القبــض على حمــــاده بت ( مبرووووووووووووووك)

Post: #1
Title: القبــض على حمــــاده بت ( مبرووووووووووووووك)
Author: عبد المنعم سليمان
Date: 10-31-2006, 04:39 PM
Parent: #0

استضاف التلفزيون ( القومي) اليوم من خلال تحقيق في برنامج اجري عن الاغنيه السودانيه والذي تناول جزء منه الاغنيه الهابطه وكعاده حكومة الانقاذ (الاسلاميه) انها استخدمت الاداة الامنيه والشرطيه لمعالجة مثل هذه المشكله الحساسه حيث انها استضافت في البرنامج ظابط شرطه ( شرطة النظام العام) برتبة مقدم والذي ابتدر الحديث قائلا :

بسم الله والحمد لله والله انحنا استدعينا صاحب اغنية راجل المره وفتحنا له دفتر يوميه !!وايضا استدعينا المغنيين الذين يتغنون بهذة الاغنية !! وللاسف الشديد لم نعثر لها علي شاعر !! وما زال البحث جار عنه !! وجهودنا انشاء الله مستمرة لمحاصرة كل الاغاني الهابطه !! واشكال التفلت !!! ( انتهي حديث الضابط) .

قال التشكيلي والمثقف والمفكر عبدالله بولا عندما قام انقلاب الانقاذ قولته الشهيره : كون الغــول لم يهبط علينا من السماء .. !!!

المساءله النقديه لهذة القضية تتم عن طريق لفت الانتباه الي انه ليس هنالك معيار محدد يمكن ان نقيس به هبوط وصعود الاغنية فلا يمكن الاستناد في مساءله نقديه علميه ومنهجيه على ذوق اخلاقي مختلف لان مثل هذه الاغنيات التي تسمي بالهابطه خرجت قي سياق اجتماعي وثقافي محدد ادت الي انتاجه مجموعه من الظروف والاحداث المحيطه حيث لا يمكن اتهام جزء خاص دون النظر والتمعن والبحث في الذي انتج هذا الجزء كما يجب النظر جيدا للسياق العام الذي انحدرت منه هذه الاغنيات .

كسره : يقول علماء النفس الحديث ان تخريب الحياه السياسيه لاي مجتمع يؤدي حتما لتخريب ثقافي واجتماعي عميق في المجتمع .

تحياتي ..

منعم

Post: #2
Title: Re: القبــض على حمــــاده بت ( مبرووووووووووووووك)
Author: Yasir Elsharif
Date: 10-31-2006, 05:05 PM
Parent: #1

سلامات يا عبد المنعم.. لقد شاهدت البرنامج..

وخير الكلام ما قل ودلّ..

Quote: يقول علماء النفس الحديث ان تخريب الحياه السياسيه لاي مجتمع يؤدي حتما لتخريب ثقافي واجتماعي عميق في المجتمع .

Post: #49
Title: Re: القبــض على حمــــاده بت ( مبرووووووووووووووك)
Author: حسن بركية
Date: 11-02-2006, 11:04 AM
Parent: #2

يامنعم الجايات

Post: #50
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-02-2006, 02:47 PM
Parent: #49

Quote: يامنعم الجايات

حسن بركيه تحياتي ..

الجايات اكتر من الرايحات يا اخوي ..

نقرا لك ملفك السياسي بلاضواء وننتظر الاحد المقبل بفارق الصبر ..

تحياتي

منعم

Post: #3
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 10-31-2006, 05:06 PM
Parent: #1

وهكذا تعالج كل الانظمه الشموليه المشاكل الاجتماعيه الخطيره التي افرزتها بالقوه مما يكرس الحاله ويصبح الشذوذ ايدلوجيا ..

Post: #4
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 10-31-2006, 05:08 PM
Parent: #1

شكرا اخي ياسر للمتابعه والدخول .

Post: #5
Title: Re: القبــض على حمــــاده بت ( مبرووووووووووووووك)
Author: abdalla elshaikh
Date: 10-31-2006, 06:55 PM
Parent: #4

يبحثون عن شاعر الاغنيه...دا كلام!!!
((..ألـمجتمع.هو شاعر الاغنيه..))

Post: #6
Title: Re: القبــض على حمــــاده بت ( مبرووووووووووووووك)
Author: فاروق حامد محمد
Date: 10-31-2006, 07:12 PM
Parent: #5

عقبال يقبضوا على كل (البتات) !!!!!

ولو جادين يقبضوا على (بتات) النظام

البغنو والبخطبو والبرقصو في التلفزيون وغيره

Post: #7
Title: Re: القبــض على حمــــاده بت ( مبرووووووووووووووك)
Author: Elbagir Osman
Date: 10-31-2006, 08:46 PM
Parent: #1

"راجل المرة" هي سياسة الدولة الرسمية

تزوج رئيسهم زوجة أخرى
وتبعه كل كبارات الموظفين
الذين يتبعون الرئيس الذي هو دائما رصين

ومنظماتهم النسوية
لم تجد ما تقدمه للمرأة سوى دعوتها لقبول الزوجة الأخرى
(رغم رفض كل واحدة منهن الأمر على المستوى الشخصى)
والدراما التلفزيونية التي أنتجوها دعت لنفس الأمر
وقرأت في الصحف مقالات توضح كيف تتزوج على زوجتك بنجاح

تحت لواء هذه السياسة
أصبح دور المرأة هو البحث عن "راجل مرة"
والراجل فرحان بشكلة المرأتين
أنحطاط

الباقر

Post: #8
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 04:53 AM
Parent: #1

الاخوه عبد الله .. فاروق .. الباقر ..

تحياتي وشكرا ..

Quote: يبحثون عن شاعر الاغنيه...دا كلام!!!
((..ألـمجتمع.هو شاعر الاغنيه..))

تماما .

منعم

Post: #9
Title: Re: القبــض على حمــــاده بت ( مبرووووووووووووووك)
Author: Salwa Seyam
Date: 11-01-2006, 05:16 AM
Parent: #1

Quote: وللاسف الشديد لم نعثر لها علي شاعر !! وما زال البحث جار عنه !!

يعنى هم جادين !!! اسع قاعدين يفتشو فى الشاعر ؟؟؟

Post: #10
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 05:43 AM
Parent: #1

تحياتي واحترامي اختي سلوي ..

الشاعر معروف ..

الذي كتب راجل المره هو نفسه الذي كتب قالو امو تعبانه ثم كتب احيي بحبو وبركب عربتوا والتظليل شنو كدا الخ ..

انها افرازات الواقع المرير ونتاج المشروع الحضاري سئ السمعه الذي شوه تاريخنا وحاضرنا وذوقنا واصابنا بسقم وجداني خطير فكتب المجتمع كله هذه الاغنيه وكل الاغنيات ..

هل تستطيع ادارة امن المجتمع السيئه ان تقبض على نفسها ..

الشاعر هو المجتمع اختي سلوي ..

والانقاذ المريضة وعديمة الخيال والمعرفه مازالت تعالج الامور بالقبضه الامنيه ..

ثم يضيع الوطن ..

ولكنهم لا يعلمون ..

منعم

Post: #11
Title: Re: القبــض على حمــــاده بت ( مبرووووووووووووووك)
Author: wedzayneb
Date: 11-01-2006, 06:00 AM
Parent: #10

كيف يلقي المدعو : " حمادة بت " - أعاذنا لله و إيّاكم - قبولا لشخصيّته المائعة و رواجا لأغانيه الهابطة مالم يقابل ذلك هبوط مكافئ و شنيع في المستوي القيمي و في الذوق الفنّّي العام.

طارق الفزاري

ود زينب

Post: #12
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 06:12 AM
Parent: #1

اخي طارق ..

تحياتي ..
Quote: كيف يلقي المدعو : " حمادة بت " - أعاذنا لله و إيّاكم - قبولا لشخصيّته المائعة و رواجا لأغانيه الهابطة مالم يقابل ذلك هبوط مكافئ و شنيع في المستوي القيمي و في الذوق الفنّّي العام.

تماما اخي طارق ..

وماذا عن اللواط والشذوذ المسكوت عنه في المجتمع السوداني !! ؟ وما هي افرازاته ؟؟

تحياتي

منعم

Post: #14
Title: Re: القبــض على حمــــاده بت ( مبرووووووووووووووك)
Author: gamal elsadig
Date: 11-01-2006, 06:31 AM
Parent: #12

.
Quote: القبــض على حمــــاده بت

وهل تم ترحيله الى سجن الرجال ام النساء ؟؟؟

.

Post: #13
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 06:25 AM
Parent: #1

نظرية علم النفس الحديث تقول :

ان اسهل وسيله للسيطره علي الانسان هي تخريب ذوقه الفني .

المعروف بان الجبهه الاسلاميه عندما قامت بانقلابها علي الديمقراطيه اسست وزاره للشئون الاجتماعيه وكان يراسها اهم قادتها علي عثمان نائب الرئيس الآن وكانت مهمتها( صياغة الانسان السوداني ) وهو البرنامج الذي ابتدعته الانقاذ لتغيير وجدان وثقافة الشعب السوداني وساهم في ذلك التلفزيون الذي كان يراسه الطيب مصطفي مدير التلفزيون ذلك الوقت ورئيس تحرير الانتباهه الصحيفه العنصريه هذه الايام والذي قام بمنع الاغنيات السودانيه الاصيله بدوافع مباشرتها في الحديث عن الحب , وما نسمعه هذه الايام من اغنيات ومن مظاهر انحلال ومياعه هي نتيجه طبيعيه لذلك البرنامج .

Post: #16
Title: Re: القبــض على حمــــاده بت ( مبرووووووووووووووك)
Author: wedzayneb
Date: 11-01-2006, 06:46 AM
Parent: #13

Quote: تماما اخي طارق ..

وماذا عن اللواط والشذوذ المسكوت عنه في المجتمع السوداني !! ؟ وما هي افرازاته ؟؟

تحياتي

منعم

ياأخوي:

الكلام البتقولوا دا بيجعل الدم يجري في العروق.

إذا كانت هذه الظواهر غير الصحيّة متفشّية بصورة كبيرة، نملك حينئذ إلآ أن نقول: " حسبنا الله
و نعم الوكيل! حيبنا الله و نعم الوكيل! حسبنا الله و نعم الوكيل! "

طارق الفزاري

ود زينب

Post: #18
Title: Re: القبــض على حمــــاده بت ( مبرووووووووووووووك)
Author: علاء الدين حيموره
Date: 11-01-2006, 06:50 AM
Parent: #13

نحن مشاكلنا كلها اتحلت ..
الناس اكلت .. شربت .. اتعالجت .. اتعلمت .. سكنت ...

أصلو ما في اي مشكلة غير مشكلة الاغنية دي ..

لو حلوها زي ما حلو المشاكل الفاتت يكون السودان 1000

اجتهدوا للحل السريع ..

أخاف يطلبها يوم الرئيس عشان يرقص على انغامها !!!!!!

Post: #15
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 06:38 AM
Parent: #1

Quote: وهل تم ترحيله الى سجن الرجال ام النساء ؟؟؟

اخي جمال ..

هذه هي طريقة اهل (الانقاذ) لمعالجة مشاكل المجتمع الثقافيه الخطيره بالضرب والسجن ..

ما هو رايك انت ؟

تحياتي

منعم

Post: #27
Title: Re: القبــض على حمــــاده بت ( مبرووووووووووووووك)
Author: عوض حمزة
Date: 11-01-2006, 10:32 AM
Parent: #15

والله كلااااااااام يا عبدالمنعم !!!

الناس ديل قبضو شعراء الاغانى دى ( الجمبه دى الذ شيى .... وهنا شامه وهنا نقطه ااااااااااى .... وقلبو قلبو ... واحى انا حتاه هنا .... وكلاااااام يا عوض دكام ..... والقرد .... والنبق ) وباقى شاعر راجل ال....

افيدونا افادكم الله

اللهم ارحم شعراء الحقيبة : ابوصلاح , ودالرضى , سيد عبدالعزيز , الجاقريو , البنى , عتيق , المساح .

وااااااه يا زمن !!!

Post: #17
Title: Re: القبــض على حمــــاده بت ( مبرووووووووووووووك) (Re: عبد المنعم سليمان)
Author: عبدالله شمس الدين مصطفى
Date: 11-01-2006, 06:48 AM
Parent: #1

مسكين حمادة بت, فهو برئ من تهمة (صناعة) الهبوط الذى تحاول الإنقاذ أن تختزله فى شخصه, شاهدت فيديو الأغنية و أول و آخر ما احسست به هو الرثاء على الشاب الذى هو فى البداية و فى النهاية (ضحية) لأوضاع الهبوط هو أقل ما توصف به, من أين (هبط) حمادة بت ياترى ؟؟ هل جاء من الفضاء أم أنه جزء من مؤامرة (اليهود و النصارى) على دولة الإسلام فى السودان؟؟ ما لا يراه حكامنا أزال الله غلفة قلوبهم هو أن حمادة بت و الذى يمثل الجزء الظاهر من جبل الجليد ما هو إلآ نتاج طبيعى لأوضاع صاغوها هم بجهلهم أو بعلمهم؟؟؟ ماذا كانوا يتوقعون؟؟ ترى هل يدرى مهندسو المشروع الحضارى كم شاب قد خرج من معسكرات الدفاع الشعبى و هو يحمل بذرة حمادة بت فى دواخله؟؟؟ و لماذا التباكى الان على مثل هذه النتائج الطبيعية لكل ما يحدث فى بلادنا؟؟ ثم أليس فيهم هم من يجوب شوارع العاصمة بسيارته ليلاً بحثاً عن (صيد) من أمثال حمادة بت أو العكس؟؟ حقيقة الإختشو ماتوا.
عوفيت أخى منعم

Post: #19
Title: Re: Re: القبــض على حمــــاده بت ( مبرووووووووووووووك) (Re: عبد المنعم سليمان)
Author: ابراهيم بقال سراج
Date: 11-01-2006, 07:10 AM
Parent: #17

Post: #20
Title: Re: القبــض على حمــــاده بت ( مبرووووووووووووووك)
Author: سجيمان
Date: 11-01-2006, 07:21 AM
Parent: #1

بقال

دي صورة حمادة بت؟

قام ليهو شنب متين؟

عليك الله يا بقال خلي النضم و اشرب الميرندا القدامك دي بتسخن

يا منعم لو قبض ليهم الشاعر بيدوني كم؟؟

Post: #22
Title: Re: القبــض على حمــــاده بت ( مبرووووووووووووووك)
Author: doma
Date: 11-01-2006, 09:59 AM
Parent: #20

الحمي التفسخهم بي قشاره بت دا عوووووووووع والله بطني طمت بقال ابعد صوره المسخ دي من هنا

Post: #21
Title: Re: القبــض على حمــــاده بت ( مبرووووووووووووووك)
Author: Haytham Abdulaziz
Date: 11-01-2006, 08:42 AM
Parent: #1

Quote: القبــض على حمــــاده بت ( مبرووووووووووووووك)

دة كـلـوا مــن فيصــل نــوبــي الله يجازي شيطــانــك يا فيصــل اهــا بعد كـدة إلا يغنوا

****ألمني سافــر ***** ما كلمنــي حمـادة دة***

Post: #23
Title: Re: القبــض على حمــــاده بت ( مبرووووووووووووووك)
Author: على محمد على بشير
Date: 11-01-2006, 10:01 AM
Parent: #21

Quote: وهل تم ترحيله الى سجن الرجال ام النساء ؟؟؟

Post: #24
Title: Re: القبــض على حمــــاده بت ( مبرووووووووووووووك)
Author: Salah Musa
Date: 11-01-2006, 10:17 AM
Parent: #21

هولاء الكيزان يخلقون واقع إجتماعي هابط وشاذ علي شاكلتهم وعندما يتغني بهذا الواقع من هو علي نفس شاكلتهم مثل حمادة بت يتعرض لمساءلة كان ألأجدر أن يكرم لأنه يدعو إل تعدد الزوجات بطريقتهم المبتذلة ولسان حالهم يقول مع حمادة مرة الشهيد حلوة حلاة
حقا من أين أتي هولاء

Post: #25
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 10:21 AM
Parent: #1

كتب الاستاذ حيموره ما يلي :

Quote: نحن مشاكلنا كلها اتحلت ..
الناس اكلت .. شربت .. اتعالجت .. اتعلمت .. سكنت ...

أصلو ما في اي مشكلة غير مشكلة الاغنية دي .

ونقول له .. اخي كتبنا عن الديمقراطيه وسوء المعيشه وتعذيب الكيزان للناس وعن السرقات الصحفيه وعن انهيار التعليم وعن الاغتصابات التي تمت وعن فساد الانقاذ وما زلنا نكتبّّ !! وفي كل هذا لم يكن لك راي واضح .. الان نكتب عن المشكله الاجتماعيه الثقافيه التي تمثلها هذه الظاهره ..

و لكن يبدو ان السيد حيموره يري القصه كما راها اهل الانقاذ في جانبها الاخلاقي الذي يوجب العقاب فكتب ما كتب ..

فقط استاذ حيموره تعمق في هذه الاشكاليه ونريد رايك ..

احترامي

منعم

Post: #26
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 10:28 AM
Parent: #1

الاخ بقال .. سجيمان .. هيثم .. صلاح والاخوه المتداخلين ..

نحن حقا في مازق اخلاقي عميق ..

ونواصل

منعم

Post: #28
Title: Re: القبــض على حمــــاده بت ( مبرووووووووووووووك)
Author: sudania2000
Date: 11-01-2006, 10:36 AM
Parent: #26

اول مرة اشوف الزول دا

ثقفتونا ولا هبطونا لوووووول

بس الصور دي شكلها في داخلية و دواليب حديد
تكون قعدة عيال الجامعة ؟؟؟

اللهم لا اعتراض في حكمك

Post: #29
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 10:38 AM
Parent: #1

Quote: يا منعم لو قبض ليهم الشاعر بيدوني كم؟؟

والله يا سجيمان انا عاوز البوست دا لمناقشه الاشكال التقافي الاجتماعي ال بنعاني منو وادي للانهيار الاخلاقي الكبير دا ..

لكن ما مشكله بعتبر مداخلتك دي استراحة محارب واحكي ليك االقصه دي ..

قالو في مدني !! في ود وسيم وصوتو حلوا جدا وامه مانعاهو يغني عشان عارفا الوسط والحفلات بقت كيف .. المهم جاي جاي اقنعوها .. فقالت بوافق بشرط .. اها شرطها انو البروفه تكون عندهم في البيت في الصالون وما بحضرا زول غير ولدا الصاعد بقوه وعازف الاورغن .. المهم الاجاويد نجحت والود وافق وكل يوم يجيهوا بتاع الاورغ ببروفوا ..

والامور ماشا كويس ويوم كدا شافت زول لابس ليهو عمه كبيره كدا ( من المعجبين) داخل علي الصالون .. وكوركت لولدا من بعيد يا ود ابو عمه الدخل عليكم دا منو ؟؟؟

الود رد بسرعه : يا يمه دا الشــــــاعر !!!!

وسلامتك يا سي جي من الشعراء

منعم

Post: #32
Title: Re: القبــض على حمــــاده بت ( مبرووووووووووووووك)
Author: سجيمان
Date: 11-01-2006, 10:58 AM
Parent: #29

منعم
Quote: الود رد بسرعه : يا يمه دا الشــــــاعر !!!!

اها.....وبعدين قبضوهو؟

جنس سغالة يا سجيمان

Post: #30
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 10:47 AM
Parent: #1

Quote: اول مرة اشوف الزول دا

الاخت سودانيه شكرا للمداخله وتحياتي ..

يبدوا ان الامور قد اختلطت علي البعض ..الموضوع ليس هذا الولد الفنان او البت او غيره ..

الاشكاليه في الانهيار الاخلاقي الكبير الذي افرزه المشروع الحضاري الاسلامي الفاشل ..

معالجة الظاهره بمحاربه الفنان جزئيه وخاطئه ..

ويا دكتوره لو زول جاك وقال ليك انا عندي ملاريا وفحصتي لقيتي عندوا ملاريا واعراض الملاريا الظاهره هي السخونه والصداع هل تكتفي باعطائه بنادول فقط لاراحته من الصداع وتتركي الباقي ؟؟؟

تحياتي

منعم

Post: #31
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 10:52 AM
Parent: #1

عوض حمزه يا صديقي ..

تحياتي وشكرا للمتابعه واهتمامك بما يعانيه اهلك بالداخل ..

كسره : في انتظار راي الحصيف كيكي ..

منعم

Post: #33
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 11:14 AM
Parent: #1

للذين يعتبرون (حماده بت) السبب الرئيسي ويجرمونه بافعال الانقاذ نقول :

يوجد ( فنان) اسمه فارس ارباب هو الذي يتصدر حفلات هذا العصر الخلاعيه لا اريد ان اظلم البنات فانسبه ولكن يمكنكم القول انه من الجنس التالت او الرابع او اكثر ..

او يوجد خيارات !!!!

وعجبي ..

فقط تاملوا في افرازات المشروع الديني الانقاذي ..

منعم

Post: #34
Title: Re: القبــض على حمــــاده بت ( مبرووووووووووووووك)
Author: هشام هباني
Date: 11-01-2006, 11:22 AM
Parent: #33

عبد المنعم

سلامات

هو الهبوط ده بس في الغناء وين هبوط السياسة والاقتصاد وهبوط اخلاق الحكام
وهبوط المتوالين....يعني حقيرة حقيرة في الشريف( حمادة البت)!!؟

Post: #36
Title: Re: القبــض على حمــــاده بت ( مبرووووووووووووووك)
Author: Yassir Tayfour
Date: 11-01-2006, 11:47 AM
Parent: #33

حمادة بت يغنى
والحاج نور يصلى
ونحن نررد خلف حمادة
ونصلى خلف الحاج

Post: #35
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 11:27 AM
Parent: #1

العمده ود هباني ..

شرفت البوست وفي حضرتك نقول ما قاله الشاعر الالماني بريخيت :

حينما تمارس انتــن الافعال ,,,

تقال اضخــــم الالـــفاظ ,,,,

والماساه ان الانسان لا يستطيع ان يسد انفه واذنية في وقت واحد .

تحياتي يا عمده ..

اخوك الصغير

منعم

Post: #37
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 11:50 AM
Parent: #1

اخي ياسر تحياتي ..

كتب علينا ان نتحمل سقطات المشروع الديني السافل ..

لك تحياتي

منعم

Post: #38
Title: Re: القبــض على حمــــاده بت ( مبرووووووووووووووك)
Author: Abd-Elrhman sorkati
Date: 11-01-2006, 11:50 AM
Parent: #1

Quote: الحمي التفسخهم بي قشاره بت دا عوووووووووع والله بطني طمت بقال ابعد صوره المسخ دي من هنا

أنا ذاتي .....

Post: #39
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 01:20 PM
Parent: #1

حدثني احد الاخوه ممن يتابعون هذا الموضوع بان ( النظام العام) عندما قبض علي (حماده بت) طلب منه الحضور يوميا للقسم من الساعه 8 الي 10 حتي لا يغني وتنجح محاربة الظاهره ..

هكذا تتم معالجة مثل هذه الظواهر في بلاد الانقاذ الاسلاميه ..

فعلا شعب عملاق يحكمه اقزام

منعم

Post: #40
Title: Re: القبــض على حمــــاده بت ( مبرووووووووووووووك)
Author: Abd-Elrhman sorkati
Date: 11-01-2006, 01:40 PM
Parent: #1

أخي منعم

لك الود ... يبدو أن الاخوة المتغربين منالبورداب تهزهم الاشياء بصورة أكبر

ودة شيء طبيعي لوجود الزول خارج الوطن ... لكن نحن والله فقدنا حخكاية أننا نندهش زاتوا

حمادة بت وغيره ... ضحية لظروف نعيشها ونكتوي به من تلك الليلة السوداء 30 يونيو .

ولكن أحب ان اقول لك شيء وارجو ان تصدقه .........

هل تعلم ان هناك أحد الشباب يقلد حمادة بت ومسمي نفسه ( حمادة بنات ) ...

والله ،،،،،،،،،

( نحن ما خلاص أنتهينا يا عبدالمنعم )

Post: #41
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-01-2006, 03:02 PM
Parent: #1

اخي عبد الرحمن ..

قتا لي قي مقلد لحماده بت اسمه حماده بت !!!

معناه في واحد بصلاحية حاج نور جنبهم اسمه ملقب بالحاج ..

كسره : ذكرتني بحاجه ظريفه كدا ..

احسن فنان في نيالا بقلد حيدر بورتسودان مسمينو حيدر بورتسودان نيالا ..

بلد تحير ..

منعم

Post: #42
Title: Re: القبــض على حمــــاده بت ( مبرووووووووووووووك)
Author: Mustafa Mahmoud
Date: 11-01-2006, 03:24 PM
Parent: #41

dear monem
little present from ustaz matter
might shed some light here
might not
mustafa

كيف تأتينا النظافة ؟

العِرافَةْ

جُثَّةٌ مَشلولةٌ تَطوي المسافة

بينَ سِجْنٍ وَقَرافَةْ .

والحَصافَةْ

غَفْوَةٌ ما بينَ كأسٍ وَلِفافَة !

والصِّحافَةْ

خِرَقٌ ما بينَ أفخاذِ الخِلافَةْ

والرَّهافَةْ

خَلْطَةٌ منْ أصدقِ الكِذْبِ

ومنْ أفضَلِ أنواعِ السَّخَافَةْ .

والمُذيعونَ ... خِرافٌ

والإذاعاتُ .. خُرافَهْ

وعُقولُ المُسْتَنيرينَ

صناديقُ صِرافَهْ !

كيفَ تأتينا النَّظافةْ ؟!

**

غَضِبَ اللهُ علينا

وَدَهتْنَا ألفُ آفةْ

مُنذُ أبدَلْنَا المَراحيضَ لدينا

بِوِزاراتِ الثَّقافَةْ !

Post: #43
Title: Re: القبــض على حمــــاده بت ( مبرووووووووووووووك)
Author: Omer Abdalla Omer
Date: 11-01-2006, 05:23 PM
Parent: #42

"راجل المرة" هي سياسة الدولة الرسمية

تزوج رئيسهم زوجة أخرى
وتبعه كل كبارات الموظفين
الذين يتبعون الرئيس الذي هو دائما رصين

ومنظماتهم النسوية
لم تجد ما تقدمه للمرأة سوى دعوتها لقبول الزوجة الأخرى
(رغم رفض كل واحدة منهن الأمر على المستوى الشخصى)
والدراما التلفزيونية التي أنتجوها دعت لنفس الأمر
وقرأت في الصحف مقالات توضح كيف تتزوج على زوجتك بنجاح

تحت لواء هذه السياسة
أصبح دور المرأة هو البحث عن "راجل مرة"
والراجل فرحان بشكلة المرأتين
أنحطاط

الباقر Quate:
Yes
you hit the nail n the head
thanks
Omer

Post: #45
Title: Re: القبــض على حمــــاده بت ( مبرووووووووووووووك)
Author: رأفت ميلاد
Date: 11-01-2006, 05:49 PM
Parent: #43

Quote: وماذا عن اللواط والشذوذ المسكوت عنه في المجتمع السوداني !! ؟ وما هي افرازاته ؟؟
محمد سـليمان
القصة خربانة من كبارا
عمك زاتوووووو يعنى بعد ما شـالوا حلوها
كدى أرجع لمداخلة ياسـر طيفور

بلد ما عندها وجيع

حمادة بت أهون إفرازاتا

Post: #44
Title: Re: القبــض على حمــــاده بت ( مبرووووووووووووووك) (Re: Mustafa Mahmoud)
Author: عبدالله شمس الدين مصطفى
Date: 11-01-2006, 05:38 PM
Parent: #1

و أخشى ما أخشاه أن يأتينا زمان يكون فيه حماده بت ( أرجل راجل) سترك و عفوك يا رب, وقبل ذلك غضبك عليهم من يفرّخون حماده بت و نادية ولد.

Post: #46
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-02-2006, 07:49 AM
Parent: #1

رافت تحياتي ..

والله زعلان منك وطلعتني برا النص .. دا شنو

..
Quote: محمد سـليمان
القصة خربانة من كبارا

يا اخي عمرنا كله وانحنا بنحارب في ديل تجي تغلط في اسمي وتشبهني بالزول دا ..

هو دا انا في نظري من اسباب الظاهره زاتووو لو ما كان من الفرقه ..

عدل يا رافت ..

اسلم تسلم

منعم

Post: #47
Title: Re: القبــض على حمــــاده بت ( مبرووووووووووووووك)
Author: nour tawir
Date: 11-02-2006, 08:05 AM
Parent: #46

عبدالمنعم سلام..

Quote: وللاسف الشديد لم نعثر لها علي شاعر !!

ماهو ما ممكن أغنية زى دى يكون ليها شاعر..

خليهم يفتشوا الراغبات فى الزواج..

يمكن يلقوها..

أو الازواج زآتهم!

...
حاجة عجيبة..

Post: #48
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-02-2006, 08:11 AM
Parent: #1

نور

تحياتي واحتراماتي ..

احفاد قوم لوط يقبضون علي رقابنا فتفوح رائحتهم الكريهه لتشكل هذا المشهد القمئ ..

المشكله انك لا تستطيعين قفل انفك واذنك في وقت واحد ..

تحياتي

منعم

Post: #51
Title: Re: القبــض على حمــــاده بت ( مبرووووووووووووووك)
Author: حبيب نورة
Date: 11-03-2006, 07:32 AM
Parent: #48

هو شنو المبروك؟
طالما كلنا في بيوتنا بنتعاطي الشي دة
بي أحصائية أمينة
بنلقي أنو أغلب الناس في أفراحا وفي مناسباتها
بتحبّذ النوعية دي من الاغاني
أمسك أقرب شافع بتلقاهو حافظ الغنية دي بي رواياتها كلها
وتتعدد القراءات
وكلو محصل بعضو

هيي سيطررررررة

Post: #52
Title: Re: القبــض على حمــــاده بت ( مبرووووووووووووووك)
Author: doma
Date: 11-03-2006, 10:13 AM
Parent: #51

Quote: طالما كلنا في بيوتنا بنتعاطي الشي دة

نتعاطي الجن زاتو الا المياعه بتاعه الرجال لا نتعاطاها في بيتنا تب

Post: #53
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-03-2006, 10:21 AM
Parent: #1

دوما تحياتي ..

Quote: نتعاطي الجن زاتو الا المياعه بتاعه الرجال لا نتعاطاها في بيتنا تب

الجن ياتو ..

الكلكي

ولا ..

ال drY gIN

الاخير دا كلنا بنتعاطه ونقول هل من مزيد ..

اختي الهدف من هذا البوست مناقشة ومعالجة الوضع والنظام الذي افرز هذه المياعه ..

تحياتي

منعم

Post: #54
Title: Re: القبــض على حمــــاده بت ( مبرووووووووووووووك)
Author: doma
Date: 11-03-2006, 11:30 PM
Parent: #53

عبد المنعم يا ولدي سبب البلاء معروف وهو الاسلام السياسي ولا اتعاطاه ولن
الحل هو الانتخابات القادمه للخروج من الورطه لكين الاحزاب لازمها شغل كتير خاصه ممن ارتموا في احضان الكيزان .
ولا اقول ليك كلام ابوي المتوفي عام 1969فقد رحمه الله كي لا يشهد مساخر حكام السودان وحضيضهم متمثلا في حكم الكيزان كان بقول "حليل الانجليز"
سالته باستغراب يا ابوي الانجليز مستعمرين كيف تقول يا حليلهم ؟؟؟!!! قال لي ::يا بتي الشوارع كانت نظيفه والمحاكم عادله وحق الحيوان محفوظ.
اها لما كبرت وعشت عهد مايو وعرفت الحاصل تاكدت لي مقوله الوالد "حليل الاستعمار" وجاءت الطامه الكبري " الاسلام السياسي" حكم الكيزان وافرازاتهه الشائهه من حراميه وتجار حروب وكل فسوق في الارض وحمادات بنات .

حليل السودان ( عيون تبكي دمع الدم ) علي شعب سلبت كرامته وامتهن عرضه وارض يحتلها الجيران وترويها دماء ابناءها وهم يقتتلون فيما بينهم ويقطعون جسد الامه اربا اربا.

Post: #55
Title: حمادة بت
Author: يسرى صلاح
Date: 11-04-2006, 04:20 AM
Parent: #1

راجل المــــــره حقو برا (خبره يعني)
السلوكيات دي بالمناسبة قديمة
جزا الله البلوبلو وامثالها ... عن
السودانين .
قادو حملة شرسة لهدم وتدمير الذوق
العام وربما هنالك عوامل كثيرة ساعدت
لانتشار مثل هذه الموجة لتدمير قيمنا
(اكيد هنالك تدخل اجنبي ممكن اسرئيل
يكون عندها يد في الموضوع والله الجماعة
شايفين شنو) .
بالمناسبة في دعاية في التلفزيون القومي
علي وزن راجل المرة يعني خربانه من كبارة

Post: #56
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-04-2006, 06:24 AM
Parent: #1

Quote: حليل السودان ( عيون تبكي دمع الدم ) علي شعب سلبت كرامته وامتهن عرضه وارض يحتلها الجيران وترويها دماء ابناءها وهم يقتتلون فيما بينهم ويقطعون جسد الامه اربا اربا. [/

الخاله دوما ..

تماما يا خاله يا واعيه ..

Post: #57
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-04-2006, 06:30 AM
Parent: #1

يسري صلاح ..

تحياتي وتقديري يا فنان ..

ننسى موضوع حماده دا ..

وحاول اتذكر انا منو ..

ما محمد مسوكر ...

اكون منو ..

منعم

Post: #58
Title: Re: القبــض على حمــــاده بت ( مبرووووووووووووووك)
Author: محمد مختار جعفر
Date: 11-04-2006, 11:33 AM
Parent: #57

الأخ .. عبد المنعم سليمان ..
الأخ .. يسرى صلاح ..
لكم التحية والإحترام

هذه الظواهر ليست غائبة عن المجتمع
هناك أمثالا عديدة سابقة فى ذلك ، لكن الغريب فى الأمر
أن أخواننا أصحاب المشروع الإسلا مى الحضارى
لم تكثر هذه الظواهر إلا فى عهدهم ولم تكثر الأغانى
الهابطة إلا فى عهدهم ومن الغريب أنهم يعملون ( هيلمانة )
حين القبض على احدهم فمن المنطق أن لا يسلطون الضوء على
مثل هذه الإجراءات حتى لا يهتم بها الناس فالآن الكل عرف وإستمع
( للمشار إليه ) بل أنزل لنا أحد أعضاء البورد صورة له وهو يغنى
كثيرون لم يروه من قبل أو يسمعوا به وأنا أحدهم
..ظواهر ما كان لها أن تنتشر لولا التسليط الإعلامى حين القبض عليها ،
وهذا عندما يريدون القببض عليها ..
لذلك أقول لكل فعل رد فعل .. هذه الظواهر التى كثرت
هى نتاج طبيعى للحالة المترديه فى الساحة الإجتماعية السودانية
وما آلت عليه الأخلاق عامة وما يصلح العطار ما أفسده التوجه الحالى

Post: #63
Title: Re: القبــض على حمــــاده بت ( مبرووووووووووووووك)
Author: يسرى صلاح
Date: 11-05-2006, 02:05 AM
Parent: #57

الاخ عبد المنعم

مامحمد مسوكر

رجعتني لايام جميلة معقولة

تكون عبدالمنعم ( كسلا )

الود الذيذ داك

Post: #59
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-04-2006, 11:39 AM
Parent: #1

محمد مختار ..

تحياتي

Quote: الحالىهذه الظواهر التى كثرت
هى نتاج طبيعى للحالة المترديه فى الساحة الإجتماعية السودانية
وما آلت عليه الأخلاق عامة وما يصلح العطار ما أفسده التوجه

تماما اخي محمد

منعم

Post: #60
Title: Re: القبــض على حمــــاده بت ( مبرووووووووووووووك)
Author: زياد ذو النون
Date: 11-04-2006, 11:40 AM
Parent: #1

Quote: وهل تم ترحيله الى سجن الرجال ام النساء ؟؟؟

علي ما أعتقد إلي سجن المخنثين والله أعلم..
وعقبال الجماعة

Post: #61
Title: Re: القبــض على حمــــاده بت ( مبرووووووووووووووك)
Author: السنجك
Date: 11-04-2006, 12:11 PM
Parent: #60

ناس الانقاذ ديل كلهم (حماده بت) بس هم مشوا تخصصوا سياسه وهو تخصص غناء والحال من بعضه

بعدين شاعر شنو البفتشوا عليه هو النشر الاغنيه الشاعر والا المغنى الروج الاغنيه دا لعب على الذقون ياجبهجيه ..وانتوا بتجيبوا حماده فى حفلاتكم !!!

السنجك

Post: #62
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-04-2006, 12:16 PM
Parent: #1

سنجك هم ديل دخلو الموسيقي في المديح زاتوووو وبقولو حماده بت..

Post: #64
Title: Re: القبــض على حمــــاده بت ( مبرووووووووووووووك)
Author: tariq
Date: 11-05-2006, 05:59 AM
Parent: #1

السلام للكل ،،

سمعت ان القصة وراء ايقاف الاغنية والمغني هي السيدة وداد حرم الرئيس فهي المقصودة في الاغنية فقام الرئيس بتوقيفها !!!!

كمان القصة الاظرف والتى لا اشك ابدا في مصداقية ناقلها تقول : وصلت هذه الايام العربة اللاندكروزر الجديدة ( على ما اعتقد ) او النسيان ارمادا في السودان .. المهم وكعادة اهلنا سموها بي ( وداد ) لانها ( مقعده ) العربية طبعا ... المهم حكي صديقي بينما هو في بحري جوار الكرين قامت هرجلة في تلك المنطقة وبعد البحث اكتشفوا ان السادة رجال الامن وصلوا الى الكرين في زي ملكي وبداو سؤال الملاك عن سعر هذه العربية ( ياشرو على العربية وداد ) وببساطة اهلنا يقول ليهم ( ياتا ؟ انتو قاصدين وداد ؟ ) وعينك ما تشوف الا النور يا جلد يا رفع ... وفي الحالتين هو الضايع ..

Post: #67
Title: Re: القبــض على حمــــاده بت ( مبرووووووووووووووك)
Author: Khalid Saeed
Date: 11-05-2006, 07:34 AM
Parent: #64

Quote: حدثني احد الاخوه ممن يتابعون هذا الموضوع بان ( النظام العام) عندما قبض علي (حماده بت) طلب منه الحضور يوميا للقسم من الساعه 8 الي 10 حتي لا يغني وتنجح محاربة الظاهره ..

تعرف ( حماده بت ) ماعندو حل إلا يتخارج بالصبحيات والرحل ؟؟؟ عشان كده حقوى يخلوه يحضر من الصباح بدري لغايت بالليل .....

في عام 1998م كنت في زيارة للسودان لحضور مناسبة في الأسرة والمهم في يوم القيدومه كانت في فنانه تسمى ( نادية بلال ) فغنت غنية مازالت لاصقه في ذهني وكلماتها :
حتي حتي الشره ... أقلبي راجل المره ...
أنا بقابله في الصالون .. أنا بشربه الليلمون ..
أنا بعرسو بالقانون ....
أنا بقابله بي غادي .. وأنا بذكره الماضي ..
أنا بعرسوا بالقاضي ...
الغربية أنوا الغنية دي مرت عادي جدأ .. وماعملت ضجه ... ذيها وذي أي غنية في ذلك الوقت .. غنى بنات .. والسلام ....
بالنسبة لي غنية راجل المره ....
قبل أسبوع فقط من رمضان كنت معزوم في مناسبة زواج .. وبناء على طلب الجماهيرة ( لاحظ طلب الجماهير ) طلبوا من الفنانة أن تغني راجل المره .. وما أن بدأت الفنانه في الغناء حتى أصاب الجميع هستريه ... تعلمون ماالغريب في الأمر ( أنوا الحفله دي خارج السوادن ) ....والأغرب أنو كلمات أغنية راجل المره ( نفس كلامات الأغنية التي سمعتها سنة 98م مع بعض الإضافات البسيطة) شفتوا الزمن إتغير كيف ....
تحياتي ،
خالد الأرباب

Post: #65
Title: Re: القبــض على حمــــاده بت ( مبرووووووووووووووك)
Author: عبير خيرى
Date: 11-05-2006, 06:18 AM
Parent: #1

.

أستاذي عبد المنعم

ماذا تتوقعون بعد 17 عام من الشلل الكامل

Post: #66
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-05-2006, 07:34 AM
Parent: #1

طارق وعبير ..

تحياتي ..

نعمل شنو مع ناس ديل واسفاي ..

منعم

Post: #68
Title: Re: القبــض على حمــــاده بت ( مبرووووووووووووووك)
Author: عبد المنعم سليمان
Date: 11-05-2006, 08:25 AM
Parent: #1

ود الارباب ازيييك ..

Quote: أنا بقابله بي غادي

ولو واصلت وسالت بغادي وين كان غنت ليك ..

بالضـــــــــــــــــــــرا ..

تحياتي

منعم