Post: #1
Title: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: عبد المنعم سليمان
Date: 10-17-2006, 07:08 PM
Parent: #0
اول بطاقه معايده واجمل بطاقه تلقيتها اليوم من حزب الامه القومي ومن السيد / الصادق المهدي امام الانصار ورئيس حزب الامه القومي :
السيد / عبدالمنعم سليمان .. المحترم
حزب الامه القومي - الامانه العامه
نهنئكم بحلول عيد الفطر المبارك اعاده الله علينا وعليكم باليمن والخير والبركات والبلاد ترفل في الرفاهيه والكرامه والديمقراطيه والسلام الشامل والعادل والتنميه المتوازنه.
بهذه المناسبه يتلقي السيد / الصـادق المهدي
امام الانصار ورئيس الحـزب
التهاني من الدبلوماسيين والاعلاميين وقيادات القوي السياسيه ثاني ايا العيد بدار الامه بامدرمان في الفتره من الساعه الحاديه عشر صباحا الي الساعه الواحده ظهرا .
مع اطيب الاماني واجمل التهاني .
شكرا سيدي الامام امام الانصار والديمقراطيه وامامنا جميعا ..
نحبك ونحترمك ونقدرك ..
وعيدك مبارك يا رئيسنا الشرعي وجعل ايامك كلها اعياد ..
و قدله يا مولاي حافي حالق بالطريق الشاق الترام ..
|
Post: #2
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: lana mahdi
Date: 10-17-2006, 07:12 PM
Parent: #1
الحبيب عبدالمنعم
كل عام و أنت بألف خير
تحية و تقدير و Keep the good work
وأخبار الداخل
لتا
|
Post: #3
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: محمد عبدالله هارون
Date: 10-17-2006, 07:13 PM
Parent: #1
Quote: نحبك ونحترمك ونقدرك ..
وعيدك مبارك يا رئيسنا الشرعي وجعل ايامك كلها اعياد .. |
الله أكبر ولله الحمد
|
Post: #4
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: عبد المنعم سليمان
Date: 10-17-2006, 07:16 PM
Parent: #1
الحبيبـــــــــه لنا
كل عام وانتم بخير وربنا يجعل ايامك وكل السودان بخير وعافيه ..
امييييييييييييييييييين يا اللــــــــــــــــــــــــــه ..
السنه الجايا رئيسنا الصادق الشرعي راجع يا رب ..
وفي العيد ايضا لن نصادق غير الصــــــــــادق
منعم
|
Post: #5
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: عبده عبدا لحميد جاد الله
Date: 10-17-2006, 07:43 PM
Parent: #4
العزيز عبدالمنعم كل سنة وانت بخير
والوطن بخير ويناد عليك العيد وتعود الديمقراطية..
التحية موصولة الى السيد الإمام الرجل المبدأ الذي ظل متمسكاً بمواقفه ومتماسكاُ رغم المغريات احياناً والمضايقات احياناً ايماناً منه بالحرية والتعددية وسيظل على العهد انشاء الله..
|
Post: #6
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: hatim ibrahim
Date: 10-17-2006, 08:21 PM
Parent: #1
.
| Quote: شكرا سيدي الامام امام الانصار والديمقراطيه |
جملة صحيحة
جملة غير صحيحة
وكل عام والجميع بألف خير
.
|
Post: #7
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: محمد حسن العمدة
Date: 10-18-2006, 08:56 AM
Parent: #6
Quote: جملة صحيحة
Quote: وامامنا جميعا ..
جملة غير صحيحة |
يعني تاني الا الواحد يجي داخل المنبر بسيبويه والخليل ولا شنو
عموما كل سنة والامام و ( جميعنا ) بخير
ـــــــــــــــــــــــــــــــــــــــــــــــــ
عبد المعنم سلام
هل تعمل في احدى الصحف اليومية ؟؟؟؟ رئيس تحرير مثلا ؟؟؟
|
Post: #8
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: عبد المنعم سليمان
Date: 10-18-2006, 09:17 AM
Parent: #1
اخي حاتم
تحياتي وتقديري
انا لست برئيس تحرير ولكنني كنت مسئول اعلامي لجبهه الشرق
وبي عشق للامام ووللامه وللسودان ..
تحياتي
منعم
|
Post: #9
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: Abureesh
Date: 10-18-2006, 11:03 AM
Parent: #8
الأخ عبد المنعـم،
أولا عيـد مبارك عليك وعلى السيـد الصـادق وكل الأحباب..
لكن يا حبيب ات دقسـت (معليش)!!
أقـرأ الرسالـة مرة أخـرى.. دى ما بطاقـة معايـدة من السيـد لك، وإنما هى دعـوة لأن تقوم أنت وتذهب للمعايـدة على الصـادق فى الزمان والمكان المحـددين!!.. ولقـد كتبهـا منظم المناسبـة (مناسبـة مباركـة العيـد للسيـد)..
|
Post: #10
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: lana mahdi
Date: 10-18-2006, 11:12 AM
Parent: #9
Quote: لكن يا حبيب ات دقسـت (معليش)!!
أقـرأ الرسالـة مرة أخـرى.. دى ما بطاقـة معايـدة من السيـد لك، وإنما هى دعـوة لأن تقوم أنت وتذهب للمعايـدة على الصـادق فى الزمان والمكان المحـددين!!.. ولقـد كتبهـا منظم المناسبـة (مناسبـة مباركـة العيـد للسيـد)..
|
صح يا حبيب ابو ريش
الكتب الصيغة ما وفق
كانت مفترض تكون (تبادل تهاني العيد) و ليس (تلقي تهاني العيد)
ولكن أعتقد أن كاتب الصيغة ركز على أن من ضمن المدعوين (دبلوماسيين) ومنهم من هم غير مسلمين فهؤلاء تتلقى منهم التهاني لأن العيد عيد الفطر،و الأحوط كان أن يكتب (إستقبال الزوار بمناسبة العيد).
أها كدي كويس؟؟؟
محبتي
|
Post: #11
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: Abureesh
Date: 10-18-2006, 11:25 AM
Parent: #10
| Quote: اول بطاقه معايده واجمل بطاقه تلقيتها اليوم من حزب الامه القومي ومن السيد / الصادق المهدي امام الانصار ورئيس حزب الامه القومي |
الحبيبـة لنـا،
فهمنـا وتفهمنـا تفسيـرك للرسـالـة، وتصحيح الخطأ والتأويل وهلمجـرا..
لكن حكايـة وصلتى رسـالـة تهنئـة من السيـد الصـادق.. دى يهضمـوهـا بشنـو؟
زمان كان عندنـا أستـاذ تأريخ إيطالى اسمـو أبونـا هنرى.. Father Henery وكان يشـرح لينـا الفرق بين History and Story
فقال لو الواحـد قال أنو أمس فطـر فول، دا اسمـو History، أما لو قال انو سـافـر للمملكـة المتحـدة، وكانت الأميـرة أان فى انتظاره فى المطار، فهـذه اسمهـا قصـة.
|
Post: #12
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: elhindi
Date: 10-18-2006, 12:02 PM
Parent: #11
يا ملاسي ..أخوي
تفتكر بطاقة الأمام دي بتكون جات للسيد(بيجو) ولا جات للحاج وراق ؟؟؟؟؟؟؟؟؟
|
Post: #13
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: elhindi
Date: 10-18-2006, 12:05 PM
Parent: #12
| Quote: التهاني من الدبلوماسيين والاعلاميين وقيادات القوي السياسيه |
وانت شنو في ديل ؟؟؟؟؟؟؟؟؟
|
Post: #14
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: elhindi
Date: 10-18-2006, 12:16 PM
Parent: #13
| Quote: انا لست برئيس تحرير ولكنني كنت مسئول اعلامي لجبهه الشرق |
صدقناك...
طيب..علاقة الحاج وراق شنو بجبهة الشرق ؟؟؟؟؟؟
وكنت مسؤول اعلام ؟؟ ورفدوووك ؟
عشان كده وقعوا الاتفاق بعد ما رفدوووك ؟؟؟
لكن ما مشكلة.. لو خليت القعاد مع ستات الشاي امكن تلقى منصب رئيس لجنة شعبية ؟؟
|
Post: #15
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: elhindi
Date: 10-18-2006, 12:39 PM
Parent: #14
أمانة ما اتكشفت .. يا بيجو(404) وطلعت ( ركشة )..!!!!
طبعاً راجي الطاهر ساتي لحدي مايجي ويرد باسمك ..
انت وكت مابتعرف تكتب ..الشلاقة ليك شنو ؟؟؟؟؟
|
Post: #17
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: elhindi
Date: 10-18-2006, 01:01 PM
Parent: #16
Quote: عشان تصدقوا انو عبد المنعم سليمان
ابسط من انو يكون كاتب هذا البوست: |
وابسط...
وابسط من ( ستات الشاي ) ...!!!
|
Post: #18
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: عبدالكريم الامين احمد
Date: 10-18-2006, 01:15 PM
Parent: #16
| Quote: لو خليت القعاد مع ستات الشاي امكن تلقى منصب رئيس لجنة شعبية ؟؟ |
ست الشاي يا الهندي تاكل من عرق شريف وجبين يصبر علي هجير ونار الكانون
لتربي وتطعم الفقراء ابناها الجياع في دولتكم التي حولت نسبة عالية من نساء الوطن
الي ست شاي,,,
ست الشاي يا حبيبي انبل النساء وركبن الكانون في ظل هذه السلطة الجائرة
ولو كان هنالك عدالةوديمقراطية حقا الكثير من الجربندية الذين
يملون الساحة اليوم ضجيجا وكذبا صراح..هم من عليهم بيبع الشاي في اركان الخرطوم
ولست النبيلات الفقيرات الصابرات المهمشات في اطراف الخرطوم...
|
Post: #19
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: elhindi
Date: 10-18-2006, 04:33 PM
Parent: #18
| Quote: ست الشاي يا حبيبي انبل النساء وركبن الكانون في ظل هذه السلطة الجائرة |
يعني قبل (السلطة الجائرة ) دي ماكان في ستات شاي ؟؟؟!!!!!!
داك وعرفناهو (بيجو )..انت ( هنتر) .. ولا شنو؟؟؟؟
نضال جديد ده ..نضال ستات الشاي بالهبهان.!!!
|
Post: #20
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: عبدالكريم الامين احمد
Date: 10-18-2006, 04:43 PM
Parent: #19
سوري مستر هندي
انت صاحب قول ساقط وخطاب متدني ولك لغة تشبهك تماما
فعذرا ايها الهندي انت فاشل امامي تماما في اختبار الاهلية
لذا لن تراني انساق خلف تلكم اللغة الهابطة التي تضج بها مداخلتك
التي لايندهش منها احد هنا في هذا الموقع,,,,,!!!!
|
Post: #21
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: عبدالكريم الامين احمد
Date: 10-18-2006, 04:51 PM
Parent: #20
| Quote: نضال جديد ده ..نضال ستات الشاي بالهبهان.!!! |
ناتي الي الجزء الاهم الذي يبرز جهلك الموكد
نضال ست الشاي ده النضال الجاب قرنق
وده النضال الجاب مانديلا
وده النضال الجاب كل المناضلين الحقيقين الذين يناضلون من اجل الفقراء في هذا العالم..
لا تبخس ست الشاي ..فهي ملهمة لثورات واشعار وكتب وتقام من اجلها الدنيا ولا تقعد
عند الذين يحسون بقيمة الانسانية الحقة ...!!!!!
|
Post: #22
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: عبد المنعم سليمان
Date: 10-18-2006, 05:51 PM
Parent: #1
اخي عبد الكريم ..
تحياتي وتقديري ..
ما يقوله الهندي لا تبني عليه ودعه يا كريم فانه جبان ونشكر عمار الذي وضعه في هذا الموقف ليكتب باسمه بعد ان كان ينتحل شخصية غيره ولماذا ؟؟ ..
ست الشاي الفاضله عائشه تجلس امام صحيفه الصحافه محلها منتدي للمثقفين والشرفاء الذين لا يجالسون امثال الهندي , نجلس معها بعد العيد انشاء الله يوميا مساء في جلسه تضم رجال وشرفاء اخي كيكي امثال الاستاذ الحاج وراق , الاستاذ غازي سليمان , الاستاذ الطاهر ساتي , والدكتور انس حمدان والدكتور اسامه جريمه من حزب المؤتمر والذين يعرفهم الهندي جيدا وجيدا من الصحفيين الشرفاء الاستاذ احمد يونس من الراي العام والاستاذ طلال حسب الله والاستاذ اباذر من راي الشعب والاستاذ علاء الدين بشير من الصحافه والاستاذ عارف الصاوي والدكتور اولاو دينق من الحركه الشعبيه واخرون لا يعرفهم الهندي ولا يتشرفون ..
نتشرف جدا بالجلوس مع تلك المراه الفاضله الحاجه عائشه ونستانس جدا بصحبه الشرفاء من الذين ذكرتهم ولم اذكر ..
الامام الصادق المهدي كنت ضيفامن ضمن العشرات من الضيوف على مائدته الكريمه ابان زياره الامير الحسن الشهر الماضي واتشرف بذلك جيدا ولا انسي ما حييت ..
صحف الامس المحترمه الصادره امس كتبت مانشيت وباسمي نيابه عن اهلي في الشرق وراجع صحيفه راي الشعب امس الثلاثاء 17 اكتوبر 2006 .
الاستاذ طلال حسب الله عضو بالمنبر ويجالسنا ونستانس رغم اختلاف الفكره والسياسه وقد يرد ليؤكد كيف اننا نجلس ونستمتع بالجلوس مع عائشه المراه الشريفه الكريمه والفاضله التي تاكل من عرق جبينها فمن اين ياكل السيد الهندي ؟؟ وباي عرق ؟؟ وانظر اخي كريم للقروي الذي يعيرنا ونحن نجوب البلدان والقارات ثم نفتخر ونجلس مع عائشه التي هي اصلنا الذي نفتخر به و التي تعاني لتاكل اطفالها الحلال البين وهي التي هجرت من دارفور بفعل جرائم الانقاذ وعنصريه امثال الهندي ثم لا تسلم منهم وهي المستجيره غصبا عنها ومن لسانهم ..
الهندي اخي كريم لو تحدثنا بمثل طريفه حديثه لانتصرنا وبشهود عدل وبدون افتراء ولكننا نترك الخاص الا حين نجبر و نتحدث عن دوره المايع في الانقاذ الفاسده ويهمنا ذلك ..
والهندي فاكر نفسوا بنبذ فينا هوووي يا هندي امك مسكينه ورد الله غربه اخونا حميد الاخيره ..
تريد ان تعرف الانقاذ اخي كريم , انظر لمستوي الهندي الدراسي (اكمال الثانوي) ثم انه نائب رئيس تحرير صحيفه وفي هذا العمر ثم فكر ولك الامر اخي كريم ان تضحك ..
تحياتي كريم وتشكراتي ثم لا نعود الا اذا عاد ..
شكرا
اخوك ابدا
منعم
|
Post: #23
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: محمد حسن العمدة
Date: 10-18-2006, 07:41 PM
Parent: #22
Quote: يا ملاسي ..أخوي
تفتكر بطاقة الأمام دي بتكون جات للسيد(بيجو) ولا جات للحاج وراق ؟؟؟؟؟؟؟؟؟ |
الهندي .. ايه السخف البتعمل فيهو ده يا اخي عليك الله احترم على الاقل المهنة الانت بتعمل فيها دي .. موش ممكن ابدا يكون ده اسلوب صحفي ( محترم ) وحقيقه ده بيدل على انك فعلا خريج صحافة الانقاذ قلب الشارع ونبض الكاركاتير والوان ... الخ الخ
اللهم ارحم محمد طه محمد احمد لو كان يدري ان تلميذه سيكون بهذا المستوى لما كتب حرفا ابدا
|
Post: #24
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: Ahmed Abdallah
Date: 10-18-2006, 08:06 PM
Parent: #1
اني اشتم رائحة نتنة هنا
هل الهندي عزالدين موجود
افييييييييييييييييييييي
|
Post: #25
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: Ahmed Abdallah
Date: 10-18-2006, 08:10 PM
Parent: #24
| Quote: تريد ان تعرف الانقاذ اخي كريم , انظر لمستوي الهندي الدراسي (اكمال الثانوي) ثم انه نائب رئيس تحرير صحيفه وفي هذا العمر ثم فكر ولك الامر اخي كريم ان تضحك .. |
WELL SAID
|
Post: #26
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: hatim ibrahim
Date: 10-18-2006, 09:36 PM
Parent: #1
.
ود العمدة
ازيــــــك
| Quote: يعني تاني الا الواحد يجي داخل المنبر بسيبويه والخليل ولا شنو |
اطلاقا ما قصدت انو في خطأ لغوي في جملة ( امامنا كلنا )
بس قصدت ألفت عبد المنعم : ما صاح انو الصادق المهدي ( امامنا كلنا )
نحبه .. نحترمه .. نقدره دي غالبية السودانيين معاك فيها، وممكن نضيف ليها انو كتيرين - وأنا منهم - مصابين بـ ( خيبة أمل ) بعد موقفو المؤيد لدخول قوات أممية لدارفور...
امام الانصار دي بديهية ومؤكدة..
لكن ( امامنا كلنا ) دي ما صح يقولها زول بيؤمن بالديمقراطية ..
وكل عام والجيميع بخير
.
|
Post: #27
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: خالد ماسا
Date: 10-19-2006, 03:43 AM
Parent: #1
Quote: أمانة ما اتكشفت .. يا بيجو(404) وطلعت ( ركشة )..!!!!
طبعاً راجي الطاهر ساتي لحدي مايجي ويرد باسمك ..
انت وكت مابتعرف تكتب ..الشلاقة ليك شنو ؟؟؟؟؟ |
طـــــق لـــذوي الاحتياجات الخاصه ..
- وأنت يا صحفي زمانك كنت راجي " عينة عمار" يحارب ليك بالوكاله ..
- أقلاها كان تختار زول " كامل الاهليه " و" غالي شويه" مش ارخص "حدوة حصان "
- وأنت وكت الصراع شعر ما عندك ليهو رقبه ولا " أخلاق " مكتر كركارو مالك ؟؟
|
Post: #28
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: عبد المنعم سليمان
Date: 10-19-2006, 08:55 AM
Parent: #1
شكرا الاخوه محمد .. احمد وتحياتي وتقديري ..
دع الهندي يكمل فيلمه الهندي الممل ويفضح فكره الخاوئ والسقيم ..
ما يفعله الهندي هنا يؤكد الانحطاط الصحفي والذي هو امتدادا للسرقات التي نكشفها هما في البورد ..
الهندي اخوتي لا يقصد ان يسبني هنا فقط ولو طلبتم منه ان يمدحني لكتب بنفس المفردات .. من اين له اللغه العاليه والمفردات الكثيره التي يختار منهاما يكتب وهو صاحب الثقافه المتدنيه والمؤهل التعليمي البسيط ..
ما يفعله يجعلنا نشعر باننا نحقق الهدف الذي كتبنا من اجله وفي طريقنا الصحيح وسننجح ..
كسره : الاخ حاتم
تحياتي انا لست بحزب امه ولا من الانصار ما اكتبه هنايؤيد كل ديمقراطي غض النظر عمن هو .. والديمقراطي هناالصادق المهدي الذي احبه لصدقه ووطنيته وديمقراطيته ..
امامنا جميعا اقصد بها اماما للديمقراطيه اي كرمز يقف وحيدا مع الاستاذ نقد ضد الانقاذ ..
اعتذر لك .. الصادق سيظل امامي انا واماما لمن يريدمن الديمقراطيين واماما الانصار جميعا ..
للصادق حب كبير في نفسي جعلني افتح هذا لبوست ..
اصحح سوء فهمك لي او ظنك بي ..
اخوك ..
منعم
|
Post: #29
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: محمد حسن العمدة
Date: 10-19-2006, 09:39 AM
Parent: #28
| Quote: اطلاقا ما قصدت انو في خطأ لغوي في جملة ( امامنا كلنا ) |
ابدا يا حاتم ولا انا فقط حبيت امزح معاك
وكل سنة وانت والجميع بخير وعافية
والقابلة زي ما عاوزين
|
Post: #30
Title: Re: بطاقه معايده .. شكرا الامام الصادق المهدي .. نحبك ونحترمك ونقدرك كثيـــــــــرا ..
Author: عبد المنعم سليمان
Date: 10-19-2006, 09:48 AM
Parent: #1
الاخ الصديق الفاضل
ماســـــــــــــا
احترامي الاكيد ..
هل لي ان استلف عبارتك الشهيره عن اهل الانقاذ الساقطون لا يسقطون ..
المسكين قايل نفسوا بنبذ فينا يا خالد ..
مكتوب علي عائشه المراه الكريمه الفاضله وكل اهلنا من دارفور والجنوب ان يلاقواالسخريه والاستهزاء من الهندي وامثاله الذين ياكلون سحتا ونفاقا ودناءة ..
اشوفك مع عائشه
تحياتي
منعم
|
|