فلاشات... مرتدة ... و غير ملونة ..

الفقر يملا احشاء بلادي
الجهل يملا عيون و عقول اطفالنا
البلد ع كف عفريت

الشرق و الغرب بلا سلام أوفي سلم التسليم والاستسلام

قهر في كل مكان

و احداث تصيبك بالاكتئاب الدائم

والاحباط المقيم

ناس كروشها ملانة

وناس تبحث في خشاش الارض

لقمة بلا كرامة

وكرامة بلا انسانية

وهنا نتناول من القضايا الروج و البودرة و المظهرية

اهديك فلاشات مرتدة

تحكي عن كل امراة تكافح بحق لحياة افضل

تحكي عن كل كل طفل لجاء الي درداقة يجمع منها ملاليم لاخوته الصغار

تحكي عن كل كل يتيم نسي اهله الكفالة

تحكي عن كل مجهول ابوين نسيت امه ان تذيد جرعة السم ان تسقطه

و ارسلها الي كل مرتاد لرزيلة

والي كل باحث عن فضيلة

اهداء الي كل مترف في اقصي الدنيا

اهداء كل متغطرس بعنصرية بغيضة

اهداء الي كل مفلس فكريا يحاول بثنا فشله

اهداء الي كل ساقط عن دفتر النجاح

اهداء الي كل محاول لقتل وحدة بلادي

اهداء الي كل من يحاول ايقاظ الفتنة

اقول

انتو في وادي ونحن في وادي


هنا في السودان الامر غير عادي

هنا يعيش البسطاء بعرف الدين

وبسماحة التقليد نهنا

هنا نعيش الشظف لحنا شجيا

ونمضغ الصبر وعدا فتيا

فلكم ان تحلموا بالابدية

ولنا ان نبني حياة حقيقية

لا تناسبنا حياتكم الاسفيرية

فبالله عليكم كفوا عنا

ودعونا نستمتع بعيدا عنكم

بحباة حقيقة

صور حية

لا اجد الا ان اتفق اكثر فى نقلك الامين لحالات مدن الصفيح
والكرتون

احينا الصور الغير ملونة اكثر تعبيرا للواقع
واحينا تجدينا نتسامر فى بيوت البكاء واهل الفقيد يتألمون
واحيانا تموت فينا الحياة ونحن كأننا فى حالة تغييب قسرى
واحينا نضحك بهستريا على حالنا البائس
واحيانا نتعود على قبول المناظر الموجعة
وتصبح فى حكم العادة

انها مفصلة الصراع وانها حالة الاستلاب

عزيزتي ســودانيـــة 2000

Quote: ناس كروشها ملانة وناس تبحث في خشاش الارض لقمة بلا كرامة وكرامة بلا انسانية

تموت الأسود في الغابات جوعاً ** ولحم الضأن تأكله الكلاب .

Quote: هنا في السودان الامر غير عادي هنا يعيش البسطاء بعرف الدين وبسماحة التقليد نهنا هنا نعيش الشظف لحنا شجيا ونمضغ الصبر وعدا فتيا

** يا صابر إن عند الله جزاك .

سودانيه
لك التجله
شمعة توقد فرحا من وقود الحزن
والشوارع الطبالي
تغني بالخواء
الجلاد مازال ممسك بالكرباج
ويتمشدق محركا اذرعه البقيضه
ويمارس اخطابوتيته والالتفاف
لك مني
اجمل الفلاشات

Quote: انها مفصلة الصراع وانها حالة الاستلاب

شرنوبي سلامات

في مثل في السودان بقول الناس في شنو و الحسانية في شنو

غايتو عشان ما تقول عنصرية انا ما بعرف الحسانية ديل عملوا شنو

بس دا حال ناسنا المتخمين بالخمول و عبط العقول

وخبر اليقين انو الخريف ما جاء

وانو تعطيل حد السرقة قريب

وانو الموت البطئ وعد بلادي

دحين في الموت الي نحن فيهو دا

يقبل شرط الجزاء لاجل قرض ملياري مرهون بترتار في شارع حلتنا البسيط

دا حال بلادي

انتو في وادي و نحن في وادي

تحياتي و ااحترام

وسلام مربع لبلادي

العزيز عماد

سلامات و صباحك زين

تصحي من النوم تمشي خطوتين تشوف ماسي وقلبك ينفطر

لا تقدر تساعد وانت شاحد حق البنزين

لا تقدر تفوت و تشوف المنكر يتراقص امامك

ليست منكر الامر بالمعروف وانما منكر من يدعي المعروف

تصل مكانك و تحس انك معصوب القلب و العين و اللسان

اها في الحالة دي الخمرة حلال و لا حرام

دا فلاش احمر مرتد الي ناس هولندا ولندن

وياني سودانية 2000 زاتها

الود الوجيه العربي الكريم احمد

سلامات و عيدك معطون بعسل الفرح و عجوة القبول

وانشاء الله من العائدين الفرحين بما صاموا وقاموا و تهجدوا و ماناموا

فلاشك مقبول لكن الفيك اتعرفت تب

وينك اااازووول

عيد العيد العيد الجد

كنت في الامل صبحا

و عيد العيد الحق

شربت موية بارد

وعيدالعيد عيد روحي

شربت عصير انناس مع من احب

لكن مازلت بذات الزورق حزنا و ندما علي الرجوع

شرنوبي :

قبال ما ارجع السودان 2004 كنت ح اقول الخمرة حرام ويقتل الخطيب فورا

بلادي بلاد النور بلادي بلاد الفجور

فجور البشر و فجور الخصومة و فجور التراهات العقيمة

سلام مربع للجميع

سودانية
الخصال ....... طيبة النبض
ذرات ناعمه من الحب تتراكم عليك
وتملاءك دفئا بانفاس كل محروم في بلادي
وتغمرك بسعادة العطاء ......
تتملكنا القصاصات احيانا
والتوهان في الشواطئ
الاندماج مع ترهل الذات فنتدفق
في الفيافي لزرع الامل

لك يانبع الجمال فلاش اخر

قديما قالوا ان العظمة في السعادة

والسعادة في الترف

و الترف المادي مطلب شعبي

ولكن ترف الدواخل هو الابدي

بالروح نحيا كبشر لا بجسد فاني

العربي

فلاشك يملاني فرحا

سلمت ايها المترف القا وعدا و تمني

المعنى الكامل للجمال
حتما هنالك وعد للتماهي مع اريج
الدواخل والترنم باجمل الالحان
وزرع الفرح في كل الطرقات رسم الابتسامه
على كل المداخل والتسامي
ايتها المعنى الكامل
فلاش بقدر جمالك

قابلته صدفة

عم محمد عثمان

رجل في السبعين

له حمارين ينقل عليهما رملة البحر لسكان المدينة

كنت اود شراء قريرة بحر لزوم الشتول

سالته عن سعر القليبة

قال 1500 جنيه

مشي و جاء اربعة مرات

و حين رجع اخر اليوم جلست اليه في الارض لنحكي

كم لك من العيال قال 9

اين تسكن في طرف المدينة الادني

كيف تكفي نفسك شر السؤال و المرض و العيال

الله كريم

وهل تجد ما يكفيك

الحمد لله

وفي اليوم التالي راقبته من علي البعد

ظهر منحني ووجه ضربته الشمس و نظر ضعيف

يمشي خلف الحمارين وبيده مسبحة

يحمد الله و يستغفر

يصل البحر و يرجع في ذات الذكر و الرضي

لك الله يا عم محمد

جاءني يوما للسلام

ووجدت معه حمارا واحد

اين الاخر يا عمو

اخبرني انه مات

و

تعثرت كلماتي في حلقي

وغصة تملاني الما ودموعي تملا وجهي

لا حول الله تضاعفت الرحلة

و اكرر

Quote: يا صابر إن عند الله جزاك .

Quote: لا حول الله تضاعفت الرحلة

عمي محمد عثمان لله درك . رجل من الرعيل الأول ، لم يسأم من ملل الحياة ومشوارها الطويل المليء بالاشواك وهو يمشي حافي القدمين ، معاناته لم تتضاعف وإنما بدأت من جديد ، عاد من حيث بدأ . يحمل من المال القليل ومن الذكر الكثير لذا فهو مطمئن القلب ، ألم يقل الله سبحانه وتعالى ( ألا بذكر الله تطمئن القلوب ) بلى ربي فبذكرك تطمئن قلوبناالخاوية على عروشه.


عمي محمد عثمان قلبي معك ودعواتي لك لن تتوقف ، فكن مطمئناً فالحمد لله تطمئن النفس وذكر الله يطمئن القلب فقلبك ونفسك مطمئنين إن شاء الله . كن بألف خير عمي .

Quote: اهديك فلاشات مرتدة

Quote: ذرات ناعمه من الحب تتراكم عليك

Quote: بالروح نحيا كبشر لا بجسد فاني

Quote: تتملكنا القصاصات احيانا والتوهان في الشواطئ الاندماج مع ترهل الذات فنتدفق في الفيافي لزرع الامل

فلاشات ملونة وبهية..

دمتي سودانية 2000

دمت احمد العربي..

التقيا

مرت الدهشة الاولي

بالامل في اللقيا مرات و مرات

رجفة في اليد و غصة في الحلق

وامل في الغد

تتضاءل الاحلام علي رصيف الواقع

وتتكسر الوعود علي شفا جرف هاو

راحت السكرة وفضلت الدهشة

هل تزول ؟؟

غدا لناظره قرررريب

::::::::::::::::

رشا سالم

سلمت يداك

روحك الحلوة بتتنطط حولي

ولا تذكيرني الا بشيري

كان اسمها شمس

حبيبة بلون الطل

وقامة المهوقني

ورائحة الصندل

وشموخ نخلة علي النيل

تنادي نجوم السماء

وتقول يا السوسنة الحمرا

الفي السويد جاء و لا ما جاء

البت الحديقة كفاكي السويد

ظمئنا بعدك برمضان

وجانا العيد و انت بعيد

والعيد الجاب الناس لينا ما جابك

الامورة ذات الصوت البلوري

سلام

و البت الحديقة

سلام

والاسرة الصديقة

سلام

مع كل الحب

الابيض والاسود
الفلاشات الغير....
انجلاء الظلمه
الافصاح
البكاء حتي الانهيار
عتمة الون النهار
الانحسار
الحق في الوجود
مصادرة الكينونه
إنها لغة الان
والغد المجهول

فلاش اخضر وعصفور

فلاش اول الصباح

روعه مدائن الريد وكتين انت تبتسم
وهمسه ديار الشوق وانت محتشم
تضوى الماذن بيك بتكبيره نترسم
عش معاى الريد ولا ابقى منقسم
صر الطريق معاك من دونك منهزم
نصره مدائن الريد يلا نترسم


فلاش من النافذة المضئية

وياسيد هواى ريدى بيك بكمل
لا توزع ريدتنا على الخلائق ما بتحتمل


صباحاتك فراشاتي البترقص فوق زهر نديان
صباحاتك عيون إنسان بتوهب لي أمل وحنان
صباحاتك غيوم الريد بتروي في قليب عطشان
صباحاتك فرح عاشق بيرسم في الضمير إنسان
صباحاتك صلاة راهب يرتل في خشوع وأمان
صباحاتك ودرب الشوق طريق ماشيهو لي زمان



الي رحيق الروح

اشتقت ليك

كفراشتي الاسيرة

حين تصرخ افتحي لي الباب

فرحيق الازهار لا يرضي بزيارتي الا الصباح

وعسل فرحتي المختوم بك يخنقني

وطارت فراشتي

الي براحات اوسع

صباحاتك صباحاتي .. وتخيلي زولاً بيحلم بيك
يحسك جوه في الأعماق وغلبو الشوق وهايم فيك
ويغرق في بحور الريد وراجي السلوى من عينيك
يطرى الليل بزكراكي وقلبو رهيف ومايل ليك
يفرح ليك ويزعل ليك وديمه عيونو بتناديك
يعبر ليك جدار الصمت وبي إحساسو يهمس ليك
ديمه أقول صباحاتك صباحاتي البتشرق ليك

سودانيه يا رائعه
صور الكابه تشيل بروايزالفرح ترحل
تبكى القوافى حزينه عزالشباب تترمل
وتبقى القتامه دليل وياريتا تتجمل
مافى لبلادنا ملاذ ولافرح الغلابه بيكمل
كل البنايه طلول والفات رحل طول
هجر الحمام غصنوا والباقى بتهول
وين الجمال الكان مالى البلد كمل
الساعى والاستاذ فى وطنوا بتسول
الاجنبى الغاشم جاسم فى الصدر طول
حال البلد مالت والكل بتقول
دا حالا بعيد خالص ما اظنوا بتحول

Quote: الساعى والاستاذ فى وطنوا بتسول الاجنبى الغاشم جاسم فى الصدر طول حال البلد مالت والكل بتقول دا حالا بعيد خالص ما اظنوا بتحول

عبد القادر مصطفي شخصيا

تعظيم سلام

وسلام مربع

وشوق مكعب

وزعل هلامي الشكل و الشخصية

ذكرتني يا سليم الذوق
محاضرة بالشامخة جامعة الخرطوم كم شهر فاتو
المحاضرة كانت في قاعة البرالمة اشهر قاعة بالجامعة

و الموضوع كان عن مستقبل الطاقة النووية في السودان
و الضيف عالم ذرة ضيف علي جامعة الخرطوم العظيمة

و المضيف كلية العلوم الشامخة طودا رغم الزمن البغيض
ورغم علوم التاريخ و تارخة العلوم...وعلوم خلف الشمس

المهم

الزول ما قصر تب...........
محاضرة علمية جميلة و سياحة ملونة في الطاقة النووية

جاء وكت السؤالات لووووووووووول

قام دكتور معانا وما دفعتنا زول عالم و قديم و امير
رفع يدو وهو مقامو كبير و بروفسير عظيم

قال

والله محاضرة جميلة و مشكورين بس طاقة نووية تجي من وين
و استاذ الجامعة و العلماء في السودان بشحدوا حق الفطور
اللي هو فوووووووول و بنطلوناتم مقدودة وحالتم بالبلاء

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انتهت القصة

فلاش مضبلن:
هل الهجرة هي الحل ؟؟

سودانية

فلاشاتك

كشمس منتصف نهار صيف بلادي

تلهب
الظهور والعيون

ولكنها ضرورة

يسلم قلمك

تسلم يدك

عشان

يسلم بلدك

التقيا علي حافة النهر
سكبت الدمع شوقا

و اكل يديه خوفا
تصبب عرقا

اخبرها ان كان ما تطلبه امها شرطا
فلا بد ان يكون الفراق وعده الاخير

نظرت اليه بحسرة و رجاء
ليست هذا ما اطلب انا

واكره النفاق و الرياء
المجتمع و القرية تحكم كل الاشياء

اخبرها ان الثورة مبتدأ و منتهي الثورة يداها
قالت لا تقوي علي الثورة و لا تريد الاقل مستوي

كان اسمها ام درمان و كان اسمها الثورة
وكانها لم تتعلم و لم تفهم ما الدنيا

وكان حبوبتها اكثر علما حين اخبرت والدها زمااااان
ان المال لا يصنع رجلا ولكن الرجل هو من يصنع المال

واجاب والدها حينها ::: بالحيل ااابنية
الراجل هو البشيل المرا ويتحمل مسئوليتو طب

وصحي القال القلم ما بزيل بلم
لكن ما هو البلم؟؟؟؟

* * *
الكريم د.محمد حسن
سلمت سيدي
وربنا يحفظك ويسلمك من كل شر

التقيا علة ضفاف حرف

سكبته روحا شفيفة

اغرقها شعرا صادقا

قالت له انت الزمن

قال لها انت الوطن

قال النيل

اني اعمدكما عاشقين ازليين

قابلتني علي حافة الطريق

وانا اجمع كل جرائد الوطن المهترئة كذبا

استحلفتني بالله ان اسمعها

جلست اليها

رغم دهشة من حولي

جلست القرفصاء استمع اليها بكل انتباه

في ذاك المكان المكتظ بالرجال

من فضلك عندي كلمة اود ان تصل للناس فوق

يا امي الفوق هو الخالق ماحدش فوق

المهم انا جمعت كل النسوان هنا وعاوزين اتحاد

اتحاد ناطق باسم الهم الذي فينا

اتحاد شنو تخيلوا؟؟؟؟؟

فنانين؟؟؟؟ اكيد لا

تشكليين ؟؟؟ لا لا

مواطنين ؟؟؟ لا لا

الشعب الفضل ؟؟؟ نوب نوب

نان شنو؟؟

اتحاد بائعات الشاي

يا ربي في اتحاد بالاسم دا

دا فلاش اسود

كاليوم الذي فقدت فيه امي الحبيبة

تسلموا من فقدان الحبايب