Post: #1
Title: رحلة البورداب الى دارفور
Author: Manal Mohamed Ali
Date: 11-05-2006, 12:49 PM
Parent: #0
لماذا لم نفكر في عمل شئ عملي ولو حتى زيارة لدارفور
صدقوني ما صعبة ..
اطفال دارفور يحتاجون منا لبعض الجهد ...يا جماعة في ناس حو من الواق الواق ..ونحن مازلنا نشجب وندين ...
بنحتاج للعزيمه والايمان بدارفور وقضيتها...
وزي ما بتتشجوا ياشباب لرحلات البورداب .. تعالوا نرتب لها...
عصام عبدالحفيظ انا متأكده انه حا يصور لنا الرحلة وطلال كمان .
ايذابيلا سوف تكتب حزناً
وناجي الملك سوف يتبرع بخزينه الرحلة لطفل في دارفور....ونحن عنه راضيين...
وياريت تكون الرحلة لما يكون بكري ابوبكر في السودان ..
وياريت كل البورداب يساعدونا في هذا
منال...
حاليا في نيروبي .. غدااحدى معسكرات دارفور انشاء الله
منال
|
Post: #2
Title: Re: رحلة البورداب الى دارفور
Author: عبده عبدا لحميد جاد الله
Date: 11-05-2006, 01:12 PM
الأخت/منال .... سلامات
الفكرة رائعة جدا وعملية نتمنى لها ان ترى النور
|
Post: #3
Title: Re: رحلة البورداب الى دارفور
Author: Tragie Mustafa
Date: 11-05-2006, 01:38 PM
Parent: #2
منال
يا سلام عليك انت الزيك منو؟؟؟
تراجي.
|
Post: #4
Title: Re: رحلة البورداب الى دارفور
Author: حقار
Date: 11-05-2006, 02:11 PM
Parent: #3
فكرة جميلة جداً ياريت يتم تنفيذه
|
Post: #5
Title: Re: رحلة البورداب الى دارفور
Author: Waly Eldin Elfakey
Date: 11-05-2006, 03:14 PM
Parent: #4
و نحن جاهزين
|
Post: #6
Title: Re: رحلة البورداب الى دارفور
Author: Manal Mohamed Ali
Date: 11-05-2006, 05:29 PM
Parent: #5
الزول حاسي بالخجل قدام درافور... ياجماعة انتم اكبر تجمع ديقراطي كلمته مسموعة في الداخل والخارج...وممكن تكونوا اعلام حي ضاغط من اجل دارفور..
انا بس منتطرة بعض الناس يدخلوا هنا ويقولوا رأيهم
والرحلة حاتحتاج
1- تحديد المعسكر المقصود
2- اوراق وازونات للدخول (وهنا ياتي الدور الاعلامي الاسفيري في الضغط على الجهات المسؤلة لمنحنانحن السودانيين حق زيارة دارفور
3- تذاكر السفر
4- مكان الاقامة
5 ممكن ان نطلب بعض جمعيات المجتمع المدني التى تعمل هناك التنسيق لنا
واكيد الجماعة المغتربين ما حايقصروا في مساعدتنا في التزاكر ...
بس عاوزين العزيمة والتنسيق
منال
|
Post: #7
Title: Re: رحلة البورداب الى دارفور
Author: عبد المنعم ابراهيم الحاج
Date: 11-05-2006, 05:44 PM
Parent: #6
العزيزة منال
اقتراح جيد في الزمن القبل الضايع
معا لانجاح هذه الخطوة
زمان في الدافوري كنا نقول:
- "قون المغربية الذّ من مية"
|
Post: #8
Title: Re: رحلة البورداب الى دارفور
Author: نصار
Date: 11-05-2006, 06:19 PM
العزيزة منال
فكرة جيدة تخرجنا من حرج شديد نحسه نحو اهلنا في دارفور
معاكم بما يتيسر
و طبعا انت ممثلة لبورداب المانيا
شوفوا معاكم السودانيين العاملين في المنظمات الدولية و علي
رأسهم العروسة د. هالة الاحمدي بالتأكيد سوف يزودوكم
بالكثير المفيد لتنفيذ الفكرة
|
Post: #9
Title: Re: رحلة البورداب الى دارفور
Author: Aymen Tabir
Date: 11-05-2006, 06:43 PM
Parent: #8
منال
احنا الشعرنا بالخجل الآن قدام فكرتك العملاقه ...
ده البخلق من سودانيز اونلاين كل يوم هم وطني وحس مسموع وعالي ..جوه وبره
اكيد بحماس كل الشباب هنا الفكره دي حتشوف النور ..
لكن عشان الرحله تكون ذات عائد لمعاناة الناس هناك ممكن تتحول برضو لمشروع دعم عيني كبير زي ما حصل قبل كده والناس من القاهره اتبرعت بالملابس والكراسات وغيره من الاحتياجات وشحنته للجنوب ممكن برضو من هسه الناس تبدا تجمع احتياجات عينيه وتمشي كقافله ياريت كمان لو بعض الاطباء اتبرعوا بي وقتهم ومشت قافله علاجيه كمان بي ادويه وغيره وتكون قافلة سودانيزاونلاين لدعم دارفور .
الفكره ما صعبه عارفه انا هنا في كندا شعرته بخجل ما عادي ، يوم مشيت الشغل ولقيت اعلان مرسوم عليه صورة حذاء ما انتبهته ليه لعدة ايام ، اتخيلته انو زي الاعلانات التجاريه الهاريانا في كندا ، ويوم فجاه رفعته الاعلان وقريته كانت حمله لمدة شهر مناديه بيها واحده من الكنائس المحليه هنا شعاره حذاء لطفل من دارفور ، الناس جابت كل الاحذيه الما محتاجه ليها وقدروا انو سعر الحذاء 3 $ للماعندو ممكن يتبرع بي القروش ، ما حتتخيلي كم التفاعل الوجدته الحمله دي مكان الشغل بتاعنا بس فيهو زي 50 جمعوا 300 حذاء ورسلوهم لوكالات الغوث الكنديه.
كل القدرته عليهو هناك اني اقول شكرا
وبرضو شكرا منال على الفكره فهو واجبنا جميعا .
لك الود
ايمن السر
|
Post: #10
Title: Re: رحلة البورداب الى دارفور
Author: معاوية كرفس
Date: 11-05-2006, 07:14 PM
.
العزيزة / Manal Mohamed Ali
كل التحايا
هل تعلمي بأن إقتراحك هذا
يقع عندي موقع خاص .
أنا مولود في نيالا ( حاضرة دارفور ) .
ودرست فيها حتي نهاية الإبتدائي .
ولكني ومنذ العام 1983 عام مفارقتي لها
أتمني أن أعود .
أنا مع أي مقترح يمثل سودانيزاون لاين هناك
ومساهمته في نقاش وعكس كل قضايا السودان .
.
|
Post: #11
Title: Re: رحلة البورداب الى دارفور
Author: عبده عبدا لحميد جاد الله
Date: 11-05-2006, 07:36 PM
Parent: #10
|
|