Post: #1
Title: المبدع يسرى صلاح بيننا ...ياهلا ومرحبا
Author: محمد عبدالرحمن
Date: 10-29-2006, 09:53 AM
فى البدء الشكر لبكرى ابوبكر على الاستجابة بضم هذا المبدع
الى هذا الفضاء ..وفى الحقيقة يسري صلاح بوردابى قديم ..
اتى الينا اول مرة فى حفل استقبال اقمناه للشاعرة رقية وراق
اتى فى ذلك اليوم بصحبة الاستاذ الشاعر مدنى النخلى ...وسمعنا
فى تلك الليلة عجبا عجاب ..كأننا نسمع الحقيبة لاول مرة ...رحل
بنا بصوته الجميل الى عوالم من الطرب والدهشة ..وغنانا فى تلك
الليلة رائعته (صباحية) كلمات الاستاذ مدنى النخلى ...وتأكدنا حينها
ان لهذا الصوت شأنا واى شأن ..ومن ذلك الوقت كنا نسعى لنسمع
يسرى صلاح فى كل جلساتنا ...اليوم يسرى صلاح معنا هنا ..
فى كل المرات التى شاركنا فيها يسرى كان يغنى لنا بدون مقابل
وكنا محرجين من ذلك ..ولكن بعد هذه العضوية بتكون (عينا قوية)
(لااحراج لايحزنون )
هيا رحبوا معى بالمبدع يسرى صلاح ..
|
Post: #2
Title: Re: المبدع يسرى صلاح بيننا ...ياهلا ومرحبا
Author: أبو ساندرا
Date: 10-29-2006, 10:00 AM
Parent: #1
ترحيب حار بالمبدع الأصيل الفنان الراقي
الصديق الصدوق يسري صلاح
وبلاشك يسري إضافة ضخمة جدآ للمنبر العام
|
Post: #3
Title: Re: المبدع يسرى صلاح بيننا ...ياهلا ومرحبا
Author: Emad Abdulla
Date: 10-29-2006, 10:47 AM
Parent: #1
غنااااااااي ..
غنااااااااااي .
و صوته ( يسري ) في الروح ..
و مطرح ما ( يسري ) يبري .
مرحب بيك يا زول يا طربان ..
و شكرا يا حبيبنا الأنصاري اللابد .
|
Post: #4
Title: Re: المبدع يسرى صلاح بيننا ...ياهلا ومرحبا
Author: ناذر محمد الخليفة
Date: 10-29-2006, 10:52 AM
Parent: #1
يا سلاااااااااام !!
الواحد قال داير يسمع حاجة لي يسري تقومو تجيبو ليهو يسري ذااتو 
مرحب بيك يا يسري
ومنتظر نسمع منك روائع النخلي
|
Post: #5
Title: Re: المبدع يسرى صلاح بيننا ...ياهلا ومرحبا
Author: khaleel
Date: 10-29-2006, 11:37 AM
Parent: #4
الله يسري
ويا صوته لما سري عبر الاثير معطرا
خليط من عبدالحميد يوسف والكاشف والجابري
ادي بمهنية عالية
تفوق علي نفسه
اطرب وابدع حتي رقصت معه امواج الخليج العربي
|
Post: #6
Title: Re: المبدع يسرى صلاح بيننا ...ياهلا ومرحبا
Author: ضحيه ابراهيم
Date: 10-29-2006, 11:42 AM
Parent: #4
مرحبا بالمبدع الاستاذ / يسرى صلاح
كده يابورداب الدوحه انتو بيدوكم عين تسجلو فى النجوم وكل يوم ساطع نجمكم ومبروووووووووك عليكم الفتى المهذب يسرى صلاح .
وصباحيه مباركه يايسرى والاخ ناذر يسمع منك اى حاجه بس لو سمع صباحيه بيجن عدييييل كده وهو جاى بى توصيه من الاستاذ الشاعر مدنى النخلى الذى حدثه عنك يا يسرى واخونا ناذر فى الانتظار.
ناذر بس ما لقيتك ماسنجرك انتو مرسلو بى ركشه ولا شنو؟
|
Post: #7
Title: Re: المبدع يسرى صلاح بيننا ...ياهلا ومرحبا
Author: عبدالكريم الامين احمد
Date: 10-29-2006, 02:31 PM
Parent: #6
يسسسري صلاح...
اي صوتا زار في الدوحة خيالي..
خليط ما بين السبرانو وبعض من نفحات مصطفي سيد احمد..ورنين عركي ودهشة صالح الضي
مضافا اليها كتلة من الالق الصوتي مدهش التون.....
اغانيه تطريب فائق الوصف وله حضور علي خشبة مسرح الغناء تجبرك علي التحليق في
سماء الدوحة الشاهقة..يحملك الي الوطن يحملك الي الجمال...
يسسري مرحب بك بيننا ونفخر نحن اهل الدوحة بك تماما ونفاخر بك الامم....!!
|
Post: #8
Title: Re: المبدع يسرى صلاح بيننا ...ياهلا ومرحبا
Author: ودرملية
Date: 10-29-2006, 04:05 PM
Parent: #7
سلامات
وعوافي
تسلم يامحمد ...
ويسري صلاح سمعته اول مرة في شريط كاسيت عام 90 اهداني اياه اخي الاكبر الصادق عبدالله وقال لي هذا الفنان سيكون له شان كبير في عالم الاغنية السودانية وحينها كان الشريط منتشر في رفاعة باسم "يسري القطري" .. سمعت الشريط وظل معي قرابة السبعة سنوات بعد ان نسخت منه اكثر من عشرة نسخ حتي لا يتلفه كثرة التكرار ..
كان صوته ملائكيا يشق غبار النفس ويحيل وعثاءها الي عوالم بهية من التامل والتخيل والامل .. صوته ياخذك بعفوية صادقة الي اكوان نقية تحس بداخلها بانسانيتك وعواطفك ومشاعرك .. يسري عندم يغني "اي اغنية" يمنحها وردا "بكسر الراء" صوفيا جميلا يجعل القشعريرة تدب في الجسد كالذي احتسي اكواب من الخمر المعتق ثم استكان ..
وحدثني صديقي الحبيب مدني النخلي كثيرا عن يسري وموهبته في الغناء والتلحين في آن وهو بلاشك سيكون رقما مميزا في القريب العاجل ..
ومدني عندما يتحدث عن يسري يسبق مالك في حديثه عن الخمر بملايين السنين الضوئية كيف لا ويسري منح "صباحية" طعما سقاه "دم لحنه الشجي" وبث في اوردتها حياة اليفة ومستمرة فمتي ما سمعت صباحية لن تملها بل ستكرر الاستماع اليها لف مليون مرة بلا كلل او ملل ..
ويسري اذا وجد الفرصة في السودان فوالله لن نسمع بغيره ولن ..
واخرا وليس اخيرا الف مليون مرحبا يسري صلاح ..الفنان الجميل الرقيق المهذب ..
وياريت ياريت لو تفتح بي صوتك شبابيك علي البلد "يعني تنزل السودان وتسجل شريط هناك" .. وفي اجازتي الاخيرة ناقشت مدني النخلي في هذه المسالة فقال لي ان الشركات الفنية هنا لابيحثون عن الكلمة الجميلة بقدر بحثهم عن الهابط المبتذل "وان يسري رفض ان يتجاوب مع هذا المد التافه" فحزم امتعته وعاد الي الدوحة ممنيا النفس بفرصة يجد فيها مبتغاه ..
واكيد يا يسري لو حاولت وحاولت لن يخيب ظنك وح تجي الناس تقول ياريت لو من زمان سجلنا ليهو وسمعنو ليها ..
|
Post: #9
Title: Re: المبدع يسرى صلاح بيننا ...ياهلا ومرحبا
Author: الطيب بشير
Date: 10-29-2006, 04:26 PM
Parent: #1
.
بسم الله الرحمن الرحيم
الأخ محمد و ضيوفه
السلام عليكم ورحمة الله وبركاته
تعرف إنو يسري دة أبو النســب?!!
و في طريقي للسودان تشرفت بسماعه في بيت عادل التيجاني ..
كانت جلسـة عذبة ..
مرحبآ بالعزيز يسري
و شكرآ لكم ..
.
|
Post: #10
Title: Re: المبدع يسرى صلاح بيننا ...ياهلا ومرحبا
Author: عبد المنعم سيد احمد
Date: 10-29-2006, 06:52 PM
Parent: #9
يامرحب
بالفنان
يسرى صلاح
لمزيد من الابداع والتواصل
شكرا الصديق
محمد
وكل سنة وانت بالف خير
عميق الود
|
Post: #11
Title: Re: المبدع يسرى صلاح بيننا ...ياهلا ومرحبا
Author: Mayada
Date: 10-29-2006, 07:46 PM
Parent: #1
الزميل يسري صلاح حبابك الف...
وأتمنى ان يطيب لك المقام...
ست البنيـــــــــــات
|
Post: #15
Title: Re: المبدع يسرى صلاح بيننا ...ياهلا ومرحبا
Author: waleedi399
Date: 10-30-2006, 02:10 AM
Parent: #11
الجميل لمن مبالغة .. محمد ولد عبدالرحمن
عيدك سعيد ومبارك "حسن بركات" .. كل سنة وانت بالف خير
الف مرحب بك وبضيفك القادم يسري .. ادخلوا انت وهو لي جوه
قوم يا ولد جيب الشربات وخلي الافراح والانوار تزين المكان ..
بس ما قلت لي يسري بلعب مع مين؟ وانت ذاتك شايت وووووين؟ 
لك فيض من الود حتى تستغيث ....
|
Post: #12
Title: Re: المبدع يسرى صلاح بيننا ...ياهلا ومرحبا
Author: محمد ميرغني حسين
Date: 10-30-2006, 01:37 AM
Parent: #1
سنسعد جدا لو تكرم أحدكم بإدراج أي أغنية للرائع يسري صلاح
فهل من مستجيب ؟؟؟
|
Post: #13
Title: Re: المبدع يسرى صلاح بيننا ...ياهلا ومرحبا
Author: محمد ميرغني حسين
Date: 10-30-2006, 01:38 AM
Parent: #1
يا مرحباً بالإبداع المتدفق
ومرحباً بالرائع يسري في منبر الروائع
اليوم السعيد الليلة جابك يا "يسري"
مرحباً بك
|
Post: #14
Title: Re: المبدع يسرى صلاح بيننا ...ياهلا ومرحبا
Author: شادية الطيب
Date: 10-30-2006, 01:57 AM
Parent: #1
مرحب حباب ولدنا يسري نورت المنتدى يا ابو المقدام
|
Post: #16
Title: Re: المبدع يسرى صلاح بيننا ...ياهلا ومرحبا
Author: يسرى صلاح
Date: 10-30-2006, 02:35 AM
Parent: #1
الحبيب / محمد عبدالرحمن
والأحباء ضيوفه الكرام
سعيد إذ أنا بينكم
في بورد الألق والجمال
وسعادتي مضاعفة لكوني من بورداب الدوحة
تلك المجموعة المتجانسة الجميلة
ووعدي أن أعود لكم حتى أرد على مداخلاتكم وترحيبكم بي
|
Post: #17
Title: Re: المبدع يسرى صلاح بيننا ...ياهلا ومرحبا
Author: nadus2000
Date: 10-30-2006, 03:10 AM
Parent: #16
مرحبا بالصديق الجميل يسري صلاح
فهو بلا شك صاحب صوت متفرد، ونأمل أن يكون صاحب (قلم/كيبورد) فريد.
وسأعود لأحكي عن أول لقاء للإستماع بينه وبين الفقيد مصطفى سيد أحمد.
|
Post: #41
Title: Re: المبدع يسرى صلاح بيننا ...ياهلا ومرحبا
Author: يسرى صلاح
Date: 11-08-2006, 12:02 PM
Parent: #17
ياعبدالجليل مامنتظرين العودة حسب الوعد
تحياتي
|
Post: #18
Title: Re: المبدع يسرى صلاح بيننا ...ياهلا ومرحبا
Author: Nana
Date: 10-30-2006, 04:14 AM
Parent: #1
.
صاحب الصوت القوي الدافئ
سعدنا بطلتك علينا
تصدق يا يسري من يوم أول رحلة للبورداب وانا بردد أغنية صباحية
وصوتك مسجل حضور في الدواخل.
تسلم اخونا محمد
|
Post: #20
Title: Re: المبدع يسرى صلاح بيننا ...ياهلا ومرحبا
Author: محمد المرتضى حامد
Date: 10-30-2006, 04:26 AM
Parent: #18
مرحبا بيسري الفنان
شكرا محمد عبدالرحمن
(لوبي) الدوحه ... أنا بغران.
|
Post: #19
Title: Re: المبدع يسرى صلاح بيننا ...ياهلا ومرحبا
Author: hatim ibrahim
Date: 10-30-2006, 04:24 AM
Parent: #1
.
والله يا شباب شوقتونا شديد نسمع لهذا الشاب
مرحب بيك أخ يسري وحبابك عشرة
ياخي تعال املا لينا الساحة دندنات .. وطرب
.
|
Post: #21
Title: Re: المبدع يسرى صلاح بيننا ...ياهلا ومرحبا
Author: Randa Hatim
Date: 10-30-2006, 05:28 AM
Parent: #19
يسرى الفنان .. يسرى المبدع .. يسرى الذى يسرى صوته فى الدواخل .. ويسرى الذى سيثرى منبرنا وايامنا وليالى دوحتنا طربا وبهجه ....
هو لا يغنى فحسب .. بل يتفاعل مع اداءه واغانيه تفاعلا يجعل جمهوره ثملا بخمرة الفن ...
حتى صغيرته تعشق الجمال ... اسرها سحر البحر وذهبت لتجمع الصدف وعادت لترينا فى براءة الاطفال ما حصدت من روائع .. فى الوقت الذى كان فيه اباها يحصد من ارواحنا وذكرياتنا كلما ترنم طربا ....
فى اثناء الغنى بدا يرقص وكنت قريبة منه فقال لى (والله اخوك فى الرقيص اشتر شتاره) رددت بينى وبين نفسى (كفاية صوتك يدوزن عصب الغربه الاشتر)...
مرحب بيك يا يسرى وكل عام وانت بخير والسنة الجاية اسمك على كل لسان واغانيك مسموعه فى كل مكان ...
|
Post: #31
Title: Re: المبدع يسرى صلاح بيننا ...ياهلا ومرحبا
Author: يسرى صلاح
Date: 11-02-2006, 07:30 AM
Parent: #21
استاذة رندة اشكرك احساسك الطيب وكلامك الذيذ
دا طبعا الكلام لمن يجي من ال BIG BOSS بكون
عندو طعم تاني اشكرك كتير
|
Post: #22
Title: يسري بوردابي قديم لنج
Author: يسرى صلاح
Date: 10-30-2006, 07:32 AM
Parent: #1
حقيقة ادهشتوني بترحيبكم بي والله اليوم دا
انا سعيد وحاسس اني اتولدت من جديد وحاسس
اني ممكن اكون فنان كويس بعد الكلام الجــميل
دا .
شكرا لكل من اخجلني بكلماته الرقيقة وشكرا
لسودانيز اون لاين اتاحتها لنا الفرصة لنتواصل
كسودانين .
كل عام وانت بخير استاذي وملاذي (ابوامل ) مدني
يوسف النخلي ورغم انك بعيد مننا الا انك مامقصر
معانا كعادتك دائما.
شكرا بورداب الجمال بورداب الدوحة شكرا ليكم
جميعا( بوردابي الداخل والخارج )
التحية لابوالنسب المذيع الموقوف موقتا الطيب
بشير والتحية لاختي زوجتو والجميل الامور بشير
|
Post: #23
Title: Re: المبدع يسرى صلاح بيننا ...ياهلا ومرحبا
Author: الزنجي
Date: 10-30-2006, 08:23 AM
Parent: #1
أهلا بك أملا متقدا و ضاءا بين أهلك و عشيرتك ، و نحن نعبر لك عن فرحتنا بقدوووومك فإطلالتك البهية هى التى تخلق فينا الأمل ، فمرحبا بك يا عزيزى ، و ننتظر مساهماتك النيرة .
و لك الود
|
Post: #24
Title: Re: المبدع يسرى صلاح بيننا ...ياهلا ومرحبا
Author: أبو عبيدة البصاص
Date: 10-30-2006, 08:39 AM
Parent: #23
يسري صلاح
كل عام وانت بخير
ياناذر خليفه ياريت تسمع بي صوت يسري صلاح
اغنية (خمرة هواك يامي صافيه وجليه )
ولا التانية الاغنية بتاعت احمد المصطفى
(ماذا أُمل ماذاأمل وحيد ببكي وبأمل )
بالجد الزول ده قمه في الابداع
عفواً لحظه :
بتتذكر يايسري يوم غنيت الاغنيه التانيه في
الكلاكله القلعه واغلب الناس في المناسبه الجنبكم
قعدوا يبكوا
اخوتي هذا الرجل يستطيع ان يجعلكم تتوحدوا مع كلمات
الاغنيات بشكل يدعو للدهشه ...
|
Post: #32
Title: Re: المبدع يسرى صلاح بيننا ...ياهلا ومرحبا
Author: يسرى صلاح
Date: 11-02-2006, 07:34 AM
Parent: #24
الاخ ابوعبيدة البصاص بصاص كيف يعني
شكلك عارف تاريخي كويس اتمني ان
اكثر بشخصيتك
|
Post: #30
Title: Re: المبدع يسرى صلاح بيننا ...ياهلا ومرحبا
Author: محمد عبدالرحمن
Date: 11-01-2006, 03:18 AM
Parent: #23
***
|
Post: #25
Title: Re: المبدع يسرى صلاح بيننا ...ياهلا ومرحبا
Author: Elmosley
Date: 10-30-2006, 10:52 AM
Parent: #1
يسري أنا اسعد الناس بوجودك هنا وماااااااناسيك
شكرا يامحمد كتير على الهدية
|
Post: #26
Title: Re: المبدع يسرى صلاح بيننا ...ياهلا ومرحبا
Author: hameem
Date: 10-30-2006, 01:18 PM
Parent: #1
| Quote: هو لا يغنى فحسب .. بل يتفاعل مع اداءه واغانيه تفاعلا يجعل جمهوره ثملا بخمرة الفن ... |
|
Post: #27
Title: يسري صلاح
Author: يسرى صلاح
Date: 10-31-2006, 08:47 AM
Parent: #1
استاذ الجيل يوسف الموصلي لك مني
كل الود وكل عام وانت تمطر ابداعا
وفنا .
وفي انتظار عطفك علينا
|
Post: #28
Title: يسري صلاح
Author: يسرى صلاح
Date: 10-31-2006, 09:07 AM
Parent: #1
الاخ ناذر الخليفة سعيد جدا بمعرفتك وسعيد
كمان برغبتك انك تسمع مني حاجة لاكين بيني
وبينك النوع الزيك دا بخوف يعني حاسس تجاهك
بالريبة ( قشمرة ساكت ) والله انا اتشرف انك
تسمع لي .
بالمناسبة استاذ/ مدني النخلي داء ملك حــــر
لمطربي الدوحة ( بشهادة بحث ماشغل سمـــاسرة)
ماتبلعوا نصيبنا فيه بالمناسبة لوا بتعرف
ابوبكر سيد احمد بلغو تحياتي
لك تقديري واحترامي
|
Post: #29
Title: Re: المبدع يسرى صلاح بيننا ...ياهلا ومرحبا
Author: خالد تاج السر
Date: 10-31-2006, 12:00 PM
Parent: #1
مرحب بيك الاستاذ الفنات يسري صلاح
وتحياتنا عبرك الي كل الاسرة الكريمة
والوالد العزيز صلاح محمد منصور
والاستاذة مها وكل الاسرة
|
Post: #33
Title: Re: المبدع يسرى صلاح بيننا ...ياهلا ومرحبا
Author: Mutwali Malik
Date: 11-05-2006, 09:02 PM
Parent: #29
شكرا اخي محمد عبدالرحمن
ويسري صلاح يا اخوي صورتك ماله كبيرة كدة اوعه تكون دي صورة بطاقة الجمارك البرية تحياتي للاخ ياسر صلاح والفنان حسن وبعد دا كلو انشاء الله تكون اتذكرتني
|
Post: #34
Title: Re: المبدع يسرى صلاح بيننا ...ياهلا ومرحبا
Author: tmbis
Date: 11-05-2006, 10:07 PM
Parent: #33
***
|
Post: #35
Title: يسري صلاح
Author: يسرى صلاح
Date: 11-07-2006, 12:15 PM
Parent: #1
حبيبنا متولي شخصيا حقيقي انا سعيد
بالمداخلة بتاعتك وكيف انساك وانا في
لوعة وانت متولي زايد روعة.
بعدين انت لسة مع الجمارك البرية يعني
الواحد مابتطور ولا شنو ( كبير مشرفي الشئون
الجمركية ) دا ما انا علي قول عادل التجاني
اتمني ان يدوم التواصل والمحبة بيننا وطبعا
ياسر صلاح في السودان من زمان نحنا حارسنها ...
مع محبتي
( ابومناع )
|
Post: #36
Title: Re: يسري صلاح
Author: Mutwali Malik
Date: 11-07-2006, 07:26 PM
Parent: #35
يسري لك كل التحايا
يعني تاني نقول ياحليل بطيخ ابوخلف يوما كنا
اسعدني انضمامك لحوش بكري ونرحب بك ترحيبا حارا
|
Post: #37
Title: Re: يسري صلاح
Author: Dr. Moiz Bakhiet
Date: 11-07-2006, 07:57 PM
Parent: #36
يا ألف مليون مرحب
بالزول الجميل
الرائع يسري
شوق عظيم لك ولدفء ابداعك..
|
Post: #39
Title: Re: يسري صلاح
Author: يسرى صلاح
Date: 11-08-2006, 11:40 AM
Parent: #37
كم انا سعيد يا ايها الشاعر المجيد والطبيب الفريد
المعز وحقيقي كنت منتظر المداخلة الرقيقة دي منك
عشان اقول ليك نحنا محتاجين لوجودكم معانا نحن
صغار الفنانين وحقيقي سهرتكم كانت اكثر من رائعة
مع المطربة نسيت اسمها في قناة النيل الازرق
اتمني ان اتغني بشي من كلماتك الرقيقة بس مابي الفصيح
وطبعا شاعرنا يجيد كافة طروب الشعر .
لك مني كل الود والتقدير
|
Post: #40
Title: Re: يسري صلاح
Author: يسرى صلاح
Date: 11-08-2006, 11:55 AM
Parent: #36
متوكل شكلك كدة ماعايز تجيبا البر
طبعا انا سعيد بانضمامي لحوش بكري
الله يدي العافية خلانا نتواصل مع اعزا
امثالك واتمني تجينا زيارة مرة تانية
عشان تاكل بطيخ الخلف الاصلي لانو شكلك
اخر مرة اكلت بطيخ كان بتاع الخلف ياه
كم سنة دي
|
Post: #38
Title: Re: المبدع يسرى صلاح بيننا ...ياهلا ومرحبا
Author: نصار
Date: 11-07-2006, 08:27 PM
Parent: #1
الاعزاء محمد عبد الرحمن و يسري
و (الدوحاب)
حقيقة تستحقون علامة التميز و الجمال الشامل
مرحب بصوتكم الجميل القادم
|
Post: #42
Title: Re: المبدع يسرى صلاح بيننا ...ياهلا ومرحبا
Author: يسرى صلاح
Date: 11-08-2006, 12:18 PM
Parent: #1
الاخ محمد عبد الرحمن حقيقي لم يفوتني ان اتقدم
بشكري الجزيل لشيخ المنبر الاستاذ/ بكري ابوبكر
لاكن لم اجد الكلمات المناسبة لتحيتة استاذنا
لك مني الشكر سيدي لفتحك تلك النافذة المضيئة
لي وامثالي لتوصيل ماعندنا كل في مجالة
|
Post: #43
Title: Re: المبدع يسرى صلاح بيننا ...ياهلا ومرحبا
Author: معتز القريش
Date: 11-08-2006, 02:50 PM
Parent: #42
يسري ذلك الصوت الذي يطربني غصبا عني
يسري صديقي وفناني منذ 1990 وهو أول فنان عزفت معه في الدوحة
يسري صديقي قبل أن يكون أحد القلائل الذين يطربني صوتهم .
أعشق يسري عندما يغني بالعود لأنني أحس أنه ينقل ما بداخلي على تعابير وجهه .
يسري ذلك الفنان المتطور دوما ـ يسري سنة 90 غير يسري سنة 2006 .
يسري مشروع فنان عظيم لو أنه أعطى فنه الزمن الكافي .
لنا قصص وذكريات كثيرة ومثير ولكنها خاصة بيننا .
عموما أهلا بيك يا ابو مناع (قبل الانعاش) ومهما قلت فلن استطيع أن اصف فرحتي بانضمامك لهذا الحوش الكبير
والشكر موصول للغالي المهندس بكري أبو بكر
|
Post: #44
Title: Re: المبدع يسرى صلاح بيننا ...ياهلا ومرحبا
Author: يسرى صلاح
Date: 11-11-2006, 04:03 AM
Parent: #43
المعتز اخي وصديقي لك مني كل الود وشاكر
ترحيبك بي والكلام الكبير الجميل واتمني
اني مااخيب ظنك .
لاكين المعتز الظلامي عايزة شوية بحث يعني
بحكم انك صديق قديم لاكين الانسان بتغير كنت
عايز ادافع عنك لاكين خليني اتاكد انك ما ظلامي
في الاول بعدين نشوف الموضوع دا .
|
Post: #45
Title: Re: المبدع يسرى صلاح بيننا ...ياهلا ومرحبا
Author: عواطف الطيب حسن
Date: 11-11-2006, 06:38 AM
Parent: #1
اهلاً وسهلاً وشرفت البورد واذداد بورداب الدوحة جمالا بانضمامك لهم.
كل عام والجميع بخير.
|
|