محمود زوجي بيحبك زي ما بيحبني فلازم تتزوجيه و نقدم نموذج لزوجتين داعمتين لحياة راجلهم!

دي تمثيلية سودانية على الفضائية السودانية لازالت مستمرة الآن فحقو البيقدر يحصل ال(إبداع) دة يحصلو!
لنا

الأخت الحبيبة لنا مهدي

تحية طيبة

بالله شوفتي الاستلاب والورم دا كيف؟؟ لقد سبق لي أن شاهدت هذا العمل قبل عام تقريبا أو أكثر وقد كتبت عنه هنا في المنبر وتكرم أحد البورداب بإيراد تسجيل فيديو لبعض المقاطع من التمثيلية العجيبة.. بائسة..

وتسلمي، وتشكري..

ياسر

Quote: الأخت الحبيبة لنا مهدي تحية طيبة بالله شوفتي الاستلاب والورم دا كيف؟؟ لقد سبق لي أن شاهدت هذا العمل قبل عام تقريبا أو أكثر وقد كتبت عنه هنا في المنبر وتكرم أحد البورداب بإيراد تسجيل فيديو لبعض المقاطع من التمثيلية العجيبة.. بائسة.. وتسلمي، وتشكري.. ياسر

بالله التمثيلية ال(إبداع) دي هردو بيها كبد المشاهدين قبل سنة؟؟!!!
كلو كوم يا دكتور و مشهد الزوج عندما ثبت نظرته على وجه زوجته ال(مخضوضة) بعد أن أتى من الخارج شايل ال(سمسونايت) الما خمج،وبدارها "دايرك في موضوع مهم"وسرعان ما انهارت المسيكينة على أقرب مقعد،وطبعاً الجمهور ما غبي فلازم نفهم إنو الزوجة إحساسها بزوجها عالي،وأكيد حاسة (كفاالله الشر) إنو في خبر مهبب في انتظارها،فأخذت تنتظره ليخرج من الغرفة مترقبة ممتقعة الوجه.
أها قام الزوج حدق في وجه زوجته بثبات و ألقى بالقنبلة في وجهها"داير أتزوج فوقك-أو عليك-"!!فما كان منها إلا أن تهالكت على أقرب مقعد(للمرة الثانية)وصرخت في وجهه"
يا محمود لو عملتا كدة ح أنسحب من حياتك"إهىء إهىء إهي"
عاد محمود بالغ!!!
شي عجيب

Quote: يا محمود لو عملتا كدة ح أنسحب من حياتك"إهىء إهىء إهي"

Quote: Quote: Quote: يا محمود لو عملتا كدة ح أنسحب من حياتك"إهىء إهىء إهي"

الغاظني يا عبدالرازق أخوي إنو طلع كلام جعجعة ساكت
المدام كركرت لعيال و مشت لي أبوها تبكي وتتنخج
الأبو بي خلعة "مالك يا بت في شنو"؟(بالأصح بي نهرة)
فردت الزوجة من وسط دموعها:"داير يعرس فوقي يابوي"
فصرخ الأب كأنما لدغته عقرب:"ها المطرطشة إتي زااااااااااااااتك مش مولودة من المرا التانية؟!دة حق الله و شرع الله الله في كتابو قال 2 3 4 "!!
والغاظني يا حبيب إنو العيال كركروهم و سمعوهم الفاصل دة من الخلافات الزوجية و الأم بتشتكي من الأب قدامهم ،وبرغم دة في آخر مشهد محمود(sorryشهريار) قاعد على السفرة في أمااااانة الله و معاهو العيلين و المرتين البتسابقو يدوهو العصير(يطفح السم)!!!

(مخضوضة) (كفاالله الشر)

مسلسل مصري واله سوداني ؟

Quote: (مخضوضة) (كفاالله الشر) مسلسل مصري واله سوداني ؟

الحبيب موسى
المسلسل طلع (هندي) يا حبيب!
كويس التفت لتعمدي الوصف بلهجة ساخرة مرات مصرية لأن معظم المسلسلات السودانية أضحت تتخلل لغة الحوار فيها تعبيرات مصرية، لكن ما لدرجة (مخضوضة) طبعاً.

عيبي لي الكلام ده !!!!!!
عالم جبانات بشكل
الله مرقك راجلك ما إسمو محمد أمانة ما كان الضحك شرطك
وبعدين بيني وبينك الزول ده شكلو استعجل في الزواج الأول لأنو التانية تستاهل المغامرة !!!

تاني بتجو الحفلة ؟؟؟
انتو عايزين التمثيل الرومانسي بتاع الواحد يجي داخل المطبخ ويا حبيبتي طابخالنا إيه النهار ده وهي تشيل وتمسح يدينها في الفوطة وتديهو قبلة سريعة كده وتقول ليهو :
ملوخية بي الأرانب !!!!

Quote: عيبي لي الكلام ده !!!!!! عالم جبانات بشكل الله مرقك راجلك ما إسمو محمد أمانة ما كان الضحك شرطك

الحبيب عمر الضحك بشرطو هو لو فكر (محرد تفكير بينو و بين نفسو) يعملا ناهيك عن إنو تطلع من لسانو

Quote: وبعدين بيني وبينك الزول ده شكلو استعجل في الزواج الأول لأنو التانية تستاهل المغامرة !!!

نجاة؟القالت للزوجة عندما ذهبت تسألها عمن تشك في أن زوجها يرغب في الإقتران بها :"أتقول إسم نجاة دة بس فصلوهو للمحاميات"
وألذ شي الزوجة ضحكت (ببلاهة) وما شكت أبداً برغم كل قرائن الأحوال!

Quote: تاني بتجو الحفلة ؟؟؟ انتو عايزين التمثيل الرومانسي بتاع الواحد يجي داخل المطبخ ويا حبيبتي طابخالنا إيه النهار ده وهي تشيل وتمسح يدينها في الفوطة وتديهو قبلة سريعة كده وتقول ليهو : ملوخية بي الأرانب !!!!

لا مرْ بالحنضل

Quote: عيبي لي الكلام ده !!!!!! عالم جبانات بشكل الله مرقك راجلك ما إسمو محمد أمانة ما كان الضحك شرطك

الحبيب عمر الضحك بشرطو هو لو فكر (محرد تفكير بينو و بين نفسو) يعملا ناهيك عن إنو تطلع من لسانو

Quote: وبعدين بيني وبينك الزول ده شكلو استعجل في الزواج الأول لأنو التانية تستاهل المغامرة !!!

نجاة؟القالت للزوجة عندما ذهبت تسألها عمن تشك في أن زوجها يرغب في الإقتران بها :"أتقول إسم نجاة دة بس فصلوهو للمحاميات"
وألذ شي الزوجة ضحكت (ببلاهة) وما شكت أبداً برغم كل قرائن الأحوال!

Quote: تاني بتجو الحفلة ؟؟؟ انتو عايزين التمثيل الرومانسي بتاع الواحد يجي داخل المطبخ ويا حبيبتي طابخالنا إيه النهار ده وهي تشيل وتمسح يدينها في الفوطة وتديهو قبلة سريعة كده وتقول ليهو : ملوخية بي الأرانب !!!!

لا مرْ بالحنضل

ومحمود بيحب زول غير مراته؟

قطر يشيله ويشيلها ويشيل مراته في يوم واحد!




حسي نسلم عليك يا لنو...

اخبارك؟

المسلسل يحكي عن المدينة الفاضلة

لافلاطون وليس عن الحاج متولي

لكن برضو نحن مع تعدد الزوجات ليتوقف قطار البنات (البورندي)

مكرر

Quote: المسلسل يحكي عن المدينة الفاضلة لافلاطون وليس عن الحاج متولي

الحبيب خليل
ليست الندينة الفاضلة
فالزوج كما بان من أحداث التمثيلية لا مبرر لزيجته الثانية،كل ما حدث أنه وجد حبو القديم أمامه فحب يجدد شبابو على حساب المسكينة الوقفت معاهو
فمحمود بالغ و الله شكلو ما كان مقنع ولا مقتنع و لمن غلبو البيسويهو اشترى كتاب سيد قطب

Quote: لكن برضو نحن مع تعدد الزوجات ليتوقف قطار البنات (البورندي)

أي شابة في الدنيا تقدموا ليها خطاب و البعض لا يختار بسرعة بل بتأني و البعض ينتظر مواصفات محددة و آخريات يضعن الحب كأساس للإختيار،إذن التعدد كحل لمشكلة البوار كما أشرت(وأنا لا أحب هذا التوصيف) عندها سيكون الزواج من أجل الزواج وحسب و تلك الزيجات عوامل فشلها أكبر.

Quote: ومحمود بيحب زول غير مراته؟ قطر يشيله ويشيلها ويشيل مراته في يوم واحد!

آمـــــــــــــــــــــين
محمود دة يا عزوز الممثل البيمثل!!!أي و الله الممثل البتحسي إنو بيمثل أثناء تمثيلو!!!دائماً في حالة تشنج و عقد ما بين الحاجبين و تسبيل و نظر للكاميرا وكأنه في حالة إصابة بمغص كلوي حاد!!!
والسذاجة يا عزوز الحبيبة أن الزوجة ما اقتنعت إلا بعد البيه جاب ليها كتاب سيد قطب (في ظلال الإسلام) وحط ليها ورقة مثنية في الفصل الفيهو تعدد الزوجات و كتب ليها جواب(كذا إنو المواجهة الأولى فشلت) و قال ليها دايرك تقري الكتاب كويس عشان تعرفي أنا داير (أعدد) ليه؟
الزوجة يا عزوز قرت الفصل من هنا و طيران على الحبيبة و بمنتهى الرضا و بسمة قناعة مرتسمة على محياها" محمود زوجي بيحبك زي ما بيحبني فلازم تتزوجيه و نقدم نموذج لزوجتين داعمتين لحياة راجلهم"
ديك طبعا -بدون تصديق- هتفت:"أصلو ما ممكن"
الزوجة رمشت تلاتة أربعة مرات و قالت ليها بمنتهى الإستنكار:ما ممكن لييه"؟؟؟
داهية تاخدهم عملات عمي السر قدور.

Quote: حسي نسلم عليك يا لنو... اخبارك؟

في العادة و في هذا الوقت من اليوم بكون مبسوطة يا حبيبة لكن لا أدري أي رياح غير طيبة ألقت بي في الفضائية السودانية هذا المساء!!!

Quote: ومحمود بيحب زول غير مراته؟ قطر يشيله ويشيلها ويشيل مراته في يوم واحد!

آمـــــــــــــــــــــين
محمود دة يا عزوز الممثل البيمثل!!!أي و الله الممثل البتحسي إنو بيمثل أثناء تمثيلو!!!دائماً في حالة تشنج و عقد ما بين الحاجبين و تسبيل و نظر للكاميرا وكأنه في حالة إصابة بمغص كلوي حاد!!!
والسذاجة يا عزوز الحبيبة أن الزوجة ما اقتنعت إلا بعد البيه جاب ليها كتاب سيد قطب (في ظلال الإسلام) وحط ليها ورقة مثنية في الفصل الفيهو تعدد الزوجات و كتب ليها جواب(كذا إنو المواجهة الأولى فشلت) و قال ليها دايرك تقري الكتاب كويس عشان تعرفي أنا داير (أعدد) ليه؟
الزوجة يا عزوز قرت الفصل من هنا و طيران على الحبيبة و بمنتهى الرضا و بسمة قناعة مرتسمة على محياها" محمود زوجي بيحبك زي ما بيحبني فلازم تتزوجيه و نقدم نموذج لزوجتين داعمتين لحياة راجلهم"
ديك طبعا -بدون تصديق- هتفت:"أصلو ما ممكن"
الزوجة رمشت تلاتة أربعة مرات و قالت ليها بمنتهى الإستنكار:ما ممكن لييه"؟؟؟
داهية تاخدهم عملات عمي السر قدور.

Quote: حسي نسلم عليك يا لنو... اخبارك؟

في العادة و في هذا الوقت من اليوم بكون مبسوطة يا حبيبة لكن لا أدري أي رياح غير طيبة ألقت بي في الفضائية السودانية هذا المساء!!!

يا لنا :

Quote: محمود زوجي بيحبك زي ما بيحبني فلازم تتزوجيه

يا ربي يكون ده محمود الكذاب ؟؟؟
هجـــــــــــــــــــــــــــــم النمـــــــــــــــــــــــــــر

Quote: يا لنا : Quote: Quote: محمود زوجي بيحبك زي ما بيحبني فلازم تتزوجيه يا ربي يكون ده محمود الكذاب ؟؟؟ هجـــــــــــــــــــــــــــــم النمـــــــــــــــــــــــــــر

لا يا حبيب دي زوجة محمود الكضابة الإتحشرت جوة قلب زوجها بميزان حساس و قاست حب زوجها ليها و حب زوجها لي ضرتها لقتهم سيم سيم وقادر الله

كضابة كضب .. الزوجة الأولى


الزواج التاني للضرورة القصوى ما ساي ..

صحيح أن هنالك ظروف تحتمه ..

ولكن ليس لإحياء علاقة قديمة !!



شكراً يا لنا العزيزة

Quote: كضابة كضب .. الزوجة الأولى

ويالثلث كمان يا حبيبة

Quote: الزواج التاني للضرورة القصوى ما ساي .. صحيح أن هنالك ظروف تحتمه .. ولكن ليس لإحياء علاقة قديمة !! شكراً يا لنا العزيزة

خطورة الدراما ووسائل الإعلام يا قلب أنها تؤثر على جمهور المشاهدين و المتلقين بشكل عام،البعض لا يراجع ما يستقيه من معلومات تلقاها من وسيلة إعلامية ما.والقائمون على تلفزيون السودان و صناعة الدراما في سبات عميق!

شنو يا جماعة

Quote: شنو يا جماعة

أأأأأخ خ خ
جات فيك يا سيف

عافي منو

ورضيان عليه

رضايا ادخلوا الجنة

Quote: عافي منو ورضيان عليه رضايا ادخلوا الجنة

وما سيف براهو كمان جات في معتز القريش الظلامي و فنان

نرجع لمرجوعنا
الحبيبة نجاة تأتي للحبيب محمود في مكتبه و تعلمه-بشكل حاسم- بأنها (مش ممكن) تتزوجو و تبني سعادتها على أنقاض سعادة أخرى(يا بت يا مبادىء)خسوساً الزوجة التي كانت زميلتها في الثانوي و كانت رفيقتها في الدورة المدرسية.ينتهي المشهد و نجاة تقف فجأة و بعزم تخبره بقرارها النهائي تاركة "سي محمود" يلوح بكلتا يديه كمن يتخبطه الشيطان من المس!
وقبل ما المشاهدين يفيقو من تصاعد وتيرة الدراما و المشهد ال(كلوس) فإذا ب(نجاة) -الما بتغباني-والكانت مبدئية في المشهد اللي قبلو قااااعدة مع محمود في كازينو و قدامهم شربات قرين فروت! وواضح من وتيرة الحوار إنها (نخّت) و صحي (عضلات تبش)!!

لنا سلام

انتي ذاتك البوديك تحضري السودان شنو هو؟؟

انا في السودان بكون لي سنة ما شفت التلفزيون

الا يوم الجمعة طشاش طشاش

برانا زهجانين

__________________

ذكرتني برنامج وجه النها البقدموا البروف

قال الزوجة الثانية حل للانوثة (((ع)))))

اتصلت عليهو دكتور نجيضة

قالت ليهو اها حليت مشكلة البنات

الاولاد الما شافوا العرس و لا ح يشوفا يسووا شنو ااااشيخنا

فبهت الذي ....................

يا بت انتي فائقة قدر دا

الله يديك العافية

Quote: لنا سلام انتي ذاتك البوديك تحضري السودان شنو هو؟؟ انا في السودان بكون لي سنة ما شفت التلفزيون الا يوم الجمعة طشاش طشاش برانا زهجانين __________________

سودانية الحبيبة
والله لي شقاوتي و أظن بسبب الشلاقة برضو
بعدين فكرتا إنو لازم ندعم (المنتج الوطني) بس ما كنتا قايلة بتجيب ليها ندامة

Quote: ذكرتني برنامج وجه النها البقدموا البروف قال الزوجة الثانية حل للانوثة (((ع))))) اتصلت عليهو دكتور نجيضة قالت ليهو اها حليت مشكلة البنات الاولاد الما شافوا العرس و لا ح يشوفا يسووا شنو ااااشيخنا فبهت الذي ....................

لازم يبهت الذي ....
لأن سيادتو مبرمج على حل أحادي مش التفكير في مشكلة إجتماعية تواجه الجنسين وفي إيجاد مخارج لها!

Quote: يا بت انتي فائقة قدر دا الله يديك العافية

جنس فياقة هي بقت
وكمان كوني بخير حبيبة.

يا جماعة انتو ما ملاحظين انو كل الناس موافقة و مبسوطة
يعني "الغلطة" ما غلطة محمود براهو

اذا كان مرتو التانية وافقت تعرسو .. و مرتو الاولى اقتنعت و نسايبو مبسوطين
دايرنو هو براهو اليقول لا .. و كل الناس موافقه!
حكاية انو في النهاية هو المستفيد و يجغم في العصاير ساي .. دي ما مشكلتو
فـ بطلوا حقد

و

ارفعوا ايديكم عن محمود

Quote: يا جماعة انتو ما ملاحظين انو كل الناس موافقة و مبسوطة يعني "الغلطة" ما غلطة محمود براهو

محمود حريف يا عبدالرازق أخوي شحذ صداقاتو و برمج زوجتو نفسياً مع التلويح بسلاح إنها ح تكون السبب في هدم البيت بإصرارها على حرمانه من حقوقه في التعدد..فالسيد محمود حريف و لعاب و محرك كل الخيوط!

Quote: اذا كان مرتو التانية وافقت تعرسو .. و مرتو الاولى اقتنعت و نسايبو مبسوطين دايرنو هو براهو اليقول لا .. و كل الناس موافقه!

هو يا حبيب في التمثيلية صياد ما طريدة وعارض للزواج من حبيبته و ملح في ذلك مش طرف متلقي شكيتو على الله

Quote: حكاية انو في النهاية هو المستفيد و يجغم في العصاير ساي .. دي ما مشكلتو فـ بطلوا حقد و ارفعوا ايديكم عن محمود

محمود أمانة ما وقع و ما سمى و بعدين في مثل ناجع جداً بيقول ليك (أضرب المربوط يخاف السايب)
نقف و بصلابة ضد (محمدة) الحياة الزوجية

طيب زعلانين من أغنية "راجل المرة دا" ليه؟

ما هي سياسة الدولة
من الرئيس
لعائشة الغبشاوي
للدراما التلفزيونية
لي حمادة بت

الباقر موسى

لنا انا ما زي محمود ولا معتز القريش


واحدة وكان لقيت عملتها نص كويس

الحبيبه لنا بت المهدى

تحيات واشواق
انا شخصيا لم اشاهد هذه الدراما التلفزيونيه
ولكنى شاهدت الدراما الاكترونيه هاهنافى هذا البوست والتى تمثلت
فى أن ردودك على الاعضاء من اصل وصوره
وتكرر الامر اكثر من مره

ياربى دا يكون من شنو ؟؟

ما عندي غرض بي بوروندي ولا رواندي انانيه وفسله في زوجي للطيش

اذا هو قرر يعرس السمحه وصغيره انا ما عايزه منه غير ورقتي وبس

Quote: ما عندي غرض بي بوروندي ولا رواندي انانيه وفسله في زوجي للطيش اذا هو قرر يعرس السمحه وصغيره انا ما عايزه منه غير ورقتي وبس

دوما الحبيبة
العاجبني فيكي بتختي حاجاتك بوضوح و شجاعة و بدون مواربة و دة الكلام..
أريتا الزوجة الأولى في التمثيلية مرت السجم المش شجعت الراجل و بس كمان كربت نعلاتها مشت تقنع نجاة!
نسوان آخر زمن

Quote: انا شخصيا لم اشاهد هذه الدراما التلفزيونيه ولكنى شاهدت الدراما الاكترونيه هاهنافى هذا البوست والتى تمثلت فى أن ردودك على الاعضاء من اصل وصوره وتكرر الامر اكثر من مره

الشهادة و العمل الصالح يا حبيب علي،
التعدد في الردود لاحقنا؟؟؟

Quote: ياربى دا يكون من شنو ؟؟

دي بركات التمثيلية و محمود و نجاة الما حصلو

Quote: لنا انا ما زي محمود ولا معتز القريش واحدة وكان لقيت عملتها نص كويس

الحبيب سيف يا ربي ما كتبتا قبل 3/4 أيام بوست تدعم فيه الخط المحمودي بقوة؟؟

Quote: طيب زعلانين من أغنية "راجل المرة دا" ليه؟ ما هي سياسة الدولة من الرئيس لعائشة الغبشاوي للدراما التلفزيونية لي حمادة بت الباقر موسى

الحبيب الباقر
الدولة مصرة تفرض نماذجها على الشعب السوداني ما كفاها الإنهيار السياسي كمان تقديم نماذج قيدها الإسلام بشروط و ضوابط على إنها مفترض تكون هي السايدة بل و تتماهى معها كل العثرات و تذوب في معيها الإعتراضات.
زمن أغبر دة يا حبيب!

أنا غايتو في مرتي دي ما بعرس
وزي ما قالت دوما نظام فسالة وأنانية

الله يحفظ الجميع يا لنا بت الرُجال الجد

Quote: أنا غايتو في مرتي دي ما بعرس وزي ما قالت دوما نظام فسالة وأنانية الله يحفظ الجميع يا لنا بت الرُجال الجد

الحبيب بدر الدين
عافية منك لله و الرسول
وأتمنى من كل قلبي أن يسود النموذج (البدري) لا(المحمودي) بين الأزواج
لكن كدي بالجد يا بدر الدين الدراما السودانية مالها؟؟!!!!!!!!!!

Quote: ما عندي غرض بي بوروندي ولا رواندي انانيه وفسله في زوجي للطيش اذا هو قرر يعرس السمحه وصغيره انا ما عايزه منه غير ورقتي وبس

القومة ليك يا حبيبة
كلاااااام نجيض تب


علا

لنا

دي

خائفة

كدي

مالها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انتي الماسنجر حق راجلك شنو يا لونية

Quote: Quote: Quote: ما عندي غرض بي بوروندي ولا رواندي انانيه وفسله في زوجي للطيش اذا هو قرر يعرس السمحه وصغيره انا ما عايزه منه غير ورقتي وبس القومة ليك يا حبيبة كلاااااام نجيض تب علا لنا دي خائفة كدي مالها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله ما خوف يا سودانية الحبيبة لأني (دومية) الهوى بس زي ما قلت ليكم النموذج المحمودي استفزني الله لا كسبو. و كمان معالجة الدراما للقضية بتسطيح و كلفتة مخلة.

Quote: انتي الماسنجر حقراجلك شنو يا لونية

شوفو البت النجيضة دي بالله
عشان أثبت ليكي ما خايفة اقوم اديك المسنجر>>
أهو
[email protected]

سلام يا لنا و سلام لي زوارك الكرام
لكن يا لنا مهدي و الله بالغتي عديل كده...يعني انتي هسي تزعلي من محمود المغمور المسكين ده و لا من السيد الصادق المهدي المفكر و المنظر الاسلامي الكبير اللي برر للتعدد بفحولة الرجل الذي لا تشبع رغباتة الدونية إمرأة واحدة؟؟؟
لكن السيد الصادق ما قال المراة الجامحة شديد و الراجلها ما مكفيها تعمل شنوا؟؟ تصوم فإن الصوم لها وجاء و هي متزوجة؟؟؟
هذا القول مع تأكيد احترامي و تقديري للسيد الصادق بالرغم من إختلافي معه فقد اجتهد و برضوا ليهو اجر المحاولة

ناصر

Quote: سلام يا لنا و سلام لي زوارك الكرام لكن يا لنا مهدي و الله بالغتي عديل كده...يعني انتي هسي تزعلي من محمود المغمور المسكين ده و لا من السيد الصادق المهدي المفكر و المنظر الاسلامي الكبير اللي برر للتعدد بفحولة الرجل الذي لا تشبع رغباتة الدونية إمرأة واحدة؟؟؟ لكن السيد الصادق ما قال المراة الجامحة شديد و الراجلها ما مكفيها تعمل شنوا؟؟ تصوم فإن الصوم لها وجاء و هي متزوجة؟؟؟ هذا القول مع تأكيد احترامي و تقديري للسيد الصادق بالرغم من إختلافي معه فقد اجتهد و برضوا ليهو اجر المحاولة ناصر

سلام يا ناصر
لو سمحت يا حبيب جيب اللنك البيثبت ان الصادق المهدي قال هذا الكلام.
نمرة 2 دي رؤيتي الشخصية و السيد الصادق لم يعمم نموذجه وسط الأنصار ولا جماهير حزب الأمة و كان منضبطاً دوماً في تأكيد أن التعدد يكون لاسباب و ضوابط.
جر هذا البوست للمنطقة التي أردتها له غير لطيف خاصة و كل الناس هنا تتحدث عن رؤاها الشخصية ومن حقي كغيري أن أعبر عن رأيي الشخصي أم قايل روحك حشرتني في زاوية يعني؟
السياسة ال ح تجننكم دي!!
لنا

http://www.womengateway.com/NR/exeres/EFC8C193-734E-4A6...73D-EA3C1B10244A.htm

Quote: Thursday, November 2, 2006 اجعلنا صفحتك المفضلة الصفحة الرئيسية> ثقافة و فن> سينما السينما المتنوعة: صورة لتعدد الزوجات في إندونيسيا جاكرتا - جين بيرلز* نيا ديناتا، دونما شك، هي صانعة الأفلام الإندونيسية الجديدة الموهوبة. العروض المكتظة بالحضور لفيلمها الأخير عن تعدد الزوجات والذي عرض في مهرجان كان بفرنسا تشهد على ذلك. نجاحها الذي يعود إلى الفن أكثر منه إلى هوليود، يبرز من توجه من دون وجل لمخاطبة قضايا الساعة بأسلوب لاذع ومسحة من الفكاهة. في فيلم «حب المشاركة» يمكن للمشاهدين ملاحظة أمر آخر: أصالة مولودة من رحم التجربة. بالنسبة إلى ديناتا البالغة من العمر 36 سنة، فإن فيلماً يظهر ألماً ومعاناة زيجات تعدد الزوجات وراء الكواليس، وخصوصاً بالنسبة إلى النساء، بدا أمراً يجب القيام به. مع سيطرة أنواع أكثر تطرفاً من الإسلام في إندونيسيا ازدادت حالات تعدد الزوجات عدداً، وجرى إظهارها علناً من قبل أميرات وسياسيين. أمسكت ديناتا باللحظة لإظهار ما تسميه حزناً وإنكاراً وراء بسمات الزوجات اللواتي يعلن أنهن يقبلن أن يكن من ضمن الجمهور. عندما بلغت الثامنة عشرة من عمرها، وكانت في سنتها الجامعية الأولى في الولايات المتحدة استدعيت ديناتا فجأة إلى بيتها: والدها سيتخذ زوجة أخرى. «عندما نقلت والدتي الخبر أصبت بصدمة». تقول ديناتا، وهي جالسة على شرفة مقهى هنا وبيدها سيجارة، بعد يوم طويل حافل من تصوير فيلمهما الرابع عن حوادث ما بعد هجمة انتحارية. «طلبت منهما أن يتطلقا». الوالدان بدورهما أصيبا بالصدمة من ردة فعلها، تستذكر ديناتا، لأنهما افترضا أن جميع الأطفال يريدون أن يبقى والداها معاً، حتى ظروف مختلفة. «بعكس معظم العائلات في إندونيسيا التي تحاول التأقلم والتقبل، كنت أحاول أن أقول ما أشعر به». والد ديناتا تزوج المرأة الأخرى بغض النظر، وأمها، التي كانت قد درست الطب، تبنت واجهة خارجية من الهدوء. أكثر ما أثار انتباه ديناتا ليس فقط الدوامة الداخلية عند أمها والشجاعة الخارجية وإنما كذلك قصر عمر زيجة والدها الثانية. لم تستمر سوى أربع سنوات. «بالنسبة إلى الرجال عليهم أن يقسموا أوقاتهم فيفقدون المتعة كلها». الكثير من الزيجات الثانية والثالثة، التي تمزقها توترات الزوج الذي يحاول إرضاء جميع زوجاته، لا تبقى، وتلك التي تبقى يؤول أمرها إلى الإساءة المنزلية، تقول ديناتا. الخيوط والمشاعر التي تربط علاقة والديها، إضافة إلى سنتين من البحوث في أرجاء إندونيسيا ومقابلة نساء من خلفيات اجتماعية مختلفة وزيارة ملاجئ النساء شكلت هيكل «حب المشاركة». الفيلم يتعامل مع ثلاث زيجات إندونيسيات متعددة: في أسرة موسرة (تمثل وضع ديناتا مع بعض الاختلافات) وفي أسرة مدنية فقيرة وفي أسرة صينية بورجوازية. بعض المناظر المعتمدة بشكل فضفاض على خلفية أسرتها تكشف عن مشاعر فجّة. الزوجة الأولى في الفيلم عندما تقابل الزوجة الثانية لزوجها في مناسبة عامة. «لماذا كتب علي أن أقابلها أمام هذا الجمع الكبير من الناس؟»، تسأل سلمى زوجها عند العودة إلى البيت. «معنى ذلك أن ما كان الناس يقولونه هو صحيح. كان من الأفضل لو لم أكن أعلم». الزوج، السياسي الذي يمارس دينه، والذي يشار إليه في الفيلم «باك حجي» وهو كنية تشير إلى تأديته مناسك الحج ­ يقول ببلادة «أنت كاملة. أردت تجنب الزنا فقط». تعود سلمى إلى حياتها الطبيعية كطبيبة كثيرة الانشغال برواقية، وتصمم عيادة جديدة لها وتهتم بالنساء وهن يلدن. «أحاول التصرف كأنما لم يحدث شيء» تقول سلمى. ولكن بعد مرور عشر سنوات يكون الكثير قد تغير. سلمى تأقلمت عن طريق لبس الحجاب الإسلامي. ومع نهاية الفيلم أصبح لباك حجي زوجتان أخريان، كل واحدة منهما أصغر عمراً من سابقتها. عندما يصاب بجلطة دماغية تظهر زوجاته الثلاث في المستشفى، بينما يقول الابن المراهق بسخط: «لقد حصل الوالد على رغبته. لقد اجتمعت زوجاته الثلاث معاً». للتأكيد على نقطتها ونقلها إلى المشاهد تصور ديناتا باك حجي على فراش الموت وهو نادم على ما فعل. «إنها لبكة رهيبة»، يقول لابنه: «عندما تتزوج عدني ألا تتزوج سوى واحدة». ولنهاية لا يمكن مقاومتها، تأتي ديناتا بزوجة رابعة تظهر في الجنازة وهي تحمل طفلاً صغيراً. لا أحد يتابع الأرقام ويسجل الأعداد، ولكن ديناتا تقدر أن نحو 30 في المئة من الزيجات الإندونيسية هي تعددية، وهي أكثر بكثير من فترة ما قبل سقوط نظام سوهارتو الدكتاتوري قبل نحو عشر سنوات. ولكن مع تحول الإسلام ليصبح سلطة أكثر قوة وعدد الزيجات المتعددة في ازدياد. ديناتا تقول إن الحكومة تخاف من القادة الدينيين الذين يزداد نفوذهم من أن تفعل أي شيء حيال ذلك. في العام ،1974 تحت تأثير الزوجة التي كان ضد تعدد الزوجات، أصدر سوهارتو حكماً بمنع تعدد الزوجات للمواطنين المدنيين من دون إذن وموافقة كانت قلّما تعطى. نائب رئيس تباهى حديثاً بزوجاته الكثيرات، آخذاً زوجاته الثلاث في رحلة إلى مكة المكرمة. رجل أعمال ابتكاري معروف هو باسبو واردويو يسمي تعدد الزوجات مسئولية الرجال الموسرين المسلمين. لديه أربع زوجات، وهو يقدم «شراب تعدد الزوجات» وهو خليط من أربعة أنواع من الفواكه الاستوائية في سلسلة من مطاعم الدجاج التي يملكها. أميرة من أسرة يوغي أكاراتا هي سيتوريزمي ترابونينغرات، وهي صاحبة أعمال كذلك، تكلمت حديثاً عن كونها جزءاً من «فريق» من الزوجات، الأمر الذي يعطيها حرية أكثر، لأنهن يستطعن التشارك في الواجبات. «حب المشاركة» استقبل استقبالاً جيداً في جاكرتا وباندونغ القريبة، على رغم أن الكثير من الحضور كانوا من الأجانب. في بقية مناطق إندونيسيا كان الحضور قلة. «إنهم لا يريدون أن يعلموا»، تقول ديناتا. الذين حضروا كانوا معظمهم من النساء اللواتي دخلن خلسة للمشاهدة. «النساء جئن مع النساء في منتصف النهار. لم يردن أن يعرف أزواجهن». أثناء رحلتها للترويج للفيلم عن إندونيسيا كان المذيعون على الراديو يعرفون ماذا يتوقعون، تقول ديناتا: «الرجال كانوا غاية في الوقاحة». قالوا: «كيف تجرؤين على انتقادنا؟ نحن نصنع خيراً للنساء من خلال زواجنا من أكثر من واحدة». في معظم الحالات، تقول ديناتا كانت النساء أكثر خجلاً من أن يتطرقن إلى الموضوع. * جين بيرلز كاتبة في «نيويورك تايمز»، والمقال ينشر بالتعاون مع خدمة «كومن غراوند» __________________________________________________________________ جريدة الوسط - 23 أغسطس 2006 © بوابة المرأة 2005 جميع الحقوق محفوظة Empowered by Microsoft CMS الصفحة الرئيسة | خارطة الموقع | سرية المعلومات| إخلاء مسئولية

الحكومة توزع أراضي بعدد الزوجات:1زوجة1أرض،2زوجة2أرض،3زو...رض!!بدون زوجة مافيش؟

يا لنا
والله لو ما فاتحة البوست ده انت كان طقيتط طقه في الانكل

لكن نسوي شنو
في شخصك بحترم اشخاص
ولي شخصك احترام خاص


قبل كم يوم بحضر في المسلسل الامريكي
بوستن ليقل ( زول يكتبها بالانقليزي عشان اخوكم مزنوق )

في حلقة فيها قضية حقت تعدد زوجات
اي زول امريكي معرس مرتين والد من الاتنين ونسوانو متكيفات للموضوع ده وكمان مصرات عليه

حقلة كانت في السلك

Quote: يا لنا والله لو ما فاتحة البوست ده انت كان طقيتط طقه في الانكل

يا حبيب جات سليمة بركة الفتحت البوست و نجيت

Quote: لكن نسوي شنو في شخصك بحترم اشخاص ولي شخصك احترام خاص

ألف شكر لك يا بخاف

Quote: قبل كم يوم بحضر في المسلسل الامريكي بوستن ليقل ( زول يكتبها بالانقليزي عشان اخوكم مزنوق )

B oston Legal

Quote: في حلقة فيها قضية حقت تعدد زوجات اي زول امريكي معرس مرتين والد من الاتنين ونسوانو متكيفات للموضوع ده وكمان مصرات عليه حقلة كانت في السلك

دة مؤلف حاقد دة

اذا قرر ابو العيال ان يتزوج باخري بعتبره كالعضو الفاسد ويجب بتره . والموده البينا بتكون انتهت وحق اولادي من نفقه وخلافه باخده منه وكراعو فوق رقبتو . نحن غايتو يا بخاف لسه في بلدنا دي تعدد الزوجات جريمه وغير مسموح به

Quote: اذا قرر ابو العيال ان يتزوج باخري بعتبره كالعضو الفاسد ويجب بتره . والموده البينا بتكون انتهت وحق اولادي من نفقه وخلافه باخده منه وكراعو فوق رقبتو . نحن غايتو يا بخاف لسه في بلدنا دي تعدد الزوجات جريمه وغير مسموح به

دوما الثورية موافقة على كلامك مية في المية يا حبيبة
دي حاجات لازم تعالج بالراديكالية مش الحلول الوسطى

بوست لنا ده حلو حلا!!






كدى احكى لى القصة من اولا...

لغاية اللاين ده....

Quote: بوست لنا ده حلو حلا!! كدى احكى لى القصة من اولا... لغاية اللاين ده....

تماضر الحبيبة بركة الجيتي و الله أنا واقعة في عرضك بحكم أن البوست مية في المية منو دراما..
أها النحكي ليكي القصة من أولها:
اللي حصل إنو أختك (ذات صفاء) قررت تفتح الفضائية السودانية و (ذات حنين للوطن)
أها يا مؤمن يا مطبق للحنين شلت الريموت و فتحت الفضائية السودانية فوجدت التمثيلية (إياها)!!
فرحت في البداية جداً قلتا أهو فرصة أشوف الدراما تطورت عندنا لياتو مستوى..
وعينك ما تشوف إلا النور
ما بيتحكي ما بيتحكي يا حبيبة إلا تبدي البوست من الأول و تشوفي محمود (اللي ما يتسمى) و نجاة (اللي ما تتسمى) و زوجنه الأولى (اللي ما تتسمى برضو) هببو شنو

مرحب اختنا doma
سلامات واحترمات

Quote: نحن غايتو يا بخاف لسه في بلدنا دي تعدد الزوجات جريمه وغير مسموح به

ياتو بلد ..؟

مع الود

حبابك يا ولدي
بلدنا المانيا

والصين حصل ليها شنو يا دومة، ما عندنا خبر؟ .)

Quote: والصين حصل ليها شنو يا دومة، ما عندنا خبر؟ .)

اهلا بالبت الحديقه
ما زلت هنا ما تجونا يعني زياره ما عايزين تشوفوا سور الصين العظيم والفوربيدن سيتي ؟؟؟

تسلمي يمه

حتى في امريكا القضية خسرها المعدد
لكن الكل كان متعاطف معاه حتى المدعي العام

نظرية الدفاع ونسوان الراجل والراجل مبنيه

على انو المرأة لازم ترتاح من لراجل شوية
يعني تلقى ليها يوم فرقة تفضى فيه لي روحها

والنسوان كانو مرتحات بي كده
واحده قالت للقاضي ( كانت امرأة برضو )
انها لمن تجي من الشغل تعبانه
بترسل راجلها للمرة التانية
وتاخد ليها حمام دافي وتنوووووووووووووووووم
لمن قالت كده والله القاضي المرأة لمن قالت
احححححححححححححححححححححح

انا من زمان يالنا ملاحظة انه درامانا فى السودان بتخدم مصالح الرجل "الكاتب" يعنى "المرأة" دايما بتقول الكلام الداير الراجل يسمعوا ..
- انا نفسك يامحمود ..
-ياعادل ..خلاص لازم الحكاية دى نعلن عنها
-ياصلاح ..انا ممكن اسيبك حتى لو سبتنى
-يا باشرى ..انا حابيع غوايشى واشترى ليك العربية

وكل الكلام لازم يكون فى الخط ..خط الخطاب العام ..

دايرنها هدية ورضية وقبلانه بالمكتوب عليها

حسة المكتوب زاد سطرين زيادة "يامحمود نحن الاتنين بنحبك ودايرين نسعدك" .......

ولد ده!

Quote: انا من زمان يالنا ملاحظة انه درامانا فى السودان بتخدم مصالح الرجل "الكاتب" يعنى "المرأة" دايما بتقول الكلام الداير الراجل يسمعوا .. - انا نفسك يامحمود .. -ياعادل ..خلاص لازم الحكاية دى نعلن عنها -ياصلاح ..انا ممكن اسيبك حتى لو سبتنى -يا باشرى ..انا حابيع غوايشى واشترى ليك العربية وكل الكلام لازم يكون فى الخط ..خط الخطاب العام .. دايرنها هدية ورضية وقبلانه بالمكتوب عليها

تماضر الحبيبة
وإنتي الصادقة يا حبيبة دايماً النموذج المقدم نموذج مرأة تسحقها الظروف ولا يكون بإمكانها شيء سوى البكاء و من ثم (قشقشة) دميعاتا و كسر الرقبة و المسكنة و انتظار الأقدار تتلاعب بها كيفما شاءت.
ما بتتقدم نماذج لنساء قهرن الظروف أو تمردن على سلبيات مجتمع و رسمه مربعات محددة للمرأة لتقر بداخلها دون إنجازات تذكر.
حتى نموذج المرأة (المتمردة) يكون ممجوجاً من قبل بقية شخصيات العمل الدرامي و محط نقد و استنكار.

Quote: حسة المكتوب زاد سطرين زيادة "يامحمود نحن الاتنين بنحبك ودايرين نسعدك" ....... ولد ده!

يللا يا حبيبة أياديكم لإصلاح الدراما المتعثرة.
محبتي

الحبيبة لنا ازيك وكل عام وانتي بخير

اصلا يا جماعة القران فسروهو رجال عشان كدة فسر حسب اهواءهم

يعني للمرة المليون انا مقتنعة بانو اية التعدد دي كانت زي الخمر كدة يعني نسخت في نهايتها

لانو الخمر في البداية ربنا ما قال حرام وجا في النهاية نسخ الاية باية تانية وحرمها والسسبب

معروف. ولنفس السبب (طبيعة المجتمع الذي نزل فيه القران في تلك الفترة) كانت اية التعدد وفي

نهايتها, يعني حتى من غير اية تانية, ربنا وضع شرط لاخوانا الرجال (على ان تعدلوا) وقال ليهم

بالواضح الصريح (ولن تعدلوا وان حرصتم) يعني المفروض للزول البيعرف لغة انو ينتفي الامر بانتفاء

الشرط الموضوع له. لكن اخوانا الرجال, الله يديهم العافية, مسكوا في مثنى وثلاث ورباع, ولو ما

كان لنكولن حرر العبيد كان مسكوا في "ما ملكت ايمانهم".

Quote: الحبيبة لنا ازيك وكل عام وانتي بخير اصلا يا جماعة القران فسروهو رجال عشان كدة فسر حسب اهواءهم يعني للمرة المليون انا مقتنعة بانو اية التعدد دي كانت زي الخمر كدة يعني نسخت في نهايتها لانو الخمر في البداية ربنا ما قال حرام وجا في النهاية نسخ الاية باية تانية وحرمها والسسبب معروف. ولنفس السبب (طبيعة المجتمع الذي نزل فيه القران في تلك الفترة) كانت اية التعدد وفي نهايتها, يعني حتى من غير اية تانية, ربنا وضع شرط لاخوانا الرجال (على ان تعدلوا) وقال ليهم بالواضح الصريح (ولن تعدلوا وان حرصتم) يعني المفروض للزول البيعرف لغة انو ينتفي الامر بانتفاء الشرط الموضوع له. لكن اخوانا الرجال, الله يديهم العافية, مسكوا في مثنى وثلاث ورباع

الحبيبة دينا
وأنت بألف خير حبيبة
التعدد ربنا قيده بشرط العدالة ،ولا يكون وفق للهوى و الرغبات الذاتية،التمثيلية السودانية طرحت نموذج أسرة سعيدة وزوج لا ينقصه شيء وفجأة تظهر أمامه حبيبته القديمة التي باعدت بينهما الأيام فيستيقظ الحب القديم،يعني حتى كتاب (في ظلال الإسلام) الجابو البطل لزوجته ليقنعها بالتعدد مؤكد لا يستقيم مع سبب رغبته في الزواج ثانية و هو تواجد حبيبته القديمة أمامه.

Quote: , ولو ما كان لنكولن حرر العبيد كان مسكوا في "ما ملكت ايمانهم".

Quote: اصلا يا جماعة القران فسروهو رجال عشان كدة فسر حسب اهواءهم

المفسر الاول للقرآن وهو الرسول عليه السلام
معدد حتى مماته
اغلب الصحابة معددين


يعني هم الرجال ديل ( اقصد الصحابة ) حمو الدين وحملو العقيده وفرقو بين حق وباطل وزهدوا في الدنيا كلها بشهادة التاريخ ، بس غلبتهم مسألت تعدد الزواج دي ؟

Quote: المفسر الاول للقرآن وهو الرسول عليه السلام معدد حتى مماته

الرسول صلى الله عليه وسلم ما عدد من اجل الزواج.

كل زيجاتو, غير السيدة عائشة, كانت لاسباب وبعدين تعدد زوجات الرسول عليه السلام ما مقياس ليكم

والا كان ربنا قال ليكم عرسوا 40 امراة.

اما الصحابة فهم رجال وانتم رجال.

اما الصحابة فهم رجال وانتم رجال.

فعلا هم رجال ونحن رجال

لكن هم رجال تثنى لهم حضور نزول القرآن وتلقى الوحي من الرسول شفاهة فكانوا الاقرب لتفسير القرأن بسبب معايشتهم لاسباب النزول او تلقى التفسير من الرسول قولا او فعلا بدون عننه وقولان

مع الود

خليك يا لنا من الفضائية

اديك الواقع المر

في منتصف التسعينات حينما اطلقت نساء المؤتمر الوطني النظرية الوطنية الفكرية الهائلة لحل مشاكل المجتمع باتباع سنة التعدد، قام احد المتاسلمين وهو من الكوادر القيادية وويحتل مركز دبلوماسيا رفيعابتطبيق النظرية المشهورة ، وحينما علمت زوجته وهي كادر اقدر منه بان زوجها اتبع السنة قامت باستدعاء اخويه اللذان كانا شهود في العقد، وقالت ليهم بالحرف الواحد، اسمعوا اخوكم العرستوا ليه ده امشوا طلقوها قبل ما يدخل عليها وهسسسسسسسسسة وتجوني راجعين توروني الحصل شنو
يلا
بلا تعدد بلا قلة ادب

وقد كان

ومازال اخونا عايش في قبيلة الموحدين

Quote: شوفو البت النجيضة دي بالله عشان أثبت ليكي ما خايفة اقوم اديك المسنجر>> أهو [email protected]

علي النعمة الماسنجر ده لو اجتمعت محركات بحث الإنس والجن ما تلم فيه!!

Quote: Quote: Quote: شوفو البت النجيضة دي بالله عشان أثبت ليكي ما خايفة اقوم اديك المسنجر>> أهو [email protected] علي النعمة الماسنجر ده لو اجتمعت محركات بحث الإنس والجن ما تلم فيه!!

الخالة العسل دوما (أوافقك تماماً)
الحبيبة لنا
"أسمحي لي أن أقدم تحياتي للعزيزة دوما، رغم أنك صاحبة البوست، فلهذه المرأة مكانة خاصة، وان يتقاسمها معي كثيرات".
الصديقة تماضر: اضم صوتي لصوت لنا، وأدعوك لمتابعة ما بدأتيه " المرأة في الدراما السودانية".
العزيزات القلب النابض وعزاز أتابع ما تنثرونه هنا، وأسعد به كثيراً.

وأعود لموضوع البوست:

Quote: والسذاجة يا عزوز الحبيبة أن الزوجة ما اقتنعت إلا بعد البيه جاب ليها كتاب سيد قطب (في ظلال الإسلام) وحط ليها ورقة مثنية في الفصل الفيهو تعدد الزوجات و كتب ليها جواب(كذا إنو المواجهة الأولى فشلت) و قال ليها دايرك تقري الكتاب كويس عشان تعرفي أنا داير (أعدد) ليه؟

أعتقد أن الثيمة الأساسية لهذه الدراما توجد هنا.
يعني القصة دعاية لكتاب وكاتب أكثر مما هي نظرة ومعالجة لاشكال إجتماعي.

مش معقوووووووووول أبنوسه حبيبيتي كيفك وكيف الحلويين( بالاحضان والله) والله فاقداك
بركه بالعوده والطله
نور تي البورد يا عسل

Quote: الخالة العسل دوما (أوافقك تماماً) الحبيبة لنا "أسمحي لي أن أقدم تحياتي للعزيزة دوما، رغم أنك صاحبة البوست، فلهذه المرأة مكانة خاصة، وان يتقاسمها معي كثيرات".

أبنوسة الحبيبة
دوما دي الرقي كله و السداد في الرأي و الحكمة و كلنا نقدمها لأنها تستحق و لما لها من مكانة عندنا.

Quote: الصديقة تماضر: اضم صوتي لصوت لنا، وأدعوك لمتابعة ما بدأتيه " المرأة في الدراما السودانية". العزيزات القلب النابض وعزاز أتابع ما تنثرونه هنا، وأسعد به كثيراً.

نعم ليت الحبيبة تماضر تمدنا برؤى أكثر استفاضة عن المرأة في الدراما السودانية و لماذا السوارات التي تطوقها؟رغم يقيني أن إمكانيات الفنانات لو تم توظيفها وسط تيم مبدع ستكون النتيجة مبدعة هي الأخرى و الدليل فايزة عمسيب في (عرق البلح) الفيلم المصري المذهل.
هو فيلم يكرس لمعاناة المرأة يشرّح دواخلها بحرفنة و يقدم كل النماذج الممكنة طيبها و شريرها صامدها و متهالكها بشكل راقي جداً.

Quote: وأعود لموضوع البوست: Quote: Quote: والسذاجة يا عزوز الحبيبة أن الزوجة ما اقتنعت إلا بعد البيه جاب ليها كتاب سيد قطب (في ظلال الإسلام) وحط ليها ورقة مثنية في الفصل الفيهو تعدد الزوجات و كتب ليها جواب(كذا إنو المواجهة الأولى فشلت) و قال ليها دايرك تقري الكتاب كويس عشان تعرفي أنا داير (أعدد) ليه؟ أعتقد أن الثيمة الأساسية لهذه الدراما توجد هنا. يعني القصة دعاية لكتاب وكاتب أكثر مما هي نظرة ومعالجة لاشكال إجتماعي.

ليت المسئولين عن التلفزيون يعون أن الإسلام لا ينتشر ب(حد الإجبار) بل بتقديمه بطريقة سلسة و مبسطة و حقيقية تعالج مشكلات المجتمع بحرفية عالية.
محبتي أبنوسة.

لصاحبة البوست العزيزة لنا
و لكل من كتب الود و التحايا الكريمة ,

عارفة يا لنا ما لفت له الانتباه من مادة درامية تعكس تماما الوضع المأساويى للدراما السودانية الذى هو انعكاس لما هو كائن من وضع اجتماعى مريع هو فى الاصل نتاج اوضاع سياسية و اقتصادية موغلة فى التردى

و هو ما ايدته النجمة الوضيئة تماضر و ما اكدته العزيزة ابنوسة بقولها :

(الصديقة تماضر: اضم صوتي لصوت لنا، وأدعوك لمتابعة ما بدأتيه " المرأة في الدراما السودانية)

و هو ما ارجو ان يتواصل النقاش و الحديث عنه باستفاضة علنا ننجح فى الدعوة لحفز كل المبدعات من بنات بلادى للمشاركة فى انتاج اعمال درامية نسائية الكتابة و الاخراج و حتى الانتاج ان امكن !

و لعله من الملاحظ جودة و صدق و دفْ ما سبق ما تم ما اعمال درامية ذات بصمات نسائية خاصة.

و لك الود ,


نادية السر

Quote: لصاحبة البوست العزيزة لنا و لكل من كتب الود و التحايا الكريمة , عارفة يا لنا ما لفت له الانتباه من مادة درامية تعكس تماما الوضع المأساويى للدراما السودانية الذى هو انعكاس لما هو كائن من وضع اجتماعى مريع هو فى الاصل نتاج اوضاع سياسية و اقتصادية موغلة فى التردى و هو ما ايدته النجمة الوضيئة تماضر و ما اكدته العزيزة ابنوسة بقولها : (الصديقة تماضر: اضم صوتي لصوت لنا، وأدعوك لمتابعة ما بدأتيه " المرأة في الدراما السودانية) و هو ما ارجو ان يتواصل النقاش و الحديث عنه باستفاضة علنا ننجح فى الدعوة لحفز كل المبدعات من بنات بلادى للمشاركة فى انتاج اعمال درامية نسائية الكتابة و الاخراج و حتى الانتاج ان امكن !و لعله من الملاحظ جودة و صدق و دفْ ما سبق ما تم ما اعمال درامية ذات بصمات نسائية خاصة. و لك الود , نادية السر

نادية الحبيبة فقدتك و الله الايام الماضية و كل عام و أنت بألف خير و بيننا هنا ما غايبة.
و ألتقط الخيط منك لأؤيد اقتراحك لدعم وانتاج أعمال نسوية تناقش مشكلات المرأة السودانية بعمق و تقدم حلولاً ناجحة لها عبر تيم متكامل و متناسق إنتاجاً و تمثيلاً و إخراجاً و توزيعاً،فهموم المرأة السودانية أكبر و أشمل مما يقدم على مستوى الدراما التي نشاهدها الآن و هي جد ظالمة لشريحة مجتمعية مهمة بل و تمثل نصف طاقة المجتمع المنجزة.
تماضر قالت أن المشكلة أن من يكتب مشاكل المرأة هو الرجل لذلك لا تكون لمعالجاتها خصوصية كما لو كتبتها المرأة بنفسها.
لك التقدير و التحية و أتمنى أن أرى المزيد من مداخلاتك.
لنا

العزيزة لنا,

و انت و من تحبين بخير يا رب و شكرا على تكرمك بالرد ,

و معا كلنا لبعث دراما سودانية اصيلة صادقة تعبر عن واقع الحال بتجرد و بصيرة و عندها فقط ننتج من الاعمال ما ينضح جمالا فى مبناه و معناه.



و دمت انت و مبدعات بلادى الجميلات ,


ودى يتكرر ,
نادية السر

Quote: خليك يا لنا من الفضائية اديك الواقع المر في منتصف التسعينات حينما اطلقت نساء المؤتمر الوطني النظرية الوطنية الفكرية الهائلة لحل مشاكل المجتمع باتباع سنة التعدد، قام احد المتاسلمين وهو من الكوادر القيادية وويحتل مركز دبلوماسيا رفيعابتطبيق النظرية المشهورة ، وحينما علمت زوجته وهي كادر اقدر منه بان زوجها اتبع السنة قامت باستدعاء اخويه اللذان كانا شهود في العقد، وقالت ليهم بالحرف الواحد، اسمعوا اخوكم العرستوا ليه ده امشوا طلقوها قبل ما يدخل عليها وهسسسسسسسسسة وتجوني راجعين توروني الحصل شنو يلا بلا تعدد بلا قلة ادب وقد كان ومازال اخونا عايش في قبيلة الموحدين

الحبيب دكتور محمد
عافية منها خوفت الراجل و حسمتو حسم ثوري و باين الحسم جاهو هادر لدرجة جعلتو يغير اتجاهو من معدد لموحد
كان تكمل جميلك و تشرح لينا الآلية بالتفاصيل

ليك الود يا حبيبه لنا
انت عارفة كنت زهجان شديد ومدبرس لكن البوست بتاعك ده خلانى اضحك من تعليقاتوا اللذيذه ,والواحد ما عارف موقفوا وين من تعدد الزوجات لانوا ناس الجبهة ديل صعبوا علينا الواحده لمن الدبل ولا التربل(وزى ما قال لينا عمنا مهدى بشير ابو جيب الله يرحمه انو نحن جينا فى زمن صعب ويا حليل زمان ناس الجبهة عرسوا البنات السمحات كلهم وخلوكم فى الصقيعة)

Quote: ليك الود يا حبيبه لنا انت عارفة كنت زهجان شديد ومدبرس لكن البوست بتاعك ده خلانى اضحك من تعليقاتوا اللذيذه ,والواحد ما عارف موقفوا وين من تعدد الزوجات لانوا ناس الجبهة ديل صعبوا علينا الواحده لمن الدبل ولا التربل(وزى ما قال لينا عمنا مهدى بشير ابو جيب الله يرحمه انو نحن جينا فى زمن صعب ويا حليل زمان ناس الجبهة عرسوا البنات السمحات كلهم وخلوكم فى الصقيعة)

الحبيب عبدالمنعم مش شي مستفز شباب ما قادرين يتزوجو واحدة و التلفزيون السوداني يكرس للتعدد بدون داعي؟؟
حقو تعملو رابطة غير القادرين على الزواج و ترفعو قضية على التلفزيون السوداني و المحامي عليْ أنا

إنقطاع قسرى عن تلفزيون السودان فرضته ظروف الدكتاتوريه..واشياء أخرى...
والانقطاع امتد حتى بعد ظهور الدش والحمدلله...
لكنى كنت متابع قديم للدراما...وكذلك ناس البيت...الكلام ده منذ ايام اوراق الورد !
ناس البيت ما زالو يمارسون عشقهم القديم بمتابعة المسلسلات...!
دخلت عليهم ذات مره وجدتهم فى الحوش والتلفزيون جوه مقفول...سألتهم :ليه قافلين التلفزيون...فردو على بصوره عفويه:المسلسل سودانى...!!

Quote: إنقطاع قسرى عن تلفزيون السودان فرضته ظروف الدكتاتوريه..واشياء أخرى... والانقطاع امتد حتى بعد ظهور الدش والحمدلله... لكنى كنت متابع قديم للدراما...وكذلك ناس البيت...الكلام ده منذ ايام اوراق الورد ! ناس البيت ما زالو يمارسون عشقهم القديم بمتابعة المسلسلات...! دخلت عليهم ذات مره وجدتهم فى الحوش والتلفزيون جوه مقفول...سألتهم :ليه قافلين التلفزيون...فردو على بصوره عفويه:المسلسل سودانى...!!

الحبيب مكي
قلتا لي مافي داعي للمشاكل؟؟
قريت تعليقك في بوست راجل المرتين و حقيقة مافي داعي للمشاكل
بس أنا للأسف كررت الغلطة و حضرت تمثيلية تانية ولا زلت متابعاها
اللهم لا تمحنا لا تبلينا!

يا خواننا ضربتين في الراس يوجعو
أها حسة بحضر ليْ في تمثيلية تانية
البطل فاقد الذاكرة و مشى شندي إتعرف بي تاجر
وبقى يجيهو في البيت و تعرف بأسرتو
أها بت التاجر أبوها قال للبطل إنها جابت مجموع كويس بدخلها قانون لكن أبت تخش الجامعة.
سألها البطل باستغراب:"لييه ما قريتي جامعة"؟؟
قالت ليهو بدلال:"صاحباتي كلللللللللهن البيقرن تجارة و البيقرن قانون بيجو راجعات للكانون فأقرا لييه؟"
ربببببببببببي الضغط 150 على 110 يا بورداب

Quote: يا خواننا ضربتين في الراس يوجعو أها حسة بحضر ليْ في تمثيلية تانية البطل فاقد الذاكرة و مشى شندي إتعرف بي تاجر وبقى يجيهو في البيت و تعرف بأسرتو أها بت التاجر أبوها قال للبطل إنها جابت مجموع كويس بدخلها قانون لكن أبت تخش الجامعة. سألها البطل باستغراب:"لييه ما قريتي جامعة"؟؟ قالت ليهو بدلال:"صاحباتي كلللللللللهن البيقرن تجارة و البيقرن قانون بيجو راجعات للكانون فأقرا لييه؟" ربببببببببببي الضغط 150 على 110 يا بورداب

الاخت العزيزة لنا
تحياتي
التمثيلية التانية بالجد لطيفة .. بالصدفة شفتا منها جزء .. و بصراحه عجبني اداء الممثلين ..
بغض النظر عن تكسير الكبابي .. و "خدت الشر و راحت" ..الخ .. و شوية تعبيرات مصريه هنا و هناك .. الدراما السودانية ماشة كويس ..

و لا انتي "ايه" رايك

Quote: الاخت العزيزة لنا تحياتي التمثيلية التانية بالجد لطيفة .. بالصدفة شفتا منها جزء .. و بصراحه عجبني اداء الممثلين .. بغض النظر عن تكسير الكبابي .. و "خدت الشر و راحت" ..الخ .. و شوية تعبيرات مصريه هنا و هناك .. الدراما السودانية ماشة كويس .. و لا انتي "ايه" رايك

الحبيب عبدالرازق
رأيي إنها برضو "هباب" برغم الأداء الجيد للممثلين مقارنة بالأولى محط الحديث هنا.
لكن التكريس لأن المرأة لا لزوم لتعليمها طالما مصيرها البيت و "الكانون" فيه حط من قدر المرأة،وإستفزني مشهد آخر عندما أصرت والدة الزوجة التي اعتقدت أن زوجها دهسه القطر،أصرت على ألا تقام حفلة لزواج إبنتها رغم أن العريس هي (أول بختو)،ويفهم من كلام الأم أن السبب أن الإبنة (عزبة)(أرملة) و الخوف من كلام الناس لأنه في تقاليدنا العزبة مثلاً ما بتتجرتق و تختصر في حالة زواجها الثاني مظاهر الإحتفال!
دة كلام دة يا جدع؟؟؟

Quote: يا خواننا ضربتين في الراس يوجعو أها حسة بحضر ليْ في تمثيلية تانية البطل فاقد الذاكرة و مشى شندي إتعرف بي تاجر وبقى يجيهو في البيت و تعرف بأسرتو أها بت التاجر أبوها قال للبطل إنها جابت مجموع كويس بدخلها قانون لكن أبت تخش الجامعة. سألها البطل باستغراب:"لييه ما قريتي جامعة"؟؟ قالت ليهو بدلال:"صاحباتي كلللللللللهن البيقرن تجارة و البيقرن قانون بيجو راجعات للكانون فأقرا لييه؟" ربببببببببببي الضغط 150 على 110 يا بورداب

مازمان الرسول (ص) قال :لا يلدغ المؤمن من جحر مرتين"
مالك يااميرة بتباري سكة الملادغ..
المصري قال: ابعد عن الشر وغنيلو
ونحنا نقول: اقفلي الهبابية السودانية تسلمي من الكلسترول والسكري
وفي روايه اخرى ترتاحي من الضغطي.

Quote: Quote: Quote: يا خواننا ضربتين في الراس يوجعو أها حسة بحضر ليْ في تمثيلية تانية البطل فاقد الذاكرة و مشى شندي إتعرف بي تاجر وبقى يجيهو في البيت و تعرف بأسرتو أها بت التاجر أبوها قال للبطل إنها جابت مجموع كويس بدخلها قانون لكن أبت تخش الجامعة. سألها البطل باستغراب:"لييه ما قريتي جامعة"؟؟ قالت ليهو بدلال:"صاحباتي كلللللللللهن البيقرن تجارة و البيقرن قانون بيجو راجعات للكانون فأقرا لييه؟" ربببببببببببي الضغط 150 على 110 يا بورداب مازمان الرسول (ص) قال :لا يلدغ المؤمن من جحر مرتين" مالك يااميرة بتباري سكة الملادغ.. المصري قال: ابعد عن الشر وغنيلو ونحنا نقول: اقفلي الهبابية السودانية تسلمي من الكلسترول والسكري وفي روايه اخرى ترتاحي من الضغطي.

الحبيب وليد
تقول شنو بس لي شقاوتي و عدم العظة و العبرة من أمس الأول.
زوجي مدمن لقناة الجزيرة و أنا بحب التنوع أها من ديك قلتا ليهو نار الجزيرة و لا جنة السودانية

Quote: سلام يا ناصر لو سمحت يا حبيب جيب اللنك البيثبت ان الصادق المهدي قال هذا الكلام.

العزيزه لنا سلام
كلام الصادق اهو دا

Quote: إنّ موضوع جواز زواج الرجل من أربع نساء لا يتعلق بقيمة المرأة الإيمانية ولا الإنسانية فرب امرأة أفضل من زوجها إيمانيا وإنسانيا ولكن هذا الحق متعلق بطبيعة الرجال وطبيعة النساء . الرجل أشد تعرضا للإثارة الجنسية وهو أقل صبرا عليها ونزعته لتجاوز العلاقة مع واحدة أكبر . وهذا واقع يدل عليه ما درس من أحوال الرجال في المجتمعات الوضعية . والرجل عمره الجنسي أطول من عمر المرأة إذ أنّ ذكورته وهرموناته تبدأ منذ البلوغ وقد تستمر حتى نهاية عمره

حقوق النشر محفوظة للاخ العمده

Re: المرأة في الإسلام: تعديل مفهوم النصوص الشرعية حتى ت...ق الإنسان العالمية.

Quote: جر هذا البوست للمنطقة التي أردتها له غير لطيف خاصة

يا ستي انا اسف لو زعلتي و والله انا ما قاصد اجرو لي اي منطقه

خلاصة كلامي مفكر بوزن السيد الصادق المهدي كلامو اخطر بكتير من تمثيلية في التلفزيون و حقيقه الذي ادهشني في مقال السيد الصادق المهدي هو تبرير التعدد بحجج واهية و في اكثر صور العلاقة الزوجية حيوانية
نعم هناك ظروف تجبر الرجل للتعدد او طلب الطلاق للمرأة كالمرض او العقم، لكن إختزال العلاقة الزوجية في إطار الجنس هذا فهم وضيع لقيمة العلاقة الزوجية و ظلم بائن للمرأة و قد رفضه الرسول الكريم صلوات الله و رضوانه عليه علي فاطمة الزهراء ، إلا ان نقول انه ظلم علي بن ابي طالب عندما حرم عليه ما احله الله له، وحاشا لمن ارسل رحمة للعالمين ان يظلم احد!!!

مع تقديري

ناصر

Quote: إختزال العلاقة الزوجية في إطار الجنس هذا فهم وضيع لقيمة العلاقة الزوجية

You deserve a standing ovation.
thanks Nasir

الحبيب ناصر
شتان ما بين كلامك أدناه:

Quote: لكن يا لنا مهدي و الله بالغتي عديل كده...يعني انتي هسي تزعلي من محمود المغمور المسكين ده و لا من السيد الصادق المهدي المفكر و المنظر الاسلامي الكبير اللي برر للتعدد بفحولة الرجل الذي لا تشبع رغباتة الدونية إمرأة واحدة؟؟؟

وبين كلام الصادق المهدي هنا و الذي أتيت به مبتوراً لتعزز رأيك فيه :

Quote: إنّ موضوع جواز زواج الرجل من أربع نساء لا يتعلق بقيمة المرأة الإيمانية ولا الإنسانية فرب امرأة أفضل من زوجها إيمانيا وإنسانيا ولكن هذا الحق متعلق بطبيعة الرجال وطبيعة النساء . الرجل أشد تعرضا للإثارة الجنسية وهو أقل صبرا عليها ونزعته لتجاوز العلاقة مع واحدة أكبر . وهذا واقع يدل عليه ما درس من أحوال الرجال في المجتمعات الوضعية . والرجل عمره الجنسي أطول من عمر المرأة إذ أنّ ذكورته وهرموناته تبدأ منذ البلوغ وقد تستمر حتى نهاية عمره

وطبعاً لتبرر لكلامك و توهم القارىء أن المهدي يكرس للجنس كسبب أوحد للتعدد اجتزأت كلام السيد الصادق و أتيت ببعضه على طريقة ولا تقربوا الصلاة
برغم أن بقية سطور المقال تبين كل الأسباب التي تدفع بعض الرجال للتعدد ولكنك اخترت التجزئة لسبب ما.
مش قلتا ليك السياسة ال ح تجننكم دي
وهاهو بقية كلام الصادق المهدي و بطل تجزيء و انتقاء مخل:

Quote: بينما المرأة تتأثر أنوثتها وهرموناتها بسن اليأس . كما أنّ الرجل مهيأ للجنس في كل الأوقات بينما يعطل استعداد المرأة في فترات الحيض والنفاس وبعض أشهر الحمل . هذه المفارقات في أحوال الرجال والنساء هي التي فتحت باب التعدد للرجال ، وهو باب لا يدخل منه كل الرجال ولكن يجد بعضهم دافعا قويا للدخول منه . وستظل نسبة من الرجال مندفعة نحو التعدد في كل المجتمعات وسيتم التعدد سواء كان في شكل مشروع ومحدد كما هو الحال في الإسلام ، أو كان في شكل غير مشروع وغير محدد كما هو الحال في المجتمعات الأوروبية والأمريكية الحديثة. إنّ التعدد ليس واجبا إسلاميا مطلقا ويوجد في نصوص القرآن ما يمكن أن يفهم منه تفضيل الواحدة . ولكن التعدد جائز وفي ظروف معينة حينما يكون فيه قفل لدروب المعصية . مثلا إذا لم يكن الرجل صابرا على المفارقة في طبيعته وطبيعة زوجته ، أو في الظروف التي تزيد فيها أعداد النساء عن أعداد الرجال وهذه حالة معتادة ففي ظروف الحرب والبلاء العام والوباء أي في ظروف الشدة غير المعتادة يزيد عدد الضحايا من الرجال زيادة كبيرة . وفي الرخاء والسلام تزيد نسبة المواليد من البنات .فإن صح أنّ عمر الرجل الجنسي أطول من عمر المرأة الجنسي ، وإن صح أنّ العقم بين النساء أكثر منه بين الرجال ، وإن صح أنّ ظروف الشدة وظروف الرخاء كلاهما يزيد عدد النساء على الرجال أليس من العقل والحكمة أن يفتح باب التعدد ؟

الحبيه لنا
اولا انا رائ الشخصي في موضوع التعدد والذي لا يقبل المساومه بغض النظر عن اي سبب من الاسباب هو الرفض .اري ان الرجل الواحد للمراه الواحده وان اراد زوجي اخري فليذهب ويناولني ورقه طلاقي . اما اذا كن هناك نساء يقبلن ان تقاسمهن اخري او اخريات ازواجهن فهذا خيارهن ومن تعاف نفسها البقاء في مثل هذه الزيجه يجب طلاقها واعطاءها ما يكفل لها كريم العيش بالقانون الا ان تزوجت مره اخري يسقط هذا الحق.
والان الي ما اوردتيه من حديث السيد الصادق المهدي مع احترامي لوجه نظره لكين لي بعض الملاحظات حولها

Quote: بينما المرأة تتأثر أنوثتها وهرموناتها بسن اليأس . كما أنّ الرجل مهيأ للجنس في كل الأوقات بينما يعطل استعداد المرأة في فترات الحيض والنفاس وبعض أشهر الحمل . هذه المفارقات في أحوال الرجال والنساء هي التي فتحت باب التعدد للرجال ، وهو باب لا يدخل منه كل الرجال ولكن يجد بعضهم دافعا قويا للدخول منه

نقص الهرمونات بتقدم السن ليس قاصرا علي المراه وحدها والفارق الوحيد ان الرجل يمكنه ان ينتج الحيوانات المنويه اي انه قادر علي عمليه التكاثر بينما يتوقف انتاج البويضات لدي المراه لكن الاستعداد والنشاط الجنسي يكون متقاربا لكليهمااذا ليس هناك داع للتعدد بعد ان وصلا الي تلك المرحله المتقدمه من العمر سويا ولا يعتبر الانجاب لاطفال ابرياء بواسطه شيخ مسن ربما لا يمهله الموت لرعايتهم بامر مستحب .
اما اذا كان الزوج لا يستطيع ان يصبر ايام الدوره او لاي مانع صحي طارئ فاري انه حاله مرضيه تستدعي العلاج وليس التعدد.وفي هذه الحاله تكون العلاقه الزوجيه في نظر مثل هذا الزوج هو الجنس فقط وهذا ما اشار اليه السيد ناصر.وليس هذا تبخيسا لاجتهاد السيد الصادق المهدي الذي حاول ان يجد تفسيرا للتعدد بل هو تقييم لهذا النوع من الرجال الذي يري في الزوجه وعاءا جنسيا فقط يمكن استبداله في اي وقت لا تكن فيه فادره علي تاديه هذه الدور .

Quote: You deserve a standing ovation. thanks Nasir

الحبيبة دوما
نعم كلام ناصر من حيث المبدأ يستحق الوقفة والإحترام لكنه أورده في سياق بتر فيه كلام السيد الصادق وسلط ضوءً على هذه الجزئية ليعزز كلامه أن الصادق المهدي يكرس للتعدد فقط من أجل الجنس، فأوردت له بقية المقال الذي أنزله على طريقة ولا تقربو الصلاة.
محبتي
لنا

الحبيبة لنا

أجمل تعليق من دوما :

Quote: ما عندي غرض بي بوروندي ولا رواندي انانيه وفسله في زوجي للطيش اذا هو قرر يعرس السمحه وصغيره انا ما عايزه منه غير ورقتي وبس

طيب لو بقتْ كبيرة و شينة ؟

Quote: طيب لو بقتْ كبيرة و شينة ؟

لو بقت كبيره وشينه عاد الا يكون لمالها وفي الحاله دي يديني ورقه طلاقي ويقسم لي معاه مما اعطاه الله

دوما

Quote: لو بقت كبيره وشينه عاد الا يكون لمالها وفي الحاله دي يديني ورقه طلاقي ويقسم لي معاه مما اعطاه الله

إنت بالأوال أضمني القسمة التي مما أعطاه الله ... و بعد داك أخلعيه

Quote: دوما Quote: Quote: لو بقت كبيره وشينه عاد الا يكون لمالها وفي الحاله دي يديني ورقه طلاقي ويقسم لي معاه مما اعطاه الله إنت بالأوال أضمني القسمة التي مما أعطاه الله ... و بعد داك أخلعيه

والله ياأبو جهينة ياخوي رأي نجيض تب

أنا شخصياً ما بعرس في مرتي إلا إذا كانت حاجة كاتبا ربنا

Quote: إنت بالأوال أضمني القسمة التي مما أعطاه الله ... و بعد داك أخلعيه

ان شاء الله يا ابو جهينه الخلعه التخلع سنونوا تعدموا الضرس كان داير يعدد انا بي فلسو رضيانه والله الضر حار قطعه من نار انا غايتو معترفه ما بحملوا تب والله ما ضوقني ليهو .
بس اليعدلو لينا القانون انه يصرف علينا بعد الطلاق ويعيشني واولادي في نفس المستوي المعيشي وخشم الباب ما يعتبو ولاخلقتوا تاني ما دايره اشوفها ولا في الحلم

دوما

Quote: ان شاء الله يا ابو جهينه الخلعه التخلع سنونوا تعدموا الضرس كان داير يعدد انا بي فلسو رضيانه والله الضر حار قطعه من نار انا غايتو معترفه ما بحملوا تب والله ما ضوقني ليهو .

ربنا يسعدك يا دوما و يخليلك أبو العيال و العيال و ربنا يخليهو ما يشوف في الدنيا دي غيرك .. آمين.

تخريمة :
قالوا في زول في القرية قاعد يدق مرتو في الشارع.
صاحبو من بعيد كورك ليهو : يا زول ما تدقها كدي. المرا بيدقوها بالمرا
المرا المسكينة و من تحت وظأة الدفس و اللبيع و الضرب قالت : ما تسمع كلام صاحبك المطرطش دة ، دُقْ دقَّك ساكت ..

يا سلام يا عمر عزيز دا الكلام التمام . انت نعم الرجل والله وربنا يريد ليكم كل الخير انت وزوجتك

تسلمي أخت دما وربنا يدوم عليكم الصحة والسعادة.

تعرفي يادوما معنا هنا في دبي واحدة أسترالية ألتقيتها يوما من الايام في مجال العمل وصارت بيني وبينها معرفة وأبدت رغبتها في التعرف علي الاسلام وكانت بتسألني بين فترة واخري عن أشياء في الاسلام وأستوقفتهامسألة تعدد الزوجات، فأوضحت لها بأنها مسالة إختيارية وليست إجبارية ويجب أن تتم بموافقة الزوجة ورضاهاوالقرآن ذكر مراعاه العدل والمساواة في كل شي بين الزوجات
فلم تقتنع تماما وأبدت تحفظاً فقالت لي بأن القانون عندهم في أستراليا إذا الواحد إتزوج أسترالية وأكتشفوا إنه له زوجة أخري سوف يكون عقابه السجن. فلذلك أقترح بالتحصن بجواز السفر الأسترالي

غايتو يا عمر عزيز تتبارك ما تتشارك

آمييين يارب

العزيزة علينا (لنا) ،،
السلام والتحيات والعيدعلينا وعليكم سعيد ويعود بالخير والبركة على بلدي العزيز،،


بوست ظريف لكن مركبه يتأرجح بين شاطئين وشكلو ما ثابت على حال :

هل هو نقد للدراما السودانية ولا نقد للتعددية؟؟
إن كان الموضوع دراما: فأقول
الدراما السودانية فارقت الحياة ، وتمثليتك دي كوم ، وفي حاجة كدا إسمها ((شهادة عربية)) دي كوم تاني!!!

أما التعدد ،،
على ما أعتقد أن الشهر الماضي (أكتوبر 2006م) كان نهاية إشتراكي في هذا النادي (تقاعد لدخول الخمسة والأربعين)، يعني الأمل في التعدد لدينا لحق أمات طه أي : لحق الدراما السودانية ،،
وجاء الدور لنركز مع خالد وأخوانه وأخواته ،، ونسأل الله يخلي المدام ،،


موضوع الدراما دا داير قعدة والله : وناس التلفزيون ديل لو ما كسرو الكارو المؤجرنها لسمية
عبداللطيف دي في أي مسلسل وتمثليلة راكباها ما أظن ينصلح الحال:-

المصريين الغريبة نشوف مسلسلاتهم والأنتريهات وأحواض السباحة وعوجة اللسان باللغات الأجنبية والفلهمة نقول ديل من عالم آخر ،، لما نقعد معاهم (هنا في السعودية طبعا أو حتى في مصر) نلقى نفسنا أفهم منهم وقيل أرقى منهم في كل شيء،، لمن تجي الدارما حقتنا ويجيبو العواسة والتكل وزريبة الغنم نحس أنو نحن وراهم بمليون سنة،،

الحكاية تسويق ياعالم ،، وعلى وزارة الإستثمار أن تتدخل لإيقاف هذه الدرامة التي تبعد المستثمرين وتصور السودان كأنه يعيش في القرن الحجري،،
عيب يابدرية إستثمارية عيب والله وتخلف ، وحتى شبابنا هيلاهوب لما مشوا لندن ، تحدثوا لنا من هناك عن أمتكشوا والميلوحة،،، وكأنهم قادمين من كوكب آخر،،
===
تخريمة :
صديقي العزيز دخلت معه دار الرياضة بالأبيض بعد سنين طويلة ،، الكورة تدق في العارضة وتطلع والمهاجمين بي كريعاتهم الرقاق يشوتوا في القون تطلع في الآوت البعيد ، قال لي وبكل قناعة : قوم يازول أرح الكورة دي دواها كتيير خالص خالص،، (يقصد الأنطون))،،

آخر : قال لي إن مباراة في كرة السلة بمدينة((------)) طلعت النتيجة صفر صفر ،، واللع العظيم،،

----
هوي ياناس عايزين شغل كتير ،، وياريت نلتفت للمناهج البدرسو فيها المشلعيب والكرك وكيفية عمل الراكوبة وبيوت القش ،،

---
على كل الغالية (علينا) لنا المهدي : بوست ظريف ويعالج بروح لطيفة مسألة عويصة ، ويا ناس التلفزيون أقول ليكم حاجة: إختشو : الممثلين والممثلات في العالم كله يتوخى في إختيارهم حسن المظهر وجمال المحيا، إلا أن تكون موهبة فرضت نفسها ويكون ذلك إستثناء،،

ليس من الضروري أن تكون لدينا دراما سودانية إن لم تتوفر لها المقومات البشرية والمادية،، وإن كنتم لا محالة فاعلين : فرفقاً بنا وعليكم الله يالمصورين :
إلغوا (disable)من كاميراتكم full screen buttons
ويسلم الجميع،،

العزيزة جدا دومة تحياتي... و انتهز هذه السانحة لكي اعبر لك عن مدي إعجابي بك و بشخصك الكريم


العزيزة لنا سلام و عساك طيبة
شايف في مداخلاتك معاي تلميحات الي ان لي مقاصد و اجندة اريد تمريرها في حق السيد الصادق و قد تكون مقاصد سياسية ... هذا الاحساس لدي نابع من مشاهدات كهذي

Quote: جر هذا البوست للمنطقة التي أردتها له غير لطيف

يعني انا لدي اجندتي الخاصة و هذا امر غير لطيف

Quote: السياسة ال ح تجننكم دي!!

تلميح انني احاول ان احقق كسب سياسي علي حساب السيد الامام!!!
و لقد تجاهلت انا ان ارد علي هذا الاتهام في المرة الاولي

Quote: وطبعاً لتبرر لكلامك و توهم القارىء أن المهدي يكرس للجنس كسبب أوحد للتعدد اجتزأت كلام السيد الصادق و أتيت ببعضه على طريقة ولا تقربوا الصلاة

ناصر يبذل مجهود لكي يوهم القارئ!!
و ريني انا قلتا وين سبب اوحد؟؟

Quote: برغم أن بقية سطور المقال تبين كل الأسباب التي تدفع بعض الرجال للتعدد ولكنك اخترت التجزئة لسبب ما.

لسبب ما في نفس يعقوب...نظرية المؤامره؟؟

Quote: مش قلتا ليك السياسة ال ح تجننكم دي

تاني جاب سيرت البحر...يعني انا هسي اعمل شنوا ؟؟ اجيب شاهد دفاع و لازم يقسم علي كتاب الله انو ناصر ده عمروا ما عندوا اي علاقة بالسياسه؟؟
لقد ذكرت الاتي

Quote: هذا القول مع تأكيد احترامي و تقديري للسيد الصادق بالرغم من إختلافي معه فقد اجتهد و برضوا ليهو اجر المحاولة

يا لنا مهدي التشكيك في نواياي لا ينقص و لا يزيذ من قيمة محاولة السيد الصادق المهدي و اجتهاده في هذا الامر
طيب عشان نشيل مسألة النوايا دي خارج المعادله...فلنفترض مؤقتا انني انا ناصر جامع لدي اسباب و اجندة خاصة في نفسي ( تصدقي و تامني بالله انا زاتي ما عارف الاسباب دي شنوا ) بس حبيب اكفيك مؤونة تعريتي للقارئ الكريم
يلا تعالي وريني رأيك شنوا في كلام السيد الصادق؟؟
السيد الصادق و انت توافقيني الرأي قال ان احد الاسباب (و ليس السبب الاوحد) لجواز التعدد هو عدم التوافق الجنسي بين الزوجين
يعني إذا الرجل لم يجد الإشباع الجنسي من الزوجة يجوز له ان يتزوج عليها...انا مشكلتي مع السيد الصادق هي انه ادخل موضوع الجنس في معادلة التعدد كاحد الاسباب ...يعني مرأة حافظه لي زوجها في عرضه و ماله وما شاء الله ودوود ولوود و ماسكه بيتها و عيالها و تقوم بكل واجباتها الزوجية و البيتيه علي اكمل وجه ... لكن مشكلة زوجها ( يعني ما مشكلتها هي) راجل فحولتو زايده و مدفقه لي غادي و هو أشد تعرضا للإثارة الجنسية منها و أقل صبرا ... السيد الصادق يقول يجوز لهذا الرجل ان يتزوج علي هذه المرأه...و انا اقول هذا إختزال للعلاقة الزوجية في إطار الجنس و اقول ان هذا فهم وضيع لقيمة العلاقة الزوجية
طيب نمشي خطوة لي قدام و نحلل كلام الصادق
اقل صبرا علي الإثارة الجنسية؟؟ ده كلام فارغ ساي ... في زمننا هذا محظوظ جدا من يتزوج دون الخامسة و العشرين من العمر و الكثيرين جدا يتزوجون بعد الثلاثين... يعني اخصب فترات العمر و اكثرها شبقا و اشتهاء للمرأة و هي مرحلة المراهقة و بواكير الرجولة الزول يكون صابر بسبب الفلس و ضنك العيش...و يقوم يتزوج في العشرينات من العمر و برضوا يكون صابر و يقوم يشق طريق النجاح مع زوجة مدبره و صابره و بعد عشرين سنة الرصيد في البنك زاد و بي قدرة قادر فحولتوا تزيد و خلاص ما قادر يصبر لي حمل و لا حتي لايام معدودة ايام الدورة؟؟؟ وريني نسبة الرجال المعددين و في العشرينات من العمر كم؟؟ اكتر المعددين انتهي اكثر من نصف عمرهم الافتراضي و من اربعين و لا فوق و لديهم زوجة اولي صبرت علي سنوات الشظف الاولي و فجأة الراجل الصبر عشرة سنوات من عمر 15 و حتي 25 بدون زوجه مثلا و صبر عشرين سنه من عمر 25 و حتي 45 مثلا فجأة هذا الرجل يمتلك طاقة جنسية لا يستطيع ان يصبر معها ايام معدودات؟؟ أي هراء هذا
طيب نمشي خطوة تانية مع السيد الصادق

Quote: وسيتم التعدد سواء كان في شكل مشروع ومحدد كما هو الحال في الإسلام ، أو كان في شكل غير مشروع وغير محدد كما هو الحال في المجتمعات الأوروبية والأمريكية الحديثة.

و ايضا

Quote: ولكن التعدد جائز وفي ظروف معينة حينما يكون فيه قفل لدروب المعصية . مثلا إذا لم يكن الرجل صابرا على المفارقة في طبيعته وطبيعة زوجته

و هذا قول اسواء من سابقه لانه تصوير بائس للرجولة الحقيقية... كأن الرجل طفل كبير يسأم لعبته القديمة و يبكي كلما رأي لعبة جديده ... و يا يشتريها يا يسرقها و يلعب بها في الخفاء ...و بالمناسبه هذا الرجل مفروض يمثل خير امة اخرجت للناس و لديه قيم و اخلاق تتفوق علي خلافه من البشر!!! اقل ما استطيع ان اصف به هذا الفكر انه فكر عقيم و بائس
نمشي قدام شويه كمان

Quote: في الظروف التي تزيد فيها أعداد النساء عن أعداد الرجال وهذه حالة معتادة ففي ظروف الحرب والبلاء العام والوباء أي في ظروف الشدة غير المعتادة يزيد عدد الضحايا من الرجال زيادة كبيرة . وفي الرخاء والسلام تزيد نسبة المواليد من البنات

السيد الصادق يقول عدد النساء اكثر من الرجال سواء في الحرب او في السلم...لا ادري من اين اتي بان عدد النساء في زمن الرخاء والسلام اكثر من عدد الرجال
مثلا في امريكا هذا الكلام غير دقيق
عدد الرجال في الفئه العمرية 14-24 اكثر من عدد النساء بحوالي 5.9%
و في الفئه العمرية 25-44 اكثر من عدد النساء بحوالي 1.7%
يعني من 14 ل 44 و هي فترة الخصوبة لدي المراة هناك و فرة في عدد الرجال...لكن في الفئة العمريه الاكبر من 45 عدد النساء اكثر لانهن يعمرن اكثر من الرجال
http://www.infoplease.com/ipa/A0800439.html
...نفترض كلام السيد صحييح هل التعدد هو الحل لهذه المشكلة ؟؟ كم هي نسبة المتزوجين من الشباب في عمر الزواج؟؟ نفترض ان لدينا في قرية صغيره جدا 90 شابه غير متزوجة و 75 شاب غير متزوج و 80 زوج و زوجه ... هل الحل ان نشجع ال 80 المتزوجين يدبلو و لا نسهل لل 75 اللسع ما ضاقو الحلال و ما شافوا جديدهم؟؟ لماذا لا نحارب غلاء المهور و التباهي و الفنظزه الفارغه ؟؟؟
نمشي قدام شويه كمان

Quote: .فإن صح أنّ عمر الرجل الجنسي أطول من عمر المرأة الجنسي

اعتقد ان الاخت دومه اوفت في الرد علي هذه الفرضية...لكنني اضيف هنا ان الفرضيه هنا مبنيه علي ان المراه التي هي في سن اليأس كما يقولون ( لاحظي التسمية هنا) لا تستطيع مجاراة زوجها جنسيا و الذي هو نفسه في اغلب الاحيان يكون فوق الخمسين من العمر ان كانت هي فوق الخامسة و الاربعين...و هذا الشيخ في الغالب يتزوج امراة في قمة نشاطها الجنسي في العشرينات من العمر و بداية الثلاثينات من العمر فكيف يكون الامر ان عجز هو عن مجاراة نشاطها و حيويتها؟؟
لدي الكثير خصوصا الناحية الدينية
سوف اعود
مع تحياتي

طيب استاذه لنا نواصل
ما هو الفرق في الممارسه الجنسيه بين الرجل و المرأة؟؟
الرجل حسي في استمتاعه بالجنس يعني physical كما اشارت الدراسات و يستطيع بلوغ النشوة الكبري بسهولة حتي إن مارس الاستمناء الذاتي ... في حين ان النشوة عند المرأة Orgasm مرتبطه بنشاط الدماغ ... بالسكون و الهدوء و الاطمئنان النفسي... يعني المسأله في الراس و ليست بين ارجلها

http://news.bbc.co.uk/1/hi/health/4111360.stm

Quote: If you look at the women who faked orgasm intentionally you see the motor cortex - the conscious part of the brain - is activated. "This means the movements that we make in [real] orgasm are not conscious. "And if you are fearful, it is very hard to have sex. It's very hard to let go."

و هذه هى خلاصة الدراسة

Quote: He said this was useful for men to know. "When you want to make love to a woman, you must give her the feeling of being protected."

المرأة التي تحس بلاطمئنان و الحماية و تسكن الي زوجها اقدر من غيرها علي الاستمتاع بعلاقتها الزوجيه و بلوغ الاشباع الجنسي و العاطفي و بالتالي تكون اقوى من غيرها علي مقاومة الفتن و في غني بزوجها عن بقية الرجال ... لكن التي لا تشعر بلامان مع زوجها خوفا من تعدده او التي تشعر بالجرح و المهانة من جراء تعدد زوجها تحس بالضعف و عدم الثقة بنفسها و قد تقع فريسة سهلة لاول من يطرق باب قلبها حانيا مستلطفا و يشعرها بقيمتها كأنثي و انها ما زالت مرغوبه و ان هناك من يعرف قيمتها و يشتهيها كإمرأة
فلنتحدث الان عن الفحولة الزائفة للرجل مقارنة بالمرأة
هناك مثل انجليزى يقول (ان الحفرة دائما تنهك العمود)
The hole always wears the pole
يعني عمود التلفون و لا الكهرباء يسقط قبل ان تسقط الحفرة
جسد بائعة الهوي ينهل منه العشرات في اليلة الواحدة و في كل الليالي و لا يهمها ذلك و لا يتطلب منها كثير عناء هل يستطيع الرجال مجارات ذلك؟؟؟

الدراسات ايضا اوضحت ان الاكثرية من الرجال 74% يبلغون النشوة الكبري The Big Orgasm و يتركون زوجاتهم تحت لهيب الرغبة و بدون اشباع، حيث ان فقط 30% من النساء يصلون الزروة كل المرات
http://abcnews.go.com/Primetime/PollVault/story?id=156921&page=2
The Big 'O': Men vs Women
Men Women
%Always have orgasms 74% 30
%Usually 23 45
%Less often 3 24

علي المستوي الشخصي انا متزوج حديثا ( كدي ادعو لينا بي صلاح الحرث و الزرع ) و اعلم جيدا ان رحلة البحث عن رفيقة الحياة و صنو النفس رحلة طويلة و شاقة و مرهقة ... و أدعو ربي ان يغنيني بزوجتي عن غيرها من النساء...فمن اكبر نعم الله علي المرء ان يجد صنو نفسه Soul Mate و لا يشقي عمره كله يبحث عنها

مع ودى و تقديري

ناصر

سيدتي الفاضلة لنا
السياسة السودانية ..

التلفزيون السوداني

العقلية السودانية

المرأة السودانية(الا قليلا)

الرجل السوداني (الا قليلا)

قطر واحد .. العطشقي هو الدين ..

ياسيدتي ليس لاعلام دولة الاسلام في السودان الان او على مر العصور غير هذه الصورة التي بقدم بها المرأة .انها في الاسلام ملكة ايمانهم ..انها تسبي ...لها نصف الرجل في الميراث وان كانت عي التي تدير وتنفق على اخوانها... ان شهادتها نصف شهادته.. ان جسدها عورة (واحيانا لحم يجب ان يغطي من الكدايس)
ما نشوف الفيل ونطعن في ضله... ارجو ان لا تنبري احداهن او احدهم ويقول لي ..ان المشكلة في تطبيق الدين والفهم الخاطئ له .. كضابيييين ..في رأي المشكلة في الدين زاتووووووو في عضمو
لازم نسأل المقدس ونحاكمه ...ونحرره اولا من قدسيته داخلنا حتي تكون المحاكمة بناءة

Quote: ما نشوف الفيل ونطعن في ضله... ارجو ان لا تنبري احداهن او احدهم ويقول لي ..ان المشكلة في تطبيق الدين والفهم الخاطئ له .. كضابيييين ..في رأي المشكلة في الدين زاتووووووو في عضمو لازم نسأل المقدس ونحاكمه ...ونحرره اولا من قدسيته داخلنا حتي تكون المحاكمة بناءة

Thanks Manal

You are the only one here who do not beat round the bush, and hit the nail on the head without the usual nonsense about Moslims vs Islam!! they are the same and both need to be looked at critically.Doing what some one did a few thousand years ago does not work any more.people need to say clearly, polygomy is illegal and women need to be compensated when it happens

Besy wishes

Quote: مش شي مستفز شباب ما قادرين يتزوجو واحدة و التلفزيون السوداني يكرس للتعدد بدون داعي؟؟ حقو تعملو رابطة غير القادرين على الزواج

الأميرة لنا

تحية وافرة


الموضوع داخل في فقه الضرورة


خاصة في بلد فيه 90% تحت خط الفقر ( وكلهم من الشباب الما قادرين عشان اللي عندو كارو قاعد يترتح عليه بنفسو ومافي فرصة لإيجاد وسيلة عمل لأولادو)
و10% عندهم فضل الزاد وفضل الظهر ( وفي رواية أخرى فضل الضهر)

Quote: البطل فاقد الذاكرة

أها!

قلت لي البطل مالو؟

وصاحبات البت قروا شنو و رجعو لشنو؟

والله بنت فاهمة والأم فاهمة والأب فاهم والبطل زاتو فاهم بس شكلوانا اللي ما فاهمة حاجة !!

**حاولت يا لنو احضر المسلسل غلبني

احضريهو انتي (وقلبي معاك) وتعالي اديني الملخص هنا

**

يعني إذا الرجل لم يجد الإشباع الجنسي من الزوجة يجوز له ان يتزوج عليهاQuote:
That is what Elsadig beleives and presented in his rationalization of more than one wife and the quetion is: what if it is Vice Versa
What if the man does not satisfy the women can she has a second husband by the same token

up

لنا أذيك وانشالله تمام

العنوان خطير ( محمود زوجي بيحبك زي ما بيحبني فلازم تتزوجيه و نقدم نموذج لزوجتين داعمتين لحياة راجلهم!)

وده معناهوا الدراما بقت تشجع على تعدد الزوجات بالتأكيد

الكوزات طبعاً حيحبوا العنوان شديدددددددددددددددددد

salma subhi