Post: #1
Title: البانتومايم الزوجي (( مسرحية ممكونية يومية ))..!!
Author: mamkouna
Date: 11-06-2006, 07:10 PM
Parent: #0
البانتومايم فن تمثيلي راقي صامت..يعتمد فيه الممثل على الإشارات و الإيماءات دون الحوجة للغة حوار أو ديالوج.
يعود أصل كلمة بانتومايم الى اللغة الإغريقية، وهي مشتقة من كلمتين: (Panto) وتعني كل شيء و(Mimeomai) وتعني أقلِّد، ومن مجموع هاتين الكلمتين إنبثق مصطلح البانتوميم أو فن التمثيل الإيمائي الذي يعني فن التقليد أو فن المحاكاة لكل ما تحتويه أضرُب الحياة.
|
Post: #2
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-06-2006, 07:13 PM
Parent: #1
الخرس الزوجي هو حالة تنتاب كثير من المتزوجين بعد إنقضاء فترة شهر العسل..و في أحسن الأحوال بعد الأربعين... !!!
و فيها يكون الزوج أو الزوجة (( عشان ما أكون منحازة )) متحدث لبق خارج حدود المنزل لكنه أخرس و أصم و أحياناً أعمى..داخل أسوار المنزل.
مع ظهور الموبايل أو الجوٌال أو المحمول..تكوٌنت أنواع جديدة من حالات الخرس الزوجي. إضطر فيها كل أفراد الأسرة إلى إبتكار إسلوب جديد للتخاطب, و تطورت هذه الإبتكارات حتى أدٌت إلى ما يُعرف ب (( البانتومايم الزوجي )).
|
Post: #3
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-06-2006, 07:15 PM
Parent: #1
المشهد الأول:-
يجي الزوج داخل بيته و في إذنه سماعة الموبايل و هو يتحدث بكل لطف مع صديق. تعترض طريقه الزوجة لتسأله إن كان قد أحضر دواء القُحة لولده المحموم من امبارح ..يرد عليها بإشارة لأ لأ و هو يرمقها شزراً . تبرطم الزوجة متذمرة فيشير بإصبعه إلى فمه ثم إلى الموبايل بغضب ..يعني (( إتكتمي أسكتي ..ما شايفاني بتكلم في الموبايل ؟؟!!)).تتحرك الزوجة بإتجاه المطبخ و تعود بصينية الغداء و تشير بيدها للأكل و هي تبرطم و لسان حالها يقول (( .!!!!...))) أترك لخيالكم العنان..لتخيل البتكون قالتو شنو!!!
يتقافز حوله أطفاله.- بما فيهم أبو حمى داك - يحاول ملاطفتهم و مداعبتهم بينما يصرخ مع محدثه (( و الله يا فضل الله..الشيك ده ما يتغطى...بيني و بينك القانون )). يرتبك الأطفال لكنهم يواصلوا تقافزهم و بعد كده يترصو معاهو حول الصينية و كلما حاول أحدهم الكلام إنتهره والده بنظرة حادة وتشويحة يد ...بينما يواصل الوعيد و التهديد مع محدثه .تتحول المكالمة – فجأة - إلى ونسة فيضحك ل نكتة حكاها مُحدِثه . يتشاكل إتنين من الأولاد مع بعض و يعلو صوتهما ..لا تكفي النظرة الحادة فيعاجل كل منهما ب لبعة في ضهره بينما يواصل الضحك و القرقرة..يبكي الأصغر في صمت و هو يشير – صامتاً – إلى رأسه ثم يد شقيقه..(( يعني فلان ده ضربني في رأسي في الأول)). يتحنفش الأكبر و هو يشير بإصبعه للسماء ثم إلى رأسه..(( يعني و حياة الله هو الضربني في الأول)). تشير الوالدة إليهما مع زمجرة و همهمة و تضع أصبعها في فمها ثم تطرقع أصبعها عدة مرات زي كأنها بتبشر في عريس ..(( يعني خلاص أسكتوا..دايرين تتلبعوا تاني؟؟!!)) يرن صمت مطبق على المكان بينما يواصل الزوج الضحك و القرقرييب.
|
Post: #4
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-06-2006, 07:19 PM
Parent: #1
المشهد الثاني:-
تنتهي المكالمة الطويلة مع إنتهاء الوجبة . يتشعلق كل الأطفال في عنق والدهم بما فيهم أبو قحة و حمى داك. يذكرونه بإنو الليلة الخميس و هو وعدهم يمرقوا يتفسحوا. يرن الموبايل قبل أن يتسنى له الرد على اطفاله...يرد على الموبايل و هو يشير إلى قميصه و يمرر يده على سائر جسده (( يعني أمشوا ألبسوا هدومكم )). ينشغل هو بالمكالمة بينما ترتب أمهم عملية إستحمامهم و إلباسهم . تلتفت إليه و هي توصد أبواب المنزل و تشير إلى محفظتها ثم تضع سبابتيها جنب بعض ثم تشير إلى العربية (( يعني عايزة أودي قروش الصرفَة لأختي ))..يرد ب هزة من رأسه علامة الموافقة. يركبوا العربية. ما زال الأب في حالة كلام بالموبايل و الأطفال في حالة صمت مطبق و الزوجة تتلفت محتارة . تتحرك العربية و تتجه ناحية الحدائق . تشير الزوجة غاضبة و تلوح بيدها ناحية الخلف...(( يعني إنتَ ماشي وين؟ أختي ساكنة في بيت المال )) . لم يفهم ما تقوله فبدأ يلوح بيده (( قلتي شنو ..أنا ما فاهمك )) ما بين إشاراته و إشاراتها...العربية قطعت كوبري شمبات و ضاع مشوار بيت المال...!!!
مافي داعي نحكي أكتر من كده...يتخيل لي الرسالة وصلت.
دخلتوا المسرحية دي قبل كده ؟؟!!!
|
Post: #6
Title: Re: البانتومايم الزوجي (( مسرحية ممكونية يومية ))..!!
Author: تولوس
Date: 11-06-2006, 07:23 PM
Parent: #4
| Quote: دخلتوا المسرحية دي قبل كده ؟؟!!! |
شكرا يا ممكونة يا اختي لهذا السرد الجميل وهو الواقع بعينه
|
Post: #8
Title: Re: البانتومايم الزوجي (( مسرحية ممكونية يومية ))..!!
Author: عبد المطلب خضر عبد المطلب
Date: 11-06-2006, 07:35 PM
Parent: #7
واصلي متابعين
|
Post: #9
Title: Re: البانتومايم الزوجي (( مسرحية ممكونية يومية ))..!!
Author: نجوان
Date: 11-07-2006, 01:09 AM
Parent: #8
صحيح والله.. المضحك والمبكي معا في العيله السودانيه الحديثه..
واصلي..
|
Post: #15
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-08-2006, 03:03 PM
Parent: #9
شُفتي يا نجوان المسرحية دي كيف؟
كان ما يدي واجعاني من البانتومايم اليومي..
كنت كتبت ليكم مشهد تاني!
|
Post: #14
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-08-2006, 01:19 AM
Parent: #8
شكراً يا عبد المطلب على متابعتك..
ننتظر إسهاماتك .
|
Post: #10
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-07-2006, 01:10 AM
Parent: #7
تموضُرختي..
مشكووووورة يا ستي على اللينكات و على المتابعة.
اللنك الأول:
الراجل ده بياكل في تفاحة جد جد و لا لسانو طويل!!!
اللنك التاني:
المسرحية دي إحتاجت لبروفات مكثفة...عمل رهيب جداً جداً.
يللا يا ستي - بما إنك متخصصة مسرح ممكوني و لا ممكوني
عاوزين لينا مشهد سيزيفي بانتومايمي مدنكل!
|
Post: #11
Title: Re: البانتومايم الزوجي (( مسرحية ممكونية يومية ))..!!
Author: Hussein Mallasi
Date: 11-07-2006, 01:27 AM
Parent: #10
أفادنا احد الخبراء بأنه لا يوجد متحدث على الطرف الاخر من الموبايل!
____
|
Post: #19
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-09-2006, 07:55 AM
Parent: #11
أفادتنا إحدى الخبيرات بأنه قد تُوجد (( أُم الأمور )) على الطرف الآخر من الموبايل..!!
__________
|
Post: #12
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-07-2006, 09:28 AM
Parent: #6
| Quote: شكرا يا ممكونة يا اختي لهذا السرد الجميل وهو الواقع بعينه |
شكراً على مرورك يا تولوس..
فعلاً...الحياة مسرح كبير..
و الواقع فيهو مسرحيات عجيبة و غريبة...
لكن البانتومايم ده جديد علينا..
الله يجازي التكنولوجيا!!.
|
Post: #13
Title: Re: البانتومايم الزوجي (( مسرحية ممكونية يومية ))..!!
Author: Dr. Moiz Bakhiet
Date: 11-07-2006, 09:53 AM
Parent: #12
والرابط التحت ده موقعو وين من الإعراب.. 
ليس كل ما يدور في الوريد يا حبيبتي دماء..
بالمناسبة الليلة عيد ميلادها وعيد ميلاد زواجنا ..
والله مشتاقين يا ممكونة
|
Post: #16
Title: Re: البانتومايم الزوجي (( مسرحية ممكونية يومية ))..!!
Author: رشا سالم
Date: 11-08-2006, 04:33 PM
Parent: #13
والله يا ممكونة حيرتونا...
نعرس ولا لا؟
ردي سريع عليك الله عشان ما نجهجه الزول ده..
|
Post: #17
Title: Re: البانتومايم الزوجي (( مسرحية ممكونية يومية ))..!!
Author: محمد المرتضى حامد
Date: 11-08-2006, 05:50 PM
Parent: #16
| Quote: ردي سريع عليك الله عشان ما نجهجه الزول ده |
يعني (ضااااامنه) انو لو في جهجهة فهي (في كل الأحوال) من نصيبه وحده. بالله شوفو.
في طرفه قديمه يا رشا بتقول انو واحد سألوهو عن العزوبية والزواج قال ليهم لما كنت عزّابي كان عندي عشره قمصان و كل قميص فيهو زراره واحده وبعد ما اتزوجت بقى عندي قميص واحد فيهو عشره زراير.
انشغالنا البانتومايمي الماعجب ممكونه ده لأننا بنلهث عشان القميص الفضل لينا ده ماتبقى فيهو زراره واحده.
|
Post: #18
Title: Re: البانتومايم الزوجي (( مسرحية ممكونية يومية ))..!!
Author: الطيب شيقوق
Date: 11-09-2006, 04:34 AM
Parent: #17
| Quote: حالها يقول (( .!!!!...))) أترك لخيالكم العنان..لتخيل البتكون قالتو شنو!!! |
زمان يا ممكونة بتذكر خالتي بتقول لاي واحد فينا يستهبلها ( ده ابو الامور)
دحين زولتك دى بتكون قالتها لزوجها بدون شك .
والله يا ممكونة اختى كلامك بتاع البانتيومايم ده واقع معاش انا ذاتي مسويهو مع بت عمى شامة .
تحياتي
|
Post: #26
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-12-2006, 06:24 AM
Parent: #18
| Quote: والله يا ممكونة اختى كلامك بتاع البانتيومايم ده واقع معاش انا ذاتي مسويهو مع بت عمى شامة |
الإعتراف..سيد الأدلة. !!
--------------------------------
إهداء خاص للأخ محمد المرتضى حامد.
مع تحياتنا للممكونة الصابرة الصامدة.. بت عمنا شامة !!!
|
Post: #25
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-11-2006, 11:10 AM
Parent: #17
محمد المرتضى..
An English professor wrote the words
"Woman without her man is nothing"
on the blackboard and directed his students to punctuate it correctly
The men wrote:
"Woman, without her man, is nothing."
The women wrote:
"Woman! Without her, man is nothing."
إقتنعتَ و لا...أجيك !؟!
|
Post: #20
Title: Re: البانتومايم الزوجي (( مسرحية ممكونية يومية ))..!!
Author: Adel Sameer Tawfiq
Date: 11-09-2006, 01:12 PM
Parent: #16
| Quote: ردي سريع عليك الله عشان ما نجهجه الزول ده.. |
هاااااااااا ، ألعبي غيرها يادكتورة !!
|
Post: #32
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-12-2006, 04:50 PM
Parent: #20
| Quote: هاااااااااا ، ألعبي غيرها يادكتورة !! |
مولانا عادل سمير..
كان الدكتورة دي واحدة من التلاتة بتاعين أول log-in ..
المدام واطاتها أصبحت!!!
|
Post: #34
Title: Re: البانتومايم الزوجي (( مسرحية ممكونية يومية ))..!!
Author: Adel Sameer Tawfiq
Date: 11-13-2006, 04:17 AM
Parent: #32
| Quote: كان الدكتورة دي واحدة من التلاتة بتاعين أول log-in .. |
صااااااح !! عرفتي كيف ؟؟!!
كانت من اوائل المرحبين بي من أول LOG IN !!
أها الاتنين التانين منو ؟؟!!
وفي.....واحدة رابعة !!
ماتشفي !!
|
Post: #38
Title: Re: البانتومايم الزوجي (( مسرحية ممكونية يومية ))..!!
Author: Adel Sameer Tawfiq
Date: 11-13-2006, 08:22 AM
Parent: #34
شوفي جنس الجهجهة و التعديلات دي !!
|
Post: #24
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-11-2006, 09:12 AM
Parent: #16
عرٌسي يا رشا..
ما تجهجهي خلق الله ..
لكن..
بعد تاخدي كورس مُكثَف في ال Galludet* ...!!!
____________________________________
* Gallaudet ..جامعة عالمية للصم و البكم و معاقى السمع
تدٌرس فيها المناهج بالإعتماد على لغة الإشارة أو ال sign language.
|
Post: #23
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-10-2006, 05:05 PM
Parent: #13
بالأكتر يا عزوز..
كل سنة و إنتَ و أم عمر في حالة عشقية (( لا بانتومايمية)) مؤبدة .
كان إنتَ بقيت بانتومايمي....
يخلوا الكلام الحلو ل منو ؟؟؟!!
|
Post: #21
Title: Re: البانتومايم الزوجي (( مسرحية ممكونية يومية ))..!!
Author: abubakr
Date: 11-09-2006, 01:24 PM
Parent: #1
عفوا ياجماعة ...
المسرحية عجب صدج (ده من كلام الاعراب لقطو وانا بتعلم عربي )لكن الزول (الطيب شييقوق) ده خلو يرجع مراحو هنا
رحلة العمر..و مشوار السنين
بشان يخلسنا من مشوارو ورحلتو .. الزوول كاتلنا نضمي كمان تعلمو لغة الاشارة ؟
مودتي
جني رطان ساي
|
Post: #22
Title: Re: البانتومايم الزوجي (( مسرحية ممكونية يومية ))..!!
Author: Ahmed al Qurashi
Date: 11-09-2006, 02:06 PM
Parent: #21
الاخت / ممكونة
شكرا جزيلا لك ونحن فى انتظارك لاكمال المسرحية..
|
Post: #44
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-14-2006, 02:10 AM
Parent: #22
بوجودك إزدان البوست يا دكتور أحمد القرشي..
لكن ما قلت لينا..
إشتركتَ في المسرحية دي قبل كده؟
إذا كانت الإجابة ب نعم...
هل كنت بطل , مُشاهد , مُتابع...أم مجرد كومبارس؟؟!!
إذا كانت الإجابة ب لا..
it is never too late...!
|
Post: #41
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-13-2006, 05:15 PM
Parent: #21
| Quote: قال عرس الكلوركوين قال !! ما سمعتو عرس ارالين ولاريام وكويندكس وكوينرفا |
على أيامنا كان في..
(( عرس الزين))... بس!!!
|
Post: #27
Title: Re: البانتومايم الزوجي (( مسرحية ممكونية يومية ))..!!
Author: Sana Khalid
Date: 11-12-2006, 07:19 AM
Parent: #1
ممكونة , كيفنك يا الحبيبة..
الجامعة القلتيها دي ممكن نقراها .. في السر..
عشان نقدر نتغابى (لزوم المخارجة) وقت اللزوم يعني ؟!
|
Post: #45
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-14-2006, 02:05 PM
Parent: #27
عزيزتي سناء..
مشتاقين ياخ!
يا ستي الجامعة دي نمشي نَدٌرِس فيها...
مُش ندرُس !
---------------------------------------
* تعالي نعمل short courses ..للمبتدئات!
|
Post: #28
Title: Re: البانتومايم الزوجي (( مسرحية ممكونية يومية ))..!!
Author: سجيمان
Date: 11-12-2006, 08:02 AM
Parent: #1
ممكونة ازيك
تقبلي تحيات البانتومانية ام الخير
|
Post: #29
Title: Re: البانتومايم الزوجي (( مسرحية ممكونية يومية ))..!!
Author: رشا سالم
Date: 11-12-2006, 08:23 AM
Parent: #28
هوووي..انا العرس ده صرفت عنه نظر..
الليلة في زول شغال معانا قال لي:
العرس ده زي حبوب الكلوروكوين يصرفوهوا ليك وبالغصب تقرشه!
يعني كمان ما بلع !
ياجماعة والله حالتكم الزوجية دي متاخرة شديد ونحنا خلاص دا طرفنا من العرس!
|
Post: #35
Title: Re: البانتومايم الزوجي (( مسرحية ممكونية يومية ))..!!
Author: Adel Sameer Tawfiq
Date: 11-13-2006, 04:27 AM
Parent: #29
| Quote: هوووي..انا العرس ده صرفت عنه نظر.. |
نحن قبيل شن قلنا ؟؟!! 
|
Post: #50
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-16-2006, 01:55 AM
Parent: #28
إزٌيك إنت يا سجم..جم..
مشتاقين ياخ!
تحياتي و أشواقي لأم الخير و فوفو و أخواتها و حمودي.
و عليك الله ذكرني نمرة التلفون تاني!
|
Post: #30
Title: Re: البانتومايم الزوجي (( مسرحية ممكونية يومية ))..!!
Author: DKEEN
Date: 11-12-2006, 09:07 AM
Parent: #1
ده بوست جميل خالص..
مستمتع جدا..
جدا خالص
وتشكراتي على اليوم السمح الصنعو البوست ده
|
Post: #51
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-16-2006, 01:59 AM
Parent: #30
و..
تشكراتنا لليوم السمح الجابك لينا يا دكين.
شكراً على الإطراء...
جداً خالص!
|
Post: #31
Title: Re: البانتومايم الزوجي (( مسرحية ممكونية يومية ))..!!
Author: Adel Sameer Tawfiq
Date: 11-12-2006, 09:30 AM
Parent: #1
ممكونة الرائعة !
بالله الزمن دا كله أنا بانتومايمي وماعارف ؟!
وبالمناسبة الأعراض دي زادت عندي شدييييييد بعد مادخلت البورد !! وبقيت بانتومايمي عديييييييل كدة !!
|
Post: #52
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-16-2006, 02:07 AM
Parent: #31
مولانا البانتومايمي..
الممكون قال ليك لو ما إتعرفت قصة (( قواسيب )) دي ..
لاقيهو مَشمٌر بره البورد!
|
Post: #56
Title: Re: البانتومايم الزوجي (( مسرحية ممكونية يومية ))..!!
Author: Adel Sameer Tawfiq
Date: 11-16-2006, 04:56 AM
Parent: #52
Quote: الممكون قال ليك لو ما إتعرفت قصة (( قواسيب )) دي ..
لاقيهو مَشمٌر بره البورد ! |
ممكون بي جهة .. وناذر بجهة ! إنشاء الله في ال week end حأشوف الموضوع دا ! عليك الله سبتي لي ممكون دا شوية ، وقولي ليه الزول دا يتيم وأمه متوفية ! وبعدين يااخوانا ناقل الكفر ليس بكافر ، أنا بصراحة شفيت من أبو الحسين قايلو كتاب وفاهم تراهو وداني الآخرة !!
|
Post: #33
Title: Re: البانتومايم الزوجي (( مسرحية ممكونية يومية ))..!!
Author: eyes of liberty
Date: 11-12-2006, 11:14 PM
Parent: #1
يا ممكونه وصابره
الظاهر عليك كملتي كلام ابو الولاد قبل العرس
ننصح بالحب بعد الزواج لمحربة البانتومايم ده
سطر جديد,
شوفتا قبل 9 سنوات فلم صامت لمدة ساعتين اسمو sidewalk stories
حقيقي رهيب..احداث رهيبة و دراما و الكل صامت
انجزاب للآخر لحدي ما تنسي انو الفلم صامت
وفجاءة ينتهي الفلم و تنبعث الموسيقي التصورية ترجعك للواقع
و تفهمك انو كل الفلم دا كان صامت....رهيب جدا
والغريب في الامر انك بعد الفلم تجد نفسك صامت ولا تطيق الكلام و لا تحب تسمع صوت.
الله يوعدنا بحالتك دي و اجد زوجة تجيد وتتفهم فن البانتومايم
تحياتي...وبوستك اكتر من روعه و مثير و مدهش
|
Post: #36
Title: Re: البانتومايم الزوجي (( مسرحية ممكونية يومية ))..!!
Author: رأفت ميلاد
Date: 11-13-2006, 04:35 AM
Parent: #33
سلام يا ممكونة
البانتومايم الزوجى تعبير ما سـليم . السـليم (بانتومايم الزوج) الذى تم إخراسـه تمامآ بالنقة المتواصلة والطلبات والتعليمات اللانهائية . يعنى ده فى حقوق الإنسـان يعرف (بتكميم الأفواه) ويدخل فى بند المصادره للحريات ,
ويا رشا أمسـكى قوى وإسـتعجلى عشان كان قرا البوست ده بزوغ هو
سلام
رأفت
|
Post: #63
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-17-2006, 07:11 AM
Parent: #36
| Quote: بالنقة المتواصلة والطلبات والتعليمات اللانهائية |
يا رأفت يا خوي..
كل القلته ده بيحتاج ل كلام لا ليهو أول و لا آخر..
النقة المتواصلة...يقابلها...حوار متواصل أو - كالعادة- نقة مضادة.
الطلبات....يقابلها...تنفيذ للطلبات أو - كالعادة- مراوغة و مزاوغة و كواريك.
التعليمات..يقابلها...تنفيذ للتعليمات أو - كالعادة- تنفيذ لعكسها.
حسي الخَرَس و البانتومايم..موقعو وين؟
و حسي المتجندر إنتَ و لا تماضر؟؟!!!
|
Post: #60
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-16-2006, 07:06 AM
Parent: #33
| Quote: الله يوعدنا بحالتك دي و اجد زوجة تجيد وتتفهم فن البانتومايم |
يا عيون الحرية...أو..eyes of liberty ..
أنصحك بالزواج من إحدى طالباتنا في الshort course ..الح نعملها أنا و سناء خالد.
كل خريجاتنا يُجدنَ البانتومايم..الجودو..الكاراتيه ..التايكوندو..
و..
يقدسن الحياة الزوجية!
|
Post: #37
Title: Re: البانتومايم الزوجي (( مسرحية ممكونية يومية ))..!!
Author: محمد أبوالعزائم أبوالريش
Date: 11-13-2006, 05:20 AM
Parent: #1
ممكونة يا رايعة .. والله يصبرك ويصبرنا
كل واحد بيقر إنو بانتومايمي، فرقو من البقية
إنو شجاع وإعترف.
مسرحيتك رائعة .. الفكرة معاشة بس السرد فنان
مرة واحد جاء داخل البيت زي صاحبنا ده، والموبايل في أضانو
وأثناء كلامو مع (الطرف التاني) يقول كدة الموبايل يرن
هسة غلطان هو واللا الموبايل الما عندو ذوق؟؟
|
Post: #39
Title: Re: البانتومايم الزوجي (( مسرحية ممكونية يومية ))..!!
Author: عزيز
Date: 11-13-2006, 09:03 AM
Parent: #37
خالتى ممكونة الفايتنها بالصبر البانتومايمى
لك كثير الود والتحايا
إينما حللتى أتيتى بحدائقك المزهرة وما هذا البوست إلا حديقة وارفة الإزهار
البوست فى غاية الروعة والذكاء
سأتخيل الموسيقى التصويرية فى المشاهد السابقة
مخرج
البانتو نافيقيتر قادنا فى مدينة الضباب الى ومضة سبقتنا بأيام .. شفتى الحظ عندما يكون كدقيق إدريس جماع
عبدالعزيز خطاب
|
Post: #64
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-18-2006, 01:40 AM
Parent: #37
Quote: مرة واحد جاء داخل البيت زي صاحبنا ده، والموبايل في أضانو
وأثناء كلامو مع (الطرف التاني) يقول كدة الموبايل يرن
هسة غلطان هو واللا الموبايل الما عندو ذوق؟؟ |
محمد أبو العزائم أبو الريش..
صاحبك ده بانتومايمي مع سبق الإسراف و التردد على قول القايلين!
|
Post: #40
Title: Re: البانتومايم الزوجي (( مسرحية ممكونية يومية ))..!!
Author: abubakr
Date: 11-13-2006, 11:11 AM
Parent: #1
يابتي
| Quote: العرس ده زي حبوب الكلوروكوين يصرفوهوا ليك وبالغصب تقرشه |
كلام شنو دة .. دييل ناس مودريين ساي .. وحاسديين ما عايزنك تضوقي عسل الدنيا زيهم ...؟؟ ما تسمعي الشائعات المغرضة دي...وبالذات من المولانات زي عادل ما شايفا صورتو مجضم كيف اها لو ما العرس كان بقي كده والا كان اصلو عرف النت وسودانيزاونلاين لانو بتو هي العندها الكمبيوتر والنت وهو مستولي علي كمبيوتر البت .. يعني لوما العرس كان لقي كومبيتر كيف ...
قال عرس الكلوركوين قال !! ما سمعتو عرس ارالين ولاريام وكويندكس وكوينرفا( اها يا مولانا دييل لا في القانون الهندي ولا الانكليزي ولا نيانيام ؟ ) ؟؟؟ ؟؟؟
ختي الرحمن في قلبك وعرسي كيتا في دييل كلهم وان ينصركم الله فلا غالب لكم
او كما قال
يدييكم العافية
ابوبكر
|
Post: #42
Title: Re: البانتومايم الزوجي (( مسرحية ممكونية يومية ))..!!
Author: منى أحمد
Date: 11-13-2006, 09:59 PM
Parent: #40
Quote:
تنتهي المكالمة الطويلة مع إنتهاء الوجبة . يتشعلق كل الأطفال في عنق والدهم بما فيهم أبو قحة و حمى داك. يذكرونه بإنو الليلة الخميس و هو وعدهم يمرقوا يتفسحوا. يرن الموبايل قبل أن يتسنى له الرد على اطفاله...يرد على الموبايل و هو يشير إلى قميصه و يمرر يده على سائر جسده (( يعني أمشوا ألبسوا هدومكم )). |
لا حولااااااا
يعني مزيدا من الأجيال التى تتعاطى التعامل بصمت
و مزيد من الزوجات التعيسات مستقبلا
كملي ما تتأخري
في انتظارك
|
Post: #70
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-20-2006, 06:49 AM
Parent: #42
Quote: يعني مزيدا من الأجيال التى تتعاطى التعامل بصمت
و مزيد من الزوجات التعيسات مستقبلا |
العزيزة منى..
كنت لأوافقك الرأي فيما يختص بالزوجات التعيسات..
إلى أن فاجأني إتصال من صديقة قرأت ما كتبته و كان ردها..
(( أحسن ليٌا ينشغل بالموبايل و يكون التفاهم بيناتنا بانتومايمي..مما يتفرغ ليٌا و يسٌمعني كلام دُراب دُراب !!!!
|
Post: #46
Title: Re: البانتومايم الزوجي (( مسرحية ممكونية يومية ))..!!
Author: Adel Sameer Tawfiq
Date: 11-15-2006, 02:16 AM
Parent: #40
| Quote: وبالذات من المولانات زي عادل ما شايفا صورتو مجضم كيف |
أبوبكر !
الزول هنا ممكن يسحر ليه زول إسفيريآ ؟!
الصورة حأشيلها ليك ، نشوف الكاشف أخوي دا تاني مالو ؟!
|
Post: #43
Title: Re: البانتومايم الزوجي (( مسرحية ممكونية يومية ))..!!
Author: عبد المطلب خضر عبد المطلب
Date: 11-13-2006, 10:11 PM
Parent: #1
Quote: شكراً يا عبد المطلب على متابعتك..
ننتظر إسهاماتك . |
ممكونه انا الفلم دا ما دخلتو..
ادعي لي بالدخول بس .. والباقي هين
بوست ممتع... واصلي
|
Post: #47
Title: Re: البانتومايم الزوجي (( مسرحية ممكونية يومية ))..!!
Author: abubakr
Date: 11-15-2006, 07:47 AM
Parent: #1
| Quote: الزول هنا ممكن يسحر ليه زول إسفيريآ ؟! |
بعديين انت ما خايف من ثورة الجياع في افريقيا .. احسن تلم صورك كلها وتبصم بس ؟
|
Post: #48
Title: Re: البانتومايم الزوجي (( مسرحية ممكونية يومية ))..!!
Author: Tumadir
Date: 11-15-2006, 08:02 AM
Parent: #47
شفتى يا ممكونة انا مرات فى تعابير بيقولوها الخواجات ديل بفتكر انها فى "التنك" ...يعنى تمام!!
حسى اتأملى معاى التعابير دى
mother tongue
و
father image
يعنى بالمفتشر كده ..الام ادوها اللسان ادوهو للام ...والابو ده ..جماد ساى
اها تاريكم خامننا وفى الحقيقة كلكم طلعتو
single mother
كان متزوجين ولا مطلقين ..ياكم single mother
|
Post: #67
Title: Re: البانتومايم الزوجي (( مسرحية ممكونية يومية ))..!!
Author: Adel Sameer Tawfiq
Date: 11-19-2006, 06:13 AM
Parent: #47
| Quote: احسن تلم صورك كلها وتبصم بس |
خلاص شلتهم !! حأخت صقر الجديان عشان ترتاح ياأبوبكر !!
|
Post: #49
Title: Re: البانتومايم الزوجي (( مسرحية ممكونية يومية ))..!!
Author: محمد أبوالعزائم أبوالريش
Date: 11-15-2006, 08:51 AM
Parent: #1
يا تماضر المشكلة إنو الأدوها اللسان
فضلت تتكلم وما أدت زول معاها فرصة
لامن بقى متفرج (بانتومايمي)
|
Post: #53
Title: Re: البانتومايم الزوجي (( مسرحية ممكونية يومية ))..!!
Author: الجندرية
Date: 11-16-2006, 02:09 AM
Parent: #1
ازيك يا ممكونة
شوق شديد والله
كمان جابت ليها خرس ، بعد شغل السخرة دا ؟
يمين الله الراجل دا لو ما كان بضحكني بالقرقراب مش تبسما يومياً كدا سبعة تمنية مرات في اليوم ، الا اطلقو طلاق تلاتة ولا اخعلو خلعة تقطع خلفو
قال خرس زوجي قال ؟
الف شكر يا ممكونة
دي الذ حاجة اقراها من شهور
وعلى فكرة ما قاعدة اقرأ زاتو ( وش بكاوي ومادي لسانو )
لا بالجد كدا بوست دمه شربات بس
|
Post: #54
Title: Re: البانتومايم الزوجي (( مسرحية ممكونية يومية ))..!!
Author: abubakr
Date: 11-16-2006, 02:53 AM
Parent: #1
والله انا حامد شاكر ربنا الواهب العادل كثير كثير ... لسبب او اخر وانا اليوم كهل ما تعرضت لحاجات زوجية بقرا عنها في الكتب والقصص والمنتديات وزمانك كنت بستغرب لما اشوف كاريكاتيرات صلاح جاهين وجورج ومصطفي حسين وخلافهم راسميين الزوج ململم بنطلونو وشايل جزيماتو في يدو ومتسحب داخل البيت وزوجتو - ودائما كانو بيرسموها وكانها سيد قشطة وعيونها كشافات المطار- شايلة قبقاب (كركب يااهل الوسط )ومتحكرة وراء الباب راجياهو والباقي اكيد يتعرفو ... وكمان فيلم سي سيد ما اقنعني رغم شهرته .. يعني هو مين سيد ده قاطع نفس الزوجة والعيال في البيت و حايم علي حل شعرو .. ليه ..
وبعدين حكاية "الجماعة" او "الاولاد" حتي لو الزوج ما عندو اولاد وهو وزوجتو فقط في البيت او الدنيا ... ليه المسميات دية ايه ما سامية؟ وليه ما ابوبكر؟ وانتهي الموضوع .. ما تقولو بربري ما عندو دين زي ما كان بيسمينا ابو عاج سئ السيرة والله ود شيخ طريقة وملتزم بكل القوانيين الارضية والشرع ولم اجد فيها حكاية الكركب ولا سي سيد ولا الجماعة كلها(الشرائع والقوانيين) بتقول عكس داك...
عموما علي مسئوليتي انا ربيت بناتي وولدي علي كدة كلنا سوا سوا ومافيش سي سيد ولا صاحبة الكركب
ولا ابو موبايل العندو حديث الطرف الاخر اهم من صبوحتو مراتو حبيبتو شريكتو ...
واية واحدة تتعرض لمثل ما ذكرته ممكونة فلتلقي بالموبايل في اية خور والماعجبو ما يتغدي ..هو اكل ومرعي وكمان لغة اشارة ؟؟...وبعدين اهو التسميات هي البتساعد ابو موبايل في شغل الاشارة والبنتومايم يعني يابتي/اختي ممكونة ما يمكن حكاية انك ممكونة خلتو يستمر في شغل الاشارة ويحرد الكلام وبيقول في نفسو ما هي راضية وممكونة ..سمي نفسك "الغضب الساطع" وشوفي لوما قفلتي اضنيكي بالمخدة عشان تعرفي تنومي وهو بيلعلع ليل نهار.. كلام ساي بدون موبايل
لكم مودتي
ابوبكر
حاشية: يا رافت الكلام البخسك بس تقراه وكذلك يا مولانا
|
Post: #55
Title: Re: البانتومايم الزوجي (( مسرحية ممكونية يومية ))..!!
Author: مجاهد عبد الرحمن
Date: 11-16-2006, 04:35 AM
Parent: #54
ممكونة سلام
والله كتابتك سمحة باللحيل ... لكن ... عنوانك البشبه عناوين هشام هباني دي خلتنا ما ندخله إلا بعد أن حدثني عنه صديق ... عليك الله أكتبي عنوان لا تشوبه الريب ( يعني هسي البانتومايم الزوجي بتاعك دا ما ود عم الكندومات بتاعت هباني عديييييل كدا ) ... بالله لا دعي للتضليل .
لك الود والإحترام
واصلي كتابة دون تشويش ... وتجنبي ما يريب إلى ما لا يريب .
شكراً ... ممكونة
|
Post: #69
Title: Re: البانتومايم الزوجي (( مسرحية ممكونية يومية ))..!!
Author: Adel Sameer Tawfiq
Date: 11-20-2006, 04:09 AM
Parent: #55
| Quote: يعني هسي البانتومايم الزوجي بتاعك دا ما ود عم الكندومات بتاعت هباني عديييييل كدا |
مجاهد.. اللييييييلة أرجى الممكون راجلها !!
|
Post: #62
Title: Re: البانتومايم الزوجي (( مسرحية ممكونية يومية ))..!!
Author: Adel Sameer Tawfiq
Date: 11-16-2006, 07:48 AM
Parent: #54
| Quote: حاشية: يا رافت الكلام البخسك بس تقراه وكذلك يا مولانا |
MESSAGE RECEIVED
شكرآ abubakr
|
Post: #57
Title: Re: البانتومايم الزوجي (( مسرحية ممكونية يومية ))..!!
Author: أبو الحسين
Date: 11-16-2006, 05:47 AM
Parent: #1
Quote: Quote: الممكون قال ليك لو ما إتعرفت قصة (( قواسيب )) دي ..
لاقيهو مَشمٌر بره البورد !
ممكون بي جهة .. وناذر بجهة ! إنشاء الله في ال week end حأشوف الموضوع دا ! عليك الله سبتي لي ممكون دا شوية ، وقولي ليه الزول دا يتيم وأمه متوفية ! وبعدين يااخوانا ناقل الكفر ليس بكافر ، أنا بصراحة شفيت من أبو الحسين قايلو كتاب وفاهم تراهو وداني الآخرة !! |
سلااااااااااااام عموم ديار بتنا الممكونة...
الحقيقة ما كُت داير أجي بي هنا مقبوض في قُوالة...
لكن أسوي شنو... الدكتور عادل إستجار بي علي الممكون...
فقلت أجي أوضح وبعدين أجي راجع للحكي التاني...
يا اخواننا قواسيب دي معناها...
قواسيب دي... جمع قِيسَاب... وهو كُوم العيش أو القمح أو الفول في التَقَة...
أها التَقَة دي فهمتوها ولة برضو أشرحها ليكم؟؟؟
وإنشاء الله أكون أوفيت المعنى... وما تجيب ليها شمِّير وعكاكيز...
قواسيب مودتي... لصاحبة البوست ولعادل أخوي والممكون المشمر وإنشاء الله يكون فك الكفكَفة بتاعتو خلاص...
أبو الحســـــــــــــــــين...
|
Post: #58
Title: Re: البانتومايم الزوجي (( مسرحية ممكونية يومية ))..!!
Author: رأفت ميلاد
Date: 11-16-2006, 06:57 AM
Parent: #57
Quote: شفتى يا ممكونة انا مرات فى تعابير بيقولوها الخواجات ديل بفتكر انها فى "التنك" ...يعنى تمام!!
حسى اتأملى معاى التعابير دى
mother tongue
و
father image
يعنى بالمفتشر كده ..الام ادوها اللسان ادوهو للام ...والابو ده ..جماد ساى
اها تاريكم خامننا وفى الحقيقة كلكم طلعتو
single mother
كان متزوجين ولا مطلقين ..ياكم single mother |
وقمتى كدة يا تماضر وإتجندرتى علينا
الراجل image؟؟؟
طبعآ الحالة دى جاتو بعد ما عرس بيوم يا mother tongue
|
Post: #59
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-16-2006, 06:59 AM
Parent: #57
| Quote: قواسيب دي... جمع قِيسَاب... وهو كُوم العيش أو القمح أو الفول في التَقَة... |
أبو الحسين...
إنشالله ما نجرجر ليك عزيز في قوالة.
لكن...
الممكون قال ليك كان ما وريتنا (( التَقَة )) دي شنو..
لاقيهو إنتَ!!!!!!
|
Post: #61
Title: Re: البانتومايم الزوجي (( مسرحية ممكونية يومية ))..!!
Author: Adel Sameer Tawfiq
Date: 11-16-2006, 07:16 AM
Parent: #59
أها أنا برررررررة !!
وعليك الله ياممكونة شوفي لينا طريقة مع ممكونك دا !! يعني نشفر البوست دا والاشنو ؟؟!!
|
Post: #65
Title: Re: البانتومايم الزوجي (( مسرحية ممكونية يومية ))..!!
Author: أبو الحسين
Date: 11-18-2006, 03:43 AM
Parent: #1
Quote: أبو الحسين...
إنشالله ما نجرجر ليك عزيز في قوالة.
لكن...
الممكون قال ليك كان ما وريتنا (( التَقَة )) دي شنو..
لاقيهو إنتَ!!!!!! |
اللللللللللله يجازي محنك والممكون ومولانا عادل معاكم...
أنا ماااااااااااااالي ومال الشِبَك دي...
زي ما قالو جيت أكحلها عميتها...
أها يا أختي... التَقَة دي هي أرض مسطحة مدكَّكَة بيدقوا فيها العيش والقمح والفول وبعد ما يدقوهو وينضفوهو يكون مجموع قواسيب قواسيب...
وفي ناساً لينا في الشايقية بيسموها برضو (البَرَازِي)... بس أوعك تقول لي مولانا قال ليك لازم توريني البرازي دي شنو؟؟؟
البرازي تعني التَقَة... بروايةٍ أخرى...
ولك وللجميع قواسيب مودتي...
أبو الحســـــــــــــــين....
|
Post: #66
Title: Re: البانتومايم الزوجي (( مسرحية ممكونية يومية ))..!!
Author: حليمة محمد عبد الرحمن
Date: 11-18-2006, 03:46 AM
Parent: #1
يا اخوانا ما الشغلانية واضحة قدام عيونكم..مادايرة مصباح ديوجين.. اذا كان الحب اعمي فان الزواج نظره (ستة على ستة)..!
وزمان اهلنا الكبار قالوا: السعيد يشوف في اخوهو والشقي يشوف في نفسو..
دوروها في راسكم وحددوا الفئة التي تودون الانتماء اليها..
اما انت يا (الممكونة).. فاروع ما في الموضوع اسمك الذي يتماشي مع الموضوع بشكل مبالغ فيهو ويلخص حالة الوضع الغارق في (التمكن)..وليس (التمكين)..باختصار (اسمك) هو قمة الحبكة الدرامية في الموضوع كلو..
بالله دا جا كيف..؟؟
حليمة
|
Post: #68
Title: Re: البانتومايم الزوجي (( مسرحية ممكونية يومية ))..!!
Author: أبو الحسين
Date: 11-20-2006, 02:41 AM
Parent: #1
Quote: أها أنا برررررررة !!
|
يعني يا مولانا أخوي...
سويتها فيي وشبكت فيي الممكون وكرعيك مرقَنَّك... أها إتحليت من الممكون الللللللللللله يحلك من ناذر خليفة!!!
|
Post: #71
Title: Re: البانتومايم الزوجي (( مسرحية ممكونية يومية ))..!!
Author: mamkouna
Date: 11-20-2006, 03:49 PM
Parent: #1
المشهد الثالث:-
|
|