Post: #1
Title: لعناية السيد/ محمد المرتضى حامد.
Author: mamkouna
Date: 10-16-2006, 08:24 PM
؟؟؟؟؟؟؟
|
Post: #3
Title: Re: لعناية السيد/ محمد المرتضى حامد.
Author: Ahmed al Qurashi
Date: 10-17-2006, 06:39 AM
Parent: #2
ليس محمد المرتضى وحده الذى اختفى فى بوست الحزن فى الاغنية السودانية انت ايضااختى ممكونة افتقدناك...واقول للاخ مرتضى جاييك لنغيم فاهك وانت سيد بيت عشان كده أخرناك شويه واهتمينا بالضيوف الجدد ...فى انتظارك انت والاخت ممكونة .... وعرفت من مداخلة للمهندس ابوبكر انك تعانى من المايغرين الف سلامةواعتذر لاننى لم اتصل خلال الايام الماضية.
|
Post: #4
Title: Re: لعناية السيد/ محمد المرتضى حامد.
Author: mamkouna
Date: 10-17-2006, 08:49 AM
Parent: #1
أخي الكريم ..دكتور أحمد القرشي..
بوست الحُزن هو أول ما أطلع عليه عند دخولي عالم النت ...و تقريباً ساكنة فيهو سُكنة!!
أتابعه بكل إستمتاع..و قد أضافت مداخلتى الأصدقاء..عصمت العالم و عاصم البنا..الكثير.المُثير..الخطر...
إفتقدت الأخ محمد المرتضى و مشاركاته خفيفة الظل....
أتمنى له عاجل الشفاء من الصُداع..
تحياتي و سلامي الشديد ليهو.
|
Post: #5
Title: Re: لعناية السيد/ محمد المرتضى حامد.
Author: فاروق حامد محمد
Date: 10-17-2006, 09:14 AM
Parent: #4
الأخت ممكونة
رمضان كريم
أنا أيضا أفتقد شقيقي محمد المرتضى بشدة وأسال الله أن يكون
على أتم صحة وعافية ولا أدري لماذا لا يرد على الهاتف
اخوكما/فاروق حامد
|
Post: #6
Title: Re: لعناية السيد/ محمد المرتضى حامد.
Author: محمد المرتضى حامد
Date: 10-17-2006, 05:40 PM
Parent: #5
أختنا ممكونه
نحن برضو بنتمكن
شوية حاجات قديمه بتجدد والحمد للمولى
شكرا لك يا عزيزه ،
شكرا أخي فاروق
شكرا باشمهندس أبوبكر
شكرا تمبس
شكرا جزيرة مصيره
وتاني شكرا ياممكونه ، ماتشوفي شر
|
Post: #7
Title: Re: لعناية السيد/ محمد المرتضى حامد.
Author: الطيب شيقوق
Date: 10-19-2006, 08:03 AM
Parent: #6
شكرا ليك الاخت ممكونة على هذا البوست الذى ادركته للتو
يا الله سلامتك يا المرتضى وربنا يعافيك ويديك العافية
|
Post: #8
Title: Re: لعناية السيد/ محمد المرتضى حامد.
Author: محمد ابراهيم قرض
Date: 10-19-2006, 08:13 AM
Parent: #1
جاتنا نيلة في حظنا الهباب ..
مافي زول يتفقدنا ...
لكن سلامتك يا مرتضى ..
أنت أقوى من المايغرين و المايونيز ..
اتبخر و اتغرغر بالقرض تجد ما يسرك ..
و كل سنة و انت طيبة يا ممكونة ...
|
Post: #9
Title: Re: لعناية السيد/ محمد المرتضى حامد.
Author: mamkouna
Date: 10-19-2006, 04:37 PM
Parent: #1
الأخوان الأعزاء..
فاروق حامد..
محمد المرتضى حامد..كفٌارة و سلامتك..
الطيب شيقوق..
محمد إبراهيم قرض..
شكراً على مروركم البهي..
نتمنى عاجل الشفاء للأخ مرتضى..
|
Post: #10
Title: Re: لعناية السيد/ محمد المرتضى حامد.
Author: فاروق حامد محمد
Date: 10-19-2006, 05:22 PM
Parent: #9
الأخت العزبزة ممكونة
تالله والذي نفسي ونفسك بيده ان بورداب السلطنة هم أجمل
وأظرف وألذ ناس في هذا المنبر وهم دون ترتيب :
- ممكونة
- الطيب شيقوق
- محمد المرتضى حامد
- د. أحمد القرشي
- الشاعرة أسماء الجنيد
- المهندس أبوبكر سيد أحمد (رغم انه من دبي لكنني "أحسبه" من السلطنة)
- محمد ابراهيم قرض
ويليهم في الظرف بورداب الدوحة وعلى رأسهم أبوساندرا وحرمه وكل
بورداب الدوحة بما فيهم الظلاميون "أول مرة أشوف ظلاميين ظراف"
وهم ظلاميو الدوحة.
وبالطبع هناك أناس في هذا المنبر ليس هناك أجمل منهم
ال ان الحديث هنا عن السلطنة ( شوف الاسم ذاته حلو كيف : "السلطنة")
فاروق حامد
|
Post: #11
Title: Re: لعناية السيد/ محمد المرتضى حامد.
Author: الجيلى أحمد
Date: 10-19-2006, 05:29 PM
Parent: #10
| Quote: - محمد ابراهيم قرض |
| Quote: ال ان الحديث هنا عن السلطنة ( شوف الاسم ذاته حلو كيف : "السلطنة") |
يااخى بطل مجاملات..
|
Post: #12
Title: Re: لعناية السيد/ محمد المرتضى حامد.
Author: mamkouna
Date: 10-19-2006, 06:09 PM
Parent: #10
Quote: تالله والذي نفسي ونفسك بيده ان بورداب السلطنة هم أجمل
وأظرف وألذ ناس في هذا المنبر وهم دون ترتيب :
- ممكونة
- الطيب شيقوق
- محمد المرتضى حامد
- د. أحمد القرشي
- الشاعرة أسماء الجنيد
- المهندس أبوبكر سيد أحمد (رغم انه من دبي لكنني "أحسبه" من السلطنة)
- محمد ابراهيم قرض |
الأخ العزيز فاروق..
تا الله..أنا معاك إنو الناس القلتهم ديل من أجمل و أظرف و ألذٌ ناس في المنبر..و لي عظيم الشرف إني أكون وسطهم..(( أنا لاقية؟؟!!))!!
لكن بصراحة أنا من بورداب الخرطوم و بالتحديد من (( بطن بيتي ))...و (( السلطنة )) دي بعيني ما شُفتها..!! تصدق؟!!
عليك الله ما تشطبني من القائمة..!!
|
Post: #13
Title: Re: لعناية السيد/ محمد المرتضى حامد.
Author: فاروق حامد محمد
Date: 10-19-2006, 06:27 PM
Parent: #12
Quote: الأخ العزيز فاروق..
تا الله..أنا معاك إنو الناس القلتهم ديل من أجمل و أظرف و ألذٌ ناس في المنبر..و لي عظيم الشرف إني أكون وسطهم..(( أنا لاقية؟؟!!))!!
لكن بصراحة أنا من بورداب الخرطوم و بالتحديد من (( بطن بيتي ))...و (( السلطنة )) دي بعيني ما شُفتها..!! تصدق؟!!
عليك الله ما تشطبني من القائمة..!! |
تالله كنت أظن أنك بمسقط ومن بورداب السلطنة وما دمنا أضفنا أخي النوبي النبيل
(أبوبكر) الى بورداب السلطنة وهو يعمل ويقيم بدبي فسنبقيك ضمن بورداب مسقط
وبعدين يا ممكونة انت بتتشطبي .... ان شاء الله يوم شطبك ما يجي.....
ومن أبوظبي لك (وللخرطوم حبيبتي) كل المحبة والاعزاز...( لم أرها منذ 17 عاما)
أتابع باعجاب كل مساهماتك الرائعة الجميلة....
ودمت أنت وأسرتك الكريمة ....... " والخرطوم "
فاروق حامد
|
Post: #15
Title: Re: لعناية السيد/ محمد المرتضى حامد.
Author: mamkouna
Date: 10-20-2006, 04:36 AM
Parent: #13
| Quote: وبعدين يا ممكونة انت بتتشطبي .... ان شاء الله يوم شطبك ما يجي..... |
ده أحلى تعليق إسفيري!!
تسلم يا أخ فاروق
و كل سنة و إنت طيب.
|
Post: #14
Title: Re: لعناية السيد/ محمد المرتضى حامد.
Author: محمد ابراهيم قرض
Date: 10-20-2006, 04:24 AM
Parent: #1
- Quote: ممكونة
- الطيب شيقوق
- محمد المرتضى حامد
- د. أحمد القرشي
- الشاعرة أسماء الجنيد
- المهندس أبوبكر سيد أحمد (رغم انه من دبي لكنني "أحسبه" من السلطنة)
- محمد ابراهيم قرض |
فاروووق ..
بصفتي شيخ الجالية بالسلطنة أشكرك
على مشاعركم الرقيقة نحو الجالية ..
أما ممكونة فقد كانت معنا لمدة من
الزمن .. لكن دقوا ليها خروج من
غير عودة ... و كل سنة و انت طيب ..
ملحوظة:
ياخي ما تعمل لينا دعوة لأمريكا دي !!
|
Post: #16
Title: أحسن ليك...
Author: mamkouna
Date: 10-20-2006, 04:43 AM
Parent: #14
| Quote: بصفتي شيخ الجالية بالسلطنة |
Quote: أما ممكونة فقد كانت معنا لمدة من
الزمن .. لكن دقوا ليها خروج من
غير عودة .. |
عزيزي المواطن..
إحذر الشائعات...!!!
|
Post: #17
Title: Re: لعناية السيد/ محمد المرتضى حامد.
Author: محمد ابراهيم قرض
Date: 10-20-2006, 05:42 AM
Parent: #1
Quote: عزيزي المواطن..
إحذر الشائعات...!!! |
ما تخلينا نتفسح شوية ..
غربة و كمان حالا فقر ..
|
Post: #18
Title: Re: لعناية السيد/ محمد المرتضى حامد.
Author: الطيب شيقوق
Date: 10-20-2006, 12:26 PM
Parent: #17
Quote: ما تخلينا نتفسح شوية ..
غربة و كمان حالا فقر |
..
اتجدع ساى يا دكتور قرض البوست بوستك
تحياتي
|
Post: #19
Title: Re: لعناية السيد/ محمد المرتضى حامد.
Author: محمد ابراهيم قرض
Date: 10-20-2006, 12:36 PM
Parent: #1
| Quote: اتجدع ساى يا دكتور قرض البوست بوستك |
ده الكلام يا شيقوق ..
و لو كره الممكونون ..
كل سنة و انت طيب ..
|
Post: #20
Title: Re: لعناية السيد/ محمد المرتضى حامد.
Author: الطيب شيقوق
Date: 10-20-2006, 04:44 PM
Parent: #19
Quote: ده الكلام يا شيقوق ..
و لو كره الممكونون ..
كل سنة و انت طيب .. |
لا لا . مع مراعاة عدم التغول على مساحات الغير الممكونين
كل عام وانت بخير
|
Post: #21
Title: Re: لعناية السيد/ محمد المرتضى حامد.
Author: ASIM AL BANNA
Date: 10-20-2006, 10:53 PM
Parent: #1
ياود حامد اخوى كفارة وسلامة والله يا ابراى
ضربت عندك اميه عوجت عمودالجمب لوت الياى
سببك يالحنين الجكه وشراب العصير والشاى
مع احمد وعاصم وعصام اخوناالى مابقعد ساى
رمضان قرب ياللزوم يومين والعيد قريب جاى
تحياتى لى حيدر والسبحه شكلها سبحة هناى
كان ما خمج بالصح جارك يمرض تسيبو فى القلاى
(نقوم نلملم شغلاتنا ديل بلا عاصم البنا بلا لخمه )
ياخى سحروك والله فى الاربعه كيلو .... لوغات .... شرك مقسم يا ابو اكرم
تعرف تكون بتعاين كتير لى عين ممكونه الشمال دى ....
شكرا يا ممكونه لانك فضحتى لى صاحبى الماجاب لى سيرة وبينى وبينو فى كلامات
|
Post: #28
Title: Re: لعناية السيد/ محمد المرتضى حامد.
Author: محمد المرتضى حامد
Date: 10-22-2006, 08:19 AM
Parent: #21
Quote: ياود حامد اخوى كفارة وسلامة والله يا ابراى
ضربت عندك اميه عوجت عمودالجمب لوت الياى
سببك يالحنين الجكه وشراب العصير والشاى
مع احمد وعاصم وعصام اخوناالى مابقعد ساى
رمضان قرب ياللزوم يومين والعيد قريب جاى
تحياتى لى حيدر والسبحه شكلها سبحة هناى
كان ما خمج بالصح جارك يمرض تسيبو فى القلاى
(نقوم نلملم شغلاتنا ديل بلا عاصم البنا بلا لخمه )
ياخى سحروك والله فى الاربعه كيلو .... لوغات .... شرك مقسم يا ابو اكرم
تعرف تكون بتعاين كتير لى عين ممكونه الشمال دى ....
شكرا يا ممكونه لانك فضحتى لى صاحبى الماجاب لى سيرة وبينى وبينو فى كلامات |
ياعاصم
عملت print out وسلّمتها لمن يهمه الأمر
والله العظيم حيدر بعد التراويح مباشرة جا شايل العلاج والحجاب ، لكن لو المره دي طلع فشوش أو الحجاب expired حايكون عندي معاهو كلام تاني ، بل بلاغ احتيال .
انت ياعاصم العين الشمال دي عين ممكونه وانا ماعارف الزمن ده كلو أقول ده شنو ياربي.
شكرا لصاحب البوست (قرض).
|
Post: #22
Title: Re: لعناية السيد/ محمد المرتضى حامد.
Author: محمد أبوالعزائم أبوالريش
Date: 10-21-2006, 01:37 AM
Parent: #1
مرتضى سلامتك .. والما بشبهوك كرامتك.
ووصيتي تبعد شوية من محمد الطيب وجميع الحبوبات.
أوافق القائل بإنو بورداب السلكنة أحلى ناس ..
ورغم مغادرتي السلطنة من وقت ليس بالقصير
إلا إني لا زلت أحس بالإنتماء..
ياخي بعد الشر عليك .... وشكراً كتير يا ممكونة
|
Post: #23
Title: Re: لعناية السيد/ محمد المرتضى حامد.
Author: محمد المرتضى حامد
Date: 10-21-2006, 08:04 AM
Parent: #22
الطيب شيقوق: يا ما ناسينا
دّ. قرض (صيادله ماعندهم عشره ، وين حبوب IMIGRAN - 50 - انتاج Glaxo ؟ بس تعرفوا تتونسوا ونحن صاحيين وتنسونا ونحن ممكونين )
فاروق.. شكرا يابركه على المتابعه الهاتفيه ، ماتشوف شرّ.
الجيلي : والله أضحكتني على قرض. كان عايز يسيطر على الموقف براهو.
عاصم : طبعت القصيده لمن يهمهم الأمر للتوزيع قبل البيتش.
محمد أبوالعزائم: مشكور ياعزيز وسمعت انك جاي تعيد مع السني, برجاك.
المهندس أبوبكر : شكرا لك ياعظيم.
شكري لكل من سأل عني بأي وسيلة والحمدلله مافي أصلا شي ... وهمتيني ياممكونه ، هو الميقرين ده بقى جزء من الحياه..
لكم جميعا أجمل التهاني بالعيد السعيد أعاده الله على السودان وست البوست البقت (مانسايه) للعشره. ولكم جميعا قراء ومتداخلين. كل عام وانتم بألف خير.
محمدالمرتضى
|
Post: #24
Title: Re: لعناية السيد/ محمد المرتضى حامد.
Author: Tumadir
Date: 10-21-2006, 04:31 PM
Parent: #23
سلامتك وألف عزيز كرامتك ..
يا مرتضى
بالله دى طريقة دى مع اقوال السودان "الماسورة" دى ..يعنى الزول يضحى بـــــ1000 عزيز عشان عزيز تانى؟
خوة ما تسوى بصلة ..
وبما أنك طلعت بتاع "غنا" ..مفروض صاحبك تمبس ينزل ليك
فى غفلة رقيبى
رحت ازور حبيبى
لقيتو شوية حاسى ..
قال لى عندى حمى
وبى صداع ألم
وبحديث دبلوماسى
قالى نورى ماسى
احذر التماسى
والله يا ممكونة ومرتضى وما عليكم مدسة أنا مرضت مرض فى الآيام الفاتت دى قربت أموت
لكن طبعا نحن ما وصلنا الدرجة دى من الأهمية عشان ينسئل عننا .
المهم..دمتم لذاذا ..
كل عام وأنتم بخير ..وسلامتكم كلكم من كل شر.
|
Post: #25
Title: Re: لعناية السيد/ محمد المرتضى حامد.
Author: فاروق حامد محمد
Date: 10-21-2006, 05:24 PM
Parent: #24
Quote: والله يا ممكونة ومرتضى وما عليكم مدسة أنا مرضت مرض فى الآيام الفاتت دى قربت أموت
لكن طبعا نحن ما وصلنا الدرجة دى من الأهمية عشان ينسئل عننا .
المهم..دمتم لذاذا ..
كل عام وأنتم بخير ..وسلامتكم كلكم من كل شر. |
ألف لا بأس عليك يا أستاذة تماضر وان شاء الله ما تشوفي شر
والله لو كنا نعرف لفتحنا لك 50 بوست دعاء لشفائك فأنت من
أجمل أعضاء هذا المنتدى وأكثرهم صدقا واسهاما جادا في
كل ما يتعلق بقضايا الوطن وهموم أهله ويسرني أن أقول لك
انك من أحسن الناس أسلوبا ولغة لا لحن فيها ولا أخطاء كما
نرى من معظم ما يكتبون هنا وفي الصحف من أصحاب الألقاب الأكاديمية
وغيرهم ممن "يمتهنون" الكتابة من سودانيين وعرب.
تحياتي لك وكل عام وأنت وعيالك وكل أفراد أسرتك الكريمة بألف خير.
أخوك/فاروق حامد
|
Post: #26
Title: Re: لعناية السيد/ محمد المرتضى حامد.
Author: Tumadir
Date: 10-21-2006, 05:29 PM
Parent: #25
Quote: ألف لا بأس عليك يا أستاذة تماضر وان شاء الله ما تشوفي شر
والله لو كنا نعرف لفتحنا لك 50 بوست دعاء لشفائك فأنت من
أجمل أعضاء هذا المنتدى وأكثرهم صدقا واسهاما جادا في
كل ما يتعلق بقضايا الوطن وهموم أهله ويسرني أن أقول لك
انك من أحسن الناس أسلوبا ولغة لا لحن فيها ولا أخطاء كما
نرى من معظم ما يكتبون هنا وفي الصحف من أصحاب الألقاب الأكاديمية
وغيرهم ممن "يمتهنون" الكتابة من سودانيين وعرب.
تحياتي لك وكل عام وأنت وعيالك وكل أفراد أسرتك الكريمة بألف خير.
أخوك/فاروق حامد |
تم طبعها و(تلصيقها) على حائط قريب من الحاسوب حتى تقرأ كل صباح ..فتنتعش بها الارواح
هههههه.... شكرا ليك كتير يا فاروق على الشهادة الطيبة
والكلام اللطيف.
|
Post: #27
Title: Re: لعناية السيد/ محمد المرتضى حامد.
Author: الطيب شيقوق
Date: 10-22-2006, 01:51 AM
Parent: #26
| Quote: وغيرهم ممن "يمتهنون" الكتابة من سودانيين وعرب. |
الفاروق - لا جناح عليكم فيما عرضتم به من خطبة النساء .
بس التعريض هنا بيخرب بلد. شنو سودانيين وعرب يعني؟
الاخت تماضر كفارة ليك وربنا يواليك بالعافية
الاخ ابو بكر طلاتك بقت حولية
ود المرتضى انت بتتنسي ما انت روحنا وحبنا
الاخ عاصم انت في بوستات طلتك ليها بتذكرنى عمنا الطيب ود شيقوق (هبوب الليل) ايام الاعياد بلبس توبه السمح وبدى الحلة شقة من صعيد لسافل ومن صباح لغرب وبس من بعيد هوى يا ناس المرتضى وفاروق وممكونة وتماضر وود القرشى والرحمابي وقرض العيد مبارك عليكم والعفو وهكذا يمر الحلة كلها اصلا ما بجلس مع حد يجى راجع بيته ويلقى عمتنا فاطنة بت الضو جالسة منتظراهو بالقهوة هى بتحبه وما بتفارقه ذكرتنى حب الحنا لود البنا .
نحن زمان يا المرتضى ايام كنا صغار وفي ايام البرد الشديد (السقط) بنجى بدرييييييييي (دقش) لعمتنا فاطنة بت الضو دى اى واحد فينا لابس فتيقه ( تويب حق دمورية ) وتولع لينا النار عشان نتدفى فيها بحطب الهجليج مش الطلح !!! وتعمل الشاى وتوزعه لينا . انا كنت بغنى ليها في بنتها الجميلة آمنة بقول ( حرام تنسينا يا امنة ..) - اعتقد تغنى بها عبد العظيم حركة.
اها يا اهلنا كل عام وانتم بالف خير .
|
Post: #29
Title: كل سنة و إنتو طيبين..
Author: mamkouna
Date: 10-22-2006, 09:16 AM
Parent: #1
الأعزاء..
محمد المرتضى حامد..
الطيب شيقوق..
أحمد القرشي..
فاروق حامد..
الجيلي..
قرض..
أبو العزائم..
عاصم البنا..
و ست البنيات..طمطم..
(( سلامتك..ألف ألف سلامة ))
كل سنة و إنتو طيبين..
ربنا يحقق أمانيكم..
ويديكم الفي مرادكم.
|
Post: #30
Title: Re: كل سنة و إنتو طيبين..
Author: HAYDER GASIM
Date: 10-22-2006, 09:51 AM
Parent: #29
الاخ محمد المرتضى
قالوا متألم شوية ... ياخي بعد الشر عليك ,
فببركة قبايل العيد السعيد ... تصح وتتعافى ,
أتاريكم أنتم هؤلاء الاجملين ... الذين يشرحون
فى الأغنية السودانية ليتحققوا من أي غددها يسيل
الحزن ... مشروع جميل للفرح هذا ... يتآلف مع
تكويننا النفسي ... الذي لا يقيم للفرح بالا ...
ما لم تتدلى منه خيوط حزن ... فالحزن عندنا هو
المعادل المعنوي للنبل ... وهو ماركتنا المسجلة
التي نطبعها على جميع منتجاتنا الذهنية والشعورية,
سأطل عليك من هناك ... وشكرا ممكونة ... وصابرة .
|
Post: #31
Title: Re: كل سنة و إنتو طيبين..
Author: الطيب شيقوق
Date: 10-23-2006, 02:42 AM
Parent: #29
Quote: كل سنة و إنتو طيبين..
ربنا يحقق أمانيكم..
ويديكم الفي مرادكم. |
الاخ الفاضلة ممكونة
وجودك معنا زاد بوستاتنا جمالا وألقا
كل عام وانت والاسرة والابناء ( ان وجدوا) بالف خير
تحياتي
الطيب
|
|