Post: #1
Title: أماني العيد..............إبراهيم عبد العزيز عثمان-جامعة قطر-الدوحة
Author: munswor almophtah
Date: 10-23-2006, 00:08 AM
أماني العيد
كلما يهل العيد
تهيج الذكري في الوجدان
أقول في الجاية عايز أرجع
ليه أقضي العمر في أحزان
ومن بنك السنين أدفع
ريته صباي لو يرجع
أماني وإبداعات كيان
وغنية جميلة من فنان
تغازل أفكاري تتبدع
بريئة زي غزالة البان
تواجه الموت وتتفدع
تخاطب الذكري في الوجدان
وتسرح بي كل مقطع
ريته صباي لو يرجع
وكل ما تضيق.. وتضيق
أقول الرحمة والإيمان
أقوم أتوضأ بالإبريق
وأجيب إتنين
أعيد وأعيد
أقرأ الفاتحة والرحمن
واختمها بياسين
وأترحم علي رمضان
ليالي الدين
ويوم العيد
علي بيضتين
أفك الريق
وأصلي علي الحبيب ياسين
وأقول لكل غريب وصديق
أنا في الجاية عايز أرجع
وأعيد وأعيد
وعيدي سعيد
لو ألملم الأحزان
أعيش الباقي في السودان
يا عزة، الغربة ما بتنفع
اسمح ليّ عايز أرجع!
وكل ما يهل العيد
تهيج الذكري في الوجدان
أقول في الجاية عايز أرجع
ريته صباي لو يرجع
إبراهيم عبد العزيز عثمان-جامعة قطر-الدوحة
[email protected]
|
Post: #2
Title: و الكل بخير
Author: ابي عزالدين البشري
Date: 10-23-2006, 01:07 AM
Parent: #1
|
Post: #3
Title: Re: و الكل بخير
Author: munswor almophtah
Date: 10-23-2006, 01:38 AM
Parent: #2
تهاتى ومن زمان شفتك
حنين بتغالب الأحزان
وحلمك من زمان معروف
تعيش فى أرقو زى ماكان
وشغل الناس جميع تمرق
وشغلك تبقى فى السودان
وزى عاشق صبح محروم
وفى شوق الرسول ولهان
بدور شوف البقيع بالعين
بدور الجمه فى أمدرمان
تشيل أرقو وتزور القوز
ثشوف الفى القعب محنان
وتشبع مره فى التركين
وفى المش البسو حنان
تجامل الناس جميع عادل
كريم ممهول وأخو أخوان
وصوتك من بعيد مسموع
وفيهو الرهبه كالآذان
تخوجل بالفريق مبسوط
تزور الفى السرير عيان
وفوق القيفه مره تقيف
ويجيك طيقا قديم فيضان
تجيك زكرى السمك والفول
تشوف مرقا دفر طفحان
ولما تصد تشيل البيت
يكون بالعيد ثبت فرحان
تجض الحله بى مبروك
وبالنفاج يجوك جيران
وباكر بدرى من الديك
تجيك عيديه زى سلطان
قداحه من الزلابيه تضيق
وكم كفتيره شاهى زمان
تفوح قنانتو تملأ السوح
ومطرالناس على الديوان
إريت حال الخيال يصدق
ونرجع ست على السودان
أريت قمر السعد يمرق
ونمرق تب على الحبان
وكل عام والكل بخير
منصور
|
Post: #4
Title: Re: و الكل بخير
Author: munswor almophtah
Date: 10-23-2006, 01:43 AM
Parent: #2
أبى عيدك سعيد وربنا يحقق أمانيك وآمالك
ولك السلام والشكر
منصور
|
Post: #5
Title: Re: و الكل بخير
Author: soma
Date: 10-23-2006, 02:18 AM
Parent: #4
اخوى منصور حبابك بكل جمال حروفك
وابداعاتك فى اختيارك المميز وذوقك الراقى
قلت اتاوق وابارك ليك العيد يا ضل الاهل
العيد مبارك عليك علينا وعليك يتبارك .. العفولله والرسول
والعيد مبارك على اخونا ابراهيم من جامعة قطر ربنا يحق كل امانيه
وجمال كلامك اخى العزيز
كتر خيركم الاتنين على الجمال المتدفق بين حروفكم
كل سنه والجميع بخير
ان شاء الله العيد الجاى متجمعين وسط الاهل
شكرا ايهاء الاعزاء
شكرا دعوات اهل صباحية عيد
اسماء الجنيد مسقط
|
Post: #8
Title: Re: و الكل بخير
Author: munswor almophtah
Date: 10-23-2006, 02:49 PM
Parent: #5
سومه ألاف مراحب بك يا صائغة الحروف عقودا من درر ويا دارة الشعر حليبا مصفى إليك ولأسرتك أين ماكانت السلام والدعاء والأمانى والتهانى بهذا العيد السعيد والشكر لك كذلك الاف الاف..............
منصور
|
Post: #6
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: Dr.Ahmed Boasch
Date: 10-23-2006, 03:19 AM
Parent: #1
|
Post: #7
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: دفع الله خطاب
Date: 10-23-2006, 04:00 AM
Parent: #6
العزيز منصور،،
عيدك سعيد اينما كنت...
وتحقق امنياتك الممكن منها والمستحيل .. والروائع .. ايها الرجل الرائع ..
دائما تتحفنا وتشعرنا بانه ما يزال فى جراب الدنيا متسع للجمال..
وعيد سعيد عبرك للاخ الصديق المبدع ابراهيم عبدالعزيز ولاسرته.. ارضا ..وبحرا .. وجو
وقل له:" مالنا كلنا جوىٍ يا رسول"...كلنا فى الحب ارقو ... وما تزال فى النفس شئ منها.
مجددا كل سنة والجميع بخير ..
وعيد سعيد..حافل بالجديد.. ومايشرف مما مضى .
|
Post: #10
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: Muna Khugali
Date: 10-23-2006, 03:12 PM
Parent: #7
أماني جميلة دائما..
كـل سنة وأنتم بخـير...
مني
|
Post: #15
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: munswor almophtah
Date: 10-24-2006, 10:58 PM
Parent: #10
وانتى كل الخير فشانك كل عام وانتى على مايرام
منصور
|
Post: #14
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: munswor almophtah
Date: 10-24-2006, 05:58 PM
Parent: #7
الأخ العزيز دفع الله خطاب السلام والرحمه وكل عام وانت بتمام الصحة والعافيه والشكر لك والأجر مطبوق من رب الثواب إنشاء الله ولا محاله تحاياك مع خاص التحايا من الإعزاء لإبراهيم موضوعه بعنايه فائقه على سقف من سقوف قلب الجميل لديهم وعهدى لهم وعهدى بهم لمن حفظته جزاك الله خيرا والاف التهانى بالعيد السعيد.............................
منصور
|
Post: #18
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: munswor almophtah
Date: 10-24-2006, 11:19 PM
Parent: #7
الأخ العزيز دفع الله خطاب السلام والرحمه وكل عام وانت بتمام الصحة والعافيه والشكر لك والأجر مطبوق من رب الثواب إنشاء الله ولا محاله تحاياك مع خاص التحايا من الإعزاء لإبراهيم موضوعه بعنايه فائقه على سقف من سقوف قلب الجميل لديهم وعهدى لهم وعهدى بهم لمن حفظته جزاك الله خيرا والاف التهانى بالعيد السعيد.............................
منصور
|
Post: #9
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: munswor almophtah
Date: 10-23-2006, 03:03 PM
Parent: #6
الأخ Dr.Ahmed Boasch
الأمانى والتهانى لك بحلول العيد السعيد وربنا يعيده علينا وعلى الأمه المسلمه بالعيد السعيد ولك صادق وخالص السلام...........
منصور
|
Post: #11
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: munswor almophtah
Date: 10-24-2006, 00:13 AM
Parent: #6
وانتى كل الخير فشانك كل عام وانتى على مايرام
منصور
|
Post: #12
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: Mohamed Abdelgaleel
Date: 10-24-2006, 05:18 AM
Parent: #11
الأخ/ المنصور - تحياتي والعيد مبارك عليك .. العفو .. لله والرسول ..
كان هذا شعار عيدنا حتى ضاعت جنة الطفولة كلمح البصر من بين أيدينا التي
كنا نمدها لأهل القرية بعد صلاة العيد التي كانت تقام في العراء
للرجال المفارش السعفية الفخيمة .. وللأطفال الحجار والتراب ونحن نستقبل
قرص شمس الصباح (أم عيناً قوية) والعطر النفاذ يفوح من ثيابنا .. كان العيد سعيدا
وهو يوم الترف الوحيد في حياة الأطفال على زماننا .. في كل بيت حلوى
وتمر وكيك وربما عصير وبعض الأقربين يعصر دراهم لزوم الزيارة التي
تخفق لها القلوب ..
|
Post: #16
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: munswor almophtah
Date: 10-24-2006, 11:16 PM
Parent: #12
الناظر أنا أخو الغباشه طبعا اللبن من جيهتين وفكة الريق قبل الصلاة والرقاق باللبن الرايب بعدها...العيد مبارك عليك إنت والأولاد والسنه الجايه فى أمانة الله مبسوطين ونسيت أقولك الأمين أقرب زول لأم مكى ناس قلعة حسن فبرك تحياتى لك وللكل................
منصور
|
Post: #13
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: الناظر
Date: 10-24-2006, 06:49 AM
Parent: #1
منصور اخوى العيد مبارك عليك و تقبل سلام الجميع هناو امس تذكرنا عيدنا هناك
يقولون
العيد السعيد فرحانبو الشقى و السعيد
العيد مبارك عليكم يا ناس فلان
الرد
علينا و عليك اتبارك
و اعفو مننا
الرد
لله و الرسول
جلست اتمعن هذة الكلمات و جدتها تعبر تعبير صادق عما يجوش بدواخل اهلنا هناك
امس الاول تمنيت ان اكون معهم لاننى لم ارى شخص يسلم على او يبارك العيد لا بعد اذان
العشاء حينما دخل على احد ابنا عمومتى ليبارك العيد فجلسنا سويا و الكل كان يتمنى
ان يكون يبن اهله و عشيرتة
اليوم و صلت الى المكتب و جدت الزملاء يقولون من العادين و الفازين و من العواد
و لكن ما يقولة اهلنا اعمق و اكبر من ذلك بكثير- و الله المستعان
|
Post: #17
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: munswor almophtah
Date: 10-24-2006, 11:17 PM
Parent: #13
الناظر أنا أخو الغباشه طبعا اللبن من جيهتين وفكة الريق قبل الصلاة والرقاق باللبن الرايب بعدها...العيد مبارك عليك إنت والأولاد والسنه الجايه فى أمانة الله مبسوطين ونسيت أقولك الأمين أقرب زول لأم مكى ناس قلعة حسن فبرك تحياتى لك وللكل................
منصور
|
Post: #19
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: الناظر
Date: 10-25-2006, 03:22 AM
Parent: #1
يا المنصور اخوى عيد البلد هنا دى حكاية لا بشوف جارا لا زولا يدخل يقول سلام لا العيد مبارك عليكم لا غباشة و لا لقيمة بى روب و القصة العجيبة انو من ما جيت ما شفت سكسكانية تقول لى العيد.
البرنامج كان كالتى بعد صلاة الصبح بساعة و اربع اقيمت صلاة العيد يعني كانت 6:15 و بعد الصلاة العيد النوم الى ان ضرب الجرس و كانت الساعة 2:30 و دخل على الاخوان محمد عظيم بشير و الاخ يحيى عبدالله المك و بعدها جلست وحيدا الى ان دخل على الاخوان ازهرى كمبال و الاخ حسن على مساعد و الانتهى اليوم الاول
اليوم الثانى دوام من 10 صباحا الى الرابعة مساء رجعت الى المنزل ووصلنى فوج كبير هنا تذكرت السرواب و عيد السروراب و الناس كان مكون من احمدعلى الضرس/حمد احمد ابوالقاسم/عنتر الحسين/نسيب الضرس/الشيخ الامين تج/محى الدين محجوب/الفكى عبدالسلام /عبدالجليل الكواهلة و بعدها قمت بزيارة لمنزل العم عباس ابوشامة و احمد المصطفي المهدي و الهندى البشير و انتهي اليوم الثانى . اتوقع لليوم الثالث دوام و نوم بس و انتهى المسلسل هذا عيدنا ان عجبناكم فقولو لغيرنا و ان لن نعجبكم قولو لنا
|
Post: #20
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: ابوبكر يوسف إبراهيم
Date: 10-27-2006, 01:21 PM
Parent: #19
أخي الحبيب منصور
عيدك سعيد وكما تشتهي نفسك با رقيق الحواشي .. تذكرني طفولتي والبراءآت التي كانت تزداد بالفطرة .. لو سألتني الآن عن العيد فسأقول لك أخي كيف أذوق طعم ما لا أعرفه!! فعلام تثير في نفسي الشجون لما أفتقد وأشتهي؟!1 قال لي إبني يوماً في أحد الأعياد أبي أنت طفل كبير .. لا .. صغير لأنك تحاول أن تستعيد طفولتك معي.. أروِ لي كيف كانت) بدأت أروي له كيف كنا وكيف هو!!.. شعر أنني من كوكب آخر .. قلت ه : نعم ، من كوكب الفطرة والسجية .. كيف لي أن أقنعه بأيام المذياع الذي كان يتجمع حوله الحي بأكمله وهو يعيش عصر الشبكة العنكبوتية!! أحاول أن أشرح وأضيق الفجوة فأراني عاجز .. هل يفهم إبني أن العيدية كانت (عشراية)!!وكانت لها قوة شرائية تعجز عن موازاتها الآلاف اليوم.. إنك تنكأ الجراح وتهدي الشباب تجاربنا.. تجارب الغابرين!! تحياتي
ابوبكر
|
Post: #22
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: munswor almophtah
Date: 10-28-2006, 00:59 AM
Parent: #20
الدكتور أبوبكر يوسف العيد مبارك عليك وعفوا يعليك ما يدليك ومن خاص خيرو يغنيك...كل شئ طعمه في تغيير وحاله متجدد شانه... وصغار الزمن التفتيحه ديل بشوفونا فارات ما بننقش الراندوك بتاعهم
وهاك
حليل سودانا حق وشليل......................
حليل سودانا حق وشليل
وصندل فوق ضريره إنكب
حليل نخلاتو فوق القيف
وباص بالسيره جاها طلب
وجده تهاتى طول الليل
تحاحى القمره كم ترغب
وتسأل وين فلان فى السوق
وجوا حشاها نار ولهب
وجنوت فى الفريق كيمان
بفتلو من الأحاجى طرب
وواحدين فى الجروف دافقين
ومن نخلاتا عزقو رطب
وفوق سيالا سمبر راك
ووز فى حوضا عام وشرب
وصوت البو بجيك بالليل
وإلهث فوق تلاهو كلب
ومركب شارفه فوق النيل
قريب بحداها غزو هلب
وبى أطراف هجايع الليل
تجيك علاله ماسكه درب
جمال بالحرجل المعروف
وجردقه فوق رحلها تلب
وتسمع فى المقيل قوقاى
وبالا همو فات وذهب
وتقدل بالكبور عبران
وفوح روح المسك بتهب
وتسمع بدرى للآذان
وبتشوف للدروب بتدب
وديمه شغفنا بالسودان
ودايما ليهو نحن نحب
وفيهو إن شاء الله يوم بنكون
وليهو دوام نتوق ونشب
منصور
|
Post: #21
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: munswor almophtah
Date: 10-28-2006, 00:49 AM
Parent: #19
يا الناظر خليها فى سرك الطريفى أكان جمع بى جملو جمعتنا تانى حلم والسكسكانيه عن قريب بتطلع من القاموس الله يديك العافيه....................
منصور
|
Post: #23
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: Abd Alla Elhabib
Date: 10-28-2006, 02:13 PM
Parent: #21
منصور الشفيف..
العيد مبارك عليك وعلى الأسرة وعلى ناس كالقارى ست.
والسنة الجاية إنت فى السّودان مستمتع بى الغباشة
والبقنية والشربوت"خالى الكحول"
Quote: أنا أخو الغباشه طبعا اللبن من جيهتين وفكة الريق قبل
الصلاة والرقاق باللبن الرايب بعدها |
أسمع يازول...إنت بى الطريقة دى يوم بتسفّر ليك زول بدون
إستعداد..وده ضد حقوق الإنسان السودانى فى المهجر على قلتها !
تحياتى لك وللجميع.
|
Post: #24
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: munswor almophtah
Date: 10-28-2006, 04:37 PM
Parent: #23
عبدالله الحبيب كيف حالك يا رجل وكل سنه وإنت تمام التمام والقدامنا أب لتوأمين بإذنه رب الناس وكالقرى ما شاء الله لمت وجضت طرقاتها بأهل السودان أمانينا لك أجمعين ولك الشكر........................
منصور
|
Post: #25
Title: Re: أماني العيد..............إبراهيم عبد العزيز عثمان-جامعة قطر-الدوحة
Author: ابوبكر يوسف إبراهيم
Date: 11-04-2006, 08:17 AM
Parent: #24
الحبيب منصور
وحبيب الحبيب حبيب عبدالله
سلام على الطيبين أينما حلو .. فأينما حلوا حلّو الأرض فكان لها طعم الحلال وضوع الطهر وبهيج زرع أهلها وثمرهم طلعه نضيد.. وفي يوم عيد من الأعياد كانت سيدة الفصول الربيعية تمر مثلما مرت (ذات الفراء - يا فتاتي) بمولانا الطيب في ميدان الجيزة أما سيدة فصولنا فكان هو شاهداً على ذياك الحسن السوداني الأصيل فقلنا:-
هي وردةٌ نضج العبيرُ بصدرها والحسن توج بالغواية صدرها
شبّت على غصنٍ شهي مســه دلٌ ..فألهمها الجمال وغرهـا
شفَّّـت مباسمها جداول فاتة أغرت نجوماً..أسكنتهم صـدرها
ماست.. وما أحنت لريحٍ غصنها لَغَزَتْ وما أفشت لصبٍ سرها
وتحير العشّاق من أحوالها لمن العطور..لمن تعتق خمـرها؟
صارت عروساً للفصول جميعها فبأي فصلٍ قد تُسِيّدُ قصرها؟
الصيف لاح على التخوم مراوغاً يبغي غواليها ويوصل ودها
فمع الصباح .. يحيطها بهجيره يكوي جدائلها ويلفح خدها!!
أخوكم
ابوبكر
|
|