عرمان يعترض على هتافات نواب المؤتمر الوطني

قال إنها تجعل البرلمان جهة حزبية

عرمان يعترض على هتافات نواب المؤتمر الوطني

أمدرمان : الصحافة

اٍعترض رئيس كتلة نواب الحركة الشعبية، ياسر عرمان، علي هتافات لبعض النواب من شأنها ان تصبغ البرلمان بلون سياسي محدد ، وكان نواب للمؤتمر الوطني بدأوا بالتكبير والتهليل قبيل تقديم الرئيس عمر البشير لخطابه أمام البرلمان أمس الأول .
وقال عرمان أثناء مداولات المجلس الوطني أمس " درج بعض النواب علي الاٍجهار بشعارات تجعل البرلمان يعبر عن جهة حزبية بعينها " ، وأضاف ان هذا المسلك يضايقهم لأنه يجعل المجلس مجرد مكان للخلافات وهو المناط به عكس القضايا الكبري مثل الوحدة وليس تقسيم السودان لشماليين وجنوبيين . وهدد عرمان بأن للحركة الشعبية العديد من الشعارات التي يمكن ان تملأ بها البرلمان، في كل وقت مثل " ألالويا ، وسودان جديد " .

الرائع خالد عبد العاطي

... وهل يخفى القمر

مجاهداتك ونضالاتك وكفاحك

السابق منها واللاحق ... أظهر من أن تخفى

أحبك يا خالد
وأحب بكري
وكل شوايقة الرابعة


نحن أهل (.... إلا)


محبتي وشكري وامتناناتي العميقة

الاخ فتحي البحيري.

شكرا للمرور.

دينق.

Quote: عرمان يعترض على هتافات نواب المؤتمر الوطني

وحسع فرحان وجاي عامل ليك بوست كامل عشان ده ؟؟

ليه ما اعترض على الابادة الجماعية بدار فور وليه ما اعترضو داخل مجلسهم
احتجاجا على زيادة الاسعار وليه وليه وليه ؟؟؟؟؟؟

كل ما سمعناه ان هبات وعطايا الجبهة الاسلاموية فعلت فعلها في عضوية الحركة والتجمع
بداخل النظام فتات وبقايا موائد اللئام والطيور على اشكالها تقع

ما افلح فيه اعضاء التجمع احتجاجهم على عدم ذكر اتفاقية القاهرة بالخطاب !!!

اهلنا قالوا دبيب في خشمو جراداي ولا بعضي

محمد حسن العمدة

Quote: وحسع فرحان وجاي عامل ليك بوست كامل عشان ده ؟؟ ليه ما اعترض على الابادة الجماعية بدار فور وليه ما اعترضو داخل مجلسهم احتجاجا على زيادة الاسعار وليه وليه وليه ؟؟؟؟؟؟

كل سنة وانت طيب يا ود العمدة



دينق اوعى تجي تقول لي عنصرية وفشل جنسي وفشل كلوي....انا جيت اضحك مع صاحبي ود العمدة دا ومارق

سـبحان الله !!!

Quote: وقال عرمان أثناء مداولات المجلس الوطني أمس " درج بعض النواب علي الاٍجهار بشعارات تجعل البرلمان يعبر عن جهة حزبية بعينها "

طيب هو أساسا بعبر عن شنو ؟؟؟
مش بعبر عن كيزان 1 "المؤتمر الوطني"
وكيزان 2 "الحركة الشعبية"

أوعى السر عرمان يكون مفتكر إنو الربلمان بعبر عن الشعب ..؟؟
الشعب لا علاقة له بهذا البرلمان يا دينق العزيز ..
دا برلمان الكيزان وحلفاء وشركاء الكيزان زي الحركة الشعبية مثلا ..

Quote: وهدد عرمان بأن للحركة الشعبية العديد من الشعارات التي يمكن ان تملأ بها البرلمان، في كل وقت مثل " ألالويا ، وسودان جديد " .

المشكلة إنكم ما بتقدروا ، لأنو الكيزان خاتنكم تحت جزمتهم ..
والمشكلة إنو شعار "الالويا" تردد في تلك الجلسة ، وسمعتو بأضاني البياكلها الدود ..
يعني حتى شعاراتكم الكيزان اشتروها ..
ما اصلو الكيزان اشتروا الحركة كلها من قرنق لغاية ....

السر عرمان دا رايح ليهو الدرب في الموية ..
آل برلمان آل ..

ود العمدة وحسين.

طبعا الكلام الزي ده لن يعجبكم ابدا. لأنكم في النهاية جلابة وأحزابكم تمثل قمة الجهل السياسي في السودان.
زي ود العمدة ده مفروض يخجل ويختشي من عضويته لحزب الامة الطائفي الاقطاعي.
أما أخونا حسين, عضو حزب البعث العراقي البائد. أني فقط أتعجب في ضياعك الاثني.

دينق.

السيد/ دينق
لك السلام
لم يتبدل المؤتمر البطنى حتى تتبدل ممارسات منسوبيه فهو مايزال يمثل مخزون السودان الإستراتيجى من الاغبياء وعاطلى التفكير وفاقدى الوجهه , وهم اى الكيزان فى ذلك سيان سواء كانوا نواب برلمان او وزراء او كوادر مويه وكولنجيه فى الاركان فى الجامعات لا أختلاف بين احد منهم (ود عم الكلب بعشوم) لذلك سيظلل هولا الكومبارس يهللون لخطاب رئيسهم ولو خلا مما يستحق التهليل , ثم ان التهليل هذا فى حد ذاته جزء أساسى من واجبات عضو البرلمان من كتلة الموتمر الوطنى , والجزء الاخر من واجباتهم هو الصمت إن كان الامر لهم والصراخ إن كان عليهم فهم مجرد كومبارس لدور النائب البرلمانى .
لفتنى شى فى هذا البوست , وهو النعره العنصريه المتزايده , لماذا يادينق ؟؟؟؟
لماذا هذا الوجه الكريه للخلاف وهنالك أوجه كثيره حضاريه للحوار بين المختلفين , (الحوار الهادى والمتسامح)
الغريب فى الامر انكم كلكم تنتمون لاحزاب وطنيه وتنادى بالديمقراطيه وحريه الراى وإحترام مبداء حريه الإخلاف , وانتم فيما بينكم تمارسون أفظع أنواع العنف اللفظى .
ارجو ان تحكموا صوت العقل حتى نناى بهذا المنبر عن الهتر والخواء فى المضمون , لتكن حواراتكم بمستوى الشعارات الساميه التى ترفعها كل القوى الديمقراطيه فى هذا الوطن .

لكم جميعا ودى
ابوبكر