كم عدد المصلين مع السيد الصادق

يا جماعة عايز اعرف كم تقريباً عدد الذين صلوا مع السيد الصادق صلاة العيد لانه ما جابوها في الجرائد ولا قريت ولا سمعت عنها.

الأخ محمد عمر
الأعداد كانت غفيرة والحضور كبير جداً جداً
وناس الداخل هم أدرى بالعدد الفعلي رغم عرض التلفزيون السوداني لجانب من الصلاة

هى صلاة ولا ندوة سياسية؟










سؤال برة الحلقة انتو الصلاة حركات فقط؟

Quote: هى صلاة ولا ندوة سياسية؟ سؤال برة الحلقة انتو الصلاة حركات فقط؟

والله ياحبيب هاشم هة صلاة وليست ندوة سياسية
الصلاة ليست حركات الصلاة طمانينة فى الاول
والشى الثانى الصلاة كانت حشد كبير وخيالى من المصلين
انما يدل على شى فيدل على تمسك الانصار بانصاريتهم

بارك الله فيك اخى محمد كمال انت تعلم بان العبادة لا تكون الا بدليل هلا تكرمت بمدنا بدليل من الكتاب او السنة يدعو الا الانصارية؟

هى صلاة ولا ندوة سياسية؟

سؤال برة الحلقة انتو الصلاة حركات فقط؟

الاخ هاشم
كل سنة وانت طيب
نعم هي صلاة لكن من حقهم ان يتباهو بكثرتهم

ويقول الرسول صلي الله عليه وسلم
(تكاثرو فإني اباهي بكم الامم)
وما قصده الاخ والي هنا ان يوصل رسالة للذين يدعون ان الانصار ليس لهم وجود
والصادق فقد شعبيته.واكثر المعنيين بها نافع واشباهه

(بارك الله فيك اخى محمد كمال انت تعلم بان العبادة لا تكون الا بدليل هلا تكرمت بمدنا بدليل من الكتاب او السنة يدعو الا الانصارية؟)
الاخ هاشم، نيابة عن الاخ محمد عادل اقول لك
الدليل من الكتاب والسنة موجود وسوف تلقاه في نفس الصفحة الفيها الدليل الذي يدعو الي الجبهة والاخوان الشياطين وتاني صفحة من صفحة دليل المشروع الحضاري.
علشان ما تمشي بعيد انا ما انصاري لكن اذا عايز ترجعنا لمرجعيات ادينا دليل من الكتاب والسنة علي صحة تسميتنا بسودانيين؟
دور المسجد في نشر الدين والدعوة اليه ومناقشة امور السياسة والعلم وشئون الناس مثبتة في تاريخ الاسلامعلشان تعيبها علينا.
ما علي عثمان مشي اربعة يوم يفتح في خلاوي في كردفان ولموا ليه الخلق من كل حتة لمن طيارته ضهبت مالك ما عيبتها عليه؟
بعدين لما الكاروري صلي بالناس علي الهوا مباشرة ونبذ امريكا وبلير وشكر كاسترو وشافيز وكيم ايل "كلهم ملحدين مالها ما كانت سياسة، ولا بس جات علي السيد الصادق؟
انا لما سألت السؤال دا كنت عايز اتاكد من شعبية الانقاذ قبل شعبية الصادق المهدي لانه عارفها كويس وشفتها في اخر انتخابات ديمقراطية.
داير دليل تاني؟

الحبيب محمد عمر هنا تجد تقدير من شخص محايد


وصف الصادق المهدي رئيس حزب الأمة القومي رئيس مجلس الوزراء السابق القرارات التي اصدرتها وزارة المالية بشأن سد عجز الموازنة بأنها معاقبة للشعب والامة بدفع تكاليف خطاياها وموبقاتها السباعية.



وحدد المهدي الموبقات السبع في الصرف السياسي الجائر، والدبلوماسي المفرط، وعلى الأمن والدفاع المبالغ فيه، و الإداري المسرف، والصرف التفاخري بلا حدود والأموال المبددة في الفساد المنوع، و الترهل الرئاسي والوزاري، أما الخطايا السبع فهي في بند الايرادات وشخصها في الحساب المضلل للبترول، والاعفاءات الضرائبية والجمركية للمحاسيب، وعدم ادخال حساب الذهب في الايرادات، والسماح لبعض الوحدات الحكومية تجنيب ايراداتها بعيداً عن وزارة المالية، وتفشي الاختلاسات وتحويل انشطة رابحة للقطاع الخاص لمصالح حزبية، وذكر المهدي في خطبة العيد أن نسبة الفقر في البلاد تتجاوز الـ(70%)، وأن عدد الاطفال المشردين العاصمة فقط يتجاوز الستة آلاف طفل، وانتشار حالات التسول وأن الزكاة صارت تجبى بلا ضوابط شرعية، وتصرف لاولويات خاطئة، ولدواوين مستوى خمس نجوم.



لم يختلف توصيف رئيس حزب الأمة للأحوال الاقتصادية عن التقارير التي تصدر من الجهات المختصة كل في مجاله، ولكن أن يعلنها بتلك الكيفية في خطبة العيد التي احتشد لها الالوف المؤلفة بمسجد ودنوباي بأم درمان، وأن تطبع وتوزع الخطبة على المصلين لهو اسلوب جديد وذو تأثير بالغ على مستوى القاعدة، يكاد ينطبق توصيف المهدي مع توصيف تقارير المراجع العام التي يعدها سنوياً، كما أن الصحف نبهت إلى تلك الملاحظات بصورة راتبة.



ويعتقد بعض المراقبين أن الأحداث التي جرت بعد الزيادات التي تمت للمحروقات والسكر تمثل أنموذجاً ساطعاً للتعبير عن سوء الانفاق، الأول أن الحكومة اوقفت دواوينها وأمرت الموظفين فيها والقوات النظامية بغير زيها الرسمي للخروج في مسيرة ترفض القرار 1706 القاضي بتدخل قوات أممية في دارفور وهذا يعني زيادة الانفاق في المحروقات والايجارات التي تسهل مهمة المسيرة، وفي الوقت ذاته منعت مسيرة أخرى خرجت رافضة لتلك الزيادات فاحتجزت من احتجزت، واطلقت الغاز المسيل للدموع وغيرها من الإجراءات، وجميعها تحتاج لانفاق مالي، تلك هي صورة مصغرة للانفاق الذي تغلفه ضرورات حتمية. كما تعتقد الجهات المعنية أن أدب تضمين قضايا اقتصادية صميمة في خطب صلاة العيد، وصلاة الجمعة لهو منهج متأزم في السياسة السودانية حيث هناك من يرفض خلط الأوراق، وجعل المناسبات الدينية تركز على المجال الديني، ولكن من المؤكد أن خطبة المهدي سيكون لها الأثر البليغ، وتجد من الشروحات ما يعجز عن حملها الأسفار الكبيرة على الرغم من أن المهدي سكت عن مقترحات المعالجة الناجزة لتلك الخطايا والموبقات في خطبته فهل تسعى الجهات المسؤولة لمعالجتها فوراً وفق النماذج المعدودة اصلاً؟!.



تحليل اقتصادي- انور شمبال

نقلا عن صحيفة السوداني

Quote: لم يختلف توصيف رئيس حزب الأمة للأحوال الاقتصادية عن التقارير التي تصدر من الجهات المختصة كل في مجاله، ولكن أن يعلنها بتلك الكيفية في خطبة العيد التي احتشد لها الالوف المؤلفة بمسجد ودنوباي بأم درمان، وأن تطبع وتوزع الخطبة على المصلين لهو اسلوب جديد وذو تأثير بالغ على مستوى القاعدة، يكاد ينطبق توصيف المهدي مع توصيف تقارير المراجع العام التي يعدها سنوياً، كما أن الصحف نبهت إلى تلك الملاحظات بصورة راتبة.

بارك الله فيك اخى محمد كمال انت تعلم بان العبادة لا تكون الا بدليل هلا تكرمت بمدنا بدليل من الكتاب او السنة يدعو الا الانصارية؟

الاخ هاشم مرة ثانية
يقول الله سبحانه وتعالي في محكم تنزيله:-
بسم الله الرحمن الرحيم
(يا ايها الذين آمنوا كونوا أنصارا لله كما قال عيسي إبن مريم للحواريين من انصاري الي الله قال الحواريون نحن انصار الله فآمنت طائفة من بني إسرائيل وكفرت طائفة فايدنا الذين آمنو علي عدوهم فاصبحوا ظاهرين)
صدق الله العظيم


مع العلم ان الانصار اسمهم انصار الله واصحاب المهدي
وليس كماهو شائع انصار المهدي
مع ودى

بسم الله الرحمن الرحيم
السلام عليكم ورحمة الله وبركاته
حزب الأمة للشرفاء............
ما اكثرهم في السودان.

الحبيب محمد عمر
في هذا البوست تجد صور صلاة العيد
في خطبة العيد ... موكب وحشود كما الحشر و المهدي يعري الحكومة(صور)
محبتي
لنا

Quote: هى صلاة ولا ندوة سياسية؟

شيخ هاشم نوريت

دبايو

يا زول انت قعادك في كندا بمكنة انصار سنة لخبط راسك ولا شنو ؟؟

الوهابية بيقولوا بفصل الدين عن الدولة ؟؟؟

شكلك كده بتعاني من شوزفرينيا حادة جدا

هل المسلمون يفصلون بين الصلاة والسياسة ؟؟

اذا صلح عمل المرء صلحت صلاته ولا رايك شنو ؟؟؟

الدين الاسلامي دنيا ودين دولة ودين كلو سوا

فقط المرفوض التمييز على اساس ديني بين بنو الانسانية

بعدين اذا رجعنا للدليل من الكتاب والسنة نقول ان الكتاب ليس حكرا ولا السنة على فئة معينة او طائفة معينة من المسلمين ولكن اذا نزلنا ( تواضعا ) لفهمك هذا فانصار الله اعلى مرتبة من انصار السنة ولا شنو ؟؟ شفت بكده الناس بخشو في حتة ضيقة , لانو اصلا المداخلة كيدية وما عندها معنى . المطلوب رايك في ما جاء في هذه الصلاة هل هو ينفع المسملين ام يضر بهم ؟ هل ينفع قضية الشعب وحياته اليومية ام لا بكده تكون موضوعي وانت شيخ كبير ولا شنو

ود العمدة
دبايوا
عيد مبارك ان شاء الله والمرة الجاية تحضر العيد فى امدرمان مع الحبيب

Quote: المطلوب رايك في ما جاء في هذه الصلاة هل هو ينفع المسملين ام يضر بهم

ما عارف ليه انت بتذكرنى بالمرحوم عمر نور الدائم
انا كان سؤالى برئ وعشان ما داير شكل اقيف هنا وبلقاءك فى بوست اخر

العزيزة لنا
رغم انني اتحادي يقولون اننا مشتركون في حكومة وحدة وطنية رغم عدم التناغم الواضح عكس الانسجام التام مع الامة الشيوعي وبقية الاحزاب الشريفة والنظيفةوتهمني مصلحة حزبي الا انني لا اخفي سعادتي بهذا الحشد الذي ام خطبة السيد الامام.
يا جماعة الصادق دا امسكوا كل ما مشي حتة الوالي بتاعها قامت عليه القيامة؟ انت بتعمل في شنو والناس دي جات لاقت الزول كيف، لقوا حق المواصلات من وين؟ ما قلنا لك فلسبهم؟ ضرائبك وين؟ عوائدك وين؟ قلنا لك لو لقيت طريقة ماتخلي في جيبهم الا الف جنيه يا ياخد بها رغيفة يا يمشي يقابل بها الصادق ويرقد بايت القوى.
السيد الصادق عنما زار ولاية سنار خرجت لمقابلته جماهير لم تكن في حسبان واليها الوشوه زي طربيزة اللحام(اعتقد انه كان عنده برجم حار وقته الصغير) المهم الوالي قال الناس دي ما ناسي ديل ناس جو من كوستي والخرطوم ، تصوروا ردوا عليه المتعافي ومعاه بتاع كوستي وقالوا ليه تعال راجع السفريات لولايتك تلقاها ما زادت عشان تقول الناس ديل جو من عندنا؟ امش راجع حساباتك وبرضه علوية كبيدة قالت ليه لمارماها بالفشل قال ليه انت في افشل منك وضربت له المثل بزيارة السيد الصادق.هسي المتعافي حيقول الناس ديل جو من وين؟
السيد احمد الميرغني عندما زار الشمالية قبل سنة تقريباً اصابت الدهشةالحكومة اذ ان الذين خرجوا للسيد احمد كانوا فوق التصور خصوصاً انه معظم وزراء الحكومة من الشمال.
يا الماعجبكم
صلاة العيد استفتاء
وزيارة سنار استفتاء
وزيارة الشمالية استفتاء
وكل استفستاء وانت طيبة يا لنــــــــــــــــــــــــــــــــــــا

Quote: العزيزة لنا رغم انني اتحادي يقولون اننا مشتركون في حكومة وحدة وطنية رغم عدم التناغم الواضح عكس الانسجام التام مع الامة الشيوعي وبقية الاحزاب الشريفة والنظيفةوتهمني مصلحة حزبي الا انني لا اخفي سعادتي بهذا الحشد الذي ام خطبة السيد الامام.

وهو ما يجب أن يكون عليه الوطني الشريف أخي الحبيب محمد عمر أن يفرح لنجاح أي قوة وطنية لأن في قوتها تماسك و ضمان مستقبل بقية القوى الوطنية.

Quote: يا جماعة الصادق دا امسكوا كل ما مشي حتة الوالي بتاعها قامت عليه القيامة؟ انت بتعمل في شنو والناس دي جات لاقت الزول كيف، لقوا حق المواصلات من وين؟ ما قلنا لك فلسبهم؟ ضرائبك وين؟ عوائدك وين؟ قلنا لك لو لقيت طريقة ماتخلي في جيبهم الا الف جنيه يا ياخد بها رغيفة يا يمشي يقابل بها الصادق ويرقد بايت القوى

يستاااااااااهلو الولاة
أي زول بيودي تقارير غلط عن أوضاع ولايتو يستاهل البيحصل ليهو لمن الحكومة الغافلة تكتشف إنو التقارير مفبركة و غير صادقة.

Quote: السيد الصادق عنما زار ولاية سنار خرجت لمقابلته جماهير لم تكن في حسبان واليها الوشوه زي طربيزة اللحام(اعتقد انه كان عنده برجم حار وقته الصغير) المهم الوالي قال الناس دي ما ناسي ديل ناس جو من كوستي والخرطوم ، تصوروا ردوا عليه المتعافي ومعاه بتاع كوستي وقالوا ليه تعال راجع السفريات لولايتك تلقاها ما زادت عشان تقول الناس ديل جو من عندنا؟ امش راجع حساباتك وبرضه علوية كبيدة قالت ليه لمارماها بالفشل قال ليه انت في افشل منك وضربت له المثل بزيارة السيد الصادق.هسي المتعافي حيقول الناس ديل جو من وين؟

ألذ شي يا عمر ناس الولاية مشو لسائقي الباصات و الحافلات أدوهم (المعلوم) عشان بكرية يوم اللقاء و الحشد ما يمرقو يوصلو الناس،الأنصار اتصرفو أي زول عندو لوري نقل بيهو الناس،الناس ما بتثنيها ألاعيب الإنقاذ و لا عرقلتها للمسار.

Quote: السيد احمد الميرغني عندما زار الشمالية قبل سنة تقريباً اصابت الدهشةالحكومة اذ ان الذين خرجوا للسيد احمد كانوا فوق التصور خصوصاً انه معظم وزراء الحكومة من الشمال.

لأن 17 سنة لم تقتل في الناس الحمية و لا الوطنية و حب رموزها و قادتها.

Quote: يا الماعجبكم صلاة العيد استفتاء وزيارة سنار استفتاء وزيارة الشمالية استفتاء وكل استفستاء وانت طيبة يا لنــــــــــــــــــــــــــــــــــــا

يا الماعجبكم
صلاة العيد استفتاء
وزيارة سنار استفتاء
وزيارة الشمالية استفتاء
وكل استفتاء وانت طيب يا محمــــ عمرــــــــــــــــــــــــد

انت عارفة يا لنا انا قبل شوية اكتشفت انه ناسنا ديل عندهم علاقة وثيقة مع المتاحف والتاريخ. اتذكرت الكلام دا وانا بقراء في مداخلتك.
سفير السودان في الامم المتحدة قال برونك اصبح من الماضي وقال بالحرف الواحد its a history
نافع ومجذوب يقولون عن قادة المعارضة انهم ديناصورات
نافع يقول الاحزاب مكانها المتحف
الرئيس بيقول له فاتورة القمح والسكر مزقناها ومكانها مزبلة التاريخ
التركيز علي التاريخ دا سببو شنو؟
نفتح ليكم متحف؟

نديك صور سنار برضو يا محمد عمر



المهدي في و لاية سنار.... التفاف الجماهير ووضوح البرنامج

الاخ والي الدين
مشكور
الصور ما باينة بس انا شفتها في اخبار اليوم
دمت