحقي الزكاة عدييييييييل كدة !! كفاية أنا ، خليها هي تواصل المسيرة !!
امبارح زوجتي قالت لي أنا عمري دا كله خايفة واحدة تاني تاخدك مني ، ماإتخيلت النهاية كمبيوتر ياخدك مني !! دا بعد مافتشتني امبارح الساعة تلاتة صباحآ و ليقتني في النت ؟!!
تقولي لي أقدم ليها لعضوية !!
لك الود كله..
عادل

Quote: لكن مشكلتى أجيب لي البورد ده (ميزانية) من وين؟؟

شوف يافاتح انا ذاكرت ليك في الموضوع دا ووجدت انك مستحق لمعظم مصارف الزكاة !! من المساكين والفقراء وإبن السبيل لحدي المؤلفة قلوبهم !! ممكن أطلع ليك فتوى بكدة !!
ومن هذا البوست اناشد الجميع بأن يدفعوا زكاتهم مباشرة للاخ بكري ليتم توزيعها على الأعضاء !! (يعني من دقنو وافتلو) !!
بعدين ماتنساني في الأتعاب !!
إيه رأيك ؟!

لك حبي وأشواقي !!

Quote: ومن هذا البوست اناشد الجميع بأن يدفعوا زكاتهم مباشرة للاخ بكري ليتم توزيعها على الأعضاء !!

من هسع يا عادل أنا ح أكون (أمين الديوان) !!!!!! عشان أأجر ليا(بيت) من (قروش زكاتكم) دى بى 8 مليون فى الشهر غير (الموية) و(النور) و(البنزين) و(الموبايل) !!! ..........(الجماعة) ما علمونا وكده !!!!

نزل ليهم يافاتح مقالك في الحتة دي !!

عملنا ليهم مقال يا عادل زمااان وعملوا (نايمين) !!!

Quote: من هسع يا عادل أنا ح أكون (أمين الديوان) !!!!!!

حتى بند "العاملين عليها" ماعايز تخليه يافاتح ؟!
انت باين عليك داخل على طمع ؟!

Quote: يااخواناهل دي أعراض عادية وبتزول زي "شهر العسل" ؟! إنتوا بتلقوا الوقت دا كله وين تقروا وتكتبوا ؟! أريد حلآ ؟! الرواد الوضعوا الساس يورونا ؟!!

العزيز القادم الي عالمنا ...

العام اتممت سبع وعشروون عاما ملتصقا بشاشات الكومبيوتر .. البداية قبل زواجي باعوام فاتت زوجتي ووجدتني هكذا ومع استدامة الاستقرار والتواجد البيتي الذي صار اكثر مما كان عليه قبل الزواج حني صار هو التواجد المستدام كثرت الشاشات حتي قررت يوما ان اودع مهنتي - البناء- وحولت هوايتي الي عمل حتي اقنع زوجتي بان حبي للشاشات الاليكترونية ليس عذريا ولكن بارت التجارة حيث كنت واعظا ومعلما لمن ياتي ليشتري فان وجدته يريدها "عياقة " او لان جاره او صديقه امتلكها ارفض البييع له بحجة ان التكنلوجيا مش " فخفخة وعياقة " ورجعت بناء ولكن تفتق ذهني بحيلة تقنع زوجتي فانشات اول نشرة اليكترونية في كل القارة- شئ مثل النت ايامنا هذا ولكن محدود الارسال وفي حيز جغرافي محدد - وهكذا اتيت بالعالم الذي اريد الي البيت وتطورت الاشياء والتكنلوجيا وكثرت المعينات من سلكي الي لاسلكي وواي فاي ومن ديسكتوب الي لابتوب وبي دي ا وتلفونات واي فاي ,,,, وصار منزلي هوت زوون في اي كورنر تجد مدخلا للنت وتحت السرير جهاز وعند طاولة الاكل وفبي الجيب وووووو ....وصارت بناتي وابني مثلي فبقينا الاغلبية ورضيت زوجتي بالديمقراطية المستدامة ,, وذهبت البنات الي الجامعات خارج المكان والابن مع اجهزة وواي فاي والزوجة مع 1067 قناة فضائية وانا هنا معكم ...فمرحبا بكم ...
دنيا...
FATE is not an eagle, it creeps like a rat.
الله المستعان
لك مودتي
ابوبكر سيد احمد

مولانا الأستاذ عادل سمير توفيق:

الحل تشتري كومبيوتر لكل فرد في البيت لأنو الفترة الأولي بتكون فيها في شهر عسل زي العريس الجديد ماداير تفارق النت ........................................

وعدتنا يامولانا بقصة كارلوس ولسة ما عايز تحكيها لينا وبقيت زي عادل أمام في شاهد ماشفش حاجة وعشان تحكي لينا قصة كارلوس يامولانا أهديك مسرحية شاهدماشفش حاجة لعادل إمام زاتو ..............................................


شاهد مسرحية شاهد ماشفش حاجة بطولة عادل إمام (سرحان عبدالبصير) وعمر الحريري ......

إضغط هذا الرابط ثم أدخل وإضغط مشاهدة لكي تشاهد بعد تجهيز الكوممبيوتر ببرنامج مشاهدة خاص
Real Player


http://www.geocities.com/elbasoumy/shahed.htm

Quote: الحل تشتري كومبيوتر لكل فرد في البيت لأنو الفترة الأولي بتكون فيها في شهر عسل زي العريس الجديد ماداير تفارق النت

ياكامل إنت ماشايف اخونا أبوبكر سيد أحمد قال ليه 27 سنة شهر عسل مستدام ؟!

Quote: وعدتنا يامولانا بقصة كارلوس ولسة ما عايز تحكيها لينا وبقيت زي عادل أمام في شاهد ماشفش حاجة

أنا فعلآ شاهد ماشفش حاجة !! وبعدين دي مصيبة شنو ، الزول يتخارج منكم كيف ؟!
شكرآ علي المسرحية ، ماتتصور بحبها كيف ، يمكن شفتها دشليون مرة وشفتها على المسرح في السودان و مصر عدة مرات ولكني لا أملها أبدآ !!

آسف لتدبيل البوست ! يمكن دي الحاجة الوحيدة الزول بقدر يدبلها ؟!!

الرواد الوضعوا الساس
لعناية الاخ ابوبكر !

Quote: العام اتممت سبع وعشروون عاما ملتصقا بشاشات الكومبيوتر

أنا بعد قريت مداخلتك دي بفكر جديآ في اني أتخارج مخارجة مستدامة !!
لك شكري وإعجابي ..
عادل سمير

يامولانا
تحياتي
قبل النظر في امر الخروج من عالمنا الافتراضي حاول ان تفكر في البدائل فامر الخروج من العالم المسطح ( كان عالما مدورا قبل زماننا هذا) اليوم له مساؤي كثيرة فكونه مسطحا يجعلك تسبح ملايين الكيلومترات افقيا لتصل نهايته ( نهاية احد اضلاع المسطح) وهذا ياخذ عمرا وجهد و المحصلة للاسف انك لا تخرج فالدائرة تسمح لك بالسباحة في فضاءات خارجية متدحرجامتما وصلت حافة اما المسطح فالفضاءات فوقه وتتطلب ان تسحب منك الجاذبية تماما لتطفو الي اعلي ...

شغلانة صعبة وحيثياتها معقدة والتعايش مع الحالة الاسفيرية اسهل ...

شفت كيف يا مولانا.. هات المدام زي ما قالت مني والعيال كمان واهو لمة احسن من تسطيح لوحدك

لك مودتي
بوبكر

Quote: قبل النظر في امر الخروج من عالمنا الافتراضي حاول ان تفكر في البدائل فامر الخروج من العالم المسطح ( كان عالما مدورا قبل زماننا هذا) اليوم له مساؤي كثيرة فكونه مسطحا يجعلك تسبح ملايين الكيلومترات افقيا لتصل نهايته ( نهاية احد اضلاع المسطح) وهذا ياخذ عمرا وجهد و المحصلة للاسف انك لا تخرج فالدائرة تسمح لك بالسباحة في فضاءات خارجية متدحرجامتما وصلت حافة اما المسطح فالفضاءات فوقه وتتطلب ان تسحب منك الجاذبية تماما لتطفو الي اعلي ...

ياأخوانا الكلام دا معناه شنو ؟؟!! الزول دا أشتكيه لبكري ؟؟!!
انا خايف الكلام دا يكون فيه نبذ والا حاجة ؟؟!!
إحتياطيآ أطالب بتطبيق اللائحة على العضو دا !!

Quote: ياأخوانا الكلام دا معناه شنو ؟؟!! الزول دا أشتكيه لبكري ؟؟!!

وبكري يشكي حالو لمين ؟؟

وكونك مولانا بتاع شكاوي ومحاكمات وحيثيات وحتي لا يفتح بكري عليك بلاغ " بلاغ كاذب " اشير الي مستندات يمكن تساعدك في قضيتك ضدي ( شفت متهم متجاوب كيف .. شاهد ملك ):
The World is Flat
A Brief History of the 21st. Century
Thomas L Friedman
ISBN:0-374-53048-3

الأخ أبوبكر أبو الرواد الوضعوا الساس !!

Quote: The World is Flat A Brief History of the 21st. Century Thomas L Friedman ISBN:0-374-53048-3

متهم عكليت ! خلاص ياسيدي براءة !!
تصدق أبوبكر أنا أول مرة أقرأ كلمة "خصخصة" إفتكرتها كلمة قلة أدب لغاية ماقريتها بالإنجليزي “Privatization” عرفت المعنى !!

Quote: تصدق أبوبكر أنا أول مرة أقرأ كلمة "خصخصة" إفتكرتها كلمة قلة أدب لغاية ماقريتها بالإنجليزي “Privatization” عرفت المعنى

يا قريبي انا بستعمل قاموس الجيب عربي-عربي بعد كام وخمسين سنة مستعربا ؟؟ وحالتي بتبقي صعبة وكت واحد متذيع (مذيع) في اس دي تفي ( ما تقول دي كمان ما بتعرفها) يتقعر كل يوم جمعة ( ما تقول لي البخليك تطالع-دي من مكتسبات الهجرة- الاس دي تفي شنو ؟ ) ..
المشكلة ما عندنا "عربي حلفا" فغصبونا علي بتاعة ناس البطانة وهي وايد عويصة (برضو من مكتسبات الهجرة ) ... مش احسن ليك الهواء الاسفيري دة الما فيهو خصخصة ولا عولمة ولا رامسفيلد ؟؟
خليك مجاور هنا في السايبريا ( ده الاسم التاني للاسفيريا ) شفت كيف ؟

ادمان حتى المصحة ما تفكك منو.

مع تحياتي القلبية

Quote: ادمان حتى المصحة ما تفكك منو.

"لو أني أعرف خاتمتي ماكنت بدأت"

Quote: يا قريبي انا بستعمل قاموس الجيب عربي-عربي بعد كام وخمسين سنة مستعربا

Quote: خليك مجاور هنا في السايبريا ( ده الاسم التاني للاسفيريا ) شفت كيف ؟

Quote: ادمان حتى المصحة ما تفكك منو.

ماهم ناس المصحة وكل المولانات بقو مدمنيين ونحن الصاحيين ؟؟

Quote: يا قريبي انا بستعمل قاموس الجيب عربي-عربي بعد كام وخمسين سنة مستعربا

أبوبكر !
"كازينو حماد العائم"
العائم حماد والا الكازينو ؟؟!!
ماتشف !!

والله يا مولانا البوست دمو خفيف جدا ومع ده كلو
حنيت عليك ..
يعني حالتك تحنن عديل كده..
انا ح ارد ليك على افتراض اني من ناس زمان يعني من المؤلفة قلوبهم وبرضو بستحق من مصاريف الزكاة بتاعتكم دي .. بس لو تحنو علينا .. وما يقوموا البرالمة يجو يقولو السنير قاعد يتطنقع علينا..
بتذكر البورد كان مفتوح والناس بتكتب لكن ( بتتلبد ) ولما واحد يرسل ليك في الخاص ويسالك السؤال التقليدي ( أنت من وين ؟؟ ) جزر القمر كان الاستاندرد بتاع الرد يا أقرب حتة ممكن تقوله ليهو .. يا توصف ليهو ( اطلس أونلاين ) وتخليهو يجتهد .. يعني المسالة ما زي حسع دي الواحد يكتب وكمان خاتي صورتو وتلفونو وعنوانو بالكامل .. اهــا كنت بشتغل تقريبا زي عشرة ساعات وبيناته ( بريك ) زي ساعتين الساعتين ديل ( ظاطوم ) رايحات شمار في ( سيرفر ) من اللحظة العرفت فيها سودانيز اون لاين .. لانو بكون متابع الحركة الجميلة الفي البورد من مسرح .. لي بيت عرس لي بيت بكا.. لي نفير .. لي ( جرسة اون لاين ) وأبشرك يا مولانــا انا احسن زول كنت ( بتجرس ) احساس الغربة مع لمة الناس ديل في الزمن داك كانت بتولد احساس غريب يخليك كأنك بتلامس الناس ديل كلهم .. بالرغم من انهم بعيدين خالص .. فعادي جدا لو بتصدق مرات ننفعل نضحك حد البكا .. ونبكي إذا ما زاد الحنين .. يعني كتير جدا اتمسكت بالثابتة مع المدير المباشر وانا في حالة هستيرية . ومكسر لي ما يزيد عن معرض كامل بتاع موبيليا من كراسي لي ترابيز .. أما الاطقم بتاعت القهوة والشاي دي فكانت ميزانية عديل كده لحدي ما اتضطريت اني استعمل حديد في حديد .. طبعا مسالة التكسير دي يا مولانا ما كانت انفعال .. لالا .. بتكون متابع ليك حاجة في المونيتر وفجأة جاك احساس انك عايز ترشف ليك جرعة بتاعت قهوة يا شاي يا عصير .. فبتهون عليك لحظة انك تمد ايدك وتحول بصرك لي اتجاه الكباية .. فتلغي بعض الحاجات دي علشان ما تطلعك من الحالة بتاعت المتابعة دي فبتقوم تشتغل المسالة احساس وتمد ايدك .. ولو جليت بتسمع ( كشششش ) لانو في حالة القزاز ( تكس .. ما برجع ) ..
بقيت لما اطلع من المكتب عامل لي حساب مع بتاع محل الكافي نت .. بيحاسبني بالشهر لانو كان عامل لي ملف بتاع ( اكسل ) وعامل لي معادلة حسابية عديل كده .. يعني بعدما اطلع من الشغل بمشي علي المحل .. ولما اجي راجع بكتشف اني ما اتغديت ولا اتعشيت والحمد لله الواحد عايش زي ابوذر .. وما عندو كارلوس عامل ليهو ارهاب ( وبقريهو صفحة الأخبار في عز الضهر )
المهم حصل تطور ونقلة موضوعية .. اتلغى بند المقهى بي ملفو بتاع الايكسل .. واتفتح ملف جديد اسمو الـ dial-up وده الله لا يوريك ليهو .. فاتورة التلفون كانت عبارة عن اعدام رميا بالرصاص .. لما تجيك الفاتورة لمن تحس بي ( حيلك ميت .. ورجلينك ما شايلاك ) وبرررضو ما بتتعظ .. يلالا بعديهو المرحلة بتاعت الـ DSL ودي احرج مرحلة مع انها مريحة وبت ناس ... وما مكلفة .. لكن النوم كيف ؟؟ يعني الجهاز قدامك الأربعة وعشرين ساعة .. وأحياناً معاك في السرير والاتصال مفتوح .. يعني ورطة غريبة جدا العجب لما تكون ماسك ليك ( موية في بوست )..
غايتو انا لحدي الآن زيك .. لكن عامل ( كونترات مع نفسي ) بقيت محدد ساعات محددة في اليوم بمقدار معين .. ولحدي الآن ماشي فيها صاح .. لكن برضو لسه المرازاة حاصلة..
غايتو يا مولانا ما بقدر اخدمك في أي حاجة وما بقدر اقدم ليك اي خدمة ولا اي مساعدة .. وكان لقيت زول هنــا اداك حل مفيد كده .. عليك الله ما تنساني

الرواد الوضعوا الساس
لعناية الاخ Tmbis
دي مداخلة رائعة بكل معنى الكلمة !!
والله ضحكت من قلبي !!
شكلك كدة ياTmbis من ايام التركية السابقة !!

الاخ الـحبيب الـحـبوب،
عـادل ســميــر،

تحــية الود والاعـزاز،
...كـلما يكـتروا الاعـضــاء فـي الـمنبر خـريـجـي كليات الـحقوق الواحـد بفـرح.... وبـزعـل!!!.

بـفـرج بـوجـود مثقفييـن سـودانييـن فـي كل مكان وبالـمـنبـر، وأحـزن... " البـلد بقـت فاضــية من الـحقوقيــين " و.. غاب القـط العـب يـافـار!!.
..اهـلآ بك فـي "حــوش " بكـري.

بـخـصـوص مشـكلتك مع الكـمبيوتـر، بتـذكـر أغنـية عـبد الـحليـم حـافـظ:
" الـلـي شــبكـنا يـخـلـصـنا".

لـك مـودتــي.

الاخ العزيز بكري الصايغ

Quote: بـخـصـوص مشـكلتك مع الكـمبيوتـر، بتـذكـر أغنـية عـبد الـحليـم حـافـظ: " الـلـي شــبكـنا يـخـلـصـنا".

طيب أنا أسوي شنو ؟! مافضل لي الا أسأل العنبة الرامية فوق بيتنا ؟؟!!

أنا قريت البوست حقك حق كارلوس عشان أستفيد منو ، الشباب عاملين لي ضجة إزعاج عايزني أكتب ليهم في الموضوع دا !! المشكلة إنو أنا يتيييييييم وأمي متوفييييييية.. !!
لك كل الود والإعزاز..

مولانات ..كترتو هنا ...ما شايف الماخد اسمي وهو قريبي ( شفتو جنس الحالة يعني يابكري عم الصائغ ما لقي الا اسمي ابوبكر سيداحمد ويقومو يدلعوك بكري .. شفت كيف )
انا يامولانا الوافد ( ما كلو واحد بيخلي واطتو يقولو وافد) ان لا شفت كازينو حماد ولا بناية الدرة المشوي بتاعة الليبيين الا في الصور.. ولو انو المحاكم بتطلب الاجابة التقريرية " نعم او لا" الا هنا في السايبريا محاكم الارض ما ليها الا حق الاستماع وعليه فحماد هو الطافي لانو الكازينو ما غرق لسه ...

اما طالما وصل "تمبس" الي هنا فيانا مهججيين حفلات ساي ..ياريت بس ود شيقوق ما يعرف دربنا ويخلي مراحو ....

Quote: "كازينو حماد العائم" العائم حماد والا الكازينو

أبوبكر !
بالمناسبة ، دي قالها لينا حساس محمد حساس (الأستاذ محمد عبدالله الريح) في محاضرة !
بتقبل جميع الاحتمالات :
ممكن الكازينو..
ممكن حماد..
ممكن حماد يكون اصلآ إسمه "حماد العائم" ...الخ
شفت كيف ؟!

و لسه كمان يا مولانا..
لما تتعرف على ناس (( من الجنسين و الله )) و تتداخل معاهم و ترتاح ليهم (( ما دايرة أقول تعشقهم عشان المدام ما تفهمني غلط ))..و تتخلق بينك و بينهم علاقة إسفيرية جميلة و رائعة..
تعرف أحوالهم و يعرفوا أحوالك..
تفرح ل فرحهم..و يفرحوا ليك..
يشاركوك محنتك و تشاركهم أتراحهم..
يعرفوا زوجتك..أولادك..أهلك..أسرتك الممتدة..بالإسم كأنهم لاقوهم و شافوهم..

و تقول كده و ....تقابلهم على أرض الواقع !!!!
إحساس لا يمكن أن يُوصف..
بتكون عايز تبكي و عايز تضحك ..
عايز تقالد و عايز تسالم..
عايز تقعد و عايز تقيف..
عايز تتكلم و عايز تسكت..
حالة عشقية إسفيرية عجيبة.


الله يكون في العون..و نلقى حلاً..!!

ممكونة الرائعة !!
أنا فعلآ بدأت احس بالقلتيه دا !! ورغم انه احساس رائع وجميل شديد الا أنه مخييييييف شدييييييد !! "الخوف ياغالي تسرح طوالي" !!
بعدين ياممكونة أنا داير أعترف ليك..أناحبيت اسفيريآ تلاتة من الجنس التاني في وقت واحد من اول Log In !! وحسة بقوا أربعة بعد ماقريت مداخلتك دي !! أنا ماعارف دا حب اسفيري حقيقي والا حب اسفيري بتاع مراهقة اسفيرية سااااكت ؟؟!! عشان أنا لسه سني صغير..اسفيريآ !!
الكلام دا مايطلع برة ياممكونة !! إعداااااااام ، فاهمة ؟؟!!
طبعآ بتكوني دايرة الشمار وعايزة تعرفي التلاتة ديل منو ؟!
تلقيها عند الغافل !!

الرواد الوضعوا الساس !!
الخلوة الاسفيرية تعريفها اسفيريآ شنو ؟! المسنجر مثالآ !!
مع حبي للجميع !!
عادل

Quote: الكلام دا مايطلع برة ياممكونة !! إعداااااااام ، فاهمة ؟؟!!

أعمل حسابك..
و كان ما مصدقني...تعال هنا..

http://sudaniyat.net/forum/viewtopic.php?t=2423

ممكونة !
انا كنت مابخاف ، لكن حسة بديت أخاف !
وإحتياطيآ بقيت أشرب القهوة في المكتب بس ! ٌٌقالوا دي البختو فيها الصبغة !!

Quote: و لسه كمان يا مولانا.. لما تتعرف على ناس (( من الجنسين و الله )) و تتداخل معاهم و ترتاح ليهم (( ما دايرة أقول تعشقهم عشان المدام ما تفهمني غلط ))..و تتخلق بينك و بينهم علاقة إسفيرية جميلة و رائعة..

والله يا (ممكونة) - وصابره- ياهو (مولانا) بعد ده البقى بتاع (بوردات) ساكت ..أنا (عارفو) حنين شديـــــــــــــــــــــــــــــــــــــــــــــــــــــــــد !!

و لسه كمان يا مولانا..


صدقت ممكونة يامولانا ... منذ 88 وانا 90% من معارفي هم من الفضاء ارسفيري .. كانت لنا منتديات كثيرة باللغة الانجليزية فتعرفنا علي مئات في شتي بقاع الارض منهم من قابناهم وجخا لوجه وهذا جد قليل ربما اقل من عدد اصابع اليد الواحدة وبانتشار المنتديات العربية تعرفنا الي اعداد اخري .. اراسل ما لايقل عن مائة من اجناس مختلفة بصورة منتظمة واشارك في جمعيات ومنظمات علمية واجتماعية وانسانية وازاول نشاطات كثيرة من خلال هذا العالم الاسفيري و 90% من عملي الاداري اليومي هو من خلاله ...فلذا انا متواجد اسفيريا من اي موقع - عمل او بيت او مسافرا وفي الطريق فادوات الاتصال الاسفيري كثيرة ومتوفرة في احجام واشكال مختلفة ... عالم ان عرفت التعامل معه فيه المثير المفيد وكذلك ملئ بالهامش كا الذي تراه في طريقك يوميا ...

مودتي
ابوبكر

الأفاضل مولانا سمير توفيق والأستاذ الفاتح جبرا
اولا ارحب بكم كأعضاء نشطين فى المنبر .
من خلال قرآتى لموضوع مولانا سمير ومداخلة الأستاذ جبرا اتضح لى وبما لا يدع مجالا للشك بأنكما مصابان ب( داء الكنكشة) .فهذا المرض ياسادتى يصيب الكثيرين وخاصة السياسيين فى بلادى .فما ان توؤل السلطة لهم الا وكنكشوا فيها بالأنياب والأظافر وامتنعوا عن التخلى عنها حتى لو تم فناء ثلاثة ارباع الشعب السودانى جراء سياساتهم الفاشلة.
اذن هو داء الكنكشة بااصدقائى والناس على دين ملوكهم .
مع تحياتى

Quote: من خلال قرآتى لموضوع مولانا سمير ومداخلة الأستاذ جبرا اتضح لى وبما لا يدع مجالا للشك بأنكما مصابان ب( داء الكنكشة)

الفاتح الزول دا مالو معانا ؟!
عليك الله اديوه واحد سيناريوهات خلينا نتخارج منو !!
على نفسها جنت براقش !!
بالمناسبة يا قلقو مابيني وبين الفاتح لا يمكن التعبير عنه بالمثل السوداني هنا ، بيلحقوني....... !!
لك حبي وتحياتي !!
عادل

Quote: الأفاضل مولانا سمير توفيق والأستاذ الفاتح جبرا اولا ارحب بكم كأعضاء نشطين فى المنبر . من خلال قرآتى لموضوع مولانا سمير ومداخلة الأستاذ جبرا اتضح لى وبما لا يدع مجالا للشك بأنكما مصابان ب( داء الكنكشة) .فهذا المرض ياسادتى يصيب الكثيرين وخاصة السياسيين فى بلادى .فما ان توؤل السلطة لهم الا وكنكشوا فيها بالأنياب والأظافر وامتنعوا عن التخلى عنها حتى لو تم فناء ثلاثة ارباع الشعب السودانى جراء سياساتهم الفاشلة. اذن هو داء الكنكشة بااصدقائى والناس على دين ملوكهم .

قلقو ده يا عادل ما نصيح وإلا شنو ؟؟ عليك الله كلمو قول ليهو إنو زمان لمن كنا (شباب) كان ممكن (نكنكش) فى الحاجة ما (نفكها) أصلو ..لكن هسع والله إلا (نكنكش) من البرد !! قال نكنكش فى (السلطة) قال !!!

Quote: بالمناسبة يا قلقو مابيني وبين الفاتح لا يمكن التعبير عنه بالمثل السوداني هنا ، بيلحقوني....... !!

هو أصلو مثل واحد يا (عادل) بتاع (التلاته حاجات) مش كده وإلا أنا غلطان !!!

مولانا العزيز

صباح الخير إذا كانت الدنيا عندك صباح ومساء الخير إن كانت عكس ذلك بتصدق أنا من اشتركت في

المنبر دا وصلت الحالة عندي مرحلةإدمان و وتعاطي وحيازة وكل الأدلة المادية موجودة ويمكن قريبا

أتفنش من الشغل بسبب عدم التركيز في العمل والخروج عن النص عموما أنا مبسوطة من البورد بتاعك

عشان لقيت محامي يدافع عني لو رفدوني من الشغل لك التحية والود وقول للمدام شدة وتزول .


عواطف

اخونا ابو بكر

Quote: العام اتممت سبع وعشروون عاما ملتصقا بشاشات الكومبيوتر

يازول انت متاكد من رقمك دا 27 عام وانت بتعرف كوبيوتر.قديم خلاص.انا على حسب فلسفتى ان الكوبوتر هو تكنلوجيا الشباب..حتى ال IBM....وشريكها المشهور بل قيت.. تاسست سنة 83 حتى اول اجهزة على حسب كتاب مبادىء الكوبيوتر الذى كان مقرر علينا فى اولى جامعة صنع سنة 79 للمخابرات الامريكية..
ولكن ربما تكون على حق...عموما انا علاقتى بالكومبوتر بداءت سنة 92 حين ذهبت لدراسة الكوبوتر فى شبه القارة الهندية..ووقتها كان صاحب الهوت ميل تخرج من جامعة بنقلور جنوب الهند
وحايم فى بومبى يبحث عن فيزا للسفر لامريكا ولم يكن معه غير 250 دولار..وهو لا يعلم ان مشروع تخرجه سوف يبيعه بملاين الدورات..

اخونا طارق...سلام
انا زول منديات من سنة,2000.عضو فى اكثر من 20 منتدى..عضو فى سودانيز من سنة 2003 ..قاعد احوم كل هذه المنتديات..واشارك فيها ..مشرف على بعضها..وصاحب منتدى منطقة ابقوتة...
بقعد على النت 10 ساعات يوميا..8 ساعات الدوام وساعة قبله وساعة بعده..بحكم العمل
يتطلب ذلك..زمان كنت عذابى بدخل على النت فى البيت اسى دخلت معاك فى القفص..المراقبة حصلت
لكن مدمن منديات...ربنا يعنك على الادمان..والحنك البيش...لكن استفدنا كثيرا
خالص ودى لك

Quote: يازول انت متاكد من رقمك دا 27 عام وانت بتعرف كوبيوتر.قديم خلاص.انا على حسب فلسفتى ان الكوبوتر هو تكنلوجيا الشباب..حتى ال IBM....وشريكها المشهور بل قيت.. تاسست سنة 83 حتى اول اجهزة على حسب كتاب مبادىء الكوبيوتر

الاشتهار والانتشار الواسع الذي صاحب اول جهاز صغير تصنعه اي بي ام جعل الكثيرين يظنون ان الكمبيوتر الشخصي Personal Computer ابتدء ملازما لذلك وهذا غير صحيح تماما والذي ساعد علي هذا الفهم تسمية اي بي ام لجهازها الصغير بال PC ... في السبعينات اشتهرت اسماء كثيرة في صناعة الكمبيوتر الشخصي منها علي سبيل المثال لا الحصر بداية بالعبقري البريطاني اللورد سنكلير وجهازه العجيب ولولا سوء ادارة لكان اهم انتاج في هذا المجال وهنالك اوزبورن التي استعملت نظام التشغيل ام بيسك والذي عدله الثنائي الان وبيل غيتس في 81 وقدماه الي اي بي ام التي كانت في ورطة بحث عن نظام تشغيل لجهاز صغير .. سمي الثنائي نظام التشغيل باسم ام اس دوس ( وام اس هي الحروف الاولي من شركة صغيرة اسساها لنفس الغرض وعرفت بمايكروسوفت) وباعا رخصة معدلة من ام اس دوس الي اي بي ام فسمتها الاخيرة بي سي دوس ...اما اهم صناعة كمبيوتر شخصي في السبعينات والثمانينات فهو الابلApple وهو جهاز عظيم يخاطب ذاكرة كبيرة اربع ميغابايت ( اول اصدار من ماكنتوش في مطلع الثمانينات) وتخزين اكبر بينما اخذ ذلك من اي بي ام اكثر من عقد لمخاطبة ذاكرة تتجاوز ال 640 كي بي .. وتعاملت ابل مع غرافيك عالي مما جعلها المفضلة عند المصمميين والناشرين والصحافة ..
ايبي امIBM كاكبر شركة في صناعة المعدات المكتبية في العالم استفادت من امكاناتها الماددية الهائلة في تهميش كثير من شركات صناعة كومبيوترات شخصية تفوق ال اي بي ام بي سي IBM PC وسبب اخر هو انها منحت اطراف كثيرة في العالم واسيا بالتحديد رخص 3rd. Party License مما ساعد في صناعة اجهزة اي بي ام Generic (Compatible) فلذا انتشر ت صناعات شركات كثيرة مثل ديل واتش بي وكومباك وووووو..الخ .....

هذا الامر وفقا لخبرتي المتواضعة واستعمالاتي للاجهزة وتجارتي فيها لفترة محدودة ( هواية لم تثمر مالا)التي اشرت اليها في الفترة 1979 و2006 ..وللتاكيد فالاجهزة التي استعملتها في الفترة التي سبقت حصولي علي اول جهاز في مطلع الثمانينات IBM XT هي :
Sinclair, Vic 20,Casio,C64 Commodore, Osborne,Apricot,C128, Apple

اما فيما يختص بالانصال من خلال اجهزة الكمبيوتر فالامر شبيه بما ذكرت حيث انتشرت تلك الاستعمالات في السبعينات من خلال نشرات اليكترونيةBBS في الجامعات اولا ثم المنظمات العالمية والبتاغون الذي كان متحكما في شبكة اكبر هي الانترنت حتي حررتها في مطلع التسعينات لللاستعمال العام ولكن في مطلع الثمانينات كانت هنالك شركات توفر اتصالا يفوق ما توفره النشرات الاليكترونية ومنها كومبيوسيرف ...الخ ....

وفوق كل ذي علم عليم ...

لكم مودتي
ابوبكر سيد احمد

Abubakr
شكرآ لعلمك الغزير وشرحك الوافي !! خليتني جنبك أشعر اني جاهل صغير في الحتة دي !!
تعظيم سلام !!
عادل

تعرف يا (مولانا) ناس (أبوبكر) ديل كانوا يشتغلو على أجهزة Mainframe الواحد قدر (الصالون) وكان عندو (لديتر) عشان تبريدو كان (بالموية) والجهاز ده لمن تفتحو تمشى تفطر وتشرب شاى وتولع ليك سيجارة وبعدين تجى تلقاهو (عاوز) يشتغل .. وكانو ببرمجوهو بى حاجة إسمها COBOL 66 وإلا 77 ما عارف وكمان FORTRAN شنو داك ما بعرف !!أوعك تقول ليا أنا دفعتهم يا أخى أنا ولدى الكبير فى (الروضة) وإنت عارف !!

شكرآ Abuguta
يبدو انك فعلآ من الرواد الوضعوا الساس !!
لك شكري و تقديري !!
عادل سمير

Quote: ويمكن قريبا أتفنش من الشغل بسبب عدم التركيز في العمل والخروج عن النص عموما أنا مبسوطة من البورد بتاعك عشان لقيت محامي يدافع عني لو رفدوني من الشغل

والله ياعواطف ياأختي بالطريقة دى الا أنا وانتي نشوف لينا محامي شاطر يطلع لينا حقوقنا !!
لك كل الود..
عادل سمير

لا و إنت الصادق يا مولانا, عارف الواحد لما عيونه بقت مربعة و flat و كمان Digital و Anti-flare !!!!!.
كنت قايل نفسى براى فى الإدمان الجديد ده.

ذكرتنى قصة الراجل الإتعلم شراب البيرة بعد ما نزل المعاش, تعذّب إبنه فى إلتقاطه من الشوارع و البارات و منازل الندماء, و فى يوم أراد أن يحادثه فى أمره الغريب هذا علّه يرعوى, فقال له, يا أبوى إنت عمرك كله راجل محترم من البيت للشغل للبيت, فكيف تعمل كده بعد العمر ده كلّه؟؟ قال ليه, وأنا لو كنت عارف البيرة دى لذيذة كده؟؟ حرّم ما كان فطيت فرِد يوم.
و يا مولانا حاجات الكبر بطااااالة و نحن vulnerable و عندنا إستعداد لكل الإدمانات, خصوصاً الما يتسماش داك, مقطوع الطارى الحب . الله يسترنا غايتو, مش من الحب.. من إكتشاف (العدو) للأمر. خد ساتر
دمت

استاذى ابوبكر سيد احمد

شكرا عزيزى على غزير المعلومات التى امطرتنا بها
بس انا عجبتنى جملة لمدة 27 سنة..فقلت هذا الرجل اكيد يعرف تاريخ هذا الرعاف التكنلوجى
فقلت ارمى حجرا فى بركتك الساكنة...شكرا عزيزى
ولك خالص ودى

بارك الله فيك ياعبدالله !!
بعد دا دايرين لينا زول يحمل لينا اغنية وردي "حليل الكان بيهدي الغير صبح محتار يكوس هداي" أو كما قال !!

هو كما ادمان صحي الواحد يصحي من الصباح من غير ما يتلفت يجري علي الكمبيوتر ويفتحهو

ده شبكة شنو دي
ناس المكاتب مفروض يحتجو لان الاداء ضعف

صباح الخير ياسارة !!

عادل خلّي الكلام الفارغ وجاوب.
اشتريت ل (هبه) الكومبيوتر ولا لسه؟
بعدين في ناس راجينك (بهناك). قسما عظما لو كان الزول داك قبضوه في بيتك بعد أحداث سبتمبر كان هسه ليك 10 سنوات في غوانتا أي حاجه.
تحذير: ما تباري أبوبكر ده ، بيدخل الشبكه من أي حته وبيضهبك والشافك تغني مع الكاشف (ياعيوني ايه الكان هداك تشتاقي لى شوفت المنام ) ما كضّب.
عادل...... اتخارج بي راسمالك.

Quote: ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى 1-التجاهل 2- التجاهل 3- التجاهل

.........................................

ودة الجنن عبد القادر
الله يشفيك ..... ودعواتك لي أنا كمان

Quote: الرواد الوضعوا الساس !! الخلوة الاسفيرية تعريفها اسفيريآ شنو ؟! المسنجر مثالآ !! مع حبي للجميع !! عادل

مع اني ما منهم..
لكن أحب أن أتي وبعمامة..

"شـرعية وموثقة"

الليـلة وأنا ملي!

مني

Quote: "شـرعية وموثقة"

"معآ نحو مخارجة مستدامة" !!
"الحرية لنا ولسوانا"
عادل

يا مولانا...

الحل انك تتخيل انه البورد ده زي بيتك ..

والناس الفيهو ديل ناس بيتكم ..وجيرانك واصحابك وكده..

وانهم ما ماشيين اي حته..بكبسة زر بتلقاهم...

لو اقتنعت بالكلام ده حتبتدي تمل من البورد

وانا لو من مرتك ولا بشتغل بالموضوع شغلة..

لانه الممنوع مرغوب..

Quote: وانا لو من مرتك ولا بشتغل بالموضوع شغلة.. لانه الممنوع مرغوب..

أنا مقتنع يادكتورة ، البيقنع الديك منو ؟!

Quote: لو اقتنعت بالكلام ده حتبتدي تمل من البورد

انا باحتاج لوصفة سحرية عشان أمل البورد ؟؟!!

المرتضي

Quote: عادل...... اتخارج بي راسمالك.

وين يروح ؟؟ ما مني وصلت ؟
انت وكت جيت سمانا سابح ما عادل كان واقف في القيف يعاين بعدين نط دخل ليه ما اشرت ليهو الوكت داك يرجع .. دحين متل ما فصلت ليهو امس رجعة ما في .. دي لا فيها استئناف ولا تمييز غير قابلة للنقض ... شفت كيف..

"الماعندو كبير يشوف ليه كبير"
يااخوانا ياأبوبكر ، داير لي زول يشوف لي شيخ طريقة اسفيرية كارب كدة اتبعه !! انا شاعر اني حأضيع شمار في سيرفر !!
عادل

عادل

الشيوخ كتار..
...
* لو بقيت غرقان
قول ..يا
سجيمان..صاحب الديوان
......
* اذا حمى الدواسى
قول يا اساسى...
يساعدك شلوت و بالراسى..

* لو كايس محنة
قول بدر الدين شنا
بسقيك بالكوب والشنا

* اذا كتر عليك النفر
وهاجموك بالعصر..
قول ياالملا عمر
بجيك راكب مهر..

* اذا عاوز تقرض الضاد
قول يالخواض


تانى اذكر المهمة وانا
برشدك على الشيخ الكارب

خالص حبى لك

كدة تمام ياشيخنا abuguta ! ماقصرت تب !

Quote: انا زول منتديات من سنة,2000.عضو فى اكثر من 20 منتدى..عضو فى سودانيز من سنة 2003 ..قاعد احوم كل هذه المنتديات..واشارك فيها ..مشرف على بعضها..وصاحب منتدى منطقة ابقوتة...

يااخوانا كان كدي abuguta دا ممكن يعرس ليه كم مرة ؟؟!!!
عيني باااااردة !!
الله يديك الصحة والعافية !

Quote: يااخوانا ياأبوبكر ، داير لي زول يشوف لي شيخ طريقة اسفيرية كارب كدة اتبعه !! انا شاعر اني حأضيع شمار في سيرفر !!

الحوليات كتار وشيوخ الزمن دييل صغار و مرفهيين وبركبو همر مش زي شيوخنا زمان؟؟-؟
ولدنا احمد دة - ابوقوته - شيخا ماكن وحجباتو فيها الشفا اتلمو علي حوليتو والله حي..

يامولانا.. شايف الراكوبة الاسايبريا دي ( وفقا للزمان والمكان) والكرسي الفاضي والتكالة بتاعة الرجليين .. ده هو مكان ناس الاسفيير بتاعيين المعاشات ,, الجهاز التاني للاحتياط .. القعدة هنا هي في كل الساعات التي لا نوم فيها ومع تقدم العمر فساعات النوم هي 11% والشغل في حالتنا 64% والباقي ياها القعدة هنا الا في ايام العطلات فاطرح ساعات العمل واضفها الي الباقي ...
شفت كيف .. القعدة دي في المكان دة بالظبط 11 سنة وفي مكان سابق لمدة 9 سنوات والقبليها 4 والقبليها5 كانت راكوبة زيها تغيرت الاشياء وققا للمساحة ...

تمنياتنا لك باقامة مستدامة زي حالتنا ...

عادل اخوى
الموت من ضمن الجماعة عرس. وقعت بالصدفة فى بوستك ده وقررت انقل ليك كلام كتبته فى سودانيات زمان واتبعت نصايحى فيه وهسه بقيت أغيب بالأيام وللغياب فوائد.

Quote: والإدمان عادة يتشبث بها الإنسان حتى تصبح مرضا مخيفا لا حواف ولا حدود له. أصدقكم القول أن هذه ليست حالة الإدمان الأولى فمنذ تعلمت القراءة والكتابة أصبت بحالة إدمان لم تفارقنى. ولكنها كانت حالة مفيدة فى حالات كثيرة. نعم كنت أهرب إليها للتخلص من الحزن والقلق والغم السياسى وحتى حالات الفرح. مفيدة فى قطع الزهج المصاحب للإنتظار فى عيادة الطبيبة أو تلك المطارات شديدة الإضاءة والبرودة. أتناول جرعة من أى نوع تابلويد لزوم قطع الوقت أو منصور خالد لزوم وضع الأمور فى نصابها أو ديوان شعر لزوم فقدان الإحساس بأن هناك وقت قصدت قتله. وأجمل إشباع حالات الإدمان هى تلك التى تأتى بنتائج غير متوقعة مثل العثور على شاعر أو كاتب جديد يقنعنى بان حواء ما زالت تلد. غنى عن الذكر أن تجربة الإدمان الاولى والتى لا أنوى الإستشفاء منها كانت القراءة (آسفة لتخييب أمل الشماراتية ويمكنهم التوقف عن القراءة هنا) أدمنت حتى بطلت الأكل أحياناً لأنتهى من قراءة إعلان وظيفة للرجال فقط أو لجمع تلك الأخطاء أو الصياغات الغريبة أو لأن أحد أولئك العباقرة قد اتى بما لم تستطعه الأوائل. قادنى داء القراءة إلى البوردات فدخلتها ومكثت فيها حتى كدت أن اتقدم بطلب لاكتساب الجنسية البوردابية. ثم هدمت البوردات مناعتى فاكتسبت جرثومة الكتابة. والبورد مرآة تعكس صورتنا كمجتمع واحببت فيها ذلك إلى درجة أن انبريت لكل من يعين نفسه ألفة ويطلب من الجميع السكوت والأدب أن يطلع منها ويسيبها تعمر. وفى النهاية وجدت نفسى مدمنة بوردات. أصحو من الدغش وأول ما أفعله هو التوجه إلى الكمبيوتر ثم فتح شباكين two windows على الشاشة لأضع عليها بوردين حتة واحدة. أقرأ الأخبار العجيبة الناتجة عن أفعال وأقوال قادة أعجب منها. أشاوس دارفوريجتمعون ويتفرقون يوقعون ويخرخرون وعناوين مثل حركة تحرير السودان تجمد إتفاقية أبوجا الهزيلة ..... تصرخ فينا لنقول نعم. ما لهؤلاء القوم يتزاوغون من مسئولياتهم بعد أن حرقوا الاخضر واليابس. تقول لى حماس يا عجب الفيا الفرجة العندنا شوية؟ وليت الأمر وقف عند فقع المرارة هذا. تطور أمر الإدمان على البورد حتى غلبتنى القراية ود عثمان نزل بوست بعنوان ياااا ضنين الوعد..!!! فقرأت يا اضنين الوعد واستغربت يا اخوانا الوعد عنده اضنين واللا المقصود اضنين الوغد؟ على كل حال هى ليست المرة الاولى لهذه ال Myopia وعرفت عندها ان لابد من علاج لادمان البورد وإلا رحت فى حق الله واصبحت بوردابية. وبدأ العلاج كالاتى: 1- الابتعاد عن البوستات الجذابة 2- الصوم عن فاقعات المرارة 3- التوقف عن الرد مهما كان الموضوع وحتى لو تسببت فى فتحه أعانى اليوم من ال withdrawal symptoms ولكن أحسن الليلة من باكر عند هبوط المشاغل فتتنازعنى بوستات البورد وأوراق الإمتحانات. ملحوظة: لستة العلاج أعلاه غير كاملة من أرادها كاملة فليدفع.

العزيزة جدآ أسماء !
الحمدالله بديت أخت الرحمن في قلبي ! أنا مابراي !!

Quote: ملحوظة: لستة العلاج أعلاه غير كاملة من أرادها كاملة فليدفع

معقول حتشيلي مني انا قروش ياأسماء ؟! أنا أخوك وزميلك وصاحبك... ؟!
بالمناسبة ياناس الحوش أسماء دي طابور خامس ، صاحبة مرتي !! أعملوا حسابكم منها !!

Quote: ملحوظة: لستة العلاج أعلاه غير كاملة من أرادها كاملة فليدفع.

يااسماء الحالات دي ما بتاعة حكما دي بتاعة فكي وعلاج بدييل ؟ شوفي ليكي علاج بدييل للمولانات لانو بسرعة بتظهر عندهم anti bodies ما بينفع معاها اي علاج ...

عشان تعرفو يا جماعة إنو الناس البره ديل ناس (مرطبين) أصلو ما (هببو) ليا كلامى عن (خربان الميزانية) ولا (واسونى) ولا قالو ليا والله يا (جبر)ا مشكلتك عويصة وعاوزة ليها حل .. بس كلامم ومشكلتهم كلها فى كان (الولية زعلت من قعادى الكتير) !! و بناء العلاقات مع (الجكس الأسفسرى) والشنو ما بعرف داك !!هم شغالين (نت)ساكت ونحنا فى (السخانه) دى شغالين (نت) حسر و(نت)دافر و(نت)سلف وبمناسبة نتسلف دى أنا عاوز أعمل ليا (صندوق) وأشيل الصرفة الأولى عشان أدفع لى ناس (التلفونات) ديل لكن (تمسكو) ليا (منى) عشان ح يكون (بالإسترلينى) !!!!!!!!!!!!!!!!!!!!!

Quote: عك تقول ليا أنا دفعتهم يا أخى أنا ولدى الكبير فى (الروضة) وإنت عارف !!

اخوي الفاتح ( والاسم ليهو رنة لانو اخوي شقيقي اسمو الفاتح ) ناس دفعتي كلهم اولادهم الكبار في الروضة غيري انا المعا اولادهم الكبار سوي سوي ....
شفت كيف ...

مودتي

ابوبكر

حاشية : انت بالله من زمن المين فيريم والكوبول وانا قايلك شايب ...

Quote: اخوي الفاتح ( والاسم ليهو رنة لانو اخوي شقيقي اسمو الفاتح ) ناس دفعتي كلهم اولادهم الكبار في الروضة غيري انا المعا اولادهم الكبار سوي سوي .... شفت كيف ...

يا أبوبكر يا خوى إنتو الناس البديتو الحكاية دى وخليتو ناس (مولانا) ديل (يتجرسو) جنس (الجرسة) دى ... بالمناسبة إنت تكون دفعة أخونا (السنى) الله يرحمو...... تقول ليا شنو وشنو وشنو!!!!

hey its hiba bit adil samir
i wanted to thank you all for your support and im still relying on you 3ashan tashofo lei 7al lil mawdou3 da, i still didnt get my own computer and he is still alwayz online!

Quote: i still didnt get my own computer and he is still alwayz online

He is taking advantage of his status as a father as such the only way is to charge him USD $100 / 30 mins for using your Computer PLUS service charges... I know some friend lawyers who shall be more than happy to present your case to the nearest court if he declines paying the charges..By now and for today only he has to pay USD $ 2640( for 12hrs. * Plus 10 % service charges..
You have my full support..You must fight for your rights!!
We are here to campign and rally to support...

Forward ever by any means necessary

cc: AI
HRW

..

طولنا من المسيرات والمظاهرات .. الي الامام ياشباب

Quote: طولنا من المسيرات والمظاهرات .. الي الامام ياشباب

ذكرتني بالجد بالمظاهرات أبوبكر !

Haboya
the best thing is that you come early and take the computer and start working
and do not give him the chance to use it , or if he want to work in the computer he can buy a new one for you
I think this will be the best for you

Don't give up Hiba insist in the computer or buying a new one

Quote: (الولية زعلت من قعادى الكتير) !! و بناء العلاقات مع (الجكس الأسفسرى) والشنو ما بعرف داك !!هم شغالين (نت)ساكت ونحنا فى (السخانه) دى شغالين (نت) حسر و(نت)دافر

ما عندنا ولية تزعل اصلو بنتراسل بالايميل انا من مجلسي وهي من مجلسها والبيت هنا هوت زوون ( يعني الارسال ويرلس تتصل من اي بكان داخل البيت دون اسلاك ... شفت كيف ؟)...السخانة دي شنو ؟؟ اوع تكون اكلة جديدة ما وريتونا ليها ياغشاشيين ؟؟
صندوق شنو ؟ الانترنت ما بيجي في صندوق اصلو جنازة ؟؟
ناضمنا بلغة نفهمها في السايبريا نحن نضممي الارض دة ما بنفهمو ....

Quote: ناضمنا بلغة نفهمها في السايبريا نحن نضممي الارض دة ما بنفهمو ....

القال ليك يا(أبوبكر) نحنا عايشين فى (كوكب الأرض) منو ؟؟ نحنا يا سيدى الله لا وراك عايشيتن فى كوكب (الإنجاز) !!! ما شايف عاوزين نعمل لينا (صندوق) ونشيل (الصرفة) الأولى عشان نسدد (فاتورة التلفون)؟؟؟ هسع فى زول فى (كوكبكم) وإلا فى (كوكب الأرض) بيكون حالو (مبشتن) جنس (البشتنه) دى يا بتاعين ال wireless إنتو !!!!

مولانا عادل سمير هنا بى قدره جلاله
معليش يا مولانا ما رحبنا بيك بما يليق بى مكانك

وانا بقول ليك اصلو ما تطلع من المنبر
وامسك القلم وشخبت اى حاجه ونحنه بنقرا ونشجع
اما المدام برضو دخله معاك واعمل ليها باسبوورد برضو
عندك عدد من الامثله هنا
كم واحد من الاعضاء بيخش هو وزوجتى
فى واحدين كانو بيخشو حتى ايام شهر العسل
وفى واحد خته صورتو وصورتا فى صوره واحده
انته بس جرب وحتحس بالفرق وترتاح

ابنك

يوسف على يوسف الولى
( ركز شويه فى الاسم وحتتزكرنى )

بتزول

يا عادل ادمان الكمبيوتر زى ادمان السجائر ولازم يكون عندك ارادة قوية عشان تتخلص من ادمان الكمبيوتر وعشان كه انصحك يكون عندك كمبيوتر واحد بس فى البيت لاستخدام كل اهل منزلك و يكون نصيبك 4 ساعات فقط
السر عبدالله

Quote: يا عادل ادمان الكمبيوتر زى ادمان السجائر

السر أخوي !
وأنا العمري ماشربت سجاير في حياتي تكون دي آخرتي ؟!!
لك التقدير أو زي مابقول أبو الحسين "قواسيب محبتي" !! ماعارف قواسيب دي شنو لكن عجبتني !!
العلامة ابوبكر..ينظر وأفاد !!

Quote: بتزول

ماأظن يا ensana !
بالشايفه دا ، القصة بتمشي للأسوأ !! وهاكي أبوقوتة مثال واحد بس !!

Quote: انا زول منتديات من سنة,2000.عضو فى اكثر من 20 منتدى..عضو فى سودانيز من سنة 2003 ..قاعد احوم كل هذه المنتديات..واشارك فيها ..مشرف على بعضها..وصاحب منتدى منطقة ابقوتة...

دا بيسموه عندنا في القانون سبق الإصرار والترصد !!
إنشاء الله يزول !!

سلام كتييير يايوسف ، إن شاء الله تكون بخير ! وشكر جزيلآ على الترحيب وعلى نصائحك الغالية !!

Quote: فى واحدين كانو بيخشو حتى ايام شهر العسل

ديل ماعندهم سالفة !!

Quote: القال ليك يا(أبوبكر) نحنا عايشين فى (كوكب الأرض) منو ؟؟ نحنا يا سيدى الله لا وراك عايشيتن فى كوكب (الإنجاز) !!! ما شايف عاوزين نعمل لينا (صندوق) ونشيل (الصرفة) الأولى عشان نسدد (فاتورة التلفون)؟؟؟ هسع فى زول فى (كوكبكم) وإلا فى (كوكب الأرض) بيكون حالو (مبشتن) جنس (البشتنه) دى يا بتاعين ال wireless إنتو !!!!

الفاتح اخوي كوكبنا عشان تشتغل وتخد ماهية لازم تقابل شاشات الكمبيوتر وكل المعاملات والاوامر والارشادات والاجتماعات والحسابات ومشاكل العملاء باشكالها المختلفة كلها من خلال شبكات خاصة وعامة وبالتالس الواحد فينا ما بقابل بشر كتير وجها لوح ولازم يتابع الشاشات حتي في العطلات لانو حكاية فروق الوقت ديه اطراف كثيرة لا تهتم بها وكل واحد بيشوتها من ميدانو للاخر والجالس عند ساحة العمل هو التعبان فلذا بين بين تجد امثالي متواجدون في منابر كهذه فالشاشة اصلها زي الساقية مدورة ليل نهار ...والحساب يجمع ...
مستعد اوفر لك انترنيت فري راوند ذي كلوك بس هنا مكان ما انا عايش ..
انا دخلت جامعة الخرطوم 1967 وتخرجت 1973 يعني من الشواب ... ختيرنا

مولانا الرائع عادل سمير

أولاً عايز أقول ليك إني سبقتك بأيام قلائل كنت قبلها مدمن مراقبة قبل التسجيل.

ما أثرته مشكلة حقيقية .. أحاول الإلتفاف عليها بما لهذا البورد من فوائد
جمة جعلتنا نسكت على المصيبة التي أوقعنا فيها "بكري أبوبكر".
مثال هذه الفوائد أني ((ومتأكد أنه حال الجميع هنا)) قد التقيت بأناس
ظننت أن الزمن قد فرقني عنهم إلى غير رجعة. وبالمناسبة دي فأنا أعرف "عادل سمير"
الطالب بالخرطوم الثانوية (القديمة) والذي كان يتقدمني بدفعة، وأعرفه خلال أصدقائة
في بري .. قبل أن ألتقي الأخوان محمد المرتضى والشيخ قريب الله ويحدثوني عنه.

زي ما قلت إبتليت قبلك بدخول هذا العالم ... ولو حبيت أختصر
فأقول "دخول الحمام مش زي خروجه" كما يقول أخوانا المصاروة

الأستاذ عادل سمير

في البداية مرحب بيك في هذا الوطن الاسفيري (اسم الدلع للمنبر)، ووالله انت باين عليك شديد، فالسؤال دا نحن سالناه لنفسنا بعد ما فات فينا الفوات، وبالمناسبة ما تفرح فأنت أيضا فات فيك فيك الفوات، وهذا ادمان لا علاج منو، الا القبر، يعني لا بتنفع فيهو ارادة ولا أنتي بايوتيك، وأنا متأكد حتى الناس الانسحبوا، فقد توقفوا من الكتابة إلا أنهم لم ولن يتوقفوا من المتاوقة والقراية بالشبابيك، يعني كل ما تشوف عدد الزوار كبير، تأكد ديل 90% منهم لأعضاء حردانين.

فعفوا يا أستاذ -ونصيحة من واحد من الحرس القديم- ودي ساهل تعرفها من تاريخ الانضمام المكتوب في أسفل صورة العضو، يعني أنا وصديقنا تمبس دا أولاد حجة أقصد بوست واحد وهناك كثر.....وأنا حاولت كثيرا الاقلاع دون جدوى، وكل القدرت عليهو انو أشركت المدام "أبنوسة"، فأنتقلت لها العدوى ولو ما حاشوها بالبوليس "ظروف العمل"، كان لا هسع تلقى شكلتنا مدورة في زح لي من الكمبيوتر، ولي تكتب في بوستي، وخاصة انو كتير ما كنا ننسى تعمل log out، فتلقى نفسك نزلت بوست باسمها والعكس صحيح.

وكان يا اخوي بوستاتتك لذيذة كدة، فما أظن في زول حيجيب ليك عرق "كره" للسايبر،
بس كان د.المعز دا قعد واكتشف لينا دوا لهذا الادمان، أنا عايزوا حصريا عشان أسقيهوا لبعض الأعضاء هنا، أخليهم يزازوا بي برة بس.

وبعدين تعال للدوحة، عشان تحس الاحساس القالوا ليك الجماعة ديل فوق، لما تلاقي ليك بوردابي...وخاصة لما يكون من بورداب الدوحة....وديل جرعة المحبة عندهم زايدة.

Quote: أشركت المدام "أبنوسة"

الاخ nadus2000 !
أول الإسم دا من شنو ؟!
تاني شكرآ على نصائحك المهببة البتودي في ستين داهية دي !! انا شاعر بإحساس نبيل إنو دي حتكون ميتة وخراب ديار !!

Quote: "عرق كره للسايبر"

مدد ياشيوخ السايبر !!

لك قواسيب مودتي !!
عادل سمير

Quote: "دخول الحمام مش زي خروجه"

العزيز محمد !
أنا غايتو لو رفدوني..
والمرة طلقتني..
ذنبي في رقبتكم !!
تحياتي وأشواقي ..
عادل سمير

مولانا..
أوعك تسمع كلام نادوس و تخلي المدام تشترك هنا..عارف ليه؟

أول ما إشتركت كان زوجى المصون يتابع ما أكتبه و يُثني و يُبدى إعجابه بكل كتاباتي..
بعد شوية إبتدأ ينقنق..
فلان ده قال ليك رائعة..لزومو شنو؟
فلان ده حايم في بوستك..قصدو شنو؟
فلان ده ما قلت ليك ما أشوفك حايمة جنب بوستو!!!
و كدا.

قلت ليهو يا ممكوني...العلاقات الإسفيرية دي وهمية..والكلام ده نصو و أحياناً كلو مجاملة و كان ما مصدقني إشترك إنتَ زاتَك.
أها قام الزول إشترك معاي في إحدى القرى المجاورة...و ممكوني - صلاة النبي فوقو - حالم و شاعر و كلامو زي العسل.
بقت بوستاتو كلها جكس..و كلها شوق و هيام و كسٌير عجيب. و ممكوني في حالة فرح و نشوة طوال اليوم....و الخشم من الأضان للأضان!!
قال لي و الله يا دوبي يا ممكونة إقتنعت بكلامك..فعلاً دي مجاملات و علاقات وهمية!!!


حسي البيقنعني أنا شنو؟؟!!!

Quote: قال لي و الله يا دوبي يا ممكونة إقتنعت بكلامك..فعلاً دي مجاملات و علاقات وهمية!!!

مبالغة ياممكونة (من غير رائعة بعدين تودونا في داهية) !!
أنا كت حاسي انو الضحك حيشرطني !!
نادوس دا شكله حاقد !!
قٌواسيب حبي !! (أنا ماعارف قواسيب دي تقوم تطلع قلة أدب والا حاجة ، أبو الحسين قاعد يكتبها وعاجباني !!
عادل

شيخي ابو قوتة..ِ
امبارح بوستاتي الخايف عليها طارت فجأة !!
مدد..
انا حاسي انو دا "عمل" اسفيري !
وقال شنو بس بوستات شهر عشرة ! وأنا اشتركت شهر عشرة !! يعني تاريخي الاسفيري كله ضاع !!
بركاتك ياشيخنا !!

Quote: العزيز محمد ! أنا غايتو لو رفدوني.. والمرة طلقتني.. ذنبي في رقبتكم !! تحياتي وأشواقي .. عادل سمير

دى يا مولانا مشكلتنا بقينا مدمنييييييين للمنبر ده لحدى وصمنا بالموظفين المثاليين اللازمين اماكنهم.

Quote: العزيز محمد ! أنا غايتو لو رفدوني.. والمرة طلقتني.. ذنبي في رقبتكم !! تحياتي وأشواقي .. عادل سمير

دى يا مولانا مشكلتنا بقينا مدمنييييييين للمنبر ده لحدى وصمنا بالموظفين المثاليين اللازمين اماكنهم.

يامولانا

Quote: أنا غايتو لو رفدوني.. والمرة طلقتني.. ذنبي في رقبتكم !! تحياتي وأشواقي ..

اها يوميين خليناك تتفسح ورجعنا لقيناك مجقلب وخايف من الخلع والطلاق ..انت وكت الحكاية صعبة شن بيجيبك عندنا في السايبريا .. انتو في المحاكم ما بترحمو والواحد لوقال ما كان عارف القانون تقولو ده ما سبب والقانون ما بيحميك من البطيخ يطلع ابيض والا احمر ... اها بطيخنا الاسفيري بمبي وعاجبنا وشركاؤنا الفاضلات زوجاتنا اخر انبساط بالبمبي الما بخلينا نطلع بر البيت ولا نتاوق من الشبابيك ولا البلكونات نطالع الماشات ... اقنع بما كتبه الله عليك وانها اقدار وخطا مشيتها كتبت عليك ..
ويا ساتر..استعين بصديق ..

Quote: انتو في المحاكم ما بترحمو والواحد لوقال ما كان عارف القانون تقولو ده ما سبب والقانون ما بيحميك من البطيخ يطلع ابيض والا احمر

صحي والله التسوي كريت.. تلقاه في السايبريا !!

Quote: دى يا مولانا مشكلتنا بقينا مدمنييييييين للمنبر ده لحدى وصمنا بالموظفين المثاليين اللازمين اماكنهم.

يالطيب ايه التخلف دة.. انت لازم تكون قاعد وملازم المكتب" وتسيرف ذا نت" ؟؟ما شفت القيزموز والقادكيتس والكوميونيكترز والفويز ركوقنيشن وحتي البي اس بيplaystation portable بتاع الاطغال الفيه ويرلس wifi.. خليك مع بتاع كريت الماسمع بدوللي. انتو مولانات حكايتكم شنو والتخلف الاسفيري ..؟ ما عرفتو انو في البكان الانا فيه المحاكمات اونلاين ( دة كلام جد)...ما تقول لسه بتليسو الجرجار الاسود المفتوح وتشسلو شنطة سودا ( اصلو بتختو فيها شنو ).. زمان بعيد وانا في حوش وزارة من الوزارتات السيادية لقيت كما ترباس داخل وشايل شنطة سامسونايت رفيعة ( الزمن داك كانت من معالم الحداثة) وكنت مستغرب كيف قدر يدخل البنقز والطبلة في الشنطة ديك ...؟؟؟
عجبي

Quote: ما عرفتو انو في البكان الانا فيه المحاكمات اونلاين ( دة كلام جد)

طيب يا أبوبكر السجن كيف ووين ؟؟!!

Quote: ما تقول لسه بتليسو الجرجار الاسود المفتوح

دي إهاااانة محكمة عدييييييييل ، وحندفعك التمن غالي !!

Quote: ؟؟ما شفت القيزموز والقادكيتس والكوميونيكترز والفويز ركوقنيشن وحتي البي اس بيplaystation portable بتاع الاطغال الفيه ويرلس wifi

Quote: ك

يعني حسه ال Update (البتسويه دوللي.....)

Quote: شيخي ابو قوتة..ِ امبارح بوستاتي الخايف عليها طارت فجأة !! مدد..

مولانا
عادل

ياخوى بوستاتك دى بكون شالهم عفريت
زورهم الوادى ..لكن لقاهم كويسات
الوادى دا يسمى الخور...لو مشيت هناك
بصيبك زكام..

لكن نصحتى ليك باقى الشهر دا والبعدو لو عندك بوستات جميلة صبنها للسنة الجديدة
عشان لو نزلتها الان بعد 1/1/2007 بتمشى الارشيف
والارشيف دا زى ارشيف ناس الاحصاء لو كان عندك شهادة ميلاد مفقودة
الا يطلعوك من مواليد 1/1 ..
لكن فى ناس متمقدرين بوستاتهم عملو ليها مكاتب..والمكتبة دى بكون مرسوص فيها
بوستاتك القديمة لسنين عددا..قافلها ومفتاحك فى جيبك..والمفتاح هو رسوم
مبدئية بدفعها لمالك السرفر..ولو شافك زول كويس مصاقر البورد 24 ساعة بعملها ليك
اكرامية...
شفت كيف المدد دا..

Quote: طيب يا أبوبكر السجن كيف ووين ؟؟!!

ومين قال دة زي بتاعكم .. دة فيهو كومبيوترات للنزلاء و قاعات بيزنيس للنزلاء المعسريين والمسجونيين لقضاياء مالية عشان يتابعو البيزنيس ويحلو ديونهم

Quote: دي إهاااانة محكمة عدييييييييل ، وحندفعك التمن غالي !!

نتقابل في المحكة عشان تشوف البرابرة يعملو فيكم كلكم شنو .. تهينو الرداء القومي بتاع الكنداكات وكمان تشقوه وتستعملوه لا غراض اخري ...وتقول ثمن غالي .. شوف جنيات رماة الحدق بيسو فيكم شنو .. من المحكمة الي التاهييل المهني عدييل ...

أبوبكر !
أنا بجيب ليك القدرك !!

Quote: أبوبكر ! أنا بجيب ليك القدرك !!

انت عايزلك زيارة الي متحف بوسطن