|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: المبدع يسرى صلاح بيننا ...ياهلا ومرحبا (Re: ناذر محمد الخليفة)
|
مرحبا بالمبدع الاستاذ / يسرى صلاح
كده يابورداب الدوحه انتو بيدوكم عين تسجلو فى النجوم وكل يوم ساطع نجمكم ومبروووووووووك عليكم الفتى المهذب يسرى صلاح .
وصباحيه مباركه يايسرى والاخ ناذر يسمع منك اى حاجه بس لو سمع صباحيه بيجن عدييييل كده وهو جاى بى توصيه من الاستاذ الشاعر مدنى النخلى الذى حدثه عنك يا يسرى واخونا ناذر فى الانتظار.
ناذر بس ما لقيتك ماسنجرك انتو مرسلو بى ركشه ولا شنو؟
| |
 
|
|
|
|
|
|
|
|
Re: المبدع يسرى صلاح بيننا ...ياهلا ومرحبا (Re: ضحيه ابراهيم)
|
يسسسري صلاح...
اي صوتا زار في الدوحة خيالي..
خليط ما بين السبرانو وبعض من نفحات مصطفي سيد احمد..ورنين عركي ودهشة صالح الضي
مضافا اليها كتلة من الالق الصوتي مدهش التون.....
اغانيه تطريب فائق الوصف وله حضور علي خشبة مسرح الغناء تجبرك علي التحليق في
سماء الدوحة الشاهقة..يحملك الي الوطن يحملك الي الجمال...
يسسري مرحب بك بيننا ونفخر نحن اهل الدوحة بك تماما ونفاخر بك الامم....!!
| |
|
|
|
|
|
|
|
|
|
Re: المبدع يسرى صلاح بيننا ...ياهلا ومرحبا (Re: عبدالكريم الامين احمد)
|
سلامات
وعوافي
تسلم يامحمد ...
ويسري صلاح سمعته اول مرة في شريط كاسيت عام 90 اهداني اياه اخي الاكبر الصادق عبدالله وقال لي هذا الفنان سيكون له شان كبير في عالم الاغنية السودانية وحينها كان الشريط منتشر في رفاعة باسم "يسري القطري" .. سمعت الشريط وظل معي قرابة السبعة سنوات بعد ان نسخت منه اكثر من عشرة نسخ حتي لا يتلفه كثرة التكرار ..
كان صوته ملائكيا يشق غبار النفس ويحيل وعثاءها الي عوالم بهية من التامل والتخيل والامل .. صوته ياخذك بعفوية صادقة الي اكوان نقية تحس بداخلها بانسانيتك وعواطفك ومشاعرك .. يسري عندم يغني "اي اغنية" يمنحها وردا "بكسر الراء" صوفيا جميلا يجعل القشعريرة تدب في الجسد كالذي احتسي اكواب من الخمر المعتق ثم استكان ..
وحدثني صديقي الحبيب مدني النخلي كثيرا عن يسري وموهبته في الغناء والتلحين في آن وهو بلاشك سيكون رقما مميزا في القريب العاجل ..
ومدني عندما يتحدث عن يسري يسبق مالك في حديثه عن الخمر بملايين السنين الضوئية كيف لا ويسري منح "صباحية" طعما سقاه "دم لحنه الشجي" وبث في اوردتها حياة اليفة ومستمرة فمتي ما سمعت صباحية لن تملها بل ستكرر الاستماع اليها لف مليون مرة بلا كلل او ملل ..
ويسري اذا وجد الفرصة في السودان فوالله لن نسمع بغيره ولن ..
واخرا وليس اخيرا الف مليون مرحبا يسري صلاح ..الفنان الجميل الرقيق المهذب ..
وياريت ياريت لو تفتح بي صوتك شبابيك علي البلد "يعني تنزل السودان وتسجل شريط هناك" .. وفي اجازتي الاخيرة ناقشت مدني النخلي في هذه المسالة فقال لي ان الشركات الفنية هنا لابيحثون عن الكلمة الجميلة بقدر بحثهم عن الهابط المبتذل "وان يسري رفض ان يتجاوب مع هذا المد التافه" فحزم امتعته وعاد الي الدوحة ممنيا النفس بفرصة يجد فيها مبتغاه ..
واكيد يا يسري لو حاولت وحاولت لن يخيب ظنك وح تجي الناس تقول ياريت لو من زمان سجلنا ليهو وسمعنو ليها ..
| |
|
|
|
|
|
|
|
|
|
Re: المبدع يسرى صلاح بيننا ...ياهلا ومرحبا (Re: Mayada)
|
الجميل لمن مبالغة .. محمد ولد عبدالرحمن
عيدك سعيد ومبارك "حسن بركات" .. كل سنة وانت بالف خير
الف مرحب بك وبضيفك القادم يسري .. ادخلوا انت وهو لي جوه
قوم يا ولد جيب الشربات وخلي الافراح والانوار تزين المكان ..
بس ما قلت لي يسري بلعب مع مين؟ وانت ذاتك شايت وووووين؟ 
لك فيض من الود حتى تستغيث ....
| |
|
|
|
|
|
|
|
|
|
يسري بوردابي قديم لنج (Re: محمد عبدالرحمن)
|
حقيقة ادهشتوني بترحيبكم بي والله اليوم دا
انا سعيد وحاسس اني اتولدت من جديد وحاسس
اني ممكن اكون فنان كويس بعد الكلام الجــميل
دا .
شكرا لكل من اخجلني بكلماته الرقيقة وشكرا
لسودانيز اون لاين اتاحتها لنا الفرصة لنتواصل
كسودانين .
كل عام وانت بخير استاذي وملاذي (ابوامل ) مدني
يوسف النخلي ورغم انك بعيد مننا الا انك مامقصر
معانا كعادتك دائما.
شكرا بورداب الجمال بورداب الدوحة شكرا ليكم
جميعا( بوردابي الداخل والخارج )
التحية لابوالنسب المذيع الموقوف موقتا الطيب
بشير والتحية لاختي زوجتو والجميل الامور بشير
| |
|
|
|
|
|
|
|
|
|
Re: المبدع يسرى صلاح بيننا ...ياهلا ومرحبا (Re: الزنجي)
|
يسري صلاح
كل عام وانت بخير
ياناذر خليفه ياريت تسمع بي صوت يسري صلاح
اغنية (خمرة هواك يامي صافيه وجليه )
ولا التانية الاغنية بتاعت احمد المصطفى
(ماذا أُمل ماذاأمل وحيد ببكي وبأمل )
بالجد الزول ده قمه في الابداع
عفواً لحظه :
بتتذكر يايسري يوم غنيت الاغنيه التانيه في
الكلاكله القلعه واغلب الناس في المناسبه الجنبكم
قعدوا يبكوا
اخوتي هذا الرجل يستطيع ان يجعلكم تتوحدوا مع كلمات
الاغنيات بشكل يدعو للدهشه ...
| |
|
|
|
|
|
|
|
|
|
يسري صلاح (Re: محمد عبدالرحمن)
|
الاخ ناذر الخليفة سعيد جدا بمعرفتك وسعيد
كمان برغبتك انك تسمع مني حاجة لاكين بيني
وبينك النوع الزيك دا بخوف يعني حاسس تجاهك
بالريبة ( قشمرة ساكت ) والله انا اتشرف انك
تسمع لي .
بالمناسبة استاذ/ مدني النخلي داء ملك حــــر
لمطربي الدوحة ( بشهادة بحث ماشغل سمـــاسرة)
ماتبلعوا نصيبنا فيه بالمناسبة لوا بتعرف
ابوبكر سيد احمد بلغو تحياتي
لك تقديري واحترامي
| |
|
|
|
|
|
|
|
|
|
يسري صلاح (Re: محمد عبدالرحمن)
|
حبيبنا متولي شخصيا حقيقي انا سعيد
بالمداخلة بتاعتك وكيف انساك وانا في
لوعة وانت متولي زايد روعة.
بعدين انت لسة مع الجمارك البرية يعني
الواحد مابتطور ولا شنو ( كبير مشرفي الشئون
الجمركية ) دا ما انا علي قول عادل التجاني
اتمني ان يدوم التواصل والمحبة بيننا وطبعا
ياسر صلاح في السودان من زمان نحنا حارسنها ...
مع محبتي
( ابومناع )
| |
|
|
|
|
|
|
|
|
|
Re: يسري صلاح (Re: يسرى صلاح)
|
يسري لك كل التحايا
يعني تاني نقول ياحليل بطيخ ابوخلف يوما كنا
اسعدني انضمامك لحوش بكري ونرحب بك ترحيبا حارا
| |
|
|
|
|
|
|
|
|
|
Re: يسري صلاح (Re: Dr. Moiz Bakhiet)
|
كم انا سعيد يا ايها الشاعر المجيد والطبيب الفريد
المعز وحقيقي كنت منتظر المداخلة الرقيقة دي منك
عشان اقول ليك نحنا محتاجين لوجودكم معانا نحن
صغار الفنانين وحقيقي سهرتكم كانت اكثر من رائعة
مع المطربة نسيت اسمها في قناة النيل الازرق
اتمني ان اتغني بشي من كلماتك الرقيقة بس مابي الفصيح
وطبعا شاعرنا يجيد كافة طروب الشعر .
لك مني كل الود والتقدير
| |
|
|
|
|
|
|
|
|
|
Re: يسري صلاح (Re: Mutwali Malik)
|
متوكل شكلك كدة ماعايز تجيبا البر
طبعا انا سعيد بانضمامي لحوش بكري
الله يدي العافية خلانا نتواصل مع اعزا
امثالك واتمني تجينا زيارة مرة تانية
عشان تاكل بطيخ الخلف الاصلي لانو شكلك
اخر مرة اكلت بطيخ كان بتاع الخلف ياه
كم سنة دي
| |
|
|
|
|
|
|
|
|
|
Re: المبدع يسرى صلاح بيننا ...ياهلا ومرحبا (Re: يسرى صلاح)
|
يسري ذلك الصوت الذي يطربني غصبا عني
يسري صديقي وفناني منذ 1990 وهو أول فنان عزفت معه في الدوحة
يسري صديقي قبل أن يكون أحد القلائل الذين يطربني صوتهم .
أعشق يسري عندما يغني بالعود لأنني أحس أنه ينقل ما بداخلي على تعابير وجهه .
يسري ذلك الفنان المتطور دوما ـ يسري سنة 90 غير يسري سنة 2006 .
يسري مشروع فنان عظيم لو أنه أعطى فنه الزمن الكافي .
لنا قصص وذكريات كثيرة ومثير ولكنها خاصة بيننا .
عموما أهلا بيك يا ابو مناع (قبل الانعاش) ومهما قلت فلن استطيع أن اصف فرحتي بانضمامك لهذا الحوش الكبير
والشكر موصول للغالي المهندس بكري أبو بكر
| |
|
|
|
|
|
|
|
|
|
Re: المبدع يسرى صلاح بيننا ...ياهلا ومرحبا (Re: معتز القريش)
|
المعتز اخي وصديقي لك مني كل الود وشاكر
ترحيبك بي والكلام الكبير الجميل واتمني
اني مااخيب ظنك .
لاكين المعتز الظلامي عايزة شوية بحث يعني
بحكم انك صديق قديم لاكين الانسان بتغير كنت
عايز ادافع عنك لاكين خليني اتاكد انك ما ظلامي
في الاول بعدين نشوف الموضوع دا .
| |
|
|
|
|
|
|
| |
محمد عبدالرحمن
أبو ساندرا
Emad Abdulla
ناذر محمد الخليفة
khaleel
ضحيه ابراهيم
عبدالكريم الامين احمد
ودرملية
الطيب بشير
عبد المنعم سيد احمد
Mayada
waleedi399
محمد ميرغني حسين
nadus2000
محمد المرتضى حامد
الزنجي
أبو عبيدة البصاص
Elmosley
hameem
Mutwali Malik
tmbis
Dr. Moiz Bakhiet
نصار
معتز القريش
فيس بوك
تويتر
انستقرام
يوتيوب
بنتيريست