Post: #1
Title: ده تعملوا معاهوا شنوا يعني !!!!!!!!
Author: NASERELDIN SALAH
Date: 10-21-2006, 01:12 AM
Parent: #0
ده طبعا
السيد : جون اكوج Mr. John Ukac Lueth
سفير السودان الجديد في واشنطون - امريكا
الفرق شنوا بينوا و بين السفير السابق الذي كان مصنف علي حساب الجبهه
و كان يحاول تجنيد السودانيين بمنطقه واشنطون علي حسب بعض البوستات هنا
والمعارضه الضاريه له من بعض الاعضاء هنا و الترحيب الضاري لسعاده السفير الجديد
من نفس الاعضاء المعارضين الضاريين !!!!!!!!!!!!!
دي واحده
ثانيا
الفرق شنوا تاااااااااانيي هل لانه من الحركه الشعبيه هل يعني انه سوف يعمل من تلقاء نفسه ام حسب توجيهات حكومه السودان ( مؤتمر + الحركه ) و لمصلحه الحكومه السودانيه
ثالثا
هل العارضه لاشخاص ام لمواقف ثابته و قناعات
رابعا
لو فاكرين كونه من الحركه الشعبيه ( و هنا لا اشكك باي حال في كفائه السيد السفير و لا مقدرته علي تحمل مهامه ) سوف يسقط حكومه الجبهه من هنا او يعمل ضد اراده حكومته ( جبهه + حركه ) فلا املك الا ان اقول
انشاء الله يضوي ليكم
و كل سنه و الجميع بخييييييييييييييييير و معارضه
|
Post: #2
Title: Re: ده تعملوا معاهوا شنوا يعني !!!!!!!!
Author: Ahmed Abdallah
Date: 10-21-2006, 02:05 AM
Parent: #1
Quote: الفرق شنوا بينوا و بين السفير السابق الذي كان مصنف علي حساب الجبهه
و كان يحاول تجنيد السودانيين بمنطقه واشنطون |
الفرق يا عزيزي واضح وضوح الشمس فالسفير السابق يمثل جماعة سياسية قامت باغتصاب سلطة شرعية والناس نيام قتلت وسفكت الدماء ونهبت المال العام وهي منبوذة من شعبها ومن المجتمع الدولي باسره فعليه السفير السابق يدافع عن ثلة من المنبوذين وليس عن وطن .. اما السفير الحالي فهو سليل حركة قاومت وقاتلت ضد الظلم ونادت بوطن حر معافى يتمتع فيه جميع السودانيين بحقوق وواجبات متساوية ترنكز على مبدأ المواطنة
| Quote: الفرق شنوا تاااااااااانيي هل لانه من الحركه الشعبيه هل يعني انه سوف يعمل من تلقاء نفسه ام حسب توجيهات حكومه السودان ( مؤتمر + الحركه ) و لمصلحه الحكومه السودانيه |
بالطبع سوف يعمل حسب التوجيهات طالما لن تتعارض مع الخط الوطني العام وليس للمصلحة الحكومية الشراكية الضيقة بل للمصلحة الوطنية
| Quote: هل العارضه لاشخاص ام لمواقف ثابته و قناعات |
في حالة السفير السابق تكون المعارضة للاثنين معا أشخاص و مواقف طالما ان التمثيل كان صادرا من جهة تمثل ايدولوجية بعينها مرفوضة و محاربة من السواد الاعظم لا سيما وان تعيين السفير السابق كان سابقا لتوقيع اتفاقية السلام
|
Post: #3
Title: Re: ده تعملوا معاهوا شنوا يعني !!!!!!!!
Author: NASERELDIN SALAH
Date: 10-21-2006, 03:30 AM
Parent: #2
الاخ احمد عبدالله
تحياتي
انت قصدك جماعت ده
| Quote: فالسفير السابق يمثل جماعة سياسية قامت باغتصاب سلطة شرعية والناس نيام قتلت وسفكت الدماء ونهبت المال العام وهي منبوذة من شعبها ومن المجتمع الدولي باسره فعليه السفير السابق يدافع عن ثلة من المنبوذين وليس عن وطن . |
كان بيقاتل فيها ده
Quote: اما السفير الحالي فهو سليل حركة قاومت وقاتلت ضد الظلم ونادت بوطن حر معافى يتمتع فيه جميع السودانيين بحقوق وواجبات متساوية ترنكز على مبدأ المواطنة
|
بعدين الناس الاولين قاموا مشكلتهم مع الناس التانين خلصت قاموا بدلوا الزول بتاع الناس الاولين بي بتاع الناس التانين و لما ما لقوا الناس التانينن اخدوا تكسي ورجعوا ولا شنوا
تانيا
| Quote: بالطبع سوف يعمل حسب التوجيهات طالما لن تتعارض مع الخط الوطني العام وليس للمصلحة الحكومية الشراكية الضيقة بل للمصلحة الوطنية |
بي كلامك ده معناها انوا السفير السابق كان مهمتوا تحويل العمله للجبهه بس و تجنيد ناس من منطقه واشنطن الكبري الماشين يفطروا مع الجديد يوم العيد ولا شنوما كان عندوا توجيهات من ضمنها التحايل علي العقوبات و المراوغه و كسب التأيد للحكومه اللامه الطيب و الكعب و تمديد فتره بقاء النصف الحلو في السلطه و تفادي القرارت الدوليه بخصوص ماساة دارفور ---------
ولا يمكن الجديد اول خطاب له حيكون المطالبه بتحويل مجرمي دارفور لمحكمه العدل الدوليه ( انا دي ما داخله راسي )
اخي احمد ما جاوبت الاجابه الكامله في الفقره الخيره يعني حسي بتعارضوا الحكومه بس لكن ما سفير نفس الحكومه في اقوي مراكز القرار في العالم ولا شنوا
يعني ماعندكم مانع من بقاء البشير بس يعين ناس ما جبهجيه ولا نسوي شنوا
هسع
|
Post: #4
Title: Re: ده تعملوا معاهوا شنوا يعني !!!!!!!!
Author: NASERELDIN SALAH
Date: 10-21-2006, 11:34 PM
Parent: #3
up
|
Post: #5
Title: Re: ده تعملوا معاهوا شنوا يعني !!!!!!!!
Author: NASERELDIN SALAH
Date: 10-24-2006, 01:36 PM
Parent: #4
كل عام و الجميع بخير
و كل عام و انتم بخير
و بهذه المناسبه اهدي اغنيه
عمت بشائرنا
و دام الفرح لينا
و ضائت ليالينا
و اهداء خاص للناس الموجودين في البوستات ادناه
كوز يمدح كوز ويستخف بالمعارضة السودانية بواشنطن.
و جاء فيه
Quote: الاخ العزيز نصار.
أنا هنا أتحدث عن دور الاحزاب السودانية التي تدعي المعارضة بواشنطن, ولكني لم أوجه أي أتهام زائف أو باطل, والاخ عدلان يعلم ذلك تماما.
إذا كنا نتحدث عن معارضة فمن الواجب أيضا الكشف عن الذين يتوسطون ولائم وقعدات بيت السفير, وكشف أعضاء المعارضة الذين يحضرون مناسبات الجالية التي يتحكم عليها الكيزان. فلا يعقل يا عزيزي نصار أن يدعي البعض العمل المعارض ولكنهم في نفس الوقت سمن على عسل مع ممثل الامن بسفارة النظام. وحديث الكوز هاشم الامام صحيح مية المية ويستاهل أي شخص حضر أي مناسبة في منزل السفير يستاهل هذا الاستهزاء والتقريع من الكوز هاشم الامام.
دينق. |
ثم هذا البوست
وصول سفير السودان الجديد بواشنطن
و جاء فيه
Quote: upإذا لم يحضر السفير معه طاقم جديد فمهمته سوف تكون مستحيلة.
لا يمكن لسفير الحركة الشعبية أن يعمل وسط الامنجية والجواسيس.
دينق. |
و بسس
نصرالدين
|
Post: #6
Title: Re: ده تعملوا معاهوا شنوا يعني !!!!!!!!
Author: NASERELDIN SALAH
Date: 10-25-2006, 11:04 PM
Parent: #5
/\/\/\/
|
Post: #7
Title: Re: ده تعملوا معاهوا شنوا يعني !!!!!!!!
Author: Sana Khalid
Date: 10-25-2006, 11:23 PM
Parent: #1
الأخ نصر الدين صلاح..
كل عام و أنت بخير..
و هو نحن المكرهنا في المعارضة الحايمة دي غير عدم المباديء شنو؟
هي معارضة معتبرة الترابي (معارضة) .. تبقى معارضة كيف؟!
هؤلاء كما الكيزان.. فولة و اتقسمت نصين!!
|
Post: #8
Title: Re: ده تعملوا معاهوا شنوا يعني !!!!!!!!
Author: القلب النابض
Date: 10-26-2006, 06:33 PM
Parent: #7
ناس البوست عموم وسنار خالد خسوس ..
المشكلة في المعارضة دي ما عندها برنامج ولا موضوع ..
المعارضة ما عندها منهج ولا فكر ..
مجموعة كبيرة من المرتزقة من ""الحكومة"" او من برة .. المشكلة كلها مصالح ذاتية والوطن آخر الأجندة .... اقصد يومهم اليقبضو كأشخاص ينسوا الهم العام ...إلا من رحم ربي وهم قليل..
تحياتي لك ..
رغم انه الترابي جاء اخيرا الى المعارضة لكنو عارف بيسوي في شنو الكلام معارضة قريعتي راحت دي ...
تحياتي لك يا سناء وكل سنة وانت طيبة ..
|
Post: #9
Title: Re: ده تعملوا معاهوا شنوا يعني !!!!!!!!
Author: NASERELDIN SALAH
Date: 10-28-2006, 05:24 PM
Parent: #8
الاخت سناء خالد كل سنه و انت طيبه
تعرفي عدم وجود المبادي دي مشكله و كون انك تبقي منظر و معلق
شيي الترابي معارض و السفير مهمش و الجبه وقعت في البير
كمثال
Quote: شكرا بكري ابو بكر
مبروك
للحركه الشعبيه و المهمشين.
Quote: جون اكوج Mr. John Ukac Lueth
تراجي. |
انتوا مني اركو مناوي ده ما مهمش ولا ما مالي عينكم
مهمش و ماسك منصب للمهمشين
ولا بقي فيها خيار و فقوس
نصرالدين
|
Post: #11
Title: Re: ده تعملوا معاهوا شنوا يعني !!!!!!!!
Author: NASERELDIN SALAH
Date: 10-29-2006, 00:37 AM
Parent: #8
الاخت القلب النابض
شكرا للمرور و كل عام و انت بخير
اها
Quote: رغم انه الترابي جاء اخيرا الى المعارضة لكنو عارف بيسوي في شنو الكلام معارضة قريعتي راحت دي ...
|
ماهي المشكله انوا الترابي رايح جايي
و دمت
|
Post: #10
Title: Re: ده تعملوا معاهوا شنوا يعني !!!!!!!!
Author: عبد المنعم سليمان
Date: 10-28-2006, 05:37 PM
Parent: #1
الاخ نصرالدين والاخوات والاخوه ..
نوعية الحكم الموجود في السودان الآن لا مثيل له في كل العالم , بمعني ليست معارضه وحكومه بالمعني المتعارف عليه في العالم .. كل من ياتي للسفاره او الوزاره او ما شابه يكون انتهازيا وغير وطني وولاءه فقط للطغمه , وذلك لعدم وجود المشروع السياسي الذي يحعل المؤتمر الوطنييدير الوطن به بمعني ان المشروع السياسي بعلاته السابقه ذهب مع ذهاب الترابي في ما يسمي بالمفاصله الشهيره فاصبح المؤتمر الوطني اقرب للعصابه منه الي التنظيم السياسي , والحركه الشعبيه لها برنامج سياسي واضح وبائن يجعلنا نثق في من ياتي منهم .
لك ودي
منعم
منعم
|
Post: #12
Title: Re: ده تعملوا معاهوا شنوا يعني !!!!!!!!
Author: NASERELDIN SALAH
Date: 10-31-2006, 00:29 AM
Parent: #10
الاخ منعم سلامات
في دي انت صادق
| Quote: نوعية الحكم الموجود في السودان الآن لا مثيل له في كل العالم |
| Quote: بمعني ليست معارضه وحكومه بالمعني المتعارف عليه |
و كمان
في دي انت صادق
| Quote: كل من ياتي للسفاره او الوزاره او ما شابه يكون انتهازيا وغير وطني وولاءه فقط للطغمه |
لكن هنا لا اصدق ان اصحاب المشروع سوف يعملون بمنعزل من الشريك الاساسي
و هذا قصدي من فتح هذا البوست لسبب بسيط انهم شركا في كل شي حلوه و مره
فلماذا لا تكون المعارضه من اجل مبادي ككل حركات التحرر العالميه
حريه - مساواة - ديمقراطيه
Quote: فاصبح المؤتمر الوطني اقرب للعصابه منه الي التنظيم السياسي , والحركه الشعبيه لها برنامج سياسي واضح وبائن يجعلنا نثق في من ياتي منهم .
|
انتم تثقون في اشخاص و برنامج قد لا تكونون من ضمن المستفيدين منهم( الاشخاص و البرامج )
بوضع احتماليه ان ينفصل السودان الي دولتين
المبادي لا تتجزاء يجب ان تكون الحريه - المساواة - و الدمقراطيه هي المطالب الوحيده و بعدها كل واحد حر في اختيار ما يناسبه ززز
و كثيرون من ابناء السودان شرفاء و يعملون في هذه الحكومه موظفين فهل نعفي كل هولا ء
و نتعاون معهم لمجرد انهم ناس كويسين و نظيفين
تأكد ان الفتره القادمه سوف تشهد الكثير من الناس النضيفين و سوف تكون هذه الحكومه
جاثمه اثمه في السودان طالمل المعارضه بقي عندها
خيار و فقوس
بدل المبادي
و دمت
|
Post: #13
Title: Re: ده تعملوا معاهوا شنوا يعني !!!!!!!!
Author: NASERELDIN SALAH
Date: 10-31-2006, 07:56 PM
Parent: #12
@
|
Post: #14
Title: Re: ده تعملوا معاهوا شنوا يعني !!!!!!!!
Author: NASERELDIN SALAH
Date: 11-02-2006, 11:59 PM
Parent: #13
up
|
|