Post: #1
Title: هل تعلم حواء ان الرجل السكير هو رجل جبان
Author: محمد الامين محمد
Date: 10-30-2006, 03:10 PM
حقيقة شدني بوست القلب النابض عن الرجل الذي رفض بسبب الخمر _في تقديري ان الرجل الذي يسكر ليس الا رجل جبان يهرب من الواقع الي اللاوعي حتي يحقق مالم يستطيع تحقيقه في كامل وعية _اذا سالت الرجل الذي يسكر لماذا تسكر لايعطيك اجابه مقنعة في راي كل من يسكر رجل جبان ليس الا
|
Post: #2
Title: Re: هل تعلم حواء ان الرجل السكير هو رجل جبان
Author: القلب النابض
Date: 10-30-2006, 03:38 PM
Parent: #1
الاخ محمد الأمين
كل سنة وانت طيب
اعترافات خطيرة وتحليلك فعلا بيكون صحيح ..
المشكلة البنات بيفكروا في الزواج استقرار وامان والزول البيسكر ما بيديك امان
وكمان يطلع جبان
كدي نشوف رأي الأخوة ..
|
Post: #3
Title: Re: هل تعلم حواء ان الرجل السكير هو رجل جبان
Author: عبد المنعم سليمان
Date: 10-30-2006, 03:43 PM
Parent: #1
| Quote: حقيقة شدني بوست القلب النابض عن الرجل الذي رفض بسبب الخمر _في تقديري ان الرجل الذي يسكر ليس الا رجل جبان يهرب من الواقع الي اللاوعي حتي يحقق مالم يستطيع تحقيقه في كامل وعية _اذا سالت الرجل الذي يسكر لماذا تسكر لايعطيك اجابه مقنعة في راي كل من يسكر رجل جبان ليس الا |
دا شنو دا ..
ما صدقنا انحنا اتحلينا من البوست الانصرافي داك ..طلع لينا دا ..
اها المحصله النهائيه وانت وصلت ليها بكلمة جبان ..
فاتح البوست دا لشنو ..
اعقلها ثم اكتب يا استاذ ..
منعم
|
Post: #4
Title: Re: هل تعلم حواء ان الرجل السكير هو رجل جبان
Author: القلب النابض
Date: 11-01-2006, 11:03 AM
Parent: #3
الاح محمد الأمين
سلام واحترام ..
|
Post: #5
Title: Re: هل تعلم حواء ان الرجل السكير هو رجل جبان
Author: Mohamed E. Seliaman
Date: 11-01-2006, 01:08 PM
Parent: #4
صاحب البوست سلام
الأخت هنادي ((القلب النابض)) سلام
عنوان بوست الضرارالقادم :
كانت معنا في موسكو طالبة تشرب الفودكا هل ترضى بالزواج منها!!
|
Post: #6
Title: Re: هل تعلم حواء ان الرجل السكير هو رجل جبان
Author: محمد الامين محمد
Date: 11-01-2006, 01:20 PM
Parent: #5
القلب النابض سلام البوست ده نكتهو من وين
محمد سليمان اكيد لا انا عندي راي في الرجال البسكروا
|
Post: #7
Title: Re: هل تعلم حواء ان الرجل السكير هو رجل جبان
Author: القلب النابض
Date: 11-01-2006, 03:11 PM
Parent: #5
الاخ محمد سليمان
سلام وكل سنة وانت طيب
تصدق ما قدت بوستيك والله
لكن طلعوا .. لانو في بعض النساء بيشربوا هنا ..
وتسلم ..
| Quote: كانت معنا في موسكو طالبة تشرب الفودكا هل ترضى بالزواج منها |
في الإنتظار
|
Post: #14
Title: Re: هل تعلم حواء ان الرجل السكير هو رجل جبان
Author: القلب النابض
Date: 11-01-2006, 08:25 PM
Parent: #5
المحترم محمد سليمان
سلام
ليتني كنت هنادي " لن أنساها"
تحياتي
|
Post: #15
Title: Re: هل تعلم حواء ان الرجل السكير هو رجل جبان
Author: القلب النابض
Date: 11-01-2006, 08:25 PM
Parent: #5
المحترم محمد سليمان
سلام
ليتني كنت هنادي " لن أنساها"
تحياتي
|
Post: #8
Title: Re: هل تعلم حواء ان الرجل السكير هو رجل جبان
Author: TahaElham
Date: 11-01-2006, 04:42 PM
Parent: #1
الاستاذ محمد الامين محمد
من هو الصحابي الجليل الذي نزلت فيه الاية الكريمة ( و لا تقربوا الصلاة و انتم سكاري)
و من هو الصحابي الجليل
الذي استعان به الخليفة عمر بن الخطاب في احد فتوحاته و اشترط علي الخليفة ألا يحده بالشرب و كانت مساهمته في الفتح مهمة
و هل تعلم ان من شروط البقط و هو الاتفاق الذي انعقد بين النوبة اهلنا و الصحابي عبد الله بن ابي السرح كان من شروطه ان يقوم الاخير بمد النوبة بالخمر
ثم ثانيا انت تتحدث عن الجبن و شرب الخمر ما رأيك في الجبناء(من ادعياء الدين منتسبي المؤتمرين) الذين لايشربون خمرا
و لكنهم يفعلون من نهب و اكل سحت و مال عام و هتك اعراض و تدبيل زوجات و شذوذات و هم في صحوهم وهو ما يعجز عن فعله شارب الخمر و ضارب المخدرات و هو واقف خيط!!!!؟
من اين اتيت بهذا الاستنتاج الجميل هل هناك اي دراسات احصائية استندت عليها ام فقط هو الاصطياد السخيف في خط الكيزان العكرو ان صفا
و مع الف سلام
طه
|
Post: #9
Title: Re: هل تعلم حواء ان الرجل السكير هو رجل جبان
Author: محى الدين ابكر سليمان
Date: 11-01-2006, 05:22 PM
Parent: #8
حاولت ان اعود نفسى على عدم التعاطى مع"الجلافيط"من البوستات, لكن هذا البوست "جلفوط" لدرجة تجعلك تمد راسك وتقرا عشان تشوف سقف الجلفطة وصل وين, لكنو ما خيب سؤ ظنى, المهم, قلت لى الرجل السكير جبان؟ طيب المداهن بسموهو شنو؟ما جبان برضو؟ يعنى انت عاوز تصلح الطبظة بتاعت البوست الجلفوط بتاع المختونات وتداهن ال...الرابض عشان عمل بوست سماهو الضرات؟ ولا الضراط ما عارف؟ ياخى انت راجل انسرافى بشكل.
|
Post: #10
Title: Re: هل تعلم حواء ان الرجل السكير هو رجل جبان
Author: محمد الامين محمد
Date: 11-01-2006, 07:45 PM
Parent: #9
محي الدين النضال في اجازه ولاشنو ولا بقيت انسرافي (بالصاد) وجلفوط وخليت النضال يا ابونضال
|
Post: #11
Title: Re: هل تعلم حواء ان الرجل السكير هو رجل جبان
Author: محمد الامين محمد
Date: 11-01-2006, 07:45 PM
Parent: #9
محي الدين النضال في اجازه ولاشنو ولا بقيت انسرافي (بالصاد) وجلفوط وخليت النضال يا ابونضال
|
Post: #17
Title: Re: هل تعلم حواء ان الرجل السكير هو رجل جبان
Author: محى الدين ابكر سليمان
Date: 11-02-2006, 08:25 PM
Parent: #11
| Quote: محي الدين النضال في اجازه ولاشنو ولا بقيت انسرافي (بالصاد) وجلفوط وخليت النضال يا ابونضال |
انت عارف,الجلفطة بتقود لجلفطة, لكن لاباس,زمان فى فرقة فى الفاشر اصطلح على تسميتهابفرقة "نعشو" بقيادة المبدع كاكولا, وكان كاكولا هذا عندما تستبد به النشوة وتحلو السكسكة وتجوط الساحة وتقوم الكتاحة يصيح باعلى طبقة فى حلقومه: دنيا حلاتو لكاكولا! وانت ما صدقت لقيت كمبيوتر وانترنت وقاعد تفاقق: دنيا حلاتو للجلافيط!
ياخى مالك والسكارى, شوف ليك موس واقع طهارة فى خلق الله.
|
Post: #19
Title: Re: هل تعلم حواء ان الرجل السكير هو رجل جبان
Author: Tragie Mustafa
Date: 11-02-2006, 10:41 PM
Parent: #17
محي الدين والله ضحكتني ضحك الله يديك قدر نيتك قلت لي عمنا كاكولا كان بيقول:
| Quote: دنيا حلاتو لكاكولا! |
| Quote: وانت ما صدقت لقيت كمبيوتر وانترنت وقاعد تفاقق: دنيا حلاتو للجلافيط! |
والله ما خليت لهم حاجه بعد كده .............
تراجي.
|
Post: #20
Title: Re: هل تعلم حواء ان الرجل السكير هو رجل جبان
Author: محمد الامين محمد
Date: 11-03-2006, 03:18 AM
Parent: #19
تراجي محي الدين ده عنصري حاقد ذيك يعني لو نزلت اي حاجه في البوست عندو فيني راي اما انت معروفة في البورد ده بالوهم الاكبر ومافي زول مصدقك وحتظل دارفور عقدتك الي ان تموتي_حنرجعك تركيا كمواطنة من الدرجة الثالثه احسن ليك
|
Post: #12
Title: Re: هل تعلم حواء ان الرجل السكير هو رجل جبان
Author: محمد الامين محمد
Date: 11-01-2006, 08:08 PM
Parent: #8
طه الكيزان بشربوا النضيف بتاع الفنادق
|
Post: #13
Title: Re: هل تعلم حواء ان الرجل السكير هو رجل جبان
Author: محمد الامين محمد
Date: 11-01-2006, 08:09 PM
Parent: #8
طه الكيزان بشربوا النضيف بتاع الفنادق
|
Post: #16
Title: Re: هل تعلم حواء ان الرجل السكير هو رجل جبان
Author: حسين يوسف احمد
Date: 11-02-2006, 06:25 AM
Parent: #13
عزيزي محمد الأمين ..
تحياتي وتقديري ..
| Quote: في تقديري ان الرجل الذي يسكر ليس الا رجل جبان |
يا عزيزي إنت مسامح خالص خالص ..
الرجل الذي يتعاطى الخمر اساسا ما راجل ..
بل أساسا ما انسان ..
الله يسألك البخليني أغيب عقلي شنو ؟؟
ولمن عقلي يغيب بفعل الخمر ، ما الفرق بيني وبين الخروف ؟؟
لا أنظر للمسألة من ناحية دينية على الاطلاق ..
ولكن ما اعلمه تماما إنو الفرق بين الانسان والحيوان هو العقل ..
وعليك أن تحكم على انسان لا عقل له !!!
الرجل الذي يسكر لا يستحق أن يكون انسانا على الاطلاق ..
مـع الحب ..
|
Post: #18
Title: Re: هل تعلم حواء ان الرجل السكير هو رجل جبان
Author: محى الدين ابكر سليمان
Date: 11-02-2006, 08:59 PM
Parent: #16
Quote: الرجل الذي يتعاطى الخمر اساسا ما راجل ..
بل أساسا ما انسان .. |
جلفوط البعاعيت انت راكب غلط, هاك قروشك وانزل هسع, المقام ما مقام دفاع عن السكر ولا السكارى, السكير انسان مريض فى ذمة الاصحاء عليهم معالجته, والجلفوط الاولانى ما عمل البوست دة ساى, شوفو عاوز يداهن لشنو ولمنو وتعال هلفط.
| Quote: ولمن عقلي يغيب بفعل الخمر ، ما الفرق بيني وبين الخروف ؟؟ |
الفرق انو الخروف عندو قرنين, وانت ما عندك ولا قرن, لكن قنبور دى الكضب خيبة ما عارف, يمكن.
| Quote: الرجل الذي يسكر لا يستحق أن يكون انسانا على الاطلاق .. |
دى من ضمن توصيات مؤتمر البعاعيت قبل الاجتياح ولا شنو؟ يازول لو جيت للاستحقاق حتواجه ورطة كبيرة, انقرع.
حب البتيخ ولا العجور؟
|
Post: #21
Title: Re: هل تعلم حواء ان الرجل السكير هو رجل جبان
Author: Murtada Gafar
Date: 11-03-2006, 08:20 AM
Parent: #18
| Quote: ان الرجل السكير هو رجل جبان |
هل من بين من يحتسون من أنهار الخمر في الجنة جبناء؟
نصت الآية 15 من سورة محمد على ما يلي:
"مثل الجنة التي وعد المتقون فيها أنهار من ماء غير آسن و أنهار من لبن لم يتغير طعمه و أنهار من خمر لذة للشاربين"الخ
مرتضى جعفر
|
Post: #23
Title: Re: هل تعلم حواء ان الرجل السكير هو رجل جبان
Author: محمد الامين محمد
Date: 11-03-2006, 09:12 AM
Parent: #21
معقول يامرتضي تشطح كده الحديث عن خمر الدنيا عرقي_ويسكي ... الخ
|
Post: #34
Title: Re: هل تعلم حواء ان الرجل السكير هو رجل جبان
Author: حسين يوسف احمد
Date: 11-04-2006, 06:38 AM
Parent: #18
كتب المدعو محي الدين بابكر سليمان :
| Quote: جلفوط البعاعيت انت راكب غلط, |
وكنت أظن أنه من عامة البشر الذين لا يحسنون أدب الحوار فأعزره وأسامحه ..
ولكن ذهبت إلى ملفه فوجدت :
Quote: اللقب: محى الدين ابكر سليمان
الجامعة/المعهد: جامعى
اللون السياسى: شيوعى
الوظيفة: مدير برامج\ البرنامج العربى لنشطاء حقوق الانسان |
وهذه هي لغة شخص (جامعي ، شيوعي ، مدير برنامج لحقوق الانسان !!!!
سبحان الله !!
إذا ماذا تركت للجهلاء والصعالك من لغة ومفردات ؟؟
لا عليك صديقي يبدو أن الجامعة لم تحسن تربيتك ..
ويبدو أن الحزب الشيوعي لن يحسن تربيتك ..
ويبدو أن وظيفتك لم تحسن تربيتك ..
يا ناشط حقوق الانسان !!
أي حقوق انسان هذه التي يدافع عنها أمثالك ..
وحقا هان الانسان العربي الذي يدافع أمثالك عن حقوقه ..
شوف يا عزيزي ..
لأن الحياة ربتني وحزبي رباني ، فلن أسئ بسببك لحزب الشيوعي ، ولن أصفه بما تصف به أنت حزب البعث ..
فحزبي والحمد لله رباني أن أحترم بقية الأحزاب وقادتها ..
لن أسئ للحزب الشيوعي ..
ولكني أقول لك :
هؤلاء الذين تسميهم جلافيط ، يكفيهم شرفا وفخرا ، أنهم لم يدخلوا برلمان الكيزان
كما فعل حزبك الشيوعي ..
يكفيهم شرفا وفخرا ، أنهم لا يقبضون مرتبات ومخصصات دستورية من الكيزان
كما يفعل قادة الحزب الشيوعي في برلمان الكيزان ..
يكفيهم شرفا وفخرا أنهم لم يؤدوا قسم الولاء والطاعة
أمام أحمد ابراهيم الطاهر رئيس برلمان الكيزان ، كما فعل قادة حزبك الشيوعي ..
أهذا هو حزبك الذي تتفاخر به ؟؟؟
أما بقية المفردات الهابطة والتي لا تعبر عن رأي حقيقي بقدر ما تعبر عن حالة مرضية
لدى كاتبها فلن أتطرق لها ، لأنها لا تفيد القارئ في شئ ..
فهي عبارة عن اساءات شخصية أترفع أن أردها لكاتبها ، لأني لا أحمل له سوى الاحترام ..
أترفع عن بقية مفرداتك ساقطة القول أيها العزيز اكراما لانسانيتك أولا ..
واكراما للقارئ العزيز الذي لا تهمه مثل هذه الأشياء ..
واكراما لأعزاء بالحزب الشيوعي ثالثا..
مـع التقـدير ..
وسلم لي على حقوق الانسان العربي !!!!
|
Post: #22
Title: Re: هل تعلم حواء ان الرجل السكير هو رجل جبان
Author: تولوس
Date: 11-03-2006, 08:47 AM
Parent: #13
| Quote: هل تعلم حواء ان الرجل السكير هو رجل جبان |
محمد الامين اتفق معاك تماما بدون اي تحفظات مع الاعتزارللاخوة السكاري واصحاب المزاج لصراحتنا السافرة وعدم قدرتنا علي تغليف المعني
|
Post: #24
Title: Re: هل تعلم حواء ان الرجل السكير هو رجل جبان
Author: doma
Date: 11-03-2006, 12:10 PM
Parent: #22
|
Post: #25
Title: Re: هل تعلم حواء ان الرجل السكير هو رجل جبان
Author: القلب النابض
Date: 11-03-2006, 07:05 PM
Parent: #24
| Quote: هل تعلم حواء ان الرجل السكير هو رجل جبان |
|
Post: #26
Title: Re: هل تعلم حواء ان الرجل السكير هو رجل جبان
Author: ajaj
Date: 11-03-2006, 07:24 PM
Parent: #25
ليس جبانا فقط وما خفي اعظم
الخمر ام الكبائر
يسكر فيسرق فيزني وقد يكون بمحارمه
لا صلاة وقد يكون لا صيام ايضا وتنتزع الرحمة من بيتو
وبالميت كدة لو ما بيعمل ديل بيقطع من رزق اسرتو عشان السم الهاري
الحمدلله يا القلب النابض انو صاحبتك ما اتورطت لانو ناس كتار بعرفهم اتورطو وبكوسو في الحل الذي قد يكون ابغض الحلال الي الله
حاولت اشارك في بوستك لكن المشاركات الكتيرة حمتني عديل كل ما اجي اشارك القي البوست فتح والمدخلات كترت فاقضي الوقت قراية بس لكن لي مداخلة لازم اكتبها
وشكرا ليك يا محمد لقولك الحقيقة المرة
|
Post: #27
Title: Re: هل تعلم حواء ان الرجل السكير هو رجل جبان
Author: Manal Mohamed Ali
Date: 11-03-2006, 07:35 PM
Parent: #26
هل معني هذا ان بعض الصحابة قبل اسلامهم كانوا جبناء ...والا كيف تفسير الحديث الشريف خياركم في الجاهلية خياركم في الاسلام
مجرد سؤال...
|
Post: #28
Title: Re: هل تعلم حواء ان الرجل السكير هو رجل جبان
Author: ajaj
Date: 11-03-2006, 07:45 PM
Parent: #27
يا اخت منال لا تقاس الامور هكذا
كان الصحابة يعبدون الاصنام قبل الاسلام هل معناه الصنم ما اشراك وكفر بالله تعالي
كانو هكذا اتي الاسلام فتحولو
ام ديل قامو لقو الاسلام يقومو يرجعو للجاهلية
----------
للمعلومية للشخص الذكر موضوع الخمر في الاخرة: الخمر في الاخرة لا تذهب العقل وليست كخمر الدنيا من شئ فلا يصح المقارنة
|
Post: #30
Title: Re: هل تعلم حواء ان الرجل السكير هو رجل جبان
Author: عبد المنعم ابراهيم الحاج
Date: 11-03-2006, 08:05 PM
Parent: #28
أها يا عجاج
الرسول لمن جا قال للناس البشرب خمرة جبان...
واها انا راي اي صبي ماشرب خمرة
مكبوت ..
وصليب ميتينو طالع
_________________
وبي سكر تملكني
واعجب كيف بي
سكر...
________
يا خوانا الغنية أو المدحة دي
رجّعوها الاذاعة؟
|
Post: #29
Title: Re: هل تعلم حواء ان الرجل السكير هو رجل جبان
Author: Ahmed Osman
Date: 11-03-2006, 08:01 PM
Parent: #27
حلوة عينيك ذى صحابى
وذى عنب طول معتق فى الخوابى
التحية ل د بشرى
|
Post: #31
Title: Re: هل تعلم حواء ان الرجل السكير هو رجل جبان
Author: تولوس
Date: 11-03-2006, 08:11 PM
Parent: #27
Quote: هل معني هذا ان بعض الصحابة قبل اسلامهم كانوا جبناء ...والا كيف تفسير الحديث الشريف خياركم في الجاهلية خياركم في الاسلام
مجرد سؤال... |
??????????????
ولماذا ارسل الله محمد وانزل القران وشرع الدين وحلل الحلال وحرم الحرام ...
ليتمم مكارم الاخلاق ...
وماهي مكارم الاخلاق يا اخت منال ؟؟؟
وهل كان الصحابة قبل الاسلام(الا من رحم ربي ..) بنفس الاخلاق بعد اسلامهم وحسن دينهم ولماذاحدثت تغيرات في المعتقدات والسلوكيات ..
.............................................
وبدون اسلام او دين او اي شئ اخر لننظر الي الامر من الناحية المدنية او العلمانية
ماهي نظرة الغرب لمن لايشرب الخمر .؟ هل ينظر له بنفس نظرته لمن يتعاطي الخمر والمخدرات
ام ان للامر تبعات اجتماعية ودينية وقانونية ...؟؟؟
نعم للامر تبعات تشبه كثيرا النظرة الاسلامية ولاتختلف سوي انها مباحة ومتاحة للشرب في البيوت والاماكن الخاصة ... ومحرمة فقط في اماكن العبادة واماكن العمل الرسمية لانها تضر بالعبادة ومصالح العمل والانتاج ..
وكم من العيادات النفسية ومراكز التاهيل التي تعالج ادمان الخمر والمخدرات والمسكرات ؟؟؟
وماهو وضعها القانوني وماهو ما يترب عليها من اجراءات واحكام
وماهو الوضع القانوني لشارب ومدمن الخمر عندما يكون احد اطراف دعوي قضائية في اي محكمة امريكية او اروبية
.....
واخيرا ماهي نظرة الطب للخمر وشارب الخمر وهل تتعارض من الاسلام عندما ذكر ديننا ان اثمها اكبر من نفعها
|
Post: #32
Title: Re: هل تعلم حواء ان الرجل السكير هو رجل جبان
Author: حيدر حسن ميرغني
Date: 11-04-2006, 00:17 AM
Parent: #31
اخونا محمد الامين
يازول الرجالة ملحوقة ....مالك قبَلت على العصائر دي
تعرف زمان أهلنا في الشمالية كانو بيقولو الزول الما بسكر ما راجل تب
الكلام ده طبعا زمن جدودنا ... كل واحد فيهم كان قايم بواجبو تجاه اسرتو على احسن ما
يكون ولا يتعدى على حقوق الغير .. وتلقاهو دائما زولا ليهو قيمة في مجتمعو .. الله يغفر ليهم
لو قريت عرس الزين للطيب صالح تعرف معنى كلامي ده
أو كتاب (الانداية) للطيب محمد الطيب
انا هنا لا احلل الخمر ولا أمجَد شاربها ... لكن وصفهم بالجبن ... لايليق بهم ابداً
فرسان وحات الله
|
Post: #33
Title: Re: هل تعلم حواء ان الرجل السكير هو رجل جبان
Author: Murtada Gafar
Date: 11-04-2006, 04:40 AM
Parent: #32
Quote: ليس جبانا فقط وما خفي اعظم
الخمر ام الكبائر
يسكر فيسرق فيزني وقد يكون بمحارمه |
الفي ديل الما عملوهوا الكيزان شنو، بإستثناء السكر طبعا، فقط الشذوذ الجنسي التي لم تتفضل كاتبة السطور بذكره و هذا ما برع فيه الكيزان بكافة مستوياتهم القيادية و القاعدية، أضف فضل الظهر أيضا قال عثمان خالد قال...........
هل يمكن أن نتستثني من يعاقر الخمر في الجنة و أنهارها من قاعدة كاتب البوست الذهبية دي؟
مرتضى جعفر
|
Post: #35
Title: Re: هل تعلم حواء ان الرجل السكير هو رجل جبان
Author: محمد الامين احمد
Date: 11-04-2006, 01:00 PM
Parent: #1
سلام يا زميل
جبان طبعا ، لانو بيهرب من مشاكلو بمثل هذا الفعل القبيح
و تافه لانو بيضع و وقتو و قروشو و بيهدل نفسو بشراب الخمر
و صفيق عندما يحاول ان يبرر الامر
|
Post: #36
Title: Re: هل تعلم حواء ان الرجل السكير هو رجل جبان
Author: القلب النابض
Date: 11-05-2006, 10:39 PM
Parent: #35
فوق
|
|