Post: #1
Title: برنامج شواطيء:حسن عبد الوهاب....التلوث والموقوذة والنطيحة والمتردية
Author: adil amin
Date: 10-25-2006, 05:22 AM
حسين خوجلي: ياحليل التعليم القومي زمان ..حنتوب وخور طقت..وانت يا حسن قريب من الرئيس يا ريتك تكلمو يرجع التعليم القومي وانا بتمني ولدي عبداله يرجع يدرس في جنتوب..وايه رايك تودي اولادك خور طقت
حسن عبدالوهاب:...والتلوث...عندنا واحد كنا مسمينو الفيلسوف يقول اياكم من لموقوذة والنطيحة...و
وبعدين الحوار انتقل لكلام عن الزواج من قومية المدارس..
وصاحينا حسين خوجلي اتكلم عن (المسلمة النظيفة)
ويستمر البرنامج في الحزلقة الثقافية التي عجز ان تجاوزها حسين خوجلي والمناطقية الضيقة وا بالجزيرة ومدني والحديث الممجوج عن القبائل في السودان...وهلم جرا
عايزين واحد يفسر لينا معنى الكلام الفوق ده وتحتو خط...هل هي يا ترى ثقافة جمهورية العاصمة المثلثة..وماذ يعنون بالكلام التحتو خط ؟
***********
هذا هو تلفزيون السودان 2007 (قانون العقوبات السوداني الجديد  ...المناظر هي ذاتا والصور نفس المشاهد
عايزين من الاخ حسين خوجلي
يستضيف لينا الاربعة ديل في الحلقة القادمة
1- بيتر جات كوت
2- الشاعر ابو امنة حامد
3- د.منصور خالد
4-التشكيلي راشد دياب
والمطرب : محمود تاور او عبدالقادر سالم للغناء
هذا البوست براعية BISON
كلك حركات 
|
Post: #2
Title: Re: برنامج شواطيء:حسن عبد الوهاب....التلوث والموقوذة والنطيحة والمتردية
Author: lana mahdi
Date: 10-25-2006, 05:30 AM
Parent: #1
| Quote: عايزين واحد يفسر لينا معنى الكلام الفوق ده وتحتو خط |
معليش يا عادل حظك طلع واحدة تفسر ما واحد
أها أنقبّل على الحذلقة و التنطع:
قومية المدارس(وعدلت من وضع نظارتها على أنفها) تعني مدارس فيها كل قبائل السودان.
زوووووووووووووووم
سفسطة.
محبتي و كل سنة و أنت طيب
|
Post: #11
Title: Re: برنامج شواطيء:حسن عبد الوهاب....التلوث والموقوذة والنطيحة والمتردية
Author: adil amin
Date: 10-26-2006, 05:14 AM
Parent: #2
Quote: معليش يا عادل حظك طلع واحدة تفسر ما واحد
أها أنقبّل على الحذلقة و التنطع:
قومية المدارس(وعدلت من وضع نظارتها على أنفها) تعني مدارس فيها كل قبائل السودان.
زوووووووووووووووم
سفسطة.
محبتي و كل سنة و أنت طيب |
الاخت العزيزة لنا
وانت بمية راجل.. من حجم الهم الوطني الانت بتحمليه وبتعبري عنو هنا
بس العلاقة شنو بين قومية التعليم والزواج....والرؤية الضيقة والدونية لثقافة المركز لاهل الهامش
وبعدين نحن بنستعمل كلمة قومي في مكان وطني...وما عارف دي فاتت على المرحوم عبدالله الطيب كيف
|
Post: #3
Title: Re: برنامج شواطيء:حسن عبد الوهاب....التلوث والموقوذة والنطيحة والمتردية
Author: abuguta
Date: 10-25-2006, 05:46 AM
Parent: #1
عادل امين
انا شاهدت السهرة
حسن عبد الوهاب اعلامى قدير...كان فى المانيا 30 سنة
كلها كانت معاناة بين المرض ودراسة الفلسفة ...ياريت شباب المانيا يشوفو بويتك دا
حتى قال الناس اشتغلونى فى الانترنيت مع ضحكة جميلة توحى عن مغدرات الرجل لفهم المعضلات..ومراتب النقد....
اما كلامه عن المتردية نسبه لواحد سودانى قديم كان بوجه نصائح للطلاب الجدد الجاين من الريف
توخى الحزر مطلوب..وقد تكلم عن علاقتو بالبشير حين اشاد به...والبشير توقعو بكرة يشديد بيك
انت وانا وبكرى ظاطو لانه اى حاجة تثبت ليه الكرسى دا بتشعلق فيها..بلد كل يوم فيها اتفاق سلام
وكل اجتماع اممى جايبين اسمها مع شلة الشر...دولار نازل واسعار معلقة فى السما ووزراء مكوشين على الثروة والسلطة...
اما عن حسين خوجلى لم ينجح فى هدا اللقاء..لانه لم يتكلم عن امدرمان عقدته التى يحلم بيها يوماتى
كلامى الفوقو دا كله ونسة عيييييييييد
كل سنة وانت طيب
|
Post: #4
Title: Re: برنامج شواطيء:حسن عبد الوهاب....التلوث والموقوذة والنطيحة والمتردية
Author: saif massad ali
Date: 10-25-2006, 05:57 AM
Parent: #3
صاحب البوست وضيوفه
النطيحة حسين خوجلي والمتردية حسن عبد الوهاب
ابو قوته حسن عبد الوهاب 17 سنة من عمره في المانيا
داعيا ومبشرا بمشروع الانقاذ الحضاري في المساجد متجولا بين مدن المانيا المختلفه
سمعت حسن عبد الوهاب يقول ان المشروع الحضاري الاسلامي سوف ينطلق من السودان
وان اختيار الحبشه في وقت الرسول عليه الصلاة والسلام لم يكن عبثا
|
Post: #5
Title: Re: برنامج شواطيء:حسن عبد الوهاب....التلوث والموقوذة والنطيحة والمتردية
Author: oudenoord
Date: 10-25-2006, 05:59 AM
Parent: #1
استاذي عيدكم مبارك,الاستاذ حسن عبد الوهاب تحدث عن السلطه والدوله والفرق بينهما لم يكمل حديثه مع انو نقطه مهمه وحساسه وكنت اتمني ان يخوض فيها اكثر لكن الله غالب.
|
Post: #6
Title: Re: برنامج شواطيء:حسن عبد الوهاب....التلوث والموقوذة والنطيحة والمتردية
Author: Frankly
Date: 10-25-2006, 06:19 AM
Parent: #1
الأستاذ حسن عبد الوهاب موسوعة علمية وأدبية فذّة
وعلم لا يستهان به في الوسط الإعلامي الرسمي في ألمانيا
مشهود له ببساطة حديثه مع ثرائه
وبدماثة خلقه مع لطافته
بيته محجة للإعلاميين من كل حدب وصوب تجد بينهم الالماني والإريتري والصومالي والخليجي والعراقي والسوري والليبي وهلم جرا
كما كان بيته تجمع ونادي ثقافي لكل اهل السودان بكل إثنياته وطوائفه العقدية والفكرية والحزبية
عنده أدب الإختلاف عمل لا نظرية
وهذا قليل من كثير في حق شخص في مقام الإستاذ حسن عبد الوهاب
قد تختلف مع توجهات الأستاذ حسن عبد الوهاب الحزبية ولكن ذلك ليس مدعاة للتقليل من مكانته كإعلامي مرموق وشخصية خلوقة
تحياتي كمال
|
Post: #7
Title: Re: برنامج شواطيء:حسن عبد الوهاب....التلوث والموقوذة والنطيحة والمتردية
Author: ABDELMAGID ABDELMAGID
Date: 10-25-2006, 10:44 AM
Parent: #6
| Quote: النطيحة حسين خوجلي والمتردية حسن عبد الوهاب |
|
Post: #8
Title: Re: برنامج شواطيء:حسن عبد الوهاب....التلوث والموقوذة والنطيحة والمتردية
Author: ABDELMAGID ABDELMAGID
Date: 10-25-2006, 10:58 AM
Parent: #6
Quote: الأستاذ حسن عبد الوهاب موسوعة علمية وأدبية فذّة
وعلم لا يستهان به في الوسط الإعلامي الرسمي في ألمانيا
مشهود له ببساطة حديثه مع ثرائه
وبدماثة خلقه مع لطافته |
لكن انتو البترضو عنو ده ما بتوصلوه مقام الأولياء !! و الصديقين !! و ربما النبيين !! ( الله انفعنا بيجاهو !!  ) قال حسن عبدالوهاب قال ....
|
Post: #9
Title: Re: برنامج شواطيء:حسن عبد الوهاب....التلوث والموقوذة والنطيحة والمتردية
Author: othman mohmmadien
Date: 10-25-2006, 02:58 PM
Parent: #8
حسن عبد الوهاب في لقائه قبل فترة في قناة النيل الأزرق
مع الأخ سعد الدين
أيضاً شطحاته طالت المجتمع الغربي وحديثه عن زواج الرجل الرجل ومباركة الكنيسة له دون موضوع مقحماً الغرائز لمجتمع يرى ان ذلك حقوق دون مبررات جاعلاً مذيعنا الوديع يتلعثم فاراً من هذا المأزق بعد جهد جهيد
الجماعة يا عادل إتلحسوا
ام نسميها سيكلوجية الإنسان المقهور في زمن القهر الإنقاذي حسن وحسين
مع إحترامنا له كمذيع سابق قدير
|
Post: #10
Title: Re: برنامج شواطيء:حسن عبد الوهاب....التلوث والموقوذة والنطيحة والمتردية
Author: adil amin
Date: 10-26-2006, 04:51 AM
Parent: #1
الاعزاء الزوار...والعزيزة لنا مهدي
عيد سعيد
ولا زال السؤال قائم ما علاقة قوميةالمدارس والتلوث والموقوذة والنطيحة والمتردية..لعلكم لم تسمعو بالفكر ذى الابعار الذىاستشري في السودان..هو يعتقد انه اذا ارسل ابناءه هناك سيتزوجون من المقوذة والنطيحة والمتردية من تلك المناطق..اتخيلو عمركم سمعتو في طالب ثانوي ودو يدرس في السودان اتزوج دون علم اهله؟؟
اما اذا حسين خوجلي ما عارف اليات زمن التمكين
واذا الناس ما عرفين حقيقة زمن التمكين
ان الانقاذ الترابية جففت وازلت وشردت ادوات التغيير الثلاث في السودان
1- الجيش/قتل خارج القانون
2- الخدمة المدنية(النقابات)/بيوت الاشباح
3- الطلاب...تجفيفاالاعاشةالمجانية
عبر سياسيات منهجية ومدروسة
اليوم زمن الثورة البنفسجية(الانتخابات)
لابد من
1- اعادة كافةالمفصولين من القوات النظامية وفتح ملفاتهم
2- اعادة النقابيين والمفصولين من الخدمة المدنيةوالسلك الدبلوماسي والتلفزيون ايضا
3- اعادة الاعاشة المجانية ليس في خور طقت وحنتوب بل كل الثانويات في السودان
وخلال 18 شهر الجاية ولازم يكون ده فقط ديدن القوى الديموقراطية الحقيقية
والتفلزيون البائس ده عاجز عن المواكبة تماما
واذا قرا الاخ حسين خوجلي هذا البوست يستضيف لينا الناس المذكورين اعلاه ديل ديل..
شكرا لزيارتكم
|
|