SMS .. رسائل قصيرة .. SMS

خلي بالك مني فيك
ومن قلب خايف عليك
أي سكة تمر بيها
أقرا يس في مشيك



28/9/2006

رب اجعل هذا بلدا آمنا وارزق أهله من الثمرات

مكسب

شكرا مكسب

رسالتك الحلوة وصلت

وح نوصلها لناس تانين

Quote: رسالتك الحلوة وصلت وح نوصلها لناس تانين

الإبتسامة لغة عالمية .. و كذلك الجمال
فجميل هو من يبصره

فلك التحية
و لك الود
و لك الجمال .. انعام
و جهزي الرسائل الفي موبايلك ..
فنحن نحتاجها ..


رب اجعل هذا بلدا آمنا وارزق أهله من الثمرات

مكسب

و احتجت أن ألقاك
حين تربع الشوق المسافر
و استراح ..
و طفقت أبحث عنك
في مدن المنافي السافرات
بلا جناح ..
و احتجت صوتك
كالنشيد يهز أشجاني
و يمنحني جواز الإرتياح




6/6/2006

رب اجعل هذا بلدا آمنا وارزق أهله من الثمرات

مكسب

ياسلام لمن اشوفك
وفجأة يخطر لي خاطر
والقى كل الدنياتضحك
واي منظر فيها ساحر00
وفي عيونك واضحه نفسك
وانتجوهر ما مظاهر000


اسماء الأمين

منو القال
انو الشمس لمن تغيب
تقصد تجافي
و انو الحبايب
لما تغشاهم سحابة
فرقة .. تبقى
الفرحة مافي
اصلو الشمس بتغيب
عشان من تاني
تشرق .. و تمنح
الضو للمرافي
و نحن نبض الإلفة
رغم الفرقة في
وجدانا صافي



10/4/2006

رب اجعل هذا بلدا آمنا وارزق أهله من الثمرات

مكسب

ياسلام لمن اشوفك
وفجأة يخطر لي خاطر
والقى كل الدنياتضحك
واي منظر فيها ساحر00
وفي عيونك واضحه نفسك
وانت جوهر ما مظاهر000




جميلة .. يا أسماء
أعدت تنسيقها لتأخذ مكانها الطبيعي
بس يا ريت تلحقينا التاريخ
لك التحايا و التقدير

رب اجعل هذا بلدا آمنا وارزق أهله من الثمرات

مكسب

بتذكرك
كل ما الدموع
تفضح هواي

بتذكرك
وكتين بعيد
اقعد براي

بتذكرك
والذكرى أقرب
من رؤاي

بتذكرك
و الذكرى أقوى
من القدر

بتذكرك
في كل ساعة
و كل لحظة
و يوم يمر

بتذكرك



13/4/2006

رب اجعل هذا بلدا آمنا وارزق أهله من الثمرات

مكسب

القمرة صورةً تشبهك

والشمس تطلع او تغيب تتّبَعك

وانا قلبي تايه من زمان في سكتك

لا حلّ خت رحالو
لا قادر يفوتك يودعك
ماعقلي روّح طار خلاص
من نور عيونك وطلتك

القمرة صورةً
تشبهك

والشمس تطلع
او تغيب
تتّبَعك

وانا قلبي تايه
من زمان
في سكتك

لا حلّ خت رحالو
لا قادر يفوتك
يودعك

ماعقلي روّح
طار خلاص
من نور عيونك
وطلتك



شكرا على هذه الروعة .. مدثر ..
و ياريت تزيدنا من المخصوص

رب اجعل هذا بلدا آمنا وارزق أهله من الثمرات

مكسب

Quote: SMS .. رسائل قصيرة .. SMS

نقـــــرأ ما تكتبــــــون من رسـائلكــم النصيــة القصيـــــرة و لـــــي عـــــودة.

هيثم

أكون كضاب
و اترددت
شان استقبلك
جواي

و لو قاومت
حد السيف
بريقو يلخبط
الهداي

صحيح قبلك
شراع الدهشة
لا صفقو
ولا كان الفرح
وداي

دي حتى الأغنيات
قبلك
حروف أبياتا
كانت ساي



وهذا الإهداء لك هيثم .. من كلمات عبد العزيز العميري .. وننتظر بشوق و ترحاب
مشاركاتك

رب اجعل هذا بلدا آمنا وارزق أهله من الثمرات

مكسب

هناك اصدقـــاء
يستوطنون جنبات
ارواحنا....
يملؤون دنيانا
حبورا وفرحا
ويمطرون علي قلوبنا
السعادة...
وإن فرقتنا عنهم
الدروب
فإنهم سيظلون هنا
في بقعة من الروح
لا يطؤها
النسيــــان


2005


وهي إهـــدا لك ولكل اخواني واحبائي بالبورد

يا نسمة
يا جاية
جاية ..
من الوطن
بتقولي لي
أيام زمان
ما برجعن
باكر
برجعني الشجن
واتهنا بيك
طول الزمن

يا نسمة



عجاج .. شكرا على الإهداء الراقي .. يا بت يا ذوق

رب اجعل هذا بلدا آمنا وارزق أهله من الثمرات

مكسب

yor voice balance is 0
will expirt in 0 day
. plz recharge

ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى

1-التجاهل
2- التجاهل
3- التجاهل

for all posts written by ingaz gang
members in this board

for all who are supporting the ingaz gang mafia islamaist theives
dr mustafa mahm

من ورشة الحياة أهدي ليك رفرف زكريات
وعادم أشواق وتنك محبه وصامولة احترام
واستارتر وفاء وبطارية معزه وكربريتر صفاء
وشنبر عشم ولديتر اخلاص وكتاوت مودة
والشوق يا عسسسسسسسسل بوري معللق

المنطقة الصناعية صيف 2006

من ورشة الحياة أهدي ليك رفرف زكريات
وعادم أشواق وتنك محبه وصامولة احترام
واستارتر وفاء وبطارية معزه وكربريتر صفاء
وشنبر عشم ولديتر اخلاص وكتاوت مودة
والشوق يا عسسسسسسسسل بوري معللق



المنطقة الصناعية صيف 2006

الأخ الفاضل .. محمد عبدالله هارون .. كيفتني شديد.. عشان كدة دخلناها
ورشة التحسينات الصورية

رب اجعل هذا بلدا آمنا وارزق أهله من الثمرات

مكسب

Quote: ورشة التحسينات الصورية

Quote: والشوق يا عسسسسسسسسل بوري معللق

السطر دا مبالغه ،،


شكرا مكسب

يجيك من طرف الكلام
شايل معاي حبة ملام
و سلام سنة ..
و شوقا بنى
فوق الضلوع ..
و عتاب محنة
و طنطنة
سائل أنا
ليه الجفا
و عدم السلام
و الصهينة !؟




19/9/2006

و الشوق بوري معلق .. ها ها ها .. شكرا يا ود هارون

رب اجعل هذا بلدا آمنا وارزق أهله من الثمرات

مكسب

Quote: وهذا الإهداء لك هيثم .. من كلمات عبد العزيز العميري .. وننتظر بشوق و ترحاب مشاركاتك

عـدنــا....
شكــرا كتييير يا مكســب و هذا عذب الكـلام لشخصــك و لزوار بوستـك الظريف


يا زهرة الليلاك *** يا أقصوصـة المــاضـــــي
*******
الذي أحيـاك يا أسطــــورة
*******
أهــواك
*******
لا أسـلاك
*******
لن أنســاك
*******
بل أنسى ليالي ******* الــبؤس عنــد لقــــــاك

***************************

سـوف أعـــود إذا بقينـا من اهـل الدنيـا

هيثـــم

when it rains
you do not see the sun
but it is there
hope we can be like that
we do not always see each other
but we will always be there
for each other

6\7\2006

اسماء الأمين

تحياتي كلام طفلين
يلموا الرملة فوق
الطين
كتاب عنوانو
مشتاقين
وضحكة زول زيك
لطيف و حنين




7/4/2006

عد يا هيثم .. لتضع بصمتك المميزة في هذا المكان .. لم أنسق من جديد ما أجدت فيه التنسيق
و لكن ما رأيك لو وهبته لون الحب .. تعرف الإبتسامات التي زينت بها ردك .. بقت لي أظرف من الورود .. شكرا لك

رب اجعل هذا بلدا آمنا وارزق أهله من الثمرات

مكسب

Quote: عد يا هيثم .. لتضع بصمتك المميزة في هذا المكان .. لم أنسق من جديد ما أجدت فيه التنسيق

عــدنــا و العــود احمــد بلقيــاكـــم يا مكســـب


لو البعـــد حرمنــــي من لقيــــــــاك

**************************************

ما يقـدر يحرمنــــي مـــــن ذكـــــراك

**************************************

غــالــي .. عنـدي و أوعــــدك ثانية ..

**************************************

مـــــا أنــســـــــاك

**************************************

أغــداً ألقـــاك؟

هيثــــــــــــــــــــــم،،،،،

وجيت شايل معاي الشوق
وحبة ذكرى.. في الخاطر
وادسدس في جيوبي هواي
ولهفة.. بتبقى لي باكر
عشان عارف الزمن غدار
وعارفك ...انت لي فاكر
بسافر بيكا.. في روحي
وعشانك.. برضو بنخاطر


هسّه دي
15.11.2006

شقّا لهات الشوق روح ايدي

وما اتعودتا ادس اللهفه

دفرتا حنين الجوف لي جوه

وقلتا اشوف لي ريدك صرفه

مرقت ريحة الخوف من جلدي

وحكه زفيرا شهيق العرفة

بحصل ايه لو مرة سقيتك

من جواي واخترتك حرفة؟


عبدالله وداعه
16.07.2006

If one day you feel like crying...
Call me.
I don't promise that I will make you laugh,
But I can cry with you.

If one day you want to run away...
Don't be afraid to call me.
I don't promise to ask you to stop,
But I can run with you.

If one day you don't want to listen to anyone...
Call me.
I promise to be there for you,
And I promise to be very quiet.

But if one day you call...
And there is no answer...
Come fast to see me...

Maybe I need you.



و هذه من أجمل المقطوعات التي قرأتها .. تحية لك " أسماء "


رب اجعل هذا بلدا آمنا وارزق أهله من الثمرات

مكسب

It is not important what you say
It is important how to say it

يجيني الماضي
بالماضي

و أشوفك كنت
كيف
بادي

بالشوق الأصلو
ما
بعادي

أعود من تاني أتذكر

أقول أنساك
و عارف
اني ما بقدر

مهما قساك علي
يطول
يزيد شوقي
في هواك
أكتر



عودا جميلا و أنيقا .. هيثم


رب اجعل هذا بلدا آمنا وارزق أهله من الثمرات

مكسب

سالني بعضهم

الى اي مدى تحب من تشتاق اليهم؟!!!

فاجبت ,الى المدى الذي يجعلني

اهديهم احدى عيني معتذرا عن الاخرى

حنى اراهم بها.........


اسماء الأمين



25\8\2006

Quote: عودا جميلا و أنيقا .. هيثم

و الرسـالة لجميع زوار البوست الحلوين من الجنســين

إذا سبقتوني بالمعايدة فهـذا لكــرم أخــلاقــكم و فضــلكم

********************************

و إن ســــــبـقــتـــكم فـــذاك لـمــكــانــتــكم و قــــــــدركم

********************************

لــكم منــــي كـــل الـــود *** و التقــديــر و الإحتــرام

***** و عيـــــــــــدكم مبــــــــــــــارك **********

***************

هيثــم القـــوز

أصلي ما
قادر
أصف
كل الحصل

أصلو الحصل
ما
بتوصف

لا بحرف
و لا
بغنى

غايب
سنة

و في لحظة
بس

ألقاك
هنا

بالله شوف

سمحة الصدف
و حلوة
الظروف



28/3/2006

تعرف المقطوعة التانية قريتها ثلاثة مرات عشان أجيب الوزنة .. و تبينت حقا أنها الأروع ..
شكرا لكل هذا الإبداع يا عبدالله وداعة الأمين .. و نطمع في المزيد


رب اجعل هذا بلدا آمنا وارزق أهله من الثمرات

مكسب

يا جميل يا نور الشقايق
أملا كاسك ..
و اصبر دقايق
قولي كيف أمسيت ؟
دمت رايق
شوفو مجلسك ..
ناقص زول و لا تام



20/4/2004

حقيقي يا عجاج .. هنا تكمن حقيقة العاطفة و الشعور .. التعبير كلمة و أسلوب ..
شكرا للإضاءة

رب اجعل هذا بلدا آمنا وارزق أهله من الثمرات

مكسب

غايب السنين
الليلة
مالو
غنى العصافير
غلبو

طراه زولا
كان
ولوف
كم رضى
خاطرو
و طيبو

سمع قليبو
كلام
حنين
هدهد مشاعرو
و ذوبو

الناس سعيدهم
في الحياة
لا ضاق
فراق
لا
جربو

وأنا حالي
في بعد
الوطن
دفعني ضي
العين
تمن



04/12/2005

مزيدا من التألق .. أسماء

رب اجعل هذا بلدا آمنا وارزق أهله من الثمرات

مكسب

ننساك ..
هو أنت أنت
بتتنسي
ما أنت روحنا
و حبنا
سافرنا في
عينيك
و لسة ..
قلوبنا بيك
متجننة



04/03/2006

الأبتسامة عيد القلوب .. هيثم

رب اجعل هذا بلدا آمنا وارزق أهله من الثمرات

مكسب

العزيز مكـMaxaBــسب

إذا كانت :

Quote: الأبتسامة عيد القلوب

فهل لهذا المغترب نصيب معها... فهاهو تعريف المغترب كما جأتني في رسالة نصية قصيرة .... بس من دون زعل يا مغتربيييييين أو قاعـدين في الســودان...

هو كائن حي محسود ماديـاً
******
مجهول عائليـاً
******
مقهر إعلاميــا
******
مرهق جســديـاً
******
مُـدمــر نفسيــاً
******
محبط عاطفيـاً (DKEEN)ً
******
يتصل شهريــأً
******
مشتت فكريــاً
******
و سيصبــح مختل عقليـاً



هيثم القوز

و الله دي لقطة .. خليتني أضحك و أنا زعلان .. هاهاهاها


رب اجعل هذا بلدا آمنا وارزق أهله من الثمرات

مكسب

سلام وود و تحية و احترام .. أعتذر للإنشغال الشديد .. اعود لاحقا بإذن الله

رب اجعل هذا بلدا آمنا وارزق أهله من الثمرات

مكسب