Post: #1
Title: عيد الكواكب ..
Author: عامر تيتاوى
Date: 10-21-2006, 03:51 PM
Parent: #0
يوم قالوا ليك الاقمار عليمة
تقدر تراها وتلمس اديما
ياريتنى ابقى سعيد
واشوفا ديمة
تلك مقدمة الاغنية الخالدة
عيد الكواكب التى كتبها
محمد عوض الكريم القرشى
وابدعها الفنان عثمان الشفيع
والمناسبة تاتى من خلال برنامج
اغانى واغانى الذى يذاع هذه الايام
فى قناة النيل الازرق وتضم مجموعة من المبدعين
بقيادة المبدع الموسوعى فى الغناء السودانى
والمؤرخ السر احمد قدور
ومعه الفريق الفنان عصام محمد نور ونادر خضر
وعاصم البنا وجمال فرفور واسرار بابكر
والعازفون المبدعون محمدية واسماعيل عبد الجبار
وسعد الطيب واحمد المك ورفاقهم
انه عيد الكواكب فقد ابدع هؤلاء فى تقديم الاغنية
الخالدة فى سياق الحديث عن الثنائيات فى الاغنية السودانية
وقد تطرقوا الى الكثير من ملامح فننا الغنائى الثرى بالكثير
من الابداع والامتاع
نواصل مع عيد الكواكب
|
Post: #2
Title: Re: عيد الكواكب ..
Author: khaleel
Date: 10-22-2006, 06:16 AM
Parent: #1
عامر تيتاوي
كل سنة وانت كما تحب
كلما غني الشفيع جميل
واي اغنية من الشفيع ممكن غنائها جماعيا
انظر عيد الكواكب واسمتمع لها
بين خوجلي عثمان والشفيع
|
Post: #3
Title: Re: عيد الكواكب ..
Author: عامر تيتاوى
Date: 10-22-2006, 08:08 AM
Parent: #2
خليلو الحبيب
كل عام وانت بالف خير
عيد الكواكب اسم جميل
وابداع رائع للثنائى
المتالق ( القرشى - الشفيع )
اما اذا اكتمل الثالوث بخوجلى
فالنار ولعت عديل كده
تسلم ياخليلو وربنا يديك
الفى مرادك
|
Post: #4
Title: Re: عيد الكواكب ..
Author: عامر تيتاوى
Date: 10-22-2006, 08:26 AM
Parent: #3
وليس حديثنا عن اغنية عيد الكواكب تحديدا بل اردت الاشارة الى ان اللقاء فى حد ذاته
عيد للكواكب بما يجمع من فنانين ومطربين ومبدعين يعنى تجد خلال دقائق البرنامج المعدودة
على شاشة النيل الازرق الابداع والامتاع اشكال والوان فالسر قدور يكلمنا عن كل شىء فى تاريخ
الغنا السودانى ومولد تلك الاغنية والثنائيات ولجان النصوص والاذاعة والحفلات الجماهيرية
والرحلات الفنية داخل وخارج السودان باسلوب شيق وممتع
|
Post: #5
Title: Re: عيد الكواكب ..
Author: عبدالكريم الامين احمد
Date: 10-22-2006, 08:26 AM
Parent: #3
وانت كوكبا اخر يا تيتاوي اصبح مساره لا يغشانا هنا كثيرا ليمنحنا ضياء ودهشة
وحديث الليل والعصافير
اين انت يارجل
عيد سعيد وكل سنة وانت ملي بالجمال والدهشة
|
Post: #6
Title: Re: عيد الكواكب ..
Author: عامر تيتاوى
Date: 10-22-2006, 08:47 AM
Parent: #5
الغالى كرومة :
| Quote: وحديث الليل والعصافير |
وذاك حديث ذو شجون
يطييب معكم سمار الليالى
وعصافير الجنة الصداحة كم
غنت وقالت .. والله ياكرومة
انتا دايما تداوى جراحنا
بكلماتك البلسمية
ولازم نعود وسيعود الليل
والطيور الما بتعرف ليها
خرطة .. المشكلة وين المزاج
ووينو الوقت
يديك العافية ياعبد الكريم
وكل سنة وانت بخير
|
Post: #7
Title: Re: عيد الكواكب ..
Author: الزوول
Date: 10-22-2006, 09:01 AM
Parent: #6
السلام عليكم
الأخ تيتاوي
تحياتي
دعوة للمشاركة في هذا البوست
Re: أبو الكلام
كل سنة وأنت طيب
........................
وما الناس إلا هالك وأبن هالك *** وذو نسب في الهالكين عريق
|
Post: #8
Title: Re: عيد الكواكب ..
Author: عامر تيتاوى
Date: 10-22-2006, 06:43 PM
Parent: #7
الزوول
شكرا لمرورك والاطلالة
على عيد الكواكب
وسنسجل حضورنا فى
ابو كلام
مشكور على الدعوة الكريمة
|
Post: #9
Title: Re: عيد الكواكب ..
Author: ASIM AL BANNA
Date: 10-22-2006, 11:32 PM
Parent: #1
Quote: يوم قالوا لى الاقمار عليمة وانك تراها وتلمس اديمه
ياريتنى ابقى سعيد واشوفا ديمه
يافنى جود وانصفنى ديمه يالحنى اشدو شعرا قويما
وتصور الاقمار عرفت غناك نزلت من السموات لسمو حداك
وازدانت الحفله والنور تجلى يالله زيد فى الحب والعفه ديمه
............
فالتسالونى عن عيد الكواكب الفيه نور الدنيا صفاهو ساكب
وفل اغنى اصف المواكب ده الدهب المجمر وبى جمالو انضر
ده الفل يحطى لونو وما احلى لوونو فشهدت استعراضا كان عظيما
وسعدت والاقمار لى دانى ليما
............
الحقيقه حبى بعيد وبعيد سماه مازنبى لو عازل بالجور رماه
ايه التجنى وانا راقى فنى ماتسىء لفهمى انا دمعى يهمى
حلو التثنى قد غاب عنى معروف هوايا وطاهرات نوايا
والا لو اصررت تكون الييمه ساجفو والاقمار لى سواى ظليمه
كلمات والحان احمد عوض الكريم القرشى
mnk |
|
Post: #10
Title: Re: عيد الكواكب ..
Author: طارق جبريل
Date: 10-23-2006, 06:26 AM
Parent: #1
النجم الساطع تيتاوي
كعادتك تبدع في كل شئ
|
Post: #11
Title: Re: عيد الكواكب ..
Author: عامر تيتاوى
Date: 10-23-2006, 04:18 PM
Parent: #10
فناناالجميل عاصم البنا
Quote: يافنى جود وانصفنى ديمه يالحنى اشدو شعرا قويما
وتصور الاقمار عرفت غناك نزلت من السموات لسمو حداك
وازدانت الحفله والنور تجلى يالله زيد فى الحب والعفه ديمه |
ياخوى الكلام ده خطير جدا والله يعلم كيف جملتو امسياتنا وانتم تاتون
لنا من كل بستان بزهرة انا وكثيرون مدينون لكم نحبكم وانتم ترسمون
البسمة وتجملون الوجدان لكم التحية والحب الصافى
|
Post: #12
Title: Re: عيد الكواكب ..
Author: عامر تيتاوى
Date: 10-23-2006, 04:33 PM
Parent: #11
الجميل طارق جبريل
Quote: فالتسالونى عن عيد الكواكب الفيه نور الدنيا صفاهو ساكب
وفل اغنى اصف المواكب ده الدهب المجمر وبى جمالو انضر
ده الفل يحطى لونو وما احلى لوونو فشهدت استعراضا كان عظيما
وسعدت والاقمار لى دانى ليما
|
الله ينور عليك دنيتك يابوريم
|
Post: #13
Title: Re: عيد الكواكب ..
Author: شهاب الفاتح عثمان
Date: 10-23-2006, 05:53 PM
Parent: #12
راح الهنا واصبح جحيم.
بعد الفراق هل ياتي لين.
بمناسبة انتهاء حلقات البرنامج.
|
Post: #14
Title: Re: عيد الكواكب ..
Author: عامر تيتاوى
Date: 10-23-2006, 06:39 PM
Parent: #13
دكتور شهاب
| Quote: .بمناسبة انتهاء حلقات البرنامج |
الذكرى للحبان اجمل بشارة
|
Post: #15
Title: Re: عيد الكواكب ..
Author: عامر تيتاوى
Date: 10-24-2006, 12:30 PM
Parent: #14
طاف برنامج اغانى واغانى ( عيد الكواكب ) بنا رياض الفن السودانى وحدائقه اليانعة الوريفة
وكانت قمة الامتاع تصل الى زروتها فى كل حلقة الى ان نفيق على صوت نسرين سوركتى
لتعلن رفع الجلسة وقد كانت من بين الاغانى التى تناولها الكواكب اغنية عائشة الفلاتية
عنى مالم صدوا واتوارو
انا حظى عاكس ولا هم جاروا
غنى ياشادى وردد الحانى
فكرى سرح وهاجت اشجانى
تلك كانت قمة اخرى فى عيد الكواكب
|
|