Post: #1
Title: اخلاق الفرسان، في بعض خصومنا والنصف الملئ من الاناء!
Author: Bashasha
Date: 10-30-2006, 02:39 PM
تلقيت تهاني العيد، هذه المرة من عدد من خصومي الفكريين في المسنجر، ممادفعني هنا لتناول الجانب المضئ، والنصف الممتلئ من كوب ثقافتنا او اخلاقنا، لانو مهم جدا جدا.
طبعا ماحاذكر الرسائل ولا الاسماء، لانها خاصة، ولكني ساتناول الجوانب المضيئة في شخصية السوداني، حتي نكون موضوعيين، لانو مافي باطل مطلق ولاحق مطلق، كما قد يوحي بذلك، هجومنا العنيف علي الجانب السلبي فينا، اومافي زول اومجموعة، كاملة او منزهة، وان ثقافتنا حضت علي الكمال، بل اقرت ان الانسان ممكن يتطلع، ان يكون الله زاتو!
ظلاميينا، بشيشيكم علينا، احنا قلنا، يتطلع فقط!
نواصل بالمسا!
|
Post: #2
Title: Re: اخلاق الفرسان، في بعض خصومنا والنصف الملئ من الاناء!
Author: tmbis
Date: 10-30-2006, 05:07 PM
Parent: #1
| Quote: تلقيت تهاني العيد، هذه المرة من عدد من خصومي الفكريين في المسنجر، ممادفعني هنا لتناول الجانب المضئ، والنصف الممتلئ من كوب ثقافتنا او اخلاقنا، لانو مهم جدا جدا. |
تلقيت التهاني .. ومن عدد من خصومي الفكريين ... كدي الكلام ده دخلو جوه ( قوس ) إن شاء الله قوس قزح ..
مسالة التهاني دي يا جــدو بالعيد مسالة عادية جدا .. حسع انا القدامك ده عندي ناس هنــا قارش ملحتهم برضو وقارشين ملحتي .. ورسلت ليهم ورسلو لي .. يعني ياجدو ما تعتبر نفسك ( نابليون بونابارت .. وتعتقد أنك مميز علشان كده الناس دي رقدت خيط ورسلت ليك .. دي أول حاجة ..
وتاني حاجة خصومي الفكريين دي ( واسعــــــة ) شوية حاول ضيقة ـ لانو هرطقاتك دي ما ليها اي علاقة بي اي فكر ولا اي بطيخ مثمر .. هرطقتك دي كلام خشم ساكت .. حاجات بتاعت زول كهنوت وروحو محرقاهو .. وبيذكرني جــدي حسن ود حمودي الله يرحمو لمن بدا ( يخـــرف ) ، الله يرحمو ايامو الأخيرة قال إلا يعرس ..
حسع انت الظاهر لي بعد بوست الخصومات الفكرية القاطعه من راسك زي دي .. الله يستر ما تقول عايز تعرس كمان .. في الحالة دي .. بنحجز الباص وورد بتاعك .. ونوديك ( الكرنتينة ) طوالي...
| Quote: ثقافتنا حضت علي الكمال |
.. دي حلــوة منك ثقافتنا دي ..
ثقافتكم ياتا يا جــدو ؟؟
ثقافة صاحبك السحــار .. والا ثقافة تاني قاطعه من راسك ؟؟
بس اوعه تجي تشبكني .. كوش .. وجلابة ، وكلام الخرف ده .. لاني ما قاعد افهم كلام السودان القديم ده .. خلينا في كلام السودان الجديد ..
عندك حاجة من السودان الجديد جيبه افرشه هنــا.. وكان حاجاتك لحدي الآن قاعد تطلع فيها من ( السحاره ) ده طرفي منها ..
قد .. ياخ بلاش . تضييع زمن معاك
|
Post: #3
Title: Re: اخلاق الفرسان، في بعض خصومنا والنصف الملئ من الاناء!
Author: Bashasha
Date: 10-30-2006, 09:32 PM
Parent: #1
تمبس يامراحب، شرفت الديار،
بعدين من متين كونو الواحد جد، كان منقصة ولاشتيمة؟
واضح كلامي ليك عن صراعك مع الكاميرا لظبط لقطة توحي بملامح عربية، واجعك شديــــــــــــــد خلاس!
اها، انشاء الله اتفشيت حبة؟
ياخي ماقلنا ليك خلي روحك رياضية؟
لوبتسمع كلامي، "رتش" الصورة، ذي اب رزقة، الله يطرا بالخير، عشان اللون يكون فاتح، واللقطة اخدا من مسافة معقولة، عشان الشعر او كده!
عيييييييييييييك!!!!!!
جاييك لي باقي كلامك، لانو مهم!
|
Post: #4
Title: Re: اخلاق الفرسان، في بعض خصومنا والنصف الملئ من الاناء!
Author: Bashasha
Date: 10-30-2006, 11:05 PM
Parent: #1
صحبي تمبس،
واضح انك بتحاكم بشاشا انطلاقا من مفاهيمك العجيبة بتاعة قرش الملح دي!
وحياتك، جدك بشاشا ماقارش ملحة زول، لكن عندو خصومة فكرية لاشخصية، ولاملحية، في المنبر، من اقصاهو لي اقصاهو!
علي كده، مافاهم تقديرنا، للتخاصم الفكري بي شرف، يجعل من الواحد نابليون كيف يعني؟
ذكرتني كلام حمودة حلاق الجامعة زاتو، ولا الشهير عمر اومو!
من ذلك ياتمبس، قالوا حمودة اوهو بحلق لي واحد زيك كده مولع بالحلاقة، في الميدان الغربي، او كورة اداب هندسة مولعة، وقف واحد، اشتر كده قدامو، حماهو يشوف، راح قال ليهو:
ياخي زح، او ادينا وجهة نظر معاك!!!
فواضح جرس اورنين، لفظة "بونا برت"، طالعة ليك في النافوخ، ياحبيب!
اما مفردة ثقافة، فمامعناها، ذي مافاهم، قشر بالمعلومات، اومنجهة اوكده!
ثقافة هنا، مقصود بيها، اسلوب حياة المجموعة البشرية المحددة!
وقع ليك؟
برضو سودان قديم اوجديد، ماموضوع عمر او وجاهة او كده يالمظهرجي!
المقصود هنا، ذهنية اوفهم محدد!
وقع ليك؟
ماتتعقد، لوماوقع ليك كلامنا!
ده ما معناهو، انك مافاهم، بالذات انك كمظهرجي، مسكون بي هاجس انطباع لناس عنك!
لاابدا، عدم فهمك، تقصير مننا اوعجز، في توصيل المعلومة، للمتلقي!
ماكل الناس، مسكونين بالمظاهر، زيك، ياعزيزي، كل يوم، صورة، بي شكل او زاوية جديدة!!!!!!!!!!!
|
Post: #5
Title: Re: اخلاق الفرسان، في بعض خصومنا والنصف الملئ من الاناء!
Author: Tragie Mustafa
Date: 10-30-2006, 11:08 PM
Parent: #4
بشاشا كل عام وانت بخير
بجيك بكره الصباح كان الله احيانا
نعسانه حسه.
تراجي.
|
Post: #6
Title: Re: اخلاق الفرسان، في بعض خصومنا والنصف الملئ من الاناء!
Author: عبده عبدا لحميد جاد الله
Date: 10-31-2006, 03:46 AM
Parent: #5
العزيز بشاشا ... كل سنة وانت بخير
نتمنى لك ولأسرتك دوام الصحة والعافية
وباقة ورد من جنينة بكري الورا الحوش
|
Post: #7
Title: Re: اخلاق الفرسان، في بعض خصومنا والنصف الملئ من الاناء!
Author: Adrob abubakr
Date: 10-31-2006, 04:13 AM
Parent: #1
الأمير الكوشي وخليفة السودان الجديد بشاشا
لك ألف تحية
وكل عام وأنت بخير
|
Post: #8
Title: Re: اخلاق الفرسان، في بعض خصومنا والنصف الملئ من الاناء!
Author: Bakhaf
Date: 10-31-2006, 05:26 AM
Parent: #7
قر قر قر قر قر قر قر قر
ولد ده
لكن عشان يشملنا بعض من رضاك الاميري
عيد سعيد
|
Post: #9
Title: Re: اخلاق الفرسان، في بعض خصومنا والنصف الملئ من الاناء!
Author: هاشم نوريت
Date: 10-31-2006, 06:48 AM
Parent: #8
بشاشا
دبايوا
كل سنة وانت طيب ايها الامير الكوشى
من بركات العيد انو بشاشا يكتب موضوع مفيد
|
Post: #10
Title: Re: اخلاق الفرسان، في بعض خصومنا والنصف الملئ من الاناء!
Author: tmbis
Date: 10-31-2006, 02:08 PM
Parent: #9
جدو بشاشا المسكين
ما تتشنج من مسالة جدو دي .. وتفك آخرك بسرعة المسالة عادية ودي مرحلة مرو بيها غيرك من المحظوظين يعني أكلو ليهم كم خريف كدا .. وما عندك مشكلة يا جدو .. داخرلانك لي عوزه وعايزين بعدين نطبخ منك ( موميـــا ) بي ربطة المعلم ونعمل ليك اهرامات وأبوالهول كمان .. والله ما كتيرة فيك يا جدو .. والكلام ده طبعا بعد خرف .. شان ما تجي تقول كمان تمبس عايز يكتلني .. احتكم دائما للواقع يا جدو الدنيا دي ما قاعدين فيها كتير ..
وأنت ( كسودان قديم ) طلعت الطيش وكنت مفتكرك بتعرف حاجات كتيرة وزول عالمي .. لما قلت ليك ( سودان قديم ) بلغة السوق جيت جاري طوالي وشبكتني ثقافات وقشرات وبناطلين جينز وحلاقات .. ثقافة شنو يا جدو العايز تحاضر لينا فيها ؟؟ كدي دقيقة عليك الله ..
بي طريقتك دي حترجعني معاك كمخ سنة كدا لي وراء وأقوم اشرح ليك المصطلحات دي وعن كثير من المحطات الما جيت ماري بيها دي .. يا لبؤسك ياجدو عامل منظراتي وحافظه وفاطي ليك كم سطر في حتات حساسه جدا.. الناس طلعت القمر وأنت وصاحبك السحار لسه بتحجوا فينا بي حكاية ( دا عب – ود وعربي حر ) وعبد الرازق شعرو قرقدي ومنو ما عارف شعرو ناعم .. المفاهيم دي يا جدو خلاص ( ببح ) ثقافات بادت قاعده جوه الكهوف الجيتو طالعين منها دي علشان تحيو النعرات العنصرية دي .. نحن الآن في عصر البيكسل والميغا بايت .. وخليك أنت وصاحبك السحار في مسالة العبيد وأولاد الجلابة ومزيدا من الاسقاطات والافرازات الداخلية المتأصلة من بدري وعاملة ليكم ورم ..
|
Post: #11
Title: Re: اخلاق الفرسان، في بعض خصومنا والنصف الملئ من الاناء!
Author: tmbis
Date: 10-31-2006, 02:11 PM
Parent: #10
الحاجة التانية يا جدو ..
مسالة الصور الماسك فيها ومكنكش بي ايدينك الاتنين وفاكره مزمة كدي خلينا نقيف فيها شوية لانها بقت فرمالتك معاي لما تغلبك الحيلة تلاتة صفر وقايل نفسك ح تعقدني بيها .. زي ما في ناس كده معقدين خلقة واخلاق .. تتذكر ياجدو أول مداخله ليك معاي شهر تمنية الفات .. خليت الموضوع الأساسي وخشيت شمال في صورتي وبعديها طوالي وراك جو ( الندقجية ) ناس ( ستيف ) برضو ضرب في نفس السلم والمناضلة الكبيرة برضو اخدت ليها تكويعه في الصورة .. وبعد شوية قامت تجقلب قالت تمبس عمل لي شنو وتمبس قال شنو ..وجاء السحار برضو ورد ليهو كالعادة رد ( سلاخي ) واتكلم عن ألوان الكرفته ودرجة الضوء المنعكسة ( والشعاع ) الساقط من زاوية شوفو الميتافيزيقية .. اها من اللحظة ديك يا جدو جاتني فكرة اني اعمل ليكم ( مشروع تسمين ) بمعنى كل اسبوع صورة بي حلاقة جديدة ومرة بي كرفته ومرة سادهـ .. ومرات .. مرات عند الطلب وعلى الاقل اظهر كل يوم وأنت عارف أنو البني آدم اسير ( التحشيش ) دائما وبيحب الظهور .. في المواقع العامة زي سودانيز أونلاين دي .. ومن ناحية أخرى أكون متكيف من الاسقاطات الزهنية بتاعت الشلة الواعية البتخلي الحوار وتمسك في جلابية الصورة .. يعني مثلا :
- عندك ( استيف ) .. متكيف من مسالة الحلاقة بتاعتي وكلما انزل صورة بي حلاقة جديدة يقوم ( يصفق ) لي لحدي ما فلس بي حلاقات ساكت من حلاق لي حلاق .. مع ا،و لحدي الآن ( هارش ) من المسالة بتاعت صورتو دي .. وحارمني من شرف ( التصفيق ) ليهو ، وطبعا بي فهم حمدو في بطنو وياريت تساعدني شوية علشان اكمل الالبوم بتاعي ده واتوسط لي عند صاحبك ( استيف ) علشان تجيب لي منو النيجاتيف وأكون شاكر جدا لي موقفك العظيم ده وما ح انساهو ليك ..
- صاحبك ( السحار ) الفي كل بوست ماسك ليهو الكشف وجاري وراهو ..ومرات مرات يدخلك في حتات ضيقة تغلب المرقه منها .. زي ما قلت ليك عجبتو الصورة البي الكرفته المخططة وقال كلامو السلاخي ولما حس انو ح نديهو في التنك .. لملم حبالو واتخارج ..
- في واحد تاني هنــا لما اتعصر برضو جاب سيرة البحر ، بقى شابكني صورتك الخايف عليها وياود ياناعم وبعديها ركب الشارع من يومو ما شفتو
- وأنت ياجدو شايفك تاني رجعت لي القصة دي وانا بحفظ ليك حقك الأدبي كرائد للمدرسة (التصويرية ) دي ومتبرع ليك بي كاميرا كانون بدخله ليك من ضمن الحاجات في الهرم بتاعك بعدين وبتلقاها ملفوفه بي ورق ( البردي ) وجمبها بطارية عشان ( الضلومة ) .. جيت المرة دي وضارب في ( عمق ) الصورة .. مع انو الغريبة جدا زمااان لما جيت تنزل صورتك بعد مجابدة مع نفسياتك فتحت ليك مية وخمسين بوست وحددت الزمن بي توقيت قرينتش وأعلنت عن جوائز قيمة وداقي جرس اسبوع كامل عن صورتك وبعد ده كلو طلعت دجال .. ومستهبل منزل للجماعة صورة من زمن ( النجمة أم ضنب ) ما ليها أي علاقة بالواقع .. ودي ما مشكلة كبيرة كده .. المشكلة انو الكبر ما عيب يا جدو ولا بيعايرو بيهو لكن مع الكبر لو جابت ليها تطرف لفظي .. وتعدي على الشخصيات بمنظور عقدة العب – والحر هنــا بتبقى المعضلة الكبيرة ، وعشان توعى شوية اقيف النقول ليك ... أ،ا قلت ليك ياجدو وده من خلال صورتك لانك بالجد كده .. في مقام جدي وأنا اعتمدت آخر صورة ليك الشايفه قدامي دي ، واعتمدت كمان على حديثك عن صورتي الحالق فيها دي وعامل ليها رتوش .. وقربت اخت جمبها زهور ، ومن المنطلق ده قعدته اتناقش معاك في نفس سلمك وطبعا كنت من الأول فاكرك الفي الصورة القديمة ديك وقعدت اهبشك بي هنــا واكردك بي هناك بي فهم انو الزول ده على الاقل في مقام بتاع زول صغمبوتي ، ومشروع بتاع خال كدا .. لكن ما كنت متوقع انك تكون كدا .. احبطتني ياجدو وطبعا جيت أوضح لكي أنو الكلام الفارغ يا جدو ساهل جدا ، اصلو الواحد ما بيفتش ليهو مع اني بالجد زعلان من الحركة دي مع نفسي لكن مافي مشكلة ممكن اترسل ليك عادي واجيب ليك أي حاجة من الدكان .. بس كمان لو خدمتني عايزك تبدأ معاي مشروع الصور ده للناس الجادة ( وواثقة من نفسها ) شان تاني مافي واحد يجي يشبكنا صورتك وحلاقتك .. وعليك الله ابتدي لي بي ( استيف ) وبعديهو طوالي الدكتور ( الفشنك ) وليك علي انا كل يوم بقوم من الصباح اتصور ( وارتش ) وانزل اصلو دي شغلتي ياجدو ..
|
Post: #12
Title: Re: اخلاق الفرسان، في بعض خصومنا والنصف الملئ من الاناء!
Author: tmbis
Date: 10-31-2006, 02:58 PM
Parent: #11
أما فيما يتعلق بشرف الخصومة موضوع البوست ولاني عارفك قاعد تحب ( النجومية ) وبابليون بونابارت دي ريحتك قلت ارفع ليك البوست ده علشان تجي بي معنويات مرتفعة وتمتعنا في التجليات وفعلا ما خذلتني وبما أنك بتتكلم عن شرف الخصومة فالزميل عبد الرازق الطالب تم ابعاده من هنــا ولا يمكن ليهو أن يرد على كلامك بالتالي ياجدو مفترض كان تطبق شرف الخصومة وأدبياته في البوست ده ونبدأ خطوة .. خطوة من هنا وتوفر ليك شوية حد أدنى من الشهامة والنبل وما تتكلم في الزول بي وراهو لانو مافيش ..
أ/ا فيما يتعلق بي بكري ابوبكر .. وضربان الرورو ليهو ، فإنت عارف انو عبد الرازق الطالب تم تطبيق اللائحة فيهو وهو محروم الآن .. وبي كده استبشرنا خيرا أنو هناك في لائحة ممكن تطيق على أي خوارج ، يعني بي فهم تاني أنو أي واحد خارج عن القانون في ( الشلة بتاعتكم دي ) القاعدين يقولوا أي كلام ساكت كده وما لاقيين البردعهم ح ياكل نيم لاني لايوق جدا في مسالة القوانين .. اها يا جدو أنت قبل كده عندك ( نقطة ) والحاجة الغريبة أنو انو معظم الجماعة الذكرتهم ديل ( منقطين ) برضو والسبب نفس السبب الخروج عن الادب العام وعدم احترام لغة الحوار لما الواحد يتعصر يقعد يفك آخرو ، وطالما نحن هنا في منبر ( حوار ) بتاع توصيل أفكار تفيد الجميع بي حسب الفهم المتعارف عليهو بتلقاني خطير جدا جدا مع النوعية دي والهل يقدرك ياجدو وتقوم تدقس كان أنت كان غيرك ـ وانا طبعا ما بعرف اعتذارات زي واحد اخونــا كده شتم الراجل أونلاين وقد خيط في التلفون وهاك ياجرسة ( واسترني يا عابدين شرف وسامحني يا استاد الهلال )..أما الخروج عن القانون يا جدو عن طريق الشتيمة واللغة المبتزلة والأرهاب الفكري القاعدين تخوفو بيهو الناس المساكين زيكم ديل في طريقة معالجة ليهو إذا حبيت نديك عينة منو مافي مشكلة بس ارفع لي ايدك فوق خالص وانا بسوقك من ايدك وبنمشي أونلاين في الحتات المخصصة لي المسالة دي وناخد راحتنا على الآخر انا وياك ومن تتوسم فيهو طولة اللسان ديل طبعا من المجموعة بتاعتكم .. والحشاش طبعا يملا شبكتو أنت تعال استخدم السستم القديم حقك وأنا بديك آخر اصدارة ، وطبعا دي الحاجة الوحيدة ياجدو ما بيفتشوا عليها وكل الناس بتعرف ليها وبتجيده وما هي حكر على فئة محددة بس بتبقى المسالة بتاعت التمييز في اختيار المكان المناسب والوسط المناسب وعامل السن برضو ليهو سطوة ...أنا زول قانوني ياجدو وتربية ( جيش ) ناس امسك لي واقطع ليك أو الكمدة بالرمدة بتاخد حقك كامل وكمان ما بنخلي ليك حقنــا ..
|
Post: #13
Title: Re: اخلاق الفرسان، في بعض خصومنا والنصف الملئ من الاناء!
Author: الطاهر ساتي
Date: 10-31-2006, 04:40 PM
Parent: #1
| Quote: وتاني حاجة خصومي الفكريين دي ( واسعــــــة ) شوية حاول ضيقة ـ لانو هرطقاتك دي ما ليها اي علاقة بي اي فكر ولا اي بطيخ مثمر .. هرطقتك دي كلام خشم ساكت .. حاجات بتاعت زول كهنوت وروحو محرقاهو .. وبيذكرني جــدي حسن ود حمودي الله يرحمو لمن بدا ( يخـــرف ) ، الله يرحمو ايامو الأخيرة قال إلا يعرس .. |
والله يا تمبس انا امنياتى في الدنيا دى تلاتة ..
الوضع السياسي يستقر في السودان .. واحجج أمى و ابوي .. واقرا لي كلام مفيد لبشاشا ..!!
وبس
والله اعلم انو الامنية الاخيرة تتحقق بسهولة ..
|
Post: #14
Title: Re: اخلاق الفرسان، في بعض خصومنا والنصف الملئ من الاناء!
Author: tmbis
Date: 10-31-2006, 05:02 PM
Parent: #13
مولانــا الطاهر ساتي
والله يا تمبس انا امنياتى في الدنيا دى تلاتة ..
غايتو ربنا يحقق ليك الاتنين ديل .. وامسك لي في موضوع الحاج والحاجة ديل قوي .. وبدعوا معاك ربنا يديهم طول العمر ـ والسودان يرجع زي ما كان ويستقر نفسياً وسياسياً من طمام البطن الحاصل ده ..
أما صاحبك ده لو حاولت تطلع ليك منو بي جملتين مع بعض كده مرصوصات ـ تكون أنت الأول
وأتحداك حسع كان سألتو يقول ليك .. عامل صورتك الشينة دي  
قاعد كنب صاحبك ده .. خلينا بندقو ليك فتاشة وبنعرف سرو شنو ؟
|
Post: #15
Title: Re: اخلاق الفرسان، في بعض خصومنا والنصف الملئ من الاناء!
Author: Bashasha
Date: 10-31-2006, 10:40 PM
Parent: #1
سليلة الكنداكة، الصنديدة تراجي، يامراحب.
|
Post: #16
Title: Re: اخلاق الفرسان، في بعض خصومنا والنصف الملئ من الاناء!
Author: osly2
Date: 10-31-2006, 10:49 PM
Parent: #15
الامير بشبش
و
ضيوفه الكرام
كل سنه وانتم بخير
|
Post: #17
Title: Re: اخلاق الفرسان، في بعض خصومنا والنصف الملئ من الاناء!
Author: saadeldin abdelrahman
Date: 10-31-2006, 11:11 PM
Parent: #1
Quote: امنياتى في الدنيا دى تلاتة ..
الوضع السياسي يستقر في السودان .. واحجج أمى و ابوي ..
واقرا لي كلام مفيد لبشاشا ..!! |
آاااااميييييييين
عاجباني "خصومنا" و "تقديرنا" و "هجومنا"
و "ثقافتنا" و "احنا قلنا"
و نانو نانو ايييي و نانو نانو ايييي!
|
Post: #18
Title: Re: اخلاق الفرسان، في بعض خصومنا والنصف الملئ من الاناء!
Author: Bashasha
Date: 11-01-2006, 00:09 AM
Parent: #1
عبده عبدالحميد، شرفت الديار
|
Post: #19
Title: Re: اخلاق الفرسان، في بعض خصومنا والنصف الملئ من الاناء!
Author: altahir_2
Date: 11-01-2006, 06:44 AM
Parent: #1
سيد بشبش كل عام وانتم بخير
| Quote: ولكني ساتناول الجوانب المضيئة في شخصية السوداني، حتي نكون موضوعيين، لانو مافي باطل مطلق ولاحق مطلق، كما قد يوحي بذلك، هجومنا العنيف علي الجانب السلبي فينا، اومافي زول اومجموعة، كاملة او منزهة، وان ثقافتنا حضت علي الكمال، بل اقرت ان الانسان ممكن يتطلع، ان يكون الله زاتو |
اللهم اجعله خير امكن نطلع منك بجملة مفيدة المرة دى
بس ارجو ان لا تكون على خطى صديقتك المناضلة التى لا يشق لها غبار (تراجى) فتصف اليوم
وتخلعه غدا.
العزيز علاء كل عام وانت بخير
(لقد وضعت الامور فى نصابها)
ضياء الدين ميرغنى
|
Post: #20
Title: Re: اخلاق الفرسان، في بعض خصومنا والنصف الملئ من الاناء!
Author: Bashasha
Date: 11-01-2006, 07:18 PM
Parent: #1
الحبيب ادروب، الدار دارك.
|
Post: #21
Title: Re: اخلاق الفرسان، في بعض خصومنا والنصف الملئ من الاناء!
Author: adil amin
Date: 11-02-2006, 01:04 PM
Parent: #1
وين يا الفارش اخو البنات
انت فاقد حنان ساكت
والله تمبس ده بعرف ليك كويس
وبلعب في الوسط تماما بذكرني العصر الذهبي للمريخ ايام عادل امين مش انا
لكن هسه المريخ من بقى يلعب مع تريعة البجا خليناه ذاتو
بقيت اشجع الخور القطري
رغم فنايلم ولعبم الشين ذى ناس الهلال
وبعدين يا بشاشا شكار نفسو ابليس
والله انت بتتبع مثل الحبوبة كسبة
الما بقي نفسو زول مافي زول ببقي زول
|
Post: #22
Title: Re: اخلاق الفرسان، في بعض خصومنا والنصف الملئ من الاناء!
Author: Tragie Mustafa
Date: 11-02-2006, 01:31 PM
Parent: #21
العزيز ضياء الدين
كل عام وانت بخير
يا اخي والله امتعتنا مع نانسي عجاج
عشان كده بنديك معايده مخاطب بالعزيز
Quote: بس ارجو ان لا تكون على خطى صديقتك المناضلة التى لا يشق لها غبار (تراجى) فتصف اليوم
وتخلعه غدا.
|
انت يا اخوي خليك في الانسجام القال عن ناذر الخليفه
عايز اقتباس ولا وقع لك؟؟؟(وجه ضاحك)
باين لما تكون منسجم بتبدع!!!
تحياتي.
تراجي.
|
Post: #23
Title: Re: اخلاق الفرسان، في بعض خصومنا والنصف الملئ من الاناء!
Author: Bashasha
Date: 11-02-2006, 01:59 PM
Parent: #1
Quote: بشاشا
دبايوا
كل سنة وانت طيب ايها الامير الكوشى
من بركات العيد انو بشاشا يكتب موضوع مفيد |
هاشم يامراحب،
ياحليلك، لليوم راسك ضارب ياهاشم!
حالتك تحنن!
اها، بيعة البشير ديك، ايام حربك علي رودا، نقضتها، ولا لسة في حبلا؟
|
Post: #24
Title: Re: اخلاق الفرسان، في بعض خصومنا والنصف الملئ من الاناء!
Author: Bashasha
Date: 11-02-2006, 02:49 PM
Parent: #1
Quote: والله يا تمبس انا امنياتى في الدنيا دى تلاتة ..
الوضع السياسي يستقر في السودان .. واحجج أمى و ابوي .. واقرا لي كلام مفيد لبشاشا ..!! |
الطاهر ساتي مرحب بيك،
مالمقصود بالوضع السياسي يستقر، ياسليل صحافة الانقاذ الصفرا؟
خايفين من غرق فلوكة انغاذك، اوطرورك يصوب معاها؟
اما لوكلامنا مامفيد ليك او ل"الديسك جوكي" تمبستو، فهي الشهادة انو كلامنا فعلا مفيد!
مافي اصلا ارضية مشتركة بينا اوبينكم، بي موجبا معيار المفيد والغير مفيد، يكون مشترك!
وقع ليك، مش لي تمبستو، كلامي؟
تمبس ماعليهو بالمسائل الذي دي ك "كجوكي" مهمتو يرقص او يطرب الناس بي توب الكرب اوماشابه!
ماتفهمنا غلط ياتمبوسي، وانت دايما الحتة دي هي عقدتك في المنبر!
كل مخلوق في الدنيا دي عندو ميول، مواهب، واهتمامات محددة.
مافي اهتمام اوموهبة اهم اوافضل من الاخري علي نحو مطلق!
فقط لكل مقام مقال، ولاغير ذلك من حيث التفضيل!
شخصيا بحب نوع الغنا ده اكتر من الغنا الرسمي، ولكن لاي سبب مااخترت يكون ده اسهامي في المنبر، في ظروف بلدنا دي!
اللت والعجن ده كلو عشان صحبي تمبوسي مايتعقد!
|
|