Post: #1
Title: هشام هباني الكذاب
Author: محمد عمر الفكي
Date: 10-29-2006, 02:50 AM
Parent: #0
الاخ هشام
كل عام وانت بخير ويعود عليك باليمن والخير والبركات
قرأت بالامس ما سطرته في البورد نقلاً عن موقع ياهوو عن عودة السيد برونك الي السودان مبعوثا امميا وراهنت علي "فنقسة" الحكومة، والان اتضح الوضع تمامابعد تصريحات الحكومة وهو عكس ما راهنت انت عليه وضللت به القراء الاعزاء وكذبت به عليهم.
كل مافي الموضوع انه السيد برونك "حسب تصريحات خارجيتنا" عائد الي السودان لانه نسي فرشة اسنانه والبشكير وعنده شوية حساب مع بتاع الدكان الجنب مقر بعثته.
لذا ارجو ان تلتزم الدقة والموضوعية!!!!!!!! في كتاباتك عشان تاني الخارجية ما تحرجك برد مفحم زي الرد الفوق دا وبعد دا نحن نشكرها لانها ما جارتك في الرهان بتاعك لانهاةكانت حتبيعك الوراك والقدامك.
مع تحياتي.
بالجنبة كدا
انتوا مسؤلين من الخير قرار طرد برونك وقعه لام اكول وزير الخارجية وعضو الحركة الشعبية ولا زول تاني؟
|
Post: #2
Title: Re: هشام هباني الكذاب
Author: Hashim Badr Eldin
Date: 10-29-2006, 08:04 AM
Parent: #1
Quote: عائد الي السودان لانه نسي فرشة اسنانه والبشكير وعنده شوية حساب مع بتاع الدكان الجنب مقر بعثته.
|
محمد عمر الفكى
سلامات
(ياخى موضوع برونك مديون لبتاع الدكان دى إنت عديل كده سرقتها منى أنا فكرت فيها من أمس وكمان حساب سكينة ست الشاى ده غير سرواله النساه مشرور فى الحبل)
|
Post: #3
Title: Re: هشام هباني الكذاب
Author: محمد عمر الفكي
Date: 10-29-2006, 08:31 AM
Parent: #2
يا استاذ هاشم انشا الله عمرك اطول من عمري
صدق انه توارد خواطر
سؤال موجه لك وللاخ هباني وبقية الاخوة (مع انه بكره كلمة اخ دي) وبفضل عليها يا استاذ او اي حاجة تانية لكن نعمل شنو طبع السودانيين!!! المهم السؤال هو
انتوا الدي اتش ال DHL في السودان مافي؟ ما ممكن برونك دا يرسلوا ليه حاجاته النساهادي من غير ما يورينا وشه الكريه دا؟
فرضاً انه الاجابة نعممافي دي اتش ال طيب نائبه الحبشي (زيرون) دا ما مكن يرسلها ليه مع اي موظف في الامم المتحدة؟
خلونا من دا كله الحكومة الطردته ما ترسل له عفشه ولا تامر بعثة الامم المتحدة انها ترسله ليه.
الظاهر انه الحكومة الحلول دي كلها ما عاجباها .
هاشم امسكدي
(هاك العفش دا)
|
Post: #4
Title: Re: هشام هباني الكذاب
Author: السنجك
Date: 10-29-2006, 08:46 AM
Parent: #3
يااخوانا انتوا لسع بتصدقوا الانقاذ ...ياخى عبد المحمود بتاع
What مندوب السودان فى الامم المتحده قال برونك بقى تاريخ ولن يعود اهو رجع ...واسع الانقاذ بعد الطلاقات والحرامات تفتش فى الطريق الثالث..كدى روقوا شويه وحنعرف برونك راجع نهائى والا لا؟وانا شخصيا بصدق الخواجات مابصدق الانقاذ
السنجك
|
Post: #5
Title: Re: هشام هباني الكذاب
Author: هشام هباني
Date: 10-29-2006, 09:13 AM
Parent: #4
ود الفكي وهاشم والسنجك
سلامات
مصادرنا قبل قليل اكدت ان العم ( برونك) قد نسي كرتونة الكـــوندوم!!
لكن حكومة الخرطوم قبل سويعات.. وافقت على حضوره ( وما في داعي للكوندوم)!!
اللهم لااعتراض في حكمك يا الله وارحم اللهم عبدك ابراهيم روثمان الشريف العفيف!!
|
Post: #6
Title: Re: هشام هباني الكذاب
Author: Mustafa Mahmoud
Date: 10-29-2006, 09:21 AM
Parent: #5
اللهم لااعتراض في حكمك يا الله وارحم اللهم عبدك ابراهيم روثمان الشريف العفيف!!
ameen
|
Post: #7
Title: Re: هشام هباني الكذاب
Author: Mustafa Mahmoud
Date: 10-29-2006, 10:20 AM
Parent: #6
شــكرا مني..علي الحقيقة
وفعلا..
الجبهجي الكضاب
ال للحقوق نهــاب
أوع تقول شرع الله
سميهاشريعة الغاب
********************
في اي كتاب مكتوب
الشعب يعيش مغلوب
حق الكلام مسلوب
بالحقد شحنت قلوب
شهيتنا في اللالوب
********************
في دولة الأرزال
الدين بقي إذلال
المر بتقولوا ذلال
وإتلموا الككو غزال
********************
الجبهجي النسناس
الدين كرامة الناس
الدين للعدل أساس
الدين للعاري لباس
ما قطع اليد والراس
********************
يا حاقد يا مهووس
عملت الدين جــاسوس
لكرامة الشعب يدوس
حتــاخد يا منحوس
من شعبنا أقصي دروس
********************
الجبهجي الكضاب
ال للحقوق نهــاب
أوع تقول شرع الله
سميهاشريعة الغاب
أوع تقول شرع الله
سميهاشريعة الغاب
أوع تقول شرع الله
سميهاشريعة الغاب
|
Post: #8
Title: Re: هشام هباني الكذاب
Author: Hashim Badr Eldin
Date: 10-31-2006, 09:02 PM
Parent: #7
Quote: وافقت على عودته لجمع أغراضه واتهمت تشاد بدعم «الخلاص»
الحكومة تضع قيوداً على تحركات برونك بالخرطوم
الخرطوم : اسمهان فاروق
وضعت الحكومة قيودا على تحركات مبعوث الامين العام للامم المتحدة ، بعد قبول عودته بغرض جمع اغراضه ، واشترطت ان يعود بصفته مواطنا هولنديا ولفترة محددة لا تتجاوز اياماً .
وجددت في الوقت ذاته اتهاماتها لتشاد بدعم متمردي جبهة الخلاص بدارفور ماديا وعسكريا ولوجستيا .
وقال المتحدث باسم وزارة الخارجية ، السفير على الصادق للصحافيين امس ، ان الحكومة تشترط ان يعود برونك ليس كممثل للامين العام للامم المتحده ، وانما كمواطن هولندي ، مشددا على ان الحكومة لن تسمح للرجل باجراء اي نوع من المقابلات مع مسؤولين على اي مستوي ، ولا عقد مؤتمرات صحفية ، ولا استقبال زوار دوليين ، ولا مغادرة الخرطوم لاية منطقة في السودان .
واوضح الصادق ، ان الحكومة وافقت رسميا على ان يأتي برونك للسودان لجمع اغراضه الشخصية بعد اتصال جري بين الامين العام كوفي عنان والقياده السودانية ، على ان يعود برونك للخرطوم لتسوية اغراضه الشخصية ، واجراء عملية التسليم والتسلم لمن يخلفه في بعثة الامم المتحدة ، ثم المغادرة خاصة بعد انتهاء مهمته كممثل للامين العام للامم المتحدة منذ استدعائه وابلاغه بذلك في 22 اكتوبر الماضي . من جهة ثانية ، جدد المتحدث باسم الخارجية ، اتهامات الخرطوم لانجمينا بدعم متمردي جبهة الخلاص ماديا وعسكريا ولوجستيا .
وقال «لولا تشاد لما استطاعت جبهة الخلاص ان تقوم بالاعمال الارهابية التي قامت بها» ، مشيرا الى ان الحكومة لن تلجأ الى اسلوب التصعيد والاتهامات كما تفعل تشاد ، وانما ستلجأ الى اتفاقية طرابلس والآليات التي تفصل في مثل هذه النزاعات وللقانون بعيدا من المهاترات .
واضاف الصادق، ان السودان يتعامل مع تشاد بوصفها جارة، ويجب الحفاظ على العلاقات معها ، خاصة وان العلاقات ازلية بين الشعوب والحكومات ، وبجانب ان مصلحة السودان وتشاد عدم التصعيد لما في ذلك من اثر على الاوضاع بدارفور .
|
|
Post: #9
Title: Re: هشام هباني الكذاب
Author: ABDELMAGID ABDELMAGID
Date: 11-01-2006, 00:21 AM
Parent: #8
الكذاب هو نظام الإنقاذ و ابواغه و صبيته و سدنته و بقايا كيزانه ....
|
|