Post: #1
Title: بورداب الخرطوم ... صحّوا النوم ،،، سلام
Author: ودقاسم
Date: 11-03-2006, 03:05 PM
Parent: #0
الخرطوم ... وبوردابها ... فيهم جمال لا يجده الناس في أي مكان آخر ... التقيتهم مرتين أو ثلاث ... كانوا في منتهى النبل ... كثير من الظروف تحيط بهم فتحد من حركتهم ... وتجبر بعضهم على الغياب ... الزمن هنا قاهر أكثر من أي مكان آخر في هذا العالم ... ما يمكن إنجازه في ساعة زمان في بلد كالرياض ، تستطيع إنجازه في يومين هنا في الخرطوم ... هذا إذا توفرت لك ظروف موضوعية مناسبة ...
تحدثت إلى بورداب الخرطوم في إفطار في رمضان ... قلت لهم لابد أن يكون لهم كيان حي ... ووجدتهم ساعين في هذا الاتجاه .. لكنهم ينتظرون اللوائح والنظام واجتماعات اللجان ...
الخرطوم تحتاج بوردابها .. والسودان يحتاج أبناءه ... ولابد أن يكون البورداب حضورا في كل موقع ... مشاركين ، مبادرين ، وبكثافة ... لا شئ يمنع ، فكلهم متعلمون مثقفون ووطنيون ...
لا أريد لبورداب الخرطوم أن يلتقوا فقط في الاجتماعيات ، أو عن طريق الصدفة ... لابد أن يكون لهم دور محسوس . ,ان يقوموا بدور كبير بتعريف الناس هنا باستخدامات الحاسوب والإنترنت . ومتابعة موقعنا ومنبرنا ...
لم الناس في الرياض يعرفون شيئا عن سودانيزأون لاين .. لكن بورداب الرياض أقاموا كيانا مشاركا يؤمن بدوره ويسعى له ... التقينا هناك مجموعات وشلل ... اكتشفنا أن لبعضنا قدرات فكرية وثقافية كبيرة يمكن أن نقدمها لكل الناس دون تردد ... دخلنا الجمعيات ، والروابط ، وتعرفنا على السفارة باسم سمودانيزأونلاين ... فعرف الناس في الرياض هذا الموقع ، وعرفوا سكّانه ... وأصبح الموقع أهم من كل الصحف ، وأصبح مصدرا أساسيا للأخبار ، والمعلومات ... وركنا أساسيا للحوار ...
وبورداب الخرطوم لا ينقصهم ما يجعلهم في الصدارة ... بل المجال مفتوح لهم للمشاركة والدخول إلى المنتديات ، والتجمعات الثقافية مكفول لهم ... وهم أهل لهذا الدور ...
آمل أن يصبح بورداب الخرطوم في الصدارة ، نجوما في كل المنتديات ،،، والمناسبات ... وسأواصل التجوال في هذا المجال ، إلى أن ينجلي الموقف عن شمس تتحدى الغيوم وتسطع بلا استحياء ...
|
Post: #2
Title: Re: بورداب الخرطوم ... صحّوا النوم ،،، سلام
Author: فتحي البحيري
Date: 11-03-2006, 03:08 PM
Parent: #1
ود قاسم
محبة وحياء
وكل سنة وانت طيب
|
Post: #3
Title: Re: بورداب الخرطوم ... صحّوا النوم ،،، سلام
Author: saif massad ali
Date: 11-03-2006, 03:23 PM
Parent: #2
ود قاسم
سلام
حمدلله علي السلامة
البلد مشغوليات
كتيرة
|
Post: #4
Title: Re: بورداب الخرطوم ... صحّوا النوم ،،، سلام
Author: معاوية كرفس
Date: 11-03-2006, 05:33 PM
Parent: #1
.
عزيزنا / ود قاسم
لو إنت جيت الخرطوم أكيد حتعرف
الله واحد
وحتعرف ليه بورداب الخرطوم
وكل سكانها
أصبحوا بليدي الإستجابة .
أحسن ليك أرجع
.
|
Post: #5
Title: Re: بورداب الخرطوم ... صحّوا النوم ،،، سلام
Author: كمال عثمان سويكت
Date: 11-04-2006, 08:14 AM
Parent: #1
ود قاسم
التحايا السمحه ليك
وكل سنه وانت طيب
طبعاً الواحد جديد كرت
فى سودانيز اون لاين
وكل المنى ان ألتقى بورداب الخرطوم
رغم كل الصعاب التى تحدثت عنهاوالتى تواجه الشباب
فى كرش الفيل ..
والشى التانى انو تسجيلى فى المنتدى جاء متزامناً
مع تجهيزات العرس وما أدراك التجهيز للعرس فى البلد السمحه
وده كان السبب المباشر فى الغياب عن المنتدى واللقيا ببورداب الخرطوم
عموماً لك ولكل الاصدقاء الدعوه الكريمه
بحضور الزواج بكسلا الخضراء
الجمعه 17/11
مع كل أشواق الوجود ... انتظر لقاكم
|
Post: #6
Title: Re: بورداب الخرطوم ... صحّوا النوم ،،، سلام
Author: munswor almophtah
Date: 11-04-2006, 09:21 AM
Parent: #5
ود قاسم السلام والرحمه وكل سنه وإنت والأسره بألف خير
كونوا أحد قواسم الإبداع فى مكتبة بشير الريح ومن وحى رابطتكم بورداب الخرطوم طلوا على الناس أدباء وشعراء وذوى أراء فى السياسه والإجتماع وادعوا رموزا كالصادق المهدى ونقد وكمال الجزولى وود المكى وعلى حسنين وغيرهم وحاوروهم وحاصروهم فى حياد ووطنيه لنصل كلنا لوضوح لرؤية غائبة عنا منذ أمد وثيروا قضايا تتفجر فى سودانيس أونلاينو أتو بأطرافها كسرقة الصحافيين دون الإشاره للمصدر حتى لا يكون هنالك ضررا ولا ضرار وتقدموا قضايا الوطن الكبيره دارفور الشرق نيفاشاأبياي وغيرها وأحتضنواأدباء سودانيس أونلاين عندما تأتى بهم المقادير للسودان وسجلوا هذه الرابطه قانونيا وابحثوا عن مصادر تمويل تتبنى نشاطكم الوطنى الخالص..................
ولكم جميعا السلام والود.......................................
منصور
|
Post: #7
Title: Re: بورداب الخرطوم ... صحّوا النوم ،،، سلام
Author: محمد سنى دفع الله
Date: 11-04-2006, 09:27 AM
Parent: #6
ودقاسم التحية والمحبة الخالصة
واصل كفاحك
وسوف تنال الرضى
لك جميل المنى والدعوات الصادقات
التفأؤل هو الذي سوف تنال بهالصحوة الكاملة
ســــــــــــــلام
|
Post: #8
Title: Re: بورداب الخرطوم ... صحّوا النوم ،،، سلام
Author: يوسف السماني يوسف
Date: 11-04-2006, 10:34 AM
Parent: #1
الخال ودقاسم
كل عام انت والاسرة بخير
مشتاقيين لك وفاقدنك في هجير الغربة وانت تحتضن دفي الوطن وتتكيء علي مرافئ الاهل وتنسج خيوط التواصل حبا .
التحية عبرك لبورداب الخرطوم الذين يمكن انيقدموا الكثير للوطن لو اجتهدوا قليلا وخرجوا من قالب الاجتماعيات الي رحاب وطني اوسع .
|
Post: #9
Title: Re: بورداب الخرطوم ... صحّوا النوم ،،، سلام
Author: shazaly gafar
Date: 11-04-2006, 11:49 AM
Parent: #8
الحبيب ود قاسم
أهلاً بك فى بلدٍ اذا انجزتَ فيه عُشرَ برنامجِكَ اليومى ؛بلغتَ
نصابَ الطرب والنقزان ..
سِرْ فى موكب الجمال والظلال .. ولا تبالى
فى موكب الفجــر الوشيك حتى تخلع العتمةُ جلدَها
كقميص الثعبان ..
تحياتى واحترامى
|
Post: #10
Title: Re: بورداب الخرطوم ... صحّوا النوم ،،، سلام
Author: Abuelgassim Gor
Date: 11-05-2006, 03:47 AM
Parent: #1
كلامك حلو وسمح . لكن والله البعوض والضبان حرماتننا النوم. يازول البعوضه مثل الرهو والضبانه تهشها تحمر ليك.الضبانه تبرم عينها مثل بنات الزمن الفوقنا. البت بتحمر ليك وتبرم عينهازات تدنقر لى تحت. بعدين يا أخوى انطبق علينا المثل البقارى البقول( كان طلعنا فوق الموت جان قارب وكان ادلينا تحت دبيب وعقارب). كلامك شنو يا ولد أمى؟؟
|
Post: #11
Title: Re: بورداب الخرطوم ... صحّوا النوم ،،، سلام
Author: م. سيد احمد قدورة
Date: 11-05-2006, 04:55 AM
Parent: #10
دعونا نضع اللبنة فوق اللبنة ونتحد جمبعالنخرج كيانا قويا موثرا.
الاخ كرفس اظنك غبت عننا كثيرا فانت لا تعلم أن ودقاسم عادلارض الوطن منذ مدة ليست بالقصيره وسبقته انا زهاء العام تغريبافلك التحية.
|
Post: #12
Title: Re: بورداب الخرطوم ... صحّوا النوم ،،، سلام
Author: ناذر محمد الخليفة
Date: 11-05-2006, 05:04 AM
Parent: #1
الخال ود قاسم ..
لدي مقترح متكامل بشأن بورداب الخرطوم يتعلق بإنشاء وتكوين منظمة مجتمع مدي تعني بالشفافية وحقوق الإنسان والعمل الطوعي ..
سأشرع في طرح الفكرة في أقرب فرصة ..
|
Post: #13
Title: Re: بورداب الخرطوم ... صحّوا النوم ،،، سلام
Author: خالدة البدوي
Date: 11-05-2006, 05:38 AM
Parent: #1
الخال ود قاسم
لك التحية وللاسرة
على ايدك يمكن كل شيء بس همتك
بورداب الخرطوم جميلين حقا التقيتهم
في الاجازة ولكن مشغوليات السودان
هي السبب لا غير بالعزم كله يكون ..
لك التحية ،،
دمت ،،،
|
Post: #14
Title: Re: بورداب الخرطوم ... صحّوا النوم ،،، سلام
Author: Abuelgassim Gor
Date: 11-05-2006, 11:40 AM
Parent: #13
ود قاسم خوف ات لسع ما فلست ؟
ما تطول لينا الكلام ات مؤتمر وطنى ولا حركة شعبية؟ والله ما فوقها حاجة. . . كان بتحل لينا مشاكل الفلس ، وبعدين الفنانين المسرحيين قاعدين تحت قعرة (شجرة الزهاجا) يوم تجى الانتخابات بنقيف معاك حت كان بقيت شيوعى راسو عديل . . . معاك تب .شايف الجماعة مبسوطين بعودتك ها شد حيلك ياك تورنا الكلالى البنشيل فوقو . لكن نحن مفلسين يا زول . الجمرة الخبيثثة كملت قروشنا تب . وسمعنا تحت تحت قالوا جمرة خبيثة للموية .
|
Post: #15
Title: Re: بورداب الخرطوم ... صحّوا النوم ،،، سلام
Author: معاوية كرفس
Date: 11-05-2006, 05:46 PM
Parent: #1
.
كل الأعزاء القراء و أعضاء المنبر
وبورداب الخرطوم و خصوصاً:
م. سيد احمد قدورة
الذي كتب :
| Quote: الاخ كرفس اظنك غبت عننا كثيرا فانت لا تعلم أن ودقاسم عادلارض الوطن منذ مدة ليست بالقصيره وسبقته انا زهاء العام تغريبافلك التحية |
.
وسبقته الأخت العزيزة / Nadia Elsir
بالتلفون تعتب علي ما سطرته عاليه .
ويبدو أنهم لم يدركوا قصدي ،
عموماً لقد كفاني الأستاذ / Abuelgassim Gor
الإفصاح :
Quote: ود قاسم خوف ات لسع ما فلست ؟
ما تطول لينا الكلام ات مؤتمر وطنى ولا حركة شعبية؟ والله ما فوقها حاجة. . . كان بتحل لينا مشاكل الفلس ، وبعدين الفنانين المسرحيين قاعدين تحت قعرة (شجرة الزهاجا) يوم تجى الانتخابات بنقيف معاك حت كان بقيت شيوعى راسو عديل . . . معاك تب .شايف الجماعة مبسوطين بعودتك ها شد حيلك ياك تورنا الكلالى البنشيل فوقو . لكن نحن مفلسين يا زول . الجمرة الخبيثثة كملت قروشنا تب . وسمعنا تحت تحت قالوا جمرة خبيثة للموية . |
والله العظيم دا حال الخرطوم عاصمة السودان .
.
|
Post: #17
Title: Re: بورداب الخرطوم ... صحّوا النوم ،،، سلام
Author: سيد محمد احمد سيدنا
Date: 11-06-2006, 08:59 AM
Parent: #16
اخونا العزيز ودقاسم والاسره
كل عام وانتم بخير وانشاء الله مستمتعين بالطله
اليوميه على النيل - والله افتقدناكم
لك دائما الشكر لجمع الشمل وعلى ما اعتقد دعوتك
ستصل اهدافها قريبا خصوصا الاخ ناذز حيقدم مشروع
جميل والاخت الغاليه انعام عبدالحفيظ ( نعمة الله )
ساعيه للم الشمل بالاحتفاء ببعض الحضور من المغتربين
ونتمنى اللقاء يكون بداية الانطلاق0
تحياتـــــــــــــى
ســــــــــــــــيد
|
Post: #18
Title: Re: بورداب الخرطوم ... صحّوا النوم ،،، سلام
Author: waleedi399
Date: 11-07-2006, 03:25 AM
Parent: #1
الخال الغالي ..
ابوطلال ..
كل سنة وانت بالف خير ..
والله ليك وحشة ..
سيبك من ناس الخرطوم ديل
تعال راجع لاخوانك هنا
فاقدنك كلهم كثير
تحياتي للخالة فوزية وجميع الابناء والاهل
لك الود
|
|