قالـت حـين رحــيل ..

قالت حين رحيل ..
.
.
حبيبي ... ألست حبيبي ؟!
نعم ...
حبيبي
قررت اليوم
عندما أيقظني الحب والحنين باكراً ..
هذا الصباح
ولم أجدك بجواري
أن أناديك لترى بنفسك حالتي ...
يتيمة أنا بدونك
يا حبيبي
آه ، ما زالت هذه الكلمة تصر على ..
الإنزلاق من لساني اليوم ..
ها أنا ذي أمتلك كلمة لا تستطيع سطوة ..
يديك إقتلاعها مني كما فعلت بقلبي ..
عند الرحيل ..
دعني أقولها عشرات المرات ..
لا ، بل آلاف المرات ..
كتسبيح متصوف في ليلة ذكر محمومة ..
دعني ..
أرسل بها لك مع الريح ..
نبضات قلبٍ ..
تصيبني وتصيبك بالدوار ..
كدقات نوبة ذكر داوية ..
دعني أدعوك لشئ من الدروشة ..
ها أنا ذي ..
أسكب الكأس ..
أفرغه ..
ليمتلئ بحبك مجدداً ..
أعرف أنها ليست النهاية ..
أعرف أنني سأتي نبعك مراراً ..
أستسقي ..
أسكب الكأس أنا ..
لتملأها أنت ..

Quote: قالت حين رحيل ..

معتصم...فى شنو

خلاص رجعت لعادة شتات

عندى معاك موضوع...

استشارة بوردية ..عليك بتصل فى قت التخفيض
تسلم

أبوقوتة صاحبي ..
أو ..
قنبلة الود الموقوتة ..
كما يحلو لصلاح شتات ..
ويا ريت يعادينا بالحاجات الحلوة البكتبه ..




منتظر إتصالك ..
حــــين تخفيض ..

قلت حين وداع ..
.
.
هاهي سفني تبحر بعيداً ..
دون مواني للوصول ..
لكن قلبك ما يزال معي ..
يحتضنني ..
وأنا أشعر ..
بدوار الحب يا حبيبتي ..
أغرق في حلقة ذكري ..
ولا أسمع دقات نوبات قلبي ..
فقد أرهقها التسبيح ..
وأرهقتني ..
ها أنا أستجيب لتلك الدروشة ..
أفتعل الضجيج ..
كي أحلم بالهدوء ..
ولا أزال ممسكاً بالكأس في يدي ..
لتملأيها أنتِ ..

معتصم
سلامات

Quote: هاهي سفني تبحر بعيداً .. دون مواني للوصول .. لكن قلبك ما يزال معي .. يحتضنني ..

اهو البعد المكاني او الزماني الذي اشعل شموع قليك .
ام هي سفن الهجرة الجماعية التي لا امل في رسوئها علي مرافي الوطن .

تخريمة
معتصم
جرستك سمحة كان بتصحيك ابداعا .
البشوف بكاك الفوق دا ما يشوف تجكيسك كل يوم .

تقول غادة السمان ..

آه صوتك صوتك !
مسكون باللهفة كعناق
يعلقني بين الالتهاب والجنون على أسوار قلعة الليل ...
وأعاني سكرات الحياة
وأنا افتقدك
وأعاني سكرات الحياة
وأنا أحبك أكثر..

...

إنها بعض خطرفات يا يوسف ..
وهزيان مكاني وحنين ..
تجتاح أسوار وحدتي وتحطمها في لحظات حلم ..
أو طيف عابر للذكريات ..



كن بخير يا صديق ..

معتصم...

Quote: قلت حين وداع .. . . هاهي سفني تبحر بعيداً .. دون مواني للوصول .. لكن قلبك ما يزال معي .. يحتضنني .. وأنا أشعر .. بدوار الحب يا حبيبتي .. أغرق في حلقة ذكري .. ولا أسمع دقات نوبات قلبي .. فقد أرهقها التسبيح .. وأرهقتني .. ها أنا أستجيب لتلك الدروشة .. أفتعل الضجيج .. كي أحلم بالهدوء .. ولا أزال ممسكاً بالكأس في يدي .. لتملأيها أنتِ ..

أح ح ح ح ح ح ح ح............



ست البنيــــــــــــــــات

سلامتك يا ست البنيات ..



كوني كما أنت ..

أجمــــــــل ..

لما سكت الكلام... وغابت شموس العامرية

اعتصمنا
وصاح صائحنا.... وااامعتصماه
وكان أن جاءنا هذا الصدح الجميل

وامتلانا منك ولم ولن نخرج

شد أوتار غيثارك
وأمخر بنا عباب اللجج السكون
وستعصمك أشواقنا من عنت الرحيل


لك ودي
أبو المجتبى

قالت عند الرحيل ..
.
.
عند الرحيل
أضحك حبيبي
دع ضحكتك تثير الفوضى ، دعها تنسيني الافتراق
دعها تجتاحني
كتيار .... تهزني
كزلزال .... تهزني
إنها زوبعة رؤى وإندهاشٍ لذيذة
ضحكتك
هي تلك اللحظة التي تسبق هطول المطر
تأتيني وضاءة
تقعني كبرق
ثم رعــــد
يا قلباً أخضر كحقول الأرض ، يافيّ ظلالٍ ... يا واحة
يا سمحاً ... يا مترف ... يا كف سحابة
متى يزور خريفك الضحاك مواسمي ؟!
كمحطة أخيرة ..
حين يلهب الشوق المطر
يوقظ صبيبه
غفو أمسياتي
ويفشي عطره أشتياقاتي
ويضئ فجر الكون وجهك
وبريق عينيك
يستعيده القطر ..

...






تحياتي أبوالمجتبى ..
شكراً لحروفك التي زينت دواخلي ..
وأسعدتني ..
كن دوماً في الجوار ..

محبتي وودي ..

قلت عند الرحيل ..
.
.
جاني حنينك تاني ..
وصحصح فيني أماني ..
إنك ترجع تاني ..
تعاود العشق الأول ..
يفضل نغمك فيني أغاني ..
يرقص وتر النيل العشقك ..
لما حنينك عاد من تاني ..
وهتف ..
النبض وغنى عشانك ..
ودوزن صوت الضحكة الطالعة ..
ومالية عيونك ضئ ..

..

معتصم دفع الله....عساك بخير


ذكرتني بذات اليوم الحزين

عندما غاب وغبت معه

تساقطت الوريقات وارتمت بين يديّ

جمعتها فهي ذكرى من أمس مضى

يوم أن جلسنا سوية تحت الشجرة

نتشاطر الأحلام، نبني بيتنا من سحب السماء

تسطع أنواره من ضوء القمر

ولكن...

هبت رياح الليل في غير ما وقت....

معلنة قدوم الخريف

وتساقطت وريقات الشجر

لم أجده ....لقد رحل

أخي العزيز ود دفع الله


سلام مربع يا غالي ، ، ، ،،

Quote: ها أنا ذي .. أسكب الكأس .. أفرغه .. ليمتلئ بحبك مجدداً .. أعرف أنها ليست النهاية .. أعرف أنني سأتي نبعك مراراً .. أستسقي .. أسكب الكأس أنا .. لتملأها أنت ..

يا أخوي شنو الحكاية ما خليتك كويس !!! إنت بالليل ما بتتغطى كويس ولا شنو ؟!!! يا أخوي الله يعينك والفيك انا عارفها.
والله يجازي الكان السبب . حتى موضوعي خلتك تنساه ، ، ، ،،

و لات حين رحيل ...

المهم إنت قلت شنو يوم داك ؟

يا ريتني لو أقدر أقول كل الكلام الما إنكتب وما اتقال ..


تحياتي يا ريس ..
سلمك الله وعافاك ..

كيفك يا عمدة ..
الإلتهاب بعيد عنك عامل عمايله حالف يفوت مني ..
لي تلاتة يوم ما قادر أعمل حاجة ..
هسي المتجرس منو عليك الله أنا ولا انت البتعدل مرتين دا ..
الله يكون في عونك يا صاحبي ..
والصورة ما نسيته المرض حاجة وتاني ما لقيته في المكان المعني ..

أرقد عافية ..

أريد الصمت كي أحيا..
ولكن الذي ألقاه ينطقني ..
ولا ألقى سوى حزن ..
على حزن ..
على حزن ..
أأكتب أنني حي على كفني ؟
أأكتب أنني حر ..
وحتى الحرف يرسف بالعبودية ؟

الكلمات لأحمد مطر ..

...





ها أنا ..
أرهقت حزناً ..
لهثاً وراء وريقات شجر ..
وسط الرياح ..
عز الحلم ..
سقطت حين آتى الخريف ..
كتبنا عليها ..
حتماً سيأتي اللقاء في يومٍ ما ..
من غير وعد ..



يا لجمال بوحك يا سلمى ..
حروفك دائماً تأتينا رائعة ..
وأنيقة رغم حزنهاً ..


لك خالص محبتي ..

Quote: حبيبي ... ألست حبيبي ؟! نعم ... حبيبي قررت اليوم عندما أيقظني الحب والحنين باكراً .. هذا الصباح ولم أجدك بجواري أن أناديك لترى بنفسك حالتي ... يتيمة أنا بدونك

عميق هذا الفقد واليتم


معتصم ليتك تواصل

العزيز معتصم ,


وأنا أشعر ..
بدوار الحب يا حبيبتي ..

و انت

(دوار الحب )
ليت الامر بيدى لجعلتها (ماركة مسجلة) و حقوق نشرها (محفوظة) لك يا صاحب الكلم الرقراق !



ابحر و عد الى شطآنك غانما !



لك الود,

نادية السر

العزيزة نادية السر ..
جمل الله أيامك ..
ورفع معنوياتك القلبية ..
شكراً لرقيق كلماتك التي أسعدتني كثيراً ..
ها نحن نبحر جميعاً ..
لنعود معاً لشطائنا بكل الحب ..


محبتي وتقديري ..

وأنيق هذا الحضور يا انعام ..


سنظل نغني ..
ونحلم ..
ما دام في ناس مثلكم بهذا الجمال ..


محبتي ..

مشينا كل الخطاوي الممكنة

واجتمعنا ،،

تحادثنا ,,

تفاكرنا ،،

كنا نرى العالم بمنظار واحد

كنا نسمع الموسيقى سوياً ،،

نحن الاثنين فقط على سماعة واحدة ،،

حريصين أن لا يشاركنا أي كان تلك المقطوعة ،،

هي لنا نحن الاثنين فقط ،،

تعانقت اناملنا ،،

تشابكت ،،،

تجدد عهدا قد قطعناه سابقا ،،

خفقت قلوبنا ..

خفقات لست عادية ،،

ضغطت على حدقات عيوننا ،،

التي ازرفت دموع ..

اجل دموع ،،

لم نكن ندرك انها ،،

دموع الوداع ،،

الوداع ،،

لا،،، لا،،، لا،،،

أجل سوف يأتي الرحيل ،،

أي ،، رحيل احدنا ،،

يعني سوف نفترق

مثل ما اجتمعنا ،،

اجتمعنا على الحب ،،

زافترقنا عليه ،،،

ما بان عليك سفر العمر
لسة الربيع يا دابو زار
لسة الضفاف المترعة
بتفيض ندى وتطرح ثمار
وأنا جوة قلبى المشتهيك .. الناس عليك ناداها فال فى
نزفت جراحات الودار .. عيوننا نام إبتهار
جوه العيون أطفال فرح .. لمة زفاف
جوه العيون تشرق شموس .. يرحل جفاف
ندمان بتغرق فى النعيم وحنان غمر عاشقين.. رهاف
وأنا جوه قلبى كل بيت
وأنا جوه قلبى المشتهيك .. نزفت جراحات الودار
يازهرة طالت بالفرح بتاقص أنوار المساء
ما بان عليك أثر القطاف
ولا جاتك أيام القساء
ما اروعك وانت الشباب
بحمرة الريد أكتسى
وانا جوه قلبى المشتهيك
وانا جوه قلبى كل بيت
نزفت جراحات كل بيت

وكأن لسان حالك يا خالدة يررد مع مدني النخلي ..
هذه المقاطع من ما بان عليك سفر العمر ..

وكنا نغني سوياً ..
غناوي الفرحة والوعد الجميل ..
ورجعت لي زولي القبيل ..
في محطة السفر القديمة ..


شكراً جميلاً يا خالدة على الكلام الحلو ..

تعرف يا معتصم

طالما بقى فى رحيل وفراق

يبقى خلاص، بى موية وكملت

فراق يعنى موت

موووووووووووووووت، عارف موت يعنى شنو

وتانى فرفرة الكلام ما بتنفع

وبعد الرحيل قام قال ليها شنو

محلْ قبّلتَ ألقاكى
دخلتِى من الوريد
الفينى شال إسمك
وفى مدخل صبا الأيام
قعدتى على الوصيد
ضوّك كمال رسمك
وناديتك
صنقعتْ الدروب تالاكى
هجست بيك رياح همى
فى واطاتنا
شفنا سماكى
شفنا بهاكى عماكى
فِرحت بيك فِجج دمى
ومحلْ قبلتَ ألقاكى

أتمها ولا مافى داعى

معتصم

Quote: يا ريتني لو أقدر أقول كل الكلام الما إنكتب وما اتقال

ليك براك يا زول يا راقي
ودالسر!

ياريتنى لو اقدر اقول فيك الكلام الما انكتب
واجلى المقاطع بالدهب
وافرد صباح حسنك وشاح
يمسح عزاب عمر المسطر بالهب

عزيزي وصديقي معتصم دفع الله


صباح النور عليك يا زهور

يا أخوي إنت فاضي من كسير الثلج ( على حد قول تمبس ) ، قال ما لقيتها قال ، أها دي الصورة أكون جبتها من البيت ولا شنو؟




يا اخوي باقي العقل العندك ده أنا خايف فلانه دي تطيرو ليك !!!! أها الصورة وجبناها ليك تاني عذر مافي ألا تقول .....

أخي الحبيب معتصم ... رعاك الله
والله انت زول جميل بحجم هذه الكلمة الرفيعة ...
لا نجدك إلا حيثما وجد الجمال
ولا تأتي وإلا في كنانتك مكامن الدهشة والإبداع ...
دمت اخي لهذه الروعة دوحاً نستظل فيه من هجير الإسفاف والإفلاس ...

لقد ايقظت فتيل الوجع في نفس سكنت جروحها بالتقادم ... لا بالتناسي ... رغم انها في الروح

تحياتي لك .

شكراً يا مجاهد على كلامك البرفع المعنويات للممتاز ..
بالرغم من أننا في الليق ودوري الروابط ..
ياخي انتو بطلتكم علينا دي بتدونا شحنات تصبرنا على حاجات كتيرة ..
جمل الله أيامك وأسعدك ..

كن بخير يا صديق ..

والله يا عمدة أخوي ..
العتب على الكبر والمرض ..
تعرف أنا ما عرفت الصورة الانت قاصده ..
معليش حقك علينا ..

الله يسعدك يا علي ..
خليتنا نسرح مع هذه الأغنية الرائعة والكلام الحلو ..

شكراً جميلاً يا حبيب ..

يديك العافية يا أيمن ..
وتسلم كتير يا رب ..

تعرف الكلام الما إنكتب ..
أصلو ما بنقدر نكتبو عشان هو صعب علينا نكتبو ..

محبتي يا حبيب ..

يا أبا آمنة يا مطر ..
تحياتي ..

عارفو يا مطر عارفو والله ..
رحيل ..
فراق ..
فراق رحيل ..
صعبة هذه الكلمات ومميتة ..
لكن نعمل شنو علينا بالصبر والتسبيح ..
تعرف مرات كده بتقوم تجيني الحالة أحلف أقول أدق خروج نهائي وأرجع ..
وجوازي دا أمشي أرميهو في النيل وأعمل إقامة دائمة هناك ..
شفت بلدنا دي بنحبها قدر شنو وواجعانا حاله كيف ..

محل قبلتِ ألقاكِ ..
معايا زي ضلي ..

كان تميته يكون أحسن ..
هو أصلو ..
سجن سجن غرامة غرامة ..

معتصم دفع الله
ايها الراقي الجميل
يدفعني الحنين دفعاً اليك
فانت تسكن الوجدان دونما استئذان
وتتوسط الرئتين متكئاً على تمرة الفؤاد


انت ايها السمح الزين
تسكنك الأحزان ابتهاجاً
وتغادرك فرحى تتبسم
مرتوية من معين جمالك الرزين
وتنشر الفرح فينا رغم الشجن والأنين


ادامك الله فينا ينبوع عطاء
ووهج يشع فينشر دفئاً وضياء

Quote: تقول غادة السمان .. آه صوتك صوتك ! مسكون باللهفة كعناق يعلقني بين الالتهاب والجنون على أسوار قلعة الليل ... وأعاني سكرات الحياة وأنا افتقدك وأعاني سكرات الحياة وأنا أحبك أكثر..

المعتصم .. وتقول نازك الملائكة

وفتى هنالك في إنطواء
يأبى الرقاد ولم يزل يتنهد
سهران يرتقب النجوم
في وجنتيه برودة خط الوجوم
ألقت عليه حرارة الأحلام
آثار إحمرار
ومع كل هذا .. بسكرات حياته .. وحرارة أحلامه ..
يبقى كلام محسن خالد أن التعبير عن الأشياء
يفسدها .. يضعفها .. يشوهها .. أو كما قال
حيث أن هذا كلامه ليس كما هو بل كما فهمته..

فأي عبارة تستطيع أن تكون مؤهلة لحمل دفق
المشاعر لحظة الجيشان .. وأي عبارة تستطيع
أن تعبر عن مشنوق غير إضطراب الجسد .. وأي
مواعين تقوى على حمل حب جارف ..

وتقول أيضاً نازل الملائكة يا محمد عبدالجليل في ..
ديوان خمس مقاطع للألم ..

نحنُ شَيّدنا لكَ المعبَدَ جُدرا%

وتقول أيضاً نازل الملائكة يا محمد عبدالجليل في ..
ديوان خمس مقاطع للألم ..

نحنُ شَيّدنا لكَ المعبَدَ جُدرانًا شَذيّهْ
ورَششنا أرضَهُ بالزَّيتِ والخمرِ النَّقيَّهْ
والدموع المُحرِقهْ
نحن أشعلنا لكَ النيرانَ من سَعف النخيلِ
وأسانا وَهشيم القمح في ليلٍ طويلِ
بشفاهٍ مُطْبَقَهْ
**
نحنُ رتّلْنَا ونادَيْنا وقدّمْنا النذورْ:
بَلَحٌ من بابلِ السَّكْرَى وخُبْزٌ وخمورْ
وورودٌ فَرِحَهْ
ثمّ صلّينا لعينيك وقرّبنا ضحيّهْ
وجَمَعْنا قطَراتِ الأدمُعِ الحرّى السخيّهْ
وَصنَعْنا مَسْبَحَهْ
**
أنتَ يا مَنْ كفُّهُ أعطتْ لحونًا وأغاني
يا دموعًا تمنحُ الحكمةَ, يا نبْعَ معانِ
يا ثَرَاءً وخُصوبَهْ
يا حنانًا قاسيًا يا نقمةً تقطُرُ رحْمَه
نحنُ خبّأناكَ في أحلامنا في كلّ نغْمهْ
من أغانينا الكئيبهْ

شكراً جميلاً يا حبيب ..
دوماً تتحفنا بكل جميل ..

وأدامك أخاً وصديقاً يا أمير ..
تعرف يا زول يا فنان زي مهارتك ورسمك للحروف دا أنا ما بقدر عليهو ..
وكمان في الميدان قاعد تغلبني وتحاورني ..
دائماً بتهزمني بي حبك ورقتك يا أمير ..
متعك الله بالصحة والعافية ..

كن كما أنت أجمل ..

يا معتصم !!











ولا خلاص ..

الراقي الشفيف

اشكرك علي هذه الغيمة الظليلة

رغم الرحيل في زمن اللاشئ

نعود ونردد قولك



أسكب الكأس ..
أفرغه ..
ليمتلئ بحبك مجدداً ..
أعرف أنها ليست النهاية ..
أعرف أنني سأتي نبعك مراراً ..
أستسقي ..
أسكب الكأس أنا ..
لتملأها أنت ..


عمدة تمام لقيت الصورة

انجوي

تحياتي دكتورة سودانية ..
دوماً الرحيل يعمل فينا عمايله ..
ولا نحسب خطواته ولا نستطيع أن نأخد مناعه ضده ..
ولا جرعات مسكنه لآلامه ..
وزي ما قال أبوذر المطر ..
الرحيل مميت مميت ..

شكراً لأنك هنا ..
لك خالص محبتي ..

يا تيسير ..






ولا أقول ليك ..
كما قالت نازك الملائكة ..

كان يومًا تافهًا. كان غريبًا
أن تَدُقَّ الساعةُ الكَسْلى وتُحصي لَحظاتي
إنه لم يكُ يومًا من حياتي
إنه قد كان تحقيقًا رهيبا
لبقايا لعنةِ الذكرى التي مزقتُها
هي والكأسُ التي حطّمتها
عند قبرِ الأمل الميِّتِ, خلفَ السنواتِ,
خلف ذاتي

شفتي يا تيسير الرحيل بعمل فينا شنو ..

محبتي بلا حدود ..

في لحظات حنين قالت ..
..
..
عند الرحيل ..
حبيبي ... سامق القامة ..
ضباب فرّ عند الغسق ..
من متنفس ليلةٍ شتوية ٍ قارصة ..
كلما هطلت الشمس ..
يمعن في التقاصي ..
يسوق الترحل ..
يمتشق الرحيل ..
ويسهب في التنائي ..
يسبي موج القمر الراحل فيه رحيق ..
روحي المبحرة في عباب الشوق ..
ويأسرها بأشعته الناضحة بعبق الرقة ..
وهفيف الحس ..
حبيبي ..
يمتهن التسفار حرفة ..
يموسق الحنين سيمفونية عشق سرمدية ..
يموقع دجيج حوافره الصامت لحناً صاخباً للحب ..
على نوتة موسيقية بخباب ذيله ..
حافية النصال قوائمه ..
أرجو ..
أن لا يعدو ..
بهم على قلبي ..