Post: #1
Title: عيد بورداب الرياض ... يزيده الأستاذ محمد السني بهجة
Author: ابو جهينة
Date: 10-25-2006, 09:16 AM
Parent: #0
بسم الله الرحمن الرحيم
عيدكم مبارك و السنة الجاية كل زول أمنياته محققة بحول الله. آمين
الأستاذ محمد السني في مياهنا الإقليمية هو و أسرته الكريمة.
نلتقي بكم جميعا و به مع الأسر و الأطفال بإستراحة الجرادية ( نفس الإستراحة التي عملنا بها إجتماع البورداب العمومي ). و ذلك يوم الجمعة القادم 27 أكتوبر تمام الساعة الخامسة و النصف مساءا .
و بما أن يوم السبت هو أول يوم دوام ، لا ننوي السهر طويلا ، لذا نرجو الحضور بدري شوية عشان نفرتق بدري.
الخريطة يا تمبس.
الأخ حميدة : التلفونات من جوال البورداب كرسائل للزملاء البورداب.
ال قرأ يكلم الباقين بالتلفون.
أها نشوفكم هناك و كل سنة و إنتو طيبين
|
Post: #2
Title: Re: عيد بورداب الرياض ... يزيده الأستاذ محمد السني بهجة
Author: معتصم دفع الله
Date: 10-26-2006, 04:40 AM
Parent: #1
تحياتي يا ريس ..
الإستراحة واضحة خلف أسواق بن دائل جوار الملاعب والجميع يعرفها ..
يمكنكم الاتصال على تليفون البورداب 0557034254
أو أحد تليفونات اللجنة ..
وكل عام والجميع بخير ..
|
Post: #3
Title: Re: عيد بورداب الرياض ... يزيده الأستاذ محمد السني بهجة
Author: معتصم دفع الله
Date: 10-26-2006, 05:39 AM
Parent: #1
لقد تم إرسال رسائل لعدد كبير من البورداب ..
نرجو من وصلته رسالتنا هذه إبلاغ أقرب شخص له ..
والتحية لكم مجدداً ..
|
Post: #4
Title: Re: عيد بورداب الرياض ... يزيده الأستاذ محمد السني بهجة
Author: عبدالكريم الامين احمد
Date: 10-26-2006, 06:06 AM
Parent: #1
عيدكم سعيد يا اهل الرياض...
ومبروك عليكم هذه المعايدة السمحة برفقة الزول السمح السني
الذي نفتقده هنا كثيرا,,
وفي الليلة الظلماء يفتقد البدر...
ولكم وله تحياتي..
|
Post: #5
Title: Re: عيد بورداب الرياض ... يزيده الأستاذ محمد السني بهجة
Author: Mohamed Abdelgaleel
Date: 10-26-2006, 06:21 AM
Parent: #4
الريس - أبوجهينة .. تحياتي .. سنكون هنالك للقاء
الأستاذ محمد السني .. ومثله تشد إليه الرحال.
|
Post: #6
Title: Re: عيد بورداب الرياض ... يزيده الأستاذ محمد السني بهجة
Author: معتصم دفع الله
Date: 10-26-2006, 06:23 AM
Parent: #1
 شتات .. تمبس .. معتصم .. محمد سني
|
Post: #7
Title: Re: عيد بورداب الرياض ... يزيده الأستاذ محمد السني بهجة
Author: رشا سالم
Date: 10-26-2006, 06:57 AM
Parent: #6
الريس ابو جهينة ..
بأذن الله نكون معاكم..
|
Post: #8
Title: Re: عيد بورداب الرياض ... يزيده الأستاذ محمد السني بهجة
Author: ضحيه ابراهيم
Date: 10-26-2006, 07:08 AM
Parent: #6
الجميلين جدا بورداب الرياض كل عام وانتم احلى واجمل وربنا يلم يشملكم..
هنيئا لكم بالاستاذ الجميل السنى رغم انو وعدنا يلحق رحلة بورداب الدوحه لكن حظكم انتم اوفر..
تمبس: تحياتى الحاره لك وكل سنه وانت بخير
ياجماعه وين اخونا معاويه التوم والله اشتقنا لهذا الرجل الجميل لقد امضى معنا اياما جميله بالدوحه ومن ديك وعيييييك.
ياجهينه انتو عبد الكريم الامين ده ماكتب بوست وقال ليكم عاوزين معاكم مباراه اسفيريه بيننا وبينكم شكلكم كبيتو الزوقه..سجلو معاكم محمد السنى حارس مرمى عشان يسدها ليكم.
|
Post: #10
Title: Re: عيد بورداب الرياض ... يزيده الأستاذ محمد السني بهجة
Author: mohamed elshiekh
Date: 10-26-2006, 09:29 AM
Parent: #8
الاخوة برادبت الرياض
كل عام وانتم بخير
وربنا يحقق امانيكم جميعا
نرحب بالاخ الفنان محمد السنى بيننا واسرته الكريمه
وكل عام وهو والاسره بالف خير
ويا ابو جهينه حاضرين بأذن الله
لندلج...
|
Post: #9
Title: Re: عيد بورداب الرياض ... يزيده الأستاذ محمد السني بهجة
Author: تولوس
Date: 10-26-2006, 08:15 AM
Parent: #6
كل عام وانت بخير ... والتحية للسني وباذن الله لو ربنا قدرني اكون معاكم مع اني ابعد عنكم 400 كيلو بس
تحية وعيدية للسني وادوني تلفون يوصلني ليه
|
Post: #11
Title: Re: عيد بورداب الرياض ... يزيده الأستاذ محمد السني بهجة
Author: صديق الموج
Date: 10-26-2006, 09:34 AM
Parent: #1
يا جماعة الجاى ده محمد السنى والا محمدين السنى..زول بكل هذه الضخامة والفخامة تقولو محمد واحد
حضور ان شاء الله وبادواتنا..لانو الراجل طالبنى مغصة،،،
|
Post: #12
Title: Re: عيد بورداب الرياض ... يزيده الأستاذ محمد السني بهجة
Author: Randa Hatim
Date: 10-26-2006, 11:10 AM
Parent: #11
محمد السنى يا زول وفى روايه اخرى انحنا مسمينو حماده!!!!!!
ود خالتى خليك متذكر دى الرحله التانية تفوتها وما تحضرها معانا ...
مبروك عليكم السنى يا بورداب الرياض ومبروك على السنى وجوده بينكم
كل عام وانتو بالف خير والعيد الجاى كل واحد فيكم محقق امانيهو ... وانتظرو التقرير الشامل بتاع رحلتنا.
|
Post: #13
Title: Re: عيد بورداب الرياض ... يزيده الأستاذ محمد السني بهجة
Author: يوسف السماني يوسف
Date: 10-26-2006, 02:07 PM
Parent: #1
الاخ ابوجهينة
عيدك مبارك
مرحبا بالانسان الفنان محمد السني والتحية عبرة لبورداب الدوحة الجميلين .
الامور تمام وكل شي علي مايرام وموعدنا غدا .
|
Post: #14
Title: Re: عيد بورداب الرياض ... يزيده الأستاذ محمد السني بهجة
Author: معتصم دفع الله
Date: 10-27-2006, 06:14 AM
Parent: #1
التحية لكل المتداخلين من بورداب الدوحة ..
وكل سنة وانتو طيبين ..
فووووق إلى حين اللقاء ..
|
Post: #15
Title: Re: عيد بورداب الرياض ... يزيده الأستاذ محمد السني بهجة
Author: ghariba
Date: 10-27-2006, 06:32 AM
Parent: #1
الف مرحب بالاستاذ السني دفع الله في ديارنا
ولكني خارج الرياض وعودتي ستكون متأخرة مساء اليوم
فاذا وجدت وقت ساحضر للاستراحة
وكل عام وانت بخير
صلاح غريبة - القصيم / حائل
|
Post: #16
Title: Re: عيد بورداب الرياض ... يزيده الأستاذ محمد السني بهجة
Author: ابو جهينة
Date: 10-27-2006, 03:52 PM
Parent: #15
الحفل في أوجه
و يمتد الليل و ما أظن يكفي لدلق المحبة كلها التي نكنها لهذا الولد الموسوم بحب السودان و اهل السودان
الزول السمح محمد السني دفع الله
دفع الله بك الى مرافيء النجاح تلو النجاح
|
Post: #18
Title: Re: عيد بورداب الرياض ... يزيده الأستاذ محمد السني بهجة
Author: ود الباوقة
Date: 10-27-2006, 04:54 PM
Parent: #16
الريس ابو جهينة ..
بحق كانت ليلة ولا اروع حيث قضينا اجمل الاوقات بصحبة الفنان الشامل محمد السني دفع الله واسرته الكريمة . وقد مرت الساعات كالثوان . ولولا المدارس والدوام لسهرنا حتي الصباح ولكن ما نتمناه هو ان نلتقيه مرة ثانية بعون الله تعالى .
ايضا الشكر عبركم للاخوة اعضاء المسرح بالرياض وعلى راسهم الاخ الكريم الاستاذ عثمان سيد احمد وصحبه الكرام على الفقرات الشيقة التي اتحفونا بها ..
الشكر موصول للاعزاء معتصم وتامبا ومحمد الشيخ والاخ الكريم يوسف السماني وكافة اعضاء اللجنــة على ما بذلوه من جهد مقدر نال استحسان كل الحضور ..
تصبيرة ...
الاخت الكريمة خالدة .. ما شاء الله المتحركات جابت فايدة 
كل عام والجميع بالف خير ..
ود الباوقة
|
Post: #19
Title: Re: عيد بورداب الرياض ... يزيده الأستاذ محمد السني بهجة
Author: Ahmed Abdallah
Date: 10-27-2006, 05:03 PM
Parent: #15
غريبة
علي راحتكـ
ما تستعجل
|
Post: #17
Title: Re: عيد بورداب الرياض ... يزيده الأستاذ محمد السني بهجة
Author: عزاز شامي
Date: 10-27-2006, 04:48 PM
Parent: #1
أبو جهينة
وباقي العقد الفريد
ما أجمل احتفائكم بمن هم أهل للاحتفاء
جهدكم مقدر ودائما تجودون بمحبة صافية....
كل عام وانتم وضيفنا الجميل وكل الأحبة بألف خير
|
Post: #20
Title: Re: عيد بورداب الرياض ... يزيده الأستاذ محمد السني بهجة
Author: DKEEN
Date: 10-27-2006, 05:28 PM
Parent: #1
غايتو كان فيها جنس شفع .. ماشا الله!!!
كواريك ونطيط ونط حبل وجنس جوطة...
الناس ديل خالدة البدوي تقول ليهم تعالو بي عوائلكم يجو بي شفعهم..
اناقربتا اشيلهم ارميهم في حوض السباحة واقفل الموية بالمفتاح..
الوحيد الاستفاد من اليوم ده حميدة ..لقى ليهو ناس قدرو..
حمزاوي
لهط الحلا وقال انا كده اتعشيت وفووووووووووووووت فات..
ياخال البشوفك بتضرب الحلا ده يقول عريس..
|
Post: #21
Title: Re: عيد بورداب الرياض ... يزيده الأستاذ محمد السني بهجة
Author: حمزاوي
Date: 10-28-2006, 01:12 AM
Parent: #1
عيد مبارك عليكم
كل سنة وانتم طيبين
ليلة حلوة ورائعة قضيناها مع بعض بصحبة صديق قديم السني دفع الله
هكذا بورداب الرياض يكرمون أهل العطاء
الشكر والتقدير لبورداب الرياض على التكريم الرائع
للفنان الأستاذ محمد السني دفع الله
والسهرة الممتعة
يا دكين
قديتنا بي جلابيتك الكحلية دي
ما عندك غيرها
|
Post: #22
Title: Re: عيد بورداب الرياض ... يزيده الأستاذ محمد السني بهجة
Author: Mohamed Abdelgaleel
Date: 10-28-2006, 01:17 AM
Parent: #21
وسنوافيكم بعد قليل بفعاليات هذا اليوم .. مع الصور
وكل عام وأنتم بخير ..
|
Post: #23
Title: Re: عيد بورداب الرياض ... يزيده الأستاذ محمد السني بهجة
Author: محمد زمراوي عبدالعزيز
Date: 10-28-2006, 02:21 AM
Parent: #22
والله انتو خاينين
انا يوم الخميس قاعد جمبكم بعمتي الكبيرة ديكا وما تقولوا لي تعال بكرة عندنا حاجة تقوم تعملوهابراكم براكم ولا شايفني ما بورادبست زيكم والله انا كمان بقوم بعمل لي مجموعة بورادبس بجمبتي وما حادعوكم...
طيب يا ابو جهينة يا قريبنا...
|
Post: #24
Title: Re: عيد بورداب الرياض ... يزيده الأستاذ محمد السني بهجة
Author: Mohamed Abdelgaleel
Date: 10-28-2006, 02:21 AM
Parent: #22
كل عام وأنتم بخير :
ماذا قال: الأستاذ/ محمد السني دفع الله
في إحتفالات بورداب الرياض
وكان لقاء بورداب الرياض في مساء الجمعة الموافق 27 أكتوبر 2006م
وعلى شرف الفنان القدير محمد السني دفع الله وزوجته الأستاذة أحلام
محمد وهبي .. وقد شرف الحفل البروفسير عزالدين عمر موسى –
رئيس الملتقى الثقافي السودان والأستاذ عبدالمنعم عبدالعال
رئيس الرابطة الرياضية الصالحية والمهندس عبدالمنعم عمر نائب
رئيس الرابطة والأستاذ محمد المبارك عبدالله رئيس الحركة الشعبية
بالخليج والأستاذين التجاني محمود وصديق الجيو من سكرتارية
الرابطة .. كما شرف الحفل الأستاذ عثمان سيد أحمد رئيس فرقة
المسرح السوداني وأعضاء الفرقة .. وأقام بعض الفنانين الشباب
مقاطع غنائية .. حيث قدم الفنان المكاشفي خضر بشير بمصاحبة
بعض أغاني الراحل المقيم الفنان خضر بشير وقدم الفنان خلف الله
الشيخ فاصلا غنائيا وكذلك الفنان ياسر معتصم بمشاركة الفنان
إيهاب نميري فاصلا من أغاني الحقيبة .. وكان صديق الموج حضوراً
في المقاطع الغنائية.. ;كما قدم الشاعر د. محمد حسن قراءات
شعرية وتخللت الحفل فواصل لإسكتشات من محمد السني وأعضاء فرقة
المسرح السوداني فرادى وجماعات نالت إستحسان الحضور وانتزعت تصفيقهم.
رحب الريس أبوجهينة رئيس لجنة بورداب الرياض بالأستاذ السني
وزوجه الأستاذة أحلام .. ورحب بفرقة المسرح التي تداعى أعضائها
للاحتفاء بزميلهم الكبير .. وجاء بعض المهتمين بالفن والثقافة
وعدد كبير من بورداب الرياض وأسرهم .. وتحدث الأستاذ محمد
السني بتلقائية وتدفق عن المسرح ماضياً وحاضر وهو يرمى صوب الغد
.. مستدركاً لتساؤلات بعض البورداب وعلى رأسهم تساؤلات محمد الشيخ
وصلاح شتات أين نحن من (اعطني مسرحاً أعطيك أمة) .. ودور المسرح
السوداني في توحيد الوجدان .. موضحاً أن الفنون وعلى رأسها المسرح
هي أكثر الأدوات فاعلية في توحيد وجدان أهل السودان ليكون السوداني
أولاً وأخيراً .. السوداني قبل الجهة والقبيلة .. وتناول في هذا الإطار
لمحات من تاريخ المسرح السوداني .. وبداياته في العام 1821 مروراً
بريادة الشيخ بابكر بدري عندما انتقل للسودان بعد أسره في مصر
في صباه عندما ذهب مع جيش ود النجومي وما عاد به من هنالك في
العام 1921 ليقيم مسرح الأحفاد والمسرح الذي سمي مسرح الخيمة
والذي كانت تنصب له خيمة بساحة المولد لتقديم المسرحيات
للجمهور .. كما جهز مستودعاً للإكسسوارات يؤجر لمن ينشطون في هذا
المجال .. وتحدث عن كتيبة المكسيك .. وهي كتيبة سودانية شكلها
الإنجليز لإخماد الثورات المكسيكية والتي تحركت بالباخرة من القاهرة
عبر أسبانيا صوب المكسيك .. لتترك حيثما ما ذهبت أثرا قويا من حيث
الشكل والمضمون .. فقد كُتب عن هذه الكتيبة وتميزها بالهندام ط
والإنضباط والشجاعة لحد جعل من كتبوا عنها يصنفونها بأنها من
أفضل الجيوش ومن خيرة السفراء الذين مثلوا السودان أحسن تمثيل،
وتركوا حيثما اتجهوا خبراً محترماً، تحدث أيضاً عن معهد الموسيقى
والمسرح وأفتتاحه إبان وزارة السيد/ عبدالماجد أبوحسبو وزير
الثقافة والإرشاد وقدوم د. نبيل الألفي لوضع المناهج والخطط،
وعن أوائل الخريجين مثل: هاشم صديق وعوض صديق (دراما) وأنس
العاقب من الموسيقى، وتحدث عن آلة البيانو (الخاصة بغردون)
التي أهداها الزعيم إسماعيل الأزهري للمعهد عندما وجدها بالقصر
الجمهوري وأبلغ القائمين عليه أنهم في القصر لا يحتاجونها فينبغي
أن يستفيد منها المعهد.. وقال أن الأزهري: أستاذ الرياضيات بكلية
غردون وكان كوطني كبير وأستاذ للرياضيات يعرف دور الموسيقى وخطرها ..
كان هذا بعض من ما قدمه الأستاذ محمد السني .. الفنان السوداني
الذي أصبح يشكل حضورا فاعلا في المسرح العربي .. وقد ضاقت بحضوره
مساحات كلمات بورداب الرياض .. وقد شرفهم بقدومه إليهم حاملا هموم
المسرح السوداني والإنسان السوداني الذي يريده منسجماً وموحداً على
جادة الوطن الكبير .. مؤكدا أن الفنون هي أهم أدوات التوحد والانسجام..
كان الوقت قصيرا والمطلوبات كثيرة فجاءت كلمات الأستاذ السني
منوعات تتحرك في اتجاهات كثيرة لتستجمع حكمة يرجو لها أن تسلط
الضوء على المشاكل والحلول في آن واحد .. تناول المسرح ..
الثقافة .. الفنون .. الحرية كأدوات للتنوع المنسجم والمتماهي .
كانت عبارات الأستاذ السني لا تنقطع بل يتركها مفتوحة ليقفز إلى
غيرها كحال كل فنان ملتزم يحترم ذكاء مشاهديه لتقف الحبكة حيث
نقطة إنطلاق فهومهم ومشاعرهم في إتجاهاتها .. بإيحاءات الفنان ..
(في الإمكان أحسن وأبدع مما كان).
وكان معتصم دفع الله وتمبس يحملان كاميراتهما يصوبانها في زوايا
الحفل .. وكان الأستاذ السني يستلم الكاميرا في بعض الوقت ليصور
الأطفال وهم يمثلون مسرحهم الخاص بفوضاهم المحببة التي تزعج بعض
الحضور مؤكدين أن الحرية ليست الفوضى ولكن فيها منها ونواصل.
|
Post: #51
Title: Re: عيد بورداب الرياض ... يزيده الأستاذ محمد السني بهجة
Author: ghariba
Date: 10-29-2006, 08:35 AM
Parent: #24
Quote: وقد شرف الحفل البروفسير عزالدين عمر موسى –
رئيس الملتقى الثقافي السودان والأستاذ عبدالمنعم عبدالعال
رئيس الرابطة الرياضية الصالحية والمهندس عبدالمنعم عمر نائب
رئيس الرابطة والأستاذ محمد المبارك عبدالله رئيس الحركة الشعبية
بالخليج والأستاذين التجاني محمود وصديق الجيو من سكرتارية
الرابطة |
نفس الاسماء والوجه في اسماء ضيوف بورداب الرياض ونجدهم في كلا احتفالات ومناسبات بورداب الرياض ( رغم احترامي لهم ولمن دعاهم )
ولكن .......
حواء والدة
ورجالات العمل العام في الرياض كثر
وكان من الممكن ان تتنوع الدعوات
لتتنوع الوجوه
وليتنوع التوجه
ولتتنوع التبعية
و لتتنوع / يتنوع .................
الهم اني قد بلغت فاشهد ..
صنفرة :
نتلاقى ... نتلاقى في الرملة الدقاقة ..
|
Post: #52
Title: Re: عيد بورداب الرياض ... يزيده الأستاذ محمد السني بهجة
Author: يوسف السماني يوسف
Date: 10-29-2006, 11:58 AM
Parent: #51
Quote: Quote: وقد شرف الحفل البروفسير عزالدين عمر موسى –
رئيس الملتقى الثقافي السودان والأستاذ عبدالمنعم عبدالعال
رئيس الرابطة الرياضية الصالحية والمهندس عبدالمنعم عمر نائب
رئيس الرابطة والأستاذ محمد المبارك عبدالله رئيس الحركة الشعبية
بالخليج والأستاذين التجاني محمود وصديق الجيو من سكرتارية
الرابطة |
Quote: نفس الاسماء والوجه في اسماء ضيوف بورداب الرياض ونجدهم في كلا احتفالات ومناسبات بورداب الرياض ( رغم احترامي لهم ولمن دعاهم )
ورجالات العمل العام في الرياض كثر
وكان من الممكن ان تتنوع الدعوات |
غريبة من يتخفي في احرفك انتهازي وجبان.
لانعرف رجالات للعمل العام في الرياض غير هولائي ولايوجد عمل عام بدونهم .
اما الدعوة فكانت عبر البوست للجميع الا اصحاب الغرض والنفوس المريضة .
|
Post: #25
Title: Re: عيد بورداب الرياض ... يزيده الأستاذ محمد السني بهجة
Author: abdulhalim altilib
Date: 10-28-2006, 02:22 AM
Parent: #22
كم هم مبدعون ورائعون بورداب الرياض وهم يحتفون ب ( خليل ركشا ) !؟
فعلاً كانت أمسية ممتعة ورائعة بصحبة محمدالسني الرائع "العملاق الضخم"
( أو محمدين كما قال أستاذنا ود الموج).
وجريا على العادة السودانية السيئة يا ريس أبو جيهنة ، طلبتم من
الجميع الحرص على الحضور مبكراً لنفرنق مبكراً ، لكن الأغلبية آثرت
ألا تتخلى عن تلك العادة المقيتة ، وهي عدم الالتزام بالمواعيد
المحددة ، وإن كان البعض منا قد تذرع بحجة أن الساعة الخامسة
المعنية بوقت الحضور هي بتوقيت قرينتش ، وليس مكه المكرمة ،
لذا حضرت الأغلبية حوالي الثامنة وما جاورها ؟!!
ورغم ذلك التأخير .. استمتعنا بحديث الزول المبدع محمد السني
( خليل ركشا) وزددنا علماً وفهماً بشروحاته الفنية فيما يتعلق
ببعض المصطلحات الخاصة بـ (بتوع السيما) .. بجانب إضافاته
وإضاءاته لاشكالية اعتقادنا في ازدراء الشخصية السودانية في
بعض المواقف الواردة ببعض اللقطات من خلال التمثيليات والأفلام
سواء في التلفزيون أو السينما . فشكراً لك أيها المبدع وأنت
تنير لنا الطريق نحو مسرح معافى ، وتدعو في ذات الوقت للنهوض
بالمسرح من كبوته وبحث الآليات المصاحبة لذلك .
تخريمات :
(*) أخي دكين ، كلام في محلو عن جوطة الشفع ، ولكن يبدو أنهم
كانوا أيضاً يحتفون بمحمد السني ، بس على طريقتهم الخاصة
والتي فهمها ود دفع الله سريعاً وتجاوب معها .
(*) ومعذرة يا ريس أبو جهينة وفرقة المسرح السوداني بقيادة
الرائد ( يجب ترقيته لمشير وفقاً لافادة محمد السني) ،
معذرة ، إذ كببنا الزوقة أثناء تجليات المبدع ود الشيخ
حيث كان لنا إرتباط مسبق آخر مع الأستاذ الفنان
عبدالرحمن عبدالله وأعضاء لجنته والاعلامي الباحث الأستاذ
معاوية حسن يسن ، فمعذرة إذ لم نستمر حتى نهاية الحفل
ونستمتع ببقية الفقرات الرائعة .
(*) والشكر للمبدعين والكرماء دوماً تمبس ومعتصم دفع الله ويوسف
السماني وعبدالله ود عقيد .
( ليمو )
|
Post: #26
Title: Re: عيد بورداب الرياض ... يزيده الأستاذ محمد السني بهجة
Author: ابو جهينة
Date: 10-28-2006, 02:34 AM
Parent: #25
إبن عمي العزيز محمد زمراوي
تحياتي
| Quote: انا يوم الخميس قاعد جمبكم بعمتي الكبيرة ديكا وما تقولوا لي تعال بكرة عندنا حاجة تقوم تعملوهابراكم براكم ولا شايفني ما بورادبست زيكم والله انا كمان بقوم بعمل لي مجموعة بورادبس بجمبتي وما حادعوكم... |
نظراً لضيق وقت الدعوة فقد قمت بإنزال هذا البوست يوم الأربعاء .
يوم الخميس كما رأيت بنفسك كنا منهمكين مع الفنان محمد السني في ونسة جميلة.
تخللت الونسة ليلتها الكلام عن ليلتنا المزمعة هذه و بما إنك كنت موجود فقد خمَّنا بأنك قد تكون قد ألممت بالموضوع.
و حقك علينا. و الجايات أكتر من الرايحات. غايتو فاتتك ليلة عليها العجب
|
Post: #27
Title: Re: عيد بورداب الرياض ... يزيده الأستاذ محمد السني بهجة
Author: خالدة البدوي
Date: 10-28-2006, 02:40 AM
Parent: #1
ما أجملها امسية في معية المحتفى به
المبدع واحد صناع الحب الفنان / محمد السني دفع الله
كما يحب اسمه وجرسه الموسيقي الذي ينبض فناً وجمالا
هو واسرته الكريمة وعقد بورداب الرياض الذي يلالي
ويبهر بنوره والذي كان يعكسه وجه زوجاتهم وضيوفهم
هكذا بورداب الرياض هذا العقد الفريد والجميل على
رأسهم ابو جهينه والنشطين البقية ..
الامسية كانت عفوية وتلقائية جميله بجمال
المبدع الفنان كان هاشا باشا مع الجميع الكبار
والصغار ،كان فرحا بالجميع اكثر من فرحهم به يحادث
هذا وذاك ويلتقط الصور للصغار مهما تحدثت لاوفي ما
تستحقة تلك الامسية من وصف امتعنا الفنان عثمان سيد
أحمد وفرقته المسرحية والمبدع شاكر وزملائية
كما عهدناهم دائما يرسمون البسمة على الشفاه..
حميده تعرف كل الجمال لا يظهر اذا لم يكن زوجات
البورداب حاضرات
دكين الصغار هم زينه المكان وكان لهديلهم جرس
موسيقي اطفى على الامسية رونق خاص ..
سعدت بالتعرف عليك وعلى بقية البورداب الذين لم
نحظى باللقاء بهم قبلا ..
كل عام والجميع بخير
وبورداب الرياض اكثر تماسكا تواصلا
مودتي ولي عودة ،،
|
Post: #40
Title: Re: عيد بورداب الرياض ... يزيده الأستاذ محمد السني بهجة
Author: Shaker Hamid
Date: 10-28-2006, 10:44 AM
Parent: #27
شكرا استاذة خالدة
على اشادتك الجملية التى لا تصدر الا من مبدع
ونتمنى ان نقدم المزيد الذى يرضى الجميع
نيابة عن الفرقة شاكر حامد
|
Post: #28
Title: Re: عيد بورداب الرياض ... يزيده الأستاذ محمد السني بهجة
Author: عمر الفاروق
Date: 10-28-2006, 03:15 AM
Parent: #1
شكراً جميلاً بجمال ذلك اليوم وجمال المحتفى به وجمال الحضور..
النية زاملة سيدا .. وعشان السني نيتو بيضا اليوم طلع ابيض البيض لون الفل حلو جمالو وسحر الكل ويا هنيالو اللي شغل بالو زي فرح في سماه بيطل ..
اجمل ما ميز هذا اليوم العفوية والارتجالية في اعداد هذا اليوم فكل التجهيزات التي قام بها الشباب بقيادة معتصم وتمبس والبقية كانت سريعة ومختصرة فكانت جميلة ومرتبة ..
للأسف طلت بدري وما تميت البرنامج لإرتباطات أسرية فلك العتبى صديقنا السني فخروجنا كان حتى دون ان نودعك حتى لا نوقف حركة سير البرنامج ..
تخريمة :
يا ناس اللجنة المنظمة توزيع الصحانة كان فيهو شغل حسب ونسب لأنو في صحون كده كانت حايمة فيها التورتة وجاتو لونو احمر بينما توسدت الموزة وحيدة في صحني انا ووليد طه
|
Post: #29
Title: Re: عيد بورداب الرياض ... يزيده الأستاذ محمد السني بهجة
Author: انعام عبد الحفيظ
Date: 10-28-2006, 03:30 AM
Parent: #1
بورداب الرياض جميعا
كل سنة وانتو طيبين وسالمين
ويا رب تتحقق كل امانيكم
وبختكم بود السني واسرته
Quote: الاخت الكريمة خالدة .. ما شاء الله المتحركات جابت فايدة
|
ويا ود الباوقة
شايفاك مرّكز مع المتحركات
|
Post: #30
Title: Re: عيد بورداب الرياض ... يزيده الأستاذ محمد السني بهجة
Author: JAD
Date: 10-28-2006, 04:16 AM
Parent: #1
كل عام وأنتم بخير يا أحلى بورداب ..
فاتنا هذا اللقاء الجميل مع الرجل الجميل محمد السني ..
وهي فرصة أرجو ان تعوض علينا قريباً ..
الدعوة لهذا اللقاء كانت عبر المنبر وكان آخر عهدي بالمنبر يوم الخميس 19/10/2006م ..
فرحكم فرحنا ..
تحياتي ,,
جاد
|
Post: #31
Title: Re: عيد بورداب الرياض ... يزيده الأستاذ محمد السني بهجة
Author: abuguta
Date: 10-28-2006, 04:44 AM
Parent: #30
Quote: غايتو كان فيها جنس شفع .. ماشا الله!!!
كواريك ونطيط ونط حبل وجنس جوطة...
الناس ديل خالدة البدوي تقول ليهم تعالو بي عوائلكم يجو بي شفعهم.. |
دكين
زمان وانا زييييييييييك كدا يعنى عذابى وعاضينى دابى
مشيت استراحة مع الاسر..انا قايلها ساى هى تراها فيها دفع
اها قالو لينا العذابى 100 ريال والمعاه اسرة 100
قلت ليهم ليش كدا..المحصل قال لى شايف الاطفال البنططو ديل
امسكهم من طرف..وكفتهم لانهم كلهم ينططو على حسابك...
اهاياخوى ..اسى انت الناس المعاهم اسر او يدفعوك النصف او تكفت اسرهم
وكت جوالى معاك شنو لو عملت لى مس كووووول زى بتاعتك القديمة دييك
اصلا انا عندى حلى 150 ..ممكن مسكولك تجيبنى..
اصلا معتصم وتمبس زهجو من عزايمى التى باءت بالفشل..
خالص ودى للمبدع مع سنى دفع الله
عندك اقاربك ياسنى..كانو معنا زمان فى ابقوتة...اسرة قبة
|
Post: #32
Title: Re: عيد بورداب الرياض ... يزيده الأستاذ محمد السني بهجة
Author: waleedi399
Date: 10-28-2006, 05:26 AM
Parent: #1
ليلة .. ويا لها مـن .. ليلة
برغم الحضور المتواضع للبورداب لاسباب عدة اهمها "كنا خارج الرياض، المملكة" .. والحنك البيش 
إلا أن الأجواء العائلية البهيجة لاسرة بورداب الرياض طغت وغطت على كل النواقص الاخرى ..
جاء لقاء العيد هذه المرة بطعم "الكباب السني"  ونكهة "الاحباب"
رغم البساطة والارتجال في خلق برنامج يتناسب والمحتفى به ..
كان يوماً جميلاً حقاً بمعنى الكلمة زاده بهاء الفواصل والاسكتشات التي قدمت
كذلك الحديث الذي القاه الاستاذ / محمد السني دفع الله عن المسرح والدراما السودانية عموماً
أيضاً المداخلات التي القيت من الاخوة البورداب وضيوفهم والحضور الكريم الذي هو معنا على الدوام..
عموماً لا اود السرد في تلك الليلة الرائعة فالاخوة قالوا ما فيه الكفاية ..
وفي الختام لا يسعني إلا ان اشكر الاخ / محمد السني على حضوره ومشاركته الجميلة لنا
ادام الله المحبة والتواصل .. ونتوقع منه زيارة
وكذلك اشكر هذه الظروف الطيبة التي جمعتني بمن احب "بورداب الرياض"
فلنصمت قليلاً ولندع الصور تتحدث عما تبقى .. رغم انو في حاجات ما بتتحكي
ولا شنوووو يا جماعة ؟
|
Post: #33
Title: Re: عيد بورداب الرياض ... يزيده الأستاذ محمد السني بهجة
Author: عبد المنعم عمر عثمان
Date: 10-28-2006, 05:43 AM
Parent: #1
| Quote: وكان لقاء بورداب الرياض في مساء الجمعة الموافق 27 أكتوبر 2006م وعلى شرف الفنان القدير محمد السني دفع الله وزوجته الأستاذة أحلام محمد وهبي .. وقد شرف الحفل البروفسير عزالدين عمر موسى – رئيس الملتقى الثقافي السودان والأستاذ عبدالمنعم عبدالعال رئيس الرابطة الرياضية الصالحية والمهندس عبدالمنعم عمر نائب رئيس الرابطة والأستاذ محمد المبارك عبدالله رئيس الحركة الشعبية بالخليج والأستاذين التجاني محمود وصديق الجيو من سكرتارية الرابطة |
- كل عام و الجميع بالف خير ،،،،،
- لقد كانت ليلة و لا أروع كروعة المحتفى به و المحتفين .
- أيضآ قضينا وقت ممتع و مفيد مع الرائع ود دفع الله فى ليلة حفل تكريم الهرم ألاستاذ عثمان حسين و الذى أقامته جمعية أبناء الصحافة بالرياض .
- الغالى محمد عبد الجليل دائما ما تتحفنا بنقلك الشامل و المحايد بخبرة العارف لمعظم مناسبات الرياض الثقافى منها ، السياسى ، الإجتماعى و الرياضى فشكرا ليك نيابة عن سودان الرياض . و لكنى معاتبا لما ورد فى الكوت أعلاه أقول أنك رحبت بى مع الضيوف و سلبتنى حقى كعضو على قدر حالى فى منبر سودانيز أونلاين .
|
Post: #34
Title: Re: عيد بورداب الرياض ... يزيده الأستاذ محمد السني بهجة
Author: رشا سالم
Date: 10-28-2006, 06:04 AM
Parent: #33
ندمانة وسافة التراب..
لكن حظي التعيس الهردبيس..منعني من الجية..
جوني كمية من الضيوف وما كان في طريقة مخارجة منهم..
لكن غايتو ما بنرضي الا نلاقي السني..
لازم يكون في لقاء تاني عشان الناس الزينا ديل..
|
Post: #35
Title: Re: عيد بورداب الرياض ... يزيده الأستاذ محمد السني بهجة
Author: Mohamed Abdelgaleel
Date: 10-28-2006, 06:09 AM
Parent: #33
Quote: كان الوقت قصيرا والمطلوبات كثيرة فجاءت كلمات الأستاذ السني منوعات تتحرك في اتجاهات كثيرة لتستجمع حكمة يرجو لها أن تسلط الضوء على المشاكل والحلول في آن واحد .. تناول المسرح .. الثقافة .. الفنون .. الحرية كأدوات للتنوع المنسجم والمتماهي .
كانت عبارات الأستاذ السني لا تنقطع بل يتركها مفتوحة ليقفز إلى غيرها كحال كل فنان ملتزم يحترم ذكاء مشاهديه لتقف الحبكة حيث نقطة إنطلاق فهومهم ومشاعرهم في إتجاهاتها .. بإيحاءات الفنان .. (في الإمكان أحسن وأبدع مما كان).
وكان معتصم دفع الله وتمبس يحملان كاميراتهما يصوبانها في زوايا الحفل .. وكان الأستاذ السني يستلم الكاميرا في بعض الوقت ليصور الأطفال وهم يمثلون مسرحهم الخاص بفوضاهم المحببة التي تزعج بعض الحضور مؤكدين أن الحرية ليست الفوضى ولكن فيها منها ونواصل. |
الأخ - عبدالمنعم عمر - تحياتي .. إن كان ذلك كذلك فـ: (نائب رئيس الرابطة الرياضية الصالحية) تجب ما بعدها .. بعدين أظنك لم تقرأ كلمة ونواصل في آخر مداخلتي .. ونواصل هذه تعني كلنا معشر البورداب لإضاءة جوانب يوم جميل .. وأروع الكلام ذاك الذي لم يقال بعد .. وأيضا الكلام الذي لن يقال أبدا ولك تحياتي.
|
Post: #36
Title: Re: عيد بورداب الرياض ... يزيده الأستاذ محمد السني بهجة
Author: يوسف السماني يوسف
Date: 10-28-2006, 08:38 AM
Parent: #1
الاخوة البورداب
سلامات
سويعات مضت من عمر الزمان ارتشفنا فيها نخب المحبة ووارتوينا من دفق الابداع السني حتي منصف الليل لحظات من عمر الزمن الجميل اتيحت لنا عبر هذا الاسفير .
التحية للمبدع الانسان محمد السني دفع اللة الذي جعل هذا اللقاء ممكنا وشكرا لحميمية بورداب الرياض التي كستنا دفء المحبة .
بالاضافة لما اوردة الاخ محمد عبدالجليل تلمس محمد السني اهم المشاكل التي تكاد تعصف بوحدة السودان وهي تنامي الانتماء القبلي وانحسار المد الوطني منوها لخطورة انتشار الجهوية وغياب القومية في انتمائتا ولقائتنا التي يجب ان ندلق عليها ماء الوطنية ونتعارف باننا سةودانيين للحفاظ علي هويتنا السودانية التي تمثل صمام الامان لوحدتنا وتماسكنا كشعب واحد .
وتطرق السني لاهمية دور المسرح في بناء الامة والحفاظ علي القيم والموروثات السودانية ودور المسرحين في نشر الثقاقة السودانية في دول المهجر .
|
Post: #37
Title: Re: عيد بورداب الرياض ... يزيده الأستاذ محمد السني بهجة
Author: humida
Date: 10-28-2006, 09:27 AM
Parent: #36
انتو الجاب الشعيرية دا منو ..!! 
|
Post: #38
Title: Re: عيد بورداب الرياض ... يزيده الأستاذ محمد السني بهجة
Author: ايهاب نميري
Date: 10-28-2006, 10:16 AM
Parent: #37
سلامي الشديد ليكم الصراحه كان يوم جميل جدا جدا جدا و الحضور كان مشاء الله اله كله 10 على عشره والمرطبات على اجمل ما يكون ولااستراحه جميله جدا ودمها خفيف
والصراجه كان الواحد محتاج لى لمه مع الشباب الحلوين ديل
طبعا العريس كان ( حميده ) ما محمد السني الجلبيه كيف كيف والشال يقول يا ليل ،
وجزار المناسبه كان دكين ( كالعاده ) احلى زول جد
والاستاذ محمد السني شخصيه رائعه جدا وانا الصراحه اتكيفته شديد لى شخصية هذا الفنان الراقي وبشكر بورداب الرياض السمحو لي انو احضر المناسبة وشكرا خاصه للأستاذه ( حياة العباد ) والاستاذه ( خالده بدوي ) والاستاذ ( معتصم ) وحبيبنا ( حميده ) لاني تهته من الاستراحه فا لجئته للجماعه ديل وجد ما قصروا معاي
اشوفكم على خير وكل سنة وانت با 1000 خير
ايهاب نميري
|
Post: #39
Title: Re: عيد بورداب الرياض ... يزيده الأستاذ محمد السني بهجة
Author: waleedi399
Date: 10-28-2006, 10:20 AM
Parent: #37
| Quote: انتو الجاب الشعيرية دا منو ..!! |
الله يحرجك يا حميدة .. دي بقولولها الكنافة النابلسية ...
انت اسأل من مرتبة الاسفنج الكانت بالاخضر ومفروش فيها ملاية حمراااااااء
بيقولوها "التروطه" دي
|
Post: #41
Title: Re: عيد بورداب الرياض ... يزيده الأستاذ محمد السني بهجة
Author: humida
Date: 10-28-2006, 11:50 AM
Parent: #39
دي بتلعب وين ..
ياخي كان في شعيرية بلبن بودرة قلت ليك ..
سكريات ألف .. التقول قاعدين في معسكر الهلال ..
|
Post: #42
Title: Re: عيد بورداب الرياض ... يزيده الأستاذ محمد السني بهجة
Author: محمد عبدالرحمن
Date: 10-28-2006, 12:34 PM
Parent: #41
| Quote: يا ناس اللجنة المنظمة توزيع الصحانة كان فيهو شغل حسب ونسب لأنو في صحون كده كانت حايمة فيها التورتة وجاتو لونو احمر بينما توسدت الموزة وحيدة في صحني انا ووليد طه |
والله انت الموزة ذاتا كتيرة عليك خلى التورته ..وبعدين انت الجابك شنو من اصلو ؟
لمة حلوة يابورداب الرياض ..ومحمد السنى دا القضايا الاتكلم فيها دى
نحن اصلا ماكلمنا بيها ..الزول دا ياربى شاكى فى مقدراتنا الاستيعابية
ولاكيف ؟
كل عام وانتم دائما متحابين متقاربين ...وحقق الله امانيكم ...
|
Post: #43
Title: Re: عيد بورداب الرياض ... يزيده الأستاذ محمد السني بهجة
Author: ايهاب نميري
Date: 10-28-2006, 12:57 PM
Parent: #41
حميده سيب المكرونه ونزل الصور
|
Post: #45
Title: Re: عيد بورداب الرياض ... يزيده الأستاذ محمد السني بهجة
Author: ادم الهلباوى
Date: 10-28-2006, 01:06 PM
Parent: #43
بسم الله الرحمن الرحيم
بورداب الرياض توأم المودة والمحبة والاخاء
أدام الله ايامكم إلفة ومحبة كل عام وانتم بخير
ولضيفكم الكبير خالص التهنئة مع فائق الاحترام
طبعا كنت على أهبة الاستعداد للحضور لكن الظروف عاقت المعروف فمعذرة .
يا أستاذ السنى الف مرحب بيك وحبابك عشرة .
|
Post: #44
Title: Re: عيد بورداب الرياض ... يزيده الأستاذ محمد السني بهجة
Author: عمر الفاروق
Date: 10-28-2006, 01:05 PM
Parent: #1
| Quote: والله انت الموزة ذاتا كتيرة عليك خلى التورته ..وبعدين انت الجابك شنو من اصلو ؟ |
والله لكن اترقيتوا يا ناس التلاجة أوقدت !!!!!!
وبقيتوا تعرفوا الموز والتفاح ..
الحمد لله انكم لسة ما وصلتوا مرحلة الكمثرة والكيوي (دي فواكه ما اسامي فرق كورة)..
في ذمتك يا محمد عبد الرحمن البيبسي ما كنت بتشربوا الا لمن تكون عيان؟؟
اترقيتي يااااااااااااااااااااا RBG
|
Post: #46
Title: Re: عيد بورداب الرياض ... يزيده الأستاذ محمد السني بهجة
Author: Mohamed Abdelgaleel
Date: 10-29-2006, 04:25 AM
Parent: #44
السني يراهن على الثقافي لتوحيد أهل السودان
بألوان طيفهم .. ويبدو متفائلاً كحال كل فنان
يرى في الناس والأشياء أكثر مما يبدو ..
|
Post: #47
Title: Re: عيد بورداب الرياض ... يزيده الأستاذ محمد السني بهجة
Author: ود الباوقة
Date: 10-29-2006, 05:24 AM
Parent: #46
كتبت انعام عبد الحفيظ
Quote: ويا ود الباوقة
شايفاك مرّكز مع المتحركات |
خلي الصور يا انعام تجيك عشان تشوفي الحضور النسائي كان كيف ..
الاستاذه خالدة .. نوصي بتحريك متحرك لمنزل اخونا عمر الفاروق عشان اولادو ما جو معاهو وهو مستلم الحكاية قصا وفصا ..
ود الباوقة
|
Post: #48
Title: Re: عيد بورداب الرياض ... يزيده الأستاذ محمد السني بهجة
Author: DKEEN
Date: 10-29-2006, 05:49 AM
Parent: #1
امس لاقيت الرجل المهذب د. كرار التهامي في مكتبة جرير
قال انو عرف متاخر جدا بالمناسبة ..
وبعتذر بي كل لطف عن عدم تواجدو..
والراجل حاصلة ليهو حادثة بسيطة ويدينو ملفلفة بي جباير وضمادات..
نسال الله له تمام الشفاء والعافية..
وماقدامو إلا السلامات باذن الله..
وكل سنة وهو طيب ..
من ناحية تاني
اكرر
الحفلة دي كانت حتكون غايةفي الروعة المرتجلة ..
لولاء كواريك ونطيط الشفع والهرجلة التي لازمتهم..
شفع كده مبااااالغة...
دي ولادة شنو دي؟؟
|
Post: #49
Title: Re: عيد بورداب الرياض ... يزيده الأستاذ محمد السني بهجة
Author: معتصم دفع الله
Date: 10-29-2006, 06:44 AM
Parent: #1
بعض الصور تحكي روعة اللقاء ..
شكراً محمد السني على هذه اللحظات الجميلة ..
شكراً بورداب الرياض ..
ريثما أعود ( دي لاطشه من صديق الموج والله ) ..
 محمد السني يا جماعة ما عارف أبدأ من وين ؟  عن اللحظات الحلوة دي ولا نتكلم عن مسيرة الفن السوداني ..  خلوني أقيف جنب حافظة الموية دي كان عشطت تكون قريبة ..  بورداب الرياض في لقطة جماعية مع محمد السني ..
|
Post: #50
Title: Re: عيد بورداب الرياض ... يزيده الأستاذ محمد السني بهجة
Author: علاء الدين حيموره
Date: 10-29-2006, 08:10 AM
Parent: #49
فعلا زاد الاستاذ محمد السني بهجة العيد فشكرا له وهو يشارك ابناء الصحافة تكريم الاستاذ عثمان حسين .. فانا الوحيد الذي عاش معاتاته وهو يقطع اكثر من الف كيلو في رحلة شاقة ليحضر تكريم المبدع عثمان حسين .
الف شكرا لك ..
من الاشياء الجميلة في لقاء الاخوة البورداب هو تعرفي على الاخ حميدة واتمنى ان تدوم اواصر الود والمحبة .. الشيء الاخر هو مشاركة هبة الله (اصغر بوردابية ) مشاركة الفنان في الغناء والتصفيق بحرارة ..
بالله يا تمبس مقطع مشاركة هبة بالفيدو لو سمحت ظروفك ...
لك كل الود اخي محمد السني
|
Post: #53
Title: Re: عيد بورداب الرياض ... يزيده الأستاذ محمد السني بهجة
Author: الأمين عثمان صديق محمد
Date: 10-29-2006, 12:43 PM
Parent: #1
بورداب الرياض
كل سنة وانتو طيبين وتامين ولامين انشاء الله
والف مرحب يالاستاذ السني
قصة لي ود الباوقة و تمبس ومعتصم والريس ابو جهينة :-
عندي عمن لي تجارن بسيط ومعاه زملاه تجار في نفس السوق وساكنين مع بعض في نفس الحي
في كل يوم في نهاية الدوام يتلموا وياجروا تاكسي ويمشوا بيوتهم
في يوم الجماعة طلعوا بدري الا عمي طلع في نفس المواعيد
ولمن مشى لي موقف التاكسي لقى الجماعة ركبوا وتاكسيهم اتحرك خلاص
يا جماعة اقيفوا انتظروني يا جماعة ليه ما وريتوني والجماعة عيييك روحوا
عمي بالزعل قام اجر تاكسيين ركب في واحد وفي التاني خت عِمَتُه
واتفق مع السواقين يديهم زي ما عايزين على شرط يفوتوا التاكسي الفيهو الجماعة المشوا وخلوا
|
Post: #55
Title: Re: عيد بورداب الرياض ... يزيده الأستاذ محمد السني بهجة
Author: عثمان سيد أحمد
Date: 10-29-2006, 03:08 PM
Parent: #53
هذا التلاقي 000
هذا التناغم 0000
وتلك الروعة 000
وذلك الإبداع 000
هكذا هم بورداب الرياض 00
يصنعون الفرح والفن والحب والإبداع 00
وكان ذلك اللقاء الرائع الذي جمعنا بالصديق
والفنان الرائع محمد السني دفع الله
وكانت أمسية تجسد فيها الحب الكبير لهذا الفنان الجميل 00
ومن غير بورداب وبوردبيات الرياض يصنع هذا الجمال ؟
انهم إخوة أحباء رائعيين وانهن أخوات عزيزات رائعات يكملن
صناعة هذا الجمال الأنيق في حفاوة واحتفالا بالصديق الفنان
محمد السني دفع الله 00
لهذا كان ذلك اليوم الجميل وتلك الأمسية الرائعة 00
وأقول للصديق السني كنت أتمنى أن يطول حضورك بيننا في رياض الخير
حتى يحتفى بك زملائك أهل المسرح في دار فرقة المسرح السوداني بالرياض
لانها فرصة لن تتكرر كثيرا 00
ولكن سيظل الوعد بان يكون لنا لقاء أخر في يناير القادم 00
عطرت ليلتنا ايها الرائع وكانت ليلة ذات إيقاع خاص تجسد فيها حب بورداب
الرياض لك وامتزجت بحب المسرحيين وانت بينهم ومعهم وانت منهم ليكون
ذلك الحب النبيل ايها الرائع 000
مع مودتي 000
|
Post: #54
Title: Re: عيد بورداب الرياض ... يزيده الأستاذ محمد السني بهجة
Author: معتصم دفع الله
Date: 10-29-2006, 02:58 PM
Parent: #1
 الفنان ياسر معتصم والفنان والزميل أيهاب نميري  الفنان خلف الله ودالشيخ  الفنان ياسر معتصم الفنان المخضرم المكاشفي خضر بشير وصديق الموج  الريس أبوجهينة وعلى يمينه مصطفى عثمان وود عقيد  الأستاذ عبدالمنعم عبدالعال والأستاذ محمد المبارك والبروف عزالدين عمر موسى  الزميلان المسرحيان عثمان سيد أحمد وشاكر حامد
|
Post: #56
Title: Re: عيد بورداب الرياض ... يزيده الأستاذ محمد السني بهجة
Author: ودرملية
Date: 10-29-2006, 04:26 PM
Parent: #54
سلامات
وعوافي
كل سنة وانتو طيبين يابورداب الرياض ..
بعدين يامعتصم دفع الله عليك الله نزل لينا صورة يكون فيها دكين "العفين" ياخي انا طبعا الفصاحة دي عارفا ما بتجي الا من زول شين ودشن لانو دايما الشينين لسانم طويل ..
دكين لو ظهر في الصورة يامعتصم دفع لله بشتريها منك عدددددددددديل كدا بالله نزلا لو هرشك رسلا لي في الايميل عشان اشوفوا واخوف بيها البنية السالتني منو دي وارجعا لي مصاربي سالمة غانمة ..
علي كل مبسوط ليكم شديد ومحمد السني دا ماتفكوهو بي سهولة والله والله السني دا روحو روح انبياء وانقياء اصفياء ياخي السني دا بنحبو شديد وهو طبعا الريس بتاعنا وكدا فبلغوهو سلامي الشديد وقول ليهو قال ليك ودرملية انتهيت ليك من صاحبك كيكي في الرحلة الاخيرة وغنيت اغنيات لامن خواجات نادي الشاطيء بعد الغنية ما انتهت جو طلبو مني صورة معاهم بالله شفتا العظمة دي ..
وكيكي حرقتو ليك الصورة قال ليهم الزول دا ما كان بيغني دا تسجيل وهو كان بقلد .. قامو قالو ليهو نحن طلة الزول دا ووشو الصبوح هو الاسرنا وعجبنا .. ياخي لو شفتني نص الخواجيات تقول الود دا دينزل واشنطن عديل كدا "وطبعا اخوك دخل في الدور طوالي" هاهاهاهاها ..بعدين سلمو لي شديد علي السني وقولو ليهو سلام خاص من المبدع ودرملية ليك ولي زوجك المصون احلام وهبي
لكم محبتي الشديدة ..
بعدين تخريمة :
حميدة دا ياهو حميدة الواحد دا ود الاهلية وكمبيوتر مان والا انا مشبهو ساكت ..
معتصم ماتنسي الصورة عليك الله الخلقك ياخي برني بالصورة دي ساكت الزول دا دايرين نعرف خلقتو المسنوحة دي ..
معتصم ايميلي [email protected]
وينوبك ثواب
|
Post: #57
Title: Re: عيد بورداب الرياض ... يزيده الأستاذ محمد السني بهجة
Author: علاء الدين حيموره
Date: 10-29-2006, 07:08 PM
Parent: #56
يا معتصم هبة الله قالت ليك لو ما نزلت صورتها حا تصادر منك الكاميرا وتحيرك فيها
تجيب صديق الموج وتخلي هبة الله ؟؟؟؟
والله حكاية
|
Post: #58
Title: Re: عيد بورداب الرياض ... يزيده الأستاذ محمد السني بهجة
Author: محمد سنى دفع الله
Date: 10-30-2006, 02:10 AM
Parent: #57
الشكر اجزله وأصدقه
وكل الحب لسودانيي الرياض
وجــــــــــده
ولكل الحلوين
محبتي ومودتي
المهم في الموضوع ان النزلة اصابتني بعد ان وصلت الدوحة
فأرجوا منكم ان تصبروا علي هذه الأيام لأقوم بالرد على كل ماقدمتوه من محبة خالصة تجاه اسرتي
هذا ديدن السوداني في كل مكان
محبتي
|
Post: #59
Title: Re: عيد بورداب الرياض ... يزيده الأستاذ محمد السني بهجة
Author: معتصم دفع الله
Date: 10-30-2006, 08:50 AM
Parent: #57
ودي تجي يا علاء حيمورة ..
البوردابية الصغيرة هبة علاء حميورة
تخريمة ..
جاييك يا ود رملية وبي رواقة ..
|
Post: #60
Title: Re: عيد بورداب الرياض ... يزيده الأستاذ محمد السني بهجة
Author: علاء الدين حيموره
Date: 10-30-2006, 09:27 AM
Parent: #59
الوفي / معتصم دفع الله
تسلم يا راقي ونحن في انتظار تمبس
الف تحية ليك يا محمد السني دفع الله
|
Post: #62
Title: Re: عيد بورداب الرياض ... يزيده الأستاذ محمد السني بهجة
Author: Kamel mohamad
Date: 10-30-2006, 10:45 PM
Parent: #61
الإخوة و الأخوات الأعزاء بورداب الرياض الكرام لكم التحية و التقدير و كل عام و أنتم بخير ياخسارة فات علينا حضور الرحلة بوجود ضيفنا الكريم الفنان الكبير الأستاذ محمد السني دفع الله لوجودي في المنطقة الشرقيةالظهران مع أهلنا و أقاربنا هناك ولولا أداء الواجب بصلة الأرحام لحضرت رحلة ودالسني و لكن إن شاء نشارك في رحلة عيد الأضحي بس جهزوا الخرفان و المطايب و أخبرونا بالشيرينق من الآن و ياريت تنشروا المزيد من الصور عن إبداعات محمد السني دفع الله و شكرا ليك ياتمبس و للريس أبوجهينة وكل المبدعين
كامل محمد- ساكن في الناصرية-الرياض
|
Post: #63
Title: Re: عيد بورداب الرياض ... يزيده الأستاذ محمد السني بهجة
Author: Kamel mohamad
Date: 10-31-2006, 00:02 AM
Parent: #62
التحية للأخ جلال أبوجهينة و للفنان الهلالابي محمد السني دفع الله ودي معلومة جديدة و يا تمبس عاوزين صور زيادة و ياريت تلخص لينا وقائع الرحلة زي ما الأخ محمد عبدالجليل لخص ندوة الرياض قبل كدا و إن شاء الله نجي الرحلة الجاية بس أبعدونا من السياسة عليكم الله لأن طبيعة البلد هنا تمنع ذلك و وخلو السياسة بعيد
|
Post: #64
Title: Re: عيد بورداب الرياض ... يزيده الأستاذ محمد السني بهجة
Author: Khalid Saeed
Date: 10-31-2006, 03:40 AM
Parent: #63
الأحباب الأعزاء كل عام والجميع بألف خير وعافية ...
حقاً كان يوم مشهود .. جميل بجمال روح المحتفى به ..
تلبستنا حالة من الإنبساط والإنشراح والفرح العفوي .. الذي كان يشع من الأستاذ الفنان محمد السني ..
قديماً كنت كلما أستمع إلى إغنية الشوق والريد بإحساس الفنان الرائع عصام محمد نور تنتابني حالة من الرهبة والخوف تصل زروتها عندما يتغنى بمقطع ( نعودأحباب زي ماكنا ) فكنت أخاف من الإستماع إلى هذا المبدع في هذه الأغنية بالذات ..
ولم أكن أعلم أن هنالك حالة معاكسه لها .. وهي حالة التلبس بالفرح .. فالحق يقال هذه الحالة تلبستني في يوم لقاء حبيبنا محمد السني وقد وصلت لزروت الإنشارح وتدفق الضحك التلقائي عندما إكتمل الإبداع بصحبة الأحباب بفرقة المسرح مع الحبيب الذي يحب عطبرة بلد زوجته ويحبنا ونحبه الأستاذ السني .. فكان الجميع يتدفقون فرحاً بل كان كل شئ في الإستراحة يتدفق فرحاً وإنشراح وقضينا ساعات ما أمتعها فنعم اللقاء الذي يكون على شرف الأستاذ السني وأسرته ..
خالد الأرباب
|
Post: #65
Title: Re: عيد بورداب الرياض ... يزيده الأستاذ محمد السني بهجة
Author: humida
Date: 10-31-2006, 05:10 AM
Parent: #64
يا معتصم ..
الصور دي مضغوطة كدا مالها .. انت داير تحشيها في سندوتش ..
ووين باقي صور البروتاريا ..
شايفك مركز علي علية القوم .. النصهم ما بنعرفهم ..
نزل لينا صور بورداب الرياض ياخي ..!! ( وش بتاع زول مغيوظ بالحيل ) ..
دكين ..
انت الوداك مكتبة جرير شـــنو .. مشيت تتفرج ولا مرافق ..!!
|
Post: #66
Title: Re: عيد بورداب الرياض ... يزيده الأستاذ محمد السني بهجة
Author: humida
Date: 10-31-2006, 05:11 AM
Parent: #56
| Quote: حميدة دا ياهو حميدة الواحد دا ود الاهلية وكمبيوتر مان |
نعم نعم .. مورداب أحبكم ..
|
Post: #72
Title: Re: عيد بورداب الرياض ... يزيده الأستاذ محمد السني بهجة
Author: معتصم دفع الله
Date: 11-03-2006, 05:33 AM
Parent: #56
صديقي الجميل ودرملية ..
تحياتي وعوافي ..
وكل سنة وأنت أجمل وكل الأماني الطيبة ..
شكراً للعيدية الجميلة الجاتنا منكم فهي بحق ولا أروع ..
محمد السني قضى معنا لحظات حلوة أسعدتنا جداً ..
يا زول صورة دكين بتصلك بتصلك أصلو هو عامل نفسو زي رقم صفر ..
لك محبتي ..
|
Post: #67
Title: Re: عيد بورداب الرياض ... يزيده الأستاذ محمد السني بهجة
Author: عمر الفاروق
Date: 10-31-2006, 11:45 AM
Parent: #1
Quote: دكين ..
انت الوداك مكتبة جرير شـــنو .. مشيت تتفرج ولا مرافق ..!! |
نوع دكين ده يا حميدة بيكون كان في يامال الشام القصاد مكتبة جرير ..
يمشي يضرب ساندويتش المشكل بي ريالين ويساعدا بي علبة بيبسي ولمن يجي يركب الحافلة بيكون واقف قصاد باب مكتبة جرير ..
|
Post: #68
Title: Re: عيد بورداب الرياض ... يزيده الأستاذ محمد السني بهجة
Author: معتصم دفع الله
Date: 11-01-2006, 06:26 AM
Parent: #1
 مجموعة من البورداب  إدريس علم الهدى .. خالد سعيد  أحمد سعيد (قرنفل) والأمورة ندى  محمد الحسن .. سيد محمد سيدنا .. عبدالرازق الطالب  صديق الموج .. محمد سني دفع الله .. ولياب .. الخال حمزاوي  محمد عبدالجليل .. باشمهندس عبدالمنعم عمر
|
Post: #69
Title: Re: عيد بورداب الرياض ... يزيده الأستاذ محمد السني بهجة
Author: يوسف السماني يوسف
Date: 11-02-2006, 09:09 AM
Parent: #1
تمبس
ومعتصم
كبفكم بطلوا التهميش ونزلوا الصور
|
Post: #70
Title: Re: عيد بورداب الرياض ... يزيده الأستاذ محمد السني بهجة
Author: صديق الموج
Date: 11-02-2006, 02:19 PM
Parent: #1
معتصم دفع الله ارجو حذف صورتى مع حمزاوى لانه طوالى رسلها للجكس وقال ليهم
انا صاحب صديق الموج يعنى قاشر بى وكده..ولانه اهلى صعبين الرجاء حذف
الصورة والا سوف اشتكى لجمعيات الرفق والحقوق كلها،،،
|
Post: #71
Title: Re: عيد بورداب الرياض ... يزيده الأستاذ محمد السني بهجة
Author: علاء الدين حيموره
Date: 11-02-2006, 09:09 PM
Parent: #70
عينك حاااااااااااااااااااارة يا صديق الموج
مما لفت انتباه تمبس وهبة الله بتغني وتصفق ما ضاقت عاقية وجرينا بيها للمستوصف تاني بالله قول ما شاء الله ...
الليلة يا دوب شمت العاقية..
تاني جنس الحركة دي ما تعملا يا صديق يا موج
|
Post: #73
Title: Re: عيد بورداب الرياض ... يزيده الأستاذ محمد السني بهجة
Author: معتصم دفع الله
Date: 11-03-2006, 06:11 AM
Parent: #1
 وليد399 والأمورة إيمان  شتات وعمر الفاروق يا ربي بتقولو في شنو ؟  صورة جماعية للبورداب مع محمد السني  مصطفى عثمان صديق البورداب المقرب ومحمد السني  طارق نقد ومصدق حسين يا ترى فيما تفكران ؟
|
Post: #74
Title: Re: عيد بورداب الرياض ... يزيده الأستاذ محمد السني بهجة
Author: معتصم دفع الله
Date: 11-03-2006, 06:39 AM
Parent: #1
 عبدالباقي الجيلي  دكتور محمد حسن  الفنان خلف الله ودالشيخ ويوسف حمدالنيل أبوجيدة  يوسف السماني والأمورة ريناد  أيهاب نميري وأميرات البورداب الصغيرات
|
Post: #75
Title: Re: عيد بورداب الرياض ... يزيده الأستاذ محمد السني بهجة
Author: محمد سنى دفع الله
Date: 11-03-2006, 07:08 AM
Parent: #74
لابس جلابية لونه أزرق لالا
لونه كبدي لالا
لونه بني لالا
دكين زح شوية بعيد نعرف لون جلابيتك ياتو لون !!!
مدخل للفرح بألألوان في عرس الرياض
من أكبر الناس
لي أشهرهم
لمن نقيف عند احلى الحلوين
أطفال الرياض
الأزعجناهم نحن بي لمتنا
اقول سلام ومحبة وربنا ازيدكم فرح وأفراح
واجمعنا على الخير وعلى لمة البهجة ووحدة السودان
|
Post: #76
Title: Re: عيد بورداب الرياض ... يزيده الأستاذ محمد السني بهجة
Author: خالدة البدوي
Date: 11-04-2006, 03:33 AM
Parent: #75
الجميل واحد صناع الحب الفنان الكبير محمد السني دفع الله
بك واسرتك اكتملت بهجتنا بالعيد وخلينه نقول انتم كنتم العيد
كله لانه اول مرة نحس انه نحن في عيد في الغربة الاليمه ..
نحن كلنا فرحانين بيكم ونشكركم على زيارتك ومشاركتكم لينا العيد
وفي انتظاركم تاني ..وليكم الشكر من الجميع ..
الشابات الرائعات اخلاص الموج و وسـن عمر ودالباوقةو ود بدوي
كان لهم دور كيبر في الضيافة والاهتمام بالحضور من
البورداب وضيوفهم واهم اهم حاجة زوجات البورداب مثل ام عذي زوجة
ود الباوقة والكيك والحركات العيدية الجميلة وام حيدر زوجة صديق الموج والفطائر
اللذيذة والكنافات لكن الجاتو بالجلي الاحمر الذكرة الخال حمزاوي دة كان عمل اخلاص
الموج وام رامي زورجة يوسف السماني والكيك المنوع بالشوكلاته والفاكهة اللذيذة
وزوجة وليد وزوجة عبدالباقي الجيلي وزوجة محمد سليمان ( ولياب ) وزوجة
عبدالحليم ( ليمو ) وزوجة محمد طاهر ( حرنكش )وزوجة خالد سعيد وشقيقتها
وزوجة طارق نقدوشقيقتها وزوجة عبدالرازق الطالب وزوجة علاء الدين حيمورة
وزوجة الشاعر الكبير حسين حمزة ..
والبوردابية الجميلة عزاز الشامي ووالدتها الجليلة التي تطفي على المكان رونقا من
الحب الكبير واصغر بوردابية الحلوة ابنة علاءالدين حيمورة وضيوف واصدقاء بورداب
الرياض الجميلين وزوجة أمير والامورة نيابة عن والدتها زورجة د/ محمد سليمان وزوجة
النبيل مصطفى عثمان ..
واطفال البورداب الحلوين اصحاب الازعاج اللذيذ وهم كمان عبروا
عن فرحتهم بيكم ...
لك والاسرة التحايا والحب ،،،،
|
Post: #77
Title: Re: عيد بورداب الرياض ... يزيده الأستاذ محمد السني بهجة
Author: محمد سنى دفع الله
Date: 11-04-2006, 08:06 AM
Parent: #76
الأخت خالدة بدوي
التحية ليك من ام سامي
وبتحي كل النساء الجميلات وطبعا طلع ليها قرايب
والله العيد نور بيكم
وعرفنا من قريب
كل اهل الرياض ممثلين في بورداب السعودية
من تمبس الخلانا نتضارى من القيافة والشياكة من اول يوم وحفلة عثمان حسين المبدع الأنيق
للوجوه النيرة القيافة والطلعة الوسيمة ناس الجيل الجديدوالممثل الخطير عمر الفاروق
والمطربين الملوا المكان بهجة وطرب
ليهم كلهم الحب والريد
وماتملحونا ساكت وين الصور ؟؟؟؟
|
Post: #78
Title: Re: عيد بورداب الرياض ... يزيده الأستاذ محمد السني بهجة
Author: حيدر حسن ميرغني
Date: 11-04-2006, 08:27 AM
Parent: #77
| Quote: واجمعنا على الخير وعلى لمة البهجة ووحدة السودان |
يا سلام على الكلام المعبَر ده
مابقولو الا فنان
تستاهل يا شفيف
وبورداب الرياض اجدع بورداب
والتحية لابو جهينة .. مخرج الروائع
وعاش السودان والسودانيين اينما كانو
|
Post: #81
Title: Re: عيد بورداب الرياض ... يزيده الأستاذ محمد السني بهجة
Author: ابو جهينة
Date: 11-04-2006, 09:11 AM
Parent: #78
عزيزي حيدر
كل سنة و إنت طيب
| Quote: وبورداب الرياض اجدع بورداب |
يوم شكرك ما يجي يا حيدر ....
دة من ذوقك يا ذوق
|
Post: #79
Title: Re: عيد بورداب الرياض ... يزيده الأستاذ محمد السني بهجة
Author: أبوذر بابكر
Date: 11-04-2006, 08:45 AM
Parent: #1
إزيك يا جلال
ويا كل ناس الرياض، بلدنا الزمان
تعرف يا ابوجهينة أنا نوع الناس البقولو عليهم "حظو ضيق"
ياخى محمد السنى جا فى بلدنا الشوم ديك وفتش لى والله كتر خيرو
لكين قول لى أنا كنت وين
بالله لاقاك زول ايام العيد يكون عيان و "ملجن"
والله يا جلال أسبوع كامل أنا بين الجدران، يا كافى البلا لا قريب ولا حبيب ولا صاحب
غايتو الله كريم
بعدين إنتو إتلملمتو كده فى الرياض بعد ما نحن فتناها
تسع سنوات سمان والله يا جلال وأنا فى الرياض، وبعد ما اينعت وحان قطافها
مرقت منها مرقة نمر من شندى
المهم غايتو موعودين بى طلة سمحة تانى من الزول السمح محمد السنى
وكان الله مد فى العمر بنتلاقا
وتحية تمام وتعظيم وئام ليهو وليك
ولكل ناس الرياض
|
Post: #80
Title: Re: عيد بورداب الرياض ... يزيده الأستاذ محمد السني بهجة
Author: محمد سنى دفع الله
Date: 11-04-2006, 09:06 AM
Parent: #79
ياخي نحن الما محظوظين
ياخي زمن وانا كتابتك البتكتبة دي بتعدل مزاجي
لي الإبداع زي الشارب لي سجارة حمرا
لو عايزه باي لون تاني
ما بقول ليك لالا
لمن وصلت السودان قلت لي عصام عبد الحفيظ
عايز اقابل ابوذر
قال لي الراجل ده ماظنيتو هنا
وصلت الرياض وناس الشمارات والخبارات تمبس واخوي ود دفع الله
قالو لي مرادك في جدة
وهشام كلمني عنك كلام
بقيت بعرفك زي القريت معاك الإبتدائية
لكن قالو زي بتعادي التلفونات الجوالة
وليك في البيات الشتوي
لكن ربنا اوعدنا العين تشوف العين
وواليك بالعافية واشيل الحمى من جواك
وإملاك بالصحة والجمال جوة وبرة وتكتب لينا
ولينا لقى قول يارب
|
Post: #82
Title: Re: عيد بورداب الرياض ... يزيده الأستاذ محمد السني بهجة
Author: أبوذر بابكر
Date: 11-05-2006, 03:12 AM
Parent: #80
يا السنى
تشتاق الشمس تلمع كأديمك
يا نعيم الدنيا
وأكيد أكيد حنتقابل
بس خلى الآمال تصدق والآجال ما تطول
والقلب ليهو رافع
والله يا السنى الأحباب فى حبيبتى الخرطوم
أنا متلوم معاهم لوم كتير خلاص، والمشكلة إنه دائما الزول بمشى إجازة قصيرة قُصُر شديد
يعنى والواحد مرات يتمها مويه
لكين ليك على المرة دى، فى عيد الضحى الجاى ده، أمشى أفتش ليهم زول زول
دى بقت صلة رحم منبرى لا ينقطع
وآخر دعوانا
أن الحب عليك
وعليهم
وعلى هشام وأبو جهينة
وكل الصحاب والأحباب
|
Post: #83
Title: Re: عيد بورداب الرياض ... يزيده الأستاذ محمد السني بهجة
Author: ابو جهينة
Date: 11-05-2006, 04:09 AM
Parent: #82
أبي ذر العزيز
Quote: بالله لاقاك زول ايام العيد يكون عيان و "ملجن"
والله يا جلال أسبوع كامل أنا بين الجدران، يا كافى البلا لا قريب ولا حبيب ولا صاحب |
غايتو من آخر يوم في رمضان و أول أيام العيد أنا برضو كنت ملجن ، و لكن تحاملت على نفسي عشان الزول السمح دة نقدر نستعد ليهو.
Quote: بعدين إنتو إتلملمتو كده فى الرياض بعد ما نحن فتناها
تسع سنوات سمان والله يا جلال وأنا فى الرياض، وبعد ما اينعت وحان قطافها
مرقت منها مرقة نمر من شندى |
دة من سوء طالعنا يا أبي ذر و الله.
| Quote: المهم غايتو موعودين بى طلة سمحة تانى من الزول السمح محمد السنى |
كان الوعد نتلاقى هنا تاني.
|
Post: #84
Title: Re: عيد بورداب الرياض ... يزيده الأستاذ محمد السني بهجة
Author: سيد محمد احمد سيدنا
Date: 11-05-2006, 04:20 AM
Parent: #82
الاخوة الاعزاء منظمى الحفل الراقى
اولا عذرا لانى انسحبت فى وقت متقدم شويه وكان مفروض
نتابع الجمال من
اولا المبدعين منظمى الحفل
ثانيا المحتفى به الاخ السنى
ثالثا مقدمى البرنامج
رابعا الفرقه المسرحيه
خامسا الفنانين العظام الذين يبدعون اينما حل الجمال
سادسا الاموره التى لم تتعب من توزيع الحلويات والبارد
سابعا الحضور الملفت من الاسر
ثامنا مشاركة الاطفال بطريقتهم الخاصه ( عشانك يا دكين )
تاسعا الحضور الكريم والمشرف للاخوه البورداب
عاشرا المتحركين دائما للتوثيق لهذا الحدث
ورغم علمى بالحفل من الاخ محمد الحسن بالصدفه لان عهدى بالبوستات
قليل من فتره لظروف خاصه والمفاجا الاخرى ان الاخ السنى كان فى
بيت اختى ولزاما على الحضور مما خلق تداخل فى برنامجى الاسرى
ولا تنسوا ان اليوم الثانى كان مدارس لكن بحق كان الجمال موجودا
والحفل بديع بداعة المحتفى به واللجنه المنظمه فلكم الشكر جميعا
لهذا الابداع ودمتم له وفقكم الله 0
خالص تحياتـــــــــــــــى
ســـــــــــــــــــــــيد
|
|
